ဩစတေးလျမှာ YouTube အကြီးအကျယ် ပြဿနာတက်၊ အစိုးရနဲ့ ထိပ်တိုက်တွေ့နေ
ဩစတေးလျနိုင်ငံမှာ အသက် ၁၆ နှစ်အောက် ကလေးငယ်တွေကို လူမှုကွန်ရက် သုံးစွဲခွင့် ပိတ်ပင်မယ့် ကမ္ဘာ့ပထမဆုံး ဥပဒေကို ပြဋ္ဌာန်းဖို့ ပြင်ဆင်နေချိန်မှာပဲ YouTube ဟာ အစိုးရနဲ့ ပြဿနာကြီးကြီးမားမား တက်နေပါတယ်။


ဒီဇင်ဘာလမှာ စတင်အသက်ဝင်မယ့် ဒီဥပဒေကနေ YouTube ကို ကင်းလွတ်ခွင့်ပေးဖို့ အစိုးရက စီစဉ်ထားခဲ့ပေမယ့် ဩစတေးလျရဲ့ အင်တာနက်ဘေးကင်းရေးကော်မရှင် (eSafety Commissioner) က ဒီကင်းလွတ်ခွင့်ကို ပြန်ရုပ်သိမ်းဖို့ အစိုးရကို တရားဝင် တိုက်တွန်းလိုက်ပါတယ်။

ဘာကြောင့် ဒီလိုတိုက်တွန်းရတာလဲ?
ကော်မရှင်နာ Julie Inman Grant က ဆက်သွယ်ရေးဝန်ကြီးကို ပေးပို့တဲ့စာမှာ ဒီဥပဒေကနေ ဘယ်ပလက်ဖောင်းကိုမှ ကင်းလွတ်ခွင့် မပေးသင့်ဘူးလို့ အခိုင်အမာ ပြောကြားခဲ့ပါတယ်။

သူမရဲ့ အဓိကအကိုးအကားကတော့ သုတေသနစစ်တမ်းတစ်ခုပါ။ အဲ့ဒီစစ်တမ်းအရ အသက် ၁၀ နှစ်ကနေ ၁၅ နှစ် 사이 ကလေး ၃၇% ဟာ YouTube ပေါ်မှာ အန္တရာယ်ရှိတဲ့ အကြောင်းအရာတွေ (harmful content) ကို ကြည့်ရှုခဲ့ရပြီး ဒါဟာ တခြား လူမှုကွန်ရက်အားလုံးထက် အများဆုံးဖြစ်နေတယ်လို့ ဆိုပါတယ်။

ဒီကြားဝင်တိုက်တွန်းမှုကြောင့် YouTube ကို ကင်းလွတ်ခွင့်ပေးမယ့် အစိုးရရဲ့ အစီအစဉ်ဟာ လှုပ်ခတ်သွားပြီး၊ ဥပဒေမလိုက်နာတဲ့ ပလက်ဖောင်းတွေကို ဒဏ်ငွေ ဒေါ်လာသန်း ၅၀ အထိ ချမှတ်နိုင်တဲ့ အခြေအနေနဲ့ YouTube ရင်ဆိုင်ရနိုင်ခြေ ရှိလာပါတယ်။

AI ကုမ္ပဏီ Anthropic မူပိုင်ခွင့်အမှုမှာ အနိုင်ရ၊ ဒါပေမဲ့ တရားရင်ဆိုင်ရဦးမယ်
နာမည်ကြီး AI Chatbot "Claude" ကို ဖန်တီးထားတဲ့ Anthropic ကုမ္ပဏီဟာ စာရေးဆရာတွေက သူတို့ရဲ့စာအုပ်တွေကို ခွင့်ပြုချက်မရှိဘဲ AI သင်ကြားရာမှာ အသုံးပြုခဲ့တယ်ဆိုပြီး တရားစွဲဆိုခံထားရတဲ့အမှုမှာ အရေးကြီးတဲ့အချက်တစ်ချက်ကို အနိုင်ရရှိသွားပါတယ်။

ဘာကို အနိုင်ရခဲ့တာလဲ?
အမေရိကန် တရားသူကြီးက AI ကို မူပိုင်ခွင့်ရှိတဲ့ စာအုပ်တွေနဲ့ "သင်ကြားပေးတဲ့ လုပ်ငန်းစဉ်" ဟာ မူလစာအုပ်တွေကို ပုံစံပြောင်းပြီး အသစ်ပြန်လည်အသုံးချတာ (transformative fair use) ဖြစ်တဲ့အတွက် မူပိုင်ခွင့်ဥပဒေနဲ့ မငြိစွန်းဘူးလို့ ဆုံးဖြတ်လိုက်ပါတယ်။ ဒါဟာ AI လုပ်ငန်းလောကတစ်ခုလုံးအတွက် အရေးပါတဲ့ ဥပဒေමය ရှေ့ဆောင်လမ်းပြမှုတစ်ခု ဖြစ်လာနိုင်ပါတယ်။

ဒါပေမဲ့ ဘာကြောင့် တရားဆက်ရင်ဆိုင်ရမှာလဲ?
ပြဿနာက Anthropic ဟာ AI ကို train ပေးဖို့အတွက် အသုံးပြုခဲ့တဲ့ စာအုပ်တွေကို တရားမဝင် download လုပ်ထားတဲ့ (pirated) copy တွေကနေတစ်ဆင့် ရယူခဲ့တယ်ဆိုတဲ့ စွပ်စွဲချက်ကြောင့်ပါ။

တရားသူကြီးရဲ့အဆိုအရ "ခိုးယူထားတဲ့ ပစ္စည်းတစ်ခုကို နောက်မှ ပိုက်ဆံပြန်ပေးဝယ်လိုက်ရုံနဲ့ မူလခိုးယူခဲ့တဲ့ ပြစ်မှုကနေ ကင်းလွတ်ခွင့်မရနိုင်ပါဘူး" လို့ ဆိုပါတယ်။ ဒါကြောင့် Anthropic အနေနဲ့ တရားမဝင်ရယူထားတဲ့ စာအုပ်တွေကို သိမ်းဆည်းအသုံးပြုခဲ့ခြင်းအတွက် တရားရုံးမှာ ဆက်လက်ရင်ဆိုင်ရဦးမှာ ဖြစ်ပါတယ်။


ဒီဆုံးဖြတ်ချက်က AI ကို train တဲ့ လုပ်ငန်းစဉ်ကိုယ်တိုင်က တရားဝင်နိုင်ပေမယ့်၊ အသုံးပြုတဲ့ data တွေရဲ့ ရင်းမြစ် (source) က တရားဝင်ဖြစ်ဖို့ အလွန်အရေးကြီးတယ်ဆိုတာကို မီးမောင်းထိုးပြနေပါတယ်။ AI ကုမ္ပဏီတွေအတွက်တော့ အနိုင်တစ်ပိုင်း၊ ရှုံးတစ်ပိုင်း အခြေအနေလို့ ဆိုရမှာပါ။

ဒီဆုံးဖြတ်ချက်နဲ့ပတ်သက်ပြီး မိတ်ဆွေတို့ ဘယ်လိုမြင်ကြလဲ? AI တွေဟာ စာရေးဆရာတွေရဲ့ ဖန်တီးမှုတွေကို လွတ်လပ်စွာ အသုံးပြုခွင့်ရှိသင့်လား? Comment မှာ ဝင်ရောက်ဆွေးနွေးပေးသွားကြပါဦး။

သဘာဝတရားကို စိန်ခေါ်လိုက်သည့် မျိုးဗီဇနည်းပညာ၊ မိခင်မပါဘဲ ဖခင်နှစ်ဦးမှ သက်ရှိများမွေးဖွား
သိပ္ပံပညာမှာ မဖြစ်နိုင်ဘူးလို့ ထင်ထားတဲ့ အရာတစ်ခုကို သုတေသီတွေက လက်တွေ့လုပ်ပြလိုက်ပြန်ပါပြီ။ တရုတ်နိုင်ငံ၊ ရှန်ဟိုင်း Jiao Tong တက္ကသိုလ်က သိပ္ပံပညာရှင်တွေဟာ ဖခင်ကြွက် (male mice) နှစ်ကောင်ရဲ့ မျိုးဗီဇကိုပဲ အသုံးပြုပြီး ကြွက်လေးတွေကို အောင်မြင်စွာ မွေးဖွားစေနိုင်ခဲ့ပါတယ်။ ပိုပြီးအံ့ဩဖို့ကောင်းတာက အဲဒီကြွက်လေးတွေဟာ အရွယ်ရောက်လာတဲ့အခါမှာ သူတို့ကိုယ်တိုင် သားသမီးတွေ ပြန်လည်မွေးဖွားနိုင်ခဲ့တာပါပဲ။

ဒါဟာ နို့တိုက်သတ္တဝါတွေရဲ့ သမိုင်းမှာ ဖခင်နှစ်ဦးတည်းကနေ မွေးဖွားလာတဲ့ သက်ရှိတစ်ကောင်က မျိုးပွားနိုင်စွမ်းရှိကြောင်း ပထမဆုံးအကြိမ် သက်သေပြနိုင်ခဲ့တာ ဖြစ်ပါတယ်။

သဘာဝအတိုင်းဆိုရင် နို့တိုက်သတ္တဝါတွေမှာ သန္ဓေသားတစ်ခု ကောင်းမွန်စွာဖွံ့ဖြိုးဖို့အတွက် မိခင်ဆီက မျိုးဗီဇတစ်ဝက်နဲ့ ဖခင်ဆီက မျိုးဗီဇတစ်ဝက် ပေါင်းစပ်ဖို့ လိုအပ်ပါတယ်။ ဒါကို Genomic Imprinting လို့ခေါ်တဲ့ ဇီဝဗေဒဆိုင်ရာ စည်းမျဉ်းက ထိန်းချုပ်ထားပါတယ်။ ဒီစည်းမျဉ်းကြောင့် ဖခင်ဆီကချည်းပဲ (ဒါမှမဟုတ်) မိခင်ဆီကချည်းပဲ ရတဲ့ မျိုးဗီဇနဲ့ သန္ဓေသားလောင်းက ကောင်းစွာမဖွံ့ဖြိုးနိုင်ဘဲ ပျက်စီးသွားလေ့ရှိပါတယ်။

ဒီအတားအဆီးကို ကျော်လွှားဖို့အတွက် သိပ္ပံပညာရှင်တွေဟာ CRISPR/Cas9 လို့ခေါ်တဲ့ မျိုးဗီဇပြုပြင်ရေးနည်းပညာကို သုံးခဲ့ပါတယ်။ ဒါပေမဲ့ သူတို့သုံးခဲ့တဲ့နည်းလမ်းက DNA ကို ကတ်ကြေးနဲ့ဖြတ်သလို တိုက်ရိုက်ပြုပြင်တာမျိုးမဟုတ်ဘဲ၊ Epigenome Editing ဆိုတဲ့ အဆင့်မြင့်နည်းလမ်းကို အသုံးပြုခဲ့တာပါ။

Epigenome Editing ဆိုတာဘာလဲ? ဒါဟာ DNA ရဲ့ အခြေခံဖွဲ့စည်းပုံကိုမပြောင်းလဲဘဲ၊ မျိုးဗီဇ (gene) တွေကို "ဖွင့်" တာ၊ "ပိတ်" တာမျိုး ပြုလုပ်ပြီး မျိုးဗီဇအချက်အလက်တွေကို ထိန်းညှိပေးတဲ့ နည်းပညာဖြစ်ပါတယ်။
ဘယ်လိုလုပ်ခဲ့သလဲ? သုတေသီတွေဟာ ဖခင်ကြွက်ရဲ့ သုက်ပိုးဆဲလ်ထဲက Genomic Imprinting ကို ထိန်းချုပ်ထားတဲ့ အဓိကနေရာ (၇) ခုကို ဒီနည်းပညာနဲ့ ပြုပြင်မွမ်းမံခဲ့ပါတယ်။ ဒီလိုနည်းနဲ့ မိခင်ရဲ့ မျိုးဗီဇ မပါဝင်ပေမဲ့ သန္ဓေသားလောင်းကို ကောင်းမွန်စွာ ဖွံ့ဖြိုးစေခဲ့တာ ဖြစ်ပါတယ်။
ဒီအောင်မြင်မှုဟာ မျိုးပွားခြင်းဆိုင်ရာ ဇီဝဗေဒကို ပိုမိုနားလည်စေရုံသာမက၊ stem cell သုတေသန၊ တိရစ္ဆာန်မျိုးပွားခြင်း (cloning) နည်းပညာတွေနဲ့ မျိုးဗီဇဆိုင်ရာရောဂါတွေကို ကုသရာမှာပါ အလားအလာကောင်းတွေ ဖွင့်ပေးလိုက်သလို ဖြစ်ခဲ့ပါတယ်။

ခြင်တစ်ကောင်အရွယ်အစားမျှသာရှိသည့် Drone
တရုတ်အမျိုးသားကာကွယ်ရေးနည်းပညာတက္ကသိုလ် (NUDT) မှခြင်နှင့်ဆင်တူသည့် အသေးစားဒရုန်းကို စစ်မြေပြင်ထောက်လှမ်းရေးပြုလုပ်နိုင်ရန်အတွက် ဒီဇိုင်းထုတ်တီထွင်ဖန်တီးထားသည်။

“တောင်ပံများ” နှင့် “ခြေထောက်များ” ပါဝင်သောဤမိုက်ခရိုဒရုန်းသည် ကိုယ်ပျောက်စစ်ဆင်ရေးများတွင် အန္တရာယ်များပြီး ရှုပ်ထွေးသောပတ်ဝန်းကျင်များကိုထောက်လှမ်းခြင်းနှင့်သီတင်းအချက်အလက်များ ရှာဖွေစုဆောင်းနိုင်ရန်အတွက်ဟုသိရသည်။

၎င်း၏ သေးငယ်ကျစ်လျစ်သော အရွယ်အစားသည် ထောက်လှမ်းမှုကို ရှောင်လွှဲနိုင်သည့် စွမ်းဆောင်ရည်ရှိပြီး လျှို့ဝှက်စွာတာဝန်ထမ်းဆောင်နိုင်သော စစ်ဘက်ဆိုင်ရာသုံး drone ပုံစံသစ်ဖြစ်လာသည်။

တရုတ်ရဲ့ WeChat ကို အားကျမခံ ရုရှားနိုင်ငံကလည်း ပြည်သူတွေရဲ့ နေ့စဉ်ဘဝအတွက် မရှိမဖြစ် App တစ်ခုဖြစ်လာဖို့ ရည်မှန်းထားတဲ့ ကိုယ်ပိုင် Super-App "Max" ကို တီထွင်နေပါပြီ။
ရုရှားရဲ့ နည်းပညာကုမ္ပဏီကြီး VK က ဦးဆောင်ဖန်တီးနေတဲ့ ဒီပလက်ဖောင်းဟာ သာမန် Messenger တစ်ခုထက် များစွာပိုမိုတဲ့ စွမ်းဆောင်ရည်တွေနဲ့ ထွက်ပေါ်လာမှာပါ။
ရုရှားသတင်းဌာန "Vedomosti" ရဲ့ ဖော်ပြချက်အရ "Max" ဟာ သုံးစွဲသူတွေကို တစ်နေရာတည်းမှာ ဝန်ဆောင်မှုမျိုးစုံ ပေးနိုင်ဖို့ ရည်ရွယ်ထားပါတယ်။
Messenger အဖြစ် သုံးနိုင်ရုံသာမက Mini-Application တွေ၊ စီးပွားရေးလုပ်ငန်းသုံး Chatbot တည်ဆောက်တဲ့စနစ် နဲ့ ငွေပေးချေမှုစနစ် (Payment System) တို့ကိုပါ ပေါင်းစပ်ပေးသွားမှာပါ။ လုပ်ဆောင်ချက်ပိုင်းမှာလည်း ဖိုင်ဆိုဒ် 4GB အထိ ကြီးမားတဲ့ဖိုင်တွေကို အလွယ်တကူ ပေးပို့နိုင်ပြီး၊ ကြည်လင်ပြတ်သားတဲ့ ဖုန်းခေါ်ဆိုမှုတွေအတွက် အထူး Server တွေ တိုးချဲ့ထားကာ Machine Learning နည်းပညာကိုပါ အသုံးပြုထားတယ်လို့ ဆိုပါတယ်။
ဒီစီမံကိန်းရဲ့ အရေးပါမှုကို ရုရှားရူဘယ် ၁ ဘီလီယံ (အမေရိကန်ဒေါ်လာ ၁၁.၈ သန်းခန့်) ရင်းနှီးမြှုပ်နှံထားခြင်းက သက်သေပြနေပါတယ်။
Max app ရဲ့ Beta ဗားရှင်းကိုတော့ မကြာခင်မှာပဲ Android နဲ့ iOS အသုံးပြုသူတွေအတွက် စတင်ဖြန့်ချိသွားဖို့ ရှိနေပါတယ်။ ဒါပေမဲ့ အစပိုင်းမှာတော့ ရုရှားနဲ့ ဘီလာရုစ်နိုင်ငံက SIM ကတ်သုံးစွဲသူတွေသာ မှတ်ပုံတင် သုံးစွဲနိုင်ဦးမှာဖြစ်ပြီး တဖြည်းဖြည်း ချဲ့ထွင်သွားဖွယ်ရှိပါတယ်။
WeChat လို ဈေးကွက်ထဲကနေ သဘာဝအတိုင်း အောင်မြင်လာတာမဟုတ်ဘဲ၊ အစိုးရရဲ့ တိုက်ရိုက်အစီအစဉ်နဲ့ မွေးဖွားလာတဲ့ "Max" ဟာ ပြည်သူတွေရဲ့ နေ့စဉ်ဘဝမှာ တကယ်ပဲ အရေးပါတဲ့ App တစ်ခု ဖြစ်လာနိုင်မယ်လို့ ထင်ပါသလား? ဒီလို နိုင်ငံပိုင် Super-App တွေက အသုံးပြုသူတွေအတွက် ဘယ်လို အကျိုးကျေးဇူးတွေနဲ့ စိန်ခေါ်မှုတွေ ရှိလာနိုင်မလဲဆိုတာ သင့်အမြင်ကို ဝေမျှပေးခဲ့ပါဦး။

Google ရဲ့ ဒီ AI Mode ဆိုတဲ့ Search feature က မတ်လကတည်းက မိတ်ဆက်ခဲ့တာပါ။ စစချင်းက အမေရိကန်မှာပဲ သုံးလို့ရခဲ့တာ။ အခုတော့ အိန္ဒိယမှာလည်း သုံးလို့ရပြီဖြစ်ကြောင်း ကြေညာလာတာဆိုတော့ နောက်ထပ်နိုင်ငံတွေအတွက်လည်း မကြာခင်သုံးနိုင်တော့မယ့် သဘောပါပဲ။
AI Mode က စစထွက်တုန်းက ဒီမှာသုံးမရတာမို့ သိပ်လူပြောမများခဲ့ဘူးလို့ ဆိုရပါမယ်။ (ဒီမှာပါ မြန်မာမှာပါ။) အလွယ်ပြောရမယ်ဆိုရင် ChatGPT တို့ Gemini တို့လို AI chatbot ပုံစံမျိုးပါပဲ။ သူက Search engine ပုံစံဖြစ်သွားတာပေါ့။ Gemini 2.5 ပေါ်ကနေ ဖန်တီးထားတာပါ။
AI Mode မှာက ရိုးရိုး search query ထက် 2 ဆ 3 ဆအထိ ကြီးမားတဲ့မေးခွန်းတွေ (ဥပမာ - စာပိုဒ်တစ်ပိုဒ်ထက်ပိုတဲ့ စာသားအများကြီး) ကို မေးနိုင်တယ်။ အသံနဲ့လည်း မေးနိုင်တယ်လို့ ဆိုထားတယ်။ Google Lens ကိုသုံးပြီး ပုံနဲ့လည်း ရှာနိုင် မေးနိုင်တယ်။
မေးသမျှကိုလည်း 90% အထိ မှန်ကန်တဲ့ အဖြေမျိုးကို ထုတ်ပေးတဲ့အပြင် Follow up မေးခွန်းတွေ မေးနိုင်တယ်လို့ မှတ်ချက်ပေးထားကြတယ်။ သုံးလို့ရတဲ့ Region ပေါ်မူတည်ပြီး ဖြေပေးတာမို့ အိန္ဒိယ Culture နဲ့ ကိုက်ညီတဲ့ လေယူလေသိမ်းမျိုးနဲ့လည်း မေးနိုင်တယ်လို့ ပြောရမှာပါ။ ဒါပေမဲ့ လောလောဆယ် အင်္ဂလိပ်ဘာသာ တစ်ခုတည်း support ပေးသေးတယ်။
AI Mode ကို Android နဲ့ iOS နှစ်ခုစလုံးမှာ အသုံးပြုနိုင်ပါတယ်။ AI Mode ကို တိုက်ရိုက်အသုံးပြုချင်ရင် Google ရဲ့ search bar မှာ အသစ်ထည့်ထားတဲ့ shortcut ကို နှိပ်ပြီး သုံးရုံပါပဲ။
အကယ်၍ အခရာပရိတ်သတ်တွေထဲက AI Mode သုံးဖူးတဲ့သူတွေရှိရင် review လေးတွေ ပြောသွားပေးကြပါဦးခင်ဗျာ...

နေးရှင်းလိဂ်ဖိုင်နယ်မှာ ပင်နယ်တီလွဲချော်ခဲ့တဲ့ မိုရာတာဟာ လက်ရှိအချိန်ထိ အသ၊က်အန္တရာယ်ခြိမ်းခြော-က်မှုအချို့နဲ့ ရင်ဆိုင်နေရတယ်လို့ ESPN မှဖော်ပြခဲ့ပါတယ်။
လူတချို့သမုတ်နေတဲ့ ချစ်ကြည်ရေးဖလားပေါ့၊ ရှုံးသွားတဲ့သူတွေပဲ ဒီဖလားတန်ဖိုးကိုပိုသိမယ်ထင်ပါတယ်။ 🙂

"ကျွန်တော် စ၊စ်ပွဲတွေကို မနှစ်သက်ပါဘူး၊ ငြိမ်းချမ်းမှုကိုပဲအလိုရှိပါတယ်။ ကလေးတွေကို ရှင်သန်ခွင့်ပေးပါ"
- ရော်နယ်ဒို
ရော်နယ်ဒိုဟာ စ-စ်ပွဲတွေရပ်တန့်ရေးကမ်ပိန်းတွေမှာ အမြဲတမ်းပါ၀င်လေ့ရှိသူဖြစ်ပါတယ်။ 🙏❤️

သူက ကျောင်းဆရာတဦး။ အသင်းနဲ့အတူ ဒီပြိုင်ပွဲကို လိုက်ဖို့ အလုပ်ကနေ ခွင့်ယူခဲ့ရတာ။ အခုတော့ ကျောင်းဆရာတဦးအနေနဲ့ သူက အသင်းကို သမိုင်းတွင်အောင် လုပ်ပေးနိုင်ခဲ့ပြီ။

ဘိုကာဂျူနီယာနဲ့ပွဲမှာ အသင်းအတွက် ချေပဂိုးကို သူ သွင်းပေးခဲ့တာ။ ဒါက ဒီပြိုင်ပွဲမှာ အုတ်ကလန်အတွက် ပထမဆုံးရတဲ့ ဂိုးဖြစ်လာတယ်။ ပြီးတော့ ပထမဆုံးရမှတ်ပါ ရစေမယ့်အထိ ဖြစ်လာခဲ့ပြိး အိမ်အပြန်မျက်နှာပန်းလှသွားခဲ့ပါတယ်။

အပျော်တမ်းအဆင့်သာသာပဲရှိတတဲ့ အုတ်ကလန်အဖို့ ဘိုကာလိုအသင်းကို သရေကျကစားပြီး အမှတ်ရအောင် ယူနိုင်ခဲ့တာက ဆုဖလားရလိုက်သလိုပါပဲ။ ဒီလိုဖြစ်လာအောင် ကျောင်းဆရာခရစ္စတီယန်ဂရေးက လုပ်ပေးနိုင်ခဲ့တာပါ။

အလုပ်ကနေ ခွင့်ယူပြီး လိုက်လာတဲ့ ကျောင်းဆရာတဦးက ရေးထိုးပေးခဲ့တဲ့ မှတ်တမ်းပါပဲ။

ဘိုကာကို သရေကစားနိုင်အပြီး အုတ်ကလန်ကစားသမားတွေ ပျော်နေတာကို ကြည့်ရင် သူတို့အတွက် ဘယ်လောက်တောင်မှ အဖိုးတန်ခဲ့လဲဆိုတာ သိသာပါတယ်။ ဆုဖလားရလိုက်သလိုကို ဖြစ်နေခဲ့တာပါ။ သူတို့က အပျော်တမ်းအဆင့်သာသာအသင်းပါ။

အာဂျင်တီးနားရဲ့ နာမည်ကျော်ကလပ်ကို ၁ဂိုးစီ သရေကစားနိုင်ခဲ့ပြီး ဒီပြိုင်ပွဲမှာ သွင်းဂိုးရော၊ ရမှတ်ပါ ယူနိုင်ခဲ့တာမို့ သူတို့အတွက် မဟာအောင်ပွဲလို့ ပြောမယ်ဆိုလည်း မမှားပါဘူး။ အလုပ်သမားတွေနဲ့ စုပေါင်းစပ်ပေါင်းထားတဲ့ အသင်းငယ်လေးက တကယ်ပရိုအသင်းကြီးကို မရှုံးအောင် ကစားပြသွားတာ တကယ်လည်း ဂုဏ်ယူစရာပါ။

သူတို့အတွက် သမိုင်းဝင်ပွဲ၊ ဘယ်တော့မှမေ့မရတော့မယ့်ပွဲဆိုလည်း မမှားပါဘူး။