💜💜💜

💜💜💜

💜💜💜

💜💜💜

💜💜💜

💜💜💜

💜💜💜

💜💜💜

အဆင်းရဲဆုံးနိုင်ငံများအတွက်ကမ္ဘာ့ဘဏ်ကိုဒေါ်လာ၄ဘီလျံ ထည့်မည်-- ဘိုင်ဒင်

အသုံးစရိတ်ဖြတ်တောက်မှုများလုပ်လာမည့် ဒေါ်နယ်ထရမ့်ပ် ရာထူးတာဝန် မထမ်းဆောင်မီတွင် အဆင်းရဲဆုံးနိုင်ငံများကို အကူအညီပေးရေးဆိုင်ရာ ကမ္ဘာ့ဘဏ်ရန်ပုံငွေသို့ အမေရိကန်ဒေါ်လာ ၄ ဘီလျံထည့်ဝင်သွားမည့် ဟုအမေရိကန်သမ္မတ ဂျိုးဘိုင်ဒင်က ကြေညာခဲ့သည်။

ကမ္ဘာ့ခေါင်းဆောင်များ တွေ့ဆုံချိန်၌ သူ၏ နောက်ဆုံးအကြိမ် ပါဝင်မှုဖြစ်သော ရီယိုဒီဂျနေရိုးတွင် ပြုလုပ်နေသည့် ဂျီ-၂၀ ထိပ်သီးအစည်းအဝေး၌ ရာထူးနုတ်ထွက်တော့မည့် ခေါင်းဆောင်က နိုင်ငံတကာဖွံ့ဖြိုးရေးအဖွဲ့အတွက် ရန်ပုံငွေကို ထုတ်ဖော်ကြေညာခဲ့ခြင်းဖြစ်သည်။

“အမေရိကန်ပြည်ထောင်စုက သုံးနှစ်တာကာလအတွက် ဒေါ်လာ ၄ ဘီလျံ ကတိပြုဖို့ ရည်ရွယ်ထားတယ်ဆိုတာကို သမ္မတက ဒီနေ့မှာ ကြေညာသွားခဲ့ပြီး ဒါက တကယ့်ကို စိတ်လှုပ်ရှားစရာပါ” ဟု အမည်မဖော်လိုသည့် အမေရိကန်အစိုးရအဖွဲ့ အကြီးတန်းအရာရှိတစ်ဦးက သတင်းထောက်များကို ပြောဆိုသည်။

အဆိုပါ ကတိကဝတ်သည် နောက်တက်လာမည့် ထရမ့်ပ် အစိုးရအဖွဲ့အတွက် မဖြစ်မနေဆက်လက်ဆောင်ရွက်ရမည့် သဘောတူညီချက်မျိုးမဟုတ်သော်လည်း ယခင် ရီပတ်ဘလီကန်အစိုးရများလက်ထက်က ယင်းကဲ့သို့ ရန်ပုံငွေ လျာထားချက်များကို ထောက်ခံခဲ့ကြသည်ဟု အထက်ပါအရာရှိက ပြောဆိုသည်။

ယင်းရန်ပုံငွေ ကတိကဝတ်သည် သမိုင်းဝင် ကတိပြုချက်ဟု အမေရိကန်နိုင်ငံတော်လုံခြုံရေး ဒုတိယအကြံပေး ဂျွန်ဖင်နာက အစောပိုင်းတွင် ပြောဆိုခဲ့ပြီး ဘိုင်ဒင်၏ ကတိပြုချက်ကြောင့် အခြားခေါင်းဆောင်များသည်လည်း သူတို့၏ ရန်ပုံငွေထည့်ဝင်မှုကို မြှင့်တင်လိုစိတ်ဖြစ်လာစေမည်ဟု ဆိုခဲ့သည်။

နိုင်ငံတကာ ဖွံ့ဖြိုးရေးအဖွဲ့သည် ကမ္ဘာ့ဘဏ်၏ ချေးငွေအခွင့်အလမ်းဆိုင်ရာ အဖွဲ့တစ်ခုဖြစ်ပြီး ရာသီဥတုဆိုင်ရာ စီမံကိန်းများအတွက် အပါအဝင် ကမ္ဘာပေါ်ရှိ အဆင်းရဲဆုံးနိုင်ငံအချို့အတွက် အသုံးပြုသည်။

ဇန်နဝါရီ ၂၀ ရက်တွင် အိမ်ဖြူတော်သို့ တကျော့ပြန်ရောက်ရှိလာမည့် ရွေးကောက်ခံသမ္မတ ထရမ့်ပ် ရာထူးမယူမီ သူ၏ခြောက်ရက်တာတောင်အမေရိကခရီးစဉ်အတွင်း ဘိုင်ဒင်သည် သူထားရစ်ခဲ့မည့် နိုင်ငံတကာ အစီအမံများကို ကျားကန်ပေးရန် ကြိုးစားနေခဲ့သည်။

မြန်မာနိုင်ငံ၏ အဓိကခရီးသွားစျေးကွက်နိုင်ငံများနှင့် စပ်လျဉ်း၍ အာဆီယံခရီးသွားလုပ်ငန်း ညှိနှိုင်းအစည်းအဝေး၌ ထည့်သွင်းဆွေးနွေး

မြန်မာနိုင်ငံ၏ အဓိကခရီးသွားစျေးကွက်နိုင်ငံများနှင့် အနာဂတ်မျှော်မှန်းချက်နှင့် စပ်လျဉ်း၍ အာဆီယံခရီးသွားလုပ်ငန်းညှိနှိုင်းအစည်းအဝေးနှင့် အာဆီယံအပျော်စီးသင်္ဘောခရီးသွားလုပ်ငန်းဆိုင်ရာ အလုပ်ရုံဆွေးနွေးပွဲတွင် ထည့်သွင်းဆွေးနွေးခဲ့ကြောင်း ၎င်းအစည်းအဝေးများမှ သိရသည်။

စင်ကာပူနိုင်ငံတွင် နိုဝင်ဘာ (၁၃) ရက်မှ (၁၅) ရက်အထိ ကမ္ဘာလုံးဆိုင်ရာ ရေရှည်တည်တံ့ ခိုင်မြဲသော ခရီးသွားလုပ်ငန်းကော်မရှင်က ဦးဆောင်ကာ ကမ္ဘာလုံးဆိုင်ရာ ရေရှည်တည်တံ့ခိုင်မြဲသော ခရီးသွားလုပ်ငန်းကွန်ဖရင့်နှင့် ဆက်စပ်၍ စင်ကာပူနိုင်ငံခရီးသွားလုပ်ငန်း ဘုတ်အဖွဲ့က အိမ်ရှင်အဖြစ် လက်ခံကျင်းပခဲ့ခြင်းဖြစ်ရာ ဟိုတယ်နှင့် ခရီးသွားလာရေးဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန ညွှန်ကြားရေးမှူးချုပ် ဦးမောင်မောင်ကျော် ဦးဆောင်သည့် ကိုယ်စားလှယ်အဖွဲ့ တက်ရောက်ခဲ့ကြသည်။

နိုဝင်ဘာ ၁၃ ရက်တွင် အာဆီယံခရီးသွားလုပ်ငန်းညှိနှိုင်းအစည်းအဝေးသို့ တက်ရောက်ခဲ့ပြီး မြန်မာနိုင်ငံ၏ ခရီးသွားစျေးကွက်အလားအလာများနှင့် အာဆီယံခရီးသွားလုပ်ငန်းကဏ္ဍမဟာဗျူဟာ ၂၀၃၀ ရေးဆွဲရာတွင် ထည့်သွင်းသင့်သည့်အချက်များကို အကြံပြုဆွေးနွေးခဲ့ကြသည်။

နိုဝင်ဘာ ၁၄ ရက်နှင့် ၁၅ ရက်တို့တွင် ကျင်းပသည့် ကမ္ဘာလုံးဆိုင်ရာ ရေရှည်တည်တံ့ခိုင်မြဲသော ခရီးသွားလုပ်ငန်းကွန်ဖရင့်သို့ စင်ကာပူနိုင်ငံနှင့် နိုင်ငံတကာမှ ကိုယ်စားလှယ် ၅၀၀ ကျော် တက်ရောက်ခဲ့ကြသည်။

ကွန်ဖရင့်တွင် နိုင်ငံတကာမှ ကျွမ်းကျင်ပညာရှင်များက ခရီးသွားလုပ်ငန်းနှင့် ခရီးစဉ်ဒေသများ ရေရှည်ဖွံ့ဖြိုးတိုးတက်ရေးအတွက် ကမ္ဘာလုံးဆိုင်ရာစံနှုန်းများ ချမှတ်ရေးနှင့် ပါဝင်သက်ဆိုင်သူများအားလုံး ပူးပေါင်းဆောင်ရွက်ရန် လိုအပ်သည့်အချက်များကို ဆွေးနွေးခဲ့ကြသည်။

ထို့နောက် နိုဝင်ဘာ ၁၅ ရက် မွန်းလွဲပိုင်းတွင် အာဆီယံအပျော်စီးသင်္ဘောခရီးသွားလုပ်ငန်းဆိုင်ရာ အလုပ်ရုံဆွေးနွေးပွဲသို့ တက်ရောက်ခဲ့ပြီး အပျော်စီးသင်္ဘောခရီးသွားလုပ်ငန်းများတွင် သဘာဝပတ်ဝန်းကျင်ရေရှည်ဖွံ့ဖြိုးရေးနှင့် စွမ်းအင်အသုံးပြုမှုလျှော့ချရေးအစီအစဉ်များအကြောင်း ဆွေးနွေးခဲ့ကြသည်။ Marina Bay Cruise Centre Singapore နှင့် Singapore Cruise Centre အပျော်စီးသင်္ဘောဆိပ်များသို့လည်း သွားရောက်လေ့လာခဲ့ကြောင်း သိရသည်။