အင်ဒိုနီးရှားကအာဆီယံစီးပွားရေးဖိုရမ်ကိုအိမ်ရှင်အဖြစ်လက်ခံကျင်းပမည်

ပင်လယ်သမုဒ္ဒရာကို အခြေခံသည့် ရေရှည်တည်တံ့သော ဖွံ့ဖြိုးတိုးတက်မှုဆိုင်ရာ အကောင်းဆုံး လုပ်ဆောင်ချက်များကို အပြန်အလှန် မျှဝေဆွေးနွေးရန်အတွက် အင်ဒိုနီးရှားနိုင်ငံသည် လာမည့် သောကြာနေ့မှ စနေနေ့အထိ ဂျာဗားအရှေ့ပိုင်းပြည်နယ် ဘန်ယူဝမ်ဂီခရိုင် တွင် အာဆီယံအဖွဲ့ဝင်နိုင်ငံများနှင့် မိတ်ဖက်နိုင်ငံများ ပါဝင်မည့် နိုင်ငံတကာ အပြာရောင်စီးပွားရေး (Blue economy) ဖိုရမ်တစ်ခုကို အိမ်ရှင်အဖြစ် လက်ခံကျင်းပသွားမည် ဖြစ်သည်။
“ASEAN-ID Blue Forum” ဟု အမည်ရသည့် အဆိုပါဖိုရမ်ကို အင်ဒိုနီးရှားနိုင်ငံခြားရေးဝန်ကြီးဌာန၊ ပင်လယ်ပြင်ရေးရာနှင့် ငါးလုပ်ငန်းဝန်ကြီးဌာနတို့က နူးဇီလန်နိုင်ငံခြားရေးနှင့် ကုန်သွယ်ရေးဝန်ကြီးဌာနနှင့် ပူးပေါင်း၍ စီစဉ်ကျင်းပခြင်း ဖြစ်သည်။
အင်ဒိုနီးရှားနိုင်ငံခြားရေးဝန်ကြီးဌာနမှ တာဝန်ရှိသူတစ်ဦးဖြစ်သူ အတ်ဟ်ရန်တီ ဆာဒါနာရီနီ ဝီရာဂျူဒါ က တနင်္လာနေ့တွင် ပြောကြားရာ၌ ဘန်ယူဝမ်ဂီဒေသသည် ပင်လယ်ပြင်ထိန်းသိမ်းရေးလုပ်ငန်းကို ငါးလုပ်ငန်း၊ ခရီးသွားလုပ်ငန်း၊ အသေးစားစီးပွားရေးလုပ်ငန်းများနှင့် လူထုစွမ်းရည်မြှင့်တင်ရေးလုပ်ငန်းများအကြား အောင်မြင်စွာ ပေါင်းစပ်လုပ်ဆောင်နိုင်ခဲ့ခြင်းကြောင့် အဆိုပါဖိုရမ်ကျင်းပရာနေရာအဖြစ် ရွေးချယ်ခဲ့ခြင်းဖြစ်ကြောင်း သိရသည်။
၎င်းခရိုင်သည် အင်ဒိုနီးရှားနိုင်ငံအနေဖြင့် အခြားတက်ရောက်လာမည့် နိုင်ငံများနှင့် မျှဝေလိုသော ဖွံ့ဖြိုးတိုးတက်မှုပုံစံငယ်တစ်ခုကို ဖော်ဆောင်ပေးထားခြင်းဖြစ်ကြောင်း ၎င်းက ပြောကြားခဲ့သည်။
ယခုဖိုရမ်သို့ အာဆီယံအဖွဲ့ဝင်နိုင်ငံများ၊ အရှေ့အာရှထိပ်သီးအစည်းအဝေး တက်ရောက်မည့် နိုင်ငံများနှင့် ပစိဖိတ်ကျွန်းစုများဖိုရမ် အဖွဲ့ဝင်နိုင်ငံများမှ ကိုယ်စားလှယ်များ တက်ရောက်ကြမည်ဟု မျှော်လင့်ရပြီး၊ ဆွေးနွေးပွဲများတွင် အပြာရောင်စီးပွားရေးနှင့် ရေရှည်တည်တံ့သော ပင်လယ်ပြင်အရင်းအမြစ် စီမံခန့်ခွဲမှုဆိုင်ရာ ဒေသတွင်း ပူးပေါင်းဆောင်ရွက်မှုများ အားကောင်းလာစေရန် ဦးတည်ဆွေးနွေးသွားမည် ဖြစ်သည်။

ချင်းတွင်းမြစ်ရေနှင့် စစ်တောင်းမြစ်ရေ မြို့(၃)မြို့၏ စိုးရိမ်ရေမှတ်အထက်ရောက်ရှိနေ

မိုးလေဝသနှင့် ဇလဗေဒညွှန်ကြားမှုဦးစီးဌာန၏ ယနေ့ ဇူလိုင် ၁၅ ရက်နံနက် ၈ နာရီထုတ်ပြန်ချက်အရ ချင်းဘတွင်းမြစ်ရေနှင့် စစ်တောင်းမြစ်ရေတို့ မြို့(၃)မြို့၏ စိုး ရိမ်ရေမှတ်အထက်ရောက်ရှိနေကြောင်း သိရသည်။
ချင်းတွင်းမြစ်ရေသည် ဟုမ္မလင်းမြို့၏ စိုးရိမ်ရေမှတ်အထက် ပေဝက်ကျော်တွင်ရောက်ရှိနေပြီး လာမည့် ၂၄ နာရီအတွင်း၌ စိုးရိမ်ရေမှတ်အောက်ပြန်လည်ကျဆင်းလာနိုင်ကာ ဖောင်းပြင်မြို့တွင်လည်း ချင်းတွင်းမြစ်ရေမှာ မြို့၏ စိုးရိမ်ရေမှတ်အထက် ပေဝက်ကျော်တွင် ရောက်ရှိနေရာမှ လာမည့် ၂၄ နာရီအတွင်း ပေဝက်ခန့်ထပ်မံမြင့်တက်ကာ စိုးရိမ်ရေမှတ်အထက်၌ ဆက် လက်တည်ရှိနိုင်ကြောင်း သိရသည်။
ထို့ပြင် စစ်တောင်းမြစ်ရေသည် မဒေါက်မြို့၏ စိုးရိမ်ရေမှတ်အထက် (၁)ပေခန့်တွင်ရောက်ရှိနေပြီး လာမည့် ၂၄ နာရီအတွင်း ပေဝက်ခန့်ကျဆင်းလာနိုင်ပြီး မြို့၏ စိုးရိမ်ရေမှတ်အထက်တွင် ဆက်လက်တည်ရှိနိုင်ကြောင်း သိရသည်။
ထို့ကြောင့် ဟုမ္မလင်းမြို့နယ်၊ ဖောင်းပြင်မြို့နယ်၊ မဒေါက်မြို့နယ်တို့ရှိ မြစ်ကမ်းအနီးနှင့် မြေနိမ့်ပိုင်းနေ ထိုင်သူများအနေဖြင့် သတိပြုနေထိုင်ကြရန်နှင့် ရေ ဘေးလွတ်ရာနေရာများသို့ရှောင်ရှားကြရန် မိုးဇလကသတိပေးထားကြောင်း သိရသည်။

ငြိမ်းချမ်းမှုရှိမှသာ တိုင်းပြည်ဖွံ့ဖြိုးတိုးတက်မည်ဟု ပြည်ထောင်စုလွှတ်တော်နာယကနှင့် ပြည်သူ့လွှတ် တော်ဥက္ကဋ္ဌတို့ပြော

ငြိမ်းချမ်းမှုရှိမှသာ တိုင်းပြည်ဖွံ့ဖြိုးတိုးတက်မည်ဟု ပြည်ထောင်စုလွှတ်တော်နာယက ဦးအောင်လင်းဒွေးနှင့် ပြည်သူ့လွှတ်တော်ဥက္ကဋ္ဌဦးခင်ရီတို့က ပြောကြားခဲ့သည်။
၎င်းတို့နှစ်ဦးသည် ဇူလိုင် ၁၄ ရက်က တတိယအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေး (အဋ္ဌမမြောက်နေ့)ကိုလာရောက်လေ့လာသည့် မြန်မာ နိုင်ငံခရစ် ယာန်ဂိုဏ်းပေါင်းစုံငြိမ်းချမ်းရေးအထောက် အကူပြုဗဟိုကော်မတီမှ ဗဟိုကော်မတီဝင် သိက္ခာတော် ရ ဆရာဒေါက်တာမောရစ်လျန်နာနှင့် အဖွဲ့ဝင်များအားတွေ့ဆုံစဥ်ပြောကြားခဲ့ကြခြင်းဖြစ်သည်။
တွေ့ဆုံစဥ် ပြည်ထောင်စုလွှတ်တော်နာယကနှင့် ပြည် သူ့လွှတ်တော်ဥက္ကဋ္ဌတို့က ငြိမ်းချမ်းရေးအတွက် မြန် မာနိုင်ငံခရစ်ယာန်ဂိုဏ်းပေါင်းစုံငြိမ်းချမ်းရေးအ ထောက်အကူပြုဗဟိုကော်မတီ၏ ဆောင်ရွက်ချက်များကို ကျေးဇူးသည်ဟု ပြောကြားခဲ့ကြသည်။
ထို့ပြင် ငြိမ်းချမ်းမှုရှိမှသာ တိုင်းပြည်ဖွံ့ဖြိုးတိုးတက်မည်ဟုပြောကြားခဲ့ကြပြီး နိုင်ငံတော်မှ ငြိမ်းချမ်းရေးအ တွက် လက်ရှိဆောင်ရွက်နေမှုများကိုလည်း ရှင်းလင်းပြောကြားခဲ့ကြသည်။
ထို့အတူ သိက္ခာတော်ရဆရာ ဦးစောချစ်မျိုးကလည်း သာသနာရေးဆိုင်ရာများ၊ ငြိမ်းချမ်းရေးအတွက် ခရစ် ယာန်ဂိုဏ်းပေါင်းစုံမှကူညီဆောင်ရွက်နေမှုများ၊ မြန်မာပြည်ငြိမ်းချမ်းရေးအတွက် တိုင်းနှင့် ပြည်နယ်များတွင် ငြိမ်းချမ်းရေးဆုတောင်းပွဲများဆောင်ရွက်နေမှုတို့ကို ရှင်းလင်းတင်ပြခဲ့သည်။

စပါးစ်မှ ခရိုအေးရှားနောက်ခံလူဗူစကိုဗစ်ကို ကလပ်စံချိန်တင်ပြောင်းရွှေ့ကြေးဖြင့် ဘရိုက်တန် ခေါ်ယူအားဖြည့်လာ
====================

ဘရိုက်တန်ဟာ စပါးစ်မှ ခရိုအေးရှားနောက်ခံလူလူကာဗူစကိုဗစ်ကို ကလပ်စံချိန်တင် ပြောင်းရွှေ့ကြေး ပေါင် ၄၆ သန်းဖြင့် ခေါ်ယူလာပါတယ်။
ဘရိုက်တန်ဟာ ဗူစကိုဗစ်ကို ၅ နှစ်စာချုပ်ချုပ်ဆိုခဲ့တာ ဖြစ်ပြီး စာချုပ်တွင်းတွင် ၁ နှစ်သက်တမ်းတိုးနိုင်မယ့်အချက်ကိုလည်း ထည့်သွင်းချုပ်ဆိုထားပါတယ်။
ဘရိုက်တန်ဟာ ပြီးခဲ့တဲ့လတုန်းက အသက် ၁၉ နှစ်ရှိ နောက်ခံလူအား ခေါ်ယူရေး ၂ ကြိမ်တိုင်တိုင် ကမ်းလှမ်းမှု ပယ်ချခြင်းခံရပြီးနောက် ပေါင်သန်း ၅၀ အထိမြင့်မားလာနိုင်တဲ့ ပြောင်းရွှေ့ကြေးဖြင့် ကမ်းလှမ်းလာချိန်တွင်မှ သဘောတူညီမှု ရခဲ့တာပါ။
ဗူစကိုဗစ်ဟာ ၂၀၂၃ ခုနှစ်ကတည်းက စပါးစ်သို့ ပြောင်းရန် သဘောတူညီမှု ရရှိပြီးနောက် ၂၀၂၅ ခုနှစ်တွင်မှ စပါးစ်သို့ တကယ်တမ်း ပြောင်းခဲ့ပါတယ်။
သူဟာ စပါးစ်သို့ ရောက်လာပြီးနောက် ဟမ်းဘတ်သို့ အငှားချခြင်းခံခဲ့ရပြီး ဂျာမန်ကလပ်အတွက် ပွဲ ၃၀ ကစားခဲ့ကာ ဘွန်ဒက်စ်လီဂါဂိုး ၆ ဂိုးသွင်းနိုင်ခဲ့ပါတယ်။
ဘရိုက်တန်ဟာ ယခုနွေရာသီတွင် စပါးစ်သို့ ပေါင် ၅၂ သန်းဖြင့် ရောင်းချလိုက်တဲ့ နယ်သာလန်နောက်ခံလူဂျန်ပေါလ်ဗန်ဟက်ကီနေရာတွင် တိုက်ရိုက်အစားထိုးရန် ဗူစကိုဗစ်အား ခေါ်ယူလာတာပါ။
စပက်လစ်ဖွား ဗူစကိုဗစ်ဟာ Hajduk Split အကယ်ဒမီထွက်တစ်ဦးဖြစ်ပြီး အသက် ၁၆ နှစ်အရွယ်တွင်ပင် ကလပ်အတွက် ကစားခွင့်ရခဲ့ကာ အသက်အငယ်ဆုံးပွဲကစားခွင့်ရသူအဖြစ်လည်းကောင်း၊ အသက်အငယ်ဆုံးဂိုးသွင်းနိုင်သူအဖြစ်လည်းကောင်း သမိုင်းမှတ်တမ်းရေးထိုးထားပါတယ်။
သူဟာ ပြီးခဲ့တဲ့ရာသီတုန်းက ဘွန်ဒက်စ်လီဂါတွင် အကောင်းဆုံးခြေစွမ်းပြနိုင်ပြီးနောက် Rookie of the Season ဆုကို ဆွတ်ခူးခဲ့သလို တစ်နှစ်တာအကောင်းဆုံးအသင်းတွင်လည်း ရွေးချယ်ခြင်းခံခဲ့ရပါတယ်။
ဗူစကိုဗစ်ဟာ ခရိုအေးရှားအတွက် ၆ ပွဲကစားကာ ၁ ဂိုးသွင်းထားပြီး ကမ္ဘာ့ဖလားပြိုင်ပွဲတွင် ပါဝင်ကစားခဲ့ပါတယ်။
ဘရိုက်တန်ဟာ ဩဂုတ်လ ၂၃ ရက်နေ့ တနင်္ဂနွေနေ့တွင် ဗီလာအား အိမ်ကွင်းမှာ ဧည့်ခံကစားကာ ပရီးမီးယားလိဂ်ရာသီသစ်စတင်ရပါမယ်။

အင်္ဂလန်နှင့် အာဂျင်တီးနားတို့ရဲ့ ကမ္ဘာ့ဖလားဆီမီးဖိုင်နယ်ပွဲစဉ်အား ကြီးကြပ်မယ့် ဒိုင်လူကြီးအား ဖီဖာ ရွေးချယ်လာ
=======================

ဖီဖာဟာ ဗုဒ္ဓဟူးနေ့တွင် အင်္ဂလန်နှင့် အာဂျင်တီးနားတို့ ကစားမယ့် ကမ္ဘာ့ဖလားဆီမီးဖိုင်နယ်ပွဲစဉ်အား ကြီးကြပ်လာမယ့် ဒိုင်လူကြီးအား ရွေးချယ်လာပါမယ်။
၂၀၂၂ ကမ္ဘာ့ဖလားဗိုလ်လုပွဲတုန်းက စတုတ္ထဒိုင်လူကြီးအဖြစ် ဆောင်ရွက်ခဲ့တဲ့ အစ္စမေးလ်အယ်ဖတ်က အတ္တလန္တာတွင် ကစားလာမယ့် ကမ္ဘာ့ဖလားဆီမီးဖိုင်နယ်ပွဲစဉ်ကို ကြီးကြပ်လာမှာလည်း ဖြစ်ပါတယ်။
မော်ရိုကိုဖွားအယ်ဖတ်ဟာ အမေရိကန်တွင် မွေးဖွားသူဖြစ်ပြီး အာဂျင်တီးနားနှင့် ပြင်သစ်တို့ကစားခဲ့တဲ့ ကမ္ဘာ့ဖလားသမိုင်းတွင် အကြီးကျယ်ဆုံးဗိုလ်လုပွဲအဖြစ် တင်စားခြင်းခံခဲ့ရတဲ့ပွဲတွင် စတုတ္ထဒိုင်လူကြီးအဖြစ် တာဝန်ထမ်းဆောင်ခဲ့သူပါ။
ယင်းပွဲတွင် အာဂျင်တီးနားက ၃ ဂိုးစီသရေကျပြီးနောက် ပင်နယ်တီအဆုံးအဖြတ်တွင် ၄-၂ ဖြင့် အနိုင်ရကာ ဗိုလ်စွဲသွားခဲ့ပါတယ်။
ဒါ့အပြင် အယ်ဖတ်ဟာ မေဂျာလိဂ်တွင် တာဝန်ထမ်းဆောင်စဉ်အတွင်း အင်တာမိုင်ယာမီစတားလီယွန်နယ်မက်ဆီရဲ့ ပွဲ ၄ ပွဲကိုလည်း ကြီးကြပ်ဖူးပါတယ်။ ယင်း ၄ ပွဲလုံးတွင် မက်ဆီကစားနေတဲ့ အင်တာမိုင်ယာမီက အနိုင်ရထားပါတယ်။
ကမ္ဘာ့ဖလားပြိုင်ပွဲအတွင်းတွင် အာဂျင်တီးနားအသင်းဟာ မျက်နှာသာပေးခြင်းခံရတယ်ဆိုပြီး ဝေဖန်မှုများ ရှိနေမှုနှင့်အတူ အယ်ဖတ်ကိုင်တွယ်လာမဲ့ အင်္ဂလန်နှင့် အာဂျင်တီးနားပွဲစဉ်က စိတ်ဝင်စားမှု မြင့်တက်နေပါတယ်။
အယ်ဖတ်နှင့်အတူ စည်းကြပ်ဒိုင်များအဖြစ် အမေရိကန်ဒိုင်များဖြစ်ကြတဲ့ ကိုရေးပါကားနှင့် ကိုင်လီအက်ကင်တို့က ကြီးကြပ်သွားပါမယ်။
ယင်းပွဲတွင် စတုတ္ထဒိုင်လူကြီးအဖြစ် အီတလီဒိုင်များဖြစ်ကြတဲ့ မူရီဇီယိုမာရီယန်နှင့် ဒါနီရယ်ဘင်ဒိုနီ(အရန်လက်ထောက်ဒိုင်)တို့က ထမ်းဆောင်လာပါမယ်။
အာဂျင်တီးနားဟာ အီဂျစ်အား နောက်ကလိုက်ကစားကာ ၃-၂ ဖြင့် အနိုင်ရတဲ့ပွဲအပြီးတွင် ဒိုင်များရဲ့ မျက်နှာသာပေးခြင်းခံရတယ်ဆိုပြီး ဝေဖန်မှုများ ကြုံလာရတာပါ။
အီဂျစ်ဘောလုံးအဖွဲ့ချုပ်က ဖီဖာအား တိုင်ကြားထားပြီး ပြင်သစ်ဒိုင်လူကြီးဖရန်ကို့စ်လီတက်စ်စီယာနှင့် အဖွဲ့ကို ကမ္ဘာ့ဖလားမှ ထုတ်ပယ်ရန် တောင်းဆိုခဲ့ပါတယ်။
ဒါ့အပြင် ဆွစ်ဇာလန်ကစားသမားများဟာလည်း ကွာတားဖိုင်နယ်တွင် အာဂျင်တီးနားကို ရှုံးနိမ့်ပြီးနောက် ဒိုင်လူကြီးမှာ အာဂျင်တီးနားကို မျက်နှာသာပေးလွန်းတယ်လို့ ဝေဖန်မှုများ ပြုလုပ်ခဲ့ကြပါတယ်။

ဆွစ်ဇာလန်ရဲ့မန်ဇမ်ဘီအား ခေါ်ယူရေး အပြီးသတ်ရန် အက်စတွန်ဗီလာ လုပ်ဆောင်နေ
====================

အက်စတွန်ဗီလာဟာ နယူးကာဆယ်သို့ ရောက်လုနီးပါးဖြစ်နေတဲ့ ဖရိုင်းဘတ်အလယ်တန်းကစားသမားဂျိုဟန်မန်ဇမ်ဘီအား ခေါ်ယူရေး အပြီးသတ်နိုင်ဖို့ လုပ်ဆောင်နေပြီ ဖြစ်ပါတယ်။
နယူးကာဆယ်ဟာ မန်ဇမ်ဘီကို ပေါင်သန်း ၅၀ ခန့်ဖြင့် ခေါ်ယူရေး နီးစပ်နေခဲ့တာပါ။ နယူးကာဆယ်ဟာ အစောပိုင်းတုန်းက အခြားကလပ်များက မန်ဇမ်ဘီအား ခေါ်ယူရေး စိတ်ဝင်စားမှု နည်းပါးမှုနှင့်အတူ အေးအေးဆေးဆေး လုပ်ဆောင်နေခဲ့ကြတာပါ။
ဒါပေမဲ့ ဗီလာဟာ ယူရီတီလီမန်းစ်မှာ ယူနိုက်တက်သို့ ပြောင်းရေး ဆွေးနွေးလာမှုနှင့်အတူ မန်ဇမ်ဘီအား ခေါ်ယူရေး ချက်ချင်း လုပ်ဆောင်ကာ သဘောတူညီမှု ရရှိလာတာလည်း ဖြစ်ပါတယ်။
တဖက်တွင် ဗီလာဟာ ကမ္ဘာ့ဖလားပြိုင်ပွဲတွင် ဘယ်ဂျီယံကွင်းလယ်ကစားသမားအေဒူအိုနာနာမှာ ဒူးအရွတ်ဒဏ်ရာရရှိပြီး ကာလရှည်ကြာ အနားယူလာရမှာ ဖြစ်လို့ ကွင်းလယ်ကို မဖြစ်မနေ အားဖြည့်ရေး အပူတပြင်းလုပ်ဆောင်လာရပါတယ်။
မန်ဇမ်ဘီဟာ အစောပိုင်းတုန်းက နယူးကာဆယ်သို့ ပြောင်းရန် စိတ်အားထက်သန်နေခဲ့ပေမဲ့လည်း ချန်ပီယံလိဂ်ဝင်ခွင့် ရရှိထားတဲ့ အက်စတွန်ဗီလာက ကြိုးပမ်းလာချိန်မှာတော့ ချက်ချင်းပင် ခေါင်းညိတ်ခဲ့တာလည်း ဖြစ်ပါတယ်။
သူဟာ ပြီးခဲ့တဲ့မေလတုန်းက ယူရိုပါလိဂ်ဗိုလ်လုပွဲတွင် အူနိုင်းအမ်မရီရဲ့ ဗီလာနှင့် ရင်ဆိုင်ခဲ့ဖူးပြီး ၃-၀ ဖြင့် ရှုံ့းနိမ့်ခဲ့ပါတယ်။
အသက် ၂၀ နှစ်ရှိ ဆွစ်ဇာလန်စတားဟာ ၂၀၂၆ ကမ္ဘာ့ဖလားပြိုင်ပွဲတွင် ခြေစွမ်းပြခဲ့တဲ့ လူငယ်စတားများထဲမှ တစ်ဦးဖြစ်ပြီး ၅ ဂိုး(ဂိုး/ဖန်တီးမှု) ပြုလုပ်နိုင်ခဲ့ကာ ၁၉၆၆ ကမ္ဘာ့ဖလားနောက်ပိုင်း ဂိုးတွင် ပါဝင်ပတ်သက်မှု အများဆုံးလူငယ်အဖြစ် ရပ်တည်ထားသူလည်း ဖြစ်ပါတယ်။
ဗီလာဟာ ယူအီးအက်ဖ်အေရဲ့ ဘဏ္ဍာရေးကန့်သတ်ချက်များကြောင့် ငွေသုံးစွဲရာတွင် အထူးဂရုစိုက် အသုံးပြုနေရပြီး ဘယ်နောက်ခံလူလူးကပ်စ်ဒီဂနီကိုလည်း ပီအက်စ်ဂျီသို့ ရောင်းချရန် လုပ်ဆောင်နေပါတယ်။
ဒါ့အပြင် ဗီလာဟာ တိုက်စစ်မှူးလီဝစ်ဒေါ့ဘင်ကိုလည်း ဆောက်သမ်တန်သို့ ပေါင် ၉ သန်းဖြင့် ရောင်းချရန် လုပ်နေပါတယ်။
ဒေါ့ဘင်ဟာ ပြီးခဲ့တဲ့ရာသီတုန်းက ပရက်စတန်တွင် အငှားဖြင့် သွားကစားခဲ့သူ ဖြစ်ပြီး ဝက်စ်ဘရွန်းနှင့် နော့ဝှစ်ချ်တို့မှာလည်း ကစားခဲ့ဖူးပါတယ်။
သူဟာ ၂၀၂၄ ခုနှစ်တွင် အဲဗာတန်မှ ပေါင် ၁၀ သန်းဖြင့် ပြောင်းလာပြီးနောက် ဗီလာအတွက် တစ်ပွဲမျှ ကစားခွင့် မရထားသူလည်း ဖြစ်ပါတယ်။

ကမ္ဘာ့ဖလားဆီမီးဖိုင်နယ်တွင် ဒီကလန်ရိုက်စ် ပွဲထွက်/မထွက် နောက်ဆုံးအချိန်တွင်မှ အင်္ဂလန်ဆုံးဖြတ်လာမည်
=====================

အင်္ဂလန်ဟာ အာဂျင်တီးနားနှင့် ကမ္ဘာ့ဖလားဆီမီးဖိုင်နယ်ပွဲစဉ်တွင် ဒီကလန်ရိုက်စ် ပွဲထွက်ကစား/မကစားအား ပွဲကစားရန် နီးကပ်လာချိန်တွင်မှ ဆုံးဖြတ်ချက်ချလာပါမယ်။
ဒါပေမဲ့ အင်္ဂလန်ဟာ အဖျားဝေဒနာ ရိုက်ခတ်မှု ကြုံခဲ့ရတဲ့ အာဆင်နယ်ကွင်းလယ်ကစားသမားမှာ ဗုဒ္ဓဟူးနေ့ပွဲစဉ်တွင် ပါဝင်ကစားလာနိုင်မယ်လို့ အပြုသဘောဆောင်တဲ့ ယုံကြည်မှု ရှိနေပါတယ်။
ရိုက်စ်ဟာ စနေနေ့တုန်းက မိုင်ယာမီတွင် နော်ဝေအား အနိုင်ရတဲ့ ကွာတားဖိုင်နယ်ပွဲစဉ်မတိုင်မီ အဖျားဝေဒနာခံကစားခဲ့ရသူဖြစ်ပြီး ပထမပိုင်းအပြီးတွင် လူစားလဲလှယ်ခြင်းခံခဲ့ရပါတယ်။
ပွဲအပြီးတွင် အင်္ဂလန်နည်းပြသောမတ်စ်တူချယ်က ဒီကလန်ရိုက်စ်မှာ အချိန်ပိုတွင် နော်ဝေအား ၂-၁ ဖြင့် အနိုင်ရတဲ့ပွဲမတိုင်မီ အိပ်ယာထက်တွင် ၃ ရက်နီးပါး လဲနေခဲ့ရကြောင်း ဆိုခဲ့ပါတယ်။
ဒီကလန်ရိုက်စ်ဟာ အဖျားဝေဒနာမှ ပြန်လည်ကောင်းမွန်လာပြီဖြစ်ပေမဲ့ ကြံ့ခိုင်မှု ပြည့်ဝခြင်း မရှိသေးဘူးလို့ ယုံကြည်ရပါတယ်။ ဒါပေမဲ့ ဝက်စ်ဟမ်းအသင်းခေါင်းဆောင်ဟောင်းဟာ ပြီးခဲ့တဲ့ ၄၈ နာရီအတွင်းမှာတော့ တိုးတက်မှုများ ရှိနေပါတယ်။
ဒါကြောင့်လည်း သောမတ်စ်တူချယ်ဟာ အာဂျင်တီးနားနှင့်ပွဲတွင် ဒီကလန်ရိုက်စ် ပွဲထွက်ကစားလာနိုင်မယ်လို့ ယုံကြည်မှု မြင့်မားလာနေပါတယ်။
ဒါပေမဲ့လည်း အင်္ဂလန်ဆေးအဖွဲ့ဟာ အဖျားဝေဒနာကြုံခဲ့ရတဲ့ ဒီကလန်ရိုက်စ်အား ပွဲကစားခါနီး နောက်ဆုံးအချိန်တွင်မှ ပွဲထွက်ကစားသမားအဖြစ် သုံးသင့်/မသုံးသင့်ကို ဆုံးဖြတ်လာပါမယ်။
တဖက်တွင် ဒီကလန်ရိုက်စ်ဟာ အာဆင်နယ်တွင် ကစားစဉ်အတွင်း ဖနောင့်ပြဿနာ၊ ကျောအောက်ပိုင်း ပြဿနာတို့နှင့် ကြုံလာရတာ လအတန်ကြာပြီလည်း ဖြစ်ပါတယ်။
အင်္ဂလန်အတွက် ၇၈ ပွဲကစားထားတဲ့ ဒီကလန်ရိုက်စ်ဟာ အင်္ဂလန်ရဲ့ ကမ္ဘာ့ဖလားပွဲ ၆ ပွဲတွင် ၅ ပွဲအား ပွဲထွက်ကစားထားသူဖြစ်ပြီး ပနားမားအား ၂-၀ ဖြင့် အနိုင်ရတဲ့ အုပ်စုပွဲတွင်သာ အနားပေးခြင်းခံထားရပါတယ်။

ချဲလ်ဆီးတွင် ဖာနန်ဒက်ဇ်ကို ဆက်ထိန်းထားလိုကြောင်း အလွန်ဆို ပြောကြားလာ
===================

ချဲလ်ဆီးနည်းပြသစ်ဇာဘီးအလွန်ဆိုက စတမ်းဖို့ဒ်ဘရစ်ချ်တွင် အန်ဇိုဖာနန်ဒက်ဇ်အား ဆက်လက် ထိန်းထားလိုကြောင်း ဖွင့်ဟ ပြောကြားလာပါတယ်။
အသက် ၂၅ နှစ်ရှိ ကွင်းလယ်ကစားသမားဟာ အာဂျင်တီးနားနှင့်အတူ အင်္ဂလန်နှင့် ရင်ဆိုင်ကစားရမဲ့ ကမ္ဘာ့ဖလားဆီမီးဖိုင်နယ်ပွဲစဉ်အတွက် ပြင်ဆင်နေသူ ဖြစ်ပြီး အသင်းပြောင်းရန် တံခါးဖွင့်ပေးထားခဲ့သလို ရီးရဲလ်မက်ဒရစ်သို့ ပြောင်းမယ်လို့ သတင်းထွက်ခဲ့ပါတယ်။
ဒါပေမဲ့ နောက်ပိုင်းတွင် ရီးရဲလ်မက်ဒရစ်က အာဂျင်တီးနားကွင်းလယ်ကစားသမားအား ခေါ်ယူရေးအတွက် တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း ဆက်သွယ်ခြင်း မရှိကြောင်း ကြေညာထားပါတယ်။
ချဲလ်ဆီးဘက်ကလည်း ဖာနန်ဒက်ဇ်အတွက် ပေါင်သန်း ၁၂၀ အထိ အလိုရှိနေပါတယ်။
ချဲလ်ဆီးနည်းပြသစ်အဖြစ် မိတ်ဆက်ပွဲတွင် ဖာနန်ဒက်ဇ်အား ထိန်းထားလိုသလားလို့ မေးမြန်းလာချိန်တွင် အလွန်ဆိုက "ဟုတ်ပါတယ်။ ကျွန်တော်တို စကားပြောပြီးပါပြီ။ ဒါပေမဲ့ ခင်ဗျားလည်း နားလည်မှာပါ။ ကျွန်တော်တို့ ပြောခဲ့တာတွေက သီးသန့်အဖြစ် ရှိနေပါမယ်"လို့ ပြောကြားသွားပါတယ်။
ဒါ့အပြင် လေဗာကူဆင်နှင့် ရီးရဲလ်မက်ဒရစ်နည်းပြဟောင်းက ဘိုင်ယန်မြူးနစ်သို့ အငှားဖြင့် သွားရောက်ကစားခဲ့တဲ့ တိုက်စစ်မှူးနီကိုလပ်စ်ဂျက်ဆင်မှာ အသင်းရဲ့ ဩစတြေးလျရာသီကြိုလေ့ကျင့်ခန်းအစီအစဉ်နှင့် ပူးပေါင်းလာမှာ ဖြစ်ကြောင်း ဆိုသွားပါတယ်။
တဖက်တွင် အာဂျင်တီးနားတောင်ပံကစားသမားအလီဂျန်ဒရိုဂါနာချိုမှာ ကြာသပတေးနေ့မှ စတင်ခဲ့တဲ့ ချဲလ်ဆီးရဲ့ ရာသီကြိုလေ့ကျင့်ခန်းအစီအစဉ်နှင့် ပူးပေါင်းရန် ပျက်ကွယ်ခဲ့ပါတယ်။
ယင်းနှင့်ပတ်သက်ပြီး အလွန်ဆိုက ဂါနာချိုအား အသင်းပြောင်းရေး ကြိုးပမ်းနေစဉ် အသင်းနှင့် မပူးပေါင်းခွင့်ပေးထားကြောင်း ဆိုသွားပါတယ်။ ဂါနာချိုဟာ ယခုနွေရာသီတွင် ချဲလ်ဆီးမှ ထွက်ခွာလာမှာ ဖြစ်ပြီး ရိုးမားအပါအဝင် ကလပ်များနှင့် ဆွေးနွေးမှုများ ပြုလုပ်နေပါတယ်။

ကမ္ဘာ့ဖလားဒိုင်လူကြီးစာရင်းမှ ဖယ်ရှားခြင်းခံရပြီး ရက်သတ္တပတ်အနည်းငယ်အကြာတွင် ဒတ်ချ်ဒိုင်လူကြီး သေဆုံး
=====================

ဒတ်ချ်ဒိုင်လူကြီးရော့ဘ်ဒိုင်းပီရင့်ခ်ဟာ ဗြိတိန်တွင် လိင်အကြမ်းဖက်မှုဖြင့် ရဲတပ်ဖွဲ့ရဲ့ စုံစမ်းစစ်ဆေးခြင်းခံရမှုကြောင့် ကမ္ဘာ့ဖလားဒိုင်လူကြီးများစာရင်းမှ ဖယ်ရှားခြင်းခံရပြီ ရက်သတ္တပတ်အတန်ကြာတွင် သေဆုံးလာခဲ့ပါတယ်။
ဒိုင်းပီရင့်ခ်ဟာ ကမ္ဘာ့ဖလားပြိုင်ပွဲတွင် VAR ဒိုင်အဖြစ် တာဝန်ထမ်းဆောင်ရန် ရွေးချယ်ခြင်းခံခဲ့ရပေမဲ့လည်း မေလတုန်းက ဖယ်ရှားခြင်းခံခဲ့ရပါတယ်။
အသက် ၃၈ နှစ်ရှိ ဒိုင်ဟာ ဧပြီလတုန်းက ဆယ်ကျော်သက်လူငယ်လေးတစ်ဦးအား လိင်အနိုင်ကျင့်မှုအတွက် Metropolitan Police ရဲ့ဖမ်းဆီးထိန်းသိမ်းခြင်းခံခဲ့ရပေမဲ့ သက်သေအထောက်အထားနည်းပါးမှုကြောင့် အမှုမှ လွတ်မြောက်သွားခဲ့ပါတယ်။
လက်ရှိအချိန်တွင် ဒိုင်းပီရင့်ခ်မှာ ဘယ်လို အကြောင်းကြောင့် သေဆုံးသွားလဲဆိုတာ မသိရသေးပါဘူး။
ဒိုင်းပီရင့်ခ်ဟာ ၂၀၁၇ ခုနှစ်မှ စတင်ကာ ဒတ်ချ်အဆင့်မြင့်တန်းလိဂ်တွင် တာဝန်ထမ်းဆောင်လာခဲ့သူဖြစ်ပြီး ယူရို ၂၀၂၄ ပြိုင်ပွဲတွင်လည်း တာဝန်ထမ်းဆောင်ခဲ့ပါတယ်။
ကမ္ဘာ့ဖလားဒိုင်စာရင်းမှ ဖယ်ရှားခြင်းခံရပြီးနောက် ဒိုင်းပီရင့်ခ်က ၎င်းမှာ မှားယွင်းစွပ်စွဲခြင်းခံရခြင်းမျှသာ ဖြစ်ကြောင်း ဒတ်ချ်သတင်းစာ De Telegraaf နှင့် အင်တာဗျူးတွင် ပြောကြားသွားခဲ့ပါတယ်။
ဒိင်းပီရစ်ခ်ဟာ ဧပြီလ ၉ ရက်နေ့တုန်းက ခရစ္စတယ်ပဲလေ့စ်က ဖီအိုရင်တီးနားကို ၃-၀ ဖြင့် အနိုင်ရတဲ့ ကွန်ဖရင့်လိဂ်ကွာတားဖိုင်နယ်ပထမအကျော့ပွဲစဉ်တွင် VAR ဒိုင်အဖြစ် တာဝန်ထမ်းဆောင်ခဲ့သူပါ။
ယင်းနောက် သူဟာ ယင်းနေ့မှာပင် ဆယ်ကျော်သက်လူငယ်တစ်ဦးအား လိင်အနိုင်ကျင့်မှုအတွက် တိုင်ကြားခြင်းခံခဲ့ရပြီးနောက် ဖမ်းဆီးထိန်းသိမ်းခြင်းခံခဲ့ရတာပါ။
ဒါပေမဲ့ ရဲတပ်ဖွဲ့က အမှုကို စုံစမ်းစစ်ဆေးမှုများ ပြုလုပ်ပြီးချိန်တွင် ခိုင်လုံတဲ့သက်သေအထောက်အထား မတွေ့ရှိမှုကြောင့် ရုတ်သိမ်းခဲ့ပါတယ်။

နည်းပြဟောင်းဆလာဗန်ဘီလစ်ကို နည်းပြသစ်အဖြစ် ခရိုအေးရှားခန့်အပ်လာ
====================

ခရိုအေးရှားဟာ အမျိုးသားလက်ရွေးစင်အသင်းနည်းပြသစ်အဖြစ် နည်းပြဟောင်းဆလာဗန်ဘီလစ်ကို ပြန်လည်ခန့်အပ်လာပါတယ်။
ဘီလစ်ဟာ ခရိုအေးရှားအသင်းကို ၂၀၀၆ ခုနှစ်မှ ၂၀၁၂ ခုနှစ်အထိ ကိုင်တွယ်ခဲ့ဖူးပြီး ဇလတ်ကိုဒါလစ်နေရာမှာ အစားထိုးခန့်အပ်ခြင်းခံခဲ့ရတာပါ။
ဇလတ်ကိုဒါလစ်ဟာ ကမ္ဘာ့ဖလား ၃၂ သင်း ရှုံးထွက်အဆင့်တွင် ပေါ်တူဂီကို ရှုံးနိမ့်ကာ ထွက်ခွာရပြီးနောက် ရာထူးမှ နုတ်ထွက်သွားခဲ့ပါတယ်။
ဘီလစ်ဟာ ခရိုအေးရှားလက်ရွေးစင်နောက်ခံလူဟောင်းတစ်ဦးဖြစ်ပြီး ၄၄ ပွဲကစားခဲ့ကာ ၁၉၉၈ ကမ္ဘာ့ဖလားတွင် ဆီမီးဖိုင်နယ်သို့အထိ တက်ခဲ့ဖူးပါတယ်။
သူဟာ ခရိုအေးရှားအသင်းကို ပထမအကြိမ် ကိုင်တွယ်စဉ်တုန်းက ၆၅ ပွဲ ကြီးကြပ်ခဲ့ရာမှာ ၄၂ ပွဲနိုင်၊ ၁၅ ပွဲသရေ၊ ၈ ပွဲရှုံး မှတ်တမ်း ရယူနိုင်ခဲ့ပါတယ်။
ဘီလစ်ဟာ အင်္ဂလန်တွင် ဝက်စ်ဟမ်း၊ ဝက်စ်ဘရွန်း၊ ဝက်ဖို့ဒ်တို့ကို ကိုင်တွယ်ဖူးပြီး နောက်ဆုံး ကိုင်တွယ်ခဲ့တဲ့ ကလပ်က ၂၀၂၃-၂၄ ရာသီတုန်းက ဆော်ဒီကလပ် Al-Fateh အား ကိုင်တွယ်ခဲ့တာ ဖြစ်ပါတယ်။