#ယနေ့ထုတ်သတင်းစာ_သတင်း
◼ ဖားကန့်တွင် ကျောက်စိမ်းလုပ်ကွက်ထဲ မြေစာပုံပိ၍ ရေမဆေးကျောက်ရှာသူနှစ်ဦး ပျောက်ဆုံးနေ
ကချင်ပြည်နယ်ဖားကန့်မြို့နယ် ဆိပ်မူကျေးရွာအုပ်စုရှိ ကျောက်စိမ်းလုပ်ကွက်တစ်ခုတွင် မြေစာပုံပိ၍ရေမဆေးကျောက်ရှာသည့် အမျိုးသားနှစ်ဦး ပျောက်ဆုံးနေကြောင်း ဒေသခံများထံမှ သိရသည်။
၎င်းတို့နှစ်ဦးမှာ မှော်ရှန်ကျေးရွာက ကိုဇော်အောင်နှင့် ကိုအားစန်းဆိုသူဖြစ်ပြီး ဇွန် ၂ဝ ရက် ညပိုင်းက ကျောက်ရှာရန် ထွက်သွားခြင်းဖြစ်ပြီး ပြန်မလာသောကြောင့်လိုက်ရှာစဉ် မြေစာပုံပြိုကျသည့်နေရာတွင် ၎င်းတို့ယူဆောင်သွားသည့် မျောဖတ်နှစ်ဖတ်အား ရှာတွေ့ခဲ့ကြောင်း သိရသည်။
ဒေသခံများနှင့်ကူညီကယ်ဆယ်ရေးအဖွဲ့များက မြေစာပုံအရှိန်ကြောင့် သေဆုံးသွားနိုင်ခြေရှိကြောင်းယူဆနေပြီး ဇွန် ၂၁ ရက် နံနက်ပိုင်းအထိ ရှာဖွေကယ်ဆယ်ရေးလုပ်ဆောင်လျက်ရှိကြောင်း သိရသည်။
ဓာတ်ပုံ -Tarlin Mg

#ယနေ့ထုတ်သတင်းစာ_နိုင်ငံတကာသတင်း
◼ ယူကရိန်း၌ကြားခံဇုန်ထားရှိရေးအတွက် ဆူမီကိုသိမ်းပိုက်နိုင်ကြောင်း ပူတင်ပြောကြား
သီအိုရီသဘောအရ ယူကရိန်းနိုင်ငံတစ်နိုင်ငံလုံးကို ရုရှားနိုင်ငံက ပိုင်ကြောင်း ရုရှားသမ္မတပူတင်က ဇွန် ၂ဝ ရက်တွင် ထုတ်ဖော် ဖော်ပြောကြားလိုက်သည်။
ယင်းအပြင် ရုရှား-ယူကရိန်းနယ်စပ်တစ်လျှောက် ကြားခံဇုန်ထားရှိရေး အစီအစဉ်အရ ယူကရိန်းနိုင်ငံဆူမီမြို့ကို ရုရှားတပ်များ သိမ်းယူနိုင်ကြောင်း သမ္မတပူတင်က ပြောကြားခဲ့သည်။
ရုရှားသမ္မတ၏ အထက်ပါပြောကြားချက်များကို ယူကရိန်း နိုင်ငံခြားဝန်ကြီးဌာနက ပြင်းပြင်းထန်ထန်ရှုတ်ချခဲ့ပြီး ရုရှားအစိုးရ၏ အထက်ပါသဘောထားများမှာ အမေရိကန်ပြည်ထောင်စု၏ ငြိမ်းချမ်းရေးကြိုးပမ်းမှုများကို မထီမဲ့မြင်ပြုနေသည့် သဘောထားများဖြစ်ကြောင်း ဝေဖန်ထားသည်။
လက်ရှိအချိန်တွင် ရုရှားတပ်များသည် ကရိုင်းမီးယားကျွန်းဆွယ်ဒေသ အပါအဝင်ယူကရိန်းတစ်နိုင်ငံလုံး၏ ငါးပုံတစ်ပုံခန့်ကိုထိန်းချုပ်ထားပြီးဖြစ်သည်။
သီအိုရီသဘောအရမိမိအနေဖြင့် ရုရှားနိုင်ငံသားများနှင့် ယူကရိန်းနိုင်ငံသားများကို တစ်ခုတည်းသောလူမျိုးအဖြစ် မှတ်ယူထားရာ ယူကရိန်းတစ်နိုင်ငံလုံးကို ရုရှားနိုင်ငံကပိုင်ဆိုင်သည်ဟု ယူဆနိုင်ကြောင်း ရုရှားသမ္မတပူတင်ကစိန့်ပီတာစဘတ် နိုင်ငံတကာစီးပွားရေးဖိုရမ်၌ ပြောကြားခဲ့သည်။
သို့ရာတွင် ရုရှားနှင့်ယူကရိန်းနိုင်ငံသားများအား တစ်ခုတည်းသော ပြည်သူလူထုအဖြစ်ညွှန်းဆိုမှုကို ယူကရိန်းသမ္မတဇီလန်စကီးက အကြိမ်ကြိမ်ငြင်းပယ်ခဲ့ပြီးဖြစ်သည်။
လက်ရှိဖြစ်ပွားဆဲစစ်ပွဲကို အဆုံးသတ်နိုင်ရေးအတွက် ယူကရိန်းနိုင်ငံအနေဖြင့် မြေပြင်အခြေအနေမှန်ကို လက်ခံပေးရန်လိုအပ်ကြောင်းလည်း ရုရှားသမ္မတပူတင်က စိန့်ပီတာစဘတ်နိုင်ငံတကာစီးပွားရေးဖိုရမ်၌ ပြောကြားခဲ့သည်။
ရိုက်တာ

#ယနေ့ထုတ်သတင်းစာ_သတင်း
◼ ထိုင်းနိုင်ငံသားက မြန်မာလုပ်သားများအား သေနတ်ဖြင့် ပစ်ခတ်မှုဖြစ်ပွား၊ တစ်ဦး သေဆုံး၊ တစ်ဦး ဒဏ်ရာရ
ထိုင်းနိုင်ငံ ဗန်ကောက်မြို့ စမွတ်ပရကန်ခရိုင်တွင်အနီး ဇွန် ၁၈ ရက်ညပိုင်းက ဝိုင်းဖွဲ့စားသောက်နေသည့် မြန်မာနိုင်ငံသားများကို ထိုင်းနိုင်ငံသားတစ်ဦးက သေနတ်ဖြင့်ပစ်ခတ်မှုကြောင့် တစ်ဦးသေဆုံးပြီး တစ်ဦးဒဏ်ရာရကြောင်း ထိုင်းသတင်းဌာနများတွင် ဖော်ပြသည်။
ဖပဲဒဲန်ဒေသ ဘန်းကစိုနေရာတွင် မြန်မာအလုပ်သမားများနေထိုင် ရာအခန်းများရှေ့ အတူဝိုင်းဖွဲ့စားသောက်၍ စကားပြောနေကြစဉ် ထိုင်းနိုင်ငံသားကအခန်းတွဲရှေ့သို့ လာရောက်ပြီး သေနတ်ဖြင့် ရှစ်ချက်ခန့် ပစ်ခတ်ခဲ့ခြင်းဖြစ်ကြောင်း သိရသည်။
သေနတ်ပစ်ခတ်ခံရမှုကြောင့် အသက်(၃၄)နှစ်အရွယ် မဝေဝေလွင် နှင့် အသက်(၁၈)နှစ်အရွယ် မောင်ရန်ပိုင်တို့နှစ်ဦး ကျည်ထိမှန်ဒဏ်ရာရရှိခဲ့ပြီး ကယ်ဆယ်ရေးအဖွဲ့များက ဒဏ်ရာရရှိသူများကို နီးစပ်ရာဆေးရုံသို့ ပို့ဆောင်ပေးစဉ် မဝေဝေလွင်မှာ လမ်း၌ပင် သေဆုံးခဲ့ကြောင်း သိရသည်။
သေနတ်ဖြင့် ပစ်ခတ်သူသည် အသက်(၅၂)နှစ်အရွယ် ထိုင်းနိုင်ငံ သားတစ်ဦးဖြစ်ပြီး အခင်းဖြစ်ပွားချိန်တွင်အရက်မူးနေကာ ပစ်ခတ်မှုဖြစ်ပြီး နာရီပိုင်းအကြာတွင် အဆိုပါထိုင်းနိုင်ငံသားကို ဖပဲဒဲန်ဒေသထဲတွင်ပင် ရဲတပ်ဖွဲ့ကသေနတ်၊ ကျည်ဆံ သက်သေများနှင့်အတူ ဖမ်းဆီးနိုင်ခဲ့ပြီးဖမ်းဆီးခံရချိန်အထိ အရက်မူးနေသေးကြောင်း ထိုင်းသတင်းများတွင် ဖော်ပြထားသည်။
လူသတ်မှု၊ လူသတ်ရန်ကြံစည်မှုနှင့် အများပြည်သူနှင့်သက်ဆိုင်သော နေရာများတွင်သေနတ်ကိုင်ဆောင်ထားမှုဖြင့် ထိုင်းနိုင်ငံသားကို အမှုဖွင့်အရေးယူထားပြီး ဖပဲဒိန်ရဲစခန်းတွင် ထိန်းသိမ်းထားကြောင်း သိရသည်။
ဓာတ်ပုံ - CH 8

#နိုင်ငံတကာသတင်း
◼နျူကလီးယားခြိမ်းခြောက်မှုကို ရပ်တန့်ရန်အီရန်ကိုတိုက်ခိုက်ရခြင်းဖြစ်ကြောင်းထရန့်ပြော
စနေနေ့(မြန်မာစံတော်ချိန်ယနေ့နံနက်အစောပိုင်း)တွင် အီရန်နျူကလီးယားစက်ရုံသုံးနေရာကို တိုက်ခိုက်ရခြင်း၏ ရည်ရွယ်ချက်မှာ နျူကလီးယား ခြိမ်း ခြောက်မှုကို ရပ်တန့်ရန် ဖြစ်ကြောင်း အမေရိကန်သမ္မတဒေါ်နယ်ထရန့် က ပြောကြားသည်။
အမေရိကန်၏ ရည်ရွယ်ချက်မှာ အီရန်၏ နျူကလီးယား သိုလှောင်သန့်စင်မှု စွမ်းရည်ကို ဖျက်ဆီးခြင်း နှင့် အ ကြမ်းဖက်မှုကိုအားပေးနေသည့် ကမ္ဘာ့နံပါတ်(၁)နိုင်ငံ၏ နျူကလီးယား ခြိမ်းခြောက်မှု ကို ရပ်တန့်ရန် ဖြစ် ကြောင်း အိမ်ဖြူတော်၌စနေနေ့ ညမိန့်ခွန်းတွင်ထရန့် က ပြောကြားသည်။
“ အမေရိကန်သေဆုံးရမယ်၊အစ္စရေးသေဆုံးရမယ်’လို့အီရန်ကနှစ်ပေါင်း ၄၀ လောက် ပြောလာခဲ့တာပါ။ လမ်းမိုင်းတွေနဲ့ကျွန်တော်တို့ပြည်သူတွေကိုသတ် ဖြတ်နေတယ်၊သူတို့ရဲ့ကိုယ်လက်အင်္ဂါတွေကိုထိခိုက်ဆုံးရှုံးစေခဲ့တယ်။ အဲဒါက သူတို့ကျွမ်းကျင်တဲ့အရာပဲ၊ အမေရိကန်ပြည်သူပေါင်း ၁၀၀၀ ကျော် ဆုံးရှုံးခဲ့ရပြီး သူတို့ရဲ့ အမုန်း တရားကြောင့် အရှေ့အလယ်ပိုင်းနဲ့ ကမ္ဘာတဝှမ်းက လူပေါင်း သိန်းနဲ့ချီ သေဆုံးခဲ့ရပါတယ်။” ဟု ထရမ့်က ပြော ကြားခဲ့သည်။
ထို့နောက်လုပ်ကြံခံခဲ့ရသည့် အီရန် ဗိုလ်ချုပ်ကာဆမ်ဆိုလိုင်မာနီက လူအများအ ပြားကို သတ်ဖြတ်ခဲ့ ကြောင်း ထရန့်ကပြောသည်။
ဆိုလိုင်မာနီကို သုတ်သင်ရေး ၂၀၂၀ ပြည့်နှစ် ဇန်နဝါရီလတွင် အီရတ်၌ တိုက် ခိုက်မှုတစ်ခု ပြုလုပ်ရန် သမ္မတထရန့် က အမိန့်ပေးခဲ့ပြီးယင်းဆုံးဖြတ်ချက်မှာအီရန်အားဟန့်တားရန် ရည်ရွယ်ကြောင်း၎င်းက ထိုစဉ်က ပြော ကြား ခဲ့သည် ။
"ဒီလိုတွေမဖြစ်ရအောင် ကျွန်တော်ဆုံးဖြတ်ခဲ့တာ ကြာပြီ၊ ဒီလိုဆက်ဖြစ်တော့မှာမဟုတ်ဘူး။" ဟုထရန့် က စနေနေ့တွင်ပြောကြားခဲ့သည်။
ထို့ပြင်အံ့အားသင့်ဖွယ်လုပ်ဆောင်ချက်များအတွက် အစ္စရေးစစ်တပ်ကို ကျေး ဇူးတင်ကြောင်း အမေရိကန်သမ္မတ ဒေါ် နယ်ထရန့်ကပြောကြားပြီးဆယ်စုနှစ်များစွာအတွင်း ကမ္ဘာက မမြင်ဖူးသေးသောကျေနပ်ဖွယ်စစ်ဆင်ရေး အတွက် အမေရိကန်စစ်သည်များကို ချီးကျူးဂုဏ်ပြုခဲ့သည်။
“ဒီည ကျွန်တော်တို့လုပ်ခဲ့သလို လုပ်နိုင်တဲ့ စစ်တပ်ကမ္ဘာပေါ်မှာ မရှိဘူး။ ပူးတွဲစစ်ဦးစီးချုပ်များဥက္ကဌဖြစ်တဲ့ အံ့ မခန်းစစ်ဗိုလ်ချုပ်ကြီးဒန်ရာဇင်ကိန်းနဲ့ ဒီတိုက်ခိုက်မှုမှာ ပါဝင်ပတ်သက်ခဲ့တဲ့ ထက်မြက်တဲ့ တပ်မတော် သား အား လုံးကိုလည်း ဂုဏ်ပြုချင်ပါတယ်။"ဟု ထရန့်က၎င်း၏ ထိပ်တန်းစစ်ခေါင်းဆောင်ကို ချီးကျူး စကား ဆက် ပြောခဲ့ သည်။
အီရန်ကအင်အားသုံးတုံ့ပြန်လာပါကပိုမိုပြင်းထန်သည့်အမေရိကန်၏ လက် တုံ့ ပြန်မှုနှင့်ရင်ဆိုင်ရလိမ့်မည်ဟုလည်းသမ္မတထရန့်ကသတိပေးပြောကြားခဲ့သည်။
သတင်း-လင်းခေတ်
ကိုးကား-CNN

#နိုင်ငံတကာသတင်း
◼ အီရန်၌ ပိတ်မိနေသောနိုင်ငံသားများ အချိန်ကြာ ခိုလှုံနေထိုင်ရေး ပြင်ဆင်ထားသင့်ကြောင်း အမေရိကန် နိုင်ငံခြားရေးဌာန သတိပေး
အီရန်မှ မထွက်ခွာနိုင်သေးသော အမေရိကန်နိုင်ငံသားများအနေဖြင့်အချိန်ကြာ ခိုလှုံနေထိုင်ရေး အသင့်ပြင် ထားသင့်ကြောင်းနှင့် တိုက်ရိုက်ထွက်ခွာနိုင်ရေးအတွက်အစိုးရ၏ အကူအညီကို မမျှော်လင့် ထားကြရန် အမေရိကန် နိုင်ငံ ခြားရေးဌာနက သတိပေးထားသည်။
အမေရိကန်သည် အီရန်၌ သံတမန်ရေးအရ ရပ်တည်ရှိမှု မရှိဘဲအီရန်ရှိ အမေရိကန် နိုင်ငံသားများကို ကူညီပေး သည့် ဆွစ်ဇာလန်သည်လည်း ၎င်း၏ အ ကာအကွယ်ပေးရေးရုံးကို နောက်ထပ် အသိပေးချက် မထုတ်မချင်း ပိတ်ထား သည်။
အီရန်၌ရှိသည့် အမေရိကန် နိုင်ငံသားများအတွက် ကောင်စစ်အကူအညီနှင့်ပတ်သက်သည့် အချက်အလက်များ ပေးပို့နိုင်ရန် ဌာနက အကျပ်အတည်းဆိုင်ရာစာရင်းသွင်းမှုကို ဖွင့်ထားသော်လည်းအီရန်နိုင်ငံရှိ ကောင်စစ် ဝန်ပံ့ ပိုးမှုဆိုင်ရာ ကန့်သတ်ချက်များကြောင့် အမေရိကန်အစိုးရ၏ တိုက်ရိုက်အကူအညီဖြင့် အီရန်မှ ထွက်ခွာမှုကို မျှော်လင့်နိုင်မည်မဟုတ်ကြောင်း နိုင်ငံခြားရေးဌာန၏တနင်္ဂနွေနေ့အသိပေးချက်တွင် ဖော်ပြထားသည်။
အမေရိကန်-အီရန်နှစ်နိုင်ငံသားခံယူထားသူများသည်အီရန်နိုင်ငံကူးလက်မှတ်ဖြင့် ထွက်ခွာရမည်ဖြစ်ပြီး အီရန်မှ မထွက်ခွာမီ စစ်ဆေးရေးဂိတ်များနှင့် အာ ဏာပိုင်များထံမှစစ်ဆေးမေးမြန်းမှုများအတွက် ပြင်ဆင်ထားသင့် ကြောင်းလည်းအမေရိကန်နိုင်ငံခြားရေးဌာနက အကြံပြုထားသည်။
အီရန်အစိုးရက နိုင်ငံသားနှစ်မျိုးကို အသိအမှတ်မပြုဘဲနှစ်နိုင်ငံသားခံယူထားသူများကို အီရန်နို င်ငံသား များအဖြစ်သာ ဆက်ဆံလိမ့်မည်ဟု လမ်းညွှန်ချက်တွင် ဖော်ပြထားသည်။
အစ္စရေးနှင့်ပဋိပက္ခများ အရှိန်မြင့်လာခြင်းကြောင့်အမေရိကန်နိုင်ငံသားရာပေါင်းများစွာ အီရန်မှ ထွက်ပြေးနေ ကြကြောင်း CNN သတင်းဌာနက ပြီးခဲ့သည့်သောကြာနေ့တွင် ဖော်ပြခဲ့သည်။
လက်ရှိ၌အမေရိကန်ကအီရန်နျူကလီးယားအဆောက်အဉီများအားယမန်နေ့တွင်တိုက်ခိုက်ခဲ့ခြင်းကြောင့်အီရန်၌ပိတ်မိနေသောအမေရိကန်နိုင်ငံသားများအပေါခြိမ်းခြောက်မှုများပိုမိုကြီးထွားလာခဲ့သည်။
ပုံစာ- အီရန်မှထွက်ခွာနေမှုကြောင့်တီဟီရန်မြို့တော်လမ်းမများတွင်ယာဉ် ကြောများပိတ်ဆို့နေသည်ကိုဇွန် ၁၅ ရက်ကတွေ့ရစဉ်၊
သတင်း-လင်းခေတ်
ကိုးကား- CNN

ထိုင်းမြေပေါ်မှာ ပထမဆုံး TKO ရလာဒ်နဲ့ နိုင်ပွဲရတဲ့ နော်ဥမ္မာစိုး
---------
ဒီတစ်ခါတော့ မွေထိုင်းပွဲ ဖြစ်နေတာရယ် ၊ သူမရဲ့ ပုံမှန် ကစားပုံအတိုင်း ကစားတဲ့အတွက် ကြည့်ရတာ အတော်ကောင်းလွန်းပါတယ်။
တိုက်ကွက်စုံတယ် ၊ ကန်ချက် ထိုးချက် ၊ အဝင်အထွက် ပြောစရာ မရှိပါဘူး။
လက်အိတ်ထူလို့သာ ပြိုင်ဘက်က တောင့်ခံနေတာပါ။
နော်ဥမ္မာစိုးအတွက်တော့ ယုံကြည်မှုတွေ ထပ်မံ တိုးမြှင့်ပေးလိုက်တဲ့ ပွဲမျိုးပါပဲ။
ပွဲချိန်ကြာလာတာနဲ့အမျှ ထုတ်သုံးတဲ့ တိုက်ကွက်တွေက ပိုမို စုံလင်လာသလို ၊ ရစ်သမ်လဲ အတော်မိလာပါတယ်။
ကြိုးစားထား နော်ဥမ္မာစိုးရေ.......ကြည့်ရတာ အတော်လေး မိုက်လာပြီ။

အိုလီဗဲရား ကျောချမ်းသွားအောင်ကို လေတိုက်ပစ်လိုက်တဲ့ #တိုပူရီးယား
**********
"ချားစ် အိုလီဗဲရား က ပရော်ဖက်ရှင်နယ် ထိုးပွဲ အရေတွက်မှာ ကျနော့်ထက် အများကြီး ပိုများပါတယ် ဒါပေမယ့် ဒီအချက်က သူ့အတွက် အထောက်ပံ့ဖြစ်မယ် မထင်ပါဘူး။ ဘာလို့လဲ ဆိုတော့ ကျနော်က MMA မျိုးဆက်သစ်ကို ကိုယ်စားပြုတဲ့သူလေ။
ဒီကစားနည်းမှာ ကျနော် ထပ်ပြီးယူဆောင်လာတဲ့ Skills တွေက လုံး၀ထူးခြားပါတယ်။
ဘိုကာနော့ဗ်စကီး ၊ မက်ဇ် ဟော်လိုဝေးတို့ဆိုရင် ကျနော့် စကားတွေက အရူးချီးပန်း လျှောက်ပြောနေတယ်တောင် ထင်ခဲ့ကြတာပါ။ ဒါပေမယ့် နောက်ဆုံးမှာတော့ အမှန်တရားတွေပဲ ပြောခဲ့တယ် ဆိုတာ သူတို့ သဘောပေါက်သွားခဲ့ပါတယ်။
ကျနော့် ရဲ့ ရှေ့မှာ ဘယ်လိုပြိုင်ဘက်မျိုးပဲ ရှိနေပါစေ ပြသနာ မရှိပါဘူး။ ချားစ် အိုလီဗဲရား က ကျနော့်ထက် ပိုသာနေတဲ့ အချက် တစ်ခုမှ မရှိပါဘူး။
ကျနော်က အရမ်းကို ပြီးပြည့်စုံတဲ့ ဖိုက်တာပါ။ ပုံစံမျိုးစုံနဲ့ ထိုးပြနိုင်လို့ ၊ ဘယ်လို အခင်းကျင်းမျိုးမှာပဲဖြစ်ဖြစ် အသက်ရှုချောင်မှာ မဟုတ်ပါဘူး။ တစ်ပွဲလုံးကို စိုးမိုးပြပါမယ်။
ကျနော် က ပြိုင်ဘက်ရဲ့ ကစားပုံကိုကြည့်ပြီး လိုက်ကစားတဲ့သူ မဟုတ်ပါဘူး။ သူတို့က ကိုယ့်ကစားဟန်ကြည့်ပြီးပဲ လိုက်ကစားအောင် လုပ်တဲ့သူပါ။ ဒါကြောင့် ရှုံးပွဲမရှိ ချန်ပီယံ အဖြစ်နဲ့ကို ရပ်တည်ပြနေတာလေ။ သူ့မှာ အဲဒီလို မှတ်တမ်းမျိုး မရှိတော့ပါဘူး။
သူ့ရဲ့ ရှုံးပွဲက ၁၀ ပွဲကြီးများတောင်ရှိတယ် ၊ ကျနော့်မှာက အခုထိ ဘဲဥဖြစ်နေတုန်းပါပဲ။
သူ့ကို လေးစားမှု အပြည့်ရှိပါတယ် ၊ ဒါပေမယ့် အမှန်ကန်ကြိတ်ပြသွားမှာပါ။ ကျနော် ဘယ်လိုပုံစံမျိုးတွေ လုပ်မှာလဲ ဆိုတာ ပရိသတ်တွေလဲ သိပါတယ်။
ပထမချီနဲ့ကို ပွဲသိမ်းပြမှာပါ။"
တိုပူရီးယား

ဘောနပ်ဆု ထိုက်ထိုက်တန်တန်ချီးမြင့်မယ်လို့ ကြေငြာလိုက်တဲ့ ဒေနာ၀ှိုက်
--------------
မနေ့ည ကာနယ်လို နဲ့ ကရောဖို့ဒ် တို့ဟာ မီဒီယာတွေ ၊ ပရိသတ်တွေ ရှေ့မှောက်မှာ သတင်းစာရှင်းလင်းပွဲ လုပ်ခဲ့ပါတယ်။
ဒီသတင်းစာရှင်းလင်းပွဲကို ဆော်ဒီသူဌေးကြီး တာကီ အလာဆိခ် ကိုယ်တိုင် တက်ရောက်သလို ၊ UFC ရဲ့ ပဲ့ကိုင်မောင်းနှင်သူကြီး ဒေနာ၀ှိုက်လဲ တက်ရောက်ခဲ့ပါတယ်။
ကာနယ်လို က အသက် ၃၄ နှစ် ၊ စုစုပေါင်း ၆၅ ပွဲ ထိုးထား ၊ ၆၃ ပွဲ နိုင် ၊ ၂ ပွဲ သရေ ၊ ၂ ပွဲ ရှုံး ၊ ၃၉ ပွဲ အလဲထိုးပြထားသူပါ။ ဒီပွဲမှာ သူပိုင်ဆိုင်ထားတဲ့ Ring, IBF, WBA, WBC and WBO စူပါ မစ်ဒယ်ဝိတ် ချန်ပီယံ ခါးပတ်တွေကို တင်ပြီး ထိုးမှာ ဖြစ်ပါတယ်။
ကရောဖို့ဒ် ကတော့ ဝိတ်တန်းတက်ကာ ချန်ပီယံ ခါးပတ်တွေကို စိန်ခေါ်မယ့်သူပါ။ အသက် က ၃၇ နှစ် ၊ စုစုပေါင်း ၄၁ ပွဲ ထိုးထား ၊ ရှုံးပွဲ လုံး၀ မရှိ ၊ ပွဲစဉ် အကုန်လုံးကို နိုင် ၊ ၃၁ ပွဲက အလဲထိုး မှတ်တမ်းတွေနဲ့ ဖြစ်ပါတယ်။
ဒေနာ၀ှိုက် ကတော့ ဒီပွဲဟာ Boxing ပွဲ ဖြစ်နေသည့်တိုင်အောင် သူ့ရဲ့ UFC ပွဲစဉ်တွေလိုပဲ ဘောနပ်ဆု ချီးမြှင့်မယ့် အစီစဉ်ရှိတယ်လို့ ဆိုလိုက်ပါတယ်။ ချီးမြှင့်မယ့် ဘောနပ်ကလဲ ကိန်းဂဏန်း ၆ လုံးထိရှိတယ်လို့ အစပျိုးသွားပါတယ်။
ပမာဏ အတိကျ မပြောသေးပေမယ့် သူ့စကားနဲ့တင် ဘောနပ်ဆုက ဒေါ်လာ သိန်းဂဏန်း တန်ဖိုးရှိမယ်ဆိုတာ သိသာနေပါပြီ။
ဒီမက်လုံးက ဖိုက်တာတွေရဲ့ စွမ်းဆောင်ရည်ပေါ် ဘယ်လောက်ထိ လွှမ်းမိုးမှု ရှိမလဲ ဆိုတာ စောင့်ကြည့်ရတော့မှာ ဖြစ်ပါတယ်။
စက်တင်ဘာ ၁၃ ရက် ၊ လက်စ်ဗီးဂက်စ် က Allegiant Stadium မှာ ကျင်းပမှာ ဖြစ်ပြီး တစ်ကမ္ဘာလုံးကို Netflix ကနေ ထုတ်လွှင့် ပြသပေးသွားမှာပါ။

ဘ၀မှာ ကျရှုံးပြီဆိုရင် ပြန်ပြီးရုန်းထနိုင်ရပါမယ် #စူအာဘက်
-------------
"ဆန်ဂါသစ် က လန်းဆန်းတက်ကြွပြီး ၊ ရည်မှန်းချက်ကြီးတဲ့ မျိုးဆက်သစ် ဖိုက်တာတစ်ယောက်ပါ။ အားပါတဲ့ လက်သီးထိုးချက်တွေ သုံးနိုင်တယ် ၊ ခြေကန်ချက်တွေလဲ အမိုက်စားပဲ။
စူပါရေချမ်း နဲ့ ထိုးတဲ့ပွဲက တစ်နှစ်ခွဲကျော် ပွဲဝေးနေတဲ့ အနေထားကနေ ပြန်ထိုးတာ ဆိုပေမယ့် ၊ သူ့ရဲ့ ပုံစံက အဲဒီလိုတောင် မထင်ရပါဘူး။ လှုပ်ရှားမှုတိုင်းက ပုံမှန် အတိုင်းလိုကို ညက်ညောတိကျနေတာပါ။
ကျနော်ကလဲ ရှုံးပွဲတွေ အများကြီးဆက်နေသည့်တိုင်အောင် ကိုယ့်ကိုယ်ကိုတော့ ဖိအားပေးမထားပါဘူး။ ဒီအရှုံးတွေကနေ အများကြီး သင်ယူထားပါတယ်။
နိုင်ပွဲတွေဆက်တဲ့အချိန်မှာ ချီးကျူးကြမယ် ၊ ရှုံးပွဲဆက်လာရင် ဝေဖန်ကြမယ်။ ဒါက ဖိုက်တာ တစ်ယောက်ရင်ဆိုင်ရမယ့် ဘ၀ဖြတ်သန်းမှုပါပဲ။
ဒါပေမယ့် ကျနော်ယုံကြည်တာ တစ်ခုက ဘ၀မှာ ကျရှုံးလာပြီဆိုရင် ပြန်ပြီး နိုးထနိုင်ရပါမယ်။ အဲဒီလို ပြန်ရုန်းထနိုင်အောင် ၊ တစ်ချိန်က ကိုယ်ပိုင်ဆိုင်ခဲ့တဲ့ နေရာတစ်ခု ပြန်ရအောင် ကြိုးစားနေပါတယ်"
စူအာဘလက်

နည်းပညာတိုက်ပွဲတွေပါ ပါဝင်လာပြီလား

အမေရိကန်စစ်တပ်ကနေ ထိပ်တန်းနည်းပညာကုမ္ပဏီကြီးတွေဖြစ်တဲ့ Meta, OpenAI နဲ့ Palantir (ဆော့ဖ်ဝဲထောက်လှမ်းရေး နည်းပညာကုမ္ပဏီ) တို့ရဲ့ အကြီးတန်းနည်းပညာရှင်များကို စစ်တပ်အရာရှိအဖြစ် တစ်ပတ်အတွင်း တာဝန်ထမ်းဆောင်ရန် အမိန့်ပေးလာပါတယ်။
ပြီးခဲ့တဲ့ရက်ပိုင်းကပဲ အမေရိကန်စစ်တပ်ကနေ “Executive Innovation Corps” လို့ အမည်ရတဲ့ Detachment 201 အထူးတပ်ခွဲအဖွဲ့သစ်ကို ဖွဲ့စည်းလိုက်ပြီး ဒီအထူးတပ်ဖွဲ့အသစ်မှာ Meta, OpenAI နဲ့ Palantir တို့ရဲ့ အကြီးတန်းနည်းပညာရှင်များက ပါဝင်ထမ်းဆောင်ရမယ်လို့ ဆိုလာတာပါ။
ဒီအဖွဲ့မှာဆိုရင် Andrew Bosworth (Meta CTO), Kevin Weil (OpenAI CPO) , Shyam Sankar (Palantir CTO) နဲ့ Bob McGrew (OpenAI အရင်က သုတေသနအကြီးအကဲ) တို့ ပါဝင်ပြီး Lieutenant Colonel (စစ်တပ်အရာရှိ) အဆင့်ဖြင့် ခန့်အပ်ထားတဲ့အပြင် အချိန်ပိုင်းအနေနဲ့ တာဝန်ထမ်းဆောင်ရမယ်လို့ ဆိုပါတယ်။