Ben Affleck တစ်ယောက် Christopher Nolan ရိုက်မယ့် The Odyssey စီသွားမယ်လို့ သိရပါတယ်။
အကြောင်းကတော့ Christopher Nolan လို ဒါရိုက်တာ တစ်ယောက်ရဲ့ ရိုက်ကွင်းမှာ ဘာတွေလုပ်လည်းဆိုတာကို လေ့လာချင်လို့ဖြစ်ပါတယ်။ သို့ပေမယ့် Ben Affleck ကတော့ The Odyssey ဇာတ်ကားထဲမှာ ပါဝင်ထားခြင်းမရှိသေးပါဘူး။
“Christopher Nolan က ရုပ်ရှင်ဖန်တီးသူတွေထဲမှာ အခမ်းနားဆုံး ရုပ်ရှင်ဖန်တီးသူတစ်ဦးပဲလို့” Ben Affleck က ပြောပါတယ်။
ခရစ္စတိုဖာ နိုလန်ကတော့ မျိုးဆက်တစ်ခုအတွက် အခမ်းနားဆုံး ရုပ်ရှင်ဖန်တီးသူတစ်ဦးဖြစ်ပြီး သူ့လက်ရာတွေကလည်း ကမ္ဘာတစ်ဝှမ်းမှာ လေးစားခံရတဲ့ထဲပါဝင်ပါတယ်။
ဒါ့အပြင် Hollywood က ထိပ်တန်း အနုပညာရှင်တွေကလည်း သူနဲ့ရိုက်ရဖို့ စိတ်အားထက်သန်နေကြပြီး Ben Affleck အပါအဝင် တခြားသူတွေက သူ့ရိုက်ကွင်းတွေကို သွားကြည့်ဖို့ ပြင်ဆင်နေကြတယ်လို့သိရပါတယ်။
Ben Affleck က GQ မဂ္ဂဇင်းမှာ သူလေးစားပြီး အလုပ်အတူတူမလုပ်ရသေးတဲ့ ဒါရိုက်တာတွေနဲ့ ဇာတ်ညွန်းရေးဆရာတွေ အကြောင်းကို ပွင့်ပွင့်လင်းလင်း ဖွင့်ဟခဲ့ပါတယ်။
"ကျွန်တော် Matt Damon စီကို 'The Odyssey ' ရိုက်ကွင်းမှာ သွားကြည့်မယ်၊ နိုလန်ရဲ့ ဒါရိုက်တာလုပ်ပုံကိုလည်း ကြည့်ချင်တာပါ။ ဒါတကယ်ပြောတာပါ ကျွန်တော် မနောက်ပါဘူး” လို့ ပြောပါတယ်။
Ben Affleck နဲ့ Matt Damon ဟာ အရမ်းခင်မင်ရင်းနှီးကျပေမယ့် ရုပ်ရှင်အသက်မွေးဝမ်းကြောင်းမှာတော့ လမ်းကြောင်းတွေကွဲပြားခဲ့ကြပါတယ်။
Damon က Spielberg, Scorsese နဲ့ Nolan တို့ ရုပ်ရှင်တွေမှာ ပါဝင်သရုပ်ဆောင်ခွင့်ရခဲ့ပေမယ့် Affleck အတွက်ကတော့ ဒီလို အခွင့်အရေးမျိုးတွေ မရရှိခဲ့ပါဘူး။ "Saving Private Ryan" ရုပ်ရှင်မှာတောင် သူ ဘယ်နေရာကမဆို သရုပ်ဆောင်ရရင်တောင် ပါဝင်ချင်တယ်လို့ Ben Affleck က ပွင့်ပွင့်လင်းလင်းပြောခဲ့ပါတယ်။
ဒါပေမယ့် သူက ရုပ်ရှင်ဖန်တီးမှုကို ပြိုင်ဆိုင်မှုတစ်ခုအဖြစ် မမြင်ကြောင်း ရှင်းရှင်းလင်းလင်း ပြောပြခဲ့ပါတယ်။
"တချို့က ဒါကို အနိုင်အရှုံးဂိမ်းလို့ မြင်ကြတယ်။ ဥပမာ၊ ဒီလူက ဒီအခန်းကဏ္ဍမှာ ရှိနေရင် သူတို့က ကျွန်တော့်လမ်းကို ပိတ်နေတယ်။ သူတို့ကို ဒူးထောက်လိုက်ရင် ကျွန်တော်နေရာရလာလိမ့်မယ် ဒါမှမဟုတ် အဲဒီအခန်းအတွက် ပါဝင်ခွင့်ရလိမ့်မယ်" လို့ သူက ရှင်းပြသည်။ "ကျွန်တော်ကတော့ ကိုယ့်အလုပ်ကို ကိုယ်ဖန်တီးရတာ ကြိုက်တယ်။ 'ဘာလို့ Martin Scorsese က Leo ကို ငှားတာလဲ၊ ကျွန်တော်ဖြစ်သင့်တယ်' လို့ ထိုင်ပြီး မတွေးဘူး" လို့ သူကပြောပါတယ်။
Affleck ကတော့ "Good Will Hunting" နဲ့ "Argo" တို့မှာ အော်စကာဆုတွေ ရရှိခဲ့တဲ့အပြင်၊ Zack Snyder ရဲ့ DCEU ရုပ်ရှင်တွေမှာ ဘက်မန်းအဖြစ် ပါဝင်ခဲ့ပြီး နာမည်ကြီး ရုပ်ရှင်တွေကိုလည်း ရိုက်ကူးခဲ့ပါတယ်။
