မင်းကို
ငါ ဆင်ပေးနိုင်တဲ့ ရတနာက
အချစ်ပဲရှိတယ်
လှ အောင် ဝတ် ပါ ကွယ်…။
▪️ကြည်ဇော်အေး

"မုန်းသည်...သိပ်မုန်းသည်...
ဤလောကတွင်
ကျွန်တော်အမုန်းဆုံးလူမှာ ကျွန်တော်..."
မန္တလေးနဲ့တံတားဦးမြို့နှစ်မြို့မှာဇာတ်အိမ်တည်ထားတဲ့ဒီဇာတ်လမ်းလေး
စိုးနိုင်တဲ့မအေးဖြူတို့ချစ်သူနှစ်ယောက်၁၀တန်းစာမေးပွဲဖြေပြီးမြစ်ကမ်းဘေးကအအေးဆိုင်မှာအအေးသောက်ရင်းကနေတစ်ယောက်ကိုတစ်ယောက်မခွဲနိုင်ကြဘဲမိုက်ရူးရဲဆန်စွာခိုးပြေးခဲ့ကြပါတယ်🧐
ငယ်ငယ်ရွယ်ရွယ်နဲ့အိမ်ထောင်မပြုသင့်တာသိပေမဲ့ဆရာကြီးရဲ့စာရေးသွက်ပုံကြောင့်ချစ်စခင်စကြင်နာစအချိန်လေးကိုရေးထားပုံလေးမှာကြည်နူးဖွယ်ကောင်းပါတယ်🥰
မအေးဖြူတစ်ယောက်မိမိ၏ချစ်လင်ကို
ဂရုစိုက်ပုံ,အနစ်နာခံပုံ,ကြင်နာယုယပုံ,
ချစ်လင်ရဲ့ဂုဏ်ရှိန်ကိုမြင့်လူရာဝင်အောင်ကျောင်းဆက်တက်စေပြီးကျောင်းဆရာဂုဏ်ရအောင်အထိပံ့ပိုးပေးခဲ့ပေမဲ့
သူမပြန်ရခဲ့သည်ကာဖောက်ပြန်မှုပင်🥺💔
မယားကြောင့်ကျောင်းဆရာဖြစ်ခဲ့သော်လည်းကျောင်းအတူတူတက်သည့်ယင်းမာပေါ်တွင်မောင်နှမသံယောဇဉ်ထက်ပိုကာမအေးဖြူအပေါ်သစ္စာဖောက်မိခဲ့ပါတော့တယ်💔
ယင်ဖိုတောင်တစ်ခါမှမသန်းဖူးတဲ့ယင်းမာတစ်ယောက်အိမ်ထောင်သည်ယောင်္ကျားတစ်ယောက်ကိုမှချစ်မိသွားသောအခါ😩

❛ ယောက်ျားလေး ကျောင်းတို့ဘာတို့ကို
နေဖူးစေချင်တယ်၊ အဲဒီ မှာ
အလကားကောင်တွေချည်းပဲ၊
ဟိုကောင့်ကို ကြည့်လိုက်
စာကုန်းကျက်လိုက်၊
ဒီကောင့်ကို ကြည့်လိုက်
စာကုန်းကျက်လိုက်နှင့်
အားလုံး တစ်နေ့ကျရင်
ကာဒီလက် ကားသစ်ကြီး တစ်စီး
ဝယ်စီးနိုင်တဲ့ အခြေအနေကို
ရောက်အောင် ကြိုးစားမယ်ဆိုပြီး
စာကို ကုန်းကျက်နေတဲ့ ကောင်ချည်းပဲ၊
သူတို့ကို ကြည့် လိုက်ရင်တော့
ကိုယ့်ကျောင်း ဘောအသင်း ဆုံးရှုံးလာရင်
တကယ့်ကို ဝမ်းနည်း တဲ့ပုံ၊ တကယ့်ကို
မခံမရပ်နိုင် ဖြစ်နေတဲ့ပုံ၊ အမှန်ကတော့
ဘာဘောလုံးမှ စိတ်ဝင်စားတာ မဟုတ်ဘူး၊
သူတို့ ဘာလုပ်မလဲ၊
ကောင်မလေးတွေ အကြောင်း ပြောမယ်
အရက် အကြောင်း ပြောမယ်၊ ပြီးရင် မဟုတ်တရုတ်တွေ လျှောက်ပြောမယ်၊
ဒါပဲ သူတို့ သိတယ် ...
× × × × × ÷ ×
▫️မသေခင်ဖတ်သွားသင့်သော
ဘာသာပြန်စာအုပ်ကောင်းတစ်အုပ်ပါပဲ▫️
စာအုပ်အကြောင်းပြောရမယ်ဆိုရင်
စာမေးပွဲကျရှုံးပြီး
ကျောင်းထုတ်ခံရလို့ လေလွင့်နေတဲ့
အိမ်ပြေးလေးတစ်ယောက်ဖြစ်တဲ့
ဇာတ်ကောင် ဟိုလ်ဒင်ကောဖီးမြင်ခဲ့တဲ့ကမ္ဘာ
သူ့ရဲ့စိတ်ခံစားချက်၊
ပတ်ဝန်းကျင်လောကကြီးကို
မကျေမနပ်ဖြစ်နေမှုတွေ၊
လူငယ်တစ်ယောက်ရဲ့ပေါက်ကွဲမှုနဲ့အတူ
လူတွေအပေါ်မြင်တဲ့ရှူထောင့်တွေနဲ့
အဆိုးအကောင်းရောယှက်နေတဲ့
အတွေးအခေါ် အယူအဆ တစ်ချို့ကို
ကွက်ကွက်ကွင်းကွင်းရေးသားထားပါတယ်။
မိတ်ဆွေတို့ နားလည်သလို ဖတ်ရှူပြီး
အဓိပ္ပါယ်ကောက်ယူနိုင်သလို
အဓိပ္ပါယ်လည်းလွဲချော်နိုင်မဲ့
စာအုပ်တစ်အုပ်ပါပဲ ။

❛ ရာသီဥတု နဲ့ အချစ်ဟာ
ယုံကြည်လို့ မရတဲ့ အရာပဲ ❜
▫️ကိုင်ဇာတင်မုံ▫️

Daredevil ကို ဒုက္ခ အပေးနိုင်ဆုံးကောင်တွေထဲမှာ Bullseye က ဒုတိယပဲ
Born Again အပိုင်း (1) မှာတင် မထင်ထားတာတွေဖြစ်သွားတာကြည့်ရင် Poindexter (ခေါ်) Bullseye က Netflix Season 3 မှာထဲက Daredevil ကိုရော၊ Wilson Fisk ကိုပါ တေးထားပုံရပါတယ်။
အပိုင်း (1) မှာ Street Level Hero တွေကို Mention သွားပုံထောက်ရင် နောက်အပိုင်းတွေမှာ Hero တွေအကုန်လုံးပါလာဖို့များပါတယ်။
အထူးသဖြင့် Spiderman နဲ့ Daredevil တွဲလုံးကို မြင်ချင်နေတာတော့ အမှန်ပါပဲ။
Daredevil (2015-2018) | Daredevil: Born Again (2025)

❛ မောင်ချောနွယ်အတွက်
မနေနိုင်လို့ ရေးတဲ့ ကဗျာ ❜
_ _ _ _ _ _ _ _ _ _
မိုးတွေ ရွာပေါ့
အဲ့သလို မိုးတွေ ရွာတုန်းတစ်နေ့မှာ
ဖော်ဝေးဟာ
ထွက်ခွာသွားပါတယ်။
အဲ့သလို မိုးရွာတုန်းမှာပဲ
ကိုလေးအောင်လည်း
ထွက်ခွာသွားခဲ့ပါတယ်။
ခုတစ်ခါ မောင်ချောနွယ်
သူငယ်ချင်း မောင်ချောနွယ်
နှစ်ပေါင်း သုံးဆယ်ကျော်
ငါတို့ ချီတက်ခဲ့ကြရာမှ
မင်းထွက်ခွာသွားပေါ့။
သူဟာ သူ့ကိုယ်သူ ရုပ်ရှင်မင်းသား
ဖြစ်မယ်လို့ တကယ်ထင်ခဲ့တယ်
အဲ့ဒါကြောင့်
ငါတို့ ရယ်ခဲ့ကြတယ်။
သူဟာ သူငယ်ချင်းတွေကို
အမြဲမနာလိုရှိခဲ့တယ်
အဲ့ဒါကြောင့်လည်း
ငါတို့ ရယ်ခဲ့ကြတယ်။
သူဟာ အများသိ ကဗျာဆရာပေါ့
ဒါပေမဲ့ အဲ့ဒီထက်မက
သူဖြစ်ချင်ခဲ့လို့
ကဗျာတွေ အများကြီး ရေးခဲ့တယ်။
ငါတို့ ကဗျာတွေ အများကြီး
ဖတ်ခဲ့ရတယ်။
အဲ့သလို ရယ်စေ
ကဗျာတွေ ဖတ်ရစေတဲ့...
... အဲဒီ့နေရာမှာ
ငါ့ကဗျာဟာ ရပ်သွားတယ်။
ဟိုရှေးရှေးက စာဆိုတော်ကြီးတွေလို
ငါ့ကလောင်ကို ခဏချ
ငေးတိငေးရာ ငေးရတယ်။
ဪ... မောင်ချောနွယ်
သူဟာ အဆင်မပြေခဲ့ပါ
မတည်ငြိမ်မှုထဲမှာ
ဆောက်တည်ရာ မရခဲ့ပါဘူး။
ဖန်ခွက်တစ်ခွက်နဲ့
အရက်တစ်ခွက်တစ်ခွက်နဲ့
သွေးတစ်စက်တစ်စက်နဲ့
ဘဝ တဆတ်ဆတ် ကတုန်ကယင်နဲ့
ငြင်းပယ်ခံရမှုနဲ့
လှည့်လည်တောင်းခံရမှုနဲ့
တစ်ကိုယ်လုံး ထိုးအပ်လိုက်ရမှုနဲ့
နောက်ဆုံးတော့
ပါးလျားသေးသေးလေး
သေးသေးလေး အစက်လေးတစ်စက်
အစက်တစ်စက်
အဲ့ဒီအစက်လေးတစ်စက်အထိ
ကဗျာတွေ ရေးထွက်ခဲ့သေးတယ်
ဪ... သူငယ်ချင်း
ခုလည်း
မိုးတွေ မည်းလို့
မိုးတွေ ရွာပေါ့။
“သူငယ်ချင်းသေရင် ကိုယ်ငိုမှာပါ” ဆိုတဲ့
သူငယ်ချင်း
မင်းသေတော့ ငါငိုမထွက်ခဲ့ပါ
ငိုမယ်ဆို ငိုစရာတွေ မဆံ့မပြဲပဲ
ငါတို့ ဘဝတွေမှာ
ငါတို့ရဲ့ ပက်ပက်စက်စက် ဘဝတွေမှာ။
အိမ်မှာ ပန်းချီကားတစ်ချပ်
တိမ်ပြာထဲ ခေါင်းအုံးတစ်လုံး
မင်း အပူအပင်ကင်းစွာ
အိပ်စက်ရပါစေသား။
ရယ်စရာပါ သူငယ်ချင်း
ငိုစရာလည်း ပါပါလိမ့်မယ်
လူငယ်လေးတစ်ယောက်
မူးတိုင်း ရွတ်ပြတယ်
“မင်းတို့ပြောတော့
ဆရာကြီးသခင်ကိုယ်တော်မှိုင်း
ကွယ်လွန်ပြီဆို
ခု…. ဘယ်မှာရှိတော့လို့တုံး” တဲ့
ပြက်လုံးပါ။
ဟုတ်ပါတယ်
မောင်ချောနွယ် မရှိတော့ပါ
ဪ... သူငယ်ချင်း
ခုလည်း
မိုးတွေ မည်းလို့
မိုးတွေ ရွာပေါ့။ ။
ရနံ့သစ်၊ စက်တင်ဘာ၊ ၂၀၀၃
- အောင်ချိမ့် -

အရေးကြီးပါတယ်။ရေးသင့် မရေးသင့် အတော်ကြီးစဥ်းစားပြီးမှ ရေးလိုက်တာပါ။မိဘတွေနဲ့ကလေးတွေ သတိထားရမယ့်အချက်မို့ ရေးလိုက်ပါတယ်။
ပြဿနာက ကျွန်တော်တို့နေတဲ့ ဖဆပလကွက်သစ်ဖျက်လိုက်လို့ ယာယီပြောင်းရွှေ့ပြီး လာနေတဲ့ ကိုလှနဲ့မနီ(ဆိုပါတော့)တို့ဟာ ကျွန်တော်ကြီးတော် အမေဘူဒီနဲ့ ရင်းနှီးတာကြောင့် ကျွန်တော်တို့အိမ်(အမေဘူဒီ့တဲ)မှာ မိသားစုလာနေကြပါတယ်။သူတို့ရဲ့ လူမမည်ကလေးနှစ်ယောက်နဲ့အတူ မနီရဲ့မောင်​ မောင်သန်း(ဆိုပါတော့)ပါလာပါတယ်။သူတို့က ခြင်ထောင်ကြီးတစ်လုံးချုပ်ပြီး အမေဘူဒီ၊မနီ၊ကလေးနှစ်ယောက်၊ကျွန်တော်နဲ့ မောင်သန်းတို့ အတူတူအိပ်ဖို့ စီစဥ်ပါတယ်။မောင်သန်းကကျွန်တော့်ထက် ရှစ်နှစ်လောက် အသက်ကြီးပါတယ်။နယ်ကတက်လာကြတာပါ။တောနယ်မှာ ဘုန်းကြီးကျောင်းနေဖူးပါလိမ့်မယ်။အဲဒီမှာ ဘုန်းကြီးကျောင်းသားဆိုး(ကြီးနိုင်ငယ်ညှင်း)စရိုက် ပါလာပါလိမ့်မယ်။ယုတ်ကန်းတဲ့စရိုက်က သူ့ဆီမှာ ရှိနေပါတယ်။ပထမတော့ မသိဘူး။ကစားဖော်ရတယ်ဆိုပြီး ကျွန်တော်ပျော်နေခဲ့ပါတယ်။
အဲ…တစ်ညတော့...
ဒီကောင်လုပ်ပုံက ကျွန်တော်အိပ်မောကျနေတုန်း သူ့ခါးနဲ့ ကျွန်တော့်ခါးကို သူ့ပုဆိုးနဲ့ဆွဲပြီး တင်းတင်းချည်နှောင်လိုက်ပါတယ်။ပြီးတော့ ကျွန်တော့်ကို မဖွယ်မရာလုပ်ဖို့ အားထုတ်တော့တာပါပဲ။ကျွန်တော် လန့်နိုးပါတယ်။အတင်းရုန်းပေမယ့် ခါးမှာ ကျပ်နေအောင် ပုဆိုးနဲ့ စည်းထားတော့ မလွတ်ပါဘူး။ဒါနဲ့ “မလုပ်နဲ့။ကျွန်တော်မကြိုက်ဘူး။အမေဘူဒီ၊မမနီ” စသည်ဖြင့် ငိုသံတဝက်၊ကြောက်သံတဝက်နဲ့ အော်မိပါတယ်။
အမေဘူဒီတို့က “ဟဲ့ ကလေးတွေ ညကြီးမိုးချုပ် ဘာတွေဆော့နေကြတာလဲ။ကောင်းကောင်းအိပ်ကြ” လို့ ပြောပြီး ပြန်အိပ်သွားကြပါတယ်။လျှပ်စစ်မီးမရှိသေးပါဘူး။ရေနံဆီမီးကိုလည်း မီးဘေးကြောက်လို့ ငြှိမ်းထားပါတယ်။မှောင်နဲ့မည်းမည်းမှာ ကျွန်တော်ချွေးတွေပြန်၊ကြောက်လန့်၊တုန်လှုပ်၊စက်ဆုပ်ရွံရှာစွာနဲ့ ရုန်းကန်တွန်းထိုးလုပ်ရပါတယ်။ကျွန်တော်အသံမထွက်အောင် အဲဒီကောင်က လည်ပင်းညှစ်ထားပါတယ်။တအိအိ တအင့်အင့် အသံလောက်ပဲ ထွက်နိုင်ပါတယ်။
“ဟဲ့…ကောင်းကောင်းအိပ်ကြဆိုတာ မကြားဘူးလား”
မနီရဲ့ အသံပါ။
ဒီတော့မှ မောင်သန်းလည်း လက်လျှော့လိုက်ဟန်တူပါတယ်။ကျွန်တော်လည်း ခါးမှာ သူဆွဲစည်းထားတဲ့ ပုဆိုးကို မရမကဖြေပြီး ခြင်ထောင်အပြင် ထွက်အိပ်ရပါတော့တယ်။ဒီကောင့်မှာ ကလေးချင်းအနိုင်ကျင့်တဲ့ အကျင့်ဆိုး​ ရှိတယ်။စရိုက်ဆိုးပေါ့ဗျာ။
နောက်တစ်နေ့မနက်ကျတော့ ခြင်ထောင်အပြင်ဘက်မှာ အိပ်နေတဲ့ ကျွန်တော့်ကို ခြင်တွေလည်း ဝိုင်းကိုက်ထားလို့ အဖုအပိမ့်တွေ ဖြစ်နေပါပြီ။
ကျွန်တော့်ကြီးတော် အမေဘူဒီက “ခြင်ထောင်အပြင် ဘာဖြစ်လို့ အိပ်ရသလဲ။ဟိုကောင် ကန်ထုတ်လို့လား” လို့ မေးပါတယ်။ကျွန်တော် လူကြီးတွေကို တိုင်ရမလား၊မတိုင်ရဘူးလား။ကျွန်တော့်ကို အဲဒီအယုတ်တမာကောင်က မင်းပြန်ပြောရင် လည်ပင်းညှစ်သတ်မယ်လို့ ခြိမ်းခြောက်ပါတယ်။တိုင်လိုက်ရင် အလစ်မှာ လည်ပင်းညှစ်အသတ်ခံရမှာ ကြောက်နေပါတယ်။ဒါပေမဲ့ ဒီကိစ္စကို သိပ်ရွံမုန်းနေမိပါပြီ။ဒါကြောင့် နေ့ခင်းထမင်းစားပြီးချိန် အမေဘူဒီနဲ့မမနီတို့ စကားပြောနေကြတဲ့အချိန်မှာ အနားကပ်သွားပြီး “မေဘူဒီ။ကျွန်တော် မောင်သန်းနဲ့ အတူတူမအိပ်ချင်ဘူး” လို့ ပြောပါတယ်။
“ဘာဖြစ်လို့လဲ။ဒီကောင်က ခြင်ထောင်အပြင် ကန်ထုတ်လို့လား”
“မဟုတ်ဘူး”
အမေဘူဒီ တွေခနဲ တချက်စဥ်းစားတယ်။ပြီးတော့ ဒီကောင် ငါ့သားကို - - - လို့လားလို့ တဲ့တိုးမေးပါတယ်။ကျွန်တော်ငိုပါတယ်။အမေဘူဒီ တုတ်တစ်ချောင်းထဆွဲပြီး...
“ဘယ်မလဲ ဒီကောင်”
“မမဘူဒီ။ကျွန်မ ဆုံးမပါ့မယ်။” မမနီက ပြောပါတယ်။
“မရဘူး။ငါ့လက်နဲ့လုပ်ရမှ ကျေနပ်မယ်။”
ကျွန်တော် ရှက်လည်းရှက်။ဝမ်းလည်းနည်း။ဒေါသလည်းဖြစ်။အမျိုးစုံ ခံစားရပြီး ငိုကြီးချက်မနဲ့ ထွက်ပြေးခဲ့ပါတယ်။နောက်ဖေးလမ်းကြား စကြာပင်လေးအောက်မှာ ရှိုက်ကြီးတငင် ငိုနေခဲ့မိတာကို ခုချိန်ထိ မှတ်မိနေတုန်းပါ။နောက်မကြာခင် ရက်ပိုင်းအတွင်းမှာပဲ အဲဒီ့မိသားစု ကျွန်တော်တို့တဲကနေ ပြောင်းသွားကြပါတယ်။
ဒီအကြောင်းကို ပြန်တွေးမိတိုင်း ရင်တလှပ်လှပ်နဲ့ စိတ်ညစ်တဲ့ဒဏ်ကို ခံခဲ့ရပါတယ်။တချို့ညတွေဆိုရင် အဲဒီအဖြစ်အပျက်က ခြောက်လှန့်လို့ တော်တော်နဲ့ အိပ်မပျော်ခဲ့ဘူး။
ဒီကိစ္စ ဘာကြောင့်ရေးရသလဲ။အုပ်ထိန်းသူ လူကြီးမိဘများ သတိထားနိုင်အောင်ပါ။အဲဒီလို အကျင့်ယုတ်တဲ့ကောင်မျိုးနဲ့ အတူတူမသိပ်မိအောင် အထူးစောင့်ရှောက်ဖို့ လိုပါတယ်။ဒီလိုကလေးမျိုးဟာ ချိုပေါက်နေတာမဟုတ်တဲ့အတွက် မှန်းဆသိဖို့ ခက်ပါတယ်။ဒါကြောင့် နည်းနည်းအသက်ကြီးတဲ့ကလေးနဲ့ငယ်တဲ့ကလေး၊ယောင်္ကျားလေးချင်း ဖြစ်ပါစေ၊ညီအစ်ကိုရင်း မဟုတ်ရင် ဝမ်းကွဲနဲ့တောင် မသိပ်သင့်ပါဘူး။
အဲဒီအတိတ်တစ္ဆေဟာ ခုချိန်ထိ ကျွန်တော့်ကို ခြောက်လန့်နေတုန်းပါပဲ။ကျွန်တော် စိတ်ဝေဒနာ ခံစားနေရတဲ့ အချိန်မှာ အဲဒီကိစ္စက စိတ်ထဲမှာ မကြာမကြာ ပြန်ပေါ်လာခဲ့တယ်။ငယ်ငယ်က စိတ်ညစ်စရာတွေ ပြန်ပြန်တွေးမိပြီး ခေါင်းတွေ အုံနောက်လာတတ်တယ်လို့ တင်ပြတော့ ဆရာဝန်ကြီး ဦးအုန်းမောင်က “စိတ်ကျနေတဲ့အချိန်မှာ အဲဒီလို ငယ်ငယ်က စိတ်ညစ်စရာတွေ ပြန်ပေါ်တတ်တယ်။ဒါပေမဲ့ အဲဒါကို ပြန်ပြင်လို့ မရတဲ့အတွက် မစဥ်းစားဖြစ်အောင် ကြိုးစားပါ။စဥ်းစားနေရင် ကိုယ်ပဲ စိတ်ညစ်နေရမှာပါ။ဖြစ်နိုင်ရင် ဂုဏ်တော်ပုတီးစိပ်ပါ။မေတ္တာပို့ပါ” လို့ အကြံပေးပါတယ်။
▪️မောင်ဝဏ္ဏ
(သူလိုကိုယ်လို မောင်ဝဏ္ဏ စာအုပ်မှ)

‘A QUIET PLACE 3’ ကိုစတင်လုပ်ဆောင်နေပြီဟု သိရ !

" Locked " ရုပ်ရှင် character poster ဖြစ်ပါတယ်။ ဇာတ်ကားကတော့ Mar (21) ရုံတင်ပါမယ်။

" Locked " ရုပ်ရှင် character poster ဖြစ်ပါတယ်။ ဇာတ်ကားကတော့ Mar (21) ရုံတင်ပါမယ်။