Each year, the number of accidental drownings spikes in July, according to data from the CDC.
https://www.goodmorningamerica.....com/living/story/ju

နီးသည်ဖြစ်စေ
ဝေးသည်ဖြစ်စေ
သူ့ကြေင့်
ကိုယ့်စိတ်လေး အေးချမ်းနေရင်လဲ
ဒါဟာ ချစ်ခြင်းမေတ္တာပါပဲ။

#ဆရာ အောင်ခြမ့်#

တက္ကသိုလ်ဝင်တန်းစာမေးပွဲအောင်မြင်ပြီးပါက သူနာပြုသားဖွားဒီပလိုမာနှင့် ဘက်စုံသားဖွားဒီပလိုမာ လျှောက်ထားနိုင်

(ပြည်တွင်း) ဇူလိုင် ၄
၂၀၂၅ ခုနှစ် မတိုင်မီတက္ကသိုလ်ဝင်တန်းစာမေးပွဲ အောင်မြင်သူများအ‌နေနဲ့ သူနာပြု၊ သားဖွားဒီပလိုမာနှင့် ဘက်စုံသားဖွားဒီပလိုမာလျှောက်ထားနိုင်ကြောင်း ကျန်းမာရေးဝန်ကြီးဌာနမှ သိရပါတယ်။

၂၀၂၆ ခုနှစ်၊ ဇန်နဝါရီလ ၂ ရက်မှာ ဖွင့်လှစ်မည့် သူနာပြုသားဖွားဒီပလိုမာ ၃ နှစ်သင်တန်းနှင့် ဘက်စုံ သားဖွား ဒီပလိုမာ ၂ နှစ်သင်တန်းတို့ကို စတင်လျှောက်ထားနိုင်ပြီဖြစ်ပါတယ်။

လျှောက်ထားသူများမှာ ပြည်ထောင်စု သမ္မတ မြန်မာနိုင်ငံသား ဖြစ်ရမည်ဖြစ်ပြီး တက္ကသိုလ်ဝင်တန်းစာမေးပွဲ အောင်မြင်သူဖြစ်ရမည် ဖြစ်ပါတယ်။

ဒါ့အပြင် လျှောက်လွှာပိတ်တဲ့ ဩဂုတ်လ ၂၈ ရက်မတိုင်မီ အသက် ၂၅ နှစ်ထက်ကျော်လွန်သူမဖြစ်ရဘဲ ပြစ်မှုကင်းရှင်းသူ၊ အကျင့်စာရိတ္တကောင်းမွန်သူ ဖြစ်ရမည်ဖြစ်သည့်အပြင် အိမ်ထောင်မရှိသူ (အပျို/လူပျို) ဖြစ်ရမည်ဖြစ်ပါတယ်။

ဌာနဆိုင်ရာဝန်ထမ်းဖြစ်ပါက လျှောက်လွှာမူရင်းကို မိမိသက်ဆိုင်ရာဦးစီးဌာန အကြီးအကဲမှတစ်ဆင့် လျှောက်ထားရမည်ဖြစ်ကာ လျှောက်လွှာများကို မြန်မာ၊ အင်္ဂလိပ်စာ၊ သင်္ချာ ၃ ဘာသာရမှတ်ပေါင်းကို မူတည်၍ ရွေးချယ်မှာဖြစ်ပါတယ်။

သင်တန်းကိုပြီးဆုံးအောင် မတက်ရောက်လျှင်ဖြစ်စေ၊ သင်တန်းစည်းကမ်းများကို ဖောက် ဖျက်လျှင်ဖြစ်စေ၊ သူနာပြုသားဖွားဒီပလိုမာသင်တန်းအတွက် ၈ သိန်းနှင့် ဘက်စုံသားဖွား ဒီပလိုမာသင်တန်းအတွက် ၃ သိန်း ပေးလျော်ရမည်ဖြစ်ကြောင်း အသိပေးထားပါတယ်။

သင်တန်းအောင်မြင်ပြီး နိုင်ငံ့ဝန်ထမ်းအဖြစ် ခန့်အပ်ပါက မည်သည့်ဒေသမှာမဆို အနည်းဆုံး ၃ နှစ်နှင့် ပညာသင်ထောက်ပံ့ကြေးခံစားထားသူများအတွက် အနည်းဆုံး ၅ နှစ်မပျက်မကွက်တာဝန်ထမ်းဆောင်နိုင်သူ ဖြစ်ကြောင်း ဝန်ခံကတိရေးထိုးရမှာဖြစ်ပါတယ်။

သင်တန်းတက်ရောက်ခွင့်ရရှိပါက တက္ကသိုလ်/ကောလိပ်/ အဝေးသင်တက်နေသူဖြစ်လျှင် သင်တန်းကာလအတွင်း ပညာသင်ခေတ္တရပ်နားခွင့်ပြုကြောင်း သက်ဆိုင်ရာ ကျောင်းအုပ်/အကြီးအကဲ၏ ထောက်ခံစာမူရင်းကိုတက်ခွင့်ရမည့် သူနာပြု/သားဖွား/နှီးနွယ်သင်တန်းကျောင်းသို့ ပေးအပ်နိုင်ရမှာ ဖြစ်ပါတယ်။

လျှောက်လွှာများကို ကျန်းမာရေးဝန်ကြီး ဌာနနှင့် ကျန်းမာရေးလူ့စွမ်းအားအရင်းအမြစ်ဦးစီးဌာနတို့၏ အင်တာနက်စာမျက်နှာမှာ ရယူပြီး ပြည့်စုံ၊ တိကျ၊ ပီသစွာ ဖြည့်စွက်၍ လိုအပ်သော စာရွက်စာတမ်းများနှင့်အတူပူးတွဲပြီး တက္ကသိုလ်ဝင်တန်းအောင်မြင်ခဲ့တဲ့ စာစစ်ဌာန တည်ရှိသော တိုင်းဒေသကြီး/ပြည်နယ် ပြည်သူ့ကျန်းမာရေးဦးစီးဌာနသို့သာ ဩဂုတ်လ ၂၉ ရက်ထက် နောက်မကျ စေဘဲ ပေးပို့လျှောက်ထားရမှာဖြစ်ပါတယ်။

၃ လအတွင်း နိုင်ငံခြားရင်းနှီးမြှုပ်နှံမှုပမာဏ အမေရိကန်ဒေါ်လာသန်း ၄၀ ကျော်ရှိ

(ပြည်တွင်း) ဇူလိုင် ၄
၂၀၂၅-၂၀၂၆ ဘဏ္ဍာနှစ်ဧပြီလကနေ ဇွန်လအထိ ၃ လအတွင်း ပြည်တွင်း၌ နိုင်ငံခြားရင်းနှီးမြှုပ်နှံမှု(FDI) ပမာဏအမေရိကန်ဒေါ်လာသန်း ၄၀ ကျော် ဝင်ရောက်ထားတယ်လို့ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီး ဌာနရဲ့ အချက်အလက်တွေအရ သိရပါတယ်။

အခုဘဏ္ဍာနှစ်အစောပိုင်းမှာ နိုင်ငံခြားရင်းနှီးမြှုပ်နှံမှု လုပ်ငန်းအသစ် ၁၅ ခု ဝင်ရောက်ထားပြီး အဆိုပါလုပ်ငန်း များ၏ ရင်းနှီးမြှုပ်နှံမှုပမာဏက အမေရိကန်‌ဒေါ်လာ ၄၀ ဒသမ ၈၅၄ သန်း ရှိပါတယ်။

၃ လအတွင်း ကုန်ထုတ်လုပ်မှု ကဏ္ဍမှာ ရင်းနှီးမြှုပ်နှံမှုလုပ်ငန်း ၁၄ ခုနဲ့ ဝန်ဆောင်မှုလုပ်ငန်း ၁ ခုဝင်ရောက်ထားပြီး တရုတ်နဲ့ ထိုင်းနိုင်ငံတွေက ဝင်‌ရောက်ရင်းနှီးမြှုပ်နှံထားတာ ဖြစ်ပါတယ်။

၂၀၂၅ ခုနှစ် ဧပြီလကုန်အထိ မြန်မာနိုင်ငံမှာ ရင်းနှီးမြှုပ်နှံထားတဲ့ နိုင်ငံ၊ ဒေသပေါင်း ၅၃ ခုရှိပြီး စင်ကာပူ၊ တရုတ်နဲ့ထိုင်းနိုင်ငံတွေက ရင်းနှီးမြှုပ်နှံမှုအများဆုံးပြုလုပ်ထားတာကို တွေ့ရပါတယ်။

ပြည်တွင်းစီးပွားရေးကဏ္ဍ ၁၂ ခု ရှိသည့်အနက် အများဆုံးရင်းနှီးမြှုပ်နှံထားတဲ့ ကဏ္ဍတွေကတော့ စွမ်းအင်၊ ရေနံနှင့် သဘာဝဓာတ်ငွေ့နဲ့ ကုန်ထုတ်လုပ်မှုကဏ္ဍတွေ ဖြစ်ပါတယ်။

” ပျော်နိုင်ဖို့ ငွေရှာနေတယ် ဆိုပေမယ့်
ငွေရှာရင်းပျော်စရာတွေ...
ပျောက်ပျောက်သွားသလို ခံစားရတယ် ”
လူတွေပြောပြောနေတဲ့
ဘဝရဲ့တိုက်ပွဲ ဆိုတာ ဒါလားဟင် ”အမေ”။

မြစ်ကြီးနားမြိုမြစ်ရေ ပြန်လည်မြင့်တက်လာနိုင်ချေရှိ

(မိုး/ဇလ) ဇူလိုင် ၄
မြစ်ကြီးနားမြို့တွင် ဧရာဝတီမြစ်ရေသည် ပြန်လည်မြင့်တက်လာချေရှိနေတယ်လို့ ဇူလိုင်လ ၃ ရက်မှာ မြစ်ကြီးနားမြို့ မိုးလေဝသနှင့်ဇလဗေဒဌာနကနေ သိရပါတယ်။

ယင်းသည် ဧရာဝတီမြစ်အထက်ပိုင်း၌ မိုးအနည်းငယ်မှ အသင့်တင့်ရွာသွန်းနေသလို ရံဖန်ရံခါ ဧရာဝတီ မြစ်ဆုံအထက်ပိုင်းတွင်လည်း နေရာကွက်၍ မိုးသည်းထန်စွာရွာသွန်းခြင်းများကြောင့် မြစ်ကြီးနားမြစ်ရေမှာ ကျဆင်း နေရာမှ အနည်းငယ် ပြန်လည်မြင့်တက်လာခြင်းများ အကြိမ်ကြိမ်ဖြစ်ပေါ်နိုင်တယ်လို့ သိရပါတယ်။

ဇူလိုင်လ ၃ ရက်ညနေပိုင်းအချိန်အထိ မြစ်ရေဆက်လက်မြင့်တက်နေမည်ဖြစ်ပြီး တစ်ပေမှ တစ်ပေခွဲကျော် မြစ်ရေတက်နိုင်ကြောင်း သိရပါတယ်။

လက်ရှိမြစ်ကြီးနားမြို့ရဲ့ မြစ်ရေသည်စိုးရိမ်ရေအမှတ် ၁,၂၀၀ စင်တီမီတာ သို့ ရောက်ရှိရန် ၁၉ ပေခွဲခန့်အလိုမှာရောက်ရှိနေကြောင်း သိရပါတယ်။

မြန်မာပြည်မြောက်ပိုင်းစွန်းဒေသများနှင့် ဧရာဝတီမြစ်အထက်ပိုင်းဒေသများမှာ တိမ်ဖြစ်ထွန်းမှု အားကောင်းလာနေသည်ကိုတွေ့ရပြီး၊ နောက်လာမည့် ရက်များတွင် မိုးရွာသွန်းမှု အသင့်တင့်ရှိလာနိုင်တယ်လို့ သိရပါတယ်။

👉စက်သုံးဆီ(ရန်ကုန်)
Octane 92 - ၃၀၁၅ ကျပ်
Octane 95 - ၃၀၇၅ ကျ​ပ်
Diesel - ၂၆၃၅ ကျပ်
Premium Diesel - ၃၂၆၅ ကျပ်
ဖော်ပြပါ စျေးနှုန်းများမှာ အချိန်နှင့်နေရာအလိုက် အပြောင်းအလဲ ရှိနိုင်ပါတယ်။

👉အမေရိကန်ဒေါ်လာ
ဗဟိုဘဏ်စျေး- ၂၁၀၀ ကျပ်(ဝယ်)၊ ၂၁၁၀ ကျပ်(ရောင်း)
ပြင်ပပေါက်စျေး- ၄၄၁၀ ကျပ်(ဝယ်) ၄၄၉၀ကျပ်(ရောင်း)

👉၁၆ ပဲရည် ရွှေတစ်ကျပ်သား
YGEA စျေး - ၅,၈၉၀,၀၀၀ ကျပ်
ပြင်ပပေါက်စျေး - ၇,၉၀၀,၀၀၀ ကျပ်
၁၅ ပဲရည်ပေါက်စျေး - ၇,၄၃၅,၀၀၀ ကျပ်

အခုအချိန်မှာ...
ဘာကိုယ် သတိရဆုံးလဲမေးရင်
ကမ္ဘာကြီးမှာ ရှင်သန်ရတာ
ဘယ်လောက်ထိပင်ပန်းကြောင်း မသိခဲ့တဲ့
တစ်ချိန်တုန်းက
ငယ်ဘဝတွေကိုယ် ပြန်သတိရတယ်..... ။