ဤဝတ္ထုကို ဖတ်ရသူတိုင်း မျက်ရည်စို့ပြီး
ရင်နင့်အောင် ခံစားခဲ့ကြရပါသည်။
ထို့ကြောင့် စာဖတ်သူအချို့က
တကယ့်အဖြစ်အပျက်ကိုများ
အခြေခံထား လေသလားဟု ထင်မှတ်ခဲ့ကြပါသည်။တချို့ကလည်း တကယ့်လက်တွေ့ ဘဝမှာ
ဒီလောက် ပုံပြင်ဆန်သော အဖြစ်အပျက်မျိုး
ရှိနိုင်ပါ့မလားဟု ထောက်ပြကြပါသည်။

ယင်းကိစ္စနှင့်ပတ်သက်၍

ပေဖူးလွှာမဂ္ဂဇင်း၊ ၁၉၈၄ ဒီဇင်ဘာနှင့်
၁၉၈၅ ဇန်နဝါရီ၊ နှစ်လ ဆက်တိုက်
ဖော်ပြခဲ့သော ဆရာသာဓုနှင့် တွေ့ဆုံပေးခြင်း (အင်တာဗျူး) ကဏ္ဍတွင်
တာဝန်ခံတင်ဆက်သူ ဆရာဝင်းငြိမ်းက

❝ ဟုတ်ကဲ့ ဆရာ၊ ကျွန်တော်တို့ ငယ်ငယ်က
ဖတ်ခဲ့ရဖူးတဲ့ အတာ ဝတ္ထုဟာ
ဆရာ့ ဘဝအကြောင်းလို့ ပြောကြပါတယ်၊
ဟုတ်ပါသလား ဆရာ ❞

ဟု မေးမြန်းခဲ့ရာ ဆရာသာဓုက

❝ ဟုတ်ပါတယ်၊ အတာ ဝတ္ထုက
ဆရာ့အကြောင်း ကိုးဆယ်ရာနှုန်းလောက်
ပါတယ်၊ တစ်ခုတော့ရှိတယ်၊ အတာနဲ့
ပတ်သက်ပြီး ဝေဖန်ခံ ရတာရှိတယ်၊
အမေအရင်းက သားအရင်းပေါ်မှာ
ဒါလောက်တောင်မှ စိတ် သဘောထား၊
စေတနာ မေတ္တာ မဲ့ရသလား၊ ဒါလောက်တောင်ယမေတ္တာမဲ့ နိုင်ပါ့မလား၊ ဆိုးနိုင်ပါ့မလားလို့
ဝေဖန်ကြတယ်၊ ဆရာ့ကိုလည်း မေးကြတယ်၊
ဆရာက တစ်ခွန်းတည်းပဲ ပြောလိုက်တယ်၊
ဒီထက် ဆိုးတာတွေတောင် ရှိသေးတယ်၊
ရေးမကောင်းလို့၊ ရေးမဖြစ်လို့ မရေးတာလို့ ❞

• စီစဥ်သူ၏အမှာစာ / မှ •

#ယနေ့ထုတ်သတင်းစာ_သတင်း
◼ ရိုးမရိပ်သာ တိုက်ခန်းဝယ်ယူခွင့်ရရှိသူများ နေရာထပ်မံ မဲနှိုက်မည်
ရန်ကုန်တိုင်းဒေသကြီးအစိုးရအဖွဲ့၏ ကြီးကြပ်မှုဖြင့် ရိုးမရိပ်သာ တိုက်ခန်းဝယ်ယူခွင့်ရရှိသူများကို ဇွန် ၂၀ ရက်တွင် မဲနှိုက်ရွေးချယ်ပြီး ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးနှင့်အိမ်ရာဖွံ့ဖြိုးရေး ဦးစီးဌာန၏ အသိပေးထုတ်ပြန်ချက်အရ သိရသည်။
ရိုးမရိပ်သာတန်ဖိုးနည်းအခန်းများရောင်းချနိုင်ရေး အိမ်ခန်းဝယ်ယူခွင့် လျှောက်လွှာများကို ကော်မတီကစိစစ်ပြီး သတ်မှတ်ချက်နှင့်ကိုက်ညီမှုမရှိသော လျှောက်လွှာများကိုပယ်ဖျက်ကာ သတ်မှတ်ချက်နှင့် ကိုက်ညီသောလျှောက်လွှာ ၂၂၂၄၆ စောင်ကို အိမ်ရာရောင်းချရေးကော်မတီက ဇွန် ၂ဝ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး အစည်းအဝေးခန်းမ (၃) ၌ တိုက်ခန်းဝယ်ယူခွင့်ရရှိမည့်သူများကို မဲနှိုက်ရွေးချယ်ခဲ့ပြီး တိုက်ခန်းဝယ်ယူခွင့် မဲပေါက်သူများအနေဖြင့် တိုက်ခန်းနေရာကို ကိုယ်တိုင်မဲနှိုက်ရမည်ဖြစ်ကြောင်း သိရသည်။
ထို့ပြင်မဲနှိုက်ခွင့်ရရှိသူများကို တစ်ဦးချင်းဆက်သွယ် အကြောင်းကြားသွားမည်ဖြစ်ကြောင်း၊ တိုက်ခန်းနေရာ မဲနှိုက်ရွေးချယ်ခြင်းကို ရန်ကုန်တိုင်းဒေသကြီး ဗိုလ်တထောင်မြို့နယ် ဗိုလ်ချုပ်လမ်း မြို့ပြနှင့်အိမ်ရာဖွံ့ဖြိုးရေးဦးစီးဌာန ဒုတိယထပ် အစည်းအဝေးခန်းမကြီးတွင် ဆောင်ရွက်သွားမည်ဖြစ်ပြီး ဇွန် ၂၆ ရက်တွင် အငြိမ်းစားဝန်ထမ်းများအတွက် မဲနှိုက်ရွေးချယ်မည်ဖြစ်ကြောင်း သိရသည်။
ပြည်သူများအတွက် ဇွန် ၂၆ ရက် မွန်းလွဲ ၁ နာရီနှင့် ဇွန် ၂၈ ရက် နံနက် ၉ နာရီခွဲတွင် ဝန်ထမ်းများအတွက် မဲနှိုက်ရွေးချယ်မည်ဖြစ်ကြောင်း သိရသည်။

အိမ်တံခါးပေါက်မှ
ဆင်းရဲမွဲတေခြင်း ဝင်လာသည့်အခါ
ပြတင်းပေါက်မှ
အချစ် ပြန်ထွက်သွားကြောင်း
လူတွေ ပြောကြသည်။
ယောက်ျားတွေ အိတ်ထောင်ထဲ
ပိုက်ဆံပြတ်သွားသည့်အခါ
မိန်းမတွေ ထွက်ပြေးသွားသည်ဆိုသော
အဓိပ္ပာယ် မဟုတ်။ ယောက်ျားတစ်ယောက်
ပိုက်ဆံပြတ်သွားသည့်အခါ
သူ့အလိုအလျောက်ပင်
အမှိုက်ပုံထဲ ရောက်သွားသည်။
လုံးဝ သုံးစားမရသူ ဖြစ်သွားသည်။
ရယ်သံတွေ အင်အားချည့်နဲ့ပြီး
တဖြည်းဖြည်း စိတ်အချဉ်ပေါက်လာကာ
နောက်ဆုံးတွင် သွေးရူးသွေးတန်းနှင့်
မိန်းမဆီက ထွက်ပြေးတော့သည်။
ယောက်ျားတစ်ယောက်
စိတ်နှောင့်လာပြီဆိုလျှင်
မိန်းမတစ်ယောက်လက်ထဲမှ
လွတ်မြောက်သည်အထိ ရုန်းထွက်ဖို့
ကြိုးစားနေသည်ဆိုသော စကားပုံဖြစ်ပြီး
အဲဒီရှင်းလင်းချက်ကို
ခါနဇာဝ အဘိဓာန်မှာ ရှာဖွေကြည့်နိုင်သည်။
ကျုပ်ကိုယ်တိုင်အနေနဲ့တော့ အဲဒီအဓိပ္ပာယ်ကို အလွယ်တကူ နားလည်နေသည်။

#ပြည်တွင်းသတင်း
◼ ယနေ့အထိနောက်ဆက်တွဲငလျင်လှုပ်ခတ်မှု ၁၉၃ ကြိမ်ရှိ၊ ၄၅ ဦးပျောက်ဆုံး
ပြီးခဲ့သည့်မတ်လ ၂၈ ရက်ကလှုပ်ခတ်ခဲ့သည့် အင်အားရစ်ခ်တာစကေး ၇ ဒသမ ၇ အဆင့်ရှိငလျင်အပါအဝင် ယနေ့(ဇွန် ၂၄ ရက်) အထိနောက်ဆက်တွဲငလျင်လှုပ်ခတ်မှု ၁၉၃ ကြိမ်ရှိပြီဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနကထုတ်ပြန်သည်။
ယမန်နေ့(ဇွန်လ ၂၃ ရက်)အထိ ငလျင်ကြောင့်သေဆုံးသူ ၃၇၆၁ ဦး၊ ထိခိုက်ဒဏ်ရာရရှိသူ ၅၁၀၄ ဦး နှင့် ပျောက်ဆုံးသူ ၄၅ ဦးရှိကြောင်း နစက၏ထုတ်ပြန်ချက်အရသိရသည်။
အင်အားပြင်းငလျင်လှုပ်ခတ်မှု ဖြစ်ပေါ်ခဲ့ပြးနောက် မြန်မာနိုင်ငံမီးသတ်တပ်ဖွဲ့နှင့် ပြည်တွင်းပြည်ပမှ ရှာဖွေကယ်ဆယ်ရေးအဖွဲ့ဝင်များသည် အဆောက်အအုံများအတွင်းပိတ်မိနေသူများကို ရှာဖွေကယ်ဆယ်ခဲ့ရာ ယနေ့အထိအသက်ရှင်သူ ၆၅၃ ဦးရှာဖွေကယ်ဆယ်နိုင်ခဲ့ပြီး သေဆုံးသူ ၈၃၉ ဦး ရှာဖွေနိုင်ခဲ့ကြောင်း နစက၏ ထုတ်ပြန်ချက်အရသိရသည်။
ယနေ့(ဇွန် ၂၄ ရက်) နံနက် ၁၁ နာရီ ၆ မိနစ် ၅၀ စက္ကန့်တွင်လည်း မန္တလေးတိုင်း၊ မတ္တရာမြို့၏ အရှေ့- အရှေ့မြောက်ဘက်ခြောက်မိုင်ခန့်၊ အနက် ၁၅ ကီလိုမီတာကိုဗဟိုပြု၍ အင်အားရစ်ခ်တာ စကေး ၃ ဒသမ ၁ အဆင့်ရှိငလျင်တစ်ခုလှုပ်ခတ်ခဲ့ကြောင်း မိုးဇလကထုတ်ပြန်ထားသည်။
သတင်း - အင်ကြင်း
ဓာတ်ပုံ - MFSD

“သေခြင်းတရားဆိုတာ ကြောက်နေဖို့မဟုတ်ဘူး “

တခါတလေတော့လည်း
ကာ့ဖ်ကာက မက်စ်ဘရော့ဒ်ဆီ ရေးခဲ့ဖူးသလို
ကျွန်တော် ထပ်တူခံစားရတယ်။ ကမ္ဘာကြီးမှာ
အသင်္ချေအနန္တ မျှော်လင့်ချက်တွေရှိပါတယ်။
ဒါပေမဲ့ ငါတို့အတွက်တော့ မဟုတ်ဘူးတဲ့။
ဂွတ္တလစ်မှာ ကျွန်တော်တို့မိသားစု နေထိုင်ခဲ့စဉ်
ကာလတွေမှာ အဖေနဲ့ အမေဟာ
ငွေကြေးပြည့်စုံတဲ့ အမျိုးတွေဆီကနေ
ပိုက်ဆံချေးရတဲ့ အခြေ အနေတွေ
ကြုံရတတ်ပါတယ်။ အဖေဟာ မာနမရှိတာလား၊
သူ့မာနကို ပိပိရိရိ မျိုချထားတာလားဆိုတာ
ကျွန်တော် ဝေခွဲမရပေမဲ့ အဲဒီအဖြစ် အပျက်ရဲ့
နာကျင်ရမှုကို အရွယ်မရောက်သေးတဲ့
ကျွန်တော့်နှလုံးသားဟာ အလိုအလျောက်
ခံစားလို့ ရနေခဲ့တယ်။
နောက် အဲဒီကာလတစ်လျှောက်လုံး
အမေ့ရဲ့ ခြေဖနောင့်ဟာ အသားမာတက်ပြီး
အက်ကွဲနေတာဟာ ကျွန်တော် ကြီးပြင်းလာတဲ့အခါ
အဲဒီ ခြေဖနောင့် အသားမာကို အဲဒီကာလက
တိုင်းပြည်ရဲ့ အယူဝါဒ (state ideology) အဖြစ် ကျွန်တော် မြင်လာတဲ့အထိပဲ။ နောက်ပြီး
ကျွန်တော့်မှတ်ဉာဏ်ထဲ ဖျောက်မရအောင်
စွဲနေတာက အပေါ်ပိုင်းဗလာ နဲ့ ကျွန်တော်တို့
လမ်းထဲက ၁၀၉-၁၁ဝ ကာလသားတွေ။
သူတို့ဟာဇယ်တောက်တယ်၊ ဆေးချတယ်၊
ဂစ်တာတီးတယ်၊ ခြင်းခတ်တယ်
ရပ်ကွက် သာရေးနာရေး လုပ်တယ်။ ဒါပေမဲ့
မည်မည်ရရ အလုပ်တစ်ခုခု ကိုတော့ မလုပ်ဘူး။
သူတို့ကိုယ်သူတို့ လယ်ယာပြန်စာရေးအရာရှိတွေ
လို့ ခေါ်ကြတယ်။ ကျွန်တော်တို့ လမ်းထဲမှာ
အမြဲလိုလို ရပ်ထားတဲ့ ဝီလီဂျစ်ကားတစ်စီး ရှိတယ်။ တစ်ညတော့ အဲဒီဘဲတွေက ဖာခေါ်ချကြတယ်။
မနက်ကျတော့ သူတို့ အဲဒီအကြောင်း
ပြန်ပြောကြတော့ ကြီးကောင် ဝင်စ
ကျွန်တော်ဟာ သူတို့အနားမှာ ရှိနေခဲ့တယ်။
သူတို့က ၂ ယောက် လား၊
၃ ယောက်လား မသိဘူး။
စော်ကိုခေါ်ပြီး ဂျစ်ကားပေါ်မှာ ကစ်ကြသတဲ့။
ကိစ္စပြီးတော့မှပဲ အဲဒီမိန်းမဟာ
စကားမပြောတတ်တဲ့ အ,အမှန်း
သူတို့သိကြတယ်။ ကိုင်း … စကားဆုံးတော့
သူတို့ ရယ်ကြတယ်။ ဒါပေမဲ့ သူတို့ရယ်သံဟာ
မရယ်ရဘူး။ အဲဒါကို သူတို့လည်း သိနေသလိုပဲ။
အဲဒီအချိန်မှာ ကျွန်တော့် အသည်းနှလုံးဟာ
ဆူးနဲ့ ထိုးခံလိုက်ရသလို စစ်ခနဲ
နာကျင်သွားခဲ့တယ်။ အဲဒါကို ကျွန်တော်
ကောင်းကောင်း မှတ်မိနေတယ်။
လူတွေဟာ ဝမ်းနည်းရင်လည်း ရယ်ကြတယ်
ဆိုတာကို အဲဒီ ကတည်းက ကျွန်တော် သိခဲ့တယ်။
▫️အောင်ခင်မြင့် // ဆိုနာတာ - မှ

"မိတ်ဆွေကောင်းအဖြစ် ပေါင်းသင်းအပ်တဲ့ပုဂ္ဂိုလ်၄ ယောက် "( ပါချုပ်ဆရာတော်ဘုရားကြီး )

❝ ပိုက်ဆံက
စားဝတ်နေရေးအတွက်
အရေးကြီးတာတော့ အမှန်ပဲ။
ဒါပေမဲ့ ပိုက်ဆံက အရာရာ မဟုတ်ဘူး ❞
• ဘရုစ်လီ
× × ×
ဒီစာအုပ်က ကမ္ဘာကျော်သရုပ်ဆောင်၊
ကိုယ်ခံပညာရှင်၊ ဒဿနသမား
ဘရုစ်လီရဲ့ အတွေးအခေါ်တွေကို
သက်ဆိုင်ရာ အခန်းကဏ္ဍအလိုက်
ဖော်ပြထားတဲ့ စာအုပ်ဖြစ်ပါတယ်။
ဒီစာအုပ်မှာပါဝင်တဲ့ အတွေးအခေါ်
ဒဿနတွေက ဘရုစ်လီရဲ့ မှတ်စုတွေ၊
အင်တာဗျုးတွေနဲ့ သူ့တပည့်တွေကို
သင်ကြားပေးခဲ့တာတွေကို စုစည်းထားတာပါ။
ဘ၀ကို ပြည့်ပြည့်၀၀နေနိုင်ဖို့၊
ရည်မှန်းချက်တွေကို အကောင်အထည်ဖော်နိုင်ဖို့၊
အလုပ်ကို အာရုံစိုက်ပြီး လုပ်နိုင်ဖို့၊
စိတ်တည်ငြိမ်နိုင်ဖို့ စတဲ့ နည်းလမ်းတွေကို
ဖော်ပြထားရုံတင်မကဘဲ၊ သက်ဆိုင်ရာ
နယ်ပယ်မှာ အသုံးချနိုင်မယ့်
ဒဿနတွေကို အပြည့်အစုံ ဖော်ပြထားပါတယ်။
ဒီစာအုပ်က စာဖတ်သူရဲ့
အတွေးအခေါ်တွေကို ရင့်သန်စေမယ့်အပြင်၊
ဘ၀မှာ ရင်ဆိုင်ကြုံတွေ့ရမယ့် အခြေအနေ
အရပ်ရပ်အတွက်လည်း စိတ်ကို
ကြိုတင်ပြင်ဆင်ပေးနိုင်ပါလိမ့်မယ် ...

#နိုင်ငံတကာသတင်း
◼ ဇီလန်စကီးအားအတွင်းလူများကကိဗ်မြို့နှင့်ပိုလန်လေဆိပ်တွင်လုပ်ကြံမည့်အစီအစဉ်အား ယူကရိန်းထုတ်ဖော်
ယူကရိန်းသမ္မတ ဗိုလိုဒီမာ ဇီလန်စကီးအား ပြီးခဲ့သည့်နှစ်တွင် လုပ်ကြံမည့် အစီအစဉ်နှစ်ခုနှင့်ပတ်သက်၍ ယူကရိန်းလုံခြုံ‌ရေးဌာန အကြီးအကဲ က ယမန်နေ့တွင်ထုတ်ဖော်ပြောကြားသည်။
ဇီလန်စကီးအား အကာအကွယ်ပေးရန် တာဝန်ပေးထားသော ယူကရိန်းဗိုလ် မှူးကြီးနှစ်ဦးက ရုရှား ထောက် လှမ်း‌‌ရေးဌာန FSB အတွက်အလုပ်လုပ်ခဲ့ကြောင်းနှင့် ဇီလန်စကီးအား လုပ်ကြံသတ်ဖြတ်ရန် ကြံ စည် နေခဲ့ ကြ ကြောင်း ယူကရိန်းလုံခြုံရေးဌာန (SBU )အကြီးအကဲ ဒုတိယဗိုလ်ချုပ်ကြီး ‌ဗာဆီလ် မယ်လ်ယွတ် က သတင်းထောက်များအား ပြောကြားသည်။
ပိုလန်နိုင်ငံ ဂျက်ရှောလေဆိပ်မှ လုပ်ကြံ‌‌ရေးအစီအစဉ်များကိုလည်း မစ္စတာမယ်လ်ယွတ် က ပြောကြားခဲ့သည်။
“ ပြီးခဲ့တဲ့နှစ်မှာ ကျွန်‌တော်တို့ ကြီးမားတဲ့ စစ်ဆင်ရေးလုပ်ခဲ့ပါတယ်။ ထိန်းသိမ်းလိုက်တဲ့သူနှစ်ဦး အနက်မှ တစ်ဦးက ဒီနိုင်ငံရဲ့ ခေါင်းဆောင်ပိုင်းကို အကာ အ ကွယ်‌ပေးရမယ့်ဌာနရဲ့ အကြီးအကဲ ဖြစ်ပါတယ်။ သူနဲ့အတူ အခြား ဗိုလ်မှူးကြီးတစ်ဦးကိုလည်း ဖမ်းဆီးခဲ့ပါတယ်။ သူတို့ နှစ်ယောက်စလုံး က ရုရှားနိုင်ငံရဲ့ ထောက်လှမ်းရေးဌာန FSB အတွက် အလုပ်လုပ်ခဲ့ကြပါတယ်။” ဟု၎င်းကပြောသည်။
လုပ်ကြံမည့်သူတို့၏ အစီအစဉ်မှာ ကိဗ်မြို့ရှိ သမ္မတရုံးမှာပင် ဇီလန်စကီးအား သုတ်သင်ရှင်းလင်းမည့်သူကို ရှာဖွေ စုဆောင်းသွားရန်ဖြစ်ကြောင်း မယ်လ်ယွတ် က ပြောသည်။
ယင်းလုပ်ငန်းမှာမိမိတို့အတွက်အလွန်ရှုပ်ထွေးနက်နဲသော စစ်ဆင်ရေးဖြစ်ကာကျူး‌‌ကျော်မှုစဖြစ်ပြီး ကတည်း ကနှစ်နှစ်နီးပါး အချိန်ယူလုပ်ဆောင်ခဲ့ရကြောင်း နှင့် ၎င်းတို့အုပ်စုအတွင်းသို့ လူနှင့်ရော နည်း ပညာ ပိုင်းအရပါ ထိုးဖောက်ခဲ့ရကြောင်း ယူကရိန်းလုံခြုံရေးဌာန (SBU )အကြီးအကဲက ဆက်ပြောသည်။
၂၀၂၄ ခုနှစ် မေလတွင် သမ္မတရုံးလုံခြုံရေးဌာန အကြီးအကဲအား ဇီလန်စကီးက ထုတ်ပယ်ခဲ့ပြီး ၎င်းသည် အဆိုပါရာထူးတွင် ၂၀၁၉ ခုနှစ်ကတည်းက တာဝန်ယူထားသူဖြစ်သည်။
ပိုလန်လေဆိပ်၌ ဇီလန်စကီးအား လုပ်ကြံမည့်အစီအစဉ်အတွက် ပိုလန်စစ်ပြန်တစ်ဦးအား စုဆောင်း ခဲ့ကြ ပြီးဇီလန်စကီးအားချောင်းမြောင်းပစ်ခတ်ရန်နှင့်ဒရုန်းဖြင့်ပစ်ခတ်ရန်စသည့်နည်းလမ်းပေါင်းစုံကိုစဉ်းစား ခဲ့ ကြောင်း နှင့် ၎င်းအကြောင်းကို SBU နှင့် ပိုလန်ပြည်တွင်းလုံခြုံ‌ရေးဌာန တို့က ပူးပေါင်းဖော်ထုတ်ခဲ့ကြောင်း မယ်လ်ယွတ် က ဆက်လက်ပြောကြားသည်။
သတင်း-ရဲမင်း
ကိုးကား-UPI

❝ လူ့ဘဝဟာ တိုတောင်းပြီး
အနုပညာက ရှည်လျားတယ်ဆိုတာ
ခင်ဝမ်းရဲ့ဘဝနဲ့
သူ့အနုပညာတွေက
သက်သေပြခဲ့ပါတယ် ❞
သူငယ်ချင်း ခင်ဝမ်း ရောက်ရာဘဝမှာ
ဆက်လက် အောင်မြင်ပါစေ၊
ကံကောင်းပါစေ
ဘယ်တော့မှ မမေ့တဲ့ မင်းရဲ့ သူငယ်ချင်း
• မောင်ညီညွတ် •
❛ ခင်ဝမ်းအလွမ်း ❜