အာဏာအပျော့ကို မြှင့်တင်ရန် ထိုင်းသံအမတ်များကို ပေတုန်တန်ပြော

နိုဝင်ဘာ ၁၃

ထိုင်းဝန်ကြီးချုပ် ပေတုန်တန် ရှင်နာဝပ် (Paetongtarn Shinawatra) သည် ကနေဒါ၊ အာဂျင်တီးနား၊ မက္ကဆီကို၊ ဘရာဇီးလ်နှင့် ချီလီနိုင်ငံဆိုင်ရာ ထိုင်းသံအမတ်များနှင့် အစည်းအဝေး ပြုလုပ်ချိန်အတွင်း ထိုင်း၏ အာဏာအပျော့ (Soft Power) ကို မြှင့်တင်ရန် တိုက်တွန်းခဲ့သည်ဟု The Nation မှ ဖော်ပြခဲ့သည်။

ကနေဒါ-ထိုင်း တိုက်ရိုက်လေကြောင်း ခရီးစဉ်များအတွက် ကနေဒါ ခရီးသွားများထံမှ တောင်းဆိုမှုများ မြင့်တက် နေကြောင်း ကနေဒါနိုင်ငံဆိုင်ရာ ထိုင်းသံအမတ် ကလာယာန(Kallayana Vipattipumiprates) က ပေတုန်တန် ကို တင်ပြခဲ့သည်။

တောင်အမေရိကနိုင်ငံများတွင် ထိုင်းရုပ်ရှင်များနှင့် အစားအစာများလည်း ရေပန်းစားနေကြောင်း သံတမန်တစ်ဦး ဖြစ်သည့် ဝိမွန်ပချာရ ရက်ဆကီယက် (Vimonpachara Raksakiat) က ပြောကြားခဲ့သည်။

အမေရိကန်ဆိုင်ရာ ထိုင်းသံအမတ် သူရိယ ဂျင်ဒါဝေါင် (Suriya Jindawong) ကလည်း ထိုင်းစီးပွားရေး လုပ်ငန်း များသည် အမေရိကန်တွင် ရင်းနှီးမြှုပ်နှံမှု ပိုမိုကြီးမားလာလိမ့်မည်ဟု ခန့်မှန်းခဲ့သည်။

ထိုင်းနိုင်ငံ၏ အမေရိကန်ဆိုင်ရာ အထူးလုပ်ငန်း တာဝန်များကို ပေတုန်တန်က "ထိုင်း အသင်း" (Team Thailand)ဟု အမည်တပ်ခဲ့ပြီး ထိုင်း၏ စီးပွားရေးကို ခိုင်မာစေရန် နိုင်ငံတကာ မိတ်ဖက်ဆက်ဆံမှုများ တည်ဆောက်ရန် ညွှန်ကြားခဲ့သည်။

ထို့ပြင် ပြည်ပတွင် အလုပ်လုပ်ကိုင်နေသည့် ပါရမီရှိသည့် ထိုင်းနိုင်ငံသားများအနေဖြင့် ထိုင်းနိုင်ငံကို ပြန်လာပြီး ဖွံ့ဖြိုးတိုးတက်ရေး လုပ်ငန်းစဉ်များကို မြှင့်တင်ရန်လည်း ပေတုန်တန်က ပြောကြားခဲ့သည်။

မိမိတို့ အစိုးရအဖွဲ့သည် ဖျော်ဖြေရေးကဏ္ဍ စီးပွားရေး လုပ်ငန်းများကဲ့သို့ နယ်ပယ်ကဏ္ဍများကို ကမ္ဘာအထိ ပျံ့နှံ့စေရန် အာဏာအပျော့ကို ကျင့်သုံးရေး အာရုံစိုက်ထားကြောင်း ပေတုန်တန်က အတည်ပြုခဲ့သည်။

ဆောင်းရာသီသည် ထိုင်းသို့ ခရီးသွားများ အများအပြား လာရောက်သည့် ရာသီဖြစ်သဖြင့် တာဝန်ရှိသူများ အနေဖြင့် ခရီးသွားများ ဝင်ရောက်လာမည့် အခြေအနေအတွက် အသင့်ပြင်ထားရန်လည်း ၎င်းက တိုက်တွန်းခဲ့ သည်။

Source: The Nation

ပုံ - ထိုင်းဝန်ကြီးချုပ် ပေတုန်တန်ကို တွေ့ရစဉ်

#သတင်းဟင်းလေးအိုးကြီး

ကျောက်တံခါးမြို့နယ်၊ သာယာကုန်းကျေးရွာအနီးတွင် ဆီဘောက်ဆာယာဉ် (၁) စီး တိမ်းမှောက်ပြီး မီးလောင်မှုဖြစ်ပွားရာမှ အမျိုးသား ၁ ဦး သေဆုံး

နိုဝင်ဘာ ၁၃

ပဲခူးတိုင်းဒေသကြီး၊ ကျောက်တံခါးမြို့နယ်၊ သာယာကုန်းကျေးရွာအနီး ရန်ကုန်- မန္တလေးလမ်းဟောင်း၊ မိုင်တိုင်အမှတ်(၉၄/၂)နှင့်(၉၄/၃)ကြားတွင် နိုဝင်ဘာလ ၁၂ရက်နေ့၊ မွန်းလွဲ ၃နာရီ ၃၀ အချိန်ခန့်၊ ဆီဘောက်ဆာယာဉ်(၁)စီး တိမ်းမှောက်ပြီး မီးလောင်မှုဖြစ်ပွားရာမှ အမျိုးသား ၁ဦး သေဆုံးခဲ့ကြောင်း မီးသတ်တပ်ဖွဲ့မှ သိရသည်။

မီးလောင်မှုဖြစ်ပွားကြောင်း သတင်းရရှိသဖြင့် ကျောက်တံခါးမြို့နယ်မီးသတ်စခန်း၊ ညောင်လေးပင်မြို့နယ် မီးသတ်စခန်း၊ ပိန်းဇလုပ်နယ်မြေမီးသတ်စခန်း၊ ပြွန်တန်ဆာနယ်မြေမီးသတ်စခန်း၊ ဖဒိုနယ်မြေမီးသတ်စခန်းနှင့် ပဲနွယ်ကုန်းနယ်မြေမီးသတ်စခန်းများမှ မီးငြှိမ်းသတ်ယာဉ်(၇)စီး၊ ရေသယ်ယာဉ်(၅)စီး၊ အထောက်အကူပြုယာဉ် (၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ကြောင်း သိရ သည်။

အဆိုပါမီးလောင်မှုကြောင့် ယာဉ်ပေါ်ပါ အမျိုးသား (၁)ဦး သေဆုံးအား ကျောက်တံခါးသွေးလှူရှင် ပရဟိတ အသင်းယာဉ်ဖြင့် ကျောက်တံခါးပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#centralnewsnaypyitaw

မန္တလေးနဲ့ မြိတ်မြို့တွေမှာ ဝမ်းပျက်ဝမ်းလျှောအဖြစ်များ

နိုဝင်ဘာ ၁၃

မန္တလေးနဲ့ မြိတ်မြို့မှာ အခုလထဲ ဝမ်းပျက်ဝမ်းလျှော အဖြစ်များလာတယ်လို့ ဒေသခံတွေက ပြောပါတယ်။ ပြင်းထန်တဲ့ အခြေအနေမဟုတ်ပေမယ့် အစားအသောက်ကနေတဆင့် အဖြစ်များနေကြလို့ ရာသီအကူးအပြောင်းမှာ သတိပြုကြဖို့ကိုလည်း ပရဟိတဆောင်ရွက်သူတွေက ပြောပါတယ်။

မန္တလေးမြို့မှာ အခု နိုဝင်ဘာလထဲ ဝမ်းပျက်ဝမ်းလျှောဖြစ်သူ များပြီး၊ လူနာတွေကို ပြင်ပဆေးရုံ၊ ဆေးခန်းတွေက လက်မခံဘဲ မန္တလေးပြည်သူ့ ဆေးရုံကြီးမှာပဲ ကုသပေးနေတယ်လို့ ပြောပါတယ်။ မန္တလေးအခြေစိုက် ပရဟိတအဖွဲ့တခုက ဒီလထဲမှာတင် ဝမ်းပျက်ဝမ်းလျှော လူနာပို့ရတဲ့လမ်းကြောင်းက များလာတယ်လို့ ပြောပါတယ်။

"ဝမ်းပျက်ဝမ်းလျှောက ဆေးရုံပို့ပေးရတာ ၇ ဦး၊ ၈ ဦးလောက်ရှိပြီ။ ဖြစ်လေ့ဖြစ်ထရှိတဲ့ အရပ်တွေက ပိုပြီးတော့ဖြစ်တာ များနေတယ်။ ဖြစ်လေ့ဖြစ်ထဆိုတာ ဒီရပ်ကွက်မှာ တဦးပို့ထားတယ်ဆိုရင် အဲဒီရပ်ကွက်က နောက်တဦး၊ နောက်တဦး အဲလိုဆက်ပို့ရတာ။ ရပ်ကွက်အသစ်တွေကတော့ ကျနော်တို့တွေ မတွေ့ဘူးပေါ့။ အသက်သေဆုံးတဲ့ အထိတော့ မတွေ့ရသေးဘူး။ ဝမ်းပျက်ဝမ်းလျှော လူနာတယောက်ကို ဆေးရုံကြီးပို့ပြီးပြီ ဆိုတာနဲ့ တပြိုင်နက်တည်း ဒေသန္တရ ကျန်းမာရေးဌာနကို သတင်းပို့တယ်။ သူတို့က ဆက်စပ်ပြီးတော့ အဲဒီမှာဆောင်ရန်၊ ရှောင်ရန်တို့၊ ဝမ်းပျက်ဝမ်းလျှော ကာကွယ်ရေးအတွက် ဆေးဖြန်းတာတို့၊ ဆေးခတ်တာတို့၊ အဲဒါတွေ လုပ်ကြတယ်ပေါ့။"

ရာသီအကူးအပြောင်း ဆိုပေမယ့် ပြီးခဲ့တဲ့ နှစ်တွေတုန်းက အခုလိုအချိန် ဝမ်းပျက်ဝမ်းလျှောလူနာ မတွေ့ရဘူးလို့ ပြောပါတယ်။ အစားအသောက်ကနေ တဆင့် ဖြစ်ပွားနိုင်လို့ သတိပြုစားသောက် နေထိုင်ဖို့ကိုလည်း တိုက်တွန်းထားပါတယ်။

"ကျနော်တို့ များသောအားဖြင့် ခန့်မှန်းကြည့်တာတော့ ဒီအစားအသောက်၊ အနေအထိုင်ပေါ့လေ။ အဲဒီအပိုင်းတွေက ဖြစ်ဖို့များနိုင်ပါတယ်။ အစားအသောက်ကလည်း ဘာဖြစ်လို့လဲဆိုတော့ ခေတ်အခြေအနေအရ ကြုံရာကျပန်းစားကြ သောက်ကြတာတွေက များတယ်လေ။ နောက်ပြီးတော့ လက်လုပ်ချဉ်တို့၊ ဆော့စ်အချဉ်တို့ ဒါတွေက များသောအားဖြင့် ဝမ်းပျက်ဝမ်းလျှောဖြစ်တတ်တဲ့ အစားအသောက်တွေလေ။ အဲဒါတွေ ရှောင်ကြဉ်ဖို့ရာ ပြောချင်တာပါပဲ။"

တနင်္သာရီတိုင်း၊ မြိတ်မြို့မှာလည်း အခုလထဲ ဝမ်းပျက်ဝမ်းလျှောကြောင့် ဆေးရုံပို့ရတဲ့လူနာဦးရေ များလာတယ်လို့ ပရဟိတအဖွဲ့တွေဆီက သိရပါတယ်။ မြိတ်မြို့ ပြည်သူ့ဆေးရုံကြီးမှာ ဝမ်းပျက်ဝမ်းလျှော လူနာတွေကို သီးသန့်အဆောင်နဲ့ထားတယ်လို့ ကူညီပေးနေသူတဦးက ပြောပါတယ်။

"အခုတလောကတော့ ဝမ်းပျက်ဝမ်းလျှောက နည်းနည်းတော့ အဖြစ်များလာတယ်။ ဒီ ၁၀ ရက်ဝန်းကျင်လောက်မှာ ဖြစ်လာတာပေါ့။ ငွေကြေးတတ်နိုင်တဲ့ သူတွေကတော့ အပြင်ဆေးခန်းသွားတာပေါ့။ သာမန်လူတွေကတော့ ဆေးရုံကြီးပဲ သွားတာများတယ်။ လူဦးရေကတော့ အခုဖြစ်သလောက် ဆိုရင်တော့ ၃၀ ဝန်းကျင်လောက်တော့ ရှိပြီပေါ့နော်။ အခြေအနေကတော့ မဆိုးပါဘူး။ ဆေးရုံရောက်သွားရင်တော့ အဆင်ပြေသွားတာများတယ်၊ အခုလောလောဆယ်တော့"

ဝမ်းပျက်ဝမ်းလျှော ရောဂါနဲ့ပတ်သက်ပြီး ကျန်းမာရေးဌာနက ရပ်ကွက်တွေထဲ လိုက်လံသတိပေးတာမျိုး ရှိတယ်လို့ ပြောပါတယ်။ ဝမ်းလျှောသူအများစုက အစားအသောက်ကြောင့် ဖြစ်တာများပြီး၊ ကာလဝမ်းရောဂါလို ကူးစက်ပျံ့နှံ့နေတဲ့ အနေအထားမျိုးတော့ မတွေ့ရသေးဘူးလို့ ပြောပါတယ်။

"ဆေးရုံရောက်လာတဲ့ လူနာတွေကို ဘာတွေစားလဲ မေးတယ်။ တချို့ကလည်းပဲ ကြံရည်နဲ့ ဘာနဲ့စားလိုက်တယ်ပေါ့။ အစားကနေပြီးတော့ ဖြစ်သွားတဲ့ပုံစံမျိုးပဲ တွေ့ရတယ်။ ဝမ်းနူးစာလိုမျိုး စားတယ်။ အခု ကျနော်တို့ဘက်မှာ ရာသီစာဘာရှိလဲဆို ဓနိရည်ချိုရှိတယ်။ တချို့ကလည်း ဓနိရည်ချိုသောက်လိုက်တယ်၊ ဘာနဲ့စားလိုက်တယ်။ တွဲဖက်ပြီးစားလိုက်တဲ့ အစာကြောင့်ပေါ့၊ ဝမ်းပျက်ဝမ်းလျှောဖြစ်တယ်။ အဲလိုမျိုးပဲ နည်းနည်းများတယ်။ တအိမ်ထဲမှာပဲ ကူးစက်ပြီးတော့ ကူးစက်ရောဂါ တခုလိုမျိုးတော့ ဖြစ်တာမရှိသေးတာပေါ့။ လောလောဆယ် ကျနော်တို့မြိတ်မှာ"

မြိတ်မြို့မှာ ပြီးခဲ့တဲ့ ရက်သတ္တပတ်ထဲ ငါးဖမ်းလှေလုပ်သား ၂ဦး ဝမ်းလျှောပြီး သေဆုံးခဲ့တယ်လို့ ပရဟိတအဖွဲ့တွေဆီက သိရပါတယ်။ မွန်ပြည်နယ်၊ ပေါင်မြို့နယ်မှာလည်း ပြီးခဲ့တဲ့ အောက်တိုဘာလ ကုန်ပိုင်းကစပြီး ဝမ်းပျက်ဝမ်းလျှောဖြစ်တဲ့ ရေလုပ်သားဦးရေ ၅၀ ဝန်းကျင်အထိ ရှိနေတယ်လို့ ဒေသတွင်းမီဒီယာတွေမှာ ဖော်ပြထားပါတယ်။

Credit - VOA

#သတင်းဟင်းလေးအိုးကြီး

ကာကွယ်ရေးဦးစီးချုပ်ရုံး(ကြည်း၊ ရေ၊ လေ) မိသားစုများ မဟာဘုံကထိန်အလှူတော်မင်္ဂလာအခမ်းအနားသို့ တပ်ချုပ် တက်ရောက်

နိုဝင်ဘာ ၁၃

ကာကွယ်ရေးဦးစီးချုပ်ရုံး(ကြည်း၊ ရေ၊ လေ)မိသားစုများ၏ ၂၀၂၄ ခုနှစ်မဟာ ဘုံကထိန်အလှူတော်မင်္ဂလာ အခမ်းအနားကို ယမန်နေ့နံနက်ပိုင်းတွင် ကာကွယ်ရေး ဦးစီးချုပ်ရုံး(ကြည်း) အနော်ရထာခန်းမ၌ ဆင်ယင် ကျင်းပပြုလုပ်ရာ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီး ဒေါ်ကြူကြူလှတို့ တက်ရောက်၍ ကထိန်လျာသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့သည်။

အခမ်းအနားသို့ နိုင်ငံတော် သံဃမဟာနာယကအဖွဲ့ ဥက္ကဋ္ဌ သန်လျင်မြို့၊ မင်းကျောင်းပထမပြန်စာသင်တိုက် ပဓာနနာယက အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ ဒေါက်တာ ဘဒ္ဒန္တစန္ဒိမာဘိဝံသ၊ နိုင်ငံတော် သံဃမဟာနာယကအဖွဲ့ အကျိုးတော်ဆောင် မန္တလေးမြို့၊ မစိုးရိမ်တိုက်သစ် မဟာနာယက၊ ဓမ္မသမိဒ္ဓိကျောင်း ဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ မဟာဓမ္မကထိက ဗဟုဇနဟိတဓရ ဘဒ္ဒန္တ ဝါသေဋ္ဌာဘိဝံသနှင့် ဥပ္ပါတသန္တိစေတီတော် ဂေါပကအဖွဲ့ ဩဝါဒါစရိယ ဆရာတော်ကြီးများ အမှူးပြုသည့် ပင့်ဖိတ်ထားသော ဆရာတော်ကြီး ၂၇ ပါး ကြွရောက်ချီးမြှင့်တော်မူကြပြီး နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ တပ်မတော်ကာကွယ်ရေးဦးစီးချုပ်၊ ဇနီးတို့နှင့်အတူ နိုင်ငံတော်စီမံအုပ်ချုပ်ရေး ကောင်စီ ဒုတိယဥက္ကဋ္ဌ၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်၊ ကောင်စီဝင် ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မောင်မောင်အေးနှင့် ဇနီး၊ ကာကွယ်ရေးဦးစီးချုပ်ရုံးမှ အဆင့်မြင့် တပ်မတော်အရာရှိကြီးများနှင့် ဇနီးများ၊ အရာရှိ၊ စစ်သည် မိသားစုများ တက်ရောက်ကြသည်။

ကာကွယ်ရေးဦးစီးချုပ်ရုံး(ကြည်း၊ ရေ၊ လေ) မိသားစု များ၏ ၂၀၂၄ ခုနှစ် မိသားစုမဟာဘုံကထိန် အလှူတော်မင်္ဂလာ အခမ်းအနားတွင် ရုံး၊ ဌာန အသီးသီးမှ ပဒေသာပင်စုစုပေါင်းအပင် ၉၀၊ ပစ္စည်းတန်ဖိုး ငွေကျပ် ၁၃၆၂၉၃၃၉၅ နှင့် ငွေသားတန်ဖိုးငွေကျပ် ၁၀၆၉၈၅၀၁၀ ဖြစ်သဖြင့် စုစုပေါင်း တန်ဖိုးငွေကျပ် ၂၄၃၂၇၈၄၀၅ ကိုလှူဒါန်းခဲ့ကြပြီး သက်ဆိုင်ရာဘုန်းတော်ကြီးကျောင်း အသီးသီးသို့ ရုံး၊ ဌာနများအလိုက် မော်တော်ယာဉ်များဖြင့် ဆက်လက်ပို့ဆောင် လှူဒါန်းခဲ့ကြသည်။

#centralnewsmyanmar

Manifestation result မြန်မြန်လိုချင်ရင်
1. စိတ်ရှင်းပြီး အေးချမ်းအောင်နေ
2. အတင်းမတုတ်နဲ့
3. အတင်းတုတ်တဲသူတွေ အပူတွေပြောနေတဲ့သူတွေအနားကဝေးဝေးရှောင်
4. ရေပုံမှန်ချိုး, အခန်း သန့်ရှင်းအောင်နေ, ခြေသည်းညှပ်, အဟောင်း အစုတ်တွေ လွှတ်ပစ်, ငွေပေးချေထားတဲ့ receipt တွေ လွှတ်ပစ်
5. ရေများများသောက်, နည်းနည်း energy မကောင်းသလိုခံစားရတာ ခေါင်းမကြည်တာနဲ့ ရေသောက်
6. ကိုယ့်ကိုကိုယ် ချစ်ပါ, လေးစားပါ
7. လိုချင်တဲ့အရာတွေ (crush, money,...) နဲ့ ကိုယ်က ထိုက်တန်တယ် ဆိုတာ မကြာခဏ တွေးပေး/ပြောပေးပါ
8. Angel numbers တွေမြင်လာတိုင်း ဘာကြောင့်လဲ မမေးဘဲ "ငါ့ manifestation result တွေနီးလာတဲ့ sign ပဲ" ဆိုတဲ့ mindset သွင်းပါ
9. Opposite result တွေ့လဲ လက်မလျှော့နဲ့, ဒီထက်ပိုကောင်းတာတွေ လာဖို့ လမ်းဖယ်ပေးတာလို့ တွေးပါ, အဲ့တာကတော့ တကယ်ပါ
Example - အသိကောင်လေးတစ်ယောက်ဆိုရင် အလုပ်ရှာနေတာ ၁ နှစ်ရှိပြီ, သူက job manifesting စလုပ်တော့ အလုပ်တစ်ခုက ရမလိုဖြစ်သွားတယ်, ဒါပေမယ့် reject ခံရတယ်, နည်းနည်းတော့ စိတ်ဓါတ်ကျပေမယ့် လက်မလျှော့ဘဲ ဆက်လျှောက်တယ်, ၁ လလဲကြာရော အဲ့ reject ထိတဲ့ အလုပ်လစာထက် ၃ ဆ ပိုပြီးရတဲ့ work from home အလုပ်ဖြစ်နေတယ်, reject ထိတဲ့အလုပ်က သူ့အိမ်နေရာထက်တောင် ဝေးတယ်, အဲ့အလုပ်သာရသွားခဲ့ရင် သူ့လစာ ရဲ့ တဝက်က အိမ်လခ/ကားခနဲ့တင် ကုန်မှာ, အဲ့တော့ ကိုယ်တောင်မသိနိုင်တဲ့ miracles တွေ possibilities တွေအရမ်းများတယ်, အတတ်နိုင်ဆုံး စိတ်မလျှော့ဘဲ manifest ပါလို့ တိုက်တွန်းချင်ပါတယ်
10. Result ကို စိတ်မစွဲပါနဲ့
တော်တော်များများ result တွေက မေ့လောက်ပြီး မတွေးတော့ရင် ရောက်လာတတ်ကြလို့ပါ
You don't chase, you attract 💗
Credit

(၇) ရက်သား/သမီး အဟောများ...

တနင်္ဂနွေ သား/သမီး
အလုပ်တွင် အပြိုင်အဆိုင်များသော်လည်း၊ရန်အတိုက်အခံများဖြင့်အောင်မြင်မှုရတတ်သည်။ငွေကြေးကံ မြင့်မားကောင်းမွန်နေမည်။ကျန်းမာရေး အကောင်းဘက်တွင်ရှိသော်လည်းရောဂါဟောင်းရှိသူများရောဂါ ပြန်ထလာတတ်၍ သတိပြုရမည်အချစ်ရေး ကံခေနေတတ်ပြီး၊ချစ်သူနှင့် စကားများရတတ်မည်။ချစ်သူ၏ အထင်မှားမှု ခံရတတ်မည်။အိမ်ထောင်ရေးကံ ညံ့တတ်၍ နေအိမ်တွင်နေလိုစိတ်မရှိဖြစ်နေတတ်မည်။ခရီးတိုတစ်ခုထွက်ပေးပါ။ပညာရေးကံပုံမှန်တွင်ရှိနေမည်။သင့်တင့်သော အောင်မြင်မှုမျိုးရနေမည်။
ယတြာ--
အင်္ဂါ မွန်းမလွဲမီ စေတီတစ်ဆူ၏ တနင်္ဂနွေထောင့်တွင် သြဇာ(၈) ညွန့်လှူပေးပါ။-----
တနင်္လာသား/သမီး
လုပ်ငန်း သင့်တင့်စွာအောင်မြင်နေတတ်သော်လည်း ရရန်ငွေကြေးများ နှောင့်နှေးတုံ့ဆိုင်း နေတတ်မည်။ကျန်းမာရေး ညံ့တတ်၍ဝမ်းပိုက်တွင်းထိုးအောင့်ခြင်း၊အသဲရောဂါ၊အစာအိမ်ရောဂါ ထဲမှ သတိပြုရမည်။အချစ်ရေးကံ ကောင်းမွန်၍ အဆင်ပြေနေပြမည်။အိမ်ထောင်ရေး ပြဿနာအထူးမရှိပါ။အိမ်ထောင်ဖက် ခရီးယာယီ ထွက်ရတတ်မည်။ပညာရေးကံမညံ့သော်လည်း ပညာရေးတွင် ကြိုးစားလိုစိတ်ပျောက်ဆုံးနေတတ်ခြင်း၊ရလွယ်မေ့လွယ် ဖြစ်နေတတ်ခြင်းမျိုး ဖြစ်နေတတ်၍ သတိပြုပါ။
ယတြာ-- တနင်္လာနေ့ မွန်းလွဲပိုင်းတွင် စေတီတစ်ဆူ၏ရင်ပြင်ကို တံမျက်စည်းလှည်း၍ သန့်ရှင်းပေးပါ။---
အင်္ဂါ သား/သမီး
အလုပ်၊ငွေကြေး သင့်တင့်စွာ တိုးတက်နေမည်။သို့သော် စာရွက်စာတမ်းကိစ္စကြာင့် စိတ်ပူပန်ရတတ်မည်။ကျန်းမာရေးပြဿနာအထူးမရှိပါ။ဆေးမှား၊အစာမှားခြင်းအတွက် သတိပြုထားရန်လိုပါမည်။အချစ်ရေးတွင် ချစ်သူ၏ စိတ်ကောက်မှုကြုံရတတ်၍ စိတ်ပူပန်ရတတ်မည်။အိမ်ထောင်ရေးကံ မညံ့သော်လည်း၊အိမ်ထောင်ဖက်ကျန်းမာရေးအညံ့ပေါ်တတ်ခြင်းကိုသတိပြုရမည်။ပညာရေး ကြိုးစားသလောက် အရာမထင်
ဖြစ်နေတတ်မည်။
ယတြာ--- တနင်္ဂနွေနေ့ မွန်းမလွဲမှီစေတီတစ်ဆူ၏ သောကြာထောင့်တွင်အုန်း(၆)ညွန့် လှူပေးပါ။---
ဗုဒ္ဓဟူး သား/သမီး
လုပ်ငန်း၊ငွေကြေးပိုင်းသိသာစွာ အောင်မြင် တိုးတက်မှုရှိမည်။ကျန်းမာရေး ညံ့တတ်၍အာရုံကြောရောဂါ၊နှလုံးရောဂါ၊အရေပြားရောဂါ ထဲမှ သတိပြုပါ။အချစ်ရေးတွင် လမ်းခွဲရန်ထိ ပြဿနာ ပေါ်တတ်မည်။အိမ်ထောင်ရေးကံ ကောင်းမွန်နေပြီး၊မိသားစုအပန်းဖြေ ရက်တိုခရီးမျိုး သွားရတတ်မည်။ပညာရေး ကံကောင်းမွန်၍ အထူးအောင်မြင်မှုများ ရတတ်မည်။
ယတြာ-- စေတီတစ်ဆူတွင် ဗုဒ္ဓဟူးနေ့ မွန်းမလွဲမှီရွှေသင်္ကန်းကပ်ရန်ရွှေဆိုင်း(၄) ခုစာ လှူပေးပါ။----
ကြာသပတေး သား/သမီး
အလုပ်၊ငွေကြေးပိုင်းတုံ့ဆိုင်း ဆုတ်ယုတ်မှုမျိုးကြုံရတတ်မည်။အလုပ်သမားပြဿနာ ဖြေရှင်းရခြင်းမျိုး ပေါ်ပေါက်တတ်မည်။ကျန်းမာရေး ညံ့တတ်၍ခေါင်းကိုက်ခြင်း၊ခြေဆစ် လက်ဆစ်များ ယောင်ယမ်းခြင်းမျိုးသတိပြုပါ။အချစ်ရေး
ကံ ကောင်းမွန်အဆင်ပြေနေမည်။အိမ်ထောင်ရေးပုံမှန်အခြေအနေတွင်ရှိနေမည်။ပညာရေး ကြိုးစားသလောက် အောင်မြင်မှုရမည်။ဝိရိယ ရှိရန်တော့ လိုပါမည်။
ယတြာ-- စေတီတစ်ဆူ၏ ကြာသပတေးထောင့်တွင် ကြာသပတေးနေ့ မွန်းလွဲနောက်ပိုင်း၌ အောင်လံအနီရောင် (၅) လက် လှူပေးပါ။----
သောကြာ သား/သမီး
အလုပ်တွင် အောင်မြင်မှု ရသင့်သလောက် ရနေတတ်သော်လည်း၊အချို့စာရွက်စာတမ်းကိစ္စမျိုးတွင် အထစ်အငေါ့ ကြုံနေရတတ်မည်။ကျန်းမာရေးကောင်းမွန်နေမည်။အချစ်ရေး ပြဿနာ အထူးမရှိပါ။သို့သော် ချစ်သူကိုယာယီ ဆက်သွယ်မရ ဖြစ်နေရတတ်မည်။အိမ်ထောင်ရေး ပြဿနာ အထူးမရှိပါ။စကားကတောက်ကဆ အနည်းငယ် ကြုံတတ်မည်။ပညာရေး အာရုံစိုက်နေရဖြစ်နေတတ်‌သော်လည်း၊သင့်တင့်သောအောင်မြင်မှုမျိုး ရပါမည်။
ယတြာ-- စေတီတစ်ဆူတွင် သောကြာ ‌ နေ့ မွန်းလွဲပိုင်း၌ လျှပ်စစ်မီးပူဇော်ရန် အလှူခံပုံးတွင် အလှူငွေ ငါးရာ(တတ်နိုင်လျှင်
ငါးထောင်)ထည့်လှူပေးပါ။----
စနေ သား/သမီး
လုပ်ငန်း ၊ငွေကြေးပိုင်းတိုးတက်ဖြစ်ထွန်းမှုများရှိမည်။ရပ်ဝေးမှ မိတ်သစ်များ ရရှိဆက်ဆံ လုပ်ကိုင်ရတတ်မည်။ကျန်းမာရေး
အညံ့ အထူး မရှိသော်လည်း အပူဝမ်းသွားခြင်း၊သွားဖုံးများ ယောင်ယမ်းခြင်း(အပူကန်၍)သတိပြုပါ။အချစ်ရေးကံ ညံ့တတ်၍ ချစ်သူ၏ ရုတ်တရက် အဆက်ဖြတ်ခြင်းမျိုး ကြုံရတတ်မည်။အိမ်ထောင်ရေးသာယာအဆင်ပြေနေမည်။ပညာရေး ကံ ကောင်းနေတတ်၍စာမရဘူးဟုကိုယ့်ကိုယ်ကို ထင်မှတ်နေသော်မှ အောင်မြင်မှုရတတ်မည်။
ယတြာ--- စနေနေ့ မွန်းမလွဲမှီ စေတီတစ်ဆူ၏ စနေထောင့်တွင် နှမ်းဆီဖြစ့် ဆီမီး(၇) ခွက် ထွန်းညှိ ပူဇော်ပေးပါ။

ဆရာဝင်းမင်း(B.Sc)

ဖားကန့်တွင် မြေစာပုံပြိုပြီး လူ ၁၀ ဦးကျော် ပျောက်ဆုံးနေ

နိုဝင်ဘာ ၁၃

ကချင်ပြည်နယ်၊ ဖားကန့်မြို့နယ်၊ မှော်ဆီစာရွာရှိ လုပ်ကွက်ဟောင်းနေရာတစ်ခု၌ နိုဝင်ဘာ ၁၀ ရက် ညပိုင်းက မြေစာများ စွန့်ပစ်နေချိန် ပြိုကျမှုဖြစ်ပွါးပြီး လူ ၁၀ဦးကျော် ပျောက်ဆုံးနေကြောင်း ဖားကန့်မြို့နယ်ရဲစခန်းမှ ရဲအရာရှိတစ်ဦးက ဆင်ဟွာသို့ ယနေ့(နိုဝင်ဘာ ၁၂ ရက်) ပြောသည်။

အဆိုပါ ကျောက်မျက်ကုမ္ပဏီ၏ လုပ်ကွက်ဟောင်းနေရာ၌ မြေစာများ စွန့်ပစ်နေချိန် ပြိုကျမှုကြောင့် မြေစာသယ်ကား နှစ်စီးနှင့်အတူ ရေမဆေးကျောက် ရှာဖွေနေသူများပါဝင်ခဲ့ကြောင်း ၎င်းကဆိုသည်။

“မျက်မြင်တွေပြောကြားချက်ကတော့ အဲဒီနားမြေစာလာစွန့်ချိန် ရေမဆေးကျောက်ရှာတဲ့သူ ၁၀ယောက်ဝန်းကျင်နဲ့ ကားပေါ်က ကားသမားတွေပါသွားတယ်ပြောတယ်၊ အတိအကျတော့ ပြောရခက်တယ်၊ အောက်ကရေကန်ကြီးဆိုတော့ ရှာဖို့အတော်ခက်ပြီ” ဟုဖားကန့်မြို့နယ် ရဲစခန်းမှ ရဲအရာရှိက ပြောသည်။

အဆိုပါ ပြိုကျမှုကြောင့် ပျောက်ဆုံးသွားသည့် ရေမဆေးကျောက်ရှာဖွေသူများကို ကျေးရွာအတွင်းရှိ လူမှုကယ်ဆယ်ရေးအဖွဲ့အချို့က ရှာဖွေကယ်ဆယ်ရေးဆောင်ရွက်ပေးလျက်ရှိကြောင်း ဒေသခံများထံမှ သိရသည်။

#centralnewsnaypyitaw

အရက်သမားဋီကာ (၄)