အဝေးကွင်းပွဲစဉ်အပြီး အိမ်ပြန်လမ်းတွင် အာဂျင်တီးနားပရိသတ်များအား တင်ဆောင်လာတဲ့ ဘတ်စ်ကား ပစ်ခတ်တိုက်ခိုက်ခြင်းခံရ
=====================

အာဂျင်တီးနားဘောလုံးပရိသတ်များအား သယ်ဆောင်လာတဲ့ ဘတ်စ်ကားတစ်စီးဟာ အဝေးကွင်းပွဲစဉ်တစ်ခု အပြီး အိမ်ပြန်လမ်းတွင် တုန်လှုပ်စရာ ပစ်ခတ်တိုက်ခိုက်မှုများနှင့် ကြုံတွေ့ခဲ့ရပါတယ်။
အာဂျင်တီးနားအဆင့်မြင့်တန်းကလပ် Tigre အသင်းပရိသတ်များစီးနင်းလာတဲ့ ဘတ်စ်ကားဟာ အင်္ဂါနေ့ညတုန်းက အိမ်ပြန်လမ်းတွင် တိုက်ခိုက်မှုကြုံခဲ့ရတာပါ။
Tigre ပရိသတ်များဟာ ဥရုဂွေးထိပ်သီး ကလပ် Nacional အား Copa Sudamericana တွင် ၃-၀ ဂိုးဖြင့် အနိုင်ရရှိပြီး အိမ်ပြန်လမ်းတွင် တိုက်ခိုက်ခံခဲ့ရတာပါ။
ယင်းနှစ်သင်းတို့ဟာ ရှုံးထွက်ပလေးအော့ဖ်ကစားခဲ့တာ ဖြစ်ပြီး Tigre က ဆယ်ယောက်ကျန် ပြိုင်ဘက်အား ဂိုးပြတ်အနိုင်ရရှိခဲ့ပါတယ်။
ဒါပေမဲ့ Tigre ပရိသတ်များရဲ့ အပျော်ဟာ အသင်းဘတ်စ်ကားကို သေနတ်များဖြင့် ပစ်ခတ်တိုက်ခိုက်ခြင်းခံရချိန်မှာတော့ အကြီးအကျယ်ပြောင်းလဲသွားခဲ့ပါတယ်။
La Derecha Diario သတင်းစာရဲ့ဖော်ပြမှုအရ ယင်းတိုက်ခိုက်မှုကြောင့် ပရိသတ်တစ်ဦးမှာ လက်မောင်းတွင် သေနတ်ကျည်ဆန်ထိမှန်ကာ ဆေးရုံသို့ ပို့ခဲ့ရကြောင်း သိရပါတယ်။ Tigre အသင်းဘတ်စ်ကားကို ကျည်ဆန် ၁၀ ထောင့်ထိမှန်ခဲ့ကြောင်းလည်း သိရပါတယ်။
ထွက်ပေါ်လာတဲ့ ဗီဒီယိုဖိုင်အရ ကားမှန်ပြတင်းတစ်ခုမှာ ကျည်ဆန်ထိမှန်ကာ ပွင့်ထွက်သွားသလို ကားအတွင်း သွေးများ စွန်းပေနေကြောင်းလည်း တွေ့ရပါတယ်။
ကားတာယာတစ်လုံးမှာလည်း ကျည်ဆန်ထိမှန်ကာ ပျက်စီးသွားပါတယ်။
Tigre အကြီးအကဲမာတင်ဆွာရက်ဇ်ဟာ ဆေးရုံသို့ သွားရောက်ကာ ဆေးကုသမှုခံယူနေရတဲ့ ပရိသတ်ထံ သွားရောက် အားပေးစကားပြောခဲ့ကြောင်း သိရပါတယ်။
Gran Parque Central Stadium တွင် ကစားတဲ့ ယင်းပွဲစဉ်အား Tigre ပရိသတ် ၂၀၀၀ ဝန်းကျင်ခန့် လာရောက် ကြည့်ရှုအားပေးခဲ့ပါတယ်။

အမေရိကန်မှ မထွက်ခွာမီ နောက်ဆုံးမိနစ်တွင် FBI ရဲ့ ကွန်ပျူတာနှင့် ဖုန်းသိမ်းဆည်းခံခဲ့ရတဲ့ အာဂျင်တီးနားဘောလုံးအဖွဲ့ချုပ်ဥက္ကဌ
===================

အာဂျင်တီးနားဘောလုံးအဖွဲ့ချုပ်ဥက္ကဌဟာ အမေရိကန်မှ မထွက်ခွာမီ လေဆိပ်သို့ ရောက်လာချိန်တွင် FBI အေးဂျင့်များရဲ့ ဖုန်းသိမ်းဆည်းခြင်းခံခဲ့ရကြောင်း သိရပါတယ်။
အာဂျင်တီးနားဘောလုံးအဖွဲ့ချုပ်ဥက္ကဌဟာ စပွန်ဆာမှ ရရှိတဲ့ ငွေကြေး ဒေါ်လာသန်းရာသီချီတဲ့ ပမာဏများအား အမေရိကန်ဘဏ်များမှ တဆင့် အလွဲအပြောင်း ပြုလုပ်မှုအတွက် စုံစမ်းစစ်ဆေးမှုခံရမှုရဲ့ နောက်ဆက်တွဲအဖြစ် ယခုကဲ့သို့ လေဆိပ်တွင် ဖုန်းအသိမ်းခံခဲ့ရတာလည်း ဖြစ်ပါတယ်။
ကလူဒီယာချီကွီတာပီယာဟာ ကမ္ဘာဖ့လားပြိုင်ပွဲဝင် အာဂျင်တီးနားအသင်းသားများနှင့်အတူ ဘရူနိုအေရီးစ်သို့ ထွက်ခွာရန် ပြင်ဆင်နေချိန် FBI အေးဂျင့်များရဲ့ ဝိုင်းရံခြင်းခံခဲ့ရပါတယ်။
တာပီယာဟာ နယူးယောက်ရှိ FK International Airport အချုပ်ခန်းသို့ ခေါ်ဆောင်သွားခြင်းခံရပြီးနောက် လျှပ်စစ်ပစ္စည်းအသုံးအဆောင်များ သိမ်းဆည်းခံခဲ့ရတာပါ။
ဒါ့အပြင် FBI အေးဂျင့်များဟာ တီပီယာရဲ့ လျှပ်စစ်ပစ္စည်းများအပြင် အခြားအာဂျင်တီးနားဘောလုံးအဖွဲချုပ်တာဝန်ရှိသူများရဲ့ ဖုန်းများ၊ လက်တော့ပ်များကိုလည်း သိမ်းဆည်းခဲ့ပါသေးတယ်။
အာဂျင်တီးနားအသင်းလိုက်ပါစီးနင်းမယ့် လေယာဉ်မှာ နံနက် ၆ နာရီတွင် ထွက်ခွာရန် စီစဉ်ထားပေမဲ့လည်း ယင်းအဖြစ်အပျက်ကြောင့် ၈ နာရီ ၁၅ မိနစ်တွင်မှ အာဂျင်တီးနားသို့ ထွက်ခွာခဲ့ရပါတယ်။
ယင်းသို့ အချိန်နောက်ကျမှုနှင့်အတူ အာဂျင်တီးနားအသင်းသားများအား ရောက်လာမှုအား Ezeiza International Airport တွင် ကြိုဆိုနေတဲ့ ထောင်ပေါင်းများစွာသော ပရိသတ်များအပေါ် ရိုက်ခတ်မှု ဖြစ်ခဲ့ပါတယ်။
FBI ဟာ အာဂျင်တီးနားဘောလုံးအဖွဲ့ချုပ်ရဲ့ စပွန်ဆာငွေ ဒေါ်လာသန်းရာကျော်တို့အား အမေရိကန်ဘဏ်တို့အား အသုံးပြုကာ ငွေအလွဲအပြောင်းလုပ်မှုနှင့်အတူ ငွေကြေးခဝါချမှုဖြင့် စုံစမ်းစစ်ဆေးမှုများ ပြုလုပ်နေတာလည်း ဖြစ်ပါတယ်။
FBI ဟာ ယင်းငွေများမှာ ဘယ်သူထံမှ ဝင်လာပြီး ဘယ်ဆီကို ရောက်တယ်ဆိုတာ အတိအကျ သိရှိအောင် စုံစမ်းကာ အမေရိကန်ဥပဒေကို ချိုးဖောက်ခြင်း ရှိ/မရှိ စစ်ဆေးနေတာပါ။
တရားရုံမှတ်တမ်းများအရ အာဂျင်တီးနားဘောလုံးအဖွဲ့ချုပ်ဥက္ကဌတာပီယာဟာ ဖလိုရီဒါရှိ တောင်ပိုင်းပြည်နယ်တရားရုံးတွင် စစ်ဆေးမေးမြန်းခြင်းခံရမယ်လို့ သိရပါတယ်။
အာဂျင်တီးနားသို့ ပြန်သွားတဲ့ အာဂျင်တီးနားအသင်းသားများထဲတွင် အသင်းခေါင်းဆောင်လီယွန်နယ်မက်ဆီ ပါဝင်ခြင်း မရှိပါဘူး။

ကမ္ဘာ့ဖလားအကောင်းဆုံးအသင်းတွင် ဘယ်လင်ဂမ်၊ မက်ဆီ၊ ဟာလန်းနှင့် ဘက်ပေးတို့နှင့်အတူ ယူနိုက်တက်စတား ရွေးချယ်ခြင်းခံရ
====================

ဖီဖာဟာ ၂၀၂၆ ကမ္ဘာ့ဖလားအကောင်းဆုံးအသင်းကို ရွေးချယ်လာပြီး ကမ္ဘာ့ဖလားတတိယဆုရ အင်္ဂလန်အသင်းမှ ဂျူ့ဘယ်လင်ဂမ်တစ်ဦးတည်းသာ ရွေးချယ်ခြင်းခံခဲ့ရပါတယ်။
အင်္ဂလန်အသင်းဟာ စနေနေ့တုန်းက ပြင်သစ်ကို အနိုင်ယူပြီး ၁၉၆၆ ကမ္ဘာ့ဖလားနောက်ပိုင်း အမြင့်မားဆုံးကမ္ဘာ့ဖလားအောင်မြင်မှုအဖြစ် တတိယရရှိခဲ့ပါတယ်။
အသက် ၂၃ နှစ်ရှိ ဘယ်လင်ဂမ်ဟာ ကမ္ဘာ့ဖလားပြိုင်ပွဲတွင် ၇ ဂိုးအထိ သွင်းယူနိုင်ခဲ့ကာ ကမ္ဘာ့ဖလားပြိုင်ပွဲတစ်ရပ်တွင် အင်္ဂလန်အတွက် ဂိုးအများဆုံးသွင်းယူနိုင်သူအဖြစ် သမိုင်းမှတ်တိုင်စိုက်ထူနိုင်ခဲ့ပါတယ်။
ရီးရဲလ်မက်ဒရစ်စူပါစတားဟာ အခြားပရီးမီးယားလိဂ်စတား ၄ ဦးတို့နှင့်အတူ ကမ္ဘာ့ဖလားအကောင်းဆုံးအသင်းတွင် ရွေးချယ်ခံလာရပါတယ်။
ကမ္ဘာ့အကောင်းဆုံးအသင်းတွင် ပရီးမီးယားလိဂ်မှ စပါးစ်ညာနောက်ခံလူပီဒရိုပေါ်ရို၊ မန်စီးတီးကွင်းလယ်ကစားသမားရိုဒရီ၊ မန်စီးတီးတိုက်စစ်မှူးအာလင်းဟာလန်း၊ ယူနိုက်တက်နောက်ခံလူလီဆန်ဒရိုမာတီနက်ဇ်တို့လည်း ရွေးချယ်ခံခဲ့ရပါတယ်။
ပြီးခဲ့တဲ့လတုန်းက ချဲလ်ဆီးမှ ရီးရဲလ်မက်ဒရစ်သို့ ပေါင် ၅၂ သန်းဖြင့် ပြောင်းရွှေ့ခဲ့တဲ့ ဘယ်နောက်ခံလူမာ့ခ်ကူကူရယ်လာဟာလည်း ဘယ်နောက်ခံလူနေရာမှာ ရွေးချယ်ခံခဲ့ရပါတယ်။
ဘိုင်ယန်မြူးနစ်ရဲ့ ဒါယော့အူပါမီကာနိုနှင့် မိုက်ကယ်အိုလီဆီတို့လည်း ရွေးချယ်ခံခဲ့ရပါတယ်။
တိုက်စစ်သမား ၃ ဦးနေရာတွင် ကမ္ဘာ့ဖလားဂိုးသွင်းဘုရင် ကိုင်လီယန်ဘက်ပေး၊ လီယွန်နယ်မက်ဆီနှင့် အာလင်းဟာလန်းတို့ အငြင်းပွားဖွယ်မရှိ ရွေးချယ်ခံခဲ့ရပါတယ်။
ဒါပေမဲ့ အံ့ဩစရာကောင်းတာကတော့ ဂိုးသမားနေရာအတွက် ရွေးချယ်မှု ဖြစ်ပါတယ်။ ကမ္ဘာဖ့လားပြိုင်ပွဲတစ်လျှောက် ၁ ဂိုးတည်းသာ ပေးခဲ့ရတဲ့ စပိန်ဂိုးသမားအူနိုင်းဆိုင်မွန် ရွေးချယ်ခြင်းမခံရဘဲ ကိတ်ဗာဒီဂိုးသမားဗိုဇင်ညာ ရွေးချယ်ခြင်းခံခဲ့ရတာပါ။ S

ဂါနာချိုအား အငှားဖြင့် ခေါ်ယူရန် အက်စတွန်ဗီလာ သဘောတူညီမှုရရှိလာ
====================

အက်စတွန်ဗီလာဟာ အပြီးသတ်ဝယ်ယူမယ့် အချက်ဖြင့် ချဲလ်ဆီးတောင်ပံကစားသမားအလီဂျန်ဒရိုဂါနာချိုအား အငှားဖြင့် ခေါ်ယူရန် သဘောတူညီမှု ရရှိလာပါတယ်။
အသက် ၂၂ နှစ်ရှိ ဂါနာချိုဟာ ဘာမင်ဂမ်တွင် ဆေးစစ်ဆေးမှု ခံယူထားပြီးဖြစ်ကာ အငှားစာချုပ်သက်တမ်းကုန်ဆုံးပြီးပါက ဗီလာသို့ ၄ နှစ်စာချုပ်ဖြင့် ပြောင်းရွှေ့လာပါမယ်။
ဗီလာနှင့်ချဲလ်ဆီးတို့ဟာ ဂါနာချိုအား ပြောင်းရွှေ့ကြေးဘယ်လောက်အဖြစ် အပြီးသတ်ရောင်းချရေး သဘောတူညီထားသလဲဆိုတာ ဖော်ပြလာခြင်း မရှိပါဘူး။
ဒါပေမဲ့ ဗီလာဟာ အာဂျင်တီးနားလက်ရွေးစင်ကစားသမားရဲ့ လာမယ့်ရာသီ ပွဲကစားခွင့်ရရှိမှုအပါအဝင် အချက်အချို့အား ပြည့်မီပါက အပြီးသတ်ခေါ်ယူလာမယ်လို့ ယုံကြည်ရပါတယ်။
ချဲလ်ဆီးဟာ ဂါနာချိုအတွက် ပြောင်းရွှေ့ကြေး သတ်မှတ်ချက် ပေါင် ၄၃ သန်း ရရှိလာမှုနှင့်အတူ ဗီလာရဲ့ ကမ်းလှမ်းမှုအား အလွယ်တကူ လက်ခံလိုက်တာလို့ ယုံကြည်ရပါတယ်။
ချဲလ်ဆီးဟာ ဗီလာမှ မော်ဂန်ရော်ဂျာအား ဗြိတိန်စံချိန်တင်ပြောင်းရွှေ့ကြေး ပေါင် ၁၁၇ သန်းဖြင့် ခေါ်ယူလိုက်ပြီးနောက် ဂါနာချိုအား ဗီလာသို့ ရောင်းချလာတာပါ။
ဗီလာဟာ ဂါနာချိုမတိုင်မီ ယခုနွေရာသီတွင် ဂျိုဟန်မန်ဇမ်ဘီ၊ ဂျာအိုဂိုမက်စ်၊ မာဒူးကီဘာဆစ်စီတို့ကိုလည်း ခေါ်ယူထားပြီး ဖြစ်ပါတယ်။
ဗီလာဟာ ယူရီတီလီမန်းစ်၊ ဒွန်ရဲလ်မာလန်၊ အန်ဇိုဘာရီနီချီယာ၊ လီဝစ်ဒေါ့ဘင်တို့အား ရောင်းချမှုအပါအဝင် ယခုနွေတွင် ကစားသမားရောင်းချမှုမှ ပေါင်သန်း ၂၀၀ နီးပါး ရရှိထားပါတယ်။
ချဲလ်ဆီးဟာ ပြီးခဲ့တဲ့နှစ် နွေရာသီတုန်းက ဂါနာချို့ကို ယူနိုက်တက်မှ ပေါင်သန်း ၄၀ ဝန်းကျင်ဖြင့် ခေါ်ယူခဲ့တာ ဖြစ်ပြီး ဗီလာထံ ရောင်းချမှုမှ ပြောင်းရွှေ့ကြေးရဲ့ ၁၀ ရာခိုင်နှုန်းအား ယူနိုက်တက်တို့ ခံစားခွင့် ရရှိလာပါမယ်။
ဂါနာချိုဟာ ပြီးခဲ့တဲ့ရာသီတုန်းက ချဲလ်ဆီးအတွက် ပြိုင်ပွဲအရပ်ရပ် ၄၃ ပွဲကစားခွင့် ရရှိခဲ့ရာတွင် ၈ ဂိုးသွင်းပြီး ၄ ကြိမ် ဖန်တီးမှု ပြုလုပ်နိုင်ခဲ့ပါတယ်။

ကျောဒဏ်ကြောင့် ဆာလီဘာ ထပ်တိုးအနားယူရမည်ဟု အာဆင်နယ် အတည်ပြုလာ
====================

အာဆင်နယ် ဗဟိုနောက်ခံလူဝီလီယမ်ဆာလီဘာမှာ ကမ္ဘာ့ဖလားပြိုင်ပွဲအတွင်း ပြင်သစ်အတွက် ကစားစဉ် ရရှိခဲ့တဲ့ ကျောဒဏ်ရာကြောင့် ထပ်တိုးအနားယူလာရတော့မှာ ဖြစ်ကြောင်း အတည်ပြုလာပါတယ်။
အသက် ၂၅ နှစ်ရှိ ပြင်သစ်နောက်ခံလူဟာ ကျောဒဏ်ရာပြဿနာ ကြုံလာတာ ရက်သတ္တပတ်အတန်ကြာမြင့်ပြီ ဖြစ်ပြီး စပိန်အား ရှုံးနိမ့်တဲ့ ကမ္ဘာ့ဖလားဆီမီးဖိုင်နယ်ပွဲစဉ်ရဲ့ ပွဲချိန် ၃၀ တွင် လူစားလဲလှယ်မှု ပြုလုပ်ခဲ့ရပါတယ်။
သူဟာ လန်ဒန်သို့ ရောက်လာပြီး အထူးကုဆရာဝန်တစ်ဦးထံမှ စစ်ဆေးမှု ခံယူခဲ့ပါတယ်။ သူဟာ ကျောဒဏ်ရာကို ခွဲစိတ်ကုသမှု မပြုလုပ်ဘဲ ပြန်လည်ကောင်းမွန်အောင် ပြုလုပ်ရေး ဆုံးဖြတ်လာပါတယ်။
ဆာဘီဘာဟာ ကျောဒဏ်ရာကြောင့် အင်္ဂလန်ကို ရှုံးနိမ့်တဲ့ ကမ္ဘာ့ဖလားတတိယနေရာလုပွဲကို လွဲခဲ့ပါတယ်။
ဆာလီဘာဟာ ပြီးခဲ့တဲ့ရာသီတုန်းက ပြိုင်ပွဲအရပ်ရပ် ပွဲ ၅၀ အထိ ကစားကာ ပရီးမီးယားလိဂ်ဖလား ရရှိအောင် ကူညီခဲ့သလို ချန်ပီယံလိဂ်ဗိုလ်လုပွဲသို့လည်း ပို့ဆောင်ပေးနိုင်ခဲ့ပါတယ်။
အာတီတာရဲ့အာဆင်နယ်ဟာ ဩဂုတ်လ ၁၆ ရက်နေ့ တနင်္ဂနွေနေ့တွင် ရာသီအဖွင့်ပွဲအဖြစ် မန်စီးတီးနှင့် ကွန်မြူနတီဒိုင်းပွဲ ကစားရပါမယ်။
ယင်းပွဲအပြီးတွင် ၅ ရက်အကြာတွင် အာဆင်နယ်ဟာ ပရီးမီးယားလိဂ်အဖွင့်ပွဲစဉ်အဖြစ် တန်းတက် ကိုဗင်ထရီနှင့် ရင်ဆိုင်ကစားရပါမယ်။

ကက်စ်မီရိုအား ခေါ်ယူလိုက်ပြီးနောက် အင်တာမိုင်ယာမီ စုံစမ်းစစ်ဆေးခြင်းခံနေရ
====================

မေဂျာလိဂ်က ဘရာဇီးအလယ်တန်းကစားသမားကက်စ်မီရိုကို ခေါ်ယူနိုင်ခဲ့တဲ့ အင်တာမိုင်ယာမီရဲ့ အပြောင်းအရွှေ့အား စုံစမ်းစစ်ဆေးမှုများ ပြုလုပ်နေပါတယ်။
ဗုဒ္ဓဟူးနေ့တုန်းက အင်တာမိုင်ယာမီက ပြီးခဲ့တဲ့ရာသီအကုန်တွင် ယူနိုက်တက်မှ ထွက်ခွာလာတဲ့ ကက်စ်မီရိုအား ၂၀၂၇ မေဂျာလိဂ်ရာသီအကုန်အထိ စာချုပ်ဖြင့် ခေါ်ယူလိုက်ကြောင်း ကြေညာလာပါတယ်။ အင်တာမိုင်ယာမီရဲ့ ကက်စ်မီရိုစာချုပ်အတွင်းတွင် ၂၀၂၉ ခုနှစ် ဇွန်လအထိ သက်တမ်းတိုးနိုင်မယ့်အချက်ကိုလည်း ထည့်သွင်းချုပ်ဆိုထားပါတယ်။
ဒါပေမဲ့ အင်တာမိုင်ယာမီက ကက်စ်မီရိုအား ခေါ်ယူလိုက်ပြီးချိန်မှာဘဲ မေဂျာလိဂ်က ယင်းအပြောင်းအရွှေ့အား စုံစမ်းစစ်ဆေးမှုများ ပြုလုပ်လာပြီ ဖြစ်ပါတယ်။
မေဂျာလိဂ်စည်းမျဉ်းအရ ကလပ်များဟာ ခေါ်ယူလိုတဲ့ ကစားသမား ၅ ဦးစာရင်းကို လိဂ်အဖွဲ့ချုပ်ထံ တင်ပြထားရပြီး ယင်းစာရင်းကို ဖျက်ခြင်း၊ ထည့်ပေါင်းခြင်း ပြုလုပ်နိုင်ပါတယ်။
အင်တာမိုင်ယာမီမှာ အယ်လ်အေဂလက်ဆီနှင့်အတူ ကက်စ်မီရိုအား ခေါ်ယူလိုကြောင်း တင်ပြမှု ပြုလုပ်ထားပါတယ်။
ဒါပေမဲ့ အယ်လ်အေဂလက်ဆီက ကက်စ်မီရိုအား လက်ဦးခေါ်ယူနိုင်မယ့် အခွင့်အရေး ရှိခဲ့ပေမဲ့လည်း ယင်းအခွင့်အရေးကို အင်တာမိုင်ယာမီက လွဲပြောင်း ရယူသွားခဲ့မှုနှင့်အတူ မေဂျာလိဂ်က စုံစမ်းစစ်ဆေးမှုများ ပြုလုပ်လာတာလည်း ဖြစ်ပါတယ်။
ကက်စ်မီရိုဟာ ဇန်နဝါရီလကတည်းက စာချုပ်သက်တမ်းကုန်ဆုံးမယ့် ရာသီအကုန်တွင် ယူနိုက်တက်မှ ထွက်ခွာမယ်လို့ ကြေညာထားခဲ့သူ ဖြစ်ပါတယ်။
သူဟာ ယခင်ကလပ် ရီးရဲလ်မက်ဒရစ်နှင့်အတူ ချန်ပီယံလိဂ်ဖလား ၅ ကြိမ် ဆွတ်ခူးနိုင်ခဲ့သလို ကမ္ဘာ့ဖလား ၁၆ သင်းရှုံးထွက်အဆင့်ရောက် ဘရာဇီးအသင်းတွင်လည်း အရေးပါတဲ့ နေရာမှ ပါဝင်ကစားခဲ့ပါတယ်။
ကက်စ်မီရိုဟာ ယူနိုက်တက်အတွက် ပွဲ ၁၆၀ ကစားပေးခဲ့ပြီး ၂၆ ဂိုးသွင်းကာ ၁၄ ကြိမ် ဖန်တီးမှု ပြုလုပ်ခဲ့သလို လိဂ်ဖလားနှင့် အက်ဖ်အေဖလားတို့ ရယူနိုင်ခဲ့ပါတယ်။
အင်တာမိုင်ယာမီဟာ အပြောင်းအရွှေ့နှင့်ပတ်သက်ပြီး ပထမဆုံးအကြိမ် စုံစမ်းစစ်ဆေးမှုခံရတာ မဟုတ်ပါဘူး။
၎င်းတို့ဟာ ၂၀၂၁ ခုနှစ်တုန်းက ပြင်သစ်အလယ်တန်းကစားသမားဘလစ်မာတူဒီအပြောင်းအရွှေ့အတွက် ဒေါ်လာ ၂ သန်းဒဏ်ရိုက်ခြင်းခံခဲရဖူးပါတယ်။
အင်တာမိုင်ယာမီဟာ လိဂ်က သတ်မှတ်ထားတဲ့ ပမာဏထက် မာတူဒီအား လုပ်ခပေးမှုအတွက် ဒဏ်ရိုက်ခံခဲ့ရဖူးပါတယ်။
မေဂျာလိဂ်တွင် ကလပ်များအနေဖြင့် လုပ်ခ မကန့်သတ်ထားတဲ့ ကစားသမား ၄ ဦး ခေါ်ယူထားနိုင်ပြီး ကျန်ကစားသမားများကိုမူ လုပ်ခ အကန့်အသတ်ဖြင့် ခေါ်ယူနိုင်ပါတယ်။
ယင်းယင်းစည်းမျဉ်းကို 'Beckham rule' လို့ ခေါ်ဝေါ်ပြီး ၂၀၀၇ ခုနှစ်တုန်းက အယ်လ်အေဂလက်ဆီက ဒေးဗစ်ဘက်ဟမ်းအား ခေါ်ယူစဉ်တုန်းက စတင်အသုံးပြုလာခဲ့တာ ဖြစ်ပါတယ်။

ဖူလ်ဟမ်မှ မော်ရိုကိုနောက်ခံလူဒီယော့ပ်ကို အစ္စဝှစ်ချ် ခေါ်ယူအားဖြည့်လာ
===================

အစ္စဝှစ်ချ်ဟာ ဖူလ်ဟမ်မှ မော်ရိုကိုနောက်ခံလူအစ်ဆာဒီယော့ပ်ကို ခေါ်ယူအားဖြည့်လာပါတယ်။
အသက် ၂၉ နှစ်ရှိ နောက်ခံလူဟာ ကမ္ဘာ့ဖလားပြိုင်ပွဲတွင် ကွာတားဖိုင်နယ်သို့အထိ တက်ခဲ့တဲ့ မော်ရိုကိုအတွက် ၅ ပွဲကစားပေးခဲ့သူ ဖြစ်ပြီး ၂၀၃၀ ခုနှစ်အထိ စာချုပ်ဖြင့် အစ္စဝှစ်ချ်သို့ ပြောင်းရွှေ့လာတာပါ။
ဒီယော့ပ်ဟာ ဝက်စ်ဟမ်း၊ ဖူလ်ဟမ်တို့အတွက် ပရီးမီးယားလိဂ်ပွဲ ၁၇၃ ပွဲကစားပေးထားမှုနှင့်အတူ တန်းတက်အစ္စဝှစ်ချ်အတွက် အတွေ့အကြုံရင့် ကစားသမားတစ်ဦး ခေါ်ယူလိုက်နိုင်မှုလည်း ဖြစ်ပါတယ်။
ဒီယော့ပ်ဟာ ၂၀၁၈ ခုနှစ်တုန်းက တူးလော့စ်မှ ဝက်စ်ဟမ်းသို့ ပြောင်းခဲ့ပြီး လေးရာသီ ကစားပြီးနောက် ၂၀၂၂ ခုနှစ်တွင် ပေါင် ၁၅ သန်းဖြင့် ဖူလ်ဟမ်သို့ ပြောင်းခဲ့သူ ဖြစ်ပါတယ်။
သူဟာ ဖူလ်ဟမ်အတွက် ပြိုင်ပွဲအရပ်ရပ် ၉၆ ပွဲကစားပေးခဲ့ပြီး ပြီးခဲ့တဲ့ရာသီတုန်းက ပရီးမီးယားလိဂ်တွင် ၈ ပွဲတည်းသာ ပွဲထွက်ခွင့်ရခဲ့ပါတယ်။
ဖူလ်ဟမ်ဟာ လက်စတာမှ ဂါနာတောင်ပံကစားသမားအက်ဒူလ်ဖာတာဝူကို ပေါင်သန်း ၂၀ ၊ တူးလော့စ်မှ တိုက်စစ်မှူးအီမာဆင်ကို ကလပ်စံချိန်တင်ပြောင်းရွှေ့ကြေး ပေါင် ၂၆ သန်းဖြင့် ခေါ်ယူထားပြီးနောက် ဒီယော့ပ်ကို ထပ်မံ ခေါ်ယူလာတာပါ။
၎င်းတို့ဟာ ပြီးခဲ့တဲ့ရာသီတုန်းက အငှားဖြင့် လာရောက်ကစားခဲ့တဲ့ စီဒရစ်ခီပရီ၊ ချူဘာအက်ခ်ပွမ်၊ ကေနီဗန်အိုဗီလန်တို့ကိုလည်း အပြီးသတ် ခေါ်ယူထားပါတယ်။

မန်စီးတီးနှင့် လေးနှစ်စာချုပ်သစ်ချုပ်ဆိုလာတဲ့ ဖီးလ်ဖိုဒန်
=================

မန်စီးတီးအလယ်တန်းကစားသမားဖီးလ်ဖိုဒန်ဟာ အီတီဟတ်တွင် ၂၀၃၀ ခုနှစ်အထိ ရှိနေမယ့် စာချုပ်သစ်အား ချုပ်ဆိုလာပါတယ်။
အသက် ၂၆ နှစ်ရှိ ကစားသမားရဲ့ ယခင်စာချုပ်က လာမဲ့နှစ် နွေရာသီတွင် ကုန်ဆုံးလာမှာ ဖြစ်ပြီး နည်းပြသစ်အန်ဇိုမာရက်စ်ကာလက်အောက်တွင် ကစားရန် စာချုပ်သက်တမ်းတိုးရန် ရွေးချယ်လာတာလည်း ဖြစ်ပါတယ်။
ဖိုဒန်ဟာ အသက် ၁၇ နှစ်အရွယ်တွင် ပက်ဂွါဒီယိုလာလက်အောက်မှာ ပထမအသင်းအတွက် ကစားခွင့်ရခဲ့တာ ဖြစ်ပြီး ၃၆၉ ပွဲကစားပေးထားကာ ပရီးမီးယားလိဂ်ဖလား ၆ ကြိမ်၊ ချန်ပီယံလိဂ် ၁ ကြိမ်၊ အက်ဖ်အေဖလား ၂ ကြိမ် ဆွတ်ခူးထားပါတယ်။
သူဟာ ပြီးခဲ့တဲ့ရာသီတုန်းက ပရီးမီးယားလိဂ်တွင် ၂၃ ပွဲတည်းသာ ပွဲထွက်ကစားခွင့်ရခဲ့ကာ ခြေစွမ်းမတည်မငြိမ်ဖြစ်ပြီးနောက် ကမ္ဘာ့ဖလားပြိုင်ပွဲဝင် အင်္ဂလန်အသင်းမှ ချန်လှပ်ခြင်းခံခဲ့ရပါတယ်။
ဖိုဒန်ဟာ ဂွါဒီယိုလာလက်အောက်တွင် လက်ထောက်နည်းပြအဖြစ် ဆောင်ရွက်ကာ ၂၀၂၂-၂၃ ရာသီတုန်းက ဖလား ၃ လုံး ဆွတ်ခူးပေးခဲ့ဖူးတဲ့ အန်ဇိုမာရက်စ်ကာလက်အောက်တွင် ကစားရန် မစောင့်နိုင်အောင် ဖြစ်နေပြီ ဖြစ်ကြောင်း ပြောကြားသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇူလိုင် ၂၄ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၀၃၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၅၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၅၀,၀၀၀ ကျပ်
ဝယ်ဈေး ၉,၅၁၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၅၀,၀၀၀ ကျပ်
ဝယ်ဈေး ၉,၁၁၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၄၃၀,၀၀၀ ကျပ်
ဝယ်ဈေး ၉,၃၉၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၀၃၀,၀၀၀ ကျပ်
ဝယ်ဈေး ၈,၉၉၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၃၀ ကျပ်
ဝယ်ဈေး - ၄၃၃၀ ကျပ်
-စင်္ကာပူဒေါ်လာ
ရောင်းဈေး - ၃၄၃၀ ကျပ်
ဝယ်ဈေး - ၃၃၃၀ ကျပ်
-ယူရို
ရောင်းဈေး - ၅၁၀၀ ကျပ်
ဝယ်ဈေး - ၄၉၇၀ ကျပ်
-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်
-မလေးရှားရင်းဂစ်
ရောင်းဈေး - ၁၀၉၃ ကျပ်
ဝယ်ဈေး - ၁၀၆၅ ကျပ်
-တရုတ်ယွမ်
ရောင်းဈေး - ၆၆၀ ကျပ်
ဝယ်ဈေး - ၆၄၃ ကျပ်
-ဂျပန်ယန်း
ရောင်းဈေး - ၂၇.၄၂ ကျပ်
ဝယ်ဈေး - ၂၆.၇၁ ကျပ်
-အိန္ဒိယရူပီး
ရောင်းဈေး - ၄၅.၉၉ ကျပ်
ဝယ်ဈေး - ၄၄.၈၄ ကျပ်
-ကိုရီးယားဝမ်
ရောင်းဈေး - ၃ .၀၂ ကျပ်
ဝယ်ဈေး - ၂.၉၄ ကျပ်
-စတာလင်ပေါင်
ရောင်းဈေး - ၅၉၈၀ ကျပ်
ဝယ်ဈေး - ၅၈၃၀ ကျပ်
-ဩစတြေးလျဒေါ်လာ
ရောင်းဈေး - ၃၁၃၅ ကျပ်
ဝယ်ဈေး - ၃၀၅၅ ကျပ်
-ကနေဒါဒေါ်လာ
ရောင်းဈေး - ၃၁၇၅ ကျပ်
ဝယ်ဈေး - ၃၀၉၅ ကျပ်
-ဟောင်ကောင်ဒေါ်လာ
ရောင်းဈေး - ၅၇၃ ကျပ်
ဝယ်ဈေး - ၅၅၉ ကျပ်
-ယူအေအီး
ရောင်းဈေး - ၁၂၂၀ ကျပ်
ဝယ်ဈေး - ၁၁၉၀ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
********************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ