"ကျွန်တော် လေဗာကူဆင်ကနေ ပြောင်းဖို့စဉ်းစားချိန်မှာ ကမ္ဘာ့အကောင်းဆုံး ထိပ်ဆုံး 3 သင်းစာရင်းလောက်ဝင်တဲ့အသင်းကိုပြောင်းချင်ခဲ့ပါတယ်။ လီဗာပူးလ်ကလည်း ဒီလို ကမ္ဘာ့အကောင်းဆုံး 3 သင်းထဲပါတယ် ယူဆလို့ ပြောင်းဖြစ်ခဲ့တာပါ" 🔴
🗣️ဖလိုရီယန်ဝါ့ဇ်

နေ့စဉ်မိုးလေဝသသတင်း
---------------------------
(၂၀၂၅ ခုနှစ်၊ ဇွန်လ ၂၅ ရက်နေ့ နံနက် ၇:၀၀ နာရီအချိန် ထုတ်ပြန်ချက်)
========================================
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်း ရာမှ အားအလွန်ကောင်းနေပါသည်။
ယနေ့ညနေအထိခန့်မှန်းချက်။ စစ်ကိုင်းတိုင်းဒေသကြီးအောက်ပိုင်းတွင် နေရာကွက်ကျား၊ နေပြည်တော်၊ မန္တလေး တိုင်းဒေသကြီးနှင့် ကယားပြည်နယ်တို့တွင် နေရာကျဲကျဲ၊ ပဲခူးတိုင်းဒေသကြီးတွင် နေရာစိပ်စိပ်နှင့် ကျန်တိုင်း ဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီးအထက်ပိုင်း၊ ကချင် ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်(မြောက်ပိုင်း)တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ် နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၁ ပေမှ ၁၃ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ မုတ်သုံလေ အားကောင်းနေမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။

မြေငလျင်သတင်း
၂၀၂၅ ခုနှစ်၊ ဇွန်လ ၂၅ ရက်နေ့၊ မြန်မာစံတော်ချိန် (၀၈) နာရီ၊ (၀၃)မိနစ်၊ (၃၃) စက္ကန့် အချိန်တွင် ကမ္ဘာအေးမြေငလျင်စခန်းမှ တောင်-အနောက်တောင်ဘက် (၅၂၈)မိုင် ခန့်ကွာဝေးသော မြန်မာနိုင်ငံပြည်ပ (Nicobar Islands, India Region)၊ မြောက်လတ္တီတွဒ် (၉.၄၁) ဒီဂရီ၊ အရှေ့ လောင်ဂျီတွဒ် (၉၄.၂၀) ဒီဂရီ၊ အနက် (၁၀) ကီလိုမီတာခန့်ကို ဗဟိုပြု၍ အင်အားရစ်(ခ်)တာစကေး (၅.၁) အဆင့်ရှိ အင်အားအသင့်အတင့်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာ ရရှိပါသည်။

ကောင်းမှုကုသိုလ်တရားဆိုတာ
စိတ်ပါလဲလုပ်၊ စိတ်မပါလဲလုပ်
အားရင်လဲလုပ်၊ မအားရင်လဲလုပ်။
ဘာကြောင့်လဲဆိုတော့
အိုတာကလဲ မအားပဲအိုနတော
နာတာကလဲ မအားပဲနာနတော
သေချိန်ကျတော့လဲ မအားပဲ သေရမှာ။
(ယောဆရာတော်ဘုရားကြီး)
🙏🙏🙏🙏🙏🙏🙏🙏🙏
#ဓမ္မဒါနမျှဝေပူဇော်ပါသည်?

ဒီနေ့ လူတွေ …
လုပ်ကိုင်စားသောက်နေရတာက
အပြိုင်အဆိုင် အလုအယက်တွေနဲ့
ပြေးကြ၊ လိုက်ကြ၊ ကန်ကြ၊ တွန်းကြ ၊ လဲကြ၊
ပြိုကြနဲ့။
ဒီလိုကြားထဲမှာ...
ဗုဒ္ဓါနုဿတိပွားထားတဲ့ပုဂ္ဂိုလ်သည်
လူစိတ် မပျောက်ဘူး …။
ဗုဒ္ဓါနုဿတိမှာ …
အရဟံဂုဏ်တော်က ထိပ်ဆုံးက။
ပူဇော်အထူးခံထိုက်သော မြတ်စွာဘုရား။
ဘာကြောင့်လဲ
မြတ်စွာဘုရားတို့မည်သည် …
အဆိုးလောကဓံပဲလာလာ၊အကောင်းလောကဓံပဲလာလာ၊
မတုန်လှုပ်ဘူး။
ကောင်းဆိုးနှစ်တန်
လောကဓံတရားတွေအပေါ်မှာ
အညီအမျှထားပြီး ရှုမြင်တော်မူလေ့ရှိတယ်။
ဘုရားဂုဏ်တော်အာရုံပြုနေခြင်းဖြင့်
(တစ်နည်းအားဖြင့်)
ဗုဒ္ဓါနုဿတိပွားနေခြင်းအားဖြင့်
ကြုံတွေ့နေရတဲ့ အခက်အခဲတွေအပေါ်
မတုန်လှုပ်တော့ဘဲသဒ္ဓါစိတ် ဖြစ်ပေါ်နိုင်တယ်။
တို့ရဟန်းဖြစ်စက
ဥပဇ္စျာယ်ဆရာက ပြောဖူးတယ် …
ငါ ဘုရားတည်တယ်ကွာ။
ငါ့ တရားလေး
ငါအေးအေးဆေးဆေးရှုမှတ်ပြီး တည်ချင်တာ။
သို့သော်ကွာ…
ငါ့ခေါင်းပေါ် တုတ်ဝဲဓားဝဲနဲ့ တုတ်ကြား ဓားကြားက
ဘုရားတည်ခဲ့ရတာငါစိတ်ဆင်းရဲတာပေါ့ကွာ။
ဒီတော့ ငါ့ဆရာကိုငါလျှောက်ထားတယ်။
တစ်ခြားတာ၀န် ပေးချင်တာပေးပါ။
ဒီဘုရားတည်တဲ့ တာ၀န်တော့မပေးပါနဲ့လို့ …။
ဒီလောက်တစ်ယောက်တစ်ပေါက်နဲ့
အန္တရာယ်များပြီးဒေါသနဲ့ လုပ်နေကြတာ။
ဘုရားမတည်ချင်တော့ဘူးလို့။
ဆရာက တရားမှတ်နေရာက
မျက်လုံးလေး ဖျပ်ခနဲဖွင့်ကြည့်ပြီး …
မင်းတို့သာသနာက ဘယ်သူ့သာသနာလဲလို့ မေးတယ်။
“ဂေါတမဘုရား သာသနာပါဘုရားဆိုတော့"…
တို့ဘုရားကော
အတိုက်အခိုက်ကင်းလို့လား။
စိဉ္စမာန မိန်းမယုတ်က
လူလယ်ခေါင် အရှက်မခွဲဘူးလား။
နာဠာဂီရိ ဆင်ကြီးနဲ့ တိုက်တာလေကွာ။
ဘုရားတောင်ခံရသေးတာ။
မင်းက ဘာမို့လို့တုန်း……ဆုံးမတော့မှ
ငါသဘောပေါက်တယ်ကွ။
သာသနာပြုတဲ့နေရာတောင်လောကဓံဆိုတာ
ကြုံရတယ်။ အတိုက် အခိုက်ဆိုတာရှိတယ်။
လူတွေကြားတော့ ပြောမနေနဲ့
နိစ္စဓူ၀ လောကဓံ ချည်းပဲ …။
လောကဓံ ခံနိုင်ဖို့ဆိုတာဗုဒ္ဓါနုဿတိပွားနေမှ
လူစိတ်မပျောက် လူသက်မပျက်နေရမှာ …။
ဗုဒ္ဓါနုဿတိပွားမထားရင်
ဒေါသ၊ မာနတွေ ၀င်လာမယ်။
ဒါဆိုရင်…
ဓာတ်ညာဏ်ဘက် ပါသွားပြီနော်။
လူသွားလမ်း မဖြောင့်တော့ဘူး။
ဒါကြောင့် …
ဘုရားဂုဏ်တော် ပွားခြင်း၊
ဘုရားဂုဏ်တော် အာရုံပြုခြင်းဆိုတဲ့
ဗုဒ္ဓါနုဿတိသည် လူအသက်ကို စောင့်တဲ့
ကိုယ်စောင့်ဘာ၀နာ …။
[မဟာဗောဓိမြိုင်ဆရာတော်ကြီး]

မင်္ဂလာနံနက်ခင်းလေးပါရှင်
🌹 🎡 🌹 🎡 🌹 🎡 🌹
နမောတဿ ဘဂဝတော
အရဟတော သမ္မာသမ္ဗုဒ္ဓဿ 🙏🙏🙏
ဘုရား တရား သံဃာ
ရတနာမြတ်သုံးပါးနှင့်တကွ
အနန္တောအနန္တငါးပါး
ခင်ပွန်းကြီးဆယ်ပါးတို့အား
ရိုသေမြတ်နိုးလက်စုံမိုး၍
ရှိခိုးပူဇော်ဖူးမျှော်မာန်လျှော့
ကန်တော့ပါ၏အရှင်ဘုရား🙏🙏🙏
ဤကဲ့သို့ရှိခိုးကန်တော့ရသော
ကုသိုလ်ကံစေတနာတို့ကြောင့်
အပယ်လေးပါး ကပ်သုံးပါး
ရပ်ပြစ်ရှစ်ပါး ရန်သူမျိုးငါးပါးနှင့်
ဝိပတ္တိတရားလေးပါ ဗျသနတရား
ငါးပါးနှင့်အနာမျိုး (၉၆) ပါးတို့မှ
အခါခပ်သိမ်းကင်းလွှတ်ငြိမ်းသည်ဖြစ်၍
မဂ်တရား ဖိုလ်တရား နိဗ္ဗာန်ချမ်းသာတရားတော်မြတ်ကိုရပါလို၏ အရှင်ဘုရား 🙏🙏🙏
ဂင်္ဂါဝါလုသဲစုမက
ပွင့်တော်မူပြီးကြကုန်သော
မြတ်စွာဘုရားရှင်အဆူဆူတို့၏
တန်ခိုးတေဇော်အာနုဘော်တို့ကြောင့်
မြန်မာနိုင်ငံသူ နိုင်ငံသားများနှင့်တကွ
ကမ္ဘာသူကမ္ဘာသားများအားလုံးတို့သည်
ဘေးဆိုး ကပ်ဆိုး ရောဂါဆိုး
သဘာဝဘေးအန္တရာယ်ဆိုးများမှ
ကင်းဝေးလွှတ်မြောက်နိုင်ကြပါစေ 🙏🙏🙏
၃၁ ဘုံ အတွင်း ရှိကြကုန်သော
လူ နတ် ဗြဟ္မာ ဝေနေယျအားလုံး
ဘေးရန်ကြောင့်ကြဆင်းရဲကင်း၍
ကိုယ်စိတ်နှစ်ဖြာကျန်းမာချမ်းသာကြပါစေ🙏
ဤကောင်းမှုသည်
မြတ်သောနိဗ္ဗာန်ကို မျက်မှောက်ပြုရခြင်း၏
အထောက်အပံ့ ဖြစ်ပါစေသတည်း 🙏🙏🙏
ပြုပြုသမျှကောင်းမှုကုသိုလ်
အဖို့ဘာဂကို ဘုံ ၃၁ ဖြစ်ဖြစ်သမျှ
ဝေနေယျ သတ္တဝါအားလုံးတို့အား
ထပ်တူရကြပါစေအမျှပေးဝေပါသည်
ကုသိုလ်အမျှထပ်တူရကြပါစေ
ကုသိုလ် အမျှ အမျှ အမျှ
ယူတော်မူကြပါကုန်လော
သာဓု သာဓု သာဓု 🙏🙏🙏
ဤဆုတောင်းမေတ္တာ
ကမ္ဘာရှည်သရွှေ့ တည်ပါစေသား 🙏🙏🙏

၀ဋ်ဆိုတဲ့ စကားလုံးကို ဘုန်းဘုန်းရှင်းပြမယ်။ ပါမောက္ခချုပ်ဆရာတော်ဓမ္မမှတ်စု

"မိတ်ကောင်းရဲ့ သွင်ပြင်လက္ခဏာများ"( ပါချုပ်ဆရာတော်ဘုရားကြီး )

တစ်နေကုန်သွားတိုင်းမှာအဖြေထုတ်ပါ(ပါမောက္ခချုပ်ဆရာတော်ကြီး‌)

လူတွေသေပီး ဘယ်ရောက်ကြမှာလည်း