Discover postsExplore captivating content and diverse perspectives on our Discover page. Uncover fresh ideas and engage in meaningful conversations
ရာသီမကုန်ခင်မှာ မန်စီးတီးအတွက် ပြန်ကစားနိုင်ဖို့ ရိုဒရီ ရည်မှန်း
နိုဝင်ဘာ ၁၄
ဒူးအရွတ်(ACL)ဒဏ်ရာ ခွဲစိတ်မှု ခံယူထားရတဲ့ စပိန်ကွင်းလယ်လူ ရိုဒရီဟာ ဒီရာသီမကုန်ခင်မှာ မန်စီးတီးအသင်း အတွက် ပြန်ကစားပေးနိုင်ဖို့ ရည်မှန်းထားတယ်လို့ ပြောခဲ့ပါတယ်။
ရိုဒရီက “ကျနော်ဒီရာသီမှာ ကစားနိုင်ဖို့ စိတ်ထဲရှိနေပါတယ်။ အခုအချိန်မှာ ရာသီက ပိုရှည်ကြာပြီး ကလပ် ကမ္ဘာ့ဖလားပြိုင်ပွဲက ဇူလိုင် ၁၃ ရက်မှ အဆုံးသတ်မှာပါ။ ဒီရာသီမှာ ပြန်ကစားနိုင်ဖို့က စိန်ခေါ်မှုအဖြစ် ရှိနေပါ တယ်။ ကျနော်ဟာ စတင် လမ်းလျှောက်ပြီးပြီဖြစ်သလို ထင်ထားတာထက် ပိုပြီးကောင်းတယ်ဆိုတဲ့ ခံစားချက် ရရှိနေပါတယ်”လို့ COPE ကို ပြောခဲ့တာပါ။
ပြီးခဲ့တဲ့လကမှ ဘောလွန်းဒီအောဆုကို ရရှိခဲ့တဲ့ ရိုဒရီဟာ စက်တင်ဘာက အာဆင်နယ်အသင်းနဲ့ ယှဉ်ပြိုင်ခဲ့တဲ့ ပရီးမီးယားလိဂ်ပွဲစဉ်မှာ ဒူးအရွတ်ဒဏ်ရာ ရရှိခဲ့တာဖြစ်ပါတယ်။
အဲဒါကြောင့် အာဆင်နယ်အသင်းနဲ့ ပွဲစဉ်ဟာ ဒီရာသီ မန်စီးတီးအသင်းအတွက် ရိုဒရီ နောက်ဆုံး ကစားခဲ့တဲ့ ပွဲစဉ်ဖြစ်နိုင်တယ်လို့ သုံးသပ်ထားကြတာပါ။
ဒါပေမယ့် ရိုဒရီကတော့ ရာသီမကုန်ခင်မှာ မန်စီးတီးအသင်းအတွက် ပြန်ကစားပေးနိုင်ဖို့ မျှော်လင့်နေတာ ဖြစ်ပါတယ်။
မန်စီးတီးအသင်းဟာ ရိုဒရီ မပါဝင်နိုင်တဲ့ပွဲတွေမှာ ရလဒ်တွေဆိုးနေပြီး နောက်ဆုံးကစားခဲ့တဲ့ ၄ ပွဲစလုံး ရှုံးပွဲ ကြုံတွေ့ခဲ့တာပါ။
မန်စီးတီးအသင်းနည်းပြ ဂွာဒီယိုလာအတွက်လည်း သူ့ရဲ့နည်းပြဘဝမှာ ပထမဆုံးအကြိမ် ၄ ပွဲဆက်တိုက် ရှုံးပွဲ ကြုံတွေ့ခဲ့တာ ဖြစ်ပါတယ်။
မန်စီးတီးအသင်းဟာ ရှုံးပွဲတွေကြောင့် ကာရာဘောင်းဖလား ပြိုင်ပွဲကနေ ထွက်ခွာခဲ့ရသလို ပရီးမီးယားလိဂ် ပြိုင်ပွဲမှာ အဆင့် ၁ နေရာက လီဗာပူးလ်အသင်းနဲ့ ၅ မှတ် ကွာဟသွားခဲ့တာပါ။
ဂွာဒီယိုလာကတော့ ဒဏ်ရာရ ကစားသမားတွေ ပြန်ကောင်းလာချိန်မှာ သူတို့ရလဒ်ကောင်းတွေ ရယူနိုင်မယ်ဆို တာ ယုံကြည်မှုရှိတယ်လို့ ပြောထားပါတယ်။
မန်စီးတီးအသင်းဟာ နိုဝင်ဘာနိုင်ငံတကာ ပွဲစဉ်အပြီးမှာ ပရီးမီးယားလိဂ် ပွဲကြီးပွဲကောင်းအဖြစ် စပါးအသင်းနဲ့ ယှဉ်ပြိုင်ရမှာဖြစ်ပါတယ်။
Source: goal
ပုံ - ရိုဒရီကို တွေ့ရစဉ်
#centralnewsnaypyitaw
တန်းတက်ပြီးနောက် နေမာကိုခေါ်ဖို့ ဆန်းတို့စ် စိတ်ဝင်စား
နိုဝင်ဘာ ၁၄
ဆန်းတို့စ်အသင်းဟာ ဘရာဇီးလ်စီးရီးဘီကနေ စီးရီးအေကို တန်းတက်ပြီးနောက် သူတို့ရဲ့ တိုက်စစ်မှူးဟောင်း နေမာကို ပြန်ခေါ်ယူဖို့ စိတ်ဝင်စားနေပါတယ်။
၂၀၂၃ ခုနှစ်ရာသီက သမိုင်းတစ်လျှောက် ပထမဆုံးအကြိမ် စီးရီးဘီထံ တန်းဆင်းခဲ့ရတဲ့ ဆန်းတို့စ်အသင်းဟာ တစ်ရာသီအကြာမှာ စီးရီးအေကို တန်းပြန်တက်နိုင်ခဲ့တာပါ။
ဆန်းတို့စ်အသင်းဟာ ကော်ရီတီဘာအသင်းကို ၂ ဂိုး-ဂိုးမရှိနဲ့ အနိုင်ရခဲ့တာကြောင့် စီးရီးဘီပြိုင်ပွဲပြီးဆုံးဖို့ ၂ ပွဲ အလိုမှာ တန်းပြန်တက်ဖို့ သေချာသွားခဲ့တာ ဖြစ်ပါတယ်။
ဆန်းတို့စ်အသင်းဟာ ဘရာဇီးလ်စီးရီးဘီပွဲစဉ် ၃၆ ပွဲ ကစားအပြီးမှာ ရမှတ် ၆၈ မှတ်ရရှိကာ တန်းတက်မယ့် ၄ နေရာထဲက ၁ နေရာကို ရရှိခဲ့တာပါ။
ဆန်းတို့စ်အသင်းအကြီးအကဲ မာဆယ်လိုတိုင်ဇီရာက နေမာနဲ့ အယ်လ်ဟီလယ်အသင်းတို့ရဲ့ အနာဂတ် ဆုံးဖြတ် ချက်ကို စောင့်ဆိုင်းနေတယ်လို့ သူတို့တန်းပြန်တက်ပြီးနောက်မှာ ပြောခဲ့ပါတယ်။
နေမာနဲ့ အယ်လ်ဟီလယ်အသင်းရဲ့ စာချုပ်ဟာ ဒီရာသီကုန်ရင် ကုန်ဆုံးမှာဖြစ်ပြီး ဆော်ဒီကလပ်ဟာ သူ့ရဲ့ စာချုပ်ကို ဇန်နဝါရီလမှာ ဖျက်သိမ်းဖို့ စဉ်းစားနေတယ်လို့ သတင်းတွေ ထွက်နေပါတယ်။
ဆန်းတို့စ်အသင်း လူငယ်စီမံကိန်းကနေ ထွက်ပေါ်လာခဲ့တဲ့ နေမာဟာ ၂၀၁၃ ခုနှစ်မှာ ဘာစီလိုနာအသင်းထံ ပြောင်းခဲ့တာပါ။
မာဆယ်လိုတိုင်ဇီရာက “ကျနော်တို့ဟာ နေမာနဲ့ပတ်သက်ပြီး ရှင်းလင်းတဲ့ ရည်ရွယ်ချက်ရှိပါတယ်။ ဒါကို နေမာရဲ့ ဖခင်နဲ့ သူ့ရဲ့အဖွဲ့တွေက သိပါတယ်။ သူတို့က ကျနော့်ကိုလည်း သိသလို ဆန်းတို့စ်အသင်း အကြောင်းကိုလည်း သိပါတယ်။ သူ့မှာ စာချုပ်ရှိနေတဲ့အတွက် ကျနော်တို့ စောင့်ဆိုင်းရမှာပါ”လို့ သတင်းထောက်တွေနဲ့ တွေ့ဆုံချိန် ပြောခဲ့ပါတယ်။
နေမာဟာ တစ်နှစ်ကြာ အနားယူခဲ့ရတဲ့ ဒူးအရွတ်(ACL)ဒဏ်ရာကနေ ပြန်သက်သာပြီးနောက် အယ်လ်ဟီလယ် အသင်းအတွက် ၂ ပွဲ ပါဝင်ကစားအပြီးမှာ နောက်ထပ်ဒဏ်ရာ ရရှိခဲ့တာကြောင့် ရက်သတ္တပတ်အနည်းငယ် ထပ်ပြီး အနားယူရဦးမှာ ဖြစ်ပါတယ်။
Source: ESPN
ပုံ - နေမာကို တွေ့ရစဉ်
#သတင်းဟင်းလေးအိုးကြီး
Nail arts design for a Christmas 2024 trendy 💅
