SKY Villa ကွန်ဒိုရှိ ရှာဖွေကယ်ဆယ်ရေးလုပ်ငန်း အချို့ရပ်နားလိုက်ပြီ
အင်အားပြင်းငလျင် လှုပ်ခတ်မှုကြောင့် ပြိုကျပျက်စီးသွားသည့် မန္တလေးမြို့ လမ်း(၆၀) ၊ (၂၃) လမ်း နှင့် (၂၄) လမ်း ကြားရှိ (၁၁) ထပ်အမြင့်ရှိသည့် SKY Villa ကွန်ဒိုတွင် ဆောင်ရွက်နေသည့် ရှာဖွေကယ်ဆယ်ရေး လုပ်ငန်းများ ရပ်နားလိုက်ပြီဖြစ်သည်။
အပျက်အစီးများအောက်၌ ပိတ်မိနေသူများ အားလုံး အသ က်ရှင်လျက် မရှိတော့သည့်အတွက် ကယ်ဆယ်ရေးများ ရပ်နားရခြင်းဖြစ်ကြောင်း တရုတ်ကယ်ဆယ်ရေးအဖွဲ့တွင်ပါ ဝင်လာသည့် အဖွဲ့ဝင်တစ်ဦးက ကယ်ဆယ်ရေး ရပ်နားခြင်းနှင့် ပတ်သက်၍ ရှင်းပြသည်။
" အသက်ရှင်တဲ့ သူတွေရှိရင် ကျွန်တော်တို့ ဆက်ရှာပါတယ်။ အခုက ဒီဘက်မှာ ဘယ်သူမှ အသက်ရှင်လျက် မရှိတော့တဲ့အတွက် ရပ်နားပြီး တခြားကယ်ဆယ်ရေးမရောက်တဲ့ဆီတွေကို ဆက်ပြီးကူညီပေးသွားပါမယ်။ အားလုံးကို တောင်းပန်ပါတယ်" ဟု ၎င်းကဆိုသည်။
SKY Villa ကွန်ဒို တောင်ဘက်ခြမ်းနှင့် အနောက်ဘက်ခြမ်းတွင် ပိတ်မိနေသူများ အသက်ရှင်လျက် မရှိနိုင်တော့သည့် အတွက် ကယ်ဆယ်ရေးများ ရပ်နားလိုက်ခြင်းဖြစ်ပြီး မြော က်ဘက်ခြမ်းတွင် ယနေ့ နံနက်ပိုင်အထိ ရှာဖွေကယ်ဆယ်မှုများ ဆက်လက်လုပ်ဆောင်လျက် ရှိသည်။
အဆိုပါ ကွန်ဒိုတွင်နေထိုင်သူအများစုမှာ တရုတ်လူမျိုးများဖြစ်ပြီး ကွန်ဒိုပြိုကျမှုကြောင့် သေဆုံးသူ ရာနှင့်ချီရှိနေပြီး ရုပ်အလောင်းများ ပြန်လည်ဖော်ထုတ်သယ်ယူရန်ပင် အခ က်အခဲ ရှိနေသည့် အခြေအနေဖြစ်သည်။
