အမေသင်းနှင့်သားများ Page မှ ကြိုဆိုပါတယ်

ရုရှားနှင့်ကုန်သွယ်မှု ဒေါ်လာ ၁၀၀ ဘီလျံအထိ ရောက်မည်ဟု အိန္ဒိယပြော

နိုဝင်ဘာ ၁၄

အိန္ဒိယနိုင်ငံခြားရေးဝန်ကြီး အက်စ် ဂျိုင်ရှန်ကာ (S Jaishankar) သည် ရုရှား၏ ဒုတိယဝန်ကြီးချုပ် ဒန်းနစ် မန်တူရော့ဗ် (Denis Manturov) နှင့် နိုဝင်ဘာ ၁၂ ရက်က နယူးဒေလီ (New Delhi) မြို့တော်တွင် အစည်းအဝေး ပြုလုပ်ခဲ့ကြောင်း India Express မှ ဖော်ပြခဲ့သည်။

၂၅ ကြိမ်မြောက် အစိုးရအချင်းချင်း ဆက်ဆံရေးကော်မရှင် အစည်းအဝေးတွင် ၎င်းတို့ ၂ ဦးသည် ကုန်သွယ်ရေး၊ စီးပွားရေး၊ သိပ္ပံနှင့်နည်းပညာ၊ ယဉ်ကျေးမှုပူးပေါင်း ဆောင်ရွက်ရေးတို့ကို ဆွေးနွေးခဲ့ကြသည်။

အိန္ဒိယနှင့် ရုရှားအကြား ကုန်သွယ်မှုသည် ပြီးခဲ့သည့် ၅ နှစ်အတွင်း ၅ ဆ ပိုမိုမြင့်တက်ခဲ့ကြောင်း၊ ယခုနှစ် ဇန်နဝါရီလမှ ဩဂုတ်လအတွင်း ကုန်သွယ်ရေးသည်လည်း ၉ ရာခိုင်နှုန်း မြင့်တက်ခဲ့သည်။

လက်ရှိတွင် နှစ်နိုင်ငံအကြား ကုန်သွယ်မှုတန်ဖိုးသည် ဒေါ်လာ ၆၀ ဘီလျံရှိနေပြီး ၂၀၃၀ ပြည့်နှစ်တွင် ကုန်သွယ်မှု တန်ဖိုး ဒေါ်လာ ၁၀၀ ဘီလျံအထိ ရောက်ရှိလိမ့်မည်ဟု မျှော်လင့်ကြောင်း ဂျိုင်ရှန်ကာက ပြောကြားခဲ့သည်။

ကုန်သွယ်ရေး ဟန်ချက်ညီမှုသည်လည်း ပိုမိုမြင့်တက်လာလိမ့်မည်ဟု မျှော်လင့်ကြောင်း ဂျိုင်ရှန်ကာက ပြောကြားခဲ့သည်။

မန်တူရော့ဗ်ကလည်း ယူရေးရှား စီးပွားရေး သမဂ္ဂ (EAEU) နှင့် အိန္ဒိယအကြား လွတ်လပ်သည့် ကုန်သွယ်ရေး သဘောတူညီချက် (FTA) ကို အပြီးသတ်ချုပ်ဆိုရန် မျှော်လင့်ကြောင်း ပြောကြားခဲ့သည်။

ထို့ပြင် အိန္ဒိယနှင့် ရုရှား ဘဏ်များအကြား ပူးပေါင်းဆောင်ရွက်မှု မြင့်တင်ရေးကိုလည်း ဆွေးနွေးခဲ့သည်။

လက်ရှိတွင် နှစ်နိုင်ငံစလုံး၌ အိန္ဒိယငွေကြေးနှင့် ရုရှားငွေကြေး ဖလှယ်မှုသည် ၉၀ ရာခိုင်နှုန်း ရှိသည်။

"သယ်ယူပို့ဆောင်ရေးကဏ္ဍမှာ ပူးပေါင်းကြိုးပမ်း အားထုတ်မှုတွေဟာလည်း တန်းတူညီမျှ အရေးအကြီးပါတယ်။ ကျနော်တို့ဟာ နှစ်နိုင်ငံအကြား တိုက်ရိုက်လေကြောင်းလိုင်းတွေ ချဲ့ထွင်ပြေးဆွဲဖို့ စိတ်ဝင်စားခဲ့ပါတယ်။ ကျနော် တို့ဟာ လေကြောင်းလိုင်းတွေ မကြာခဏ တိုးမြှင့်ပြေးဆွဲဖို့ ၊ လမ်းကြောင်း ကွန်ရက်တစ်ခု ဖော်ဆောင်ဖို့နဲ့ အိန္ဒိယ လေကြောင်းလိုင်း ခရီးစဉ်တွေ ပြန်စတင်ဖို့ မျှော်မှန်းထားပါတယ်"ဟု မန်တူရော့ဗ်က ပြောကြားခဲ့သည်။

Source: India Express

ပုံ - အိန္ဒိယနိုင်ငံခြားရေးဝန်ကြီး အက်စ် ဂျိုင်ရှန်ကာနဲ့ ရုရှားဒုတိယဝန်ကြီးချုပ် ဒန်းနစ် မန်တူရော့ဗ်ကို တွေ့ရစဉ်

#centralnewsnaypyitaw

my dream home 🌱

Purple is my soul’s favourite shade 💜🦄

မီးတောင်ပေါက်ကွဲမှုကြောင့်ဩစတြေးလျနှင့်အင်ဒို လေယာဉ်ခရီးစဉ်များဖျက်သိမ်းရ

ဆစ်ဒ်နီ၊နိုဝင်ဘာ ၁၃

ဩစတြေးလျနှင့်ဘာလီသို့ ပြေးဆွဲပျံသန်းလျက်ရှိသော လေယာဉ်ခရီးစဉ်များအားလုံးကို မီးတောင်ပေါက်ကွဲမှုမှထွက်ပေါ်လာသောပြာများကြောင့် ယာယီရပ်နားထားရကြောင်းသိရသည်။

သြစတြေးလျ၏ အကြီးဆုံးလေကြောင်းလိုင်းသုံးခုဖြစ်သည့် Qantas၊Virgin Australia နှင့် Jetstar တို့သည် အင်္ဂါနေ့နှင့်ဗုဒ္ဓဟူးနေ့များတွင် အင်ဒိုနီးရှားနိုင်ငံအရှေ့ဘက် နူဆာတန်ဂါရာပြည်နယ်ရှိ လီဝိုတိုဘီမီးတောင်ပေါက်ကွဲပြီးနောက် ဘာလီသို့ အသွားအပြန် ခရီးစဉ်များကို ဖျက်သိမ်းခြင်းနှင့် အချိန်ရွှေ့ဆိုင်းခြင်းများပြုလုပ်ခဲ့ကြသည်။

Qantas ၏ လုပ်ငန်းခွဲတစ်ခုဖြစ်သည့် Jetstar သည် အင်္ဂါနေ့ညနေပိုင်း၌ သြစတြေးလျမှ ဘာလီမြို့ Denpasar လေဆိပ်သို့ ၎င်း၏လေကြောင်းခရီးစဉ်အားလုံးကို ဖျက်သိမ်းခဲ့သည်ဟုလည်းသိရသည်။

"အင်ဒိုနီးရှားရှိ လီဝိုတိုဘီမီးတောင်ပေါက်ကွဲမှုကြောင့် ဖြစ်ပေါ်လာတဲ့ မီးတောင်ပြာတွေနဲ့ ဘာလီကျွန်းကို လည်ပတ်ဖို့ လောလောဆယ်မှာမလုံခြုံသေးပါဘူး" ဟုလည်း ထုတ်ပြန်ချက်တွင်ဖော်ပြထားသည်။

"ကျွန်တော်တို့ရဲ့ ဧည့်သည်တွေနဲ့ လေယာဉ်အမှုထမ်းတွေရဲ့ ဘေးကင်းရေးဟာ ကျွန်တော်တို့ရဲ့ အရေးအကြီးဆုံးဦးစားပေးဖြစ်ပါတယ်” ဟုလည်း လေကြောင်းလိုင်း၏ ပြောရေးဆိုခွင့်ရှိသူကပြောကြားခဲ့သည်။

အခြေအနေကိုအနီးကပ်စောင့်ကြည့်နေပြီး ပြန်လည်ပြေးဆွဲနိုင်မည့်အချိန်ကို အချိန်နှင့်တပြေးညီတင်ပြသွားမည်ဖြစ်သဖြင့် ၎င်းတို့လေကြောင်းလိုင်းဝက်ဘ်ဆိုက်ကို စောင့်ကြည့်နေပေးရန်လည်းတောင်းဆိုထားသည်။

တောင်ကြီးတန်ဆောင်တိုင် တတိယနေ့ ညမီးကြီးလွှတ်တင်မှု

#သတင်းဟင်းလေးအိုးကြီး

(၈) ကြိမ်မြောက် သီတဂူစက္ခုဒါန-သီတဂူမျက်စိအလှူတော် နိုဝင်ဘာ ၂၂ ရက် စတင်မည်

နိုဝင်ဘာ ၁၄

(၈) ကြိမ်မြောက် သီတဂူမျက်စိ အလှူတော်အစီအစဉ်ကို နိုဝင်ဘာလ ၂၂ ရက် စတင်မည်ဖြစ်ကြောင်း သီတဂူစက္ခုဒါနဆေးရုံ(ရန်ကုန်)မှ သိရသည်။

(၈) ကြိမ်မြောက် သီတဂူမျက်စိ အလှူတော်ကို ရန်ကုန်တိုင်းဒေသကြီး၊ ဒဂုံမြို့သစ်မြောက်ပိုင်းမြို့နယ်၊ သီတဂူစက္ခုဒါနဆေးရုံ(ရန်ကုန်)၌ သီတဂူအဖွဲ့က မြန်မာနိုင်ငံ အရပ်မျက်နှာအသီးသီးမှ မျက်စိဝေဒနာရှင် များအား ကြည့်ရှု စစ်ဆေးစမ်းသပ် ခွဲစိပ်ကုသခြင်းလုပ်ငန်းများကို အခမဲ့ (FOC) စီစဉ်ဖြင့် ဆောင်ရွက်ပေး သွားမည်ဖြစ်ကြောင်း သိရသည်။

ပြင်ပလူနာအား နိုဝင်ဘာလ ၂၂ ရက်၊ နိုဝင်ဘာလ ၂၃ ရက်၊ နိုဝင်ဘာလ ၂၄ ရက်နှင့် နိုဝင်ဘာလ ၂၅ ရက်နေ့များတွင် စမ်းသပ်ပေးမည်ဖြစ်ပြီး၊ ခွဲစိပ်လူနာများအား နိုဝင်ဘာလ ၂၃ ရက်၊ နိုဝင်ဘာလ ၂၄ ရက်၊ နိုဝင်ဘာလ ၂၅ ရက်၊ နိုဝင်ဘာလ ၂၆ ရက်နှင့် နိုဝင်ဘာလ ၂၇ ရက်တွင် ခွဲစိပ်ကုသပေးမည်ဖြစ်ကြောင်း သိရသည်။

နိုဝင်ဘာလ ၃၀ ရက်နေ့မှာ ခွဲစိပ်လူနာများအား ပြန်လည် ကြည့်ရှုပေးမည်ဖြစ်ပြီး၊ စာရင်းပေးထားပြီး မျက်စိဝေဒနာရှင်များအား လာရမည့် ရက်ကို ဖုန်းဆက် အကြောင်းကြားပေးမည်ဖြစ်ကြောင်း သိရသည်။

(၈) ကြိမ်မြောက် သီတဂူမျက်စိ အလှူတော်အတွက် စာရင်းလာပေးသူ လူဦးရေ ၁၀၀၀ ကျော် ရှိကြောင်း သိရသည်။

#centralnewsnaypyitaw

အရက်သမားဋီကာ (၅)

ညစ်ညမ်းစာများ ပါရှိတဲ့ "အမုန်းနဲ့ ပျိုးတဲ့ ချစ်ခြင်းအင်္လကာ" စာအုပ် ပုံနှိပ်ထုတ်ဝေသူတို့ တရားစွဲဆို အရေးယူခံရ

နိုဝင်ဘာ ၁၄

ညစ်ညမ်းစာများ ပါရှိတဲ့ စာရေးသူ Mahuyar ရဲ့ “1500 Mile to You” နဲ့ “အမုန်းနဲ့ ပျိုးတဲ့ ချစ်ခြင်းအင်္လကာ စာအုပ် တို့ကို ပုံနှိပ်ထုတ်ဝေသူတို့ကို ပြန်ကြားရေးဝန်ကြီးဌာနက တရားစွဲဆိုအရေးယူထားတယ်လို့ သိရပါတယ်။

အဲ့စာအုပ်တွေဟာ ၂၀၁၄ ခုနှစ် ပုံနှိပ်ခြင်းနဲ့ ထုတ်ဝေခြင်း လုပ်ငန်း ဉပဒေပုဒ်မ ၈၊ ပုဒ်မခွဲ (ဂ) ပါစည်းကမ်းချက်တွေကို ဖောက်ဖျက်ပြီး ဟီရိသြတ္တပ္ပကင်းသော၊ မြန်မာ့လူ့အဖွဲ့အစည်းက လက်မခံသော၊ လူငယ်များရဲ့ တွေးခေါ်မြော်မြင်မှုနဲ့ ခံစားနားလည်မှုကို လွဲမှားစေနိုင်တဲ့ ညစ်ညမ်းစာများ ပါရှိတယ်လို့ဆိုပါတယ်။

ပုံနှိပ်သူနဲ့ ထုတ်ဝေသူတို့ရဲ့ လုပ်ငန်းအသိအမှတ်ပြုလက်မှတ်ကို နိုဝင်ဘာ ၆ ရက်နေ့က ရုပ်သိမ်းခဲ့ပြီး အဲ့ စာအုပ်တွေကို တရားမဝင် ထုတ်ဝေစာတွေ ဖြစ်တယ်လို့ ထုတ်ပြန်ကြေညာထားခဲ့တယ်လို့ သိရပါတယ်။

ဒါအပြင် ပုံနှိပ်ထုတ်ဝေသူတို့ကို ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေနဲ့ အညီ တရားစွဲဆို အရေးယူသွားမယ်လို့လဲ သိရပါတယ်။

#သတင်းဟင်းလေးအိုးကြီး

တောင်ကြီးတန်ဆောင်တိုင်ပွဲတော် တတိယနေ့ မီးပုံးပျံလွှတ်တင်သည့်မြင်ကွင်း

ရိုက်ကူး - Lin Lin(TGI)

#centralnewsnaypyitaw