Discover postsExplore captivating content and diverse perspectives on our Discover page. Uncover fresh ideas and engage in meaningful conversations
🖤❤️❤️🖤
🖤❤️❤️🖤
+4
ပိုလန်နဲ့ပွဲမှာ Bicycle Kick အပါအဝင် ပေါ်တူဂီအတွက် ရော်နယ်ဒို ၂ ဂိုးသွင်း
နိုဝင်ဘာ ၁၆
ပေါ်တူဂီအသင်းက ပိုလန်အသင်းကို ၅ ဂိုး-၁ ဂိုးနဲ့ အနိုင်ရခဲ့တဲ့ နေးရှင်းလိဂ်ပွဲစဉ်မှာ အသင်းခေါင်းဆောင် ရော်နယ်ဒိုဟာ Bicycle Kick နဲ့ သွင်းဂိုး အပါအဝင် အသင်းအတွက် ၂ ဂိုးသွင်းယူပြီး ၁ ဂိုးဖန်တီးပေးနိုင်ခဲ့ပါတယ်။
ဒီပွဲမှာ ပေါ်တူဂီအသင်းအတွက် နောက်ထပ်သွင်းဂိုးတွေကို ရာဖဲလ်လီယို၊ဘရူနိုဖာနန်ဒက်စ်နဲ့ နက်တိုတို့က သွင်းယူခဲ့ပြီး ပိုလန်အသင်းအတွက် ချေပဂိုးကို မာခ့်ချက်က သွင်းယူခဲ့တာပါ။
ပေါ်တူဂီအသင်းဟာ ဒီနိုင်ပွဲကြောင့် နေးရှင်းလိဂ်ပွဲစဉ် ၅ ပွဲ ကစားအပြီးမှာ ရမှတ် ၁၃ မှတ်နဲ့ ကွာတားဖိုင်နယ်ကို တက်ရောက်နိုင်ခဲ့ပြီဖြစ်ပါတယ်။
ရော်နယ်ဒိုဟာ ဒီပွဲမှာသွင်းယူခဲ့တဲ့ ၂ ဂိုးကြောင့် ၂၀၂၄-၂၅ နေးရှင်းလိဂ်ပြိုင်ပွဲမှာ သွင်းဂိုး ၅ ဂိုးအထိရှိလာခဲ့ပြီဖြစ်ပြီး ဒီပွဲရဲ့အကောင်းဆုံးကစားသမားဆုကိုလည်း ရရှိခဲ့တာပါ။
ရော်နယ်ဒိုကတော့ နေးရှင်းလိဂ်ပြိုင်ပွဲမှာ ချန်ပီယံဆုရရှိဖို့ သူတို့တိုက်ပွဲဝင်သွားမယ်လို့ ပွဲအပြီးမှာ ပြောထားပါတယ်။
ပေါ်တူဂီအသင်းဟာ နေးရှင်းလိဂ်ပြိုင်ပွဲစတင်ကျင်းပတဲ့ ၂၀၁၈-၁၉ မှာ ချန်ပီယံဆုကို ရရှိခဲ့တာပါ။
ပေါ်တူဂီအသင်းနည်းပြ ရောဘတ်တိုမာတီနက်ဇ်က ပိုလန်အသင်းနဲ့ပွဲစဉ်ရဲ့ ပထမပိုင်းမှာ သူတို့ဟာ အလွန်ဆိုးရွားခဲ့ပေမယ့် ဒုတိယပိုင်းမှာတော့ သူမြင်တွေ့ဖူးသမျှထဲမှာ အကောင်းဆုံးစွမ်းဆောင်ရည်ဖြစ်တယ်လို့ ချီးကျူးခဲ့ပါတယ်။
ပေါ်တူဂီအသင်းဟာ နေးရှင်းလိဂ်အုပ်စုနောက်ဆုံးပွဲစဉ်အဖြစ် နိုဝင်ဘာ ၁၈ ရက်ကျရင် ခရိုအေးရှားအသင်းနဲ့ ယှဉ်ပြိုင်ရမှာပါ။
ပေါ်တူဂီအသင်းနည်းပြ ရောဘတ်တိုမာတီနက်ဇ်က ခရိုအေးရှားအသင်းနဲ့ပွဲစဉ်မှာ ရော်နယ်ဒိုကို အနားပေးဖို့ ဆုံးဖြတ်ထားတာ ဖြစ်ပါတယ်။
Source:ESPN
#သတင်းဟင်းလေးအိုးကြီး
ပံ့သကူကောက်တဲ့ အမျိုးသမီး ကားတိုက်ခံရပြီး သေဆုံး
နိုဝင်ဘာ ၁၆
ရန်ကုန်၊ ရွှေပြည်သာ ၁၄ လမ်းဆုံမှာ ပံ့သကူကောက်တဲ့ အမျိုးသမီး (၁)ဦး ကားတိုက်ခံရ ပြီးသေဆုံးသွားခဲ့တယ်လို့ ကနောင်လူမှုကူညီရေးအသင်းဆီကနေ သိရပါတယ်။
သေဆုံးသွားတဲ့ အမျိုးသမီးဟာ အသက် (၄၀) ဝန်းကျင်ရှိပြီး သူ့ရဲ့ သားသမီးတွေဟာ နိုဝင်ဘာ (၁၅) ရက်နေ့က ညပိုင်းက ၁၄ လမ်းဆုံနားမှာ ပံ့သကူ ကောက်နေခဲ့ကြတာလို့ သိရပါတယ်။
အဲ့ဒီအချိန် ကားတစ်စီးပေါ်ကနေ ပိုက်ဆံ ကျဲချတာကို သားအမိ (၄) ယောက် ပြေး ကောက်ချိန် အနောက်မှပါလာတဲ့ ကားတစ်စီးက ဝင်ရောက်တိုက်မိခဲ့တာလို့ သိရပါတယ်။
ကလေးတွေကတော့ ထိခိုက်မှုမရှိခဲ့ဘူးလို့ သိရပါတယ်။
“ပံ့သကူ ကောက်တဲ့သူတွေကလည်း သူတွေပဲ။ လမ်းပေါ်အပြည့်ပဲ တစ်ချို့ဆို လမ်းမပေါ် တက်ပြီး ကားတွေတားတာတို့ ဆိုင်ကယ်တွေတားပြီး ပစ်ချခဲ့ဖို့ တောင်းကျတာတွေ လဲရှိတယ်။ ပစ်ချတဲ့သူကလည်း ဦးနှောက်လေးသုံးသင့်သလို ကောက်ကျတဲ့သူတွေက လည်း သတိထားသင့်တယ်”လို့ ရန်ကုန် ဒေသခံ တစ်ဦးက ပြောပါတယ်။
ကားတိုက်ခံရတဲ့ အမျိုးသမီးဟာ ဦးခေါင်းထိခိုက်ဒဏ်ရာရရှိခဲ့တာကြောင့် ဆေးရုံအရောက် (၁၅) မိနစ်အကြာမှာပဲ သေဆုံးသွားခဲ့တယ်လို့ သိရပါတယ်။
#centralnewsnaypyitaw
တန်ဆောင်မုန်:လပြည့် ငွေသားနဲ့ ဆန်ဆီ ပံ့သကူအလှူဒါနလေး ပြုလုပ်ခဲ့တဲ့ ဖြူဖြူထွေး 🤗💙
ငွေသား ၁၅ သိန်း ဆန် ဆီ မုန့် အဝတ်အစား တို့ကို မဲလိပ်မှာ ပေါ-က်မဲရေးပြီး လာထုတ်တဲ့ပုံစံလေး ပြုလုပ်ခဲ့တာလို့ သိရပါတယ်.
သူမရဲ့ခြံထဲကသူတွေ မဲလိပ်သွားချထဲက ကလေးတွေက ကောက်ပြီး လာထုတ်ကြသလို ခြံထဲကသူတွေကိုလည်း ငွေသားအလှူပြုလုပ်ခဲ့သေးတာ ဖြစ်ပါတယ်
#legendmedia #phyuphyuhtwe #credit
သိသာတဲ့ ရလဒ်ကို Daily Need သောက်ဆေးလေးက ပေးနိုင်လို့ အကြိုက်ဆုံးဖြစ်နေပြီ 💗
မိန်းမကိုယ်ကျဥ်းပြီး အဖြူဆင်းသက်သာ
ဓမ္မတာမှန်စေတဲ့အပြင် အသားအရေလည်း လှ... ပိုကိတ်စေမှာ Daily Need သောက်ဆေးလေးရဲ့ အံ့မခန်း အစွမ်းပါ။
နေ့တိုင်းပုံမှန်သောက်ပေးရုံနဲ့ ခန္ဓာကိုယ်အတွက် ကောင်းကျိုးများပြီး ကျန်းမာစေမှာ အသေအချာပဲမို့ အမြဲဆောင်ထားလိုက်တော့နော်။
သောက်ဆေးလေးသောက်တိုင်း ကျေနပ်နေရပြီ...
ကျန်းမာလှပ ကိတ်ပြီးဖြူကာ မိန်းမသားဆန်ဆန်အလှကို ပိုပြည့်စုံစေမှာ Daily Need ပါ 💁
#dailyneed #dailyneedmyanmar #
#ဆင်ဖြူကျွန်းအောင်သိန်း
ပင်လက်ပံ ကြွေချိန်ဦး
(၃)
ယခု သည်ထောင်ချောက်ကို အေးဆောင် သတိရသည်။
မြေပဲခင်းဘေးမှ မြှောင်၍ ပဲခင်းကြီးသို့ ခြေလှမ်းကြဲကြီးဖြင့် လာခဲ့သည်။ ပဲကြီးခင်းရနံ့ကို ရှူရှိုက်လိုက်ရသဖြင့် အမောပြေသည်။
ပွေးတွင်းဝ၌ ဒူးထောက်လိုက်၏ ။
ကျည်တောက်ထောင်ချောက်မှာ မောင်းကျနေနှင့်၏။ ထောင်ချောက်ကျည်တောက်ကို ဝမ်းသာအားရဆွဲယူသည်။ ပွေးမရှိ ပွေးကို မိမနေ။
အတွင်းကျည်တောက် ပြုတ်ကျလျှင် ကျချင်း အရှိန်ပြင်းစွာ ပြေးဝင်စူးနစ်နေမည့် သံမြားထိပ်တွင်လည်း သွေးစသွေးနများ မရှိ။
ပွေးစုံ့မှု ရှိသည်။
ပွေးစုံ့ကို ယက်ကြည့်သည်။ ပွေးသေကို မတွေ့ရပါ၊ ပွေးနှင့်တူသော အရာဟူ၍ ပွေးချေးဖြူဖြူ ရှည်မျောမျောကလေးတွေသာ တွေ့ရသည်။ အေးဆောင် သံသယဖြစ်ရပြီ။
အလာသွက်ခဲ့သော အေးဆောင် ခြေထောက်တို့သည် သံသယညှောင့်စူးပြီမို့လေးကန်သည်။
လေးလေးကန်ကန်နှင့်ပင် ထောင်ချောက်ကို မောင်းတင်ကြည့်သည်။ အနေအထားကား အထိမခံတည်း။ တွန်းကန်အားမှာလည်း အမှန်ပင် ပြင်းထန် သည်သာတည်း။
သူ့အား မြသွယ်က အားကိုးတကြီး မျက်လုံးများဖြင့် ဆီးကြိုလိုက်သောအခါ "နောင်ခါလာ နောင်ခါဈေး၊ မမိလို့ ဆဲခါမှ ဆဲရော့၊ သူကျေနပ်အောင်တော့ လုပ်ပေးရမှာ ပါကလား" သဘောပိုက်လိုက်ရတော့သည်။
သို့ကြောင့် တိုင်တစ်တိုင်ထောင်ကာ ကြက်လတ်တစ်ကောင်ကို တိုင်ထိပ်တွင် ချည်ထားရသည်။ ကြက်၏အတောင်နှင့် လွတ်မည့်နေရာတွင် တိုင်ထပ်စိုက်ကာ ဝါးကျည်တောက်ထောင်ချောက်ကို အပေါ်ထောင်လျက် ဆင်သည်။
ခြေနှစ်ချောင်းကို တုပ်နှောင်ခံထားရသော ကြက်မှာ မနေတတ် မထိုင်တတ် အော်သည်။ အတောင်နှစ်ဖက်ကို ဝရုန်းသုန်းကား ခပ်သည်။
"ဒီကြက်နဲ့တော့ ဒုက္ခပဲ မြသွယ်"
တဲထဲတွင် ဘေးချင်းကပ် ထိုင်နေငြား၊ မြသွယ်သည် အေးဆောင်ကို မကြည့်၊ ထောင်ချောက်မှာသာ အာရုံရောက်နေသည်။
မကြာမတင်ကမှ အမိမဲ့သွားသော ၁၅-ရက်သား ကြက်ပေါက်ကလေးများမှာ "ဆောင်း" ထဲတွင် ဆူညံစွာ အော်ဟစ်နေကြ၏ ။ ဟိုတိုး သည်ခွေ့နှင့်။
ပြာလဲ့သော ကောင်းကင်တွင် စွန်သုံးကောင် ပျံဝဲနေ၏ ။ ရွာအပြင် လက်ပံပင်ကြီးမှာ ပင်လုံးကျွတ် နီရဲနေ၏ ။ ပင်ယံထိပ်ဖျားတွင် ညောင်းရွက်ရွှေဝါ တစ်ချို့တလေ ကျန်နေသေး၏။ သည်ရွှေရွက်များကြားတွင် ချိုးသိန်းနှစ်ကောင်ကို မြင်ရသည်။ လင်းယုန် မရှိ။
ခဏမျှ လှမ်းမျှော်ကြည့်ပြီးနောက် အေးဆောင် မျက်လုံးများ မြသွယ်ထံ ပျံဝဲလာ၏။
အငိုမျက်လုံးကလေးတွင် ဝမ်းနည်းရိပ်များ မပြယ်သေး။ မျက်ခွံမို့မို့ကလေးများမှာ နီနီရဲရဲဖူးဖူးကလေး။
"နင့်အမေနဲ့နင့်အဖေကောဟင်”
"ဈေးသွားကြတယ်”
မပွင့်တပွင့် ဖြေပင် ဖြေသော်ငြား၊ မြသွယ် မျက်လုံးများက ထောင်ချောက်မှ မခွာ။
"လူကြီးတွေ မရှိဘူး။ နင်နဲ့ ငါနှစ်ယောက်ထဲ၊ ပွတာပဲ”
ပြောပြောဆိုဆို ကျုံးဖက်လိုက်ရန် လက်ကိုလှုပ်လိုက်စဉ် ငှက်တောင်ဟုန်သံကြားရ၏။ အမြင့်မှ ထိုးဆင်းလာသော အသံ။
အေးဆောင်လက်တွေ တုံ့ဆိုင်းသွားရ၏ ။ ထောင်ချောက်ဖက်သို့ မျက်လုံး စွေ ကြည့်လိုက်ရာ ကြီးမားလှသော ငှက်ကြီးလင်းယုန်။
ကြက်ကို ခြေဖြင့်ကုတ်ကာ ထိုးသုတ်သည်။
မပါ ၊ ချက်ချင်း ပြန်လှည့်ပြီး လာသည်၊
အေးဆောင် အသက်ပင်မရှုရဲ။
လှည့်လာပြီ။
သားစားငှက်သည်သည် တစ်ခါတော့ မသုတ် မကုတ် ထောင်ချောက်ပေါ် ဝင်နားသည်၊ "ဖျောင်း"ကနဲမျှော့ကြိုးပြုတ်သွားသည်။ သားစားငှက်ကြီး တအားထိုးပျံသည်။ မြားမှာ အလွတ်မဟုတ်၊ ကြိုးချည်ထားသည်။ သို့ကြောင့် သားစားငှက်ကြီးမှာ
ဆောင့်ဆွဲခံလိုက်ရကာ မြေပြင်ပေါ်သို့ တုံးလုံးကြီး ကျသွားလေ၏။
"သေပေတော့၊ မသာငှက်ယုတ်”
ဓားမတိုကို ဆွဲလျှက် မြသွယ် ပြေးထွက်သွားသည်။
အေးဆောင်မှာ ပီတိဖြစ်လျှက် ကျန်ခဲ့သည်။ သူသည် မြသွယ် အားကိုးသည့်အတိုင်း တာဝန်ကျေခဲ့ပြီ။
မြသွယ်၏ ကျေနပ်ခြင်း ပြုံးပန်းဝေဝေ ပန်ဆင်ပြခြင်းကို အမိန့်သား ခံယူရုံသာရှိတော့သည်။ သို့ကြောင့် အေးဆောင် အပြုံးမပျက် ထလာကာ တိုင်ထိပ်မှ ကြက်ကို ဖြုတ်လွှတ်လိုက်ပြီးမှ မြသွယ်ဘေးတွင် ဝင်ထိုင်လိုက်သည်။
သူ့ကြက်မအား သတ်သော သားစားငှက်ကိုမိလျှင် ဓားဖြင့် နုတ်နုတ်ပါအောင် စဉ်းပစ်မည် ကြုံးဝါးခဲ့သော မြသွယ်။ ယခုမူ ဓားမတိုကို မြေပေါ်ချထားသည်။ သွေးလူးပြီး အသက်ပျောက်နေသော ငှက်သူခိုး၏ ခေါင်းကို ပွတ်သပ်ပေးနေသည်။
"ဓားနဲ့ မခုတ်ပဲ ဘာလုပ်နေတာလဲ ဟင်”
မြသွယ်မျက်နှာကို စောင်းကြည့်မိသောအခါ အေးဆောင် အံ့ဩရသည်။ မြသွယ် မျက်နှာတွင် ဒေါသမရှိ၊ ကြင်နာခြင်း နံသာလူးလျက် နူးညံ့နေ၏။ သို့အတွက် အေးဆောင် တအံ့တဩ မေးရခြင်းဖြစ်၏ ။
"သနားစရာပါတော်"
"နင့်ကြက်မကြီးကို သတ်တဲ့ ငှက်စုတ် သနားနေရသေးလား”
"ကျုပ်ကြက်တွေကို သူသတ်မှ မသတ်နိုင်တော့တာဘဲတော်၊ သနားစရာပေါ့”
မြသွယ်၏ သဘောထားကို သဘောပေါက်အောင် အေးဆောင် အတော်ကြိုးစားရသည်။သဘောပေါက်လာသောအခါ သူသည် မြသွယ်ကို တိုး၍ မြတ်နိုးလာရတော့ သည်။
"နင်ဟာ သိပ်ပီး စိတ်ကောင်း ရှိတာပဲဟာ၊ ဒါကြောင့် နင့်ကိုလေ ငါ သိပ် သိပ်"
သို့သော် အေးဆောင် စကားမဆုံး၊ တစ်စုံတစ်ရာမျှလည်း မလှုပ်ရှားလိုက်ရ။ ဝင်ရိုးသံ တအီအီဖြင့် လှည်းတစ်စီး အိမ်ဝိုင်းထဲဝင်လာရာက
"သမီးရေ လုံမလေး"
ဈေးမှပြန်လာသော ဦးသက် ဒေါ်မြတို့ အော်ခေါ်သံကြောင့် မြသွယ်ပြေးထွက်သွားရာ အေးဆောင်မှာ ငှက်သေကြီးဘေးတွင် ငူငူကြီး ကျန်ရစ်ခဲ့လေ၏။
- ပြီး -
စာရေးသူ - ဆင်ဖြူကျွန်းအောင်သိန်း
စာစီစာရိုက် - မုဆိုး တံငါ စာပေများ
#မုဆိုးတံငါစာပေများပေ့ခ်ျမှကူးယူဖော်ပြသည်။
#crd
