မြစ်ကြီးနား

မြစ်ကြီးနား

မြစ်ကြီးနား

မြစ်ကြီးနား

မြစ်ကြီးနား

မြစ်ကြီးနား

မြစ်ကြီးနား

မြစ်ကြီးနား

ကလေးမွေးပေးခဲ့ဖူးတဲ့ Joker
မတ်လ ၂၂ ၊ ၂၀၂၅
၂၀၁၇ ခုနှစ်တုန်းက အမေရိကန်ပြည်ထောင်စု၊ တန်နက်ဆီပြည်နယ်က ပဲရစ်မြို့မှာ ဆေးရုံတစ်ရုံမှာ Joker ကနေ ကလေးတစ်ယောက်ကို အောင်အောင်မြင်မြင်မွေးဖွားခဲ့ဖူးတဲ့ ဖြစ်ရပ်တစ်ခု ဖြစ်ပွားခဲ့ဖူးပါတယ်။
အဲဒီရက်က ဒေါက်တာ Paul Locus ဆိုသူက Heath Ledger ရဲ့ Joker ပုံစံအတိုင်း မိတ်ကပ်ဆံပင်ကအစ အဝတ်အစားတွေအကုန်လုံး ဝတ်စားဆင်ယဉ်ပြီးတော့ ဟောလိုးဝင်းပါတီပွဲတစ်ခုကို တက်ဖို့အတွက် အသင့်ဖြစ်နေခဲ့ပါပြီ။
ဒီအချိန်မှာ မွေးလူနာတစ်ယောက်က ကလေးမွေးရမယ့်ရက်ထက် တစ်ပတ်စောပြီးတော့ ရေမွှာပေါက်သွားခဲ့တဲ့အတွက် ဆေးရုံကို ရောက်လာချိန်မှာ ဒေါက်တာ Paul Locus ကို ဆေးရုံကို အမြန်လာဖို့ ဆက်သွယ် အကြောင်းကြားလာခဲ့ပါတယ်။ ဒီအတွက် ဒေါက်တာခမျာ ဘာမှတောင် လုပ်ချိန်မရဘဲ ဆေးရုံကို ကတိုက်ကရိုက် အပြေးအလွှားသွားခဲ့ရပါတယ်။
ဆေးရုံရောက်လို့ ဒေါက်တာက လူနာအခြေအနေကြည့်ပြီးတဲ့နောက်မှာ မမွေးသေးတဲ့အတွက် အိမ်ပြန်ပြီးတော့ အဝတ်အစားလဲပြီး မိတ်ကပ်တွေကို ပြန်ဖျက်မယ်လို့ ဆုံးဖြတ်ခဲ့လိုက်ပါတယ်။ ဒါပေမဲ့ ဒီအချိန်မှာ လူနာရှင်တွေဘက်ကနေ ဒေါက်တာကို ထူးဆန်းတဲ့ တောင်းဆိုမှုတစ်ခု လုပ်ခဲ့ပါတယ်။ ဒီတောင်းဆိုမှုက ဒီအပြင်အဆင်အတိုင်းပဲ ကလေးကို မွေးဖွားပေးဖို့ပါ။
လူနာရှင်တွေရဲ့ တောင်းဆိုမှုအရ ဒေါက်တာလည်း မငြင်းသာတာ့ဘဲ ဝမ်းမြောက်ဝမ်းသာစွာနဲ့ ကလေးကို မွေးဖွားပေးခဲ့လိုက်ပါတယ်။ မွေးလူနာအနေနဲ့လည်း ဒေါက်တာရဲ့ အသွင်အပြင်ကို သဘောကျလွန်းလို့ နာကျင်မှုကိုတောင် မကြာခဏဆိုသလို မေ့လျော့သွားတယ်လို့ ဆိုပါတယ်။
ဒီဖြစ်ရပ်က ဒေါက်တာ Paul Locus နဲ့ လူနာရှင်တွေအတွက်သာမက ဒီအော်ပရေးရှင်းမှာ ပါဝင်ခဲ့တဲ့လူတိုင်းအတွက် တစ်သက်မမေ့နိုင်တော့မယ့် ကြည်နူးဖွယ်အဖြစ်အပျက် တစ်ခု ဖြစ်ခဲ့ပါတယ်။
ဒါပေမဲ့ Joker က အခုလို ကလေးကို အောင်အောင်မြင်မြင် မွေးဖွားပေးခဲ့ပြီးတဲ့နောက်မှာ ဆေးရုံကို ဗုံးခွဲခဲ့သလား၊ မခွဲခဲ့ဘူးလားဆိုတာကိုတော့ တိတိကျကျ မသိရပါဘူး။

❝ လူတွေဟာ
သိပ်သေးကွေးပါတယ်
သိပ်အားနည်းပါတယ်
မသိနားမလည်တာတွေလည်း
သိပ်ပြီးများလွန်းတယ်
နေရာယူနိုင်မှု
သိပ်ကျဉ်းတယ်
အချိန်ရရှိမှုလည်း
သိပ်နည်းနေပြန်ရော . . .
လူတွေဟာ
သူ့အစွမ်းအစတွေ
ဘယ်လောက်ရှိမှန်း
သူတို့ကိုယ်သူတို့ မသိနိုင်ခင်မှာ
ပြီးဆုံးအောင်
မရှာဖွေရသေးခင်မှာ
သေဆုံးသွားတတ်မြဲ
စကြဝဠာထဲ
လူဆိုတာ သိပ်သေးဖွဲလွန်းတယ် ❞
▪️အရိုး // ဇီတာ▪️