ဆယ်စုနှစ်တစ်ခုကျော်ကျော်လောက် Ronaldo နဲ့ Messi ယှဉ်လာလိုက်တာ ခုဆို Messi က Ronaldo ထက်ပိုကောင်းတာ လူတော်တော်များများလက်ခံလာကြပါပြီ။
ဒါပေမဲ့ဗျာ Messi နဲ့ ဆယ်နှစ်ကျော်ထိ တန်းတူယှဉ်ရပ်နိုင်ဖို့၊ ဘောလုံးလောကရဲ့ ထိပ်တန်းအဆင့်မှာ အမြဲရပ်တည်နိုင်ဖို့ ပိုကြိုးစားခဲ့ရသူက Ronaldo ပါ။ "ဒါဆို Messi က မကြိုးစားပဲနဲ့အောင်မြင်မှု ရလာတာပေါ့" လို့ မေးခွင့်ရှိပါတယ်။ကျနော့်မှာလည်း အဖြေရှိလို့ပါ။ ခင်ဗျားတို့ကြုံဖူးလားတော့မသိဘူး။ ကျနော်ငယ်ငယ်က နှစ်မျက်နှာလောက်ရှိတဲ့ စာတစ်ပုဒ်ကို ၂နာရီလောက် ကျက်နေရချိန် အဲ့တစ်ပုဒ်ကိုပဲ ၁နာရီလောက်ကြည့်ရုံနဲ့ ရသွားတတ်တဲ့ သူငယ်ချင်းတစ်ယောက်ရှိဖူးတယ်ဗျ။ ပါရမီပါတယ်ပြောရမှာပေါ့။ Messi က အဲ့လိုလူမျိုးဗျ။ သူများတွေခက်ခက်ခဲခဲ လုပ်နေရတာကို အသာယာလေးလုပ်ပြသွားတာမျိုး။ Ronaldo ၂နာရီလောက်ကျက်နေရတာကို Messi က ၁နာရီလောက်နဲ့ အရကျက်နိုင်တာမျိုး။ အံ့ဩစရာကောင်းတာက ဆရာမဆီ စာပြိုင်ပြီဆို Messi ရသလောက် Ronaldo ရနေတတ်တာပဲ။ Messi ၃ပုဒ်ရရင် Ronaldo ၃ပုဒ်ရတယ်။ (Messi ၃ဂိုးသွင်းရင် Ronaldo ၃ဂိုးလိုက်သွင်းတတ်တာ။) ဆိုလိုတာက Messi ၃နာရီအချိန်ပေးရင် Ronaldoက ၆နာရီ အချိန်ပေးဖို့ ဝန်လေးမနေဘူး။ တကယ်ကို သူ့ထက် နည်းနည်းလေးသာမှာ မလိုလားတဲ့သူမျိုး။ ကျနော်ပြောတာ သဘောပေါက်လိမ့်မယ်ထင်ပါတယ်။ ပိုကြိုးစားရသူက Ronaldo ပါ။

နောက်တစ်ခုက စိတ်နေစိတ်ထား...
တစ်နေ့ သတင်းထောက်က Messi ကိုမေးတယ်ဗျ။ "ကမ္ဘာ့အကောင်းဆုံးကစားသမားက ဘယ်သူလို့ထင်လဲ၊ ခင်ဗျားလား.. Ronaldoလား?" Messi က ဒီလိုပြန်ဖြေပါတယ်။ "ပုရိတ်သတ်ကိုပဲမေးကြည့်ပါ။ကျနော်ဆုံးဖြတ်လို့မရပါဘူး။ပုရိတ်သတ် ဆုံးဖြတ်တာကို လက်ခံရမှာပါ။" အတော်လေး လိမ္မာပါးနပ်တဲ့အဖြေပါ။ Messi ကိုလည်း ချီးကျူးပါတယ်။
အဆိုပါမေးခွန်းကိုပဲ Ronaldo ကိုမေးတဲ့အခါမှာတော့ "ကမ္ဘာ့အကောင်းဆုံး ဘောလုံးသမားက ဘယ်သူလို့ထင်လဲ"၊ "ကျနော်ပါ။"
ဟာ ဘာလဲပေါ့?? ခင်ဗျားသူ့အဖြေကိုကြားပြီး ဒီကောင် ဘဝင်မြင့်တယ် ထင်ရင် ထင်သွားနိုင်ပါတယ်။ ကျနော်လည်း ထင်ခဲ့တယ်ဗျ။ ဒါပေမဲ့ ကျနော်မှားတယ်ဗျာ။ အဲ့တာ ဘဝင်မြင့်တာမဟုတ်ဘူး.. တော်ရုံတန်ရုံလူ တွေးတောင်မတွေးဝံ့တဲ့ self-confidence ကြီးဗျ။ ချာတိတ်လေးဘဝ United မှာ ကစားစဉ်ကတည်းက "Who is the best player in the world?"လို့ ဘယ်အချိန်ထမေးမေး "ME!!"လို့ ဖြေရဲတဲ့ self-confidence ကြီးဗျာ... တကယ်လည်း အပြောနဲ့အလုပ် ညီအောင် ကမ္ဘာ့အကောင်းဆုံးဆု ၅ကြိမ်နဲ့ သက်သေပြခဲ့ပြီးပြီ...။

Training ကွင်းကိုအမြဲ အစောဆုံးရောက်လေ့ရှိပြီး နောက်ဆုံးမှ ပြန်လေ့ရှိတာတွေ၊ ခန္ဓာကိုယ် ထိန်းသိမ်းမှု ကောင်းလွန်းတာကြောင့် လက်ရှိ ၃၆နှစ် အရွယ်ထိ သန်သန်မာမာ ကစားနိုင်‌သေးတာတွေဟာလည်း သူ့ကိုပိုပြီး နာမည်ကျော်စေပါတယ်။ ကြောက်ခမန်းလိလိ နာမည်ကျော်တာပါ။ မယုံရင် ဘောလုံးပွဲတွေအကြောင်း မသိနားမလည်တဲ့ ခင်ဗျားအမေကိုမေးကြည့်။ ဘောလုံးပွဲတစ်ပွဲမှာ တစ်ဖက်ဘယ်နယောက်ကန်လဲ သိချင်မှသိမှာ...Ronaldo ကိုတော့သိလိမ့်မယ်ဗျ...။

-Instagram မှာ Followers အများဆုံး 209M နဲ့ စံချိန်တင်လူသား
-Fashion ပိုင်းမှာလည်းအောင်မြင်ပြီး CR7 အမည်နဲ့ စီးပွားရေးလုပ်ငန်း အများအပြား ပိုင်ဆိုင်ထားတဲ့ လူသား
-ဖခင်ဖြစ်သူ အရက်နဲ့ဆုံးသွားတာကြောင့် အရက်လုံးဝမသောက်တဲ့လူသား
-မကြာမကြာသွေးလှူတတ်တာကြောင့် တက်တူးလုံးဝမထိုးတဲ့လူသား
-ကြော်ငြာအများအပြားမှာ တွေ့နိုင်တဲ့ မော်လ်ဒယ် ဘောလုံးသမား
-မိန်းမနဲ့ ကလေး၄ယောက်ရှိတာတောင် Ronaldo သာလက်ခံမယ်ဆို လက်ထပ်ချင်ပါတယ်ဆိုတဲ့ Model ကောင်မလေးတွေ အများကြီးနဲ့ ဂြိုဟ်သား
-ခုနောက်ဆုံး Covid-19 case အတွက် ငွေကြေးသန်းပေါင်းများစွာ လှူဒါန်းပြီးဖြစ်တဲ့ ပရဟိတ လူသား
-ဥရောပမှာ Corona virus ပျံ့ပြီဆိုတာနဲ့ ကိုယ်ပိုင်ကျွန်းတစ်ကျွန်းဝယ်ပြီး မိသားစုနဲ့ သွားနေနိုင်လောက်တဲ့ အနေအထားတွေဟာ..
Ronaldo ဘယ်လောက်ကြိုးစားခဲ့ရသလဲ ပေါ်လွင်စေပါတယ်။ Ronaldo က စာတစ်ပုဒ်ကို တစ်နာရီနဲ့ ရချင်မှရမယ်။ ဒါပေမဲ့ စာမေးပွဲမှာတော့ အမှတ်ပြည့်ရအောင်ဖြေမယ့် လူသားမျိုး...

Ronaldo နဲ့ Messi ဘယ်သူပိုကောင်းလဲဆိုတဲ့ အငြင်းပွားမှုကြီးထဲ ကျနော်ဝင်မပါချင်ပါဘူး။ တစ်ခုပဲ ဒီတစ်ခုပဲ ပိုကြိုးစားခဲ့ရသူက Cristiano Ronaldo ဆိုတာကိုတော့ ခင်ဗျားလက်ခံကိုခံရမယ်။။။...။။။
Crd

ငါ့ကိုငါ အတော်ပူပြီထင်နေတာ
ငါ့ဖုန်းက ငါ့ထက် ပိုပူပြနေလို့
သူ့ကို ပြန်သနားနေရတယ်

“ ဘောလုံးမှာ ဘယ်ဆုဖလားတွေ ထပ်ဆွတ်ခူးချင်လဲဆိုရင်တော့ မယူချင်တော့ပါဘူး ကျနော် အရင်ကလည်း ပြောခဲ့ဖူးပါတယ် ဘောလုံးမှာ အရာအားလုံးကို ဆွတ်ခူးနိုင်တဲ့အထိ ကျနော်ဟာ ကံကောင်းခဲ့ပါတယ် ကျနော် အိပ်မက်တွေကို အကောင်အထည် ဖော်နိုင်ခဲ့တယ် ကျနော်လိုချင်တာတွေအကုန်ရခဲ့ပါတယ် အားလပ်ချိန်မှာ မိသားစုနဲ့ ဘာတွေ လုပ်ဖြစ်လဲဆိုရင်တော့ ကျနော်ကလည်း သာမန်ဖခင်တွေလိုပါပဲ ကျနော်သားတွေနဲ့ ဘောလုံးကစားတယ် ဂိမ်းဆော့တယ် ဒါတွေပဲ လုပ်ဖြစ်တာပါ ထွေထွေထူးထူးတော့မရှိပါဘူး ကျနော် သားသုံးယောက် ဖြစ်တဲ့ မက်တီယို၊ သီယာဂို၊ ကိုင်ရို အကုန်လုံး ဂိမ်းကစားရတာကို အင်မတန်နှစ်ခြိုက်ကြသူတွေပါ ကျနော်က ဟင်းချက်မကောင်းပေမယ့် တစ်ခါတစ်လေ ဟင်းချက်တတ်ပါတယ်

တီဗွီစီးရီးတွေထဲ ကျနော်အကြိုက်ဆုံးက Game of thrones စီးရီးပါ အားရင် ကြည့်မယ်ဆိုပြီး လုပ်ထားတဲ့ စီးရီးတွေလည်းရှိပါတယ် အခုထိမကြည့်ဖြစ်ပါဘူး Game of thrones ကတော့ ကျနော် တစ်ခါမက ကြည့်ဖြစ်တဲ့ စီးရီးပါ ဘောလုံးအပြင် ကျနော် ကြိုက်တဲ့ နောက်ထပ် အားကစားနည်းတွေကတော့ တင်းနစ်၊ ဘတ်စကတ်ဘော၊ အမေရိကန် ဘောလုံးတို့ပါ ၂၀၂၂ ကမ္ဘာ့ဖလားမှာ ဖိုင်နယ်ကို အနိုင်ရသွားချိန်က ကျနော့်အတွက်အရေးအပါဆုံးအချိန်ပါ အကယ်၍ ကျနော်တို့သာ အနိုင်မရခဲ့ရင် ကျနော် ကစားသမားဘဝကနေ အနားယူဖြစ်မှာပါ ဂီတာဖေးဘက်ကို ကျနော်သွင်းခဲ့တဲ့ solo ဂိုးက အလှဆုံးလားဆိုတော့ ကျနော်ဟာ သွင်းဂိုးတွေကို လှလား မလှဘူးလားဆိုတဲ့ အမြင်နဲ့ ရှုထောင့်ကနေ မမြင်ပါဘူး ပွဲအပေါ် ဘယ်လိုသက်ရောက်မှုရှိလဲဆိုတဲ့အမြင်နဲ့ပဲ မြင်ပါတယ်

ကျနော်ရဲ့ ငယ်ဘဝက ပျော်ဖို့ကောင်းခဲ့ပါတယ် စပိန် မလာခင် ရိုဆာရီယိုမှာ သူငယ်ချင်းတွေအများကြီးရှိခဲ့ပါတယ် ဒါပေမယ့် အဲ့ဒီမှာ ကျနော်တို့ဘဝက အသက်ရှင်သန်နိုင်ဖို့ ခဲယဉ်းခဲ့ပါတယ် ကျနော့်ကို ပြုစုပျိုးထောင်ပေးခဲ့တာက ဘာစီလိုနာအသင်းပါ ပညာတွေ၊ အတွေ့အကြုံတွေကိုလည်း ဘာစီလိုနာအသင်းက ပေးခဲ့ပါတယ် ဘာစီလိုနာမှာ ကျနော် အရမ်းကိုပျော်ခဲ့ရပါတယ် ကျနော်ဟာ ဘောလုံးအားကစားကို ငယ်ငယ်ကတည်းကချစ်မြတ်နိုးပြီး ဘောလုံးကစားနေရရင်ကို ပျော်ပါတယ် ကျနော် ၂၀၂၁ က ဘာစီလိုနာကနေ ထွက်ခွာသွားရလိမ့်မယ်လို့ကို မထင်ခဲ့တာပါ ဘာစီလိုနာအသင်းနဲ့ရှေ့ဆက်သွားရမယ်ပဲထင်ခဲ့ပါတယ် ကျနော့်ဇနီး၊ သားသမီးတွေနဲ့ ဘာစီလိုနာကနေ ထွက်ခွာဖို့ လုံးဝအဆင်သင့်ဖြစ်မနေခဲ့ပါဘူး ဝေဖန်မှုတွေကို ကျနော်လက်ခံပါတယ် ဘောလုံးမှာ ကျနော့်ကို ဝေဖန်လို့ရပါတယ် လူတိုင်းက သူတို့အမြင်ကို လွတ်လပ်စွာ ပြောဆိုပိုင်ခွင့်ရှိပါတယ် ကျနော် ဘောလုံးကစားခြင်းကနေ ဘယ်တော့ အနားယူမလဲဆိုတာကတော့ ကျနော် ဘောလုံးကစားရတာ အဆင်မပြေတော့ဘူးလို့ စိတ်ထဲ ထင်လာတဲ့အချိန် မပျော်တော့တဲ့အချိန်၊ ကျနော်ကနေပြီး အသင်းဖော်တွေကို အကူအညီမဖြစ်စေတော့ဘူးလို့ ထင်လာတဲ့အချိန်ကျရင် အနားယူသွားမှာပါ အနားယူမယ်ဆိုပြီး အသက်အရွယ် သတ်မှတ်ထားတာမရှိပါဘူး ဘောလံးကစားခြင်းကနေ ကောင်းမွန်တဲ့ခံစားချက်တွေ ရနေသရွေ့ကစားသွားမှာပါ”

- မက်ဆီ

မွေးနေ့မှာ အမိုက်စားပုံလေးတွေရိုက်ကြမယ် 😻

မွေးနေ့မှာ အမိုက်စားပုံလေးတွေရိုက်ကြမယ် 😻

မွေးနေ့မှာ အမိုက်စားပုံလေးတွေရိုက်ကြမယ် 😻

မွေးနေ့မှာ အမိုက်စားပုံလေးတွေရိုက်ကြမယ် 😻