ကျန်းမာချင်လို့ လေ့ကျင့်ခန်းလုပ်ရင် <br>ဒီ၂-ချက်သတိပြု

တရုတ်မှာ BCI chip နည်းပညာ စမ်းသပ်အောင်မြင်
တရုတ်က BCI လို့ ခေါ်တဲ့ ခေါင်းထဲ chip ထည့်ပြီး ကွန်ပျူတာကို စိတ်နဲ့ စေခိုင်းနိုင်တဲ့ နည်းပညာ ရသွားပါပြီ။
BCI (Brain-Computer Interface) နည်းပညာ ကို အီလွန်မတ်စ်ရဲ့ Neuralink နဲ့ တွဲသိကြမှာပါ။ မလှုပ်ရှားနိုင်ဖြစ်နေတဲ့ ကိုယ်တစ်ပိုင်းသေ ဝေဒနာရှင်မှာ chip ထည့်ပြီး ဗွီဒီယိုဂိမ်းဆော့ခိုင်းနိုင်တဲ့ နည်းပညာမျိုးပါ။ ဒီနည်းပညာကို ပိုင်တဲ့ ဒုတိယနိုင်ငံက တရုတ်ဖြစ်လာပါတယ်။
ပြီးခဲ့တဲ့ မတ်လထဲမှာ တရုတ်သိပ္ပံအကယ်ဒမီ CEBSIT က ပညာရှင်တွေဟာ BCI နည်းပညာကို လွန်ခဲ့တဲ့ ၁၃ နှစ် လျှပ်စစ်မတော်တဆမှုမှာ ခြေလက်ဆုံးရှုံးခဲ့ရတဲ့ လူနာတစ်ယောက်ရဲ့ ဦးနှောက်မှာ ထည့်သွင်းခဲ့ပါတယ်။ ဝိုင်ယာလက် implant ထည့်ပြီး နှစ်ပတ်သုံးပတ်အကြာမှာ လူနာက စိတ်နဲ့ ဗွီဒီယိုဂိမ်းတွေ ၊ chess တွေ ဆော့နိုင်လာတယ်လို့ ဆိုပါတယ်။
တရုတ်ပညာရှင်တွေ သုံးလိုက်တဲ့ implant က အချင်း ၂၆ မီလီမီတာ ၊ အထူ ၆ မီလီမီတာမပြည့်တဲ့ ကမ္ဘာ့အသေးဆုံး implant လို့ ပြောပါတယ်။ အကြွေစေ့အရွယ်ရှိတဲ့ ဒီ implant ရဲ့ electrode လေးတွေက လူ့ဆံပင်ရဲ့ အပုံ ၁၀၀ ပုံ ၁ ပုံလောက်ပဲ ထူပါတယ်။ Neuralink ရဲ့ BCI implant ထက်လည်း အဆ ၁၀၀ ကျော် ပိုပြီး အလိုက်သင့် ကွေးညွှတ် flexible ဖြစ်တယ်လို့တောင် ဆိုပါတယ်။
ဒီအောင်မြင်မှုက ရှေ့ဆက်မယ့် စီမံကိန်းတွေရဲ့ အစပါပဲ။ နောက်တစ်ဆင့်အနေနဲ့ လူနာကို စက်ရုပ်လက်တပ်ပြီး စိတ်အတွေးအကြံနဲ့ အရာဝတ္ထုတွေ ကောက်ယူနိုင်အောင်လည်း ကြိုးပမ်းနေပါတယ်။ ဖူဒန်တက္ကသိုလ် ဟွာရှန်းတက္ကသိုလ်နဲ့ ပူးပေါင်းပြီး နောက်နှစ်ထဲမှာ ကိုယ်တခြမ်းသေလူနာ ၄၀ ကို ဆက်ပြီး စမ်းသပ်ဖို့လည်း ရှိပါတယ်။
တရုတ်ပညာရှင်တွေက အာဏာပိုင်တွေဆီကနေ BCI နည်းပညာ ခွင့်ပြုချက်တောင်းထားပါတယ်။ ၂၀၂၈ ထဲလောက် ဈေးကွက်ထဲ ဝင်မယ်လို့လည်း ပြောပါတယ်။

Windows မှာ beta ရလာတဲ့ Perplexity ရဲ့ AI browser
နာမည်ကြီး AI search engine တစ်ခု ဖြစ်တဲ့ Perplexity က Comet browser ကို Windows အတွက် စပေးသုံးနေပါပီ။
Comet က Windows ဗားရှင်း ထွက်လို့ တချို့ Windows users တွေ အစမ်း beta သုံးလို့ ရပြီလို့ ဆိုပါတယ်။ Comet သုံးချင်ရင် ကိုယ့်အီးမေးလ်နဲ့ waitlist တင်ထားလို့လည်း ရပါတယ်။ Windows ပြီးရင် Android အတွက်လည်း ထွက်မှာဖြစ်လို့ AI browser သုံးချင်တဲ့ users တွေတော့ ပျော်ရဦးမှာပါ။
Perplexity က ဒီနှစ် မေလထဲမှာ Comet beta ဗားရှင်းကို Mac users တွေအတွက် ဖြန့်ချိပါတယ်။ Apple Silicon သုံးတဲ့ Mac တွေအတွက်ပဲ အရင်အစမ်းပေးတာပါ။ Comet က ရိုးရိုး browser မျိုး မဟုတ်ဘဲ Agentic search စနစ်နဲ့ ရှာပေးတဲ့ browser ပါ။ Agentic ဖြစ်လို့ ရိုးရိုး search လို keyword ချပေးရင် links ချပေးလိုက်တာမျိုး မဟုတ်ဘဲ AI က သူ့ဟာသူ သတင်းအချက်အလက် ရှာဖွေ ၊ စုစည်းစိတ်ဖြာပြီး အထိရောက်ဆုံးအဖြေ ထုတ်ပေးနိုင်ပါတယ်။
ဒီ browser မှာ သုံးတဲ့ AI က အမေးအဖြေလုပ်ပေးရုံတင် မဟုတ်ဘဲ အွန်လိုင်းကနေ ဈေးဝယ်ရင် ဈေးသက်သာအောင် dicount တွေ ပရိုမိုးရှင်းတွေပါ AI က လိုက်ရှာပြီး ဈေးသက်သာအောင် လုပ်ပေးနိုင်ပါတယ်။ အီးမေလ်း box ထဲက အရေးကြီး အီးမေးလ်တွေ စာမပြန်ရေသေးရင်လည်း AI က ဆွဲထုတ်ပြတာမျိုး လုပ်နိုင်ပါတယ်။
Comet beta ဗားရှင်းမှာ ပြသွားတဲ့ Try on (ဝတ်ကြည့်လိုက်) ဆိုတဲ့ feature တစ်ခုက တော်တော်မိုက်ပါတယ်။ အွန်လိုင်းက အင်္ကျီတစ်ထည်ကို ကြိုက်လို့ ကိုယ်နဲ့ လိုက်မလိုက် သိချင်ရင် Try on ကနေ ကိုယ့်ပုံကို တင်ပြီး virtual စမ်းဝတ်ကြည့်လို့ ရပါတယ်။ အိမ်မှာနေရင် shopping ထွက်သူတွေအကြိုက် ဖြစ်မယ့် feature ပါ။
အခုထိတော့ Comet က အစမ်း beta ပဲ ရှိဦးမှာပါ။ တရားဝင် ထွက်မယ့်အချိန် မပြောသေးပေမယ့် သိပ်အကြာကြီး စောင့်ရတော့မယ် မထင်ပါဘူး။

၅ မိနစ် အားသွင်းပြီး မိုင် ၂၀၀၀ မောင်းနိုင်မယ့် Huawei ဘက်ထရီနည်းပညာ
ဒီနည်းပညာသာ ဈေးကွက်ဝင်လာရင် EV ဘက်ထရီလောကတော့ ဝုန်းဒိုင်းကြဲသွားလောက်တယ်။
Huawei က မူပိုင်ခွင့်တင်ထားတဲ့ EV ဘက်ထရီတစ်ခုက ၅ မနစ်အားသွင်းထားရင် ကီလိုမီတာ ၃၀၀၀ (မိုင် ၁၈၆၅ မိုင်ခန့်) မောင်းလို့ ရမယ့် ဘက်ထရီနည်းပညာ။ ခေတ်ပေါ် EV တွေ မောင်းနိုင်မယ့် အကွာအဝေးကို အဆပေါင်းများစွာ ဆန့်ထုတ်နိုင်မှာ ဖြစ်လို့ တကယ်သာ အောင်မြင်ခဲ့ရင် လျှပ်စစ်ကားလောက ပြောင်းလဲသွားနိုင်တဲ့ နည်းပညာလို့ ဆိုနိုင်ပါတယ်။
အခု ဘက်ထရီက ဆာလ်ဖိုက်အခြေခံ solid-state ဘက်ထရီကိုမှ လစ်သီယမ်အိုင်ယွန်ဘက်ထရီထက် စွမ်းအင်သိပ်သည်းဆ ၂-၃ ဆပိုမြင့်တယ်လို့ ပြောပါတယ်။ မူပိုင်ခွင့်မှာ တင်ထားတာကတော့ သိပ်သည်းဆ 400 - 500 Wh/kg လို့ ဆိုပါတယ်။
ပုံမှန် လစ်သီယမ်အိုင်ယွန်ဘက်ထရီတွေက ဂရပ်ဖိုက် / ဆီလီကွန် anode အသုံးပြုပြီး Huawei ဘက်ထရီက anode free ဒီဇိုင်းနဲ့ စွမ်းအင်သိပ်သည်းဆ ပိုတိုးလိုက်တာပါ။ electrolyte အခဲ (solid-state) ထားလို့ ဘက်ထရီပိုဘေးကင်းပြီး သက်တမ်းပိုရှည်စေပေမယ့် သူ့မှာလည်း စိန်ခေါ်မှုတချို့ ရှိပါတယ်။
တစ်ခုက solid-state electrolye တွေက အရည် electrolyte ဘက်ထရီတွေလောက် အိုင်းယွန်းလျှပ်ကူးမှု အားမကောင်းတာ ၊ လျှပ်ကူးနဲ့လျှပ်စစ်ဖမ်းတဲ့ electrode အကြား ခုခံအားတွေရှိလို့ ဘက်ထရီစွမ်းအင်စီးဆင်းမှု ကျဆင်းတာတွေနဲ့ ထုတ်လုပ်ရေးစရိတ်ကြီးတာတွေပါ။
Solid-state ဘက်ထရီထုတ်လုပ်ရေးစရိတ်က ၁ ကီလိုဝပ်ကို ယွမ် ၈၀၀၀ နဲ့ ၁၀၀၀၀ ကြား (မြန်မာငွေ သိန်း ၅၀ ကျော်နဲ့ ၆၃ သိန်းဝန်းကျင်) ရှိပါတယ်။ Solid-state EV ဘက်ထရီတွေ အမြောက်အများထုတ်ဖို့ စိန်ခေါ်ချက်တွေ ရှိသလို မြန်နှုန်းမြင့် ultra-hight voltage အားသွင်းရုံတွေကလည်း ဈေးကွက်ဝင်အဆင့် ဖြစ်မလာသေးပါဘူး။
Solid-state ဘက်ထရီ သုတေသနတွေကတော့ ဆယ်စုနှစ်နဲ့ချီ ကြာနေပါပြီ။၂၀၂၃ မှာတော့ Toyota ကုမ္ပဏီက ၁၀ မိနစ်အားသွင်းပြီး ကီလိုမီတာ ၁၂၀၀ (မိုင် ၇၅၀ နီးပါး) သွားနိုင်မယ့် solid-state ဘက်ထရီ ရှေ့ပြေးနမူနာတစ်ခု ပြသခဲ့ဖူးပါတယ်။ ကမ္ဘာပေါ်မှာ solid-state ဘက်ထရီမူပိုင်ခွင့်အများဆုံး ပိုင်တာ တရုတ်ကုမ္ပဏီတွေ ဖြစ်ပြီး မူပိုင်ခွင့်ရဲ့ ၃၆.၇% ကို ပိုင်ကြတယ်လို့ ဆိုပါတယ်။
Huawei ရဲ့ ၅ မိနစ်အားသွင်းရုံနဲ့ ကီလိုမီတာ ၃၀၀၀ မောင်းနိုင်မယ့် လျှပ်စစ်ကားဘက်ထရီက အားကျစရာနည်းပညာဆိုပေမယ့် ဈေးကွက်ဝင်ထုတ်ကုန်ဖြစ်လာဖို့ အများကြီးဖြတ်ကျော်ရဖို့ ရှိပါတယ်။

“တစ်နေ့တစ်ခု တိုးတက်တာက မမြင်ရပေမယ့် အကျိုးရှိတယ်…”
တစ်နေ့ပြီး တစ်နေ့ သေးသေးလေးနဲ့စပြီး လုပ်တဲ့အရာတွေဟာ တစ်ချို့လူတွေအတွက် မမြင်ရနိုင်လောက်အောင် တိုးတက်မှုက သေးငယ်သွားတတ်တယ်။ ပြောင်းလဲမှုသေးသေးလေး တွေကနေစပြီး အားလုံးစုပေါင်းလိုက်မှ ပြောင်းလဲမှုအကြီးကြီး ဖြစ်ပေါ်လာတာပါ။ ဘယ်သူကမှ တစ်ရက်တည်းနဲ့ ဝုန်းဒိုင်းဆိုပြီး မပြောင်းလဲ‌နိုင်ကြဘူး။
တိုးတက်မှု တစ်ခုပဲ ဖြစ်ရင်တောင် –
တစ်ချို့က “အလုံးစုံမပြောင်းလဲဘူး” ဆိုပြီး စိတ်ဓာတ်ကျတတ်ကြတယ်။
ဒါပေမယ့်…
တစ်နေ့တစ်ခုလောက်ကိုပဲဖြစ်ဖြစ် သေချာအာရုံစိုက်ပြီး လုပ်လိုက်လို့ အောင်မြင်သွားတာ
စကားလုံးတစ်လုံး‌လောက်ပဲဖြစ်ဖြစ် ပိုမိုသိလာတာ
မနေ့က ဖြစ်မြောက်အောင် မလုပ်နိုင်ခဲ့တာကို နောက်ထပ် ကြိုးစားကြည့်တာ
ဒါတွေဟာ တိုးတက်မှု ဆိုတာကို ပြန်အဓိပ္ပါယ်ဖွင့်ပေးတယ်။
အောင်မြင်မှုဆိုတာက အမြဲတမ်း မျှဝေဖို့လိုမနေဘူး။
တစ်ခုပဲဖြစ်ဖြစ်၊ နည်းနည်းပဲဖြစ်ဖြစ်
မနေ့က သင့်ကို ဒီနေ့က သင်နဲ့ ယှဉ်လိုက်လို့ ပိုကောင်းနေတာဆိုရင် – အဲ့ဒါကအနိုင်ယူမှုပဲ။
သင့်ရဲ့ ဒီနေ့ တိုးတက်မှုက ဘာလဲ
ဒီ Content ကို ဖတ်နေတာပဲ ဖြစ်ဖြစ်၊ မနေ့ထက်
နည်းနည်း ပိုနားလည်လာနေတာပဲ ဖြစ်ဖြစ် –
ဒါက သင့်ရဲ့ တိုးတက်မှုပဲနော်။

Grocery giant Kroger is planning on closing 60 stores within the next 18 months, according to its 2025 first quarter earnings report.
https://www.goodmorningamerica.....com/food/story/krog

Paleontologists have found fossilized remains of a giant possum-like mammal that lived 60 million years ago.
https://abcnews.go.com/US/foss....ils-giant-possum-mam

ချင်းမှာ ဒေသပါတီ ၃ ခု ရွေးကောက်ပွဲဝင်ဖိုရှိနေ

(ပြည်တွင်း) ဇွန် ၂၅
ပါတီစုံအထွေထွေရွေးကောက်ပွဲကို၂၀၂၅ ခုနှစ် ဒီဇင်ဘာလ အကုန် ၂၀၂၆ ခုနှစ်၊ ဇန်နဝါရီလ အစပိုင်းမှာကျင်းပဖို့ရှိနေပြီး ချင်းပြည်နယ်မှာ ဒေသပါတီ ၃ ခုက ဝင်ရောက်ယှဉ်ပြိုင်ဖို့ရှိနေတယ်လို့ သိရပါတယ်။ချင်းပြည်နယ်တွင်းဝင်ရောက်ယှဉ်ပြိုင်ဖို့ မှတ်ပုံတင်ရရှိပြီးဖြစ်တဲ့ ခူမီးအမျိုးသားပါတီနဲ့ ပါတီတည်ထောင့်ခွင့်ရထားပြီ ဖြစ်တဲ့ ချင်းပြည်သစ်ကွန်ဂရက်ပါတီ၊ ပါတီတည်ထောင်ခွင့် လျှောက်ထားချက် ခွင့်ပြုလိုက်ပြီးဖြစ်တဲ့ ဇိုမီးအမျိုးသားပါတီ တို့က ယှဉ်ပြိုင်ကြမှာပါ။

ပြည်ထောင်စုရွေးကောက်ပွဲကော်မရှင်က ဇွန်လ ၂၄ ရက်နေ့မှာ ဇိုမီး အမျိုးသား ပါတီကို နိုင်ငံရေးပါတီများ မှတ်ပုံတင်ခြင်းဥပဒေ၊ နည်းဥပဒေတွေနဲ့ ညီညွှတ်သည်ကို စိစစ်တွေ့ရှိတာကြောင့် နိုင်ငံရေးပါတီ တည်ထောင်ခွင့် လျှောက်ထားချက်ကို ခွင့်ပြုလိုက်တာဖြစ်ပါတယ်။

ပါတီတည်ထောင်ခွင့်ရရှိတဲ့ ဇိုမီးအမျိုးသားပါတီဟာ ခွင့််ပြုချက်ရရှိတဲ့နေ့ကစလို့ ရက်ပေါင်း ၃၀ အတွင်း နိုင်ငံရေးပါတီများ မှတ်ပုံတင်ခြင်းနည်းဥပဒေ ၇ နဲ့အညီ ကော်မရှင်ကို နိုင်ငံရေးပါတီအဖြစ် မှတ်ပုံတင်ပေးဖို့ လျှောက်ထားရမှာဖြစ်ပြီး ယနေ့အထိ ပါတီတည်ထောင်ခွင့်ပြုပြီး နိုင်ငံရေးပါတီ ၁၉ ပါတီ ရှိပြီလို့လည်း ထုတ်ပြန်ထားပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ လျှပ်စစ်ကား ထုတ်လုပ်သည့် နီတာတရုတ်ကုမ္ပဏီ ဒေဝါလီခံ
တရုတ်နိုင်ငံအခြေစိုက် နီတာလျှပ်စစ်ကား(Neta EV) အမှတ်တံဆိပ် ထုတ်လုပ်သည့် Hozon NewEnergy Automobile ကုမ္ပဏီသည် ဒေဝါလီခံလိုက်ရပြီဖြစ်ကြောင်း CCTV သတင်းကြေညာချက်ကို ကိုးကားပြီး ဇွန် ၂၃ ရက် တွင် ရိုက်တာသတင်းဌာနက သတင်းရေးသားဖော်ပြထားသည်။
Neta EV ကားများထုတ်လုပ်သည့် Hozon New Energy Automobile သည် ဒေဝါလီခံလိုက်ပြီဟု ဇွန် ၁၉ ရက်က သတင်းထွက်ပေါ်လာပြီးနောက်တွင် တရုတ်နိုင်ငံ ရှန်ဟိုင်းမြို့ရှိ Neta ကားအရောင်းဆိုင် အများအပြားပိတ်လိုက်ကြောင်း သတင်းတွင် ဆက်လက်ဖော်ပြထားခြင်းဖြစ်သည်။
NetaEV ကားများနှင့်ပတ်သက်ပြီး နောက်ဆုံးရရှိသည့် သတင်းများအရ ၎င်းတို့၏ကုမ္ပဏီလက်ကျန်ငွေစာရင်းတွင် အမေရိကန်ဒေါ်လာ ၂၈၃ ဒေါ်လာသာ ကျန်ရှိတော့ကြောင်း၊ ရှန်ဟိုင်း ရုံးချုပ်ဝန်ထမ်းများအပါအဝင် ဝန်ထမ်းများအားလုံးကို လခမပေးနိုင်သည်မှာ ၂၀၂၅ ခုနှစ် နှစ်ဆန်းပိုင်းကတည်းပင်ဖြစ်ကြောင်း၊ဇွန် ၁၅ နောက်ပိုင်း ရှန်ဟိုင်းရုံးချုပ်အဆောက်အအုံ အပါအဝင် ရုံးချုပ်၏ Experience Centreကိုပါပိတ်သိမ်းလိုက်ပြီဖြစ်ကြောင်း သိရသည်။
Source; Reuters

#နိုင်ငံတကာသမိုင်းရက်စွဲ
ကနေဒါနိုင်ငံရေးသမား ကင်ကမ်းဘဲလ်သည် နိုင်ငံ၏ ပထမဆုံး အမျိုးသမီးဝန်ကြီးချုပ်အဖြစ် ၁၉၉၃ ခုနှစ် ဇွန် ၂၅ ရက်တွင် ကျမ်းသစ္စာကျိန်ဆိုခဲ့ပြီး ၎င်းသည်ရာထူးတာဝန်ကို ငါးလအောက်သာ ထမ်းဆောင်ခဲ့သည်။