Samsung ရဲ့ အပါးဆုံးဖုန်း Galaxy S25 Edge ကတော့ မိတ်ဆက်ပြီးကတည်းက ဂယက်တွေထနေတာ ဈေးကွက်ထဲရောက်လာပြန်တော့လည်း Bad review တွေ အများပြားတက်လာတဲ့အပြင် အခုထပ်ထွက်လာတဲ့ သတင်းတွေအရဆိုရင်တော့ S25 Edge ရဲ့ ရောင်းအားက သိပ်အခြေအနေကောင်းမနေတဲ့ပုံစံကို တွေ့နေရပါတယ်။

အတွင်းလူတွေရဲ့ပြောကြားချက်အရ ဖုန်းအသစ်တစ်လုံးဟာ စျေးကွက်ထဲရောက်ပြီး ပထမသုံးပတ်အတွင်းမှာတင် ရောင်းကောင်းကြတဲ့အပြင် ‌Flagship မော်ဒယ်တွေဆို ပိုလို့တောင် ရောင်းအားမြင့်ကြပါတယ်။ ဒါပေမယ့် မေလကုန်မှာမှ ဈေးကွက်ထဲရောက်လာတဲ့ Galaxy S25 Edge ကတော့ မျှော်လင့်ထားတာထက် ရောင်းအားကျနေတာမို့ Samsung ဘက်ကတောင် ထုတ်လုပ်မှုပမာဏ လျှော့ချလိုက်တယ်လို့ ဆိုလာပါတယ်။

Samsung အနေနဲ့ Edge မော်ဒယ်ကို Plus မော်ဒယ်တွေ အစားထိုးအဖြစ် ထုတ်ခဲ့တာဆိုပေမဲ့ လက်ရှိအခြေအနေအရတော့ မှန်းချက်နဲ့ နှမ်းထွက် ကိုက်မနေပါဘူး။ ဒါကြောင့် Samsung အနေနဲ့ 2026 မှာ Plus မော်ဒယ်တွေကိုပဲ ထပ်ထားမလား၊ Edge Series ကိုပဲ ပိုကောင်းအောင်လုပ်လာမလား စောင့်ကြည့်ရမယ့်သဘောပါပဲ။

ဘွဲ့ယူတဲ့နေ့မှာ Final Project ကို ChatGPT နဲ့ရေးခဲ့ကြောင်း Laptop ဖွင့်ကြွားခဲ့တဲ့ ကျောင်းသား
အမေရိကန်က နာမည်ကြီး UCLA တက္ကသိုလ်ရဲ့ ဘွဲ့နှင်းသဘင်မှာ ကျောင်းသားတစ်ယောက်က သူ့ရဲ့ Final Project ကို ChatGPT သုံးပြီး ရေးခဲ့ကြောင်း Laptop နဲ့ ပြသခဲ့တာကြောင့် အွန်လိုင်းမှာ အတော်လေး ဂယက်ရိုက်သွားပါတယ်။
သူက ဘွဲ့ယူဖို့ စင်ပေါ်တက်ခါနီးမှာ ကင်မရာဘက်ကို Laptop လှည့်ပြီး ChatGPT နဲ့ ရေးထားတဲ့စာတွေကို ပြခဲ့တာပါ။ ဒီမြင်ကွင်းကြောင့် တချို့က သူ့ရဲ့ ရိုးသားမှုကို သဘောကျပြီး အားပေးခဲ့ကြပေမယ့် တချို့ကတော့ ပညာရေးရဲ့ ဂုဏ်သိက္ခာကို မေးခွန်းထုတ်စရာပဲလို့ ဝေဖန်ခဲ့ကြပါတယ်။
ဒါပေမဲ့ ဒီကျောင်းသားက သူ့ဘက်က စည်းကမ်းမဖောက်ခဲ့ဘူးလို့ ဆိုပါတယ်။ သူ့ရဲ့ Final Project မှာ AI Tools တွေကို သုံးခွင့်ပြုထားတယ်လို့ ပါမောက္ခတွေက ခွင့်ပြုထားပြီးသားဖြစ်တယ်လို့ သူက ပြန်လည်ရှင်းပြခဲ့ပါတယ်။
ဒီကိစ္စနဲ့ပတ်သက်ပြီး အင်တာနက်သုံးစွဲသူတွေကြားမှာ အမြင်နှစ်မျိုးကွဲနေပါတယ်။
တစ်ဖက်ကတော့ သူ့ရဲ့ ရိုးသားမှုကို ချီးကျူးပြီး ဒါက နောင်အနာဂတ်မှာ AI ကို ဘယ်လိုအသုံးချမလဲဆိုတဲ့ သင်ခန်းစာတစ်ခုပဲလို့ ဆိုကြပါတယ်။
နောက်တစ်ဖက်ကတော့ “ဒီလိုဆို ဘွဲ့ကို ကွန်ပျူတာကိုပဲ ပေးလိုက်ပါတော့လား”၊ “သူ့ဘွဲ့ကို ပြန်ရုပ်သိမ်းသင့်တယ်” ဆိုပြီး ပညာရေးရဲ့ တန်ဖိုးနဲ့ ကျောင်းသားတစ်ယောက်ရဲ့ ကြိုးစားမှုကို မေးခွန်းထုတ်နေကြပါတယ်။
AI နည်းပညာတွေခေတ်စားလာတဲ့ ဒီနေ့ခေတ်မှာ ပညာရေးစနစ်ထဲမှာ AI ကို ဘယ်အတိုင်းအတာအထိ လက်ခံသင့်တယ်လို့ ထင်ပါသလဲ? ဒီကျောင်းသားရဲ့ လုပ်ရပ်က မှန်သလား၊ မှားသလား? Comment မှာ ကိုယ့်အမြင်လေးတွေ မျှဝေပေးခဲ့ပါဦး။

Huawei ရဲ့ HarmonyOS NEXT အကြောင်း သိထားသင့်တဲ့ အဓိကအချက်များ!
Huawei ကတော့ သူတို့ရဲ့ Developer Conference (HDC 2025) မှာ နောက်ဆုံးထွက် HarmonyOS NEXT ကို တရားဝင်မိတ်ဆက်လိုက်ပါပြီ။ ဒါဟာ Android နဲ့ iOS ကို လုံးဝမှီခိုမှုမရှိတဲ့၊ ကိုယ်ပိုင် ecosystem အပြည့်အဝနဲ့လာတဲ့ OS ဖြစ်ပြီး အဓိကပြောင်းလဲမှုတွေ အများကြီးပါဝင်လာပါတယ်။ Huawei ပရိသတ်တွေနဲ့ နည်းပညာချစ်သူတွေအတွက် စိတ်လှုပ်ရှားစရာ အချက်တွေကို စုစည်းဖော်ပြလိုက်ပါတယ်။
ဉာဏ်ရည်မြင့် AI Assistant အသစ် - XiaoYi
HarmonyOS 6 မှာ အဓိကအပြောင်းအလဲကတော့ AI Assistant ဖြစ်တဲ့ XiaoYi ပါပဲ။ Huawei ရဲ့ Pangu AI model ကို အခြေခံထားတဲ့အတွက် အရင်ကလို အသံနဲ့ခိုင်းမှ လုပ်ပေးတာမျိုးမဟုတ်တော့ဘဲ ပိုမိုပြီး သဘာဝကျကျ အပြန်အလှန်တုံ့ပြန်နိုင်ပါပြီ။
၁။ Screen ပေါ်က အကြောင်းအရာတွေကို နားလည်နိုင်ခြင်း: Screen ပေါ်မှာ မြင်နေရတဲ့ စာတွေ၊ ပုံတွေကို Scan ဖတ်ပြီး ကိုယ်သိချင်တာကို ရှာပေးနိုင်ပါတယ် (Google ရဲ့ Circle to Search လိုမျိုးပေါ့)။
၂။ ရှုပ်ထွေးတဲ့ တာဝန်တွေကို လုပ်ဆောင်နိုင်ခြင်း: "ဒီပုံထဲက စာတွေကို ထုတ်ပေးပြီး အီးမေးလ်ထဲကို ကူးထည့်ပေး" ဆိုတာမျိုး ရှုပ်ထွေးတဲ့ command တွေကို တစ်ခါတည်းနဲ့ နားလည်လုပ်ဆောင်ပေးနိုင်ပါတယ်။
၃။ App တွေနဲ့ ပူးပေါင်းလုပ်ဆောင်ခြင်း: Excel data တွေကို စီမံခန့်ခွဲတာ၊ Developer တွေအတွက် App ရေးရာမှာ ကူညီပေးတာမျိုးတွေအထိ လုပ်ဆောင်နိုင်လာပါပြီ။
ဖုန်းတစ်ချက်ထိရုံနဲ့ Share လို့ရမယ့် Touch and Share
HarmonyOS 6 ရဲ့ နောက်ထပ်မိုက်တဲ့ Feature ကတော့ Touch and Share ပါ။
- ဖုန်းနဲ့ PC ကြား၊ ဖုန်းအချင်းချင်းကြား File တွေ၊ Video တွေကို တစ်ချက်ထိရုံနဲ့ စက္ကန့်ပိုင်းအတွင်း အလွယ်တကူ Transfer လုပ်နိုင်ပါပြီ။
- လူအများကြီးကို တစ်ပြိုင်တည်း File တွေ Share နိုင်သလို၊ အဖွဲ့လိုက် Project တွေလုပ်ရာမှာလည်း အရမ်းအသုံးဝင်ပါတယ်။
- Game ဆော့ဖို့ သူငယ်ချင်းကို ဖုန်းလေးထိပြီး ဖိတ်ခေါ်တာမျိုး၊ PC မှာ Edit လုပ်ထားတဲ့ Video ကို ဖုန်းထဲတန်းထည့်တာမျိုးတွေ လုပ်နိုင်မှာပါ။
နောက်ကွယ်က Ecosystem နဲ့ Cloud Architecture
ဒီ Feature တွေအားလုံးကို အကောင်းဆုံးဖြစ်အောင် နောက်ကွယ်ကနေ ပံ့ပိုးပေးထားတာကတော့ Huawei ရဲ့ အားကောင်းတဲ့ Ecosystem ပါပဲ။
HarmonyOS Ecosystem မှာ မှတ်ပုံတင်ထားတဲ့ Developer ၈ သန်းကျော်၊ App ပေါင်း ၃၀,၀၀၀ ကျော်နဲ့ Atomic Services (Install လုပ်စရာမလိုတဲ့ Mini Program) တွေ အများကြီးရှိနေပါပြီ။
Huawei ဟာ အမေရိကန်ရဲ့ ပိတ်ဆို့မှုတွေကြားကနေ ကိုယ်ပိုင်နည်းပညာဂေဟစနစ်ကို အားကောင်းအောင် တည်ဆောက်နေတာဖြစ်ပြီး၊ အခု HarmonyOS NEXT က အဲဒီကြိုးပမ်းမှုရဲ့ အရေးကြီးဆုံးခြေလှမ်းတစ်ခုပါပဲ။
ခြုံပြောရရင် HarmonyOS NEXT ဟာ Huawei အတွက်ရော၊ နည်းပညာလောကအတွက်ပါ ကြီးမားတဲ့ခြေလှမ်းသစ်တစ်ခုပါပဲ။ ကိုယ်ပိုင် AI၊ ကိုယ်ပိုင် OS နဲ့ တကယ့်ကို ပြိုင်ဆိုင်မှုပြင်းထန်တဲ့ Ecosystem တစ်ခုကို တည်ဆောက်လိုက်တာပါ။
Huawei ရဲ့ ဒီခြေလှမ်းသစ်အပေါ် ဘယ်လိုမြင်ကြလဲ? HarmonyOS ကို စမ်းသုံးကြည့်ချင်ကြလား? Comment မှာ ဝင်ဆွေးနွေးပေးသွားဦးနော်။

”သူဖုန်းခေါ်မှာ စောင့်နေတာလား” တို့ “ညတွေဆိုတာ လွမ်းလို့ဖြစ်လာတာ” တို့ “Monday ရောက်မှာကို ကြောက်နေပြီလား” တို့ Noti တွေကျတော့ off ထားလို့လည်းမရတဲ့အပြင် ဝင်မဖတ်ရင်တောင် ပေါ်နေတာမျိုးပေါ့...
Reuters Institute ရဲ့ လေ့လာမှုအရ လူ 100 မှာ 79 ယောက်က သတင်းအချက်အလက်တွေ ပေးပို့တဲ့ Noti Alert တွေကို ပိတ်ထားလေ့ရှိတာကို တွေ့ရတဲ့အပြင် အဲဲဒီလူတွေကပဲ သတင်းတွေကို Up to date မသိရဘူးလို့ ပြောလေ့ရှိတယ်လို့ ဆိုပါတယ်။ ဒါပေမဲ့ 43% လောက်ကတော့ noti တွေဝင်တာက စိတ်အနှောက်အယှက်ဖြစ်တာကြောင့် ကိုယ်တိုင်ပိတ်ထားတယ်လို့ တွေ့ရပါတယ်။
Noti off ထားရတဲ့ အဓိကအကြောင်းအရင်းတွေထဲက တစ်ချက်က Noti တွေ ဖောင်းပွတာကြောင့်လို့ဆိုပါတယ်။ တစ်ချို့သော သတင်းဌာနတွေက တစ်ရက်ကို 15 ခါထက် မနည်းပေးပို့ကြတယ်လို့ ဆိုပါတယ်။ အဲ့ဒီသတင်းတွေဟာ အရေးကြီးတဲ့အကြောင်းအရာမပါသလောက်ရှိပြီး တခါတလေကျ သတင်းတစ်ခုကိုပဲ ထပ်ခါ ထပ်ခါပို့တာတွေလည်း ရှိပါသေးတယ်။
ဒါကြောင့် သတင်းတွေက မှန်လားမမှန်လားဆိုတာကို ဆုံးဖြတ်ရခက်ခဲရတာတစ်ကြောင်း နေ့စဉ်ဘဝမှာ အနှောက်အယှက်တစ်ခုအနေနဲ့ ဖြစ်လာရတာတစ်ကြောင်းကြောင့် ပိတ်ထားကြတာများတယ်လို့ တွေ့ရှိရပါတယ်။ ဗြိတိန်မှာဆိုရင် Google news နဲ့ Apple news တို့က တူညီတဲ့သတင်းတစ်ခုကိုပဲ 5 မိနစ်တစ်ခါ အပြိုင်ပို့နေတာကြကြောင် Noti alert တွေ ပိတ်ထားရတယ်လို့လည်း ဆိုထားကြပါတယ်။
ဒါပေမဲ့လည်း ကမ္ဘာကြီးဘာတွေဖြစ်ပျက်နေသလဲချိတ်ဆက်ဖို့အပြင် အရေးကြီးသတင်းတွေဖြစ်တဲ့ မိုးလေဝသသတင်းတွေနဲ့ နိုင်ငံရေးသတင်းတွေဆိုတာကတော့ အမြဲအဆက်မပြတ်သိနေသင့်တဲ့ သတင်းတွေဖြစ်တာကြောင့် ယုံကြည်စိတ်ချရတဲ့ website တွေ Resouces တွေက Noti alert တွေကို အမြဲ On ပေးထားဖို့တော့ လိုပါလိမ့်မယ်။
အခရာပရိတ်သတ်တွေရော noti off ထားတဲ့သူတွေလား Facebook နဲ့ TikTok မှာပဲ သတင်းကြည့်ကြတဲ့သူတွေလား noti တွေနဲ့ပတ်သက်ပြီး ကောင်းလား ဆိုးလား ဘယ်လိုအမြင်တွေရှိလဲဆိုတာ ပြောသွားကြပါဦးခင်ဗျာ...

Solo Vs Squad Game Play Highlight : Streamer Zero

https://youtu.be/Kh7w44P9CEw?si=qmlxTNApzcwBrJB6

Funny video

ဟူးမန်းမ ဝုကိုလှအောင်ပြင်ပေးနော်

သောကြာနေ့မှာ ဘိုတာဖိုဂိုက ပီအက်စ်ဂျီကို အနိုင်ယူခဲ့တယ်။
စနေနေ့မှာ ဖလာမင်ဂိုက ချယ်လ်ဆီးကို အနိုင်ယူခဲ့တယ်။
ဥရောပရဲ့ ချန်ပီယံတွေကို ဘရာဇီးလ်ကလပ်တွေက အနိုင်ယူခဲ့ပြီး ရလဒ်တွေကောင်းနေတာပါ။ ကလပ်ကမ္ဘာာ့ဖလားပြိုင်ပွဲမှာ ဘရာဇီးလ်အသင်းတွေ လုံး၀မရှုံးသေးဘဲ ဖလာမင်ဂိုက နောက်တဆင့်တက်ခဲ့ပြီဖြစ်ကာ ကျန်အသင်းတွေလည်း အခြေအနေကောင်းနေပါတယ်။
ရာသီဥတုပူပြင်းမှုက တောင်အမေရိကအသင်းတွေကို အားသာချက်တခုအဖြစ် ရှိနေစေခဲ့ပုံရပါတယ်။ တော်တော်လေးကို သူတို့က လုပ်ပြနေတာဖြစ်ပြီး အသင်းကြီးတွေအတွက်တော့ သတိထားရမယ့် အနေအထားပါပဲ။

ပြီးခဲ့တဲ့ရာသီကမှ ဘိုင်ယန်မြူးနစ်အသင်းကို ရောက်လာခဲ့တဲ့ အိုလစ်ဆီက အခုအချိန်မှာလည်း အရင်ကလိုပဲခြေစွမ်းကောင်းတွေကို ဆက်လက်ပြသနေခဲ့ပါတယ်။ ပြီးခဲ့တဲ့ဘောလုံးရာသီက ဘိုင်ယန်မြူးနစ်အသင်းအတွက် 19 ဂိုးသွင်း၊ ဂိုး 20 ဖန်တီးနိုင်ခဲ့တဲ့ အိုလစ်ဆီက Club World Cup ပြိုင်ပွဲမှာလည်း ခြေစွမ်းပြနေခဲ့တာပါ။
ဘိုကာဂျူနီယာအသင်းနဲ့ကစားခဲ့‌တဲ့ပွဲစဉ်မှာ မိနစ် 80 ကျော်ထိ သရေကျနေခဲ့ပေမယ့် အိုလစ်ဆီရဲ့နောက်ကျဦးဆောင်ဂိုးကြောင့်ပဲ ဘိုင်ယန်မြူးနစ်အသင်းဟာ နောက်တစ်ဆင့်တက်ရောက်နိုင်ခဲ့ပါပြီ။ ဒီဂိုးကြောင့်ပဲ အိုလစ်ဆီဟာ Club World Cup ပြိုင်ပွဲမှာ 2 ပွဲကစားပြီး 3 ဂိုးသွင်းယူကာ 2 ဂိုးအထိဖန်တီးပေးနိုင်ခဲ့ပြီလည်းဖြစ်ပါတယ်။

ဂျေလိဂ်ကလပ် အူရာ၀ရာနဲ့ပွဲမှာ အင်တာအတွက် မာတီနက်ဇ်က ချေပဂိုးသွင်းပေးနေတာပါ။ ထောင့်ကန်ဘောက ကန်တင်ပေးလိုက်တာကို ပြိုင်ဘက်ခံစစ်မှူးတွေကြားကနေ နောက်ပြန်ကန်ချက်နဲ့ ကန်သွင်းပြီး အဖိုးတန်ချေပဂိုးရယူပေးနိုင်ခဲ့ပါတယ်။
၁၈ ကိုက်စည်းထဲမှာဆိုရင် ကြောက်စရာကောင်းပြီး ကြုံသလိုဂိုးသွင်းနိုင်စွမ်းရှိတဲ့ မာတီနက်ဇ်ရဲ့ စွမ်းဆောင်ရည်ကောင်းပါပဲ။ ဒီဂိုးကြောင့်ပဲ အင်တာ အသက်ရှူချောင်ခဲ့ရတာပါ။ ဒါတောင်မှ အနိုင်ဂိုးကို နာကျင်အချိန်ပိုမှ သွင်းနိုင်ခဲ့ပြီး နိုင်ပွဲရခဲ့ပါတယ်။