ပိုက်ဆံသိပ်မသုံးသင့်တဲ့ Skincare Steps များ🤫
(Part-1)
Skincare စျေးတွေက လတ်တလောမှာ အရမ်းမြောက်နေတာမလို့ ခြိုးခြံချွေတာပြီး သုံးစွဲရမယ့်အချိန်ဖြစ်သလို မယောင်ရာမှာဆီမလူးမိဖို့လဲ Nyi တို့ဂရုစိုက်ဖို့လိုပါပြီ။ တကယ်တမ်းတွက်ကြည့်ရင် ဘယ်လောက်ပဲခြိုးခြံတွက်ချက်ပြီးသုံးလဲ မလိုအပ်တဲ့နေရာတခုမှာ ပိုက်ဆံကိုများများသွားသုံးလိုက်မိရင် ကိုယ်အားထုတ်ထားသမျှ အချည်းနှီးဖြစ်ကုန်တယ်ပေါ့နော်။ ဒါကြောင့်မလို့ Nyi က ဒီနေ့ ပိုက်ဆံသိပ်မသုံးသင့်တဲ့ Skincare Steps လေးတွေအကြောင်း ပြောပြပါမယ်။
1. Makeup remover / Micellar water / Cleansing water / Cleansing oil / Cleansing balm📍
ဒီ step က မဖြစ်မနေလိုအပ်တဲ့ထဲ ပါသော်ငြားလဲ စျေးကြီးဖို့မလိုတာတော့ အမှန်ပါပဲ။ အဓိက အလုပ်ဖြစ်ဖို့သာလိုတယ်။ ဆိုလိုချင်တာက makeup ဖျက်ဖို့ရည်ရွယ်တဲ့ skincare တခုဟာ အသားအရေကိုထိခိုက်ခြင်းမရှိဘဲ မိတ်ကပ်ဖျက်နိုင်ရင် ရပြီ။ ဒါဆိုရင်ကို သုံးလို့အဆင်ပြေပြီ။ ကိုယ်က budget ကိုထည့်တွက်ရမယ့်သူမျိုးဆိုရင် စျေးချိုပြီး အလုပ်ဖြစ်တာကိုသာရွေးပါ။ အရေးကြီးတာက makeup ဖျက်နိုင်ဖို့၊ သူ့ကြောင့်အဖုမထွက်ဖို့ပဲမလား? ဒါကိုမဟုတ်ဘဲ ကိုယ်က စျေးကြီးတဲ့ products တွေနောက်လိုက်ရင်တော့ ပိုက်ဆံကပိုထွက်မှာပါပဲ။ Marketing strategies တွေအရ သုံးရတဲ့ experience ကောင်းအောင်၊ skincare benefits တွေပိုရနိုင်အောင် Brand တခုနဲ့တခု သူ့ထက်ငါအပြိုင်အဆိုင်ထုတ်နေတာကို ကိုယ်ကလိုက်ပါပြီး သုံးမိရင်တော့ ပိုက်ဆံကမလိုအပ်ဘဲ ထွက်နေမှာပါ။ နောက်ပြီး ပိုက်ဆံထွက်သလောက်လဲ အာနိသင်ထူးထူးခြားခြားပေးနိုင်တဲ့ steps မျိုးလားဆိုတော့လဲ မဟုတ်ပြန်ဘူး။ ဆိုတော့ ခုလိုကာလမှာ Nyi ကတော့ အလုပ်ဖြစ်ပြီးစျေးချိုတာမျိုးကိုသာ ရွေးစေချင်ပါတယ်။ တဗူးဝယ်ပြီး တနှစ်နီးပါးသုံးရမယ့် cleansing oil တခုကိုလဲ Nyi ရက်ပိုင်းအတွင်း review တင်ပေးမှာမလို့ စောင့်ကြည့်ပေးပါအုံးနော်။
2. Facial Foam📍
Facial foam ရွေးတဲ့နေရာမှာတော့ Nyi က blog readers တို့ကို ပါးပါးနပ်နပ်ရှိဖို့ အကြံပေးချင်တယ်။ ဘာလို့လဲဆိုရင် facial foam ဆိုတဲ့အမျိုးကကျတော့ စျေးကြီးတိုင်းလဲ မစွံဘူး၊ စျေးပေါတိုင်းလဲ မစုတ်ဘူး၊ အလယ်အလတ်တန်းမလို့ မျက်စိမှိတ်ဝယ်လို့လဲ မရပြန်ဘူး။ ကိုယ့်ရဲ့ skin type, skin concern, ကိုယ့်မျက်နှာက dehydrate ဖြစ်မဖြစ်, သူ့မှာ ဘယ်လို surfactants တွေအဓိကသုံးထားလဲ စတဲ့အချက်တွေပေါ်မှာမူတည်ပြီးတော့ ဆုံးဖြတ်ရပါတယ်။ ဒါပေမဲ့ formulation ပိုင်းနဲ့ skin safety ကလဲ အရေးကြီးတာကြောင့် Nyi ကတော့ စျေးအရမ်းပေါတာမျိုးကို ရှောင်ဖို့တော့ အကြံပေးချင်တယ်။ ခုလိုကာလမှာ စျေးအရမ်းကြီးတာမျိုးလဲ မျက်နှာသစ်ကို မသုံးစေချင်ဘူးပေါ့နော်။ Facial foam ကလဲ မျက်နှာပေါ်မှာခဏပဲထားပြီး ရေဆေးချရတဲ့ cleansing step တခုမလို့ စျေးအရမ်းကြီးတာကြီး ingredients တွေလန်ပြန်နေတာမျိုးသုံးလဲ အသားအရေမှာ သိပ်ပြီးထူးခြားတာမျိုး တွေ့ရမှာမဟုတ်လို့ပါနော်။ 2-3သောင်းဝန်းကျင်မှာလဲ သုံးလို့ကောင်းတဲ့မျက်နှာသစ်တွေ အများကြီးရှိပါတယ်ဗျ။ စျေးကြီးတာမှသုံးချင်ရင်လဲ ကိုယ့်သဘောဆိုပေမဲ့ Nyi ကတော့ ငွေသုံးလျှော့ချင်တဲ့သူတွေအတွက် ရည်ရွယ်ပြီး ပြောပြပေးလိုက်ပါတယ်။
3. Toner📍
တခုမှတ်ထားပေးနော်။ Toner စျေးကြီးတာဝယ်မယ့်အစား Essence ဝယ်ပါ၊ Essence စျေးကြီးတာဝယ်မယ့်အစား Serum, Ampoule ဝယ်ပါ။ 100% မှန်တယ်လို့တော့ မဟုတ်ဘူးနော်။ တချို့ products တွေမှာ နာမည်, texture နဲ့လှည့်ထားတာမျိုးတွေ ရှိတတ်လို့ပါ။ ဒါပေမဲ့လဲ အများစုကတော့ မှန်တာများပါတယ်။ သူများတွေတော့မသိဘူး၊ Nyi တော့ toner ကိုလေ တချို့လူတွေ စျေးအရမ်းကြီးပေးဝယ်ရင် တအားအူယားတာပဲ။ ဒါကြောင့်လဲ တချို့လူတွေပြောကြတာပေါ့နော်။ ပိုက်ဆံရှိတိုင်း ပစ္စည်းကောင်းမသုံးရဘူး၊ ပစ္စည်းကောင်းသုံးဖို့က ရွေးချယ်တတ်ဖို့လိုသေးတယ်လို့ ဆိုကြတယ်။ အထူးသဖြင့် စျေးအတူတူမှာကို ပိုကောင်းတဲ့ပစ္စည်းကို ရွေးတတ်ခြင်းပေါ့။ Toner ကတော့ skincare မှာ 1st step ဖြစ်လို့ လိမ်းလိုက်ရင် အသားအရေအတွင်းပိုင်းကို ဝင်ရောက်တဲ့အတွက် အာနိသင်ပြတဲ့ထဲပါပါတယ်။ ဒါပေမဲ့ toner ကို စျေးအရမ်းကြီးတာမျိုးဝယ်မယ့်အစားတော့ essence ပဲဝယ်တော့မှာပေါ့နော်။ နောက်ပြီး ကိုယ်က budget save ဖြစ်ချင်ရင် toner step ကိုကျော်လိုက်လို့လဲ ရပါတယ်။ pH balance ဖြစ်ဖို့နဲ့ toner သုံးဖို့မလိုပါဘူး၊ ကျန် step တွေကလဲ pH balance ဖြစ်စေပါတယ်။
Part-2 မှာ ကျန်တဲ့အကြောင်းအရာလေး ဆက်ပြောပါမယ်နော်။ Nyi နဲ့နောက်ရက်မှာ ပြန်ဆုံပါမယ်ဗျ💙🥰
#knowledgesharingbynyi
#reviewbynyi
#crd
