Developer Beta တင်... အဆင်မပြေဘူး ပြောဖို့ တစ်ခုလျော့သွားပြီ 🫠
.
Apple ကနေ iOS 26 Developer Beta 2 ကို ထုတ်ပေးလိုက်ပြီဖြစ်ပြီး တော်တော်များများ ပို Stable ဖြစ်လာတယ်လို့ သိရပါတယ်။ ဒါ့အပြင် Beta 1 မှာ ဘာမှမမြင်ရဘူးဆိုပြီး ဝေဖန်ခံခဲ့ရတဲ့ Control Center Design ကို ပြင်ဆင်ပေးခဲ့ပါတယ်။
ဒါက Control Center ရဲ့ အနောက်ဖက်ကို ပိုပြီး Blur ဖြစ်အောင် လုပ်ခဲ့တာဖြစ်ပြီး Contrast ကိုလည်း ပိုတိုးပေးလိုက်တာပဲ။ ဒါပေမယ့် ယှဥ်လိုက်တဲ့အချိန်မှာ Liquid Glass Design ပဲဆိုပေမယ့် ပိုပြီး Icon တွေက မြင်ရတာ ပိုအဆင်ပြေသွားတယ်။
ဘာပဲဖြစ်ဖြစ် ပိုအဆင်ပြေလာတယ်ဆိုပေမယ့် အခုက iOS 26 ဟာ Developer Beta 2 ပဲရှိသေးတာဖြစ်ပါတယ်။ ဒါကြောင့် အနည်းဆုံး လာမယ့် ဇူလိုင်လအတွင်းမှာ ထွက်မယ့် Public Beta လောက်ကြမှ တကယ် Daily သုံးဖို့ Stable ဖြစ်လာပြီး တကယ့် Stable iOS 26 Update နဲ့ ပုံစံပိုတူလာမှာပါ။
အကောင်းဆုံးကတော့ စက်တင်ဘာလမှ iOS 26 Stable Update ကို စောင့်တင်တာပဲ - ဒီကြားထဲတော့ ဘလိမ်းလိုက်၊ နောက် Update မှာ Fix သွားလိုက်ပဲ ဖြစ်နေမှာဆိုတော့ 🫠

၄ လက်မ cover screen နဲ့ အဆင့်မြင့် SoC သုံးမယ့် Xiaomi Mix Flip 2
ဒီတစ်ပတ် ဇွန် ၂၆ ရက် တရုတ်မှာ Mix Flip 2 သစ် ထွက်ပါမယ်။ Xiaomi ရဲ့ ဒုတိယမျိုးဆက် တန်းမြင့် flip ဖုန်းပါ။
တရားဝင်မိတ်ဆက်ပွဲမရောက်သေးပေမယ့် Mix Flip 2 အကြောင်းတော့ အကုန်လိုလို သိနေရပါပြီ။ Xiaomi က ထုတ်ပေးလိုက်တဲ့ teaser ပုံတွေ ကြည့်ရသလောက် Mix Flip 2 က ထောင်လိုက် camera layout နဲ့ အရင် Mix Flip ဒီဇိုင်းကိုပဲ သုံးပါတယ်။
cover screen က bezel ပါးပါးသုံး ၄.၀၁ လက်မ dual-curved display သုံးပါမယ်။ အတွင်း screen က ၆.၈၅ လက်မဆိုဒ် 120Hz LTPO AMOLED နဲ့ လာပြီး 1.5K resolution သုံးမယ်လို့ ဆိုပါတယ်။ Unfold ဖွင့်ထားရင် 7.57mm ထူမှာ ဖြစ်လို့ အရင်မျိုးဆက်ထက် ပိုပါးပေမယ့် ဘက်ထရီပိုကြီးလို့ ၇ ဂရမ် ပိုဝိတ်စီးပါတယ်။
Mix Flip 2 က အကြမ်းခံမှုဘက် ပို focus ထားလာတဲ့ ဖုန်းဖြစ်လို့ ပတ္တာ hinge ကြံ့ခိုင်အားနဲ့ သုံးထားတဲ့ပစ္စည်း ပိုကောင်းပါတယ်။ စစ်တပ်အဆင့် အကြမ်းခံ drop test အောင်ထားတဲ့ ပစ္စည်းတွေ သုံးထားတယ်လို့ ပြောပါတယ်။ ဒီဖုန်းက Flip ဖုန်းတွေထဲမှာ ဘက်ထရီအကြီးဆုံးဖုန်း ဖြစ်လာနိုင်ပါတယ်။
အခု ကြားရတာတော့ Mix Flip 2 က 5100mAh ဘက်ထရီနဲ့ လာပြီး 4780 mAh သုံး အရင်မျိုးဆက်ထက်ရော ၊ 3700mAh နဲ့ လာတဲ့ ပြိုင်ဘက် Galaxy Z Flip 5 ထက်ရော ဘက်ထရီပါဝါ အပြတ်အသတ်ကြီးပါတယ်။ တရုတ် 3C certifications ရဲ့ အတည်ပြုချက်အရ ဒီဘက်ထရီက 67W wired နဲ့ 50W wireless charging စနစ်တွေ သုံးမယ်လို့ ဆိုပါတယ်။
Mix Flip 2 က high-end ဖုန်းဖြစ်လို့ အဆင့်မြင့်အန်းဒရိုက်ဖုန်းတွေမှာ သုံးတဲ့ Snapdragon 8 Elite နဲ့ လာပါလိမ့်မယ်။ ကင်မရာတွေကလည်း Leica optics နဲ့ flagship grade သုံးသွားမှာပါ။ သတင်းထွက်ထားတာတော့ OIS သုံးထားတဲ့ 50MP main sensor နဲ့ 50MP Ultrawide lens တွေလို့ ဆိုပါတယ်။
ရွှေရောင် ၊ အစိမ်းရောင် နဲ့ ခရမ်းရောင်သုံးမျိုးနဲ့ ထွက်ပြီး Android 15 သုံး HyperOS 2.0 custom UI နဲ့ မြင်ရမှာပါ။ ဈေးနှုန်းနဲ့ အသေးစိတ်အချက်အလက်တွေကိုတော့ တရားဝင်မိတ်ဆက်ချိန်မှ ထပ်သိရမှာပါ။

Neta EV ကားတွေ ထုတ်နေတဲ့ Hozon ဒေဝါလီခံ
ဈေးသက်သာတဲ့ NETA EV ကားတွေ ထုတ်နေတဲ့ မိခင်တရုတ်ကုမ္ပဏီ တရားဝင်ဒေဝါလီခံသွားပါပြီ။
NETA လျှပ်စစ်ကားတွေ ထုတ်နေတဲ့ Zhejiang Hozon New Energy Automobile က တရားဝင် ဒေဝါလီခံကြောင်းကို ဇွန်လ ၁၉ ရက်နေ့ကတည်းက တရုတ်နိုင်ငံပိုင် CCTV သတင်းက ဖော်ပြခဲ့တာပါ။ ပေးစရာအကြွေး ယွမ် ၁၀ ဘီလျံ (ဒေါ်လာ ၁.၄ ဘီလျံ) ကျော်ရှိနေတဲ့ Hozon ဟာ အကြွေးတွေ ပိပြီး တရားစွဲခံရတဲ့နောက် ဒေဝါလီခံလိုက်တာပါ။
Hozon က မနှစ်ကတည်းက တရုတ်မှာ အခြေအနေမကောင်းလို့ showroom တွေ အများကြီး ပိတ်ထားရတာပါ။ ၂၀၂၄ နိုဝင်ဘာကတည်းက ဝန်ထမ်းလစာမရလို့ဆိုပြီး ရာနဲ့ချီတဲ့ သူ့ဝန်ထမ်းတွေကလည်း လမ်းပေါ်ထွက် ဆန္ဒပြခဲ့ကြပါတယ်။
ထိုင်းမှာဆို NETA Auto အပိုပစ္စည်းပြတ်တာ ၊ အာမခံ ပြန်ထုတ်ပေးဖို့ ကြာတာ နဲ့ services အဆင်မပြေတာတွေကြောင့် ပြဿနာတွေ တက်ထားပါတယ်။ တချို့ဆို ၁၀ လလောက်အထိတောင် စောင့်ခိုင်းတာတွေ ရှိတယ်လို့ ဆိုပါတယ်။ ဒါတွေက NETA ကို ဖောက်သည်တွေ ယုံကြည်မှုနည်းစေတဲ့ အချက်တွေပါ။
နောက်တော့ NETA နဲ့ လက်တွဲထားတဲ့ dealers တွေလည်း လက်တွဲဖြုတ်ကုန်ပါတယ်။ ထိုင်းမှာ NETA ကား showroom ၆၀ ရှိရာကနေ ၄၀ အထိ ကျသွားသလို ထပ်လျှော့ချတာတွေလည်း ရှိဦးမှာပါ။ အဓိကက ငွေကြေးအရှုပ်အရှင်းကိစ္စတွေပါ။
ထိုင်း NETA Auto ရဲ့ GM ဆွန်ပေါင်လုံကတော့ "ကုမ္ပဏီက ကြွေးမြီနဲ့ လုပ်ငန်းဖွဲ့စည်းပုံပြန်ပြင်နေတယ်" လို့ ပြောပြီး "တရုတ်မှာ NETA ရှိသရွေ့ ထိုင်းမှာလည်း NETA ရှိနေမယ်" ဆိုတာမျိုး ပြောပါတယ်။
NETA က ၂၀၂၂ မှာ ကားအစီးရေ ၁၅၂၀၀၀ ရောင်းနိုင်ခဲ့ပေမယ့် ၂၀၂၃ နဲ့ ၂၀၂၄ မှာ ၁၂၇၅၀၀ နဲ့ ၆၄၅၄၉ စီးပဲ ရောင်းနိုင်ခဲ့ပါတယ်။ အခုနှစ် ဇန်နဝါရီလထဲမှာ NETA ကားရောင်းအားက အစီးရေ ၁၁၀ အထိတောင် ထိုးကျသွားတာပါ။ ထိုင်း EV ဈေးကွက်ထဲက price war ကလည်း NETA ကို အလဲထိုးခဲ့တဲ့ အချက်ထဲမှာ ပါပါတယ်။
NETA V မော်ဒယ်တစ်စီးက ထိုင်းမှာ ဘတ် ၅၄၉၀၀၀ ဈေးက စရောင်းပါတယ်။ ပြိုင်ဘက် BYD , Geely , Changan , SAIC Motor ကုမ္ပဏီကြီးတွေနဲ့ ယှဉ်ရင် EV ကားတွေထဲမှာ ဈေးသက်သာတယ်လို့ ပြောနိုင်ပါတယ်။ ဒါပေမယ့် EV လောက ဈေးကွက်ပြိုင်ဆိုင်မှုက ပြင်းထန်ပါတယ်။ အပြိုင်အဆိုင် ဈေးချရောင်းချိန်မှာ NETA ရဲ့ ယှဉ်ပြိုင်နိုင်စွမ်းက ကျသွားတာပါ။
NETA ဟာ EV ကားထုတ်ဖို့ စက်ရုံ ထိုင်းမှာ ဆောက်ရမယ်ဆိုတဲ့ သတ်မှတ်ချက်နဲ့ ထိုင်းအစိုးရရဲ့ EV 3.0 scheme ကနေ ထောက်ပံ့ကြေးတွေ ရခဲ့တာပါ။ ဒီသတ်မှတ်ချက် မလိုက်နာနိုင်ရင် ထောက်ပံ့ကြေး ပြန်ပေးရမယ့်အခြေအနေလည်း ရှိပါတယ်။ ထိုင်းအစိုးရရဲ့ EV ထုတ်လုပ်ရေးလိုအပ်ချက်အရဆို NETA က ဒီနှစ်ထဲ ထိုင်းမှာ EV ကားအစီးရေ ၁၉၀၀ ထုတ်လုပ်ရမှာ ဖြစ်ပေမယ့် အခုထိ အစီး ၄၀၀၀ ပဲ ထုတ်လုပ်ထားနိုင်ခဲ့တယ်လို့ ဆိုပါတယ်။
Hozon Auto ဟာ ၂၀၂၂ ထဲမှာ NETA အမှတ်တံဆိပ် EV ကားတွေ မြန်မာပြည်တွင်းဈေးကွက်ထဲ စတင်မိတ်ဆက်ထားပါတယ်။

အိန္ဒိယအတွက် search AI သစ် Google မိတ်ဆက်
ဆွန်ဒါပီချိုင်းက သူ့ဇာတိမြေအတွက် တော်တော်ကောင်းတဲ့ AI search tool တစ်ခု ချပေးလိုက်တာပါ။
ဒီ tool က ပြီးခဲ့တဲ့မတ်လကမှ ထုတ်ထားတာ ဖြစ်ပြီး လောလောဆယ် အမေရိကန်တစ်နိုင်ငံတည်းကိုပဲ ပေးထားတဲ့ AI Mode ဆိုတာပါ။ AI Mode က Gemini 2.5 custom ဗားရှင်းပေါ်မှာ ဆောက်ထားတဲ့ tool ။ အင်တာနက်ရှာဖွေရေးကို AI နည်းပညာနဲ့ ပိုထိရောက်အောင် ပြောင်းလိုက်တဲ့ tool မျိုး။
search ထဲမှာ AI Mode ထည့်ထားပြီး မေးခွန်းအရှည်ကြီးတွေ AI ကို သွားမေးလို့ ရပါတယ်။ ရိုးရိုး search မှာ စာအရှည်ကြီးတွေနဲ့ သိချင်တာတွေ သွားမေးလို့မရပါဘူး။ AI Mode မှာက ရိုးရိုး search ထက် ၂ ဆ ၃ ဆလောက် ရှည်တဲ့ query တွေ လာမေးလို့ရပါတယ်။ ChatGPT တို့ Gemini တို့နဲ့ စကားပြောနေသလိုပါပဲ။
AI က real-time sources တွေထဲကနေ နောက်ဆုံးရအချက်အလက်တွေ စုစည်းပြီး အကောင်းဆုံးအဖြေကို interactive ပုံစံနဲ့ ပြန်ဖြေပေးပါမယ်။ ဖြေပြီးတိုင်းလည်း AI ကို follow-up မေးခွန်းတွေ မေးလို့ရပါတယ်။ AI Mode က အဆင့်မြင့်ဆင်ခြင်တွေးတောမှုစနစ်တွေ multimodal စွမ်းရည်တွေ ပါလို့ User သိချင်တာကို နားလည်ပြီး အနီးစပ်ဆုံးနဲ့ အထိရောက်ဆုံးအဖြေ ပေးနိုင်ပါတယ်။
ဈေးဝယ်လမ်းညွှန်လို ၊ အသေးစားလုပ်ငန်းအကြံပေးတာလို လက်တွေ့အသုံးဝင်တဲ့ features တွေလည်း ပါပါတယ်။ အိန္ဒိယရောက်လာတဲ့ AI Mode က အိန္ဒိယထုံးစံနဲ့ ဒေသိယအကြောင်းအရာတွေ နားလည်မှာ ဖြစ်လို့ အိန္ဒိယသား users တွေအတွက် တော်တော်လေးကို အဆင်ပြေမှာပါ။
နောက်ပြီး ကိုယ်ရှာချင်တာကို အသံနဲ့ရော ဓါတ်ပုံနဲ့ပါ ရှာနိုင်မှာ ဖြစ်လို့ စာအရှည်ကြီး ရေးစရာမလိုဘဲ လေနဲ့တင် အလုပ်လုပ်လို့ ရမှာပါ။ လောလောဆယ် အင်္ဂလိပ်စကားနဲ့ပဲ ထွက်ထားပေမယ့် နောက်ဆို ဟင်ဒီ ၊ ဘင်္ဂါလီ ၊ တမီ ၊ တေလ်ဂူစတဲ့ အိန္ဒိယစကားတွေလည်း support ပေးပါလိမ့်မယ်။
အိန္ဒိယမှာ AI mode သုံးမယ်ဆို Google Labs ကနေ AI Mode ထဲ ဝင် စမ်းသုံးလို့ ရနေပါပြီ။ အင်တာနက်သုံးသူ သန်း ၈၇၀ ကျော် ရှိပြီး AI သုံးရတာ မွေ့လျော်တဲ့ အိန္ဒိယ users တွေကတော့ AI mode ကို အကြိုက်တွေ့ကြမှာပါ။

ပေါက်ကွဲနိုင်တဲ့ တရုတ်ထုတ် power banks သန်းချီ ဈေးကွက်က ပြန်သိမ်း
နာမည်ကြီး power bank ကုမ္ပဏီ Anker နဲ့ Romoss တို့က အပူလွန်ပြီး မီးလောင်ပေါက်ကွဲနိုင်တဲ့ power bank ၁.၂ သန်းကျော် ဈေးကွက်က ပြန်သိမ်းနေတယ်လို့ ဆိုပါတယ်။
မကြာသေးခင်က အမေရိကန်စားသုံးသူထုတ်ကုန်ဘေးကင်းရေးကော်မရှင် CPSC က Anker နဲ့ Romoss ထုတ် power banks တွေရဲ့ လစ်သီယမ်အိုင်ယွန်ဘက်ထရီ ချို့ယွင်းချက်ကြောင့် မီးလောင်ပေါက်ကွဲနိုင်တယ်ဆိုပြီး သတိပေးခဲ့တာပါ။
Anker ထုတ် PowerCore 10000 (model A1263) မီးလောင်မှုနဲ့ ဆက်စပ်ပြီး တိုင်ချက် ၁၉ ခုလည်း ကုမ္ပဏီက ရထားတာပါ။ Anker power bank ဖြစ်စဉ်မှာ အသေးစား မီးလောင်ဒဏ်ရာရမှု ၂ ခုနဲ့ ပစ္စည်းဆုံးရှုံးမှု ဒေါ်လာ ၆၀၇၀၀ ကျော်ဖိုးရှိခဲ့တယ်လို့ ဆိုပါတယ်။
အမေရိကန်ဈေးကွက်မှာ ၂၀၁၆ ဇွန်ကနေ ၂၀၂၂ ဒီဇင်ဘာအထိ Amazon , Newegg , eBay တို့လို အွန်လိုင်းကတစ်ဆင့် ဒီ power bank တွေ ရောင်းထားတာ အလုံးရေ ၁၁၅၈၀၀၀ အထိ ရှိပါတယ်။ Anker က serial နံပါတ်အလိုက် recall မှာ အကျုံးဝင်တဲ့ အလုံးတွေအတွက် ဒေါ်လာ ၃၀ တန် gift card ဒါမှမဟုတ် 10000 mAh Power bank (22.5W, model A1288) တစ်လုံး အခမဲ့လဲပေးမယ်လို့ ပြောပါတယ်။
Anker က အမေရိကန်မှာတင် မဟုတ်ဘဲ တရုတ်မှာလည်း အလုံးရေ ၇၁၂၀၀၀ ကျော် ရှိတဲ့ သူ့ power banks မော်ဒယ် ၇ မျိုးကို ဈေးကွက်က ပြန်သိမ်းနေပါတယ်။ Notebookcheck သတင်းမှာအရ တရုတ်ဈေးကွက်က ပြန်သိမ်းနေတဲ့ Anker မော်ဒယ်တွေက 10,000 mAh Magnetic Power Bank (A1642) , Anker 335 Power Bank (A1647) , Anker Zolo Travel Power Bank (A168, Anker Zolo Travel Power Bank (A1681) , A1257 , A1689 နဲ့ A1652 တွေလို့ ဆိုပါတယ်။
power bank တွေ ဈေးကွက်က ပြန်သိမ်းနေရတာ Anker တစ်ခုတည်း မဟုတ်ပါဘူး။ ဟောင်ကောင်လေယာဉ်တစ်စင်းပေါ်မှာ ဖြစ်ခဲ့တဲ့ မီးလောင်မှုနဲ့ ဆက်စပ်ပြီး Romoss ကလည်း သူ့ power bank မော်ဒယ်တွေ ဖြစ်တဲ့ PAC20-272 , PAC20- 392 နဲ့ PLT20A-152 တွေကို ပြန်သိမ်းခဲ့ပါတယ်။ ဈေးကွက်က ပြန်သိမ်းတဲ့ အရေအတွက်က စုစုပေါင်း ၄၉၁၇၄၅ လုံးပါ။
Romoss ထုတ်ကုန်တွေ ဈေးကွက်က မဖယ်ရှားခင်မှာ Romoss 20000 mAh တွေက မီးလောင်ပေါက်ကွဲနိုင်ခြေများတယ်ဆိုပြီး ဘေဂျင်းက တက္ကသိုလ်တွေမှာ သတိပေးတားမြစ်ခဲ့တာ ရှိပါတယ်။ Romoss ကလည်း ဒီမော်ဒယ်တွေအတွက် အလုံးသစ် အစားပြန်ပေးတာတို့ ငွေပြန်အမ်းတာတို့ လုပ်ပေးမယ်လို့ ဆိုပါတယ်။

တရုတ်နိုင်ငံဟာ ကိုယ်ပိုင် ယွမ်ငွေကို အခြေခံတဲ့ Stablecoin တွေကို အချိန်မဆွဲဘဲ အမြန်ဆုံး ဖန်တီးဖို့လိုနေပြီလို့ နိုင်ငံပိုင်မီဒီယာကနေတစ်ဆင့် အစိုးရကို တိုက်တွန်းလိုက်ပါတယ်။ ဒီသတင်းက ကမ္ဘာ့ငွေကြေးလောကမှာ လှုပ်ခတ်မှုတစ်ခု ဖြစ်လာနိုင်ပါတယ်။
ဘာကြောင့် အခုမှ ဒီလိုတိုက်တွန်းရတာလဲ?
၁။ အမေရိကန်ကို အမီလိုက်ဖို့ ကြိုးပမ်းခြင်း
အခုအချိန်မှာ အမေရိကန်ဒေါ်လာကို အခြေခံတဲ့ Stablecoin တွေ (ဥပမာ USDT, USDC) က ကမ္ဘာ့ Crypto ဈေးကွက်ကို လွှမ်းမိုးထားပါတယ်။ တရုတ်အနေနဲ့ ဒီအတိုင်းထိုင်စောင့်နေရင် နောက်ကျကျန်ခဲ့မှာဖြစ်လို့ ကိုယ်ပိုင် Stablecoin ကို အမြန်ဆုံးဖော်ဆောင်ဖို့ လိုအပ်တယ်လို့ ကျွမ်းကျင်သူတွေက သုံးသပ်ထားပါတယ်။
၂။ ယွမ်ငွေကို ကမ္ဘာသုံးငွေကြေး ဖြစ်စေလိုခြင်း
Yuan Stablecoin တွေ ဖန်တီးခြင်းအားဖြင့် တရုတ်ယွမ်ငွေကို နိုင်ငံတကာမှာ ပိုမိုသုံးစွဲလာအောင် တွန်းအားပေးပြီး ဒေါ်လာရဲ့ဩဇာကို စိန်ခေါ်ဖို့ ရည်ရွယ်ပါတယ်။ ဒါဟာ တရုတ်ရဲ့ Digital Silk Road စီမံကိန်းရဲ့ တစ်စိတ်တစ်ပိုင်းလည်း ဖြစ်လာနိုင်ပါတယ်။
၃။ ဟောင်ကောင်ကို “Sandbox” အဖြစ် အသုံးချဖွယ်ရှိခြင်း
Morgan Stanley လို ဘဏ်ကြီးတွေရဲ့ သုံးသပ်ချက်အရ, တရုတ်ဟာ ဒီစီမံကိန်းကို စတင်စမ်းသပ်ဖို့အတွက် ဟောင်ကောင်ကို “Sandbox” (စမ်းသပ်ကွင်း) အဖြစ် အသုံးချနိုင်တယ်လို့ ဆိုပါတယ်။ ဟောင်ကောင်မှာ Stablecoin နဲ့ပတ်သက်တဲ့ ဥပဒေမူဘောင်တွေ ရှိနှင့်ပြီးသားဖြစ်လို့ စတင်ဖို့ အကောင်းဆုံးနေရာတစ်ခု ဖြစ်နိုင်ပါတယ်။
ဒီခြေလှမ်းက ကမ္ဘာ့ငွေကြေးဈေးကွက်နဲ့ Crypto လောကကို ဘယ်လိုတွေပြောင်းလဲသွားစေနိုင်မလဲ?

နောက်တစ်ပတ်ထဲမှာ မိတ်ဆက်တော့မယ့် Honor Magic V5 ရဲ့ အထူ ခေါက်ထားရင်တောင် 8.8mm ပဲရှိမယ်လို့ ဖော်ပြလာပါတယ်။ ကမ္ဘာ့အပါးဆုံးဆိုပြီး သူ့ရှေ့က ထွက်ခဲ့တဲ့ Honor Magic V3 တောင်မှ 9.3mm ရှိခဲ့တာကိုး။ Oppo Find N5 ကတော့ 8.9mm အထူဆိုတော့ Honor Magic V5 က နည်းနည်းလေးပိုပါးသွားမယ်ဆိုတဲ့သဘော....
Samsung နဲ့ Apple ကျေးဇူးကြောင့် ဘယ်လောက်ပါးပါး ဘတ်ထရီကို ထရော်မာရနေတဲ့ကာလဆိုပေမဲ့ Honor တို့ကတော့ ပါးလည်းပါးပေမယ်၊ 6100mAh Battery လည်း ထည့်ပေးသွားမယ်ဆိုပြီး သတင်းတွေထွက်ထားပါတယ်။ သေချာတာကတော့ အာ့လောက်မများနိုင်တောင် အာ့လောက်နီးပါးပါလာမှာပါ။
Honor Magic V5 ကို အရောင် ၄ ရောင်ရွေးနိုင်မယ်။ Ram 16GB အထိ ပါဝင်မှာဖြစ်ပြီး Storage 1TB အထိ ရနိုင်ပါမယ်။ Snapdragon 8 Elite Chips, IPX8-rating, 6.45-inch LTPO OLED cover screen နှင့် 8-inch 2K inner display တို့နဲ့ဖြစ်မယ်။

3K Video Recording အပြင် AI နည်းပညာအသစ်တွေပါဝင်သည့် Meta ရဲ့မျက်မှန်
Meta သည်ယခင်က Ray-Ban အမျိုးအစားအပြင် AI နည်းပညာများတိုးမြှင့်ထားသည့်နောက်ထပ် AI မျက်မှန်တစ်မျိုးကိုမိတ်ဆက်လိုက်ပါပြီ။ Oakley HSTN smart glasses အသစ်ကို $399 ဈေးနှုန်းဖြင့် တရားဝင်စတင်မိတ်ဆက်ခဲ့ပြီး အားကစားသမားများအတွက် အထူးဒီဇိုင်းထုတ်လုပ်ပေးထားသည်။အဆိုပါမျက်မှန်မှာ 3K ဗီဒီယိုရိုက်ကူးခြင်း၊ ဘက်ထရီသက်တမ်းအားဖြင့် 8 နာရီအသုံးပြုနိုင်ခြင်း၊ ရေစိုခံခြင်း၊ Hand-Free ခေါ်ဆိုမှုများ၊ Music Control ၊ ပတ်ဝန်းကျင်နှင့်အပြန်အလှန်တုံ့ပြန်မှုစသော AI စွမ်းရည်များကို မြှင့်တင်ပေးထားသည်။

အထူးဒီဇိုင်းဖြစ်တဲ့ရွှေရောင် version ကို $499 Limited Edition အဖြစ်ပထမဖြန့်ချိမည်ဖြစ်ပြီးနောက်တွင်အခြားသော အရောင်များနှင့်ရွေးချယ်စရာများကိုလည်းထပ်မံထုတ်လုပ်မည်ဖြစ်သည်။

Oakley HSTN သည် Meta ၏ AI နည်းပညာပေါ်အခြေခံပြီး ထုတ်လုပ်ထားသော ပစ္စည်းတစ်ခုဖြစ်ပြီးမျက်မှန်နှင့်အသုံးပြုလို့ရသောနည်းပညာများ၊ AR (Augmented Reality) ဆိုင်ရာဆန်းသစ်မှုများကိုထည့်သွင်းပေးထားသည်။

အဆိုပါစွမ်းဆောင်ရည်မြင့် wearables များကိုဖန်တီးရောင်းချပေးခြင်းအားဖြင့် Meta သည်နေ့စဉ်အသုံးချနိုင်သည့် AI စွမ်းရည်များကိုပိုမိုအသုံးချနိုင်ရန် နှင့် အားကစားဘက်တွင်လည်းပိုမိုသင့်လျော်သောပေါင်းစပ်မှုများထဲ့သွင်းပေးထားတယ်လို့ ဖော်ပြထားပါသည်။

၁၆ ဘီလီယံသော Account များမှ Data ခိုးယူခံရပြီး ကမ္ဘာ့စံချိန်သစ်အဖြစ်မှတ်တမ်းဝင်
အကြီးမားဆုံး ဒေတာခိုးယူမှုကြောင့် login credentials (အကောင့်ဝင်ရောက်အသုံးပြုသောအချက်အလက်များ) အရေအတွက်အားဖြင့် ၁၆ ဘီလီယံကျော် ခိုးယူပေါက်ကြားသွားပြီး ၎င်းသည် အင်တာနက်သမိုင်းတွင် မှတ်တမ်းတင်ရမည့်ဒေတာခိုးယူမှုဖြစ်လာသည်။

Cybersecurity ကျွမ်းကျင်သူများက ခိုးယူထားသော ဒေတာများကို infostealer malware ဖြင့်စုစည်းပြီး ယခုအခါ dark web စျေးကွက်များတွင်ရောင်းချနေသည်ဟုဆိုသည်။သုံးစွဲသူများအား ဖြားယောင်းခြင်း၊တိုက်ခိုက်ခြင်း၊အထောက်အထားခိုးယူမှုနှင့်အကောင့်သိမ်းယူမှုတို့ကိုပြုလုပ်ခဲ့သည်ဟုလဲသိရသည်။


အဆိုပါခိုးယူမှုမှာ Google၊ Apple၊ Facebook နှင့် အစိုးရ website များကဲ့သို့သောအဓိကပလက်ဖောင်းများမှအကောင့်များကိုအဓိကအခိုးခံခဲ့ရသည်ဟုသိရသည်။

ဆိုက်ဘာရာဇ၀တ်မှုခြိမ်းခြောက်မှုများ ဆက်လက်တိုးပွားလာနေသဖြင့် နည်းပညာကုမ္ပဏီများနှင့် တာဝန်ရှိသူများက အသုံးပြုသူများအားမိမိတို့ password များကိုဂရုတစိုက်အသုံးပြုရန်နှင့် သံသယဖြစ်စရာ link များကိုဝင်ရောက်ခြင်းမပြုရန် တိုက်တွန်းထားသည်။

မနှစ်ကထွက်ခဲ့တဲ့ Galaxy Z Fold 6 နဲ့ ယှဉ်တဲ့အခါမှာ သိသိသာသာပါးသွားမယ့်အပြင် ပိုကျယ်သွားတာကိုလည်း တွေ့ရမှာပါ။ Dummy unit ဆိုပေမဲ့ အတော်လေးနီးစပ်တယ်လို့ ဖော်ပြထားပုံအရရော အရင်ထွက်ရှိထားတဲ့ Leak တွေအရရော Z Fold 7 က ပါးကို ပါးမယ့်ပုံပါ။
မနက်က ဖော်ပြခဲ့သေးတဲ့ Honor Magic V5 နဲ့ ယှဉ်ရင်တော့ Z Fold 7 က နည်းနည်းထူသေးတယ်လို့ ဆိုရမှာပါ။ Honor Magic V5 က ခေါက်ထားရင်တောင် အထူက 8.8mm ပဲရှိမယ်လို့ ဆိုထားပါတယ်။ Z Fold 7 ကတော့ 9mm ရှိမယ်လို့ သတင်းတွေထွက်ထားလို့ပါ။ (အတိအကျတော့ မကြေညာထားပေမဲ့)
ဒါပေမဲ့ မနှစ်က Z Fold 6 ထက်စာရင်တော့ သိသိသာသာပါးသွားတာကို လက်ခံရမှာပါ။ Z Fold 6 ရဲ့အထူက 12.1mm တောင်ရှိတာမို့ပါ။ နောက်ပြီး Z Fold 6 ရဲ့ အလေးချိန်က 239g ရှိပြီး Z Fold 7 ကတော့ 215g ပဲ ရှိမယ်လို့ ခန့်မှန်းထားကြပါတယ်။ ဆိုတော့ Z Fold 7 က ပိုပေါ့လာမယ် ပိုပါးသွားပါမယ်။
လောလောဆယ်တော့ Leak တွေပဲမို့ နောက်လ မိတ်ဆက်ခါမှ စောင့်ကြည့်ရမှာပါ။ ဘယ်လောက်ပါးပါး S25 Edge လို ဘတ်ထရီနဲ့ပတ်သက်ပြီး ဂျင်းထည့်ဦးမလားကိုလည်း စိုးရိမ်နေကြပြန်။ Samsung အနေနဲ့ကတော့ S25 Edge ကနေ ရနေတဲ့ bad comment တွေကို Z Fold 7 နဲ့ ပြန်ထိန်းသွားမလားဆိုတာကိုတော့ …