ဒဂုံတောင်မှာ မိုင်းထောင်ဖို့လာစဉ် ပေါက်ကွဲမှုဖြစ်လို့ (၂) သေဆုံးခဲ့ပြီး (၁)ဦးကို ဖောက်ခွဲရေး ပစ္စည်းများနှင့်အတူ ဖမ်းဆီးရမိ
အောက်တိုဘာ ၂၉၊ ရန်ကုန်။
ရန်ကုန်တိုင်းဒေသကြီး၊ ဒဂုံမြို့သစ် (တောင်ပိုင်း)၊ အမှတ် (၉၄)ရပ်ကွက်မှာရှိတဲ့ အုပ်ချုပ်ရေးမှူးရုံးနားမှာ အောက်တိုဘာ (၂၇) ရက်နေ့က ပေါက်ကွဲမှု ဖြစ်ပွားခဲ့တယ်လို့ သိရပါတယ်။
အုပ်ချုပ်ရေးမှူးရုံးကို မိုင်းထောင်ဖောက်ခွဲဖို့လာတဲ့အချိန် Toyota Corolla အမျိုးစား အငှားယာဉ် (တက္ကစီ)ပေါ်မှာ ပေါက်ကွဲမှုဖြစ်ပေါ်ခဲ့ပြီး ဗုံးစထိမှန် ထိခိုက်ဒဏ်ရာရရှိသူ (၁)ဦးနဲ့ သေဆုံးသူ (၁)ဦး (စိုးရိမ်ရ)တို့ကို အမှတ် (၆၂)ရပ်ကွက် ပတ္တပြားလမ်းမှာ ရှိတဲ့ အမှတ် (၃၀) မူလတန်းကျောင်းနားမှာ လုံခြုံရေးတပ်ဖွဲ့ဝင်တွေက တွေ့ရှိခဲ့တယ်လို့ ဆိုပါတယ်။
ထိခိုက်ဒဏ်ရာရရှိသူကို အမှတ် (၁) တပ်မတော်ဆေးရုံ ကုတင် (၁၀၀၀)ကို ပို့ဆောင်ဆေးကုသပေးပြီး ထိန်းသိမ်းစစ်ဆေးခဲ့တယ်လို့ သိရပါတယ်။
ကားပေါ်မှာ ပေါက်ကွဲမှုဖြစ်ပွားခဲ့ပြီး စာသင်ကျောင်းနားမှာ ယာဉ်မောင်းက (သေဆုံးသူနဲ့ ထိခိုက်ဒဏ်ရာရရှိသူ) ချထားခဲ့တာလို့ စစ်ဆေးချက်မှာ ထွက်ဆိုပါတယ်။
ယာဉ်မောင်းကိုလည်း ယာဉ်ပေါ်မှာ ဖောက်ခွဲရေး ဆက်စပ်ပစ္စည်းတွေ၊ လက်လုပ်မိုင်း တစ်လုံးနဲ့အတူ ဒဂုံတောင်က ပြည်ထောင်စုလမ်းနဲ့ မေယဝတီလမ်းထောင့်နားမှာ ဖမ်းဆီးရမိခဲ့ပြီး ဆေးဝါးကုသမှုခံယူတဲ့ ထိခိုက်ဒဏ်ရာရရှိသူလည်း သေဆုံးသွားခဲ့တယ်လို့ သိရပါတယ်။
ဖောက်ခွဲရေးပြုလုပ်ဖို့ရာမှာ ပါဝင်ခဲ့သူ (၁)ဦးကတော့ လွတ်မြောက်နေဆဲ ဖြစ်ပြီး ဖမ်းဆီးရမိရေးကို ဥပဒေအရ ဆက်လက်လုပ်ဆောင်နေတယ်လို့လဲ သိရပါတယ်။
#centralnewsnaypyitaw
