Discover postsExplore captivating content and diverse perspectives on our Discover page. Uncover fresh ideas and engage in meaningful conversations
သစ်သီး စားခြင်းနဲ့ ပတ်သက်တဲ့ အကြံပြုချက် (၁၀) ချက်
သစ်သီးတွေက ကိုယ်ခန္ဓာနဲ့ ဦးနှောက်ရဲ့ လုပ်ငန်းစဉ်တွေကို အထောက်အကူဖြစ်စေတဲ့ ဗီတာမင်နဲ့ သတ္တုဓါတ်တွေ ပါဝင်တယ်ဆိုတာ မငြင်းနိုင်ပါဘူး။
ဒါကြောင့် အသီးတွေကို များများစားပေးဖို့ လိုအပ်ပါတယ်။ ဒါပေမယ့်လည်း အကြောင်းအမျိုးမျိုးကြောင့် အသီးစားတာ နည်းနေတာမျိုး ဖြစ်နိုင်ပါတယ်။ အခုဖော်ပြသွားမှာကတော့ သစ်သီးတွေကို လွယ်လွယ်ကူကူစားဖြစ်စေမယ့် အချက် ၁၀ ချက်ပဲ ဖြစ်ပါတယ်။
(၁) မြင်နိုင်တဲ့နေရာမှာထားပါ
အသီးစားတာကို အစားအသောက်တစ်ခုစားတယ်လို့ တချို့လူတွေက မမြင်တဲ့အတွက် အသီးအစားနည်းကြပါတယ်။ စားပွဲပေါ်မှာ ကောင်တာပေါ်မှာ ရေခဲသေတ္တာထဲမှာ စတဲ့မြင်လွယ်တဲ့နေရာတွေမှာ အသီးအနှံတွေထားရင် သင်အသီးပိုစားဖြစ်မယ်လို့ ထင်ပါတယ်။
(၂) အချိုအဖြစ်အသုံးပြုပါ
ကိုယ်ချက်တဲဟင်းတွေထဲမှာ အချိုမှုန့် ဒါမှမဟုတ် သကြားထည့်တာထက်စာရင် ချိုမြတဲ့အရသာရှိတဲ့ အသီးတွေနဲ့ အစားထိုးစမ်းသပ်အသုံးပြုကြည့်ပါ။ သဘာဝထွက်ဇီးသီးက အရမ်းချိုတဲ့အတွက် သင့်ဟင်းလျာထဲမှာ ထည့်တာက ကောင်းတဲ့ ရွေးချယ်မှုတစ်ခုဖြစ်နိုင်ပါတယ်။
(၃) သစ်သီးအမယ်အသစ် အပတ်တိုင်း စားကြည့်ပါ။
အပတ်စဉ် အသီးအသစ်တမျိုးမျီုးစားကြည့်တာက ခန္ဓာကိုယ်အတွက် လိုအပ်တဲ့ ဗီတာမင်နဲ့ သတ္တုဓါတ်တွေကို ဖြည့်တင်းပေးနိုင်ရုံသာမက ကိုယ်ကြိုက်တဲ့ အသီးကို ရှာဖွေနိုင်တဲ့ အခွင့်အရေးလည်း ရပါတယ်။
(၄) အသီးစုံစားပါ။
လတ်ဆတ်တဲ့ အသီးတွေက ပိုပြီး အဟာရပြည့်ဝ ပါတယ်။ ဒါပေမယ့်လည်း လတ်ဆတ်တာချည်း ရွေးစားဖို့ မလိုအပ်ပါဘူး။ အခြောက်ခံ နေလှမ်းထားတာမျိုး၊ ရေခဲရိုက်ထားတာမျိုး စတာတွေလည်း စားနိုင်ပါတယ်။ တချို့အသီးတွေစားရတာ ကရိကထနိုင်ပေမယ့် သိမ်းဆည်းရ စွန့်ပစ်ရ လွယ်ကူပါတယ်။
(၅) အမျှင်ဓါတ်ကို မေ့မထားပါနှင့်။
အသီးကို ဖျော်သောက်တာထက်စာရင် အလုံးလိုက်စားပါ။ ဒါကတဆင့် သင့်ကို အမျှင်ဓါတ်ပိုရစေပါတယ်။
(၆) မနက်စာမှာ အသီးစားပါ။
ဂျုံနဲ့ပြောင်းထွက် စားသောက်ကုန်တွေစားမယ့်အစား သစ်သီးကို မနက်စာအဖြစ်စားနိုင်ပါတယ်။ ဒါက ကိုယ်ခန္ဓာအတွက် လိုအပ်တဲ့ ဗီတာမင်နဲ့ သတ္တုဓါတ်တွေ ရစေပါတယ်။
(၇) နေ့လယ်စာမှာ သစ်သီးစားပါ။
အလွယ်တကူရရှိတဲ့ fast food တွေစားမယ့်အစား ငှက်ပျောသီး၊ လိမ္မော်သီးနဲ့ စပျစ်သီး စတာတွေ စားနိုင်ပါတယ်။ ထောပတ်သီးသုတ်ကလည်း သင့်ကျန်းမာရေးအတွက် အလွန်အထောက်အကူဖြစ်ပါတယ်။
(၈) သွားရည်စာမှာ အသီးစားပါ။
သကြားလုံးတွေ အသင့်ပြုလုပ်ထားတဲ့ အားလူကြော်တွေ အအေးတွေ သောက်မယ့်အစား အသီးစားနိုင်ပါတယ်။ ဗီတာမင်နဲ့ သတ္တုဓါတ်တွေပိုရလေလေ သင့်ခန္ဓာကိုယ်အတွက် ပိုအကျိုးရှိလေဖြစ်ပါတယ်။
(၉) ကလေးတွေအတွက် အတုယူစရာဖြစ်ပါစေ။
ကိုယ်တိုင်အသီးမစားဘဲ ကလေးတွေကို အသီးစားကြပါလို့ ပြောမနေပါနဲ့။ ကိုယ်က အသီးများများစားလို့ ကလေးတွေက အတုယူပြီး လိုက်စားတာမျိုးဖြစ်ပါစေ။
(၁၀) လတ်ဆတ်သန့်ရှင်းမှု ရှိပါစေ။
အသီးတွေက လတ်ဆတ်ဖို့ အရေးကြီးပြီး မစားမီ ရေစင်အောင်ဆေးဖို့လည်း လိုအပ်ပါတယ်။ ကြာကြာသိုလှောင်ထားဖို့ကတော့ ရေထဲသေတ္တာထဲမှာ သိမ်းထားနိုင်ပါတယ်။
အသီးစားတာက ခန္ဓာကိုယ်အတွက် ယေဘုယျ တိုးတက်ဖွံ့ဖြိုးမှုအတွက် ကောင်းပါတယ်။ လိုအပ်တဲ့ ဗီတာမင်နဲ့ သတ္တုဓါတ်တွေ ဖြည့်တင်းပေးနိုင်တဲ့ အတွက် ပိုကျန်းမာစေပါတယ်။ ဒါပေမယ့်လည်း ဆီးချိုသမားများနဲ့ သွေးတွင်းအချိုဓါတ်များတဲ့သူတွေအတွက်တော့ ဆရာဝန်နဲ့ တိုင်ပင်ပြီးမှ စားသင့်ပါတယ်။
Credit: ရေးသားသူ Dr. Phio Thia
ဆေးပညာပိုင်းဆိုင်ရာတည်းဖြတ်သူ Dr. Kaung Thar
သေဆုံးသွားပြီဖြစ်တဲ့ Doge meme ခွေးလေး ခါဘိုဆု
လူမှုကွန်ယက်ပေါ်မှာ နာမည်ကြီးတဲ့ ‘Doge’ meme မှာ ပါဝင်တဲ့ ရှီဘာအီနူအမျိုးအစားခွေးလေး ခါဘိုဆုဟာ အသက် ၁၈ နှစ်အရွယ်မှာ သေဆုံးသွားခဲ့ပါတယ်။ သူဟာ သွေးကင်ဆာရောဂါနဲ့ အသည်းရောဂါကြောင့် မေလ ၂၄ ရက်နေ့က သေဆုံးခဲ့ရတာပါ။
ခါဘိုဆုရဲ့ရုပ်ပုံကို Dogecoin ဆိုတဲ့ ဒစ်ဂျစ်တယ်ငွေကြေးအဖြစ်လည်း အသုံးပြုခဲ့တာဖြစ်တဲ့အတွက် ဒစ်ဂျစ်တယ်ငွေကြေးစိတ်ဝင်စားသူတွေနဲ့ တိရစ္ဆာန်ချစ်သူတွေက ခါဘိုဆု သေဆုံးသွားခဲ့လို့ ဝမ်းနည်းပူဆွေးခဲ့ကြပါတယ်။ "ကျွန်တော်တို့အဖွဲ့အစည်းရဲ့မိတ်ဆွေလည်းဖြစ် Inspiration လည်းဖြစ်တဲ့ ခါဘိုဆုက သူ့သခင်ရဲ့လက်ထဲမှာ ငြိမ်းချမ်းစွာ သေဆုံးသွားခဲ့ပါတယ်။ ကမ္ဘာ့တစ်ဝှမ်းမှာ ဒီခွေးလေးရဲ့လွှမ်းမိုးမှုက အတိုင်းမသိပါပဲ။ သူက ပျော်ရွှင်မှုနဲ့ အကန့်အသတ်မရှိတဲ့ ချစ်ခြင်းမေတ္တာကိုသာ သိခဲ့တဲ့ သက်ရှိလေးဖြစ်ခဲ့ပါတယ်။ ကျေးဇူးပြုပြီး သူနဲ့သူ့မိသားစုကို မင်းတို့ရဲ့နှလုံးသားထဲ သိမ်းထားပေးကြပါတယ်"လို့ Dogecoin က လူမှုကွန်ယက်ပေါ်မှာ ပို့စ်ရေးသားခဲ့ပါတယ်။
၂၀၁၀ ခုနှစ်က ဆာတိုရဲ့ကိုယ်ပိုင်ဘလော့ဂ်မှာ တင်တဲ့ ခါဘိုဆုရဲ့ပုံတစ်ပုံကို လူမှုကွန်ယက်အသုံးပြုသူတွေ ပြန်လည်မျှဝေခဲ့ပြီးတဲ့နောက် ခါဘိုဆုက နာမည်ကြီးလာခဲ့တာပါ။ ခါဘိုဆုရဲ့မချိပြုံးပြုံးနေတဲ့မျက်နှာ၊ မျက်စောင်းနဲ့ ကြည့်တဲ့အကြည့်၊ လက်ချိတ်ထားပုံက လူမှုကွန်ယက်အသုံးပြုသူတွေရဲ့အာရုံကို ဖမ်းစားနိုင်ခဲ့တာပါ။ သူတို့တွေက ခါဘိုဆုရဲ့အဲဒီပုံမှာ စာသားတွေထည့်ပြီး အသုံးပြုခဲ့ကြပါတယ်။ အသုံးပြုသူတွေက ရုပ်ပုံကို “Doge” လို့ ရည်ညွှန်းပြီး ကမ္ဘာတစ်ဝှမ်းမှာ အသုံးပြုခဲ့တဲ့ Meme ဖြစ်လာခဲ့ပါတယ်။
ပရိုဂရမ်မာ (၂) ဦးက အင်တာနက်အသုံးပြုသူတွေရဲ့တိရစ္ဆာန် meme တွေအပေါ် ချစ်ခြင်းမေတ္တာကို ထင်ဟပ်စေတဲ့ Dogecoin လို့ ခေါ်တဲ့ ဒစ်ဂျစ်တယ်ငွေကြေးကို မိတ်ဆက်ခဲ့တဲ့အချိန် ၂၀၁၃ ခုနှစ် ဒီဇင်ဘာမှာ ‘Doge’ meme ရဲ့ကျော်ကြားမှုကို ခိုင်မာစေခဲ့ပါတယ်။
Ref: Kabosu, The Shiba Inu Dog Who Inspired Cryptocurrency Dogecoin, Dies
ဆေးပညာဆိုင်ရာ ခွဲစိတ်ကုသမှုတွေကို တစ်ခေတ်ဆန်းစေမယ့် လေ့လာတွေ့ရှိမှုအတွက် ပထမဆု ဆွတ်ခူးခဲ့တဲ့ ၁၆ နှစ်အရွယ် ကျောင်းသူ
ဆေးပညာဆိုင်ရာ ခွဲစိတ်ကုသမှုတွေကို တစ်ခေတ်ဆန်းစေမယ့် လေ့လာတွေ့ရှိမှုအတွက် ၁၆ နှစ်အရွယ် ကျောင်းသူလေးဟာ အမေရိကန်နိုင်ငံရဲ့ ဂုဏ်သိက္ခာအကြီးမားဆုံး သိပ္ပံပြပွဲမှာ ပထမဆု ဆွတ်ခူးနိုင်ခဲ့ပါတယ်။ ကင်တက်ကီပြည်နယ်၊ လက်ဆင်တန်မြို့မှာ နေထိုင်တဲ့ ဂရေ့ဆန်းဟာ Society for Science’s Regeneron International Science and Engineering ပြပွဲမှာ ပထမဆုအဖြစ် ဒေါ်လာ ၇၅၀၀၀ ရရှိခဲ့တာပါ။
ဂရေ့ဆန်းဟာ organic electrochemical transistors or OECTs တွေရဲ့ လုပ်ဆောင်နိုင်စွမ်းကို မြှင့်တင်နိုင်ရေးအတွက် အဓိကထား သုတေသနလုပ်ခဲ့တာပါ။ '' OECTs တွေရဲ့ စွမ်းဆောင်ရည်ပိုင်းက ပြဿနာရှိနေပြီ။ ခန္ဓာကိုယ်ထဲ ထည့်လိုက်ရင် နေရာရွေ့သွားတာမျိုး ရှိတယ်။ ခန္ဓာကိုယ်ထဲ ထည့်ထားပြီးမှ ထိထိရောက်ရောက် မစွမ်းဆောင်နိုင်တာမျိုးကို ဘယ်သူမှ လိုလားမှာ မဟုတ်ဘူး''လို့ ဂရေ့ဆန်းက ဆိုပါတယ်။
OECT တွေဟာ ချွေး၊ သွေးနဲ့ တခြားအရည်ကြည်တွေထဲကနေ နျူကလီယစ်အက်ဆစ်နဲ့ ပရိုတိန်းဓာတ်တွေကို ခွဲခြားစစ်ဆေးပြီး သက်ဆိုင်ရာ ရောဂါတွေကို ရောဂါနုချိန်မှာ ဖော်ထုတ်ပေးနိုင်စွမ်းရှိပါတယ်။ ဒါ့အပြင် ညှပ်ရိုးထဲ ခွဲစိတ်ထည့်သွင်းရတဲ့ နှလုံးခုန်ထိန်းစက်လို ခန္ဓာကိုယ်ထဲ ထည့်သွင်းရတဲ့ စက်ကိရိယာတွေနေရာ အစားထိုး ဝင်ရောက်နိုင်စွမ်း ရှိမယ်လို့ သတ်မှတ်ခံထားရတာပါ။
'' ဒါက ကျွန်တော်တို့အတွက် နံပါတ်(၁) ဦးစားပေး စီမံကိန်းပါပဲ။ တစ်ချက်လေးမှ သံသယ ဖြစ်စရာမရှိပါဘူး။ ဒီစီမံကိန်းက အလွန်အရေးပါလို့ ဒီသုတေသနကို ပထမဆု ချီးမြှင့်ထိုက်တယ်လို့လည်း ဒိုင်အဖွဲ့အားလုံးက ယုံကြည်ပါတယ်''လို့ ဆေးသိပ္ပံဆိုင်ရာ ပစ္စည်းကဏ္ဍရဲ့ ပူးတွဲဒိုင်လူကြီး အီရန်ဂျန်ဒရယ်က ပြောပါတယ်။
Ref:16-year-old Wins $75,000 for Her Award-Winning Discovery That Could Help Revolutionize Biomedical Implants
ဆန်ချိုကိုဘာကြောင့်ရောင်းလိုက်လဲဆိုတာပြောပြလာတဲ့ ယူနိုက်တက်အားကစားဒါရိုက်တာ
"ငါတို့မှာ နေရာတစ်ခုစီအလိုက် လုံလောက်တဲ့ကစားသမား တွေရှိနေပါပြီ၊ တောင်ပံနေရာအတွက် ငါတို့မှာ လေးယောက်ရှိပြီး ဆန်ချိုက ငါးယောက်မြောက်ဦးစားပေးပါ"
"ဒါကြောင့် သူ့ကိုရောင်းချမဲ့ဆုံးဖြတ်ချက်ကိုချခဲ့တာပါ၊ဒီလိုလုပ်ခြင်းက သူ့အတွက်ရော ငါတို့အတွက်ရော အဆင်ပြေမဲ့ ဆုံးဖြတ်ချက်ပါ" ဒန်အက်စ်ဝါ့
ငါးရွှေမီးကင်နံ့လေးနဲ့ လက်ရာကောင်းပြီးဈေးသင့်တဲ့ စမ်းချောင်းကရခိုင်မုန့်တီဆိုင်
ဒီဆိုင်ကို လူအများစုက ငှက်ပျောတောလမ်းက မုန့်တီဆိုင်လို့ သိကြပါတယ်။ အရသာကောင်းလို့ ဆယ်လီတွေတောင် လာစားလေ့ရှိကြပြီး ရန်ကုန်မြို့တွင်း မြို့နယ်အသီးသီးက တကူးတက လာစားကြတာပါ။ ဒီဆိုင်ရဲ့ ထူးခြားချက်ကတော့ မုန့်တီဟင်းရည်ပါပဲ။ ရခိုင်ပြည်နယ် ရမ်းဗြဲဒေသချက်နည်းအတိုင်း ငါးရွှေမီးကင်ကိုသုံးပြီး ချက်ထားတာကြောင့် ငါးမီးကင်နံ့မွှေးမွှေး၊ ငါးဖတ်တွေနဲ့ ကြည်ကြည်ချိုချိုလေး သောက်လို့ကောင်းပါတယ်။ မုန့်တီဟင်းရည်အပြင် နောက်ထပ် လူကြိုက်များတာကတော့ ငရုတ်သီးအစပ်အရသာပါ။ ငရုတ်သီးအနီရောင်ကိုသုံးပြီး အနှစ်လုပ်ထားလို့ ရခိုင်အသုပ်တွေက စားကောင်းပါတယ်။ အသုပ်တွေအနေနဲ့ ပဲကြာဇံနဲ့အရွက်စုံပါတဲ့ ရခိုင်သနပ်စုံသုပ်၊ သင်္ဘောသီးသုပ်၊ ပြည်ကြီးငါး၊ ခရု၊ ဂုံး စတဲ့ ပင်လယ်စာသုပ်တွေရသလို ဝက်ခေါက်၊ အမဲခေါက်နဲ့ ဝက်ဆီဖက်သုပ်တွေလည်းရပါတယ်။ ကြက်သားတုတ်ထိုးအစုံလည်း ရနိုင်ပြီး ဆိုင်မှာရတဲ့အမယ်တွေကို စားသုံးသူတွေစားချင်တဲ့ ပုံစံတွေအတိုင်း ရောစပ်ပြီး သုပ်ပေးတာမျိုးလည်း လုပ်ပေးပါတယ်။ ဈေးနှုန်းတွေအနေနဲ့ ရခိုင်မုန့်တီအလွတ်တစ်ပွဲ ၆၀၀ ကျပ်ဖြစ်ပြီး အသုပ်တွေကတော့ အမျိုးအစားအလိုက် ၁၀၀၀ ကျပ်ကနေ ၄၀၀၀ ကျပ်အထိ ရှိပါတယ်။ ဆိုင်လိပ်စာကတော့ စမ်းချောင်းမြို့နယ် ငှက်ပျောတောလမ်းထဲမှာဖြစ်ပြီး နေ့လည်တစ်နာရီဆိုရင် ဆိုင်စဖွင့်ပါပြီ။
#duwun #duwunlifestyle #ရခိုင်မုန့်တီ