Jaws ဒါရိုက်တာ Steven Spielberg ရဲ့သမီးက ဒါရိုက်တာအဖြစ် ပွဲဦးထွက်တဲ့ သရဲကားအသစ်
Destry Allyn Spielberg ရဲ့ ပထမဦးဆုံး လက်ရာ Please Don’t Feed the Children ရဲ့ ပထမဆုံး Trailer ထွက်လာပြီဖြစ်ပါတယ်။ ဒီရုပ်ရှင်က ဇွန်ဘီသရဲကားနဲ့ Hansel and Gretel ပုံပြင်ကို ရောထားသလို ကြောက်စရာကောင်းတဲ့ ပုံစံမျိုးဖြစ်နေတာမျိုးတွေ့ရပါတယ်။
Trailer ထဲမှာတော့ ဆယ်ကျော်သက်တစ်စုဟာ လျှို့ဝှက်ဆန်းကြယ်တဲ့ ဗိုင်းရပ်စ်တစ်ခုကြောင့် “မိဘတွေ၊ ဆရာတွေ၊ မိသားစုတွေ အကုန်သေဆုံးသွားပြီဖြစ်တဲ့” ကမ္ဘာပျက်ကြီးထဲမှာ လှည့်လည်သွားလာနေတဲ့ ပုံစံနဲ့ စထားပါတယ်။ ဒီဗိုင်းရပ်စ်က လူကြီးတွေကိုပဲ ထိခိုက်တာဖြစ်ပြီး၊ အသက်ရှင်ကျန်နေတဲ့ လူကြီးတွေက ဒီဗိုင်းရပ်စ်အတွက် ကလေးတွေကို အပြစ်တင်ကြပါတယ်။
နောက်တော့ ဆယ်ကျော်သက်တစ်ယောက် ဒဏ်ရာရသွားတဲ့အခါ သူတို့အဖွဲ့မှာ ထူးဆန်းတဲ့ အမျိုးသမီးတစ်ယောက်ရဲ့ အိမ်မှာ ခိုလှုံဖို့ကလွဲလို့ နည်းလမ်းမရှိတော့ဘူး။ အဲ့ဒီနောက်ဘာတွေဖြစ်သွားမလဲ။
ဒီထူးဆန်းတဲဲ့ အမျိုးသမီးက သူတို့ ဆယ်ကျော်သက်တွေကို Hansel and Gretel ပုံပြင်ထဲကလို မုန့်တွေကျွေးပြီး စုန်းမကြီးလို စားလိုက်မလားဆိုတာကတော့ စိတ်ဝင်စားစရာပါပဲ။
Destry Allyn Spielberg က ဒီလိုသရဲကားကို သူ့ရဲ့ပထမဆုံး ရုပ်ရှင်အဖြစ် ရွေးချယ်ခဲ့တာက စိတ်ဝင်စားစရာပါပဲ။ ဘာလို့ဆို သူက ဒါရိုက်တာကြီး Steven Spielberg ရဲ့ သမီးဖြစ်နေပြီး၊ သူ့အဖေက Jaws ကလွဲလို့ သရဲကားတွေသိပ်မရိုက်တဲ့သူလည်းဖြစ်လို့ပါပဲ။
ဆိုတော့ ဒီဇာတ်ကားက စိတ်ဝင်စားဖို့ကောင်းပြီး ကမ္ဘာပျက်တဲ့ပုံစံံမျိုးတွေလုပ်ထားတာကနေ လူငယ်တွေ Survive လုပ်ရမယ့်ပုံစံမျိုးဆိုတော့ ကြည့်လို့ကောင်းမှာပါပဲ။
Please Don’t Feed the Children ကိုတော့ Tubi မှာ ဇွန်လ ၂၇ ရက်နေ့စတင်ပြသသွားမှာဖြစ်ပါတယ်။

ဒီကနေ့ပဲ Lexus ဘက်ကတော့ ၎င်းတို့ရဲ့ မျိုးဆက် (၈) ခုမြောက် all-new ES ကို Shanghai Motor Show မှာ တရားဝင် officially ချပြလိုက်ပါပြီ။ မနက်အိပ်ယာနိုးနိုးချင်း Google News လေးကောက်ကြည့်လိုက်ချိန်မှာပဲ ဒီသတင်းတွေ့တာနဲ့ ဝင်ဖတ်လိုက်မိတယ်ပေါ့။ ချက်ချင်းဆိုသလိုပဲ ပုံတွေကြည့်မိချိန်မှာ နည်းနည်းတော့နှာခေါင်းရှုံ့မိသွားတယ်။ "ဘာလဲကွာ Lexus" ဆိုပြီတော့တောင် စိတ်ထဲအတွေးဝင်မိသား။ ကိုယ်တိုင်က ကားဆို Sedans တွေကိုမှ သိပ်ရူးသွပ်တတ်သူဖြစ်နေတာကြောင့်လည်း ပါရင်ပါမယ်ပေါ့လေ။
ကျွန်တော့်အမြင်မှာတော့ ဒီ all-new ES မှာ understated elegance ဖြစ်တဲ့ DNA တစ်ခုပျောက်ဆုံးနေသလို ခံစားရတာအမှန်ပဲ။ ပြောရရင် Lexus ရဲ့ဟိတ်ဟန်ကိုက ကားအကြောင်းမသိတဲ့သူပင် ဒီကားကိုမြင်လိုက်တာနဲ့ ဒါဟာ Luxury ကားတစ်စီးပဲကွဆိုတဲ့ vibe မျိုး ပေးစွမ်းနေရမယ် မဟုတ်လား? ခုတော့ ဒီကောင့်ကြည့်ရတာ ဟိုးတုန်းက LF-ZC Concept ရဲ့ vibe တွေပဲရနေသလို ပြောရရင် RZ EV လို SUV မှာ ဒီလို design language နဲ့လာတာကို လက်ခံပေးနိုင်ပေမယ့် ES လို mid-size luxury sedan တစ်စီးမှာကျ လက်မခံနိုင်သေးဘူးလို့ပဲ ပြောချင်ပါရဲ့။
ကားရဲ့ဘော်ဒီက လိုအပ်တာထက် ပို smooth ဖြစ်နေတယ်လို့ မြင်မိသလို တစ်ခါတစ်ရံ Chinese EV တစ်စီးကိုကြည့်နေရသလိုပါပဲ။ အရင် 7th-gen ES ကိုပြန်ကြည့်မယ်ဆိုရင်တောင် spindle grille တွေ taillights တွေနဲ့ ဘော်ဒီကောက်ကြောင်းတွေက တကယ့် proper sedan တစ်စီးပီသစေတာ အမှန်ပဲ။
ဆိုတော့ ဒီ all-new ES မှာ Hybrid နဲ့ EV ဆိုပြီး Powertrain နှစ်မျိုးနဲ့လာပါမယ်။ ပြောချင်တာကတော့ Dual-Platform ဖြစ်သွားတယ်ပေါ့။ Lexus အတွက်တော့ "dual-platform" နဲ့လာတဲ့ ပထမဦးဆုံး mainstream မော်ဒယ်ဖြစ်ပေမယ့် BMW ဘက်မှာတွေ့ရတာတော့ အချိန်အတိုင်းအတာတစ်ခုရှိခဲ့ပါပြီ။ ( i4/4 Series, i5/5 Series, i7/7 Series ဒါတွေကို ဆိုလိုချင်တာပါ။ ) ကားရဲ့ wheelbase ကတော့ 3.1" လောက်ပိုရှည်လာတာမို့ LS နဲ့တောင် မတိမ်းမယိမ်းဖြစ်လာတယ်ဆိုပါတော့။ Sedan တစ်စီးအတွက် wheelbase ပိုရှည်လာတာကို သဘောကျပေမယ့် 7th-gen နဲ့ 8th-gen ES နှစ်စီးကို ထိပ်တိုက်ယှဥ်ကြည့်မယ်ဆိုရင် 8th-gen က ဘော်ဒီနည်းနည်းပိုမြင့်သွားတာကို တွေ့ရမှာပါ။ ဘာ့ကြောင့်လဲလို့မေးရင်တော့ ဘက်ထရီတွေကြောင့်ပါ။ ဒီကောင်တွေကို ကားရဲ့အောက်ဖက်ကြမ်းပြင်မှာနေရာပေးလိုက်ရတဲ့အခါ ကားရဲ့ "the whole silhouette" တစ်ခုလုံးကို အပေါ်ကိုထပ်မြှင့်ဖို့သာ ကျန်ပါတယ်။ ဒီလိုနဲ့ပဲ sleek sedan တစ်စီးရဲ့ Characteristic တစ်ခု ထပ်မံဆုံးရှုံးရပြန်ပြီး budget SUV တစ်စီးနဲ့တောင် အလားသဏ္ဍာန်တူသွားပါတယ်။
ဆက်လက်ပြီး ကျွန်တော်မကြိုက်ဆုံး အချက်ကိုပြောပါအုံးမယ်။ အဲ့တာကတော့ ကားရဲ့အတွင်းခန်း interior ပါ။ အရင် 7th-gen ES အပါအဝင် LS မော်ဒယ်တွေမှာပါ ကျွန်တော်တို့သိပ်သဘောကျခဲ့တာက ကိုင်ရပြုရ Grip ကောင်းကောင်း၊ thick ဖြစ်ဖြစ်၊ hand-stiched leather နဲ့ သိပ်ကိုမှ iconic ဖြစ်တဲ့ steering wheel ပါ။ ခု ဒီ 8th-gen ES အသစ်ရဲ့ အတွင်းခန်းကတော့ masterpiece တစ်ခုလို့ မခံစားရတော့သလို steering wheel ကလည်း လျှပ်တစ်ပြက်ကြည့်လိုက်ရင် Xiaomi SU7 ရဲ့ steering wheel နဲ့တောင် အတော့်ကိုဆင်ပါတယ်။ အလယ်မှာ Lexus Logo မပါတော့တာကလည်း အတော်လေးအပေါစားဆန်သွားသလားပေါ့။ ပြီးရင် Control လုပ်ရမယ့် ခလုတ်တွေအားလုံးကလည်း အရင်လို Physical Buttons တွေနဲ့သွားထားတာမျိုးမဟုတ်ဘဲ Touch Sensors တွေဖြစ်သွားတာရယ် Tesla နဲ့ အခြားတရုတ် EV တွေလို Infotainment Screen အကြီးကြီး ဖြစ်သွားတာတွေကပဲ ဒီ all-new ES ကို Timeless Japanese Luxury ကားတစ်စီးဆိုတာထက် mass-market tech demo ဘက်သွားတဲ့ vibe မျိုးရသွားစေတာ အမှန်ပါပဲ။
အထက်မှာပြောခဲ့တဲ့အတိုင်းပဲ ဒီကောင့်မှာ Hybrid နဲ့ EV ဆိုပြီး Powertrain နှစ်မျိုးနဲ့လာမှာဖြစ်ပြီး FWD နဲ့ AWD ဆိုပြီး ထပ်ရှိပါမယ်။ စိတ်မကောင်းစရာကတော့ အရင် 7th-gen မှာလို 3.5L V6 မရနိုင်တော့ပါဘူး။ ဒီအစား 2.5L 4-Cyl တစ်မျိုးတည်းသာလာမှာဖြစ်ပြီး FWD ယူချင်ယူ ဒါမှမဟုတ် အနောက်ဘက် rear axle ကမော်တာနဲ့အလုပ်လုပ်မယ့် AWD ယူရပါမယ်။ Prius တို့ Camry တို့ကလိုပေါ့။ မြင်းကောင်ရေကတော့ 225 Hp ထွက်မှာဖြစ်ပြီး e-AWD မှာတော့ 232 Hp ထွက်ပါမယ်။ EV ဗားရှင်းမှာတော့ ES350e နဲ့ ES500e ဆိုပြီး ဂရိတ်နှစ်မျိုးနဲ့လာမယ်လို့ သိရပါတယ်။ ES350e ကတော့ single-motor FWD နဲ့ဖြစ်ပြီး dual-motor AWD လိုချင်ရင်တော့ ES500e ကို ရွေးရပါမယ်။ Lexus ဘက်ကတော့ ဒီ EV Powertrain ရဲ့ Output တွေနဲ့ပတ်သက်ပြီး ဖော်ပြထားခြင်းမျိုးမရှိပေမယ့် ဂရိတ်ခွဲထားတဲ့နာမည်တွေနဲ့ ဆက်စပ်စဥ်းစားကြည့်ရင်တော့ RZ SUV (EV) နဲ့ share ကောင်း share လာနိုင်ပါတယ်။ အကယ်၍သာ ဒီလိုဖြစ်လာခဲ့မယ်ဆိုရင်တော့ ES350e မှာ 224 Hp နဲ့ ES500e မှာ 400 Hp ပတ်ချာလည်လောက် ထွက်နိုင်ပါလိမ့်မယ်။
အဆုံးသတ်ရရင်တော့ Lexus က ကနေ့ခေတ် market ရဲ့ trends တွေနောက်အမှီလိုက်ရင်း သူ့ကိုယ့်သူ Lexus မှန်းတောင် မေ့လျော့သွားပုံရပါတယ်။ old-money စတိုင်သဘောကျတဲ့ သူတစ်ယောက်ကိုသွားပြီး hypebeast cargo pants တွေ graphic tee တွေသွားဝတ်ခိုင်းလိုက်သလိုပဲ အခု all-new ES မှာလည်း Lexus ရဲ့ elegance ဖြစ်တဲ့ အငွေ့အသက်တွေ ပျောက်ဆုံးသွားတယ်လို့ ခံစားမိတယ်။
Anway, အခုပြောသွားတာတွေအားလုံးက ကျွန်တော်တစ်ဦးတစ်ယောက်တည်းရဲ့ personally အမြင်တွေမို့ တစ်ယောက်နဲ့တစ်ယောက် သဘောထားကွဲလွဲတာမျိုးတွေ ရှိနိုင်ပါတယ်။ ဆိုတော့ ကိုယ့်လူတို့ရော all-new Lexus ES အပေါ် ဘယ်လိုမြင်မိလဲ ကောမန့်မှာဝင်ရောက်ဆွေးနွေးသွားကြပါအုံး။ ကျွန်တော်ကတော့ 7th-gen ES လေးအနားမှာပဲ နေဖြစ်သွားပါအုံးမယ်လို့ပြောရင်း အဆုံးသတ်လိုက်ရပါတယ်။ အားလုံးပဲ သာယာသောနေ့လေးဖြစ်ပါစေ ခင်ဗျာ။

အောက်ကပုံထဲမှာ မြင်တွေ့ရတာကတော့ မကြာသေးခင်ကမှ CS treatment ရရှိသွားခဲ့ပြီဖြစ်တဲ့ BMW M2 CS အသစ်ပဲ ဖြစ်ပါတယ်။ CS မော်ဒယ်ဖြစ်သွားတဲ့အတွက် ထုံးစံအတိုင်းမျှော်လင့်လို့ရမှာတွေက ပိုကောင်းလာမယ့်စွမ်းဆောင်ရည်နှင့် ပိုလျော့လာတတ်တဲ့ အလေးချိန်ပါ။ ဒီတော့ အခု M2 CS မှာ ဘာတွေတိုးတက်လာသလဲ? Upgrades & Downgrades တွေက ဘာတွေဖြစ်မလဲဆိုတာ အောက်မှာ ဆက်ပြောသွားပါ့မယ်။
ရှေးဦးစွာ​ပြောချင်တာကတော့ ဒီကောင့်ရဲ့ စွမ်းဆောင်ရည်ပါ။ ပြောရရင် M2 CS မှာလည်း Standard M2 နှင့် M3/M4 CS တို့ရဲ့ 3.0L straight-six S58 အင်ဂျင်ကိုပဲ သုံးပေးထားတာပါ။ M3/M4 CS တို့နဲ့ယှဥ်ရင်တော့ Output မဆိုသလောက်ပိုနည်းပေမယ့် အခု M2 CS မှာက 523 hp ထွက်တာမို့ ဒီပမာဏဟာ M3/ M4 Comp တို့ထက် ပိုများသလို Standard M2 ထက် 50 hp နှင့် ယခင်မျိုးဆက် M2 CS ထက် 79 hp နီးပါး ပိုထွက်လာတာမို့ ကောင်းမွန်တဲ့ အရွေ့တစ်ခုပါပဲ။
ဒီနေရာမှာတစ်ခုပြောစရာရှိတာက M2 CS ဟာ M3/M4/M5 CS တို့လို optional AWD မရဘဲ တကယ့် pure rear-wheel drive ကားတစ်စီးဖြစ်သလို Base မော်ဒယ် M2 ကလို Manual မရနိုင်တော့ဘဲ Auto တစ်မျိုးတည်းနဲ့သာ လာမှာပဲ ဖြစ်တယ်ဗျ။ BMW ဘက်ကတော့ M2 CS ကို ပိုမြန်စေချင်တာကြောင့် ဖြစ်ကောင်းဖြစ်နိုင်ပေမယ့် Manual မှ သဘောခွေ့တဲ့ ကားချစ်သူတွေအတွက်တော့ စိတ်မကောင်းစရာပါ။
Anyway, Under the hood မှာ မြင်းကောင်းရေပိုများလာတာ တစ်ခုတည်းကြောင့် CS မော်ဒယ်စစ်စစ်တစ်စီး မဖြစ်နိုင်တာမို့ ဒီကောင့်ရဲ့ weight reduction အကြောင်းကို ဆက်ပြောကြပါမယ်။ Lighter = Faster ဆိုတဲ့အတိုင်း BMW ဘက်ကတော့ M2 CS မှာ Carbon Fiber တွေသုံးပြီး အလေးချိန်ကို ရိုးရိုး M2 ထက် 97 pounds လျှော့ချနိုင်ခဲ့တယ်လို့ သိရပါတယ်။
Base မော်ဒယ် M2 မှာ Optional အနေနဲ့သာရခဲ့တဲ့ Carbon roof ကို Standard အနေနဲ့ထည့်၊ Ducktail trunk, Mirror caps တွေနဲ့ Rear diffuser ကိုပါ Carbon Fiber သုံးပေးထားတာမို့ ကားရဲ့ Overall အလေးချိန်က 3,770 lbs သာ ကျန်ပါတယ်။ ဒါ့အပြင် M4 CSL မှာ တွေ့ခဲ့ရတဲ့ carbon bucket seats တွေကိုပါ M2 CS မှာ သုံးပေးလာတာ အတော်လေးသဘောကျဖို့ကောင်းသလို $8,500 တန် carbon-ceramics ဘရိတ်တွေကိုပါ Optional အနေနဲ့ ထပ်ထည့်လိုက်မယ်ဆိုရင် ကားရဲ့အလေးချိန်က ဒီထက်ပိုပေါ့လာနိုင်အုံးမှာပဲ ဖြစ်တယ်ဗျ။
BMW ဘက်ကတော့ M2 CS က 0-60 mph ကို 3.7 sec နှင့် Top Speed 188 mph အထိ မောင်နိုင်မယ်လို့ claim လုပ်ထားသလို ပိုတိုးတက်လာတဲ့ စွမ်းဆောာင်ရည်နှင့် ပိုပေါ့လာတဲ့အလေးချိန်နှစ်ခုကြား လိုက်လျောညီထွေမှုရှိအောင်လည်း ယခင်ထက်ပို stiffer ဖြစ်တဲ့ springs တွေနဲ့ adaptive dampers တွေကိုပါ reworked ပြန်ကိုင်ပေးထားတယ်လို့ သိရပါတယ်။
အဆုံးသတ်ရရင် ဒီကားဟာ limited-run CS မော်ဒယ်တစ်စီးဖြစ်တာနဲ့အညီ သူ့ရဲ့စျေးကလည်း $100,000 လောက်အထိကို သွားနိုင်ပါတယ်။ ပြောရရင် Base မော်ဒယ် M2 ထက် ဒေါ်လာသုံးသောင်းခန့်ပိုများသလို M4 CS ထက်လည်း ဒေါ်လာသုံးသောင်းခန့်ပိုသက်သာနေတဲ့ အနေအထားတစ်ခုပါ။ ဘာပဲပြောပြော အခု M2 CS က BMW ရဲ့ CS မော်ဒယ်တွေထဲမှာတော့ စျေးအချိုဆုံးနဲ့ အပေါ့ဆုံးကားတစ်စီးအဖြစ် ရပ်တည်နေအုံးမယ်ပေါ့လေ။
ဆိုတော့ မိတ်ဆွေတို့ရော အခု M2 CS အပေါ် ဘယ်လိုမြင်မိလဲ? ကျွန်တော်ကတော့ အခါအခွင့်သင့်ရင် sweet spot ဖြစ်တဲ့ G87 M2 Manual လေးတစ်စီးတော့ ပိုင်ဆိုင်ချင်မိပါရဲ့။

ငှက်ဆိုး... တဲ့လား
🦤🦤🦤🦤🦤🦤
ဪ .. .. ..
သူကျမှ . . . ငှက်ဆိုးတဲ့လား...
ကျွန်တော်တို့မြန်မာနိုင်ငံမှာ ငှက်မျိုးစိတ်စုစုပေါင်း ၁၂၀၀ ကျော်ခန့် ရှိတယ်လို့ ဆိုပါတယ် ။
အဲ့လောက်များတဲ့ ငှက်အမျိုးတွေထဲမှာမှ...
သူ့ကျတော့မှပဲ ငှက်ဆိုးလို့ အမည်တွင်လေရတယ် ။
ဘာဖြစ်လို့ပါလဲ..🙂
ဒီနေရာမှာ တိုတိုတုတ်တုတ်နဲ့ တည့် (ဒဲ့) အမှန်သာပြောရရင်ဖြင့် . . .
အဲ့ငှက်ကို ငှက်ဆိုးလို့သာ... အများက ထင်နေကြတဲ့ကိစ္စဟာ... တကယ်တော့ဖြင့်...
အချက်မသိတော့... သမက်ကို...သူခိုးလို့ ထင်နေကြတာပါပဲ။
ထပ်ဆောင်းပြောရရင်... တကယ်ဆို... အဲဒီသမက်က ရိုးရိုးသမက်တောင်မဟုတ်ဘူး။
ရွှေသမက်... ငွေသမက်ပါပဲဗျာ၊၊
ကဲ ဒီလိုဆိုရင် အဲဒီ ရွှေသမက်ငွေသမက် အကြောင်းကို.... ဖွေရှာကြည့်ကြရအောင်။
အဲဒီငှက်ဆိုးရဲ့ နာမည်ရင်းကတော့ လင်ကောင်ပိုးငှက် { သို့မဟုတ် } မိန်ငှက်ဆိုတာပါ ၊၊
{ Barn Owl } ပေါ့နော် ၊၊
သူ့မှာ ငှက်ပင်ဖြစ်လင့်ကစား...
အခြားကျေးငှက်တွေနဲ့မတူတဲ့..
ထူးခြားတဲ့ မျိုးရိုးအရ ဖြစ်ပေါ်လာရတဲ့..
မျက်နှာသွင်ပြင်အနေအထားနဲ့..
စူးစူးဝါးဝါးအော်မြည်တတ်တဲ့
သူ့ရဲ့ မူလဗီဇ စရိုက်တွေကြောင့်...
ငှက်ဆိုးဆိုပြီး အမည်ရလာတာဖြစ်နိုင်ပါတယ်..။
အော်တဲ့အသံတွေကိုလည်း ကြည့်ပါဦး ။
နေဝင်ရီတရောအချိန်..အပုပ်ချိန်လောက်မှာ...
လူနေအိမ်ခြေတွေနားက သစ်ပင်ပေါ်တွေမှာ... တခါတရံတော့ ပျံရင်းသန်းရင်းမှာ . . .
သူတို့ရဲ့ စူးစူးရှရှဆိုးဝါးတဲ့အသံကြီး " ဂီး " " ဂီး " လို့
ကျယ်လောင်တဲ့အသံနဲ့ အော်မြည်သံတွေက...
လူမမာ နေ့မကူးပဲ ... ဒီညပဲ ကောက်ခါငင်ခါ.. သေမဲ့နိမိတ်နဲ့...
အခြားသောဆိုးဝါးတဲ့နိမိတ်တွေကို...
ကြိုတင်ပြတဲ့အတိတ်လက္ခဏာတွေပဲလို့..
ရှေးပဝေသဏီကတည်းက စွဲလာတဲ့
အယူအဆတွေ ယုံကြည်ချက်တွေကြောင့်... ယခုထက်တိုင် အများရဲ့အမြင်မှာတော့..
လင်ကောင်ပိုးငှက်ဟာ ငှက်ဆိုးဖြစ်နေရခြင်းပါပဲ၊၊🥲
*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*
အထက်ကပြောခဲ့တဲ့ အသံကြောင့်တင်ပဲ... ငှက်ဆိုးလို့ အမည်တွင်ခဲ့သလားဆိုတော့လည်း... မဟုတ်ပြန်သေးပါဘူး ။
သူ့ရဲ့ မျက်နှာနဲ့ ရုပ်ရည်ပုံသဏ္ဌာန်ကလည်း ငှက်ဆိုးလို့အမည်တွင်စေဖို့အတွက် ကုန်းဆင်းမှာ ကူပြီးတွန်းချဆိုသလို... အားပေးအားမြှောက်ဖြစ်စေခဲ့ပါတယ် ၊၊
ညလယ်ခေါင်မှာ မမျှော်လင့်ပဲ...
ထိပ်တိုက်ကြုံတွေ့လိုက်ရရင်ဖြင့်...
သူတို့ရဲ့ မျက်နှာသွင်ပြင်ဟာ...
သရဲတစ္ဆေ ပုံပန်းသဏ္ဌာန်လိုမျိုး...
နောက်ပြီး စူးရှတဲ့ အနက်ရောင်မျက်လုံးတွေ...
ဒါ့အပြင် ညသန်းခေါင်မှာ ငှက်ဆိုးကို တကိုယ်လုံးဖြူနေတာမျိုး မြင်တွေ့ရတာဟာဖြင့်... သရဲခြောက်နေတဲ့ မြင်ကွင်းတွေလို မြင်တွေ့ရသလိုဖြစ်စေတယ်လို့လည်း ဆိုကြပြန်ပါတယ် ။
တချို့ကတော့ မျက်နှာဖုံးအဖြူရောင်တပ် သရဲဇီးကွက်လို့တောင် ရေးသားကြပါတယ် ၊၊
အဲ့ဒါတွေကတော့ဖြင့်...လင်ကောင်ပိုးဆိုတဲ့ငှက်ရဲ့...
မျက်နှာသွင်ပြင်အနေအထားတွေ...
ကိုယ်လုံးအရောင်အဆင်းတွေ...
သဘာဝကပေးထားတဲ့အတိုင်း သူ့ရဲ့ ပင်ကိုယ်အသံတွေ...
အဲဒီအချက်အလက်တွေအပေါ်ပဲ အမှီပြုပြီးတော့...အယူသည်းသမားတွေက...
ငှက်ဆိုးလို့ အမည်တပ်ပြီး တွေ့ရင်ခြောက်လှန့်မောင်းထုတ်၊ အသိုက်အမြုံတွေကို ဖျက်ဆီးကြပြီး...
လင်ကောင်ပိုးငှက်များကို ... ငှက်ဆိုးဘဝနဲ့သာ... ပြည်ဖုံးကားချလိုက်စေတဲ့အချက်တွေပါပဲ။
ကျွန်တော်အနေနဲ့ကတော့... ပြည်ဖုံးကားချလို့မရသေးပါဘူး ။☺️
ဆက်လက်ပြီးတော့...လင်ကောင်ပိုးငှက်တို့ရဲ့... စာမျက်နှာသစ်ကိုလှန်ရပါ့မယ် ။
မသိသူကျော်သွား... သိသူဖော်စားကြသူများအကြောင်းပါ ။
သူတို့တွေဟာ အဲဒီငှက်တွေရဲ့ မျက်နှာ၊ ကိုယ်လုံးအရောင်နဲ့ အသံတွေကို...
အရေးမထား ဂရုမစိုက်ကြပါဘူး ။
သူတို့ ဂရုစိုက်အလေးထားတာက...
အဒီငှက်တွေရဲ့ Behaviour လို့ခေါ်တဲ့ အပြုအမူ၊ အလေ့အကျင့်၊ အနေအထိုင်နဲ့ အစားအသောက်တို့ကိုပဲ ဖြစ်ပါတယ် ။
တိုတိုတုတ်တုတ်နဲ့ပဲ... ဇာတ်ရည်အမြန်လည်အောင်..
ဇာတ်အမြန်သိမ်းနိုင်အောင် ရေးရမယ်ဆိုရင်...
လင်ကောင်ပိုးတို့ရဲ့ အဓိကအစားအစာဟာ ကြွက်ဘဲဖြစ်ပါတယ်။🐀
အံ့ဖွယ်ကောင်းတာက လင်ကောင်ပိုး ၅ ကောင်ပါဝင်တဲ့မိသားစုတစ်စုဟာ မျိုးပွားရာသီတစ်ခုမှာ ကြွက် ၃ ထောင်ခန့်ကို စားပစ်နိုင်တယ်ဆိုကတည်းကိုက လင်ကောင်ပိုးငှက်တွေဟာ အမှန်တကယ်ထိရောက်တဲ့ ကြွက်နှိမ်နှင်း‌ရေး{ Rodent Control } သမားကောင်းတွေပါ ။
နည်းနည်းလေးဆက်တွေးမယ်ဆိုရင်...
အဲဒီကြွက်သုံးထောင်က စားပစ်မဲ့ (အမှန်ဆိုရင် ကျွန်တော်တို့စားရမဲ့) ကောက်ပဲသီးနှံတွေနဲ့...
ကြွက်သုံးထောင်က ကျွန်တော်တို့လူသားတွေကိုပေးမဲ့ ရောဂါဆိုးကြီးတွေ...
အဲဒါတွေကို လင်ကောင်ပိုး မိသားစုတွေက ဖယ်ရှားပေးခဲ့တာပါ။
ဒါတောင် လင်ကောင်ပိုးငါးကောင် မိသားစုတစ်စုစာကပဲ ... လူတွေနဲ့
သဘာဝပတ်ဝန်းကျင်ကိုပေးနေတဲ့ ဂေဟဗေဒစနစ်ဝန်ဆောင်မှု{ Ecological service } ပဲ ရှိပါသေးတယ် ။
နည်းနည်းဆက်ပြောရမယ်ဆိုရင်တော့...
အချို့သောနိုင်ငံကြီးများရဲ့ စပျစ်ခြံကျယ်ကြီးများနဲ့...စိုက်ပျိုးရေးခြံများမှာလည်း..
လင်ကောင်ပိုးများကို... ပိုးမွှားနှိမ်နှင်းရေးသမားတွေ { Pest control } အနေနဲ့ အသုံးပြုကြတယ်လို့မှတ်သားရမိပါတယ် ။
လင်ကောင်ပိုးငှက်များကို... သူတို့ဆီမှာတော့ လယ်ယာမြေငှက်လို့ အအမည်တပ်ကြပြီး..
သသူကောင်းပြုထား​ကြတာလည်း... ရှိကြပါတယ်။
အဲဒီအတွက်ကြောင့်...ကျွန်တော်တို့အားလုံး...
ရှေ့ဆက်လက်ပြီး ... ငှက်ဆိုးတွေကို တွေ့ပြီဆိုရင်
နှင်ထုတ် မောင်းထုတ်မလုပ်ကြဘဲ ခရီးဦးကြိုဆိုသင့်ကြောင်းပါ ခင်ဗျား ၊၊😍
အချိန်ပေးဖတ်ရှုပေးသည့်အတွက် ကျေးဇူးတင်ရှိကြောင်းပါ။
ရေးသားသူ - #ဒေါက်တာမြင့်သိန်း(B.V.S)

ASMR MUKBANG convenience store store, FIRE Noodle, HOT DOG, GIMBAP, Tteokbokki EATING SOUND !

▪️ငါးသလောက် ကိုင်းခရမ်းချဉ်သီးအချဉ်ချက်လေး
-------------------------------------------------

✅အခုလို နွေရာသီလေးနဲ့ အရမ်းလိုက်ဖက်ပြီးစားကောင်း၊ထမင်းမြိန်စေတာဖြစ်လို့ ချက်စားကြည့်ဖို့ တိုက်တွန်းပါရစေ ချစ်တို့ရေ

👉 သန့်ရှင်းလတ်ဆတ်တဲ့ ရေချိုငါးပုဇွန်မျိုးစုံကို နေ့စဉ်မှာယူစားသုံးနိုင်သည့်အပြင် ၊ အသင့်ချက်ပြုတ်လိုသူများအတွက်လည်း စနစ်တကျကိုင်တွယ်၊သန့်စင်ပေးပြီး အိမ်အရောက်ရေခဲပုံးဖြင့် နေ့စဉ်ပို့ဆောင်ပေးတာဖြစ်လို့

👉ရန်ကုန်မြို့တွင်းရော
👉နယ်မြို့များပါမကျန် မှာယူစားသုံးနိုင်တဲ့အပြင်
👉စလုံး Customer များအတွက်လည်း စနစ်တကျထုတ်ပိုးအေးခဲပြီး ၊ Agent အပ်နှံပေးပါတယ်နော်

▪️ငါးသလောက်ဆူဆူတကောင်ကို သင့်တော်သလိုလေးတုံးပြီး ဆား၊နနွင်း၊အရသာမူန့် ၊မျှင်ငါးပိလေးနှင့်နယ်ထားပြီး ခဏနှပ်ထားလိုက်နော်

ငရုတ်ပု၊ဂျင်း၊ကြက််သွန်နီ၊ကြက်သွန်ဖြူ ကိုမညက်တညက်လေးထောင်းမယ်
ဆီပူလာတာနဲ့က်ုင်းခရမ်းချဉ်သီးလေးတွေ ခွဲစိတ်ထားတာထည့်ကြော်မယ် ၊အနည်းငယ်လေးတူးလာပြီဆို ခဏဆယ်ထားမယ်နော်

▪️ထောင်းထားတာတွေက်ို နာနာဆီသတ်မယ်
အရသာနယ်ထားတဲ့ ငါးထည့်လုံးမယ်
ရေလေးအနည်းငယ်ထည့်မယ်
အိုးလေးအသာလူပ်ပေးနော်
ပြီးရင် မန်ကျည်းရည်ထည့်မယ် ၊နောက်ပီး ခရမ်းချဉ်သီးကြော်ထားတာထည့်ပြီး ၊နံနံပင်အုပ်ရင် အရမ်းကို အရသာရှိတဲ့ ငါးသလောက်ကိုင်းခရမ်းချဉ်သီး အချဉ်ချက်လေးရပါပြီ ၊
အရသာရှိရှိ သုံးဆောင်လို့ ရပါပြီနော်

ကရင်မလေးက အစားလောက် မကြိုက်တဲ့သူ 😑

ရှယ် ရေချိုပုဇွန်ထုတိကြီးဆီပြန် ချက် 🦐
~~~~~~~~~~~~~~~~~~~~~~~~~~

1. ပထမဦးဆုံး ပုဇွန်ထုတ်ကို ဦးခေါင်းအခွံခွါ အညစ်အကြေးအိတ် ကို ပုဇွန်ဆီအနှစ်တွေမပေါက်အောင် အသာ​လေးခွါထုတိပါ

2. ကိုယ်ထည်အခွံခွါ ပီး အမြီးအဖျားလေးပဲချန်ထားပါ

3. ပုဇွန်လက်တံရှည်တွေ ဖြုတ်ပေးပါ

4. သံပုရာသီးလေး အနည်းငယ်ညှစ်ပေးပီး ပုဇွန်
ကို ပွတ်ပေးပါ ဒါမှ ပုဇွန်ထုတ်က မွှေးပီး ချက်ရင် အရောင်လေးလှပါတယ်

5. ဆားအနည်းငယ် နဲ့ ဆနွင်းလေး နည်းနည်းလေး ထည့်ပီး ၅ မိနစ်လောက် အရသာလေးဝင်အောင် နှပ်ထားပေးပါ

6. ကြက်သွန်အဖြူအနီ ကြိတ်ထားတာလေးကို ဆီလေးထည့် ပီး ဆနွင်းအနည်းငယ် ၊ အရောင်တင်မှုန့်အနည်းငယ် ထည့်ပီး မွှေးလာအောင်ဆီသတ်ပါ

7. ကြက်သွန်မွှေးလာရင် ခရမ်းချဉ်သီး အလုံးကြီး ၂ လုံးကို ပါးပါးလှိးပီး ကြေနေအောင်ထည့်ပီး လုံးချက်ပါ ၊ ပုဇွန်ငံပြာရည် အနည်းငယ် ထည့်ချက်ပါတယ် ပိုစား​ေကာင်းပါတယ်၊ခရမ်းချဉ်သီး အနှစ် ရပီဆိုရင် စောက နှပ်ထားတဲ့ ပုဇွန်ထုတိကို ထည့်လုံးပါ

8. ပုဇွန်ထုတိ အသားလေးတင်းသွားရင် ရေအနည်းငယ် ရေနွေးကြမ်းသောက် ပုဂံလုံး တလုံးစာထည်.ပီး အဖုံးလေး ခဏအုပ်ပေးပါ

9. ရေလေးခနိးပီး ဆီပြန်လာရင် နံနံပင် ၊ ငရုတ်သီးစိမ်းအုပ်ပီးမီးဖိုပေါ်က ချလို့ရပါပီ

❤️ အရမ်းကို မှ စားကောင်းတဲ့ ရှယ်ရေချိုပုဇွန်ထုတိဆီပြန်ဟင်းလေးရပီပေါ့ ❤️

ထောပတ်ရယ်ကြိတ်ထားတဲ့
ကြက်သွန်ဖြူ ကြက်သွန်မြိတ်တို့ကို
ရောနယ်ပါပေါင်မုန့်ကိုကြက်ခြေခတ်ပုံလှီးပြီး ထောပတ်သုပ်ပေးပါ Airfryerထဲ170 ဒီဂရီနဲ့
10မိနစ်လောက်ကင်ပေးပြီး စားလို့ရပါပြီ

ပါမုန့်ကိုဓါးအရလေးပြီး ထောပတ်သုပ်ပါ
ထောပ်တ်ပတ်ကြက်သွန်ဖြူနှစ်တက်
နုပ်နုပ်စင်းထည့်ပါ ပေါင်မုန့်ပေါ်သုပ်ပေးပြီး180ဒီဂရီနဲ့
15မိနစ်ဖုတ်ပေးပါ နွားနို40g+cheeseတပြားကိုအရည်လေးကြိုလိုက်ပါ cheeseအရည်လေးစမ်းပြီးစားလို့ရပါပြီ