Butterfly 🦋

Butterfly 🦋

Butterfly 🦋

Butterfly 🦋

စားအုန်းဆီ အခြေခံလက်ကားရည်ညွှန်းဈေးနှုန်း (၂၇၅) ကျပ် မြင့်တက်လာ

ယခုတစ်ပါတ်အတွက် ဈေးကွက်အတွင်း ရောင်းချရမည့် စားအုန်းဆီ အခြေခံလက်ကားရည်ညွှန်းဈေးနှုန်းမြင့်တက်လာကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ထုတ်ပြန်ထားသည့် ဈေးနှုန်းများအရ သိရသည်။

ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ နိုဝင်ဘာ (၄) ရက်မှ နိုဝင်ဘာ (၁၀) ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် (၆၅၉၅) ဖြစ်ကြောင်း ထုတ်ပြန် ကြေညာထားသည်။

ပြီးခဲ့တစ်ပါတ်တွင် တစ်ပိဿာငွေကျပ် (၆၃၂၀)သတ်မှတ်ထားပြီး ယခုတစ်ပါတ်တွင် (၂၇၅) ကျပ်မြင့်တက်လာခြင်းဖြစ်သည်။

ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားသည်။

လာဟိုးမှာ အလွန်အမင်းလေထုညစ်ညမ်း၍ကျောင်းများ ပိတ်ရ

ပါကစ္စတန်နိုင်ငံ၏ ဒုတိယအကြီးဆုံးမြို့ လာဟိုးတွင် မကြုံစဖူးအောင် ထူးကဲစွာလေထုညစ်ညမ်းသဖြင့် တနင်္ဂနွေနေ့တွင် အာဏာပိုင်များသည် နေအိမ်မှသာ အလုပ်လုပ်စေခြင်း၊ မူလတန်းကျောင်းများ ကိုပိတ်စေခြင်း အပါအဝင် အရေးပေါ်အစီအမံများကို ချမှတ်ခဲ့ရသည်။

ပြည်နယ်အစိုးရနှင့် ဆွစ်အဖွဲ့အစည်းတစ်ခုဖြစ်သည့် IQAir တို့က ထုတ်ပြန်သော အချက်အလက်များအရ ပါကစ္စတန်-အိန္ဒိယနယ်စပ်အနီးတွင် စနေနေ့က လေထုညစ်ညမ်းမှုအဆင့်သည် ၁၉၀၀ အထိ စံချိန်တင် အမြင့်ဆုံး ဖြစ်ခဲ့ပြီးနောက် လာဟိုးမြို့သည် တနင်္ဂနွေနေ့တွင် လေထုညစ်ညမ်းမှုအဖြစ်ဆုံးနိုင်ငံများစာရင်းတွင် ထိပ်ဆုံး၌ ရပ်တည်ခဲ့သည်။

မြို့ကို ထူထပ်သော မီးခိုမြူများ က ဖုံးလွှမ်းနေသောကြောင့် အစိုးရက မူလတန်းကျောင်းများကို ရက်သတ္တတစ်ပတ်ပိတ်လိုက်ကြောင်းနှင့် ကလေ-းများကို နှာခေါင်းစည်းသေချာတပ်ဆင်ပေးကြရန် မိဘများကို အကြံပေးတိုက်တွန်းထားကြောင်း ပန်ဂျပ်ပြည်နယ်၏ ဝါရင့်ဝန်ကြီး Marriyum Aurangzeb က သတင်းစာရှင်းလင်းပွဲတွင် ပြောကြားခဲ့သည်။

အများပြည်သူတို့ကို နေအိမ်တွင်းမှာပဲ နေကြရန်၊ တံခါးနှင့် ပြတင်းပေါက်များ ပိတ်ထားရန်နှင့် မလိုအပ်ဘဲ ခရီးသွားလာခြင်း မပြုကြရန် တိုက်တွန်းထားသကဲ့သို့ ဆေးရုံးများသို့ မီးခိုးရှင်းလင်းရေး ကိရိယာများ ပေးအပ်ထားသည်ဟုလည်း သူက ပြောဆိုခဲ့သည်။

ထို့အပြင် မော်တော်ယာဉ်များမှထွက်သည့် လေထုညစ်ညမ်းမှုကို လျှော့ချရန်အတွက် အစိုးရဝန်ထမ်း ၅၀ ရာခိုင်နှုန်းသည် နေအိမ်မှသာ အလုပ်လုပ်ရမည်ဖြစ်သည်ဟု သူက ဆက်လက် ပြောဆိုသည်။

အစိုးရသည် သုံးဘီးယာဉ်များကိုလည်း မောင်းနှင်ခွင့် ပိတ်ပင်ထားကာ အချို့ နယ်မြေများရှိ ဆောက်လုပ်ရေးလုပ်ငန်းများကို ရပ်ဆိုင်းထားစေဝည်။ စည်းကမ်းချက်များကို မလိုက်နာသော စက်ရုံများ၊ ဆောက်လုပ်ရေးလုပ်ငန်းများအနေဖြင့် ပိတ်ပင်ခံရနိုင်သည်ဟု သူက သတိပေးခဲ့သည်။

ဘဲအထောက်အပံ့နဲ့ရှင်သန်ရတဲ့ထဲ တို့မပါဘူး...😌
ဘဲကိုပဲ ပြန်ထောက်တာ dar နဲ့😁😏
စကားမစပ် တိုနာလေး ကုန်နေပြန်ပြီ...👀👀
#kuukuu

အိန္ဒိယတွင်လေထုညစ်ညမ်းမှုအတွက်ကားများနှင့်ဆောက်လုပ်ရေးလုပ်ငန်းများကိုဒဏ်ရိုက်

ပြီးခဲ့သည့် သီတင်းသုံးပတ်အတွင်း လေထုအရည်အသွေးကျဆင်းမှုကို အရေးယူဆောင်ရွက်သည့်အနေဖြင့် အိန္ဒိယနိုင်ငံ မြို့တော် နူးဒေလီနှင့် ပတ်ဝန်းကျင်ဒေသများမှ အာဏာပိုင်များသည် လေထုညစ်ညမ်းမှု စည်းမျဉ်းများကို မလိုက်နာသည့် မော်တော်ယာဉ်များနှင့် ဆောက်လုပ်ရေးလုပ်ငန်းခွင် ပိုင်ရှင် ထောင်ပေါင်းများစွာကို ဒဏ်ကြေးငွေများ ချမှတ်ခဲ့သည်။

ဆွစ်အဖွဲ့အစည်းဖြစ်သည့် IQAir ၏ လေထုအရည်အသွေးဆိုင်ရာ အဆင့်သတ်မှတ်ချက်အရ နူးဒေလီသည် ကမ္ဘာ့အဆိုးဝါးဆုံး လေထုညစ်ညမ်းသည့် မြို့တော်ကြီးအဖြစ် သတ်မှတ်ခံရသည်ဟု ဆိုသည်။

မော်တော်ယာဉ် ၆၀,၀၀၀ နီးပါးနှင့် ဆောက်လုပ်ရေးလုပ်ငန်းခွင် ၇,၅၀၀ ကျော်ကို ဒဏ်ရိုက်ခဲ့သည်ဟု တာဝန်ရှိသူများက ပြောဆိုသည်။ လေထု အရည်အသွေးအဆင့်သတ်မှတ်ချက်အရ သုညမှ ၅၀ ကို ကောင်းမွန်သည့်အဆင့်ဟု သတ်မှတ်ထားပြီး တနင်္လာနေ့၏ လေထုညစ်ညမ်းမှုအခြေအနေသည် ၃၇၃ အထိရှိသဖြင့် အလွန်ညံ့ဖျင်းသည့် အဆင့်အဖြစ် ဗဟိုလေထုညစ်ညမ်းမှုထိန်းချုပ်ရေး ဘုတ်အဖွဲ့(CPC က သတ်မှတ်ခဲ့သည်။

ယာဉ်စီးရေ ၅၄,၀၀၀ ခန့်သည် မီးခိုးငွေ့ထုတ်လွှတ်မှု ခွင့်ပြုအဆင့်ကို ဖော်ပြသည့် လေထုညစ်ညမ်းမှုထိန်းချုပ်ရေးဆိုင်ရာ (PUC) လက်မှတ်မရှိဟု လေထုအရည်အသွေး စီမံခန့်ခွဲရေးကော်မရှင်က ပြောဆိုသည်။ အစီးရေ ၃,၉၀၀ ကိုမူ လေထုညစ်ညမ်းမှုဆိုင်ရာ လွန်ကဲသောအခြေအနေကြောင့် သိမ်းဆည်းခဲ့သည်ဟုလည်း ဆိုသည်။

ထို့အတူ လုပ်ငန်းခွင် ၅၉၇ ခုကို သဘာဝပတ်ဝန်းကျင်ဆိုင်ရာ လျော်ကြေးငွေပေးဆောင်ရန် အမိန့်ထုတ်ခဲ့ပြီး လုပ်ငန်းခွင် ၅၆ ခုကိုမူ ပိတ်သိမ်းစေခဲ့သည်ဟု ဆိုသည်။

နူးဒေလီသည် ဆောင်းရာသီကာလတွင် အေးသောလေထုတွင်းစုပုံနေသည့် မီးခိုးငွေ့များ၊ ဖုန်မှုန့်များနှင့် အိမ်နီးချင်း စိုက်ပျိုးရေးပြည်နယ်များဖြစ်သော ပန်ဂျပ်နှင့် ဟာယာနာတို့ရှိ လယ်ယာမြေ မီးရှို့ရာမှ ထွက်လာသော မီးခိုးများကြောင့် ပြင်းထန်သော လေထုညစ်ညမ်းမှုများကို ရင်ဆိုင်ရပြီး စာသင်ကျောင်းများပိတ်ရခြင်း၊ ဆောက်လုပ်ရေးလုပ်ငန်းပိုင်းကို ကန့်သတ်ရခြင်းများ ပြုလုပ်ရလေ့ရှိသည်။

ယင်းဒေသ၏ လေထုအရည်အသွေးသည် ဗုဒ္ဓဟူးနေ့တိုင်အောင် အလွန်ညံ့ဖျင်းသည့်အနေအထားတွင် ရှိနေမည်ဟု မျှော်လင့်ရကြောင်း ကမ္ဘာမြေသိပ္ပံဝန်ကြီးဌာနက ပြောဆိုသည်။ နောက်ခြောက်ရက်အတွက် ခန့်မှန်းမှုအရ အလွန်ညံ့ဖျင်းသော အဆင့်မှ ပြင်းထန်သော အဆင့်အထိ ရောက်ရှိနိုင်သည်ဟုလည်း ဆိုခဲ့သည်။

ဩစတြေးလျကို သရေခံကစားခဲ့သည့် မြန်မာဖူဆယ်အသင်း

ထိုင်းနိုင်ငံတွင် လက်ရှိကျင်းပနေသည့် ၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲ အုပ်စုအဖွင့်ပွဲစဉ်၌ မြန်မာဖူဆယ်လက်ရွေးစင်အသင်းသည် အာရှအင်အားကြီး ဩစတြေးလျအသင်းကို သရေရလဒ် ထွက်ပေါ်အောင် ကစားနိုင်ခဲ့သည်။

မြန်မာဖူဆယ်လက်ရွေးစင်အသင်းနှင့် ဩစတြေးလျလက်ရွေးစင်အသင်းတို့သည် ယနေ့ မနက် (၁၀)နာရီက ထိုင်းနိုင်ငံ၊ Terminal 21 Korat venue တွင် ကစားခဲ့ကြပြီး (၃) ဂိုးစီ သရေကျခဲ့ကြသည်။

အာဆီယံဖူဆယ်ပြိုင်ပွဲ၌ မြန်မာအသင်းသည် အုပ်စု (ခ) ၌ ဩစတြေးလျ၊ ကမ္ဘောဒီးယား၊ အင်ဒိုနီးရှားအသင်းတို့နှင့် တစ်အုပ်စုတည်း ကျရောက်နေကာ မနက်ဖြန် နိုဝင်ဘာ (၅) ရက်၌ ကမ္ဘောဒီးယားအသင်းနှင့် ဆက်လက်ယှဉ်ပြိုင်ရမည် ဖြစ်ကြောင်း သိရသည်။

ယခုပြိုင်ပွဲတွင် မြန်မာဖူဆယ်လက်ရွေးစင်အသင်းကို ထိုင်းလူမျိုးနည်းပြ Mr. Bunlert Cheorawong က တာဝန်ယူကိုင်တွယ်နေပြီး အုပ်ချုပ်နည်းပြ (၁၀) ဦး ကစားသမား (၁၄) ဦးဖြင့် ပါဝင်ယှဉ်ပြိုင်နေခြင်း ဖြစ်သည်။

"Different kind of love in every corner"