H_i-d_a-y_a-h (2023)


အညွှန်း* 🔽🔽🔽

IMDb - 5.7/10
Genre - Horror

ဘာရီဆိုတဲ့ကောင်‌လေးဟာ တစ်ချိန်ကတော့ ဘာသာရေးကိုင်းရှိုင်းတဲ့ အပနှင်ဆရာလေးတစ်ယောက်ဖြစ်ခဲ့ပါတယ်။ အခုချိန်မှာတော့ အတိတ်ရဲ့ဖြစ်ရပ်ဆိုးတွေကြောင့် မိခင်ကိုဆုံးရှုံးလိုက်ရတဲ့ဘာရီဟာ ယုံကြည်မှုတွေပျောက်ဆုံးနေတဲ့ အတိတ်ရဲ့‌ လောင်းရိပ်အောက်က အလွတ်ရုန်းထွက်နေတဲ့ ထောင်ထွက်လေးဘာရီဖြစ်နေပါပြီ။ ဒီလိုနဲ့ စက်ပြင်ဆရာလုပ်နေတဲ့ဘာရီဆီကို သူ့ရဲ့ဇာတိဖြစ်တဲ့ မာကာဆာဂီရွာကငယ်သူငယ်ချင်း ဟာဆန်ရောက်လာပါတော့တယ်။မာကာဆာဂီရွာမှာ ထူးဆန်းတဲ့သဘာဝလွန်ဖြစ်ရပ်တွေဖြစ်ပြီး တစ်ရွာလုံးကျီးလန့်စာစားနေရတဲ့အတွက် အပနှင်ပေးဖို့ ဘာရီကိုဟာဆန်က လာခေါ်တာပါ။ တည်ငြိမ်နေတဲ့ရေပြင်ကို ဂယက်ထစေမယ့် ဒီကိစ္စကို ဘာရီတစ်ယောက် သဘောမကျလှပေမဲ့ ဒုက္ခရောက်နေသူက တစ်ချိန်ကသူငယ်ချင်းရတ်နာဖြစ်နေတော့ မငြင်းဆန်နိုင်ဘဲ ရွာကိုသွားဖို့ဖြစ်လာတဲ့အခါရတ်နာတစ်ယောက် ညနေ ၆ နာရီတိုင်းမှာ အသံနက်ကြီးနဲ့အော်နေတာ ဘာကြောင့်များလဲ။ ရွာကိုရောက်လာတဲ့ အပနှင်ဆရာလေး ဘာရီကရော သူ့ကိုမကြည်ဖြူချင်ကြတဲ့ရွာသားတွေကို ကူညီသွားမှာလား။ ယုံကြည်မှုတွေပျောက်ဆုံးနေလို့ လမ်းညွှန်မှုကိုရှာနေတဲ့ဘာရီတစ်ယောက် သူ့ရဲ့ဇာတိကနေ လမ်းစပြန်ရလာမလား....

အကြည်ဓာတ် ဆိုတဲ့ စာအုပ်လေးက တကယ်တော့ သာမန်ရုပ်ကလေး ကြည်လင်နေဖို့ရာမျိုး ၊ စိတ်ကလေး ကြည်လင်စေဖို့ရာမျိုးလောက်ပဲ ပြောထားတာမဟုတ်ဘူး ဆိုတာကို သေသေချာချာဖတ်လေ သဘောပေါက်လေလေပါပဲ ။
ဆရာတော် နန္ဒာစာရရဲ့ ရေးနေကျ ပုံစံအတိုင်းပဲ မြတ်စွာဘုရားရဲ့ တရားတော်တွေကို အခြေခံထားပြီး စိတ်ပညာရှုထောင့်ကနေ တင်ဆက်ထားတာ ဖြစ်တယ် ။
သိတဲ့အတိုင်းပဲ မြတ်စွာဘုရားရဲ့ တရားတော်တွေဆိုတာကလည်း အင်မတန်လေးနက်တော့ တရားစာအုပ်တွေကို တော်ရုံစာဖတ်သူဆို မကိုင်ချင်ကြဘူး ။ စိတ်ပညာဆိုတာကလည်း ထိုနည်းလည်းကောင်းပဲလေ ။ ဒီနှစ်ခုကို ရောထားတော့ ဘူးလေးရာဖရုံဆင့်ဆိုသလိုပဲပေါ့ ။
သို့သော် ဒီစာအုပ်က အဲ့လို ဖြစ်မနေဘူး ။ ပေါ့ပေါ့ပါးပါးနဲ့ နှစ်ဖက်မြင်ရှုထောင့်ကို လေ့လာခွင့်ရမယ့် အမျိုး ။ အကြည်ဓာတ်ဆိုတာကို ရဖို့ရန်အတွက် အလွယ်တကူတော့ မဟုတ်နေဘူးဆိုတာကို ဒီစာအုပ်ဖတ်ပြီးနောက် သိလိုက်ရတယ် ။ စိတ်ထားလေး ကောင်းနေရင် အကြည်ဓာတ်လေး ရှိနေမယ်လို့ လွယ်လွယ်ထင်ထားရင်တော့ ဒီစာအုပ်ကို ဖတ်သင့်တယ်။
ဘာကြောင့်လည်းဆို အကြည်ဓာတ် ဖြစ်ဖို့ရာက စိတ်တစ်ခုတည်းနဲ့လည်း မရသေးဘူး ။ ရုပ်ပိုင်းဆိုင်ရာအပြောင်းအလဲတွေလည်း လိုအပ်သလို ၊ ကိုယ်ကျင့်သီလတွေကိုပါ ထိန်းသိမ်းရမယ်ဆိုတာကို ဆရာတော်က တစ်ခုချင်းစီ ရှင်းပြထားတယ် ။ ဒါတွေပဲလားဆိုလည်း မလုံလောက်သေးဘူး ။
ကိုယ်နဲ့ ကိုက်ညီမယ့် ပတ်ဝန်းကျင် အနေအထားကလည်း ရှိဖို့ရာ လိုသေးတယ် ။ အဲ့လို အချက်တွေ ပေါင်းစုံပြီး ပြောင်းလဲယူနိုင်မှသာ ကြည်လင်တဲ့စိတ်နဲ့ ကြည်လင်တဲ့ရုပ်ကလေးကို ပိုင်ဆိုင်နိုင်မှာ ။
ဒီအကြောင်းတွေကို ထိမိအောင် ရေးထားတယ် ။
နောက်ထပ် ဘာသာရေးဆိုင်ရာ ဗဟုသုတတွေ ၊ စိတ်ပညာဆိုင်ရာ ဗဟုသုတတွေကိုလည်း ဒီစာအုပ်ထဲကနေ ရနိုင်တယ် ။ အထူးပြောချင်တာကတော့ ဒီစာအုပ်ကို ဖတ်ပြီး အကြည်ဓာတ်ရဖို့ရန် မလွယ်သေးပါဘူး ။ ဒီစာအုပ်ကိုဖတ်ပြီး လက်တွေ့ဘ၀မှာ အသုံးချနိုင်မှသာ တကယ့်ကို အကြည်ဓာတ်လေးတွေ ရမှာပါ ။
ကိုယ့်ရဲ့ lifestyle အသစ်လေးပြောင်းချင်တယ် ၊ ကြည်လင်တဲ့ နေ့ရက်တွေ ပိုင်ဆိုင်ချင်တယ်ဆိုရင်တော့
မဖြစ်မနေ ဖတ်သင့်တဲ့ စာအုပ်တစ်အုပ်လို့ ညွှန်းပါရစေ ။
#နန္ဒာစာရ #အကြည်ဓာတ်

စမိုင်ကြိုက်သူများအတွက် စမိုင်ပြုလုပ်နည်း
----------------------------------------------
(ဆီးချိုရှိသူများ နှင့် အချိုရှောင်လိုသူများပါ စားလို့ရမယ့်
စမိုင်ကို အိမ်မှာ လွယ်လွယ် နဲ့ မြန်မြန် လုပ်စားကြမယ်)

လိုအပ်သည့်ပစ္စည်းများ
--------------------
မိသားစု ၅ယောက် အတွက်
စမိုင်ခြောက်(လှော်ပြီး) ၅ကျပ်သား
ထောပတ် ၂ကျပ်ခွဲသား
အဆီထုတ်ထားသော (non fat) နွားနို့ကြိုပြီးသား ၁လီတာ
Dawn နို့စိမ်း ဟင်းချက်ဇွန်းကြီး ၂ဇွန်း
Equal သကြားတု ၁၀ထုပ်
(ချိုတာကြိုက်လျှင် ၁၅ထုပ်)
စပျစ်သီးခြောက် (ကြိုက်လျှင်) အနည်းငယ်
ဆား အနည်းငယ်

ပြုလုပ်နည်း
----------
အိုးကို မီးပူပေးပါ။ အိုးပူလာပြီဆို ထောပတ်ကို အိုးထဲသို့ထည့်ပါ။ ထို့နောက် စမိုင်ခြောက်ကို ထည့်၍ မီးအေးအေးဖြင့် နှံအောင် မွှေပေးပါ။ ထောပတ် အားလုံး စိမ့်ဝင်သွားပြီ ဆိုပါက နွားနို့၊ နို့စိမ်း၊ Equal သကြားထုပ်၊ ဆား ထည့်၍ မီးပြင်းပြင်းဖြင့် တောက်လျှောက်မွှေပေးပါ ။ ပျစ်လာပြီဆိုတိုင်း ရေနွေး ထပ်ရောမွှေပေးပါ။ မီးပြင်းပြင်းဖြင့် ၁၀မိနစ်ခန့် သေချာ မွှေပြီးပြီဆိုပါက စမိုင် နူးပါပြီ။ ထို့နောက်မှ စပျစ်သီးခြောက်လေးထည့်မွှေ၍ အအေးခံပြီး အရသာရှိရှိ ကျန်းမာရေးနဲ့လည်း ညီညွတ်တဲ့ အိမ်လုပ် ရိုးသားတဲ့ စမိုင်လေး သုံးဆောင်လို့ရပါပြီ။

မုန့်ဦးနှောက် ကျိုနည်း
...........................
အခုနည်းကို မွေးမေမေသင်တာရယ် တင့်တင့်လက်ရာပေ့ခ်ျမှ မကြီးတင့်တင့် ရဲ့နည်းရယ် ပေါင်းစပ်ထားပါတယ်ရှင့့့်...

ပေးတဲ့အတိုင်း တိတိကျကျ လုပ်မယ်ဆို စားကောင်းပြီး ရောင်းတန်းဝင်မယ်ဆိုတာ အာမခံပါတယ်နော်....

ယိုးဒယား ဆန်မှုန့် နို့ဆီဗူး ၂ ဗူး
ရေ နို့ဆီဗူး စုစုပေါင်း ၉ ဗူး
သကြား ၁၅ ကျပ်သား
ယိုးဒယားအုန်းနို့ဗူး ကြီး ၁ဗူး
အုန်းသီးရင့်ရင့် ၂လုံး ( အရည်ညှစ်ပြီး မီးအေးအေးနဲ့ အဆီပြန်သည်အထိ ကျိုရန်)
ဆားထမင်းစား ဇွန်းဝက်
ယိုးဒယား ဘုံကျောင်းတံဆိပ် သာကူ ၅ကျပ်သား

အရင်ဆုံး...ဆန်မှုန့်ကို ရေနို့ဆီဗူး ၇ ဗူးနဲ့ ၃နာရီလောက်စိမ်ထားပါမယ်....

ကျန်တဲ့ရေ နို့ဆီဗူး ၂ ဗူးကို ဆူအောင်တည်ပါ...ဆူလာရင် သာကူထည့်ကျိုမယ်....မျက်စိပျောက်တဲ့ထိ ကျိုမယ်နော်...

သာကူမျက်စိပျောက်ရင်...သကြား ဆားထည့်ပါမယ်....
ဆန်မှုန့်ကို မွှေထည့်မယ်...
အုန်းနို့ဗူးထည့်မယ်...
ဆန်မှုန့်စထည့်ချိန်ကနေ.....အမွှေဇယား စ ပြီ နော်😉😉

မုန့်ဦးနှောက်ရယ် မုန့်ကျွဲသည်းရယ်က အမွှေနာမှ စားကောင်းပါတယ်....
၁နာရီပြင်းပြင်း မတူးမကပ်အောင် မွှေရမယ်.......

မွှေတဲ့ဇွန်းမှာ မုန့်ရည် ကြွက်မြှီးတန်းလာရင် ဆီသုတ်ထားတဲ့ ဗန်းထဲ လောင်းထည့် ပြီး အအေးခံပါ....
လုံးဝ အေးသွားမှ အစောက အုန်းသီးခြစ် ချက်ထားတဲ့ အုန်းဆီချက်လေးဆမ်း သုံးဆောင်ပါရှင်....

တချို့က ဖက်လေးနဲ့ထုပ်တာစားချင်တယ်ဆို...မုန့်ရည် ကြွက်မြီးတန်းရင် ဖက်ထဲထည့်ထုပ် အအေးခံပါနော့...

အုန်းဆီချက်က...အုန်းသီးရင့်အရေညှစ်ချက်တာ ပိုအဆင်ပြေပါတယ်နော်...
ယိုးဒယားအုန်းနို့ဗူးကို ကျိုရင် ချွဲပြစ်ပြစ်ကြီး ဖြစ်လို့ပါနော်....
အချိုကြိုက်ရင်...သကြားလေးဖြူးပြီး...အရသာရှိလွန်းလှတဲ့..မုန်ဦးနှောက်လေး သုံးဆောင်နိုင်ပါပြီ...

Part-1
အခန်း (၂)
စကားစတင်ပြောဆိုခြင်း
လူစိမ်းများနှင့် စကားပြောဆိုခြင်း
*မိမိ၏ရှက်တတ်မှု၊ သူတစ်ပါး၏ ရှက်တတ်မှုကို ကျော်လွှားခြင်း * စတင်ပြောဆိုခြင်း
* ရှောင်ကြဉ်ရမည့် မေးခွန်းများ
* စကားပြောဆိုရာတွင် လိုက်နာရမည့် ပထမဆုံး ဥပဒေသ * ကိုယ်ဟန်အမူအရာ
* ရှောင်ရန်ရှိပါသေးသလား
လူမှုရေးအရ ပြောဆိုရာ၌ဖြစ်စေ၊ လုပ်ငန်းနယ်ပယ်တွင် ပြောဆိုရာ၌ ဖြစ်စေ၊ မည်သည့်နေရာတွင်ဖြစ်စေ စကားပြောဆိုရာ၌ ပထမဆုံး သတိထား ရမည့်ကိစ္စမှာ အခြားသူများ သက်သောင့်သက်သာရှိနေစေရေး ဖြစ်သည်။ ကျွန်တော်တို့ အများစုသည် ရှက်တတ်ကြသည်။ ကျွန်တော်ပြောတာကို ယုံပါ။ ကျွန်တော်လည်း ရှက်တတ်သည်။ ဘရုကလင်းမှ မြို့ပေါ်တက်လာ သည့် မျက်မှန်တပ်ထားသော ဂျူးလူငယ်တစ်ယောက်ဖြစ်သည့် ကျွန်တော် သည်လည်း ရှက်တတ်သည်။ ကျွန်တော့်တို့ အားလုံးရှက်တတ်ကြသည်။ အနည်းဆုံး ယခင်က မတွေ့ ဖူးသည့် လူစိမ်းတစ်ယောက်ယောက်နှင့် တွေ့ဆုံပြောဆိုသည့်အခါ၌ လည်းကောင်း၊ အများပြည်သူရှေ့တွင် ပထမဆုံးအကြိမ် ပြောဆိုသည့်အခါ၌ လည်းကောင်း ရှက်တတ်ကြသည်။
ထိုအရှက်အကြောက်ကို ဖယ်ရှားရန်အတွက် အကောင်းဆုံးနည်း လမ်းမှာ မိမိနှင့် စကားပြောဆိုနေသည့်သူသည်လည်း မိမိနှင့်အလားတူ ပခုံးနှစ်ဖက်ကြား ခေါင်းပေါက်သည့်သူဖြစ်ကြောင်း မိမိကိုယ်မိမိ သတိပေး နေရန်ပင်ဖြစ်သည်။ ဤစကားသည် ဟောင်းနွမ်းနေသည့် ဆိုရိုးစကားတစ်ခု ဖြစ်သည်။ သို့သော်လည်း ဆိုရိုးစကား အများစုကဲ့သို့ပင် မှန်ကန်နေဆဲဖြစ် သည်။ မှန်ကန်နေဆဲဖြစ်၍ပင် ဟောင်းနွမ်းနေသော ဆိုရိုးစကားတစ်ခု ဖြစ် လာခဲ့ခြင်းဖြစ်သည်။
ထိုဆိုရိုးစကားအရ ကျွန်တော်တို့အားလုံးသည် လူသားများဖြစ်ကြ သည်။ တက္ကသိုလ်မှ လေးဘွဲ့ ရ ပါမောက္ခတစ်ယောက်နှင့်လည်းကောင်း၊ တစ်နာရီလျှင် မိုင်တစ်သောင်းရှစ်ထောင်နှုန်းဖြင့် အာကာသထဲသို့ ပျံသန်းခဲ့ သည့် အာကာသယာဉ်မှူးတစ်ယောက်နှင့် လည်းကောင်း၊ မိမိပြည်နယ်၏ အုပ်ချုပ်ရေးအရာရှိအဖြစ် အရွေးချယ်ခံရသည့် သူနှင့်လည်းကောင်း စကား ပြောဆိုရသည့်အတွက် ရှက်စရာ၊ ကြောက်စရာ မလိုအပ်ပေ။

#ဆက်ရန်ရှိ

မှတ်ထားပါ လောကကြီးမှာ
မင်းအတွက် အကောင်းဆုံးလူက
မင်းချစ်တဲ့သူမဟုတ်ဘူး၊ မင်းကိုချစ်တဲ့သူပါ။
#စာတို

ရုရှားနိုင်ငံ၊ Kalyazin မြို့အနီးက ဆိုဗီယက်ခေတ် ရေဒီယို တယ်လီစကုပ်ကြီး RT-64

မဆုံတာကြာတဲ့ မင်းသမီး ၃ ယောက်ရဲ့ ဆုံတော်မူခန်း 🥰🥰🥰
သူတို့ ၃ ယောက်ကတော့ စကားတွေပြောရတာတောင် မဝသေးပါတဲ့။ ဗီဒီယိုခေတ်တည်းက နာမည်ကြီးခဲ့ကြတဲ့ မင်းသမီးတွေပဲဖြစ်ကြပါတယ်။ မိုးပြည့်ပြည့်မောင်၊ ချောရတနာ နဲ့ ခင်လေးနွယ် သူတို့ ၃ ဦးရဲ့ဆုံတွေ့မှုလေးပါ။ အနုပညာလမ်းကြောင်းပေါ် ဆက်လျှောက်နေဆဲသူတွေလည်းရှိသလို အနုပညာအလုပ်တွေနဲ့ကင်းကွာနေတဲ့သူတွေလည်းရှိတာကြောင့် အခွင့်အခါရတုန်းဆုံတွေ့ခိုက်မှာ စကားတွေဖောင်ဖွဲ့ကာပြောဆိုခဲ့ကြတယ်လို့ သူမတို့ကပြောပါတယ်။

တစ်ခုခုလုပ်တော့မယ်ဆိုရင်လေ…. “ ငါ့ကိုယ်ငါ တာဝန်ယူနိုင်လား"ဆိုတဲ့ မေးခွန်းက ဘဝအတွက် safety alert ပဲ။

ဆုံးဖြတ်ချက်တစ်ခု ချတာဖြစ်ဖြစ် ၊ ရွေးချယ်မှုလုပ်တာဖြစ်ဖြစ် ။ ကိစ္စသေးသေးကနေ အကြီးကြီးထိ စလုပ်မယ်ဆိုတာနဲ့. . . .ငါ့ကိုယ်ငါ တာဝန်ယူလားလို့ မေးကြည့်တဲ့အကျင့်လေးရှိရုံနဲ့ လမ်းရဲ့ခြေလှမ်းတော်တော်များများကို ပြန်ထိန်းသိမ်းနိုင်တယ်။

ပြီးတော့ ကျွန်တော်တို့မှာ ဖြစ်တတ်တာလေး တစ်ခုရှိတယ်။ ပြောနေကျ caseပါပဲ။ ကိုယ့်ရဲ့ရည်းစားနဲ့ အတူနေတာ။ ရည်းစားနဲ့အတူနေဖို့ စဉ်းစားတဲ့အခါ ကျွန်တော်တို့က
“သူငါ့ကို တကယ်တာဝန်ယူမှာလား" ဆိုတဲ့အမေးကိုပဲ အရင်ဆုံးပြေးစဉ်းစားလေ့ရှိပြီး ….ဒါကို အမြစ်တွယ်သလို ကျင့်သုံးခဲ့ကြတယ်။

ဒါပေမယ့် အဲဒါ မဟုတ်‌ဘူး. . . .အဲဒါက နံပါတ်တစ် စဉ်းစားစရာမဟုတ်ဘူး။တကယ်က ငါ့ကိုယ်ငါ တာဝန်ယူနိုင်လားလို့ အရင် ပြန်မေးကြည့်ရမှာ။ဘာလို့ဆို ဘယ်တစ်ဦးတစ်ယောက်ကမှ ကိုယ့်ဘဝကို တာဝန်ယူမယ်လို့ အာမခံချက်မရှိသလို လူတွေကလည်း အမြဲတမ်း မှန်မှန်ကန်ကန်ကျင့်သုံးတာမဟုတ်လို့ပဲ။

လောကက ဒီလိုစဉ်းမျဉ်းမျိုး သတ်မှတ်တယ် ။ ဇနီးအတွက် လင်ယောကျာ်းမှာ တာဝန်ရှိတယ်။ လင်ယောကျာ်းတာဝန်ကိုတော့ ဇနီးက ပြန်ကျေပွန်ရမယ်တဲ့။ ဒါပေမယ့် တာဝန်မကျေပွန်တဲ့ခင်ပွန်း။ ဝတ္တရားမညီတဲ့ ဇနီးသည်တွေ လောကမှာ သိပ်များပြားပြီး အိမ်ထောင်ရေးဟာ ပင်လယ်ရေလို မြောက်များစွာ ပြိုကွဲနေကြရတာပဲ။

ဒါကိုကြည့်ခြင်းဖြင့် ငါတို့ တစ်ခုခုလုပ်ချိန်မှာ လောကစည်းမျဉ်းတွေအကြောင်း အများကြီး အားကိုးမိနေပြီဆို. . . . ဒီအချက်ကို ပြန်သတိရမိဖို့ လိုမှန်းသိသင့်တယ်။

နောက်တစ်ချက်က သူတို့ အဲဒီ့လို မမှန်မကန် ကျင့်သုံးလာချိန်၊ ဝတ္တရားတွေ ပျက်ကွက်လာတဲ့အချိန်မှာရော. . .
ကိုယ့်ဘက်က တတ်နိုင်တဲ့ တစ်ခုတည်းသော အရာကဘာလဲ။ ကိုယ်မဖြစ်မနေ ပြန်ရွေးချယ်ရတဲ့အရာက ဘာလဲ။

အဲဒါ ကိုယ့်ကိုယ်ကို ကိုယ်တိုင်သာ တာဝန်ပြန်ယူလိုက်ရခြင်းပါ။ ကိုယ့်လုပ်ရပ် ကိုယ်သာ ပြန်ဖြေရှင်းရခြင်းပါ။ ဟုတ်တယ်မလား. . .

ဘယ်သူမှ ကိုယ်စား ခေါင်းခံခိုင်းလို့မရသလို တာဝန်လည်း အတင်းယူခိုင်းလို့ မရခဲ့ပါဘူး။ ဒါကြောင့် ဘဝမှာ ဘာပဲလုပ်လုပ်။ လောကစည်းမျဉ်းအရ ဒါက တစ်ဖက်လူမှာ တာဝန်ရှိတယ်လို့ သတ်မှတ်နိုင်တဲ့ ကိစ္စမျိုးဖြစ်ရင်တောင်
အဲဒါကို အာရုံစိုက်တာ လျှော့ပါ။ အားကိုးတာ လျှော့လိုက်ပါ။

အဲဒီ့အစား. . . .ငါတာဝန်ယူနိုင်လား. . . .ငါလက်ခံနိုင်လားဆိုတဲ့ မေးခွန်းကိုသာ အထူးပြုလည်ပတ်တတ်မယ်ဆိုရင်
အနည်းဆုံးတော့ တာဝန်မယူနိုင်ဘူးလို့ထင်တဲ့ကိစ္စတွေဆို
ခြေလှမ်းတွေ မချင့်မရဲနဲ့ တွန့်ဆုတ်သွားတာ ဒါမှမဟုတ် ရပ်တန့်သွားမှာဖြစ်ပြီး. . . . လုပ်ဖြစ်တဲ့ကိစ္စဆိုရင်လည်း လွဲချော်ခဲ့ရင်တောင် အတတ်နိုင်ဆုံး ကိုယ်ပြန်ဖြေရှင်းနိုင်တဲ့ ကိစ္စမျိုးဖြစ်နေနိုင်တာပေါ့ ။ တကယ်ကျင့်သုံးဖို့တော့လိုပြီး တကယ်လိုက်နာဖို့လည်းလိုပါလိမ့်မယ် ။ ဒါမှသာ ထိထိရောက်ရောက် ကာကွယ်နိုင်မယ်။

ဒါကြောင့် " ငါကိုယ်ငါ တာဝန်ယူနိုင်ရဲ့လား " ဒီ safety alert လေးဟာ ဘဝမှာ တကယ် အသုံးဝင်လိုအပ်တဲ့ တစ်ခုသောအရာလေးဆိုတာ အသေအချာပါပဲ။

#ကိုယ်ပိုင်ဘဝကိုယ်တိုင်တည်ဆောက်ခြင်း
#နေမီကျော်

ရထားသံလမ်းဘေး မှာ နေတဲ့ အသက်ငယ်ငယ် အမေ နဲ့ ချို့တဲ့ကလေးငယ်အား ကိုယ်တိုင် သွားရောက် ခေါ်ယူခဲ့တဲ့ ပုံရိပ်တွေကို မျှဝေလာတဲ့ ပရဟိတ မိခင်ကြီး ခိုင်နှင်းဝေ 💗