Someone said: တွေ့ရအောင်ဘယ်နေ့အားလဲ

Me :

ငါးခူ ငါးဆားနယ် အချဉ်ဆီပြန်

ပါ၀င်ပစ္စည်းများ
ငါးခူ - 500 g
ဆား - ထမင်းစားဇွန်း သုံးဇွန်းမောက်မောက် (ငါးကိုနယ်ရန်)
ကြက်သွန်ဖြူ - အမွှာကြီးကြီး လေးမွှာ
ကြက်သွန်နီ - အနေတော် တစ်လုံး
ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
နနွင်းမှုန့် - လက်ဖက်ရည်ဇွန်း လေးပုံတစ်ပုံ
မကျည်းသီးမှည့် - ကွမ်းသီးဆံလုံးလောက် တစ်လုံး
အရသာမှုန့် - လက်ဖက်ရည်ဇွန်း တစ်၀က်သာသာ
ဆီ - ထမင်းစားဇွန်း ၇ဇွန်း

ငါးဆားနယ်လုပ်ရန်
ငါးခူ ကီလိုဝက်ကို မလိုတာတွေ ဖယ်ပေးပြီး ဆားနှင့်နယ်ပြီး စင်အောင်ဆေးပေးပါ။
ရေဆေးပြီးတာနဲ့ ရေစစ်သွားအောင် ဇကာထဲထဲ့ပြီး ရေစစ်ထားပါ
ရေစစ်သွားတာနဲ့ ငါးနှင့်ဆားတို့ကို ဇလုံကျယ်ကျယ်ထဲထဲ့ပြီး နှံ့အောင်မွှေပေးပါ။
ပြီးတာနဲ့ သန့်ပြန့်သော ပလပ်စတစ်အိတ်ထဲကို ဆားနယ်ထားသော ငါးများကို စီပြီးထဲ့ပေးပါ။
ငါးထဲ့ထားသော ပလပ်စတစ်အိတ်ကို လုံနေအောင်ပိတ်ပြီး အပေါ်မှ အလေးတစ်ခုခုနဲ့ ဖိထားပါ။
ဖိထားသော ငါးထဲမှ ဆားရည်များ အပြင်သို့ ကျမလာစေရန် အောက်မှ ဇလုံတခု ခံပေးထားပါ။
အိမ်တွင်းမှာရှိတဲ့ အခန်းအပူချိန်နဲ့ဘဲ ထားထားပါ။
၂ရက် ၃ရက်အတွင်း ထားလိုက်ရင် မာတင်းနေသော ငါးဆားနယ် ရပါပြီ။
နှစ်ရက်သုံးရက်အတွင်း ကြော်စား ချက်စားပါက အရမ်းမငံသေးတဲ့ ငါးဆားနယ်ဟင်းကို ရမှာဖြစ်ပါတယ်။
တပါတ်ထက်ကျော်ပြီး ထားစားမည်ဆိုပါက ငါးပိကောင် ဖြစ်သွားမှာမို့ ချက်စားခါနီးမှာ ဆန်ဆေးရည်နှင့် နှစ်နာရီလောက် စိမ်ထားပြီးမှ ချက်စားပါ။

ပြင်ဆင်ပုံ
အရင်ဆုံး ငါးခူဆားနယ်ကို အကောင်လိုက် ပွတ်တိုက်ပြီး ရေဆေးပါ
အငံကြောက်ပါက ရေနှင့် လေးထပ်လောက် သေသေချာချာ ‌ေရဆေးပေးပါ
အားလုံးပြီးပါက ငါးကို ခပ်ပါးပါး ခပ်ရွှေရွှေလှီးပြီး ရေစင်အောင် တစ်ထပ်လောက် ထပ်ဆေးပေးပါ
မန်ကျည်းသီးမှည့်ကို ရေတစ်ထပ်ဆေးပြီး ရေအနေတော်နှင့် စိမ်ထားပေးပါ
ကြက်သွန်ဖြူကို အခွံခွာပြီး ရေဆေးထားပါ
ကြက်သွန်နီးကို အခွံခွာပြီး ရေဆေးထားပါ
ပြီးတာနဲ့ ကြကသွန်ဖြူ ကြက်သွန်နီနှင့် ငရုတ်သီး အရောင်တင်မှုန့်တို့ကို ညက်နေအောင် ရောထောင်းထားပါ
အဆင်သင့် ဖြစ်ပြီဆိုပါက ဒယ်အိုးထဲမှာ ဆီနှင့် နနွင်းမှုန့်ထည့်ပြီး မီးအပူပေးပါ
ဆီပူလာတာနဲ့ ကြက်သွန်ဖြူ ကြက်သွန်နီ ငရုတ်သီးမှုန့်ထောင်းတို့ကိုထည့်ပြီး ဆီသတ်ပေးပါ
ဆီသတ်အနံ့ မွှေးလာပါက ငါးဆားနယ်ကိုထည့်ပြီး မွှေပေးပါ
ငါးအသားများ အရောင်ပြောင်း လာတဲ့အထိ ဆီသတ်ပေးပါ
ဆီသတ်နေစဉ် အိုးမကပ်စေရန် အိုးကိုကိုင်ပြီး လှုပ်ပေးပါ
ငါးအသား မာလာပါက အရသာမှုန့်နှင့် ရေမြုပ်အောင်ထဲ့ပြီး ပွက်ပွက်ဆူအောင် တည်ပေးပါ
ရေဆူပြီး ရေအနည်းငယ် ခမ်းလာပါက မကျည်းမှည့် အနှစ်ထည့်ပြီး ဆီပြန်အောင် တည်ပေးပါ
ဆီပြန်ကာနီး အိုးကို လှုပ်လှုပ်ပေးကာ အောက်ခြေမကပ်အောင် သတိထားပြီး တည်ပေးပါ
ဆီပြန်လာပါက ထမင်းစားမြိန်စေတဲ့ ငါးခူငါးဆားနယ် ချဉ်ငံစပ် ဆီပြန်ဟင်းလေး ရပါပြီ။

ယနေ့စက်သုံးဆီစျေးနှုန်း (၂၁-၁၁-၂၀၂၄)

ဒီနေ့မှာလည်း အပြောင်းအလဲမရှိသေးတဲ့ စက်သုံးဆီစျေးနှုန်းများ

အိန္ဒိယဘီလျံနာသူဌေးကြီး ဂေါ့တမ်အဒါနီကို လာဘ်ထိုးမှု၊ လိမ်လည်မှုတို့နဲ့ အမေရိကန်မှာ တရားစွဲဆိုထား

နိုင်ငံတကာ၊ နိုဝင်ဘာ ၂၁

အိန္ဒိယနိုင်ငံက အဒါနီအုပ်စုဥက္ကဋ္ဌ ဘီလျံနာနဲ့ ကမ္ဘာ့အချမ်းသာဆုံးပုဂ္ဂိုလ်တွေထဲက တစ်ဦးဖြစ်တဲ့ သူဌေးကြီး ဂေါ့တမ်အဒါနီကို လာဘ်ထိုးမှု၊ လိမ်လည်မှုတို့နဲ့ အမေရိကန်နိုင်ငံ နယူးယောက်မြို့မှာ တရားစွဲဆိုထားကြောင်း အမေရိကန်အစိုးရရှေ့နေတွေက နိုဝင်ဘာ ၂၀ ရက်နေ့က ပြောကြားလိုက်ပါတယ်။

ကျောက်မီးသွေးလုပ်ငန်း၊ လေဆိပ်လုပ်ငန်းများ၊ ဘိလပ်မြေထုတ်လုပ်ရေးလုပ်ငန်း၊ မီဒီယာလုပ်ငန်း လုပ်ငန်း ပေါင်းစုံပါဝင်တဲ့ အဒါနီအုပ်စုရဲ့ ဥက္ကဋ္ဌဟာ မကြာသေးခင်နှစ်များအတွင်း ကုမ္ပဏီနာမည်ပျက်စွပ်စွဲမှုတွေ၊ စ တော့ရှယ်ယာဈေးနှုန်းကျဆင်းမှုတွေကြောင့် တုန်လှုပ်ခဲ့ရပါတယ်။

ခန့်မှန်းအနှစ် ၂၀ အတွင်းမှာ ဒေါ်လာ ၂ ဘီလျံ အကျိုးအမြတ်ရနိုင်တယ်လို့ မျှော်မှန်းထားတဲ့ ဆိုလာစွမ်းအင် ထောက်ပံ့ရေးကန်ထရိုက်လုပ်ငန်းတွေ ရရှိဖို့အတွက် အိန္ဒိယအစိုးရအရာရှိတွေကို ဒေါ်လာ သန်း ၂၅၀ ကျော် လာဘ်ထိုးဖို့ ၂၀၂၀ ပြည့်နှစ်နဲ့ ၂၀၂၄ ခုနှစ်ကြားကာလမှာသဘောတူညီခဲ့ကြတယ်ဆိုတဲ့စွဲချက်နဲ့ အဒါနီနဲ့ Adani Green Energy က အမှုဆောင်အရာရှိနှစ်ဦးဖြစ်တဲ့ ၎င်းရဲ့တူဖြစ်သူ ဆာဂါအဒါနီနဲ့ ဗီနက်ဂျင်တို့ကို အာ ဏာပိုင်တွေက တရားစွဲဆိုခဲ့တာဖြစ်ပါတယ်။

အဆိုပါစွမ်းအင်ကုမ္ပဏီဟာ ၂၀၂၀ ပြည့်နှစ်နဲ့ ၂၀၂၄ ခုနှစ်ကြားကာလမှာ ချေးငွေနဲ့ ငွေချေးစာချုပ်တွေ ဒေါ်လာ ၃ ဘီလျံကျော် ချေးယူခဲ့သေးကြောင်း အစိုးရရှေ့နေတွေက ပြောပါတယ်။

အခုစွဲဆိုလိုက်တဲ့အမှုဟာ အမေရိကန်လာဘ်စားမှုတိုက်ဖျက်ရေးဥပဒေတစ်ခုဖြစ်တဲ့ နိုင်ငံခြားအကျင့်ပျက်ခြစား မှုတိုက်ဖျက်ရေးအက်ဥပဒကို ချိုးဖောက်မှုနဲ့ စွဲဆိုထားတာဖြစ်ပါတယ်။

ကြာသပတေးနေ့အစောပိုင်းက စွဲချက်တွေကို ကြေညာလိုက်တဲ့အချိန်မှာ အိန္ဒိယနိုင်ငံမှာရှိတဲ့ အဒါနီအုပ်စုက မေးမြန်းချက်တွေကို ပြန်လည်ဖြေကြားခဲ့ခြင်းမရှိပါဘူး။

ဝါရှင်တန်မှာရှိတဲ့ အိန္ဒိယသံရုံးက မေးမြန်းချက်တွေကို ပြန်လည်ဖြေကြားခြင်းမရှိသလို စွပ်စွဲခံသူတွေဘက်က ရှေ့နေတွေကိုလည်း ဆက်သွယ်လို့မရသေးပါဘူး။

ဒေါ်လာ ၆၉.၈ ဘီလျံကြွယ်ဝချမ်းသာတဲ့ ဂေါ့တမ်အဒါနီဟာ ကမ္ဘာ့ ၂၂ ယောက်မြောက်အချမ်းသာဆုံး သူဌေး ကြီးဖြစ်ပြီး Reliance Industries ဥက္ကဋ္ဌ မူကက်ရှ်အမ်ဘာနီပြီးရင် အိန္ဒိယနိုင်ငံမှာ ဒုတိယအချမ်းသာဆုံးပုဂ္ဂိုလ် ဖြစ်ပါတယ်။

တရားစွဲဆိုခံရတဲ့အထဲမှာ တခြားအိန္ဒိယနိုင်ငံသား ၇ ဦးနဲ့အတူ ပြင်သစ်-သြစတေးလျ နှစ်နိုင်ငံသားခံယူထားတဲ့ နိုင်ငံခြားသားတစ်ဦးလည်းပါဝင်ပါတယ်။

တရားသူကြီးတစ်ဦးက ဂေါ့တမ်အဒါနီနဲ့ ဆာဂါအဒါနီတို့ကို ဖမ်းဝရမ်းထုတ်ပေးခဲ့ကြောင်း တရားရုံးမှတ်တမ်းအရ သိရပြီး အစိုးရရှေ့နေတွေက အဲဒီဖမ်းဝရမ်းတွေကို သက်ဆိုင်ရာနိုင်ငံခြားတိုင်းပြည်တွေက တရားဥပဒေစိုးမိုး ရေးတာဝန်ရှိသူတွေကို လွှဲပြောင်းပေးသွားမယ်လို့ ဆိုပါတယ်။

Ref: Billionaire Gautam Adani of India's Adani Group charged in US with bribery, fraud

#centralnewsnaypyitaw

တကယ်ချစ်ရင် ချစ်ပြစရာနည်းလမ်းတွေအများကြီးရှိပါတယ်။
ချစ်မပြတတ်ဘူးဆိုတာ အပိုပါ ။ ❤️❤️❤️

ဖြူဖြူလုံးဆိုတော့ မုန့်လာဥပေါ့ 😀

တကယ်တော့သူနာမည်က ခါနေတဲ့ ခါဥ မ ပါ 😀

အေးအေးဆေးဆေးနေတက်ရုံကလွဲရင် ကိုယ်ကချေမိုးနေတာမဟုတ်ပါဘူး

ရင်းနှီးတဲ့လူတချို့နဲ့ ပေါတောတောနေတက်ပေမယ့်
ကိုယ်က ရောချင်တိုင်းရောလို့ရတဲ့ လူမျိုးမဟုတ်ပြန်ဘူး။

ကိုယ်ကရှင်းတယ် သာလဲမပေါင်းသလို ညာလဲမစားဘူး

စိတ်မပါရင် ဘယ်သူနဲ့မှ အရောအဝင် မလုပ်တတ်ဘူး
တခါတလေ အေးစက်တယ်၊ တိတ်ဆိတ်တယ်ဆိုတာက မလိုတဲ့သူတွေအတွက်ပါဘဲ

မေတ္တာဖြစ်စေ၊ စေတနာဖြစ်စေ ထိုက်တန်တဲ့လူတွေကိုဘဲ ပေးတာမို့ တကိုယ်ကောင်းဆန်တယ်လို့ ပြောချင်ပြောနိုင်ပါတယ်။🖤

#sone 🌻🤍

ဘယ်heroဆိုတာ သိမှာပါ။

#အကိုမေ

မြန်မာ့ပြည်တွင်းစစ်ကြောင့် ထိုင်းနိုင်ငံတွင်း မြန်မာနိုင်ငံသားများ ကွန်ဒိုတိုက်ခန်းဝယ်ယူမှု မြင့်တက်

နိုဝင်ဘာ ၂၁

ပြည်တွင်းစစ်ကြောင့် ချုံးချုံးကျနေတဲ့ စီးပွားရေးနယ်ပယ်ကနေ ၎င်းတို့ပိုင်ငွေကြေးတွေကို ရွှေ့ပြောင်းထားဖို့ ကြိုးပမ်းတဲ့အနေနဲ့ မြန်မာနိုင်ငံသားဝယ်လက်တွေဟာ ထိုင်းနိုင်ငံ ဘန်ကောက်မြို့နဲ့ တခြားဒေသတွေမှာ ကွန်ဒို တိုက်ခန်းတွေကို သိမ်းကျုံးဝယ်ယူနေကြပါတယ်။

၂၀၂၄ ခုနှစ် ပထမ ၉ လအတွင်း မြန်မာနိုင်ငံသားတွေကို ရောင်းချခဲ့တဲ့ ကွန်ဒိုတိုက်ခန်းအရောင်းပမာဏဟာ ပြီးခဲ့တဲ့နှစ်ကာလတူနဲ့ နှိုင်းယှဉ်ရင် သုံးဆမြင့်တက်သွားကြောင်း ထိုင်းနိုင်ငံ အိမ်ခြံမြေသတင်းအချက်အလက် စင်တာ (REIC) က ပြောပါတယ်။

အခုနှစ်အတွင်း မြန်မာနိုင်ငံသားတွေ ဝယ်လိုအားမြင့်တက်ခဲ့တဲ့အတွက် ထိုင်းနိုင်ငံတွင်း ကွန်ဒိုတိုက်ခန်းဝယ်ယူ မှုမှာ တရုတ်နိုင်ငံသားတွေပြီးရင် မြန်မာနိုင်ငံသားတွေက ဒုတိယနေရာကလိုက်နေတယ်လို့ REIC က ပြောပါ တယ်။

“တခြားနိုင်ငံတွေမှာ ပဋိပက္ခဖြစ်လာတဲ့အခါတိုင်း နိုင်ငံခြားသားတွေက ငြိမ်းချမ်းစွာ ခိုလှုံရာနေရာအဖြစ်ရှာဖွေဖို့ ထိုင်းနိုင်ငံဘက်ကို ခြေဦးလှည့်လာလေ့ရှိပါတယ်။” လို့ REIC ရဲ့ ခေတ္တညွှန်ကြားရေးမှူးချုပ် ကာမွန်ပေါ့ဗီရာပါ လာက အခုသီတင်းပတ်အတွင်း သတင်းထောက်တွေကို ပြောပါတယ်။

အခုနှစ် ဇန်နဝါရီလကနေ စက်တင်ဘာလအတွင်း ထိုင်းဘတ်ငွေ ၅.၄၆ ဘီလျံ (ဒေါ်လာ ၁၅၈ သန်း) တန်ကြေး ရှိတဲ့ ကွန်ဒိုတိုက်ခန်း ၁,၀၀၀ ကို မြန်မာနိုင်ငံသားတွေကို ရောင်းချခဲ့ကြောင်း REIC သတင်းအချက်အလက် တွေမှာ ဖော်ပြထားပါတယ်။

ထိုင်းနိုင်ငံနဲ့ ကီလိုမီတာ ၂၅၀၀ (မိုင် ၁၅၅၀၀) နယ်နမိတ်ထိစပ်နေတဲ့ မြန်မာနိုင်ငံမှာ ၂၀၂၁ ခုနှစ် အာဏာ သိမ်းပြီးနောက် ဖူးသစ်စ ဒီမိုကရေစီနဲ့ စီးပွားရေးပြုပြင်ပြောင်းလဲမှုတွေ ရပ်ဆိုင်းသွားခဲ့သလို နိုင်ငံတစ်ဝန်း အ ကြမ်းဖက်မှုတွေ ဖြစ်ပွားလာခဲ့ပြီး နိုင်ငံရေး၊ စီးပွားရေးတွေ ဝရုန်းသုန်းကားဖြစ်လာတာဖြစ်ပါတယ်။

မြန်မာငွေကြေးတန်ဖိုးဟာလည်း ကျဆင်းနေပြီး ကုန်ဈေးနှုန်းတွေ ကြီးမြင့်လာပါတယ်။ လက်ရှိ ဘဏ္ဍာရေးနှစ် မှာ မြန်မာ့စီးပွားရေးဟာလည်း ၁% သာ မြင့်တက်လာနိုင်ဖွယ်ရှိတယ်လို့ ခန့်မှန်းထားကြောင်း ကမ္ဘာ့ဘဏ်က ပြောပါတယ်။

မတည်ငြိမ်တဲ့ ကျပ်ငွေကို တည်ငြိမ်အောင်လုပ်ဖို့အတွက် နစက အစိုးရဟာ ဇွန်လအတွင်းက ထိုင်းကွန်ဒိုတိုက် ခန်းရောင်းဝယ်ရေးဆောင်ရွက်နေတဲ့ပုဂ္ဂိုလ်ငါးဦးကို တရားစွဲဆိုခဲ့ပါတယ်။ ပြည်ပနိုင်ငံက အိမ်ခြံမြေဝယ်ယူမှုကို အရင်တုန်းက မြန်မာနိုင်ငံမှာ တရားမဝင်အဖြစ် သတ်မှတ်ထားခြင်းမရှိပေ မဲ့ လက်ရှိအချိန်မှာတော့ နစက အစိုးရဟာ နိုင်ငံခြားငွေစီးဆင်းမှုကို ကန့်သတ်ဖို့ ကြိုးပမ်းနေပါတယ်။

အိမ်ခြံမြေဝယ်ယူမှုနဲ့ပတ်သက်ပြီး ရိုက်တာသတင်းဌာနရဲ့ မေးမြန်းချက်ကို နစက အစိုးရဘက်က ပြန်လည်ဖြေ ကြားတာ မရှိပါဘူး။

မြန်မာနိုင်ငံတစ်ဝန်း တိုက်ပွဲတွေ အရှိန်မြင့်တက်လာခဲ့သလို ၂၀၂၂ ခုနှစ်ကတည်းက ထိုင်းနိုင်ငံထဲမှာ မြန်မာ နိုင်ငံသားတွေရဲ့ အိမ်ခြံမြေဝယ်ယူမှုဟာလည်း မြင့်တက်လာခဲ့ပါတယ်။

ဖိနှိပ်မှုတွေရှိနေပေမဲ့လည်း ရင်းနှီးမြှုပ်နှံမှုတွေ ဆက်လက်ဝင်ရောက်လာဆဲဖြစ်ပြီး ဇူလိုင်-စက်တင်ဘာ သုံးလ အတွင်း ၆၅% မြင့်တက်လာခဲ့ကြောင်း REIC အချက်အလက်တွေမှာ ဖော်ပြထားပါတယ်။

ငွေကြေးချမ်းသာတဲ့ မြန်မာနိုင်ငံသားတချို့ဟာ စစ်ဘေးဒဏ်သင့်နေတဲ့ ၎င်းတို့တိုင်းပြည်ထဲမှာ ငွေကြေးသိမ်း ဆည်းထားတာတွေကို ရှောင်ရှားဖို့အတွက် ထိုင်းနိုင်ငံက အိမ်ခြံမြေတွေကို ဝယ်ယူနေတာဖြစ်ကြောင်း အမည် မဖော်လိုတဲ့ အိမ်ခြံမြေအေးဂျင့်တစ်ဦးက ရိုက်တာသတင်းဌာနကို ပြောပါတယ်။

မြန်မာနိုင်ငံသားရင်းနှီးမြှုပ်နှံသူတွေဟာ ဒေါ်လာ ၁၄၅,၀၀၀ နဲ့ ၃၅၀,၀၀၀ ကြားတန်ဖိုးရှိ အိမ်ခြံမြေတွေကို ဝယ် ယူနေကြပြီး ထိုင်းနိုင်ငံမြောက်ပိုင်းက ချင်းမိုင်ပြည်နယ်ဟာလည်း မြန်မာနိုင်ငံသားတွေ အကြိုက်တွေ့တဲ့နေရာ တစ်ခုဖြစ်ကြောင်း အဆိုပါ အေးဂျင့်က ပြောပါတယ်။

တခြားလူတွေအတွက်တော့ ထိုင်းနိုင်ငံမှာ ဝယ်ယူထားတဲ့ အိမ်ခြံမြေတွေဟာ လက်ရှိအချိန်မှာ ၎င်းတို့နေထိုင် ရာ အိမ်တွေဖြစ်နေကြပါတယ်။

“မြန်မာနိုင်ငံထဲက အခြေအနေတွေက ပိုဆိုးလာတယ်။ ကျွန်တော်ကတော့ ပြန်သွားဖို့ အစီအစဉ်မရှိပါဘူး။” လို့ အမည်မဖော်လိုတဲ့ အသက် ၃၀ အရွယ် မြန်မာနိုင်ငံသားအထူူးကုဆရာဝန်တစ်ဦးက ပြောပါတယ်။

ထိုင်းနိုင်ငံမှာ အလုပ်လုပ်နေတာ နှစ်နှစ်ကြာပြီဖြစ်တဲ့ မြန်မာနိုင်ငံသား အမျိုးသမီးတစ်ဦးကလည်း ၎င်းအနေနဲ့ မကြာသေးခင်ကပဲ ဘန်ကောက်မြို့ပြင်ဘက်မှာ ဒေါ်လာ ၂၉,၀၀၀ တန် တိုက်ခန်းတစ်ခန်းဝယ်ယူထားကြောင်း ပြောပါတယ်။

ထိုင်းအိမ်ခြံမြေဈေးကွက်ထဲမှာ တခြားနိုင်ငံခြားသားဝယ်လက်တွေဆီက ဝယ်လိုအားလျော့ကျနေချိန်မှာ အခုလို မြန်မာနိုင်ငံသားတွေရဲ့ ဝယ်လိုအားတွေ မြင့်တက်လာတာဖြစ်ပါတယ်။

မကြာသေးခင်နှစ်များအတွင်း တရုတ်နိုင်ငံသားတွေရဲ့ ဝယ်လိုအားဟာ ၁၂% လျော့ကျသွားသလို ရုရှားနိုင်ငံ သားတွေရဲ့ ဝယ်လိုအားကလည်း ၁၆.၈% လျော့ကျသွားကြောင်း REIC က ပြောပါတယ်။

Ref: Conflict in Myanmar sparks surge in Thai property purchases: Reuters/ Bangkok Post

Credit - NV Media

#သတင်းဟင်းလေးအိုးကြီး

ကမ္ဘာ့ဆန်ဈေးနှုန်း ကျဆင်းနေမှုကြောင့် ပြည်တွင်းဆန်ဈေး ကျဆင်းလာနိုင်

နိုဝင်ဘာ၂၁

ကမ္ဘာ့ဆန်ဈေးနှုန်း ကျဆင်းနေမှုကြောင့် ပြည်တွင်းဆန်ဈေး ကျဆင်းလာနိုင်ကြောင်း မြန်မာနိုင်ငံ ဆန်စပါးအသင်းချုပ်မှ တာဝန်ရှိသူတစ်ဦးက ပြောသည်။

ယခုတစ်ပတ်တွင် ကမ္ဘာ့ဆန်ဈေးနှုန်းမှာ ယခင်တစ်ပတ်နှင့် နှိုင်းယှဉ်ပါက ၁ ရာခိုင်နှုန်းကျော် ဈေးနှုန်းကျဆင်းလျက်ရှိကြောင်း သိရှိရသည်။

၂၀၂၄ ခုနှစ်၊ အောက်တိုဘာလ နောက်ဆုံးအပတ်တွင် နိုင်ငံတကာ ဆန်ဈေးနှုန်းများ အတက်/အကျ ပြောင်းလဲ မှုများရှိသကဲ့သို့ မြန်မာနိုင်ငံတွင်လည်း ဆန်ဈေးနှုန်းများ အတက်/အကျ ပြောင်းလဲမှုများ ဖြစ်ပေါ်လျက်ရှိသည်ကို တွေ့ရှိရသည်။

ထို့ကြောင့် လာမည့် ဒီဇင်ဘာလဆန်းပိုင်း မိုးစပါးလှိုင်လှိုင်ပေါ်ချိန်၌ ပြည်တွင်းဈေးကွက်အတွင်း ဆန်အသစ်များ ဝင်ရောက်လာမည်ဖြစ်သည့်အတွက် ဆန်ဈေးနှုန်းမှာ ကျဆင်းနိုင်ခြေရှိသည်ဟု မြန်မာနိုင်ငံ ဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောသည်။

“နောက်ရက်ပိုင်းဆိုရင် ဒီလကုန် ဒီဇင်ဘာဆိုရင် မိုးစပါးတွေ လှိုင်လှိုင်ပေါ်လာပြီပေါ့နော်။ သက်ကြီး စပါး တွေ လည်း ပေါ်လာပြီဆိုတော့ အခုလည်း စပါးပေါ်နေတဲ့အချိန် ဆန်အသစ်တွေလည်း ဈေးကွက်ထဲကို ဝင်လာပြီ ပေါ့နော်။ ဒါကြောင့် ဆန်ဈေးကတော့ တည်ငြိမ်တဲ့ အနေအထားရှိတယ်။ ပြည်တွင်းဖူလုံမှုကလည်း အပြည့်အဝ ရှိပါတယ်။ နောက် ကမ္ဘာ့ဆန်ဈေးကလည်း ကျနေတာ ဖြစ်တဲ့အတွက် ပြည်တွင်းမှာလည်း ထိုက်သင့်တဲ့ ကျဆင်းမှု ဖြစ်နိုင်တဲ့ အနေအထား ရှိပါတယ်” ဟု ပြောသည်။

နှစ်စဉ် မိုးစပါးပေါ်ချိန်တွင် ပြည်တွင်းဆန်ဈေးနှုန်း ကျဆင်းလေ့ရှိသော်လည်း ယခုနှစ် မိုးစပါးသည် ရာသီဥတုကြောင့် အထွက်နှုန်း ကျဆင်းလျက် ရှိနေသည်။

ဆန်ဈေးနှုန်း ကျဆင်းမည်ဆိုပါက စပါးဈေးနှုန်းများပါ လိုက်ပါကျဆင်းလာမည် ဖြစ်သည့်အတွက် တောင်သူများ အကျိုးအမြတ် ရရှိမှု နည်းပါးသွားနိုင်သည်။

ထို့ကြောင့် ဆန်ဈေးနှုန်းကို သင့်တင့်မျှတသည့် ဈေးနှုန်းတစ်ခုဖြစ်ရန် ဆောင်ရွက်သင့်ကြောင်း လယ်သမားဘဝ ဖွံ့ဖြိုးရေးအသင်း ဥက္ကဋ္ဌ(ဟောင်း) ဦးသိန်းအောင်က ပြောသည်။

“အခုလောလောဆယ် မိုးစပါးမှာတော့ နှစ်တိုင်း စပါးထွက်တဲ့ အရေအတွက်နဲ့စာရင် ဒီနှစ် မိုးစပါးထွက်တဲ့ရာသီ နိုဝင်ဘာ၊ ဒီဇင်ဘာ ဒီနှစ်တွေမှာတော့ စပါးက ခါတိုင်းရဲ့ တစ်ဝက်တောင်မှ ထွက်ချင်မှ ထွက်မယ်။ ဒီနှစ်မှာ တောင်သူတွေက ရေမြုပ်တယ်။ မိုးတွင်းမှာ အပင်မှာ ရေမြုပ်တယ်။ အခု စပါးမှည့်ချိန်မှာလည်း စပါးပင်တွေ ရေမြုပ်တာ ဖြစ်တဲ့အတွက် ဈေးကွက်ကို သင့်တင့်မျှတတဲ့ဈေးကွက်မှာ စဉ်းစားဖို့ လိုအပ်တယ်။ အလွန်ချဖို့တော့ မတော်ဘူး။ အလွန်ချရင် တောင်သူတွေအဖို့ အကျိုးအမြတ် နည်းမှာပေါ့” ဟု ပြောသည်။

ပြည်တွင်း ဆန်ဈေးကွက်အနေဖြင့် မြန်မာနိုင်ငံဆန်စပါးကုန်သည်များအသင်း၏ ဆန်ဈေးကွက် (လက်ကားဈေး) တွင် ပေါ်ဆန်းနယ်စုံ (ဖျာပုံ၊ မြောင်းမြ၊ ဒေးဒရဲ) တို့မှ ဆန်တစ်အိတ်လျှင် ကျပ် ၁၁၅၀ဝ၀ မှ ၁၂၅၀ဝ၀ ပေါက်ဈေး ရှိပြီး ရွှေဘိုပေါ်ဆန်းမှာ ဆန်ဟောင်း တစ်အိတ်လျှင် ကျပ် ၁၄၀ဝ၀ဝ မှ ၁၅၀ဝ၀ဝ ပေါက်ဈေးရှိသည်။

ဆန်ကြမ်းဖြစ်သော ဧည့်မထ ၂၅ မှတ်တန်ဆန်နှင့် ငစိန်ဆန် တစ်အိတ်လျှင် ကျပ် ၇၁၀ဝ၀ မှ ၇၃၀ဝ၀ ကြား ပေါက်ဈေးရှိကြောင်း သိရှိရသည်။

တိုင်းဒေသကြီး/ပြည်နယ်များရှိ မြို့ကြီးများ၌ နေ့စဉ်ဖြစ်ပေါ်နေသော ဧည့်မထဆန်ဈေးနှုန်းများကို လေ့လာကြည့်ပါက ဧည့်မထဆန် တစ်ပြည်လျှင် ကျပ် ၅၀ဝ၀ ဖြင့် အမြင့်ဆုံး ဈေးနှုန်းဖြစ်ပေါ်ခဲ့ပြီး ကျပ် ၃၀ဝ၀ ဖြင့် အနိမ့်ဆုံး ဈေးနှုန်းများ ဖြစ်ပေါ်ခဲ့သည်ကို တွေ့ရှိရသည်။

ပုံ - မြန်မာဆန်ဂိုဒေါင်ကို တွေ့ရစဉ်

#centralnewsnaypyitaw