ရန်ကုန်စတော့အိပ်ချိန်း၏ ၂၀၂၆ နှစ်စ ဈေးကွက်စတင်ဖွင့်လှစ်သည့် ဇန်နဝါရီ ၅ ရက်တွင် တစ်နေ့တာ စတော့ရှယ်ယာအရောင်းအဝယ်ဖြစ်မြောက်မှုတန်ဖိုး ကျပ် ၁၃ ဒသမ ၀၂ သန်းရှိခဲ့

ရန်ကုန်စတော့အိပ်ချိန်း၏ ၂၀၂၆ ခုနှစ်၊ နှစ်စ ဈေးကွက်စတင်ဖွင့်လှစ်သည့် ဇန်နဝါရီ ၅ ရက်တွင် တစ်နေ့တာ စတော့ရှယ်ယာအရောင်းအဝယ်ဖြစ်မြောက်မှုတန်ဖိုး ကျပ် ၁၃ ဒသမ ၀၂ သန်းရှိခဲ့ကြောင်း ရန်ကုန်စတော့အိပ်ချိန်းမှ သိရသည်။
ရန်ကုန်စတော့အိပ်ချိန်းတွင် FMI(First Myanmar Investment Public Co.Ltd)၊ MTSH(Myanmar Thilawa SEZ Holdings Public Co.,Ltd၊ MCB(Myanmar Citizen Bank Ltd၊ FPB(First Private Bank Limited၊ TMH(TMH Telecom Public Co.,Ltd၊ EFR(Ever Flow River Group Public Co.,Ltd၊ AMATA (Amata Holding Public Co.,Ltd၊ MAEX (Myanmar Agro Exchange Public Co.,Ltd) စသည်ဖြင့် ကုမ္ပဏီတို့ (၈) ခုတို့က စတော့ရှယ်ယာအရောင်းအဝယ်ပြုလုပ်လျက်ရှိသည်။
၂၀၂၆ ခုနှစ် ဇန်နဝါရီ ၅ ရက်တွင် အရောင်းအဝယ်ဖြစ်မြောက်သည့်အစုရှယ်ယာအရေအတွက်စုစုပေါင်း (Total Trading Volume) ၅၃၆၉ စောင်ရှိပြီး အရောင်းအဝယ်ဖြစ်မြောက်သည့်အစုရှယ်ယာတန်ဖိုးစုစုပေါင်း (Total Trading Value) ကျပ် ၁၃ ဒသမ ၀၂ သန်းကျော်ရှိခဲ့သည်။
ရန်ကုန်စတော့အိပ်ချိန်း၏တစ်နေ့တာရှယ်ယာအပိတ်ဈေးနှုန်းများအနေဖြင့် FMI က ကျပ် ၈၆၀၀ ရှိခဲ့ကာ ရှယ်ယာ ၁၆ စောင် အရောင်းအဝယ်ဖြစ်ခဲ့သည်။ MTSH က ရှယ်ယာအပိတ်ဈေး ကျပ် ၃၇၀၀ ရှိခဲ့ကာ ရှယ်ယာ ၁၁၁၈ စောင်၊ MCB က ရှယ်ယာအပိတ်ဈေး ကျပ် ၇၈၀၀ ရှိခဲ့ကာ ရှယ်ယာ ၇၉ စောင်၊ FPB က ရှယ်ယာအပိတ် ဈေး ကျပ် ၂၄၅၀ ရှိခဲ့ကာ ရှယ်ယာ ၁၀၃၄ စောင်၊ TMH က ရှယ်ယာအပိတ်ဈေး ကျပ် ၃၅၅၀ ရှိခဲ့ကာ ရှယ်ယာ ၃၅ စောင်၊ EFR က ရှယ်ယာအပိတ်ဈေး ကျပ် ၁၆၅၀ ရှိခဲ့ကာ ရှယ်ယာ ၂၈၇၁ စောင်၊ AMATA က ရှယ်ယာ အပိတ်ဈေး ကျပ် ၄၉၀၀ ရှိခဲ့ကာ ရှယ်ယာ ၁၆၇ စောင်၊ MAEX က ရှယ်ယာအပိတ်ဈေး ကျပ် ၃၂၅၀ ရှိခဲ့ကာ ရှယ်ယာ ၄၉ စောင် အရောင်းအဝယ်ဖြစ်ပေါ်ခဲ့သည်။
ရန်ကုန်စတော့အိတ်ချိန်း၏ စာရင်းဝင်အကြိုဈေးကွက် တစ်နေ့တာအရောင်းအဝယ်ဖြစ်မြောက်မှုအနေဖြင့် အစုရှယ်ယာအရေအတွက်စုစုပေါင်း ၁၁၉၉၉ စောင်ရှိပြီး အရောင်းအဝယ်ဖြစ်မြောက်သည့်အစုရှယ်ယာတန်ဖိုး ကျပ် ၁၆၅ ဒသမ ၁၁ သန်းရှိသည်။
စာရင်းဝင်အကြိုဈေးကွက် တစ်နေ့တာရှယ်ယာအပိတ်ဈေးအနေဖြင့် MAGDPL (Myanmar Agricultural & General Development Public Co.,Ltd) က ကျပ် ၂၇၀၀ ဖြင့် ရှယ်ယာစောင်ရေ ၈၈၉၆ စောင်၊ GBS Agricultural Services Public Co.,Ltd က ရှယ်ယာအပိတ်ဈေး ကျပ် ၄၆,၀၀၀ ရှိခဲ့ကာ စုစုပေါင်းရှယ်ယာစောင်ရေ ၃၁၀၃ စောင် အရောင်းအဝယ်ဖြစ်ပေါ်ခဲ့သည်။

ထိုင်း-ကမ္ဘောဒီးယားအပ-စ်ရပ်သဘောတူညီချက်ဖြည်းဖြည်းချင်း အကောင်အထည်ဖော်နေ--တရုတ်

ထိုင်းနှင့် ကမ္ဘောဒီးယားနိုင်ငံတို့အကြား အပ-စ်အခတ်ရပ်စဲရေး သဘောတူညီချက်ကို ဖြည်းဖြည်းချင်းအကောင်အထည်ဖော်နေကြောင်း တရုတ်နိုင်ငံခြားရေးဝန်ကြီးဌာနက ဇန်နဝါရီလ ၅ ရက် နေ့တွင် ပြောကြားခဲ့သည်။
ပြည့်စုံ၍ ကြာရှည်ခံသော အပ-စ်အခတ်ရပ်စဲရေးကို နှစ်နိုင်ငံစလုံးက လုပ်ဆောင်နိုင်မည်ဟု တရုတ်နိုင်ငံက မျှော်လင့်ကြောင်း ဝန်ကြီးဌာနပြောရေးဆိုခွင့်ရှိသူ လင်းကျန်းက ပုံမှန်သတင်းစာရှင်းလင်းပွဲတွင် ပြောကြားခဲ့သည်။
ထိုင်းနိုင်ငံသည် ကမ္ဘောဒီးယားစစ်သား ၁၈ ဦးကို ပြန်လွှဲပေးခဲ့ကြောင်းလည်း မစ္စတာလင်းက ပြောဆိုခဲ့သည်။
အရှေ့တောင်အာရှအိမ်နီးချင်းနှစ်နိုင်ငံအကြား နှစ်ပေါင်းများစွာအတွင်း အဆိုးဝါးဆုံးသောတို-က်ပွဲများကိုဖြစ်ပေါ်စေခဲ့သည့် နယ်စပ်ပဋိပက္ခများကို အဆုံးသ-တ်ရန်အတွက် ဒီဇင်ဘာလကုန်တွင် ဒုတိယအကြိမ် အပ-စ်အခတ်ရပ်စဲရေးကို ထိုင်းနှင့် ကမ္ဘောဒီးယားတို့ သဘောတူခဲ့ကြသည်။

၀န်ကြီးချုပ်နှစ်ကြိမ်သာထမ်းဆောင်ခွင့်ကိုပြင်ဆင်မည်--အန်ဝါ

မလေးရှားဝန်ကြီးချုပ် အန်ဝါအီဘရာဟင်မ်သည် လာမည့် အထွေထွေရွေးကောက်ပွဲမတိုင်မီတွင် မြို့ပြလူထု၏ မဲများကို ပြန်လည်ရရှိရန် ကြိုးပမ်းမှုအနေဖြင့် ဝန်ကြီးချုပ်ရာထူးအတွက် သက်တမ်းနှစ်ကြိမ်သာထမ်းဆောင်ခွင့်အပါအဝင် ပြုပြင်ပြောင်းလဲမှုများစွာကို ဇန်နဝါရီလ ၅ ရက်‌နေ့တွင် ကြေညာခဲ့သည်။
ဝန်ကြီးအဖွဲ့အစည်းအဝေးအပြီး ဝန်ကြီးများနှင့် ရာနှင့်ချီသော ပြည်သူ့ဝန်ထမ်းများကို မိန့်ခွန်းမပြောမီ အန်ဝါက ပြောကြားခဲ့ရာတွင် ခေါင်းဆောင်များအနေဖြင့်ပြုပြင်ပြောင်းလဲမှုများကို ၎င်းတို့၏ သက်တမ်းအတွင်း အကောင်အထည်ဖော်ရမည်ဖြစ်ကာ သက်တမ်းကာလထက် မကျော်လွန်သင့်ကြောင်း ဆိုခဲ့သည်။
မစ္စတာအန်ဝါ၏ အစိုးရအပေါ် မြို့ပြနှင့် တရုတ်မဲဆန္ဒရှင်များ၏ ထောက်ခံမှု ကျဆင်းလာခြင်း Perikatan Nasional (PN) က ၎င်း၏ ခေါင်းဆောင်ပိုင်းကို ပြောင်းလဲရန်ရည်ရွယ်နေပြီး အတိုက်အခံ၏ အားသစ်လောင်းလာမှုကို ကြုံလာရချိန်တွင် ယခုကြေညာချက်များ ထွက်လာခြင်းဖြစ်သည်။
လူတိုင်းမှာ အကန့်အသတ်တွေရှိပါတယ်။ အစိုးရရဲ့ အတွင်းဝန်ချုပ်ဟာ ဆယ်စုနှစ်များစွာ တာဝန်ထမ်းဆောင်လို့ မရပါဘူး။ ဝန်ကြီးချုပ် အပါအဝင် လူတိုင်းနဲ့ သက်ဆိုင်ပါတယ်ဟု ဆိုခဲ့သည်။
ဝန်ကြီးချုပ်ရဲ့ သက်တမ်းကန့်သတ်ချက်ဟာ ၁၀ နှစ် ဒါမှမဟုတ် သက်တမ်းအပြည့်အဝ နှစ်ကြိမ်ထက် မကျော်ရပါဘူး ဟု ဝန်ကြီးချုပ်ရုံးတွင် ပြောကြားခဲ့သော ၂၀၂၆ နှစ်သစ်ကူးမိန့်ခွန်းအတွင်း အန်ဝါက ပြောကြားခဲ့သည်။
မလေးရှားဖွဲ့စည်းပုံအခြေခံဥပဒေအရ ဝန်ကြီးချုပ်သည် အောက်လွှတ်တော်တွင် အမတ်အများစု၏ ထောက်ခံမှုရနေသမျှ ဆက်လက်တာဝန်ထမ်းဆောင်နိုင်သည်။

ချင်းပြည်နယ်နှင့် ရခိုင်ပြည်နယ်တို့၏ တိုင်းဒေသကြီးလွှတ်တော် (သို့) ပြည်နယ်လွှတ်တော်ကိုယ်စားလှယ်အ ဖြစ် ရွေးကောက်တင်မြှောက်ခံရသူများတွင် USDP မှအများဆုံးပါဝင်

ချင်းပြည်နယ်နှင့် ရခိုင်ပြည်နယ်တို့၏ တိုင်းဒေသကြီးလွှတ်တော် (သို့) ပြည်နယ်လွှတ်တော်ကိုယ်စားလှယ်အ ဖြစ် ရွေးကောက်တင်မြှောက်ခံရသူများတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP) မှအများဆုံးပါဝင်ကြောင်း ပြည်ထောင်စုရွေးကောက်ပွဲကော်မရှင် (UEC) ၏ ယနေ့ ဇန်နဝါရီ ၅ ရက်ကထုတ်ပြန်သည့် ကြေညာချက်အမှတ် (၈ /၂၀၂၆) အရ သိရသည်။
ရွေးကောက်ပွဲတွင် သက်ဆိုင်ရာ တိုင်းနှင့်ပြည်နယ်ကော်မရှင်အဖွဲ့ခွဲများက တိုင်းဒေသကြီးလွှတ်တော် (သို့) ပြည်နယ်လွှတ်တော် ရွေးကောက်ပွဲဥပဒေပုဒ်မ ၄၉ ( ခ ) နှင့်အညီ ရွေးကောက်တင်မြှောက်ခံရသူများ၏ အမည်စာရင်းကိုထုတ်ပြန်ကြေညာခဲ့ခြင်းဖြစ်ကြောင်း သိရသည်။
ချင်းပြည်နယ် (မဲအများဆုံးရသူအနိုင်ယူစနစ်) တွင် USDP ပါတီမှ (၁) ဦး၊ ဇိုမီးအမျိုးသားပါတီမှ (၁) ဦး၊ ချင်း ပြည်နယ် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) တွင် USDP ပါတီမှ (၅) ဦး၊ ဇိုမီးအမျိုးသားပါတီမှ (၃) ဦး၊ ချင်းပြည်သစ်ကွန်ဂရက်ပါတီမှ (၁) ဦးတို့ ရွေးကောက်တင်မြှောက်ခံခဲ့ရကြောင်း သိရသည်။
ထို့ပြင် ရခိုင်ပြည်နယ်၊ မဲအများဆုံးရသူအနိုင်ယူစနစ်တွင် USDP ပါတီမှ (၂) ဦး၊ ရခိုင့်ဦးဆောင်ပါတီမှ (၁) ဦး၊ ရခိုင်ပြည်နယ် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) တွင် USDP ပါတီမှ (၆) ဦး၊ ရခိုင့်ဦးဆောင်ပါတီမှ (၂) ဦး၊ ရခိုင်တိုင်းရင်းသားများပါတီမှ (၂) ဦးတို့ ရွေးကောက်တင်မြှောက်ခံခဲ့ရကြောင်း သိရသည်။
ထို့အတူ ရခိုင်ပြည်နယ် (အချိုးကျကိုယ်စားပြုစနစ်) မဲဆန္ဒနယ်အမှတ် (၂) တွင် USDP ပါတီမှ (၃) ဦး၊ ရခိုင့်ဦးဆောင်ပါတီမှ (၂) ဦး၊ ရခိုင်တိုင်းရင်းသားများပါတီမှ (၂) ဦး၊ ရခိုင်ပြည်နယ်လွှတ်တော် (ချင်းတိုင်းရင်းသားလူမျိုးမဲဆန္ဒနယ်) တွင် USDP ပါတီမှ (၁) ဦးတို့ ရွေးကောက်တင်မြှောက်ခြင်းခံခဲ့ရကြောင်း သိရသည်။

ကြိုတင်မဲပေးခြင်း နှင့် ရေတွက်ခြင်းများကို ပွင့်လင်းမြင်သာစွာဖြင့် တိကျမှန်ကန်စွာဆောင်ရွက်ခဲ့ခြင်းဖြစ်ဟုဆို

၂၀၂၅ ပါတီစုံဒီမိုကရေစီအထွေထွေရွေးကောက်ပွဲ အတွက် ကြိုတင်မဲပေးခြင်းနှင့်ပတ်သက်ပြီး ပွင့်လင်းမြင်သာစွာဆောင်ရွက်ခဲ့ခြင်းဖြစ်ပြီး လုပ်ငန်းစဉ်အသေးစိတ်များကိုလည်း ရှင်းလင်းပြောကြားထားပြီးဖြစ်ကြောင်း ပြည်ထောင်စုရွေးကောက်ပွဲ‌ကော်မရှင် ဥက္ကဌ ဦးသန်းစိုးကပြောသည်။
ယမန်နေ့ က နိုင်ငံရေးပါတီများနှင့် ရွေးကောက်ပွဲကော်မရှင်တို့ တွေ့ဆုံစဉ် ဥက္ကဌ ဦးသန်းစိုးက အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။
ကြိုတင်ဆန္ဒမဲပေးခြင်း၊ရေတွက်ခြင်း ၊မဲစာရင်းပြုစုခြင်း၊ ကပ်ထားကြေညာခြင်းဆိုင်ရာ လုပ်ငန်းစဉ်များကို ဥပဒေနည်းဥပဒေ လုပ်ထုံးလုပ်နည်းများ နှင့်အညီ နိုင်ငံရေးပါတီများ၊ လွှတ်တော်ကိုယ်စားလှယ်လောင်းများ ရွေးကောက်ပွဲကိုယ်စားလှယ်များ အသိသက်သေများ အများပြည်သူတို့ကို ဖိတ်ကြားပြီး ပွင့်လင်းမြင်သာစွာဖြင့် တိကျမှန်ကန်စွာဆောင်ရွက်ခဲ့ခြင်း ဖြစ်ကြောင်း ဦးသန်းစိုး ကပြောသည်၊
ဆန္ဒမဲစာရင်းများကိုလည်း အများပြည်သူသိရှိနိုင်ရန် သက်ဆိုင်ရာ ရွေးကောက်ပွဲကော်မရှင် အဖွဲ့ခွဲ့ရုံးများတွင် ကပ်ထားကြေညာထားပြီးဖြစ်ကြောင်းလည်း သိရသည်။
လက်ရှိရွေးကောက်ပွဲအပိုင်း(၁)ကို ဒီဇင်ဘာ ၂၈ ရက်နေ့က ကျင်းပခဲ့ပြီးဖြစ်ပြီး အပိုင်း(၂)ကို ဇန်နဝါရီ ၁၁ ရက်နှင့် အပိုင်း(၃) ကို ဇန်နဝါရီ (၂၅)ရက်နေ့ ၌ ဆက်လက်ကျင်းပမည်ဖြစ်ကြောင်း သိရသည်။

KK Park နယ်မြေမှ ဖြိုချဖျ-က်ဆီးရန် တရားမဝင်အဆောက်အအုံ(၂၅)လုံးသာကျန်ရှိ (၆၁၀)လုံးဖြိုချပြီးဖြစ်

ကရင်ပြည်နယ်၊ မြဝတီမြို့နယ်၊ KK Park နယ်မြေမှ အွန်လိုင်းလိမ်လည်လောင်းကစားမှုကျူးလွန်ရာတွင်အသုံးပြုခဲ့သော တရားမဝင်အဆောက်အအုံများကိုဖြိုချဖျ-က်ဆီးလျက်ရှိရာ လက်ရှိအချိန်၌ တရားမဝင်အဆောက်အအုံ(၆၁၀)လုံးကိုဖြိုချပြီးဖြစ်ကြောင်း သိရသည်။
ထို့ကြောင့် KK Park နယ်မြေမှ အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သော တရားမဝင်အဆောက်အအုံ(၆၃၅)လုံးအနက် (၆၁၀)လုံးဖြိုချဖျ-က်ဆီးပြီးဖြစ်ရာ ကျန်ရှိသည့် အဆောက်အအုံ (၂၅)လုံးကိုလည်း ပူးပေါင်းအဖွဲ့ဝင်များက စနစ်တကျဆက်လက်ဖြိုချဖျ-က်ဆီးလျက်ရှိကြောင်း သိရသည်။
ထို့အတူ KK Park နယ်မြေအပိုင်း(၃)ရှိ တရားမဝင်အဆောက်အအုံများအနက် ယာဉ်ယန္တရားများအသုံးပြု၍ ဖြိုချဖျ-က်ဆီးပြီးခဲ့သည့် တရားမဝင်အဆောက်အအုံများကို အလုံးစုံပျ-က်စီးစေရန် လေအိုးမီးအိုးဖြင့် ထပ်မံဖျ-က်ဆီးမှုများဆက်လက်ပြုလုပ်လျက်ရှိကြောင်း သိရသည်။

နိုင်ငံခြားရေးပြည်ထောင်စုဝန်ကြီး ဦးသန်းဆွေ တရုတ်သံအမတ်ကြီးကို လက်ခံတွေ့ဆုံ

ဒေသတွင်းနှင့်နိုင်ငံတကာမျက်နှာစာတွင် နှစ်နိုင်ငံအပြန်အလှန်ထောက်ခံရပ်တည်သွားရေးတို့နှင့် ပတ်သက်ပြီးဆွေးနွေး
နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေသည် ယမန်နေ့ ဇန်နဝါရီ (၅)ရက်နေ့က မြန်မာနိုင်ငံဆိုင်ရာ တရုတ်သံအမတ်ကြီး မစ္စ မာကျားကို နေပြည်တော်၌ လက်ခံတွေ့ဆုံခဲ့ကြောင်း သိရသည်။
မြန်မာ-တရုတ် နှစ်နိုင်ငံ ရှိရင်းစွဲ ဆွေမျိုးပေါက်ဖော်ဆက်ဆံရေး နှင့် ပူးပေါင်းဆောင်ရွဥ်မှုများ ပိုမိုတိုးတက်ခိုင်မာရေးနှင့် နှစ်နိုင်ငံပူးပေါင်းဆောင်ရွက်မှုကိစ္စရပ်များ ဆက်လက်အကောင်ထည်ဖော်ရေး ကိစ္စရပ်များ ဆွေးနွေးခဲ့ကြောင်း သိရသည်။
ထို့ပြင် မြန်မာနိုင်ငံအတွင်း ရေရှည်တည်တံ့ခိုင်မာသည့် ငြိမ်းချမ်း‌ရေးနှင့် ပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေး ကြိုးပမ်းအားထုတ်မှုများတွင် တရုတ်နိုင်ငံမှ ဆက်လက်ပံ့ပိုးကူညီသွားမည့်အခြေအနေများနှင့် နယ်စပ်ဒေသရှိ အွန်လိုင်းလောင်းကစားနှင့် တရားမဝင်လုပ်ငန်းများ ပူးပေါင်းတို-က်ဖျ-က်ရေး ကိစ္စရပ်များ ဆွေးနွေးခဲ့ကြောင်း သိရသည်။
ဒေသတွင်းနှင့် နိုင်ငံတကာမျက်နှာစာတွင် နှစ်နိုင်ငံအပြန်အလှန် ထောက်ခံရပ်တည်သွားရေးတို့နှင့် ပတ်သက်၍လည်း ဆွေးနွေးခဲ့ကြောင်း သိရသည်။

ပညာရေး ပြည်ထောင်စုဝန်ကြီး နှင့် လာအို သံအမတ်တို့တွေ့ဆုံပြီး နှစ်နိုင်ငံပညာရေး ကဏ္ဍ ပူးပေါင်းဆောင်ရွက်မှုဆိုင်ရာကိစ္စရပ်များဆွေးနွေး

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချော‌ချောစိန်သည်မြန်မာနိုင်ငံဆိုင်ရာ လာအိုသံအမတ်ကြီး H.E Mr. Bounphieng CHANTHAVONGကို နေပြည်တော်၌ ယမန်နေ့က လက်ခံတွေ့ဆုံခဲ့ကြောင်း သိရသည်။
နှစ်နိုင်ငံကြား အကျိုးတူပူးပေါင်းဆောင်ရွက်နိုင်မည်ကဏ္ဍများ တိုးမြှင့်ဆောင်ရွက်ရေး၊ ပညာတော်သင်ကျောင်းသားကျောင်းသူများ အပြန်အလှန်ပူးပေါင်းဆောင်ရွက်ရေး နှင့် အနာဂတ်တွင် နှစ်နိုင်ငံပညာရေး ကဏ္ဍ ပူးပေါင်းဆောင်ရွက်မှု ကိစ္စရပ်များကို ဆွေးနွေးခဲ့ကြောင်း သိရသည်။
အဆိုပါ တွေ့ဆုံမှု၌ ပညာရေးဝန်ကြီးဌာန ဒုတိယဝန်ကြီး ဦးနေမျိုးလှိုင်၊အဆင့်မြင့်ပညာဦးစီးဌာန ညွှန်ကြားရေးမှုးချုပ် ဒေါက်တာသန်းဇော်ဦးနှင့် တာဝန်ရှိသူများတက်ရောက်ခဲ့ကြောင်း သိရသည်။

ဇန်နဝါရီ ၆ ရက်

ပြည်ထောင်စုတရားစီရင်ရေး ဥပဒေကို ပဥ္စမအကြိမ်ပြင်ဆင်သည့် ဥပဒေမူကြမ်း ပြဌာန်းနိုင်ရေး အပြီးသတ်ဆွေးနွေး

ပြည်ထောင်စုတရားစီရင်ရေး ဥပဒေကို ပဥ္စမ အကြိမ်ပြင်ဆင်သည့် ဥပဒေမူကြမ်း ပြဌာန်းနိုင်ရေး နှင့် ပတ်သက်ပြီး အပြီးသတ်ဆွေးနွေးခြင်းကို ယမန်နေ့ က‌ ကျင်းပခဲ့ကြောင်း သိရသည်။
အဆိုပါဆွေးနွေးပွဲကို ဥပဒေရေးရာဝန်ကြီးဌာန ပြည်ထောင်စုဝန်ကြီး နှင့် ပြည်ထောင်စုရှေ့နေချုပ် ဒေါက်တာသီတာဦး နှင့် ဒုတိယရှေ့နေချုပ် ၊ ပြည်ထောင်စု တရားလွှတ်တ်ေချုပ်တရားသူကြီး‌ ဒေါ်သင်းသင်းနွဲ့ နှင့် တာဝန်ရှိသူများတက်ရောက်ခဲ့ကြောင်း သိရသည်။
တရားသူကြီးများသည် ပြည်ထောင်စုတရားစီရင်ရေး ဥပဒေပုဒ်မ ၂၃ ပုဒ်မခွဲ (ဂ) အရ နေ့စဉ်တရားခွင်တက်ရန် စတင်ဆောင်ရွက်သည့်အချိန်တွင် တရားခွင်၌ ကျမ်းသစ္စာ သို့မဟုတ် ကတိသစ္စာ ပြုနေရခြင်းမှာ လက်တွေ့တွင် မဖြစ်မနေ လိုအပ်သည့် ကိစ္စမဟုတ်သည့်အပြင် နေ့စဉ်တရားခွင်တက်ရောက်သည့် အချိန်၌ ကျမ်းသစ္စာ သို့မဟုတ် ကတိသစ္စာပြုသည့်အချက်ကို နိုင်ငံတကာတွင်လည်း သတ်မှတ်ထားမှုမရှိကြောင်း ပြည်ထောင်စုတရားလွှတ်တော်ချုပ် တရားသူကြီး ဒေါ်သင်းသင်းနွဲ့ ကပြောသည်။
တရားရုံများသည် အမြဲတမ်းတည်ထောင်ထားသော တရားရုံးများဖြစ်သဖြင့် နေ့စဉ်တရားခွင်တက်ရောက်သည့်အချိန်တွင် ကျမ်းသစ္စာသို့မဟုတ် ကတိသစ္စာ ပြုရမည့် ဆိုသည့် ပြဌာန်းချက်ကို ပယ်ဖျက်ခြင်းဖြင့် တရားစီရင်ရေးဆိုင်ရာ နေ့စဉ်လုပ်ငန်းများကို လျင်မြန်စေမည်ဖြစ်သဖြင့် ပြည်ထောင်စုတရားစီရင်ရေး ဥပဒေကို ပြင်ဆင်လိုခြင်း ဖြစ်ကြောင်း ဒေါ်သင်းသင်းနွဲ့ ကရှင်းလင်းပြောကြားခဲ့သည်။
ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးက တရားသူကြီးများအား စတင်တာဝန်ပေးအပ်ချိန်တွင် ကျမ်းသစ္စာ သိုမဟုတ် ကတိသစ္စာပြုခြင်းကို ဆောင်ရွက်ရန် ပြည်ထောင်စုတရားစီရင်ရေးဥပဒေတွင် ပြဋ္ဌာန်းထားပြီးဖြစ်ခြင်း၊ ပြည်ထောင်စုတရားစီရင်ရေးဥပဒေ ပုဒ်မ ၂၃ ပုဒ်မခွဲ (ဂ) တွင်ပါရှိသော ပုဒ်မခွဲငယ် (၂) ကို ပယ်ဖျက်ပါကလည်း တရားစီရင်ရေးလုပ်ငန်းများကို ပုံမှန်အတိုင်း ဆက်လက်ဆောင်ရွက်နိုင်ခြင်းတို့ကြောင့် ပြင်ဆင်ပြဋ္ဌာန်းသင့်သော ဥပဒေဖြစ်ကြောင်း သုံးသပ်တွေ့ရှိရသဖြင့် ဥပဒေပြဋ္ဌာန်းနိုင်ရေး အပြီးသတ်ညှိနှိင်းဆွေးနွေးခဲ့ကြကြောင်း သိရသည်။