လောကမှာ အားလုံးနဲ့
အဆင်ပြေတယ်ဆိုတဲ့သူဟာ
ကြောက်စရာအကောင်းဆုံးသူပဲ....
ဟုတ်မှန်တဲ့အကြောင်းအရာတစ်ခုအပေါ်
မိမိရဲ့သဘောထားကို ထုတ်မပြရဲဘဲ
ကိုယ့်အကျိုးရနေသေးသမျှ
အခြေအနေတစ်ခုကိုစောင့်ပြီး
အလိုက်အထိုက်နေတဲ့ ပုဂ္ဂိုလ်ဟာ
လူကောင်းထဲမှာမပါဘူး....
ဘယ်လောက်ခင်ခင်
ဘယ်လောက်ပဲ အပြန်အလှန်ကျေးဇူး ရှိရှိ
ဒီအတိုင်းအတာမှာ အဆင်ပြေတယ်
ဒီအတိုင်းအတာမှာတော့ အဆင်မပြေဘူး
ဆိုတဲ့ ပွင့်လင်းတဲ့ ဆက်ဆံရေးမျိုးက
အန္တရာယ်အကင်းဆုံးပဲ....
မိတ်ဆွေသူငယ်ချင်းကောင်းဆိုတာ
သူမှားရင်ကိုယ်ထောက်ပြ
ကိုယ်မှားရင် သူဝေဖန်
ဒါမျိုးပဲဖြစ်သင့်တယ်....
ရေလိုက်ငါးလိုက် အမုန်းမခံ
ကြားနေမူဝါဒဆိုတဲ့ခေါင်းစဥ်က
ဆက်ဆံရေးနယ်ပယ်မှာတော့
အရမ်းကိုကြောက်စရာအကောင်းတယ်...
သေချာလေ့လာကြည့်ရင်
လူဖြောင့် လူမှန်တွေဟာ
လူတိုင်းနဲ့ တည့်မနေတတ်ဘူး
တည့်ဖို့ကိုလည်း တမင်ကြိုးစားမနေကြဘူး...
#credit
Lovely For

2027 အထိ ရွှေ့သွားပြန်တဲ့ The Batman 2

The Batman ရဲ့ sequel ဟာဆိုရင် ၂၀၂၆ အောက်တိုဘာမှာ ရုံတင်ပြသမယ်လို့ ရာထားရင်း ၂၀၂၇ အောက်တိုဘာလ အထိ ၁ နှစ်တိတိ နောက်ဆုတ်သွားပါပြီ။ Production ကိုလည်း နောက်နှစ်၊ ၂၀၂၅ နွေရာသီမှာ စတင်မှာမယ်လို့သိရပါတယ်။

လက်ရှိ ယာယီပေးထားတဲ့ "The Batman: Part II" ဆိုတဲ့ နာမည်ကိုလည်း ဆက်သုံးတော့မှာမဟုတ်တော့တဲ့အကြောင်း နိုင်ငံတကာ သတင်းအရင်းမြစ်များမှတစ်ဆင့် သိရပါတယ်။

The Batman (2022) က Batman သရုပ်ဆောင် Robert Pattinson ပါဝင်တဲ့ Mickey 17 ရုပ်ရှင်ကတော့ မတ်လ ၇ ရက်နေ့၊ ၂၀၂၅ မှာ ရုံတင်ပြသသွားမှာဖြစ်ပါတယ်။

ပရိသတ်အကြိုက် ဖြည့်ဆည်းပေးခြင်း

ဒီ စီးရီးက ဘယ်လိုဖြစ်လဲဆိုတော့ Marvel fan တွေ ငတ်နေတဲ့ fan service တွေကိုလည်း ဖြည့်ဆည်းပေးချင်တယ်၊ တစ်ဖက်မှာလည်း woke နေတယ်ပေါ့နော်။ ဒါပေမဲ့ woke တာကိုပဲ fan service တွေ၊ character development တွေ နဲ့ ပြန်ကာသွားတယ်လို့ပြောရမယ်။

[Episode 1 မှ 10 အထိ Spoilers များ ပါဝင်မှာဖြစ်ပါတယ်။ မကြည့်ရသေးရင် Share ပြုလုပ်ထားပြီးမှ ဖတ်ရှုပါ။]

သဘောမကျတဲအပိုင်းကိုပဲ အရင်ပြောရအောင်၊ ဘာလို့လဲဆို ချီးကျူးစရာ နည်းနည်းများတယ်။ သဘောမကျတာကတော့ အားလုံးသိပြီးသားဖြစ်တဲ့ အရေးကြီးဇာတ်ကောင်တွေကို လိင်နဲ့ လူမျိုး ပြောင်းပစ်လိုက်တာပါ။ Dr. Curtis Connors (Lizard) ကို မိန်းကလေးပြောင်းလိုက်တာ၊ Norman Osborn (Green Goblin) နဲ့ သူ့သား Harry Osborn ကို လူမဲပြောင်းလိုက်တာတို့က သက်သက်ကြီး လုပ်ယူထားသလို ခံစားရတယ်။ ဒါပေမဲ့ ကြာလာတာနဲ့အမျှတော့ Norman ရဲ့ design ကို အပြစ်မမြင်တော့ပဲ သဘောကျလာမိတာကတော့ အမှန်ပါ။

ကဲ.. ဟုတ်ပြီ။ ချီးကျူးခန်းစဖွင့်ရမယ်ဆိုရင် ဒီလောက်ကောင်းမယ်လို့ မထင်ထားတာပါ။ အစက ဒီ project ကို MCU က Spider-Man ရဲ့ origin ပုံစံလုပ်ဖို့ Marvel က စီစဥ်ထားတာပါ။ နောက်ဆုံး အခုလို MCU နဲ့ တော်တော်လေးဆင်တဲ့ alternate universe မှာ ဖြစ်နေတဲ့ပုံစံနဲ့ထွက်လာတာက ကောင်းတဲ့ဆုံးဖြတ်ချက်ပဲ။ MCU Earth အတိုင်းပဲဆိုတော့ ဒီထဲမှာလည်း Civil War၊ Sokovia လို event တွေ မြင်ရမှာဖြစ်ပြီးတော့ MCU ထဲကပဲဖြစ်တဲ့ Dr. Strange၊ Iron Man၊ Daredevil တို့ကိုလည်း comic ဆန်ဆန်ပုံစံနဲ့ cameo မြင်ရမှာပါ။ ဒါက Marvel ပရိသတ်ကိုပေးတဲ့ fan service တွေပါပဲ။

World building ကလည်း တော်တော်လေး သဘောကျဖို့ကောင်းပါတယ်။ အဓိကကတော့ side characters တွေရဲ့ character development ပါ။ Nico၊ Harry နဲ့ Peter ရဲ့ friendship ကို မြင်ရတယ်။ Lonnie Lincoln (Tombstone) ရဲ့ ဇာတ်ကောင်ဆိုရင် Peter Parker (Spider-Man) နီးနီးလောက်ကို screentime ရတဲ့ထဲမှာပါပြီးတော့ သူ့ရဲ့ backstory ကလည်း တော်တော်စိတ်ဝင်စားဖို့ကောင်းတယ်။

Norman ရဲ့ သရုပ်မှန်ကို ဆွဲပြီးပြလာတာကတော့ မိုက်ပေမဲ့ Green Goblin ကို မမြင်ရတာကတော့ အားမလိုအားမရဖြစ်တယ်.. ဆိုပေမဲ့လည်း villain တွေ အရမ်းမများတာလည်း ကောင်းပါတယ်။ အဆုံးသတ်မှာ Doc Ock ကလည်း လက်တံတွေနဲ့ ပုံကြမ်းဆွဲနေပြီ၊ ကျန်ခဲ့တဲ့ Venom symbiote ကိုလည်း Norman က တွေ့သွားပြီ၊ အရှေ့မှာလည်း Rhino ကို နည်းနည်း tease သွားတယ် ဆိုတော့.. Season 2 သာ ဖြစ်လာခဲ့ရင် Sinister Six ကို တွေ့ရမလားပဲ။ Mistreo ကိုတော့ မျှော်မိတယ်။

ကဲ.. နောက်ဆုံး Spider-Man ကိုယ်တိုင်ကို ပြောပါမယ်။ Peter Parker ကို လူငယ်ဆန်ဆန် ပေါ့ပေါ့ပါးပါး (playful) ဖြစ်တဲ့ပုံစံနဲ့ မြင်ရတယ်။ ပြီးတော့ 'Silent Spider-Man' ကိုလည်း Episode 9 မှာ မြင်ရတယ်ပေါ့နော်။ Superhero တွေထဲမှာ ကြောက်ဖို့အကောင်းဆုံးအရာ ၂ ခု ရှိတယ်.. အဲ့တာ 'Silent Spider-Man' နဲ့ 'Smiling Batman' ပဲ တဲ့။ အမြဲတည်ငြိမ်တဲ့ Batman ရယ်ပြီဆိုရင် ဘေးကလူအသေပဲ.. ပြီးတော့ အမြဲအရွှမ်းဖောက်တတ်တဲ့ Spider -Man တိတ်ဆိတ်သွားပြီဆိုရင်လည်း အဲ့လူသေပြီ။ ဒါကြောင့် အဲ့အချိန် Tombstone သာ ဝင်မတားရင် Scorpion သေနေပါပြီ။ No Way Home က Tom Holland ရဲ့ Spider-Man၊ Green Goblin ကို သတ်လုနီးနီးဖြစ်ခဲ့တဲ့ scene ကိုတောင် အမှတ်ရတယ်။

Spider-Man ရဲ့ suits တွေက အစပိုင်းတော့ သဘောကျစရာကောင်းမှာမဟုတ်ဘူး။ Spider-Man ဖြစ်တာကလည်း မကြာသေးတော့ ဒါကနားလည်တယ်။ ပြီးတော့ နောက်ပိုင်း suit တွေမှာ Norman ရဲ့ tech နည်းနည်းပါတယ်ဆိုပေမဲ့ MCU က Tony Stark ပေးတဲ့ suit လောက် tech တွေ မများပေးထားတာက အဆင်ပြေတယ်ပြောရမယ်။ ဪ.. ပြီးတော့ မြင်ဖူးသမျှ Spider-Man တွေထက် 'Friendly Neighborhood' ပိုဆန်တယ်။ Pizza ဆိုင်က သူခိုးကိုဖမ်းပြီး ဆိုင်ရှင်ကိုပြန်လွှတ်ပေးဖို့ Spider-Man ကိုယ်တိုင် တောင်းဆို scene ဆိုရင် ရင်ထဲမှာကျန်နေခဲ့တာမျိုးပေါ့။ ဒါကမှ တကယ့် Spider-Man စိတ်ဓါတ်ပဲ။

ဒီ TV Series က မထင်ထားပဲနဲ့ တော်တော်လေး သဘောကျဖို့ ကောင်းနေတာပါ။ Spider-Man လို လူကြိုက်များပြီးသား ဇာတ်ကောင်ကို ထပ်တလဲလဲမြင်နေရတာတွေ ချန်ရစ်ပြီး ကမ္ဘာအသေးလေးတည်ဆောက်ကာ ပြသသွားတာက ချီးကျူးစရာပါပဲ။ အဆုံးသတ်မှာလည်း Spider-Man ဖြစ်ရတာက Spider-Man ကြောင့်ပဲဆိုတဲ့ loop ပုံစံနဲ့ ပြသွားတာက အတွေးသမားတွေအဖို့ ဦးနှောက်မုန်တိုင်းဆင်စရာပါ။

🔸️ ကျရှုံးချိန်မှာ ခေါင်းမော့ပါ
🔸️ ကြိုးစားချိန်မှာ နှုတ်လုံပါ
🔸️ အောင်မြင်ချိန်မှာ မာန်ချပါ
🔸️ ပြည့်ဝချိန်မှာ မျှဝေပါ
🔸️ ကြိုးစားနေတဲ့အချိန်မှာ သည်းခံပါ
🔸️ ကျရှုံးနေတဲ့အချိန်မှာ ရဲရင့်ပါ
🔸️ အောင်မြင်တဲ့အချိန်မှာ တည်ငြိမ်ပါ
🔸️ ပြုံးနေပေမယ့် နာကျင်ရတဲ့ရက်တွေရှိတယ်
🔸️ အပေါ်ယံလေးနဲ့ အရာရာကိုမဝေဖန်ချင်ပါနဲ့
🔸️ လူတိုင်းမှာ သောကကိုယ်စီနဲ့ ပျော်သလိုနေနေကြတာပါ
🔸️ ဘဝမှာ အခက်ခဲတွေနဲ့ရင်ဆိုင်ရတဲ့အခါ
🔸️ ဘာလို့လဲလို့ မေးခွန်းထုတ်မနေပဲ
🔸️ ဘယ်လိုကြိုးစားရမလဲဆိုတာ စဉ်းစားလိုက်ပါ။
🔸️ ရည်မှန်းချက်တွေပျက်ရင် ဘဝတစ်ခုလုံး ပျက်စီးသွားနိုင်တယ်
🔸️ ဒါကြောင့် အခက်ခဲတွေနဲ့ ဘယ်လိုပဲကြုံတွေ့နေပါစေ
🔸️ ရည်မှန်းချက်တွေမပျက်ပါစေနဲ့
🔹️ အားတင်းထား ဘဝနဲ့ရင်းပြီး ရလိုက်တဲ့
သင်ခန်းစာတွေက ခံရတဲ့အချိန်မှာ ခါးသီးပေမယ့်
တချိန်ချိန်မှာ ချိုမြိန်လာမှာပါ
🔹️ မှန်မှန်မှားမှား ဆင်းရဲရင်တော့ ခံရမယ်
🔹️ ချိုချိုခါးခါး မကျန်းမာရင်တော့ သောက်ရမယ်
🔹️ လိုလိုမလိုလို ပတ်ဝန်းကျင်ဆိုတော့ ပေါင်းရတယ်
🔹️ ကောင်းကောင်းမကောင်းကောင်း အလုပ်သဘောရတော့ ပြုံးရတယ်
🔹️ မင်းဒုက္ခရောက်နေချိန်မှာ ဘယ်သူ့ကိုမှ အသနားမခံပါနဲ့
🔹️ ရုန်းထွက်နိုင်အောင်ကြိုးစားပါ
🔹️ စိတ်ဓာတ်ကျတိုင်း ဤစာကိုဖတ်ပါ
🔹️ သင့်ဘဝတွက် ခွန်းအားဖြစ်စေလိမ့်မယ်.
🔹️ ကိုယ့်တန်ဖိုးကို နားမလည်တဲ့လူတွေကို
အချိန်ကုန်ခံမနေပါနဲ့
🔹️ ကိုယ့်ပေါ်မှာတန်ဖိုးထားတဲ့ လူတွေကိုအချိန်ပေးရအုံးမယ်
🔹️ လူကိုမကြည့်နဲ့. မူကိုကြည့်
🔹️ ရုပ်ကိုမကြည့်နဲ့. အလုပ်ကိုကြည့်
🔹️ အပြောမကြည့်နဲ့. မနောကိုကြည့်
🔹️🔸️ အတူမြင်ပေမယ့် အမြင်မတူတဲ့အခါ
အဓိပ္ပါယ် ဟာ လွဲမှားနေအုံးမှာပါ
Credit to original uploader
#credit
#ဘဝစာပေ #ခွန်အားရှိသောစာတ်ိုများ

တစ်လမ်းမောင်း အချစ်
ကျွန်တော်တို့အားလုံးဟာ ဘဝခရီးသွားတွေပါ။ အနောက်ကိုပြန်လှည့်ကြည့်ပြီး သတိထားမိတာက ဘဝတစ်ကွေ့မှာ တွေ့ဆုံခဲ့ဖူးတဲ့လူတချို့ဟာ လက်ရှိအချိန်မှာ ကျွန်တော်တို့အနား မရှိတော့ပါဘူး။ သူတို့လည်း သူတို့လမ်းသူ၊ ကိုယ်လည်း ကိုယ့်လမ်းကိုယ် လျှောက်ကြရတာပါပဲ။
Fallen Angels မှာ ကတော့ ကြေးစားလူသတ်သမားတစ်ယောက်၊ သူ့ရဲ့ Agent နဲ့ စကားမပြောနိုင်တဲ့ လူငယ်လေးတစ်ယောက် တစ်ယောက်စီရဲ့ အတိတ်မှာဆုံတွေ့ခဲ့တဲ့လူတွေက ထားသွားခြင်းခံရတာကို ရှုထောင့် (၃) မျိုးကနေ ပြသသွားတယ်။
ကြေးစားလူသတ်သမား၊ Wong Chi-Min ဟာ ဆုံးဖြတ်ချက်ကို ကောင်းကောင်းမချနိုင်၊ အစီစဥ်တွေမဆွဲနိုင်ပဲ လူသတ်ဖို့ကလွဲရင် ဘဝကိုရော၊ ဘာကိုမှ ဂရုမစိုက်တတ်တဲ့ လူစားမျိုး။ သူ့ရဲ့ Agent မိန်းကလေးကပဲ လူသတ်ဖို့ နေရာချပေးတာ၊ အချိန်သက်မှတ်ပေးတာတို့ကို လုပ်ပေးရတယ်။ ဒါကြောင့် သူ့ဘဝမှာ သူ့ရဲ့ကိုယ်ပိုင်ရွေးချယ်မှုဆိုတာ မရှိခဲ့ဘူး။
Agent မိန်းကလေးဟာလည်း တစ်ဖက်မှာ သူ့ရဲ့အလုပ်ဖော် ကြေးစားလူသတ်မား Wong ကို တစ်ဖက်သက်ချစ်နေမိတာပါ။ အလုပ်နဲ့ ကိုယ်ရေးကိုယ်တာ ရောလို့မရတဲ့အခြေအနေကြောင့် သူမရဲ့အချစ်ဟာ တကယ့်လက်တွေ့ထက် သူမရဲ့ခေါင်းထဲမှာပဲ စိတ်ကူးယဥ်အဖြစ်ရှိနေပါတယ်။ အချစ်ကိုတပ်မက်လာပြီး ပိုင်ဆိုင်လို့မရတဲ့အခါ သူမရွေးချယ်တဲ့လမ်းကတော့ ခဏတာပျော်ပါးဖို့ အာသာဖြေပြီး ခေါင်းထဲမှာ စိတ်ကူးယဥ်ကမ္ဘာ ဖန်တီးလိုက်တာပါပဲ။ ဒါဟာ လူတော်တော်များများမှာ ဖြစ်တတ်ကြပါတယ်။ တစ်သက်သာမရနိုင်တာကြောင့် ခဏတာပိုင်ဆိုင်ဖို့အတွက် စိတ်ထဲမှာပဲကိုယ်ချစ်ရသူကို စိတ်ကူးယဥ်တတ်ကြတယ်။ နောက်ဆုံးတော့ ဒါတွေက စိတ်ကူးပဲလေ။ စိတ်ကူးတွေကနေ မျှော်လင့်ချက်တွေသာရပြီး တကယ်ဖြစ်မလာတတ်ဘူး။ စိတ်ကူးထဲမှာပဲ ပိတ်လှောင်ပြီး လက်တွေ့နဲ့ကြုံလာရတဲ့အခါ မျှော်လင့်ချက်တွေဟာ ရိုက်ချိုးခံရပါတယ်။
ဒါဟာ Wong သူမနဲ့ လက်တွဲမလုပ်နိုင်တော့ဘူး၊ အနားယူတော့မယ်လို့ ပြောတဲ့အချိန်ပါပဲ။ Agent ကောင်မလေးက သူမရဲ့ကိုယ်ပိုင်ကမ္ဘာထဲမှာတော့ သူ့ကိုချစ်ပေမဲ့၊ အပြင်မှာ သူ့အပေါ်စိတ်မရှိတဲ့လူတစ်ယောက်ကို တစ်ဖက်သက်ကြိုက်မိနေခဲ့တာပါ။ သူမအတွက် သာမန်ယောက်ျားတွေဆီက ငြင်းခံရတာနဲ့ မတူတာကတော့ Wong ဟာ သူမအတွက် စံပြပုဂ္ဂိုလ် (Idol) တစ်ယောက်လို ဖြစ်နေတာကြောင့်ပါပဲ။ ကျွန်တော်တို့တွေ အများကြီးမျှော်လင့်ထား၊ အတူတူလုပ်မယ့်အရာလေးတွေကို စိတ်ကူးတွေယဥ်ထားရတဲ့ ကျွန်တော်တို့သဘောကျရသူ (Crush) လေး တစ်ယောက်ဆီက ငြင်းတာခံရမယ်ဆိုရင် ဒါဟာ ဘယ်သာမန်မိန်းကလေးတွေ ငြင်းတာနဲ့မှ တူမှာမဟုတ်ပါဘူး။
ဒီလို၊ Agent ကောင်မလေးလို အငြင်းခံရပြီး ကိုယ့် ဘဝဟာအနိမ့်ဆုံးရောက်နေတဲ့အချိန်မှာ လိုအပ်နေတာကတော့ မှီလို့ရမယ့် ရင်ခွင်တစ်စုံပါပဲ။ ဒီနေရာမှာ Ho Chi-mo ဇာတ်ကောင်က ဇာတ်ကွက်ထဲကို ဝင်လာတာပါပဲ။ အစက ဘာကြောင့် Ho Chi-mo ကို ပြနေလဲဆိုတာ နားမလည်ခဲ့ပါဘူး။
Ho Chi-mo ဟာ စကားမပြောတတ်တဲ့ ကောင်လေးပါ။ သူ ကောင်မလေးတစ်ယောက်ကို သဘောကျပေမဲ့လည်း အဲ့ကောင်မလေးက သူမရဲ့အရင်ရည်းစားဆီ ပြန်ပါသွားတဲ့အခါ Chi-mo ဟာ Agent ကောင်မလေးလိုတော့ သိပ်မကြေကွဲခဲ့ရဘူး။ ဘာကြောင့်လဲ။ သူ ဒီကောင်မလေးကို မျှော်လင့်ထားပေမဲ့လည်း သူ့ကိုပြန်မချစ်ဘူးဆိုတာ သိတယ်။ နောက်ပြီး သူ့အဖေကလည်း သူ့အတွက် အထောက်အပံ့ဖြစ်တယ်လေ။ သူ့အဖေမသေခင်အထိ ဗီဒီယိုတိပ်လေးတွေရိုက်ပြီး ပျော်ပျော်ရွှင်ရွှင်ပေါ့ပေါ့ပါးပါး ဘဝကိုဖြတ်သန်းသွားတယ်။ နောက်ဆုံး အသည်းကွဲနေတဲ့ Agent ကောင်မလေးနဲ့ ဆုံတဲ့အချိန်မှာ Chi-mo ဟာ သူ့တုန်းက သူ့ဘေးမှာသူ့အဖေရှိပေးခဲ့သလို Agent ကောင်မလေးကိုလည်း ဒီလိုပဲ အထောက်အပံ့လုပ်ပေးသွားပါတယ်။
ဒီ ရုပ်ရှင်ဟာ ကော်ဖီစေ့တွေကိုကြိတ်ပြီး ဘာမှမရောစပ်ပဲ ဖျော်ထားသလိုမျိုး တစ်ဖက်သက်အချစ်ကို ဘာပကာသနမှမပါပဲ ရိုက်ပြသွားတာပါ။ လူတစ်ယောက်စီမှာ ဆုံးရှုံးမှုကိုယ်စီနဲ့ပါပဲ။ ဘယ်လောက်ပဲ ဆုံးရှုံးပါစေ နောက်ဆုံးမှာတော့ ကိုယ့်အပေါ် အထောက်အပံ့ဖြစ်မယ့် အချစ်စစ်ကိုပဲ ရှာတွေ့သွားမှာပါ။ အဓိကကတော့ တစ်ဖက်သက် အချစ်မှာ ရယူလိုစိတ်မပြင်းပြပဲ ချစ်ဖို့နဲ့၊ စိတ်ကူးယဥ် မျှော်လင့်ချက်ကြီးတဲ့အခါ လက်တွေ့ဘဝရဲ့ရိုက်ခက်မှုကို မခံနိုင်ဘူးဆိုတာပါပဲ။

ဇလုံတောင်တော် ဘုရား

ဇလုံတောင်တော် ဘုရား

ဇလုံတောင်တော် ဘုရား

ဇလုံတောင်တော် ဘုရား

ဇလုံတောင်တော် ဘုရား