ပိတ်ရက်တွေမှာ တစ်ရက်လောက်တော့
ထမင်းပူပူလေးနဲ့နယ်စားရင် သိပ်မြိန်တဲ့
ဂဏာန်းမဆလာချက်ရှူးရှဲလေး ချက်စားရအောင်နော်..
😋😋😋
ပါဝင်ပစ္စည်းလေးတွေကတော့
ငရုတ်သီးစိမ်းကို၂ခြမ်းခွဲပါ
ခရမ်းချဉ်သီးကိုနုပ်နုပ်စင်း သို့ ကြိတ်ထားပါ
ကြက်သွန်နီဖြူဂျင်းငရုတ်သီးခြောက်တို့ကိုရောထောင်းပါ
ပင်စိမ်း/ရှမ်းနံနံ/နံနံပင် နှစ်သက်ရာထည့်ပါရှင်
အိုးကိုပူအောင်အရင်လုပ် ဆီထည့်
ဆီပူမှကိုင်ထားတဲ့ဂဏာန်းထည့်ကြော်
လိမ္မော်ရောင်လေးသန်းလာရင် ဆယ်ယူပြီးဆီစစ်ထားပါ
အဲ့ဂဏာန်းကြော်ထားတဲ့ဆီထဲကို
ထောင်းထားတဲ့ကြက်သွန်အနှစ်တွေထည့်ဆီသပ်
ကြက်သွန်နည်းနည်းကြွပ်လာရင် နုပ်နုပ်စင်းထားတဲ့
ခရမ်းချဉ်သီးထည့်ပြီး ၂မိနစ်ခန့်အဖုံးအုပ်တည်ပါ
ပြီးရင် ရေနည်းနည်းထည့်ကာ မီးအပူရှိန်လျော့ပြီး
အနှစ်ကျအောင်ဖြည်းဖြည်းချင်းစီ မွှေပြီးချက်ပေးပါ
ပြီးရင် ငရုတ်သီးစိမ်းထည့်မွှေပါ
ဂဏာန်းထည့်ပါ ရေ ဆား သကြား/ကြက်သားမှုန့်ထည့်ပြီး
၄မိနစ်ခန့်ချက်ပါ ။
ရေကို ဂဏာန်းမြုပ်ရုံလေးသာထည့်ပါ
အရည်သောက်မဟုတ်လို့ အများကြီးထည့်စရာမလိုပါရှင် ။
ဘဲဥတစ်လုံးဖောက်ထည့်ပါ ဘဲဥအနှစ်ပေါက်သွားအောင်
ထည့်ပြီးပြီးချင်း မြန်မြန်မွှေပါ အဲ့ဒါမှအနှစ်ဖြစ်ပြီး
ထမင်းနဲ့နယ်စားလို့ရမှာပါ ။
ကုလားလေးမဆလာအုပ်ပါ
ပင်စိမ်း/ရှမ်းနံနံ/နံနံပင် နှစ်သက်ရာအုပ်ပါရှင် ။
အနှစ်များများရချင်ရင်
ခရမ်းချဉ် ကြက်သွန်များများထည့်ချက်ပါရှင် ။
