မိုးကုတ်နဲ့ နှစ်မိုင်အကွာမှာ တိုက်ပွဲဖြစ်နေ

မိုးကုတ်မြို့ကို အစိုးရတပ်တွေ ဝင်ရောက်ပြီး တရက်အကြာမှာပဲ ဒေသတွင်းလက်နက်ကိုင် PDF တွေနဲ့ အစိုးရတပ်အကြား တိုက်ပွဲတွေ ဖြစ်ပွားနေတယ်လို့ မိုးကုတ်မြို့ခံတွေဆီက သိရပါတယ်။
မိုးကုတ်မြို့နဲ့ နှစ်မိုင်လောက်သာ ကွာဝေးတဲ့ ကျေးရွာဘက်မှာ နှစ်ဖက်ထိတွေ့ တိုက်ပွဲ ဖြစ်ပွားနေတာဖြစ်ပြီး အစိုးရတပ်ဘက်က မြေပြင် ပစ်ခတ်မှုအပြင် ဒရုန်းတိုက်ခိုက်မှုလည်း လုပ်နေတယ်လို့ သိရပါတယ်။
" ဆက်အင်းပြန့်ရွာ ဒလ၀န်ကုန်းမှာ ဖြစ်နေတာပါ ။ မိုးကုတ်မြို့ကနေ ချောင်းကြီးရွာသွားတဲ့လမ်းမှာ ဖြစ်နေတာပါ။ PDF တွေ ဆုတ်ပေးလိုက်ရတဲ့ လမ်းကြောင်းဘက်ကို စစ်တပ်က တိုးရင်းကနေ တိုက်ပွဲဖြစ်တာ ။ ခုထိဖြစ်နေတယ် ညောင်သုံးပင်ကျောင်းကနေ စစ်တပ် ဘက်က ဒရုန်း နှစ်စီးနဲ့ ဆက်အင်းဘုန်းကြီး ကျောင်းနား တ၀ိုက်အတက်အဆင်းလုပ်ပြီးကြဲနေတယ် ။" လို့ လုံခြုံရေးအရ အမည်မဖော်လိုသူ မြို့ခံကပြောပါတယ်။
မိုးကုတ်မြို့ပြင်မှာ ဖြစ်နေတဲ့ တိုက်ပွဲကြောင့် မြို့ခံတွေအနေနဲ့ မြို့တွင်းမှာ အသွားအလာကြဲသွားသလို တိတ်ဆိတ်ငြိမ်သက် နေတယ်လို့ သိရပါတယ်။
လက်ရှိမှာ ​မိုးကုတ်ရောက်ရှိနေတဲ့ အစိုးရတပ်တွေက လက်နက်ကြီး ပစ်ခတ် အသုံးပြုနိုင်ဖို့အတွက် ပြင်ဆင်နေတယ်လို့ မြို့ခံ ကပြောပါတယ်။
"လတ်တလောမှာတော့ မြို့လယ်ခေါင် တည့်တည့်က ဘောလုံးကွင်းထဲမှာ ဟောင်ဝှစ်ဇာ လက်နက်ကြီးတွေ ဆင်နေတယ် ။ ခုဖြစ်နေတဲ့ နေရာက မြို့နဲ့နီးတော့ အကုန်မြင်နေရတယ် ။ မြို့ထဲတိတ်ဆိတ်သွားတယ်။ " လို့ မြို့ခံက ပြောပါတယ်။
အစိုးရတပ်တွေဟာ TNLA လုံခြုံရေးပေးမှုကြောင့် မိုးကုတ်မြို့ကို နိုဝင်ဘာ ၂၉ ရက်နေ့ ညနေပိုင်းမှာ ကားတန်း အစီး ၁၀၀ လောက်နဲ့ ဝင်ရောက်လာတာဖြစ်ပြီး လက်ရှိလည်း မြို့ထဲမှာ TNLA တပ်တွေ ရှိနေသေးကြောင်း သိရပါတယ်။
မိုးကုတ်မြို့ ပြင်ဘက်မှာတော့ PDFတွေက နေရာယူထားဆဲ ဖြစ်တာကြောင့် လက်ရှိမှာ အစိုးရတပ်နဲ့ PDF အကြား တိုက်ပွဲတွေ ဖြစ်ပွားနေတာဖြစ်တယ်လို့ သိရပါတယ်။
မိုးကုတ်မြို့ကိုတော့ ၁၀၂၇ စစ်ဆင်ရေး ကာလအတွင်း ၊ ၂၀၂၄ ခုနှစ် ဇူလိုင်လမှာ TNLA နဲ့ ဒေသတွင်း လက်နက်ကိုင် တပ်တွေပူးပေါင်းပြီး ထိန်းချုပ်နိုင်ခဲ့တာဖြစ်ပြီး သိမ်းပိုက်ပြီး တနှစ်ကျော်အကြာမှာ မိုးကုတ်မြို့ကို အစိုးရတပ်ဆီကို TNLA က ပြန်လည် လွှဲပြောင်းပေးခဲ့တာ ဖြစ်ပါတယ်။
မိုးကုတ်မြို့ကို TNLA ထိန်းချုပ်ထားတဲ့ တနှစ်ကျော် ကာလအတွင်းမှာ လေကြောင်းကနေ ဗုံးကြံ တိုက်ခိုက်ခံရမှု ဖြစ်စဥ်ကြောင့် လူသေဆုံးမှု အများအပြားရှိခဲ့သလို ထိခိုက်ဒဏ်ရာရသူ နဲ့ နေအိမ် အဆောက်အဦ ၊ ဘာသာရေး အဆောက်အအုံတွေလည်း ပျက်စီးမှုတွေ ရှိခဲ့တယ်လို့ သိရပါတယ်။

ယူကရိန်းနဲ့ ဆွေးနွေးပြီးနောက် အမေရိကန် အထူးသံတမန် ရုရှားသွားမယ်

အမေရိကန်ပြည်ထောင်စုဟာ ယူကရိန်းငြိမ်းချမ်းရေးအစီအစဉ်နဲ့ပတ်သက်ပြီး ဆွေးနွေးဖို့ အထူးသံတမန်ဖြစ်သူ စတိဗ်ဝှစ်အော့ဖ်ကို ယခုအပတ်မှာ ရုရှား စေလွှတ်ဖို့ စီစဉ်ထားပါတယ်။
သမ္မတထရန့်ရဲ့ အထူးသံတမန်ဖြစ်သူ ဝစ်အော့ဖ်ရဲ့ ရုရှားခရီးစဉ်ဟာ တနင်္ဂနွေနေ့က ဖလော်ရီဒါမှာ ကျင်းပတဲ့ အမေရိကန်-ယူကရိန်းဆွေးနွေးပွဲအပြီးမှာ ထွက်ပေါ်လာတာဖြစ်ပြီး နှစ်ဖက်စလုံးက ဆွေနွေးပွဲဟာ အကျိုးဖြစ်ထွန်းတယ်လို့ ဆိုကြပါတယ်။
ဝစ်အော့ဖ်ဟာ တနင်္လာနေ့မှာ ရုရှားနိုင်ငံ မော်စကိုသို့ ထွက်ခွာသွားမယ်လို့ အမေရိကန်အစိုးရ အရာရှိတယောက်က ထုတ်ဖော်ပြောကြားပါတယ်။ သံတမန်ဟာ ရုရှားသမ္မတ ဗလာဒီမာပူတင်နဲ့ တွေ့ဆုံဖွယ်ရှိပါတယ်။
ဒါပေမယ့် ရုရှားနဲ့ ဆွေးနွေးပွဲတွေမှာ အခက်အခဲတွေ ကြုံတွေ့ရနိုင်တယ်လို့ အမေရိကန်နိုင်ငံခြားရေးဝန်ကြီး မာကိုရူဘီယိုကတော့ တနင်္ဂနွေနေ့မှာ ယူကရိန်းနဲ့ပြုလုပ်တဲ့ ဆွေးနွေးပွဲအပြီးမှာ ပြောပါတယ်။ ။ လုပ်ဆောင်ရမယ့် အလုပ်များစွာ ရှိနေသေးပြီး သိမ်မွေ့ ရှုပ်ထွေးတယ်လို့ သူကဆိုပါတယ်။
နိုင်ငံခြားရေးဝန်‌ကြီး ရူဘီယိုဟာ အထူးသံတမန် ဝစ်အော့ဖ်နဲ့အတူ ယူကရိန်းနဲ့ဆွေးနွေးပွဲကို တက်ရောက်ခဲ့ပါတယ်။ ယူကရိန်းကိုယ်စားလှယ်အဖွဲ့ကိုတော့ ယူကရိန်းအမျိုးသားလုံခြုံရေးနဲ့ ကာကွယ်ရေးကောင်စီ အတွင်းရေးမှူး ရပ်စတမ်ယူမီရော့ဗ်က ဦးဆောင်ခဲ့ပါတယ်။
ဆွေးနွေးပွဲမှာတော့ ယူကရိန်းမှာ ရွေကောက်ပွဲအသစ်တွေကျင်းပဖို့ ဖြစ်နိုင်ခြေရှိတဲပ အချိန်ဇယားအပြင် ရုရှားနဲ့ ယူကရိန်းအကြား နယ်မြေပိုင်ဆိုင်မှုတွေကို အဓိကဆွေးနွေးခဲ့တယ်လို့ အမေရိကန်အစိုးရ ထိပ်တန်းတာဝန်ရှိသူကို ကိုးကားပြီး Wall Street ဂျာနယ်က ဖော်ပြထားပါတယ်။
ဆွေးနွေးပွဲတွေ တိုးတက်မှုရှိလိမ့်မယ်လို့ မျှော်လင့်ကြောင်း ၊ ရုရှားက ဒီပြဿနာကို အဆုံးသတ်လိုပြီး ယူကရိန်းကလည်း ဒီလိုဖြစ်ဖို့ ဆန္ဒရှိနေတယ်လို့ ဒေါ်နယ်ထရန့်က သတင်းထောက်တွေရဲ့ မေးမြန်းမှုကို ပြောပါတယ်။

စင်ကာပူမှာ မူးစ်ဆေးဝါးမှုနဲ့ လူသုံးယောက်ကို ကြိုးပေးကွပ်မျက်

စင်ကာပူနိုင်ငံမှာ မူးယစ်ဆေးဝါးပြစ်မှုတွေအတွက် လူသုံးယောက်ကို ပြီးခဲ့တဲ့အပတ်က ကြိုးပေးကွပ်မျက်ခဲ့ပြီး ယခုနှစ်အတွင်း စုစုပေါင်း ၁၇ ယောက်အထိ ကွပ်မျက်ခဲ့ကာ ၂၀၀၃ ခုနှစ်နောက်ပိုင်း အမြင့်ဆုံးဖြစ်ပါတယ်။
လူသုံးယောက်ကို ကြိုးပေးကွပ်မျက်မှုဟာ မူးယစ်ဆေးဝါးပြစ်မှုတွေအတွက် သေဒဏ်ကို ဆန့်ကျင်တဲ့ ဖွဲ့စည်းပုံအခြေခံဥပဒေဆိုင်ရာ စိန်ခေါ်မှုတရပ်ကို ကြားနာဖို့ တပတ်အလိုမှာ ဖြစ်ပွားခဲ့တာပါ။ စင်ကာပူနိုင်ငံဟာ ကမ္ဘာ့အပြင်းထန်ဆုံး မူးယစ်ဆေးဝါးတိုက်ဖျက်ရေးဥပဒေအချို့ရှိတဲ့ အရှေ့တောင်အာရှနိုင်ငံတနိုင်ငံဖြစ်ပါတယ်။
နိုင်ငံတွင်းမှာ ဒိုင်ယာမော်ဖင်း ၁၅ ဂရမ်၊ ကိုကင်း ၃၀ ဂရမ်၊ မက်သာဖက်တမင်း ၂၅၀ ဂရမ်နဲ့ ဆေးခြောက် ၅၀၀ ဂရမ်ထက်ပို ရောင်းချခြင်း၊ ပေးကမ်းခြင်း၊ သယ်ယူပို့ဆောင်ခြင်း အပါအဝင် မှောင်ခိုရောင်းဝယ်မှုနဲ့ ပြစ်ဒဏ်ချမှတ်ခံရသူ ဘယ်သူမဆို သေဒဏ်ချမှတ်ခံရမှာဖြစ်ပါတယ်။
မူးယစ်ဆေးဝါးမှုတွေမှာ စင်ကာပူရဲ့ မဖြစ်မနေ သေဒဏ်ပေးခြင်းဟာ ဖွဲ့စည်းပုံအခြေခံဥပဒေဆိုင်ရာအရ ဥပဒေရဲ့ တန်းတူကာကွယ်မှုကို ချိုးဖောက်တာလို့ ဖွဲ့စည်းပုံအခြေခံဥပဒေဆိုင်ရာ စိန်ခေါ်မှုကို တင်သွင်းခဲ့တဲ့ တက်ကြွလှုပ်ရှားသူ ခုနစ်ယောက်ကဆိုပါတယ်။
စင်ကာပူရဲ့ ရက်စက်ကြမ်းကြုတ်တဲ့ မူးယစ်ဆေးဝါး ထိန်းချုပ်ရေးကြောင့် အစိုးရဟာ ကမ္ဘာ့ဇာတ်ခုံမှာ အထီးကျန်ဆန်လာနေပါပြီး မူးယစ်ဆေးဝါး ပြစ်မှုတွေအတွက် လူတွေကို ကွပ်မျက်နေဆဲ နိုင်ငံအနည်းငယ်ထဲက တနိုင်ငံဖြစ်တယ်လို့ ဒေသခံ တက်ကြွလှုပ်ရှားသူအဖွဲ့ Transformative Justice Collective က ထောက်ပြခဲ့ပါတယ်။
စင်ကာပူအစိုးရကတော့ သေဒဏ်ကို ဖယ်ရှားလိုက်တာဟာ ပိုပြီးဆိုးရွားတဲ့ အကျိုးဆက်တွေကို ဖြစ်ပေါ်စေနိုင်တယ်လို့ ဆိုပါတယ်။ ဒီထဲမှာ ပိုပြီးပြင်းထန်တဲ့ ရာဇဝတ်မှု၊ အကြမ်းဖက်မှု၊ မူးယစ်ဆေးဝါးနဲ့ ဆက်စပ်တဲ့ သေဆုံးမှုတွေ၊ အပြစ်မဲ့ ကလေးငယ်တွေ သေဆုံးမှုတွေ ပါဝင်တယ်လို့ ပြည်ထဲရေးဝန်ကြီး K Shanmugam က ဒီနှစ်အစောပိုင်းမှာ ပြောကြားခဲ့ပါတယ်။
ပြီးခဲ့တဲ့ ဗုဒ္ဓဟူးနေ့နဲ့ ကြာသပတေးနေ့မှာ ကွပ်မျက်ခံရသူတွေထဲမှာ ၂၀၁၃ ခုနှစ်၊ နိုဝင်ဘာလ ၂၁ ရက်နေ့ ညမှာ မလေးရှားကနေ စင်ကာပူကို ဟီးရိုးအင်းလို့လည်း လူသိများတဲ့ diamorphine ၃၀၁.၆ ဂရမ် သယ်ဆောင်မှုနဲ့ အပြစ်ရှိကြောင်း တွေ့ရှိခဲ့တဲ့ ထောက်ပံ့ပို့ဆောင်ရေး ယာဉ်မောင်း Saminathan Selvaraju လည်း ပါဝင်ပါတယ်။

အင်ဒိုနီးရှားရေဘေး သေဆုံးသူ ၅၀၀ ကျော်လာပြီး နောက်ထပ် ၅၀၀ ပျောက်ဆုံး

အင်ဒိုနီးရှားနိုင်ငံမှာ ပြီးခဲ့တဲ့အပတ်က ဖြစ်ပွားခဲ့တဲ့ ရေကြီးရေလျှံမှုတွေ ကြောင့် သေဆုံးသူဦးရေဟာ ၅၀၀ ကျော်အထိ မြင့်တက်လာပြီး ကယ်ဆယ်ရေးသမားတွေဟာ ရေဘေးသင့်‌ဒေသတွေကို ရောက်ရှိဖို့ ရုန်းကန်နေရဆဲဖြစ်ပါတယ်။
အစိုးရ၏ သဘာဝဘေးအန္တရာယ်အေဂျင်စီ၏ အဆိုအရ မလက္ကာရေလက်ကြားပေါ်မှာ ဖြစ်ပေါ်လာတံ့ ရှားရှားပါးပါး ဆိုင်ကလုန်းမုန်တိုင်းကြောင့် ဖြစ်ပွားခဲ့တဲ့ ရေကြီးရေလျှံမှုတွေဟာ ပြည်နယ်သုံးခုကို ထိခိုက်စေခဲ့ပြီး လူပေါင်း ၁‌ ဒဿမ ၄ သန်း ရေဘေးသင့်ခဲ့ပါတယ်။
နောက်ထပ် လူ ၅၀၀ ပျောက်ဆုံးနေဆဲဖြစ်ပြီး ထောင်ပေါင်းများစွာ ဒဏ်ရာရရှိခဲ့ပါတယ်။ အရှေ့တောင်အာရှ‌ရှိ အင်ဒိုနီးရှားမှာ မကြာသေးမီရက်တွေအတွင်း မိုးသည်းထန်စွာရွာသွန်းမှုနဲ့ မုန်တိုင်းဒဏ်ကို ခံစားခဲ့ရသလို ထိုင်း၊ မလေးရှားနံ့ သီရိလင်္ကာတို့မှာလည်း ရေကြီးရေလျှံမှုတွေကြောင့် သေဆုံးသူ ထောင်ကျော်ရှိလာပါတယ်။
အင်ဒိုနီးရှား အာချေး၊ မြောက်ဆူမာတြားနဲ့ အနောက်ဆူမာတြားပြည်နယ်တို့ဟာ အဆိုးရွားဆုံးထိခိုက်ခဲ့ပြီး ထောင်ပေါင်းများစွာသော ဒေသခံတွေဟာ လမ်းပန်းဆက်သွယ်ရေး ပြတ်တောက်နေပြီး အရေးပေါ် စားနပ်ရိက္ခာတွေ လိုအပ်နေပါတယ်။
ရေကြီးရေလျှံမှုတွေဟာ ဆူနာမီဝင်လာတယ်လို့ အာချေးပြည်နယ် ပီဒီဂျာယာ ခရိုင်မှ ဒေသခံ အာရီနီ အမာလီယာကပြောပါတယ်။ "ကျွန်မရဲ့အဖွားပြောတာက ဒါဟာ အဆိုးရွားဆုံး၊ သူ့ဘဝမှာ အဆိုးရွားဆုံးပါပဲ" လို့ အမာလီယာက ဆိုပါတယ်။
ဒေသခံ အတော်များများဟာ အစားအစာအကူအညီကို စောင့်ဆိုင်းနေကြဆဲဖြစ်ပြီး တချို့က နှစ်ရက်သုံးရက်လောက် မစားရသေးဘူးလို့ ပြောပါတယ်။ အင်တာနက်ချိတ်ဆက်မှုနဲ့ သန့်ရှင်းတဲ့ရေလိုမျိုး အခြေခံလိုအပ်ချက်တွေ ရရှိဖို့အတွက် ဒေသခံတွေဟာ ကီလိုမီတာပေါင်းများစွာ လမ်းလျှောက်ရတယ်လို့ ပြောပါတယ်။
ဒေသန္တရအာဏာပိုင်တွေက Starlink စက်ပစ္စည်းတွေ ထောက်ပံ့ပေးထားတဲ့ အာချေးပြည်နယ် အလယ်ပိုင်းမှာ အုပ်ချုပ်ရေးမှူးရုံးရှေ့မှာ တနင်္ဂနွေနေ့ညက ထောင်ပေါင်းများစွာသော လူတွေ တန်းစီစောင့်ဆိုင်းနေခဲ့ကြပါတယ်။
"လိုင်းမမိတာ ငါးရက်ရှိပြီ။ ကွန်ရက်ပြန်ကောင်းလာမလားဆိုပြီး မနေ့ကကတည်းက စောင့်နေတာ။ ဘန်ဒါအာချေးက အမေ့ကို ဖုန်းဆက်ဖို့ စီစဉ်ထားပေမယ့် အခုချိန်ထိ အမေ့ကို ဆက်သွယ်လို့ မရသေးဘူး" လို့ ဒေသခံတယောက်က ပြောပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(ဒီဇင်ဘာ - ၂ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၂၂၅ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၉၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၈၇၀၀၀၀ ကျပ်
ဝယ်ဈေး ၈၈၃၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၄၇၀၀၀၀ ကျပ်
ဝယ်ဈေး ၈၄၃၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၇၅၀၀၀၀ ကျပ်
ဝယ်ဈေး ၈၇၁၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၃၅၀၀၀၀ ကျပ်
ဝယ်ဈေး ၈၃၁၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၂ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၅၀ ကျပ်
ဝယ်ဈေး - ၃၉၅၀ ကျပ်
-စင်္ကာပူဒေါ်လာ
ရောင်းဈေး - ၃၁၂၀ ကျပ်
ဝယ်ဈေး - ၃၀၄၅ ကျပ်
-ယူရို
ရောင်းဈေး - ၄၇၀၀ ကျပ်
ဝယ်ဈေး - ၄၅၈၅ ကျပ်
-ထိုင်းဘတ်
ရောင်းဈေး - ၁၂၆.၅၈ ကျပ်
ဝယ်ဈေး - ၁၂၃.၄၆ ကျပ်
-မလေးရှားရင်းဂစ်
ရောင်းဈေး - ၉၇၉ ကျပ်
ဝယ်ဈေး - ၉၅၅ ကျပ်
-တရုတ်ယွမ်
ရောင်းဈေး - ၅၇၂ ကျပ်
ဝယ်ဈေး - ၅၅၈ ကျပ်
-ဂျပန်ယန်း
ရောင်းဈေး - ၂၆ ကျပ်
ဝယ်ဈေး - ၂၅.၃၆ ကျပ်
-အိန္ဒိယရူပီး
ရောင်းဈေး - ၄၅.၁၉ ကျပ်
ဝယ်ဈေး - ၄၄.၀၈ ကျပ်
-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၆၉ ကျပ်
-စတာလင်ပေါင်
ရောင်းဈေး - ၅၃၅၀ ကျပ်
ဝယ်ဈေး - ၅၂၂၀ ကျပ်
-ဩစတြေးလျဒေါ်လာ
ရောင်းဈေး - ၂၆၅၃ ကျပ်
ဝယ်ဈေး - ၂၅၈၈ ကျပ်
-ကနေဒါဒေါ်လာ
ရောင်းဈေး - ၂၈၉၂ ကျပ်
ဝယ်ဈေး - ၂၈၂၁ ကျပ်
-ဟောင်ကောင်ဒေါ်လာ
ရောင်းဈေး - ၅၂၀ ကျပ်
ဝယ်ဈေး - ၅၀၇ ကျပ်
-ယူအေအီး
ရောင်းဈေး - ၁၁၀၂ ကျပ်
ဝယ်ဈေး - ၁၀၇၅ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

ဗလက္ကာယပြုကျင့်ရန် ကြိုးပမ်းမှုဖြင့် အင်္ဂလန်နှင့် ပရီးမီးယားလိဂ်စတားဟောင်း ဖမ်းဆီးခြင်းခံရ
=======================

အင်္ဂလန်နှင့် ပရီးမီးယားလိဂ်ကစားသမားဟောင်းတစ်ဦးဟာ အမျိုးသမီးတစ်ဦးကို ဗလက္ကာယပြုကျင့်ရန် ကြိုးပမ်းမှုဖြင့် ဖမ်းဆီးခြင်းခံလာရပါတယ်။
၂၀၁၀ ခုနှစ်များတုန်းက အင်္ဂလန်အတွက် ကစားခွင့်ရခဲ့တဲ့ ကစားသမားဟောင်းဟာ ချစ်သူဟောင်းကို ဗလက္ကာယပြုကျင့်ရန် ကြိုးပမ်းမှု သံသယမှုဖြင့် စတန်စတက်တွင် ဖမ်းဆီးထိန်းသိမ်းခြင်းခံခဲ့ရတာလည်း ဖြစ်ပါတယ်။
လက်ရှိအချိန်တွင် ဥပဒေကြောင်းအရ အမည်ဖော်ပြနိုင်ခြင်းမရှိတဲ့ ကစားသမားဟောင်းဟာ အာမခံဖြင့် ပြန်လည်လွတ်မြောက်လာပါတယ်။
သူဟာ ချစ်သူဟောင်းရဲ့ တိုင်ချက်ဖွင့်ခြင်းခံရပြီးနောက် တနင်္ဂနွေနေညတုန်းက နိုင်ငံခြားခရီးစဉ်မှ အပြန် စတန်းစတက်လေယာဉ်တွင် ရဲတပ်ဖွဲ့ရဲ့ ဖမ်းဆီးထိန်းသိမ်းခြင်းခံခဲ့ရတာလည်း ဖြစ်ပါတယ်။
ချစ်သူဟောင်းဟာ လွန်ခဲ့တဲ့ရက်သတ္တပတ်အနည်းငယ်ခန့်ကတည်းက တိုင်ချက်ဖွင့်လှစ်ထားတာ ဖြစ်ပြီး အက်စ်ဆက်စ်ရဲတပ်ဖွဲ့က စုံစမ်းစစ်ဆေးမှုများ ပြုလုပ်ခဲ့ပါတယ်။
သူမက ယင်းကစားသမားနှင့် ချစ်ကြိုက်နေစဉ်အတွင်း ဗလက္ကာယပြုကျင့်ရန် ကြိုးပမ်းခြင်းခံခဲ့ရကြောင်း တိုင်ချက်ဖွင့်ထားတာပါ။
အက်စ်ဆက်စ်ရဲတပ်ဖွဲ့ဝင်များဟာ စတန်းစတက်လေဆိပ်တွင် ယင်းကစားသမားဟောင်းကို ဖမ်းဆီးပြီးနောက် ရဲစခန်းသို့ ခေါ်ဆောင်ကာ လက်ဗွေရာ၊ DNA နမူနာများနှင့် ဓာတ်ပုံတို့ ရိုက်ကူးမှု ပြုလုပ်ရယူခဲ့ပါတယ်။
သံသယဝင်ခြင်းခံရသူဟာ ရဲစခန်းတွင် နာရီအတန်ကြာ စစ်ဆေးမေးမြန်းမှုများ ခံခဲ့ရပြီးနောက် အာမခံဖြင့် ပြန်လည်လွတ်မြောက်လာခဲ့ပါတယ်။
ယင်းကစားသမားဟောင်းဟာ မကြာသေးမီတုန်းက အရပ်ဘက်ပွဲများသို့ တက်ရောက်ခဲ့ရာ လေဆိပ်ဖမ်းဆီးခံရမှုတွင် အနည်းငယ်ရုန်းရင်းဆန်ခတ်ဖြစ်ခဲ့ပါတယ်။
တစ်ဖက်တွင် အမှုဖွင့်လှစ်ထားသူ အမျိုးသမီးကိုလည်း လိင်ပိုင်းဆိုင်ရာ ရာဇဝတ်မှု စပါယ်ရှယ်လစ်များက အင်တာဗျူးပြုလုပ်ခြင်း၊ ထောက်ပံ့ကူညီခြင်းတို့ ပြုလုပ်ထားပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

၃၅ နှစ်အောက် ဘွဲ့ရ (သို့)
အထက်တန်းအောင်များအတွက်
မြန်မာ့အာမခံလုပ်ငန်းက အငယ်တန်းစာရေး
လစ်လပ်ရာထူး ၅၀ နေရာ အလုပ်ခေါ်စာ

#govjob

💚