အိပ်ယာမဝင်ခင် ရှောင်ကျဥ်ရမယ့် အချက် (၅)ချက်..
အိပ်လို့မပျော်ဘူးဆိုတာ မိမိဦးနှောက်မှာရှိတဲ့ တွေးတောမှုဆိုင်ရာ (arousal system) တွေကမရပ်ဘဲ အလုပ်အရမ်းလုပ်နေတာကြောင့် ဖြစ်ပေါ်လာရတဲ့ အခြေအနေတစ်ခုပါ။
💤 အိပ်ယာမဝင်ခင်မှာ နှစ်ခြိုက်စွာ အိပ်ပျော်စေဖို့ ဘယ်လိုအရာတွေကို ရှောင်ကျဉ်သင့်လဲ ❓
(၁)နေ့ဘက်တွေမှာ မအိပ်သင့်ပါဘူး။
ညက အိပ်မရလို့ နေ့ခင်းဘက်ပြန်အိပ်တာမျိုးတွေ မလုပ်သင့်ပါဘူး။နေ့ဘက်ပိုအိပ်လိုက်လို့ ခန္ဓာကိုယ်အတွက် အိပ်ချိန် လုံလောက်မသွားပဲ နေ့နဲ့ညမှားပြီး ညဘက်အိပ်မပျော်တာတွေ ရက်ဆက်ဖြစ်လာနိုင်စေပါတယ်။
(၂) အိပ်ယာအဆင်မပြေတာနဲ့ ပတ်ဝန်းကျင်။
အိပ်ရတဲ့ပတ်၀န်းကျင်က ဆူညံတာ၊အိပ်ယာ/အိပ်ခန်းကသက်တောင့်သက်သာမရှိတာ မီးလင်းနေတာမျိုးတွေကို မဖြစ်စေမှလဲ သေချာစွာ အိပ်ပျော်စေမှာပါ။
(၃)စိတ်ဖိစီးမှု စိတ်ဓာတ်ကျမှုများ။
စိတ်ဖိစီးမှုတွေ စိတ်လှုပ်ရှားမှုတွေကလည်း အိပ်ပျော်ဖို့ကို တားဆီးနေတဲ့အတွက် စိတ်ကို တည်ငြိမ်စေတဲ့ တရားမှတ်တာမျိုးတွေ လုပ်ပြီး အိပ်စက်သင့်ပါတယ်။
(၄) အိပ်ခါနီး Social Media မသုံးသင့်ပါ။
အမြဲအသုံးပြုမှု များပြားပြီး non-ionizing radiation ထုတ်လုပ်တဲ့ ဖုန်းသုံးတာ၊TV ကြည့်တာတွေနဲ့လဲ တစ်နာရီလောက်ခြားပြီးမှ အိပ်ရာဝင်ဖို့ လိုအပ်ပါတယ်။
(၅)နောက်ဆုံးတခုကတော့ မအိပ်ခင် nicotine ဆေးလိပ် vape နဲ့အခြား စိတ်ကိုတက်ကြွစေတဲ့ မူးယစ်ဆေးတွေသုံးစွဲတာ၊ စတာတွေကြောင့် အိပ်မပျော်တာတွေ ဖြစ်တတ်ပါတယ်။ 💤
အိပ်ရေး၀၀လင်လင်မရှိတာကြောင့် မနက်နိုးလာတဲ့အခါ လူပင်ပန်းသလိုဖြစ်နေတာ၊စိတ်ကလန်းဆန်းမှုရှိမနေတာတွေ ခံစားရနိုင်ပါတယ်။ကိုယ်ပိုင် တွေးတောနိုင်မှုတွေပါ ကျဆင်းလာပြီး နေ့စဉ်ရက်ဆက်အိပ်မပျော်တာ ကြာလာလေ လူမှုရေးဆိုင်ရာတွေမှာပါ အကျိုးသက်ရောက်လာစေနိုင်တာပါ။
ဒါကြောင့် အိပ်မပျော်တာ ရက်ရှည်လာပြီလို့ သတိထားမိရင် အခုလို အိပ်ယာမဝင်ခင် ရှောင်ကျဥ်ရမယ့် အချက်တွေကို လိုက်နာပြီး အိပ်ရေး၀တဲ့နေ့တွေပြန်ဖြစ်ဖို့ ကြိုးစားကြည့်ဖို့ တိုက်တွန်းလိုက်ရပါတယ်ခင်ဗျာ။
#frankie
#littleworld
