Discover postsExplore captivating content and diverse perspectives on our Discover page. Uncover fresh ideas and engage in meaningful conversations
တန်ဖိုးရှိတဲ့ အရာကို
တန်ဖိုးသိတဲ့လူတွေကိုပဲ ပေးပါ
ပစ္စည်းဥစ္စာဖြစ်ဖြစ်
ချစ်ခြင်းမေတ္တာပဲ ဖြစ်ဖြစ်...။
#ဦးလေးကြီး
#crd
ချစ်ရင်လေ တားမြစ်ကြတာပါပဲ
ညနက်ထိအပြင်မနေနဲ့
အသောက်အစားပဲအမြဲမလုပ်နဲ့
မကောင်းတဲ့သူတွေနဲ့မပေါင်းနဲ့
စသဖြင့်လေးတွေဟာ
ချုပ်ချယ်တာမဟုတ်ပဲ မေတ္တာတွေပါ
ဂရုစိုက်ရင်လေ မေးကြတာပါပဲ
ဘာလုပ်နေတာလဲ ဘယ်ပျောက်နေတာလဲ ဘယ်သွားနေတာလဲ ဘယ်သူတွေနဲ့လဲ
စသဖြင့်သောမေးခွန်းတွေဟာ
စပ်စုတာရစ်တာမဟုတ်တဲ့ မေတ္တာတွေပါပဲ
ဖြစ်ထွန်းစေချင်ရင်လေ တိုက်တွန်းကြပါတယ်
အလုပ်လေးအာရုံစိုက်လုပ်ပါ
ကိုယ့်ကိုယ်ကိုယ်ကောင်းအောင်နေပါ
စသဖြင့်လေးတွေဟာ
အပြစ်တင်တာမဟုတ်ပဲ မေတ္တာတွေပါ
မေတ္တာတွေရလာတဲ့အခါ နားလည်လာပါလိမ့်မယ်
ဒီစာကိုဖတ်မိတဲ့အချိန်
တယောက်ယောက်ကိုပြေးမြင်ရင်
အဲ့ဒီလူဟာမင်းကို မေတ္တာထားတဲ့သူပါပဲ
တန်ဖိုးထားစေချင် ။
💭 || 6.9.2024
တစ်နေ့ထက်တစ်နေ့ ကမ္ဘာမှာရှင်သန်ရတာ
တစ်ခါတစ်လေမှာသိပ်ကိုနာကျင်စရာကောင်းတယ်
စိတ်တွေ အနာတရဖြစ်လိုက်
နှလုံးသားတွေ နာကျင်လိုက်
မြင်သမျှ ကြားသမျှ ကမ္ဘာမှာနာကျင်စရာတွေချည်း
ဘာနဲ့ဖျော်ဖျော် မပျော်တော့တဲ့စိတ်တွေနဲ့
အသက်ကလေးရှိနေရတယ်ဆိုရုံလေးပဲ...။
#lone
#pinterest
ပုံမှန်ဖြစ်ရိုးဖြစ်စဥ်ပါပဲ ...
လူတစ်ယောက်
ဘဝထဲကို
၀င်လာမယ်
သည်းသည်းလှုပ်ချစ်ပြမယ်
အစစအရာရာ ဂရုစိုက်ပေးမယ်
အချိန်တွေ အများကြီး ပေးမယ်
ဒီလူကတော့ ....
ငါ့ကို တကယ်ချစ်တာပဲဆိုပြိး
တွေးမိသွားတဲ့အချိန်
ဒီလူကတော့...
ငါ့ကို နာကျင်အောင်
မလုပ်လောက်ပါဘူးဆိုပြီး
ယုံကြည်မိသွားတဲ့အချိန်
အချိုးတွေစပြောင်းတော့တာပဲ
အလုပ်တွေများလာတတ်သလို
စိတ်ရှုပ်စရာတွေလည်း
တဖြေးဖြေး ပိုလာတတ်တယ်လေ ...
ကိုယ်ရှိမှ ပျော်တယ်ဆိုတဲ့
လူက
တဖြေးဖြေး
တစ်ယောက်တည်း နေတတ်ချင်လာလိမ့်မယ် ...
ဒါက ...
ဖြစ်ရိုးဖြစ်စဥ်ပါပဲ ...
#ကျေးကို
Original ဖုန်းအားသွင်းကြိုးလေး ပျက်သွားတော့
ကိုယ့်မှာ ဝမ်းနည်းလိုက်တာ ။
သေချာပြန်စဉ်းစားကြည့်တော့မှ
ကိုယ်လုပ်ခဲ့တာတွေ သတိရတယ် ။
အားသွင်းရင်း ဖုန်းသုံးတယ်
ဖုန်းအားသွင်းထားရင်လည်း တစ်ညလုံးပဲ ။
မနက်မှ ပိတ်မိတယ် ။
တစ်ညလုံး မလိုအပ်ဘဲ ကြိုးတပ်ပြီး power on ထားတော့
ကြာတော့ အဆင်မပြေတော့ဘူး ။
နောက်ဆုံးကျတော့ အား လုံးဝမဝင်တော့ဘူး ။
အဲ့တော့မှ original ကြိုးလေးကို
ပြန်လိုချင်နေတယ် ။
Made in china မဟုတ်တဲ့
အားသွင်းရင် မြန်မြန်ဝင်တဲ့ ကြိုးလေးကို သတိရတယ် ။
ငါဘာလို့ ပေါ့ပေါ့ဆဆကိုင်ခဲ့တာလဲဆိုပြီး
အပြစ်တင်မိတယ် ။
လူတွေလည်း အဲ့လိုပဲ ။
ကိုယ့်ကိုတကယ်ချစ်တဲ့သူတွေဆိုရင်
အနိုင်လိုချင်တယ်၊ အနိုင်နဲ့ ပိုင်းချင်တယ် ။
ခိုင်းလို့ရတာ အကုန်ခိုင်းချင်တယ် ။
လူဆိုတာ အားသွင်းကြိုးလိုပဲ
သူသည်းခံနိုင်တဲ့အတိုင်းအတာ
သူ အနစ်နာခံနိုင်တဲ့အတိုင်းအတာ ဆိုတာရှိတယ် ။
အရမ်း နာရလွန်းရင်
ကြာလာတာနဲ့ ထွက်သွားမှာပဲ ။
အဲ့အခါကျမှ
အတုအယောင်မိတ်ဆွေတွေကြားကနေ
အစစ်အမှန်ကို မတမ်းတပါနဲ့ ။
ချစ်တဲ့သူတွေကတော့ အကြိမ်ကြိမ်
သည်းခံမှာပဲ ။
သည်းမခံနိုင်တော့ရင်လည်း
အပြစ်ပြောလို့မရဘူး ။
ကိုယ်ဂရုမစိုက်ခဲ့တဲ့အတွက်
ကိုယ် တန်ဖိုးမသိတဲ့အတွက်ဖြစ်ရတာ ။
အကြောင်းရှိလို့ အကျိုးဆိုတာဖြစ်တာ ။
ကောင်းကျိုးလား ဆိုးကျိုးလားဆိုတာ
ကိုယ့်အပေါ်ပဲမူတည်တယ် ။
Don't let the real ones leave you. 🤍
စိတ်ထဲမှာနာကျင်နေတဲ့အရာကို
မျက်နှာမှာ လာမပေါ်အောင် ထိန်းထားဖို့
စိတ်ကူးတည်ဆောက်ထားတဲ့အရာတွေ
ပြိုလဲသွားခဲ့ရင်တောင်
ခြေလှမ်းတွေ ချော်မသွားဖို့
ကိုယ့်ပေါ် မကောင်းမှန်းသိတဲ့ ဆက်ဆံရေးတွေကို
အပြုံးမပျက် ခေါ်နေ ပြောနေနိုင်ဖို့
ဘဝကြီးက ပြိုလဲခဲ့ဖူးတယ်ဆိုရင်တောင်
အဆင်ပြေနေတဲ့ ပုံစံမျိုးနဲ့ နေတတ်ဖို့
တစ်ခုခု ဖြစ်ခဲ့ဖူးတယ် ဆိုရင်တောင်
ဘာမှမဖြစ်ခဲ့သလို နေတတ်ဖို့ဆိုတာ
ငါ့မှာ အများကြီး ဖြတ်သန်းခဲ့ရတာ
တကယ်တော့
ဘယ်လောက် ရင့်ကျက်လာသလဲ ဆိုတာက
ပျော်ရွှင်ခြင်း နာကျင်ခြင်းတွေကို
လူမြင်အောင် ထုတ်ခံစားမပြဘဲ
မင်းရင်ထဲမှာ
ဘယ်လိုထားတတ်လာသလဲဆိုတာနဲ့ပဲ ဆိုင်တယ်
ပျော့ကွက်ကို ချနင်းမယ့်သူရှေ့မှာ
အားနည်းချက်ကို ထုတ်မပြရဘူး
ပြီးတော့
ဒဏ်ရာအသစ်တွေ ထပ်ပေးမယ့်သူတွေကို
ဒဏ်ရာအဟောင်းတွေ အကြောင်း
ဘယ်တော့မှ ပြောမပြရဘူးသိလား ။
တကယ်တော့
စိတ်သက်သာရာ သက်သာကြောင်းဆိုတာ
ငါတို့ ကိုယ်တိုင်ဆီမှာက လွဲရင်
တစ်ခြား ဘယ်သူ့ဆီမှာမှ တကယ်မရှိဘူး ။
#အရှင်ဇဝန
#credit
ပြန်လဲမလာစေချင်သလို မေ့လို့လဲ မရဘူး ...
ချစ်ခဲ့တုန်းက အတတ်နိုင်ဆုံး ချစ်ခဲ့ကြသလို ကျန်ခဲ့ရမယ်ဆိုတဲ့ အချိန်မှာလဲ ငြိမ်ငြိမ်သက်သက်လေး ကျန်ခဲ့တာပါပဲ ဘာလို့လဲဆိုတဲ့ မေးခွန်းတွေတောင် ပြန်မမေးခဲ့သလို နည်းနည်းလေးတောင် ဆွဲထားဖို့မတွေးခဲ့ဘူး ... မချစ်ခဲ့လို့မဟုတ်ဘူးနော် သေလောက်အောင်ချစ်ခဲ့လို့ပဲ နောက်ဆုံး ဖြေရခက်မယ်ထင်တဲ့ မေးခွန်းတွေတောင် မမေးခဲ့တာလေ ။ ညာနေရဦးမယ် ပြီးရင် လိမ်နေရဦးမယ် ပင်ပန်းမှာပေါ့ ... ထားပါ ချစ်ခဲ့ကြပြီပဲ ငါတို့ချစ်ခဲ့ကြတာပဲဆိုတဲ့ အတိတ်ကိုပဲ မှတ်မိချင်ပါတယ် ။
ပြန်လာခဲ့ပါဆိုတဲ့ စကားတွေ မပါးဖြစ်ခဲ့သလို ပြန်လာစေချင်တယ်ဆိုတဲ့ စိတ်တွေလဲ ရှိမနေတော့ပါဘူး ။ သူပြန်လာမယ်ဆိုရင်တောင် လက်သင့်မခံဖြစ်တော့တဲ့ အကြောင်းပြချက်တွေက အများကြီးရှိနေခဲ့ပြီလေ ။ ဆက်ထုံး ... ရှိပြီးသားကြိုးက ဘယ်လောက်ပဲ မြဲမြဲ အဲ့ဒီဆက်ထုံးလေးကို အမှတ်ရတိုင်း ပြန်နာကျင်ရမှာကို ကြောက်တယ် ။ ကိုယ်က တော်ရုံ မေ့မသွားတတ်တဲ့သူဆိုတဲ့ ပိုဆိုးတာပေါ့ ။ တကယ်လို့ ... သူပြန်လာလို့ ကိုယ့်ကို အရမ်းချစ်ပြနေရင်တောင် တစ်ချိန်ကျ သူ ငါ့ကိုထားသွားဦးမှာဆိုတဲ့ အတွေးတွေနဲ့ တစ်ချိန်လုံး တွေးကြောက်နေရမှာ ။
ခြေလှမ်းပျက်သွားရင် ...တချိန်က ချန်ထားခံရခြင်းဆိုတဲ့ အတိတ်တွေကို ခဏခဏပြန်ပြောနေမိမှာ ...သိတယ် ကိုယ့်အကြောင်းကိုယ် သိနေမိတယ် ။ အမှားတွေကို ခွင့်လွှတ်လိုက်တယ်ဆိုရင်တောင်လေ အဲ့ဒီအမှားတွေကို မေ့နိုင်သွားလို့မဟုတ်ပဲ အဲ့ဒီလူတစ်ယောက်ကို မစွန့်လွှတ်နိုင်လို့ဆိုတဲ့ အကြောင်းတစ်ခုပဲရှိတာလေ ။ ကိုယ် အမြဲတမ်း အမှတ်ရပြီး အမြဲတမ်းနာကျင်နေရမှာ ကြောက်တယ် ။ အဲ့တာကြောင့် ပြန်လာပါဆိုတဲ့ စကားတွေ မမှာခဲ့မိသလို ပြန်လာစေချင်တယ်ဆိုတဲ့ အတွေးတွေဟာလဲ ရှိမနေတော့ပါဘူး ။
မေ့နိုင်သွားလို့ နေနိုင်သွားလို့ဆိုတဲ့ စကားတွေပြန်ကြားရပေမယ့် ဒီနေ့ဒီအချိန်ထိ မမေ့နိုင်သေးပါဘူးဆိုတဲ့ အမှန်တရားတွေကိုတော့ ဘယ်သူ့ကိုမှ မပြောပြဖြစ်တော့ဘူးလေ ။ တချို့ရက်တွေမှာဆို တမ်းတမ်းတတကို လွမ်းတယ် ဒါပေမယ့် သူ့ကိုဆိုတာထက် ကိုယ်တို့ချစ်ခဲ့ကြတဲ့အတိတ်ကို လွမ်းတာ ။ သူ့ကိုပြန်လိုချင်တယ်ဆိုတာထက် အဲ့ဒီတုန်းက ပျော်ရွှင်မှု ကြည်နူးမှုကို ပြန်လိုချင်နေခဲ့တာ ဒီလိုပါပဲ တစ်ခါတစ်လေကျတော့ ကိုယ့်အတွေးတွေက နားလည်ရခက်တယ် ...
လူတစ်ယောက်ကို ဘယ်တော့မှ မေ့မှာမဟုတ်သလို ဘယ်တော့မှ ပြန်လိုချင်မှာမဟုတ်တဲ့ လူတစ်ယောက်ပေါ့ ။
#ကျေးကို
ကျွန်တော်ထပ်မချစ်ချင်တော့ဘူး
မချစ်တတ်ဘူး ဆိုတာထက်
ကျွန်တော့်ရဲ့ အတ္တဆန်တဲ့ ကမ္ဘာလေးထဲကို
ဘယ်သူတစ်ဦးတစ်ယောက်ကိုမှ မခေါ်ရက်တော့တာ
ကျွန်တော်ဟာ တစ်ကိုယ်ကောင်းဆန်တယ်
ကျွန်တော်မြတ်နိုးတဲ့ အရာလေးတွေဆို ဆုံးရှုံးမှာ
သိပ်ကြောက်တော့ ထပ်ပြီးမဖက်တွယ်ချင်တော့တာ
အတွေးလွန်တယ်လို့ သမုတ်တဲ့အပေါ်
စောတကတက်စရာမရှိတဲ့ ကျွန်တော့်အနေအထားမှာ
တစ်စုံတစ်ဦးအပေါ်မှာမှ ကျွန်တော်စိတ်မနှစ်ချင်တော့ဘူး
ကျွန်တော့်ရဲ့အချစ်ဒါဏ်
တချို့လူတွေ ခေါ်ဝေါ်တဲ့ ချုပ်ခြယ်မှုဒဏ်ကို မခံနိုင်လို့ ထွက်ခွာသွားကြတဲ့ မည်သူ့ကိုမှလည်း အပြစ်မဆိုပါဘူး
ကျွန်တော့်ကိုကျွန်တော်သိပြီး နောက်ပိုင်း
တစ်စုံတစ်ယောက်ကိုမှ ဒဏ်ရာတွေအပြည့်နဲ့
ကျွန်တော့် ဘယ်ဘက်ရင်အုံကို ဝင်မလာစေချင်တော့ဘူး
ကျွန်တော်ချစ်ခဲ့တယ် ဆုံးရှုံးခဲ့တယ် နာကျင်ခဲ့တယ်
ဒါကြောင့်ထပ်ပြီး ဘာကိုမှ မဖက်တွယ်လိုတော့တာ...
နောင်တရသွားတာလား နေသားကျသွားတာလားမသိပေမဲ့
ကျွန်တော့်အချစ်ကြောင့် ဘယ်သူ့မှ အနှောက်အယှက်မဖြစ်လိုတော့ဘူး
#2001
//crd