Natural Spinal (Mogok)❤️

ကျောက်သားပြောင်ပြောင်လေး ခဲစိမ်းလေးတွေများ
လက်ပတ်လှလှလေးခတ်ဝတ်လည်းလှတယ်
၂တန်းကြိုးလေးခတ်မယ်ဆိုလည်း အဆင်ပြေတယ်

#gems

လူတွေက သူတို့ "ကြိုက်ရင် ကြိုက်ကြောင်းပြောမယ်"
သူတို့ "မကြိုက်ရင် မကြိုက်ကြောင်း ပြောမယ်"

ကိုယ့်ရဲ့ အလုပ်က ရှေ့ဆက်လျှောက်နေဖို့ဘဲ။
#motivibe
#စာတို

သံတိုသံစ အဟောင်းတွေကြားထဲ ကွယ်ဝှက်တင်ဆောင်လာတဲ့ မူးယစ်ဆေးပါတဲ့ သေတ္တာတွေကို X – Ray ဂိတ်မှာ ဖမ်းဆီးရမိ

ဒီဇင်ဘာ ၂၆

သံတိုသံစ အဟောင်းတွေကြားထဲ ကွယ်ဝှက်တင်ဆောင်လာတဲ့ မူးယစ်ဆေး၀ါး သေတ္တာတွေကို ကျွဲတပ်ဆုံ X-Ray စစ်ဆေးရေးဂိတ်မှာ ဖမ်းဆီးရမိခဲ့တယ်လို့ သိရပါတယ်။

ဒီဇင်ဘာ ၁၉ ရက်နေ့က တောင်ကြီးဘက်ကနေ သာစည်ဘက်ကို မောင်းနှင်လာတဲ့ Toyota Dyna အမျိုးအစား (၆)ဘီးယာဉ်ဟာ X-Ray စက်မှာ ဖြတ်သန်းစဉ် သံတိုသံစ အဟောင်းတွေကြားထဲမှာ သံသေတ္တာ (၆)လုံးကို တွေ့ရှိခဲ့တယ်လို့ ဆိုပါတယ်။

အဲ့ဒီ သံသေတ္တာတွေကို စစ်ဆေးရာမှာတော့ သေတ္တာ (၁) လုံးခြင်းစီမှာ WY စာတန်းပါ ပန်းရောင်ဆေးပြား (၁၀၀၀၀) စီပါတဲ့ အထုတ်ကြီး (၁၁၂) ထုတ်စီထည့်လာတဲ့ သေတ္တာ (၄)လုံးကို သိမ်းဆည်းရမိခဲ့တယ်လို့ သိရပါတယ်။

သံသေတ္တာ (၁)လုံးထဲမှာတော့ WY စာတန်းပါ ပန်းရောင်ဆေးပြား (၁၀၀၀၀) စီပါတဲ့ အထုတ်ကြီး (၇၅)ထုတ်နဲ့ ICE (ဖက်အဖီတမင်း) လို့ယူဆရတဲ့ အဖြူရောင်ပုံဆောင်ခဲ့ (၁)ကီလိုဂရမ်လောက်ပါတဲ့ အထုတ် (၃၀) Happy Water လို့ယူဆရတဲ့ အညိုရောင်အမှုန် (၁၀) ဂရမ်လောက်ပါတဲ့ (၂၇)ထုတ်နဲ့ (၁)ထုတ်ကို (၂၅) ဂရမ်ပါတဲ့ (၉၆)ထုတ်ကို တွေ့ရှိခဲ့တယ်လို့ ဆိုပါတယ်။

ဒါအပြင် သံသေတ္တာ (၁)လုံးအတွင်းမှာ‌တော့ ICE (ဖက်အဖီတမင်း)လို့ ယူဆရတဲ့ အဖြူရောင်ပုံဆောင်ခဲ (၁) ကီလိုဂရမ်လောက်ပါတဲ့ အထုတ်ကြီး (၁၄၀)ထုတ် ကို တွေ့ရှိ သိမ်းဆည်းရမိခဲ့တယ်လို့ သိရပါတယ်။

ယာဥ်မောင်းအပါအဝင် သယ်ဆောင်လာသူ (၄)ဦးကို သက်ဆိုင်ရာနယ်မြေရဲစခန်းမှာ အမှုဖွင့် စစ်ဆေးနေပြီး ကွင်းဆက်တရားခံတွေ ဆက်လက် ဖမ်းဆီးရမိရေးအတွက် လုပ်ဆောင်နေတယ်လို့ သိရပါတယ်။

#centralnewsnaypyitaw

မုံရွာမြို့မှာ အမျိုးသမီးတစ်ဦးကို ပြန်ပေးဆွဲသူတွေက သေနတ်ဖြင့် ပစ်သတ်ခဲ့

ဒီဇင်ဘာ ၂၆

စစ်ကိုင်းတိုင်း၊ မုံရွာမြို့၊ မိုးကောင်းလမ်း မှာ ဒီကနေ့ ဒီဇင်ဘာ ၂၆ ရက်မနက် ပြန်ပေးဆွဲဖို့ ကြိုးစားတာကို ငြင်းဆန်ခဲ့တာကြောင့် သေနတ်နဲ့ ပစ်သတ်ခံရမှုဖြစ်ပွားခဲ့တယ်လို့ မုံရွာမြို့ခံ မြေပြင်သတင်းရင်းမြစ်ကပြောပါတယ်။

မိုးကောင်းလမ်းပေါ်က ပစ္စည်းအဟောင်းဝယ်ယူတဲ့ဆိုင် တစ်ဆိုင်ထဲကို ပြန်ပေးဆွဲအဖွဲ့လို့ယူဆရသူတချို့က ဝင်ရောက်ခဲ့ပြီး ဆိုင်အတွင်းက အမျိုးသမီးကို ပြန်ပေးဆွဲဖို့ ကြိုးစားခဲ့တာလို့ ကနဦးသတင်းတွေအရ သိရပါတယ်။

ဆိုင်အတွင်းက အမျိုးသမီးက မလိုက်ခဲ့တာကြောင့် ရုန်းရင်းဆန်ခတ်ဖြစ်ခဲ့ပြီးနောက် သေနတ်နဲ့ပစ်ခတ်ခံခဲ့ရတာလို့ဆိုပါတယ်။ ပစ်ခတ်ခံရတဲ့ အသက် ၃၇ နှစ်အရွယ် အမျိုးသမီးဟာ ဆေးရုံပို့နေချိန်မှာပဲ သေဆုံးသွားခဲ့ပါတယ်။

ပြန်ပေးဆွဲခံရသူက အဟောင်းပစ္စည်းတွေကို အရောင်းအဝယ်လုပ်နေတဲ့သူဖြစ်ပြီး ပြန်ပေးဆွဲသူတွေဟာ အမျိုးသား နှစ်ယောက်နဲ့ အမျိုးသမီးနှစ်ယောက်ဖြစ်တယ်လို့လည်း သိရပါတယ်။

“ဆိုင်က ဂိုထောင်ပုံစံမျိုး၊ ကားထုတ်ခိုင်းပြီး ကားနဲ့လူနဲ့ခေါ်တာ လူက မလိုက်ဘူးပေါ့၊ လူက ပြေးမယ်လုပ်တော့ ပစ်သတ်ခဲ့တာ။ပစ်ခံရတာကြားလို့ ကြည့်ကြတော့ သူတို့ထွက်သွားတာ တွေ့ရတာ” လို့ မုံရွာမြို့ခံတစ်ဦး က ပြောပါတယ်။

ကားကိုလည်း ပြန်ပေးဆွဲသူတွေက မောင်းယူသွားပြီး ကံမမြို့ဘက်ကို ဦးတည်မောင်းသွားတယ်လို့လည်း သိရပြီး ပြန်ပေးဆွဲသူတွေက ဘယ်သူဖြစ်တယ်၊ ဘယ်အဖွဲ့အစည်းကဖြစ်တယ်ဆိုတာတော့ မသိကြရသေးပါဘူး။

ပုံစာ - မုံရွာမြို့တွင်းတစ်နေရာမြင်ကွင်း

Credit - BBC

#သတင်းဟင်းလေးအိုးကြီး

Part-3
ဒီမိုကရေစီ ဟူသည် (၂)
အဲသည် ဥပဒေများ စည်းကမ်းများဟူသည် အများဆုံးဖြတ်ထားချက် သို့မဟုတ် မိမိ လူ့အဖွဲ့အစည်းအတွင်း ယခင်က ဆုံးဖြတ်နိုင်သူတို့ ဆုံးဖြတ် ထားချက်များ ဖြစ်သည်။
အဲဒါတွေကို မိမိ မကြိုက်။
သို့ဖြစ်လျှင် ဘယ်သို့ ဆုံးဖြတ်လျှင် ကြိုက်မည်လဲ။
မိမိ အကြိုက်အတိုင်း ဆုံးဖြတ်လျှင် ကြိုက်မည်။
သို့သော် အများနှင့်ဆိုင်သော ကိစ္စမှာ မိမိ သဘောချည်း မဖြစ်နိုင်။ ဖြစ်သည် ဆိုလျှင်လည်း တရားမျှတမည် မဟုတ်။
အဲသည်တော့ တရားမျှတအောင် ဘယ်သို့ ဆုံးဖြတ်မည်လဲ။ စောစောက မိမိကိစ္စမှာ ဝင်ရောက် ပတ်သက် (ဟန့်တား) လာသော ဥပဒေ စည်းမျဉ်းစည်းကမ်းများနည်းတူ အများ၏ ဘဝများအပေါ် သက်ရောက်မှုရှိသော ကိစ္စရပ်များ၌ သက်ရောက်ခြင်းခံရနိုင်သူ အားလုံးပါဝင် ဆုံးဖြတ်သင့်သည်ဟု စဉ်းစား၍ရသည်။
နိုင်ငံရေးသိပ္ပံသမားတို့က အဲသည်အချက်ကိုယူကာ အစုအသင်းတစ်ရပ် သို့မဟုတ် လူ့အဖွဲ့အစည်းတစ်ရပ်အတွင်း ပါဝင်သူ အားလုံးတို့က မိမိတို့နှင့် သက်ဆိုင်သော သို့မဟုတ် မိမိတို့အပေါ်သက်ရောက်မှု ရှိနိုင်သော ကိစ္စရပ် အားလုံးနှင့် စပ်လျဉ်း၍ စဉ်းစား ဆုံးဖြတ်ရာတွင် တန်းတူညီမျှ ပါဝင်ခွင့်ရှိခြင်းသည် ... ဒီမိုကရေစီ၏ ... အခြေခံသဘောဖြစ်သည်ဟု ဆိုခဲ့ခြင်းဖြစ်သည်။
ဒီမိုကရေစီ စိတ်ဓာတ်ဟုလည်း ဆိုနိုင်သည့် အဲသည် သဘောကို အနည်းငယ် ဖွင့်၍ ပြောရသော်
ဒီမိုကရေစီက ကိုင်စွဲသည့် အခြေခံ သဘောထားများ
၁။ အများနှင့်ဆိုင်သော ဆုံးဖြတ်ချက်များကိုယင်းတို့ကြောင့် သက်ရောက်မှု ရှိနိုင် သူ အားလုံး စိတ်ဝင်စားကြမည် ဖြစ်သည်။
၂။ အရွယ်ရောက်၍ အသိဉာဏ် တင်းပြည့်ကျပ်ပြည့်ရှိသူမှန်လျှင် မိမိအရေးကိစ္စ၊ မိမိ ပါဝင်သော လူအစုအသင်း၏ အရေးကိစ္စများနှင့် စပ်လျဉ်းသည့် ကောင်းကျိုး ဆိုးပြစ်တို့ကို ချင့်တွက် ဝေဖန်နိုင်စွမ်းရှိ၍ ယင်းပေါ်တွင် အခြေခံသည့် ကိုယ်ပိုင် အမြင်လည်း ရှိကြသည်။
၃။ ထို့ကြောင့် အစုအသင်းတွင် ပါဝင်သူ လူအသီးသီးတို့၏ အမြင်များကို အများကြားသိအောင် တင်ပြခွင့်ရကြပြီး ယင်းတို့အပေါ် ငြင်းခုံ ဝေဖန်ခြင်း သုံးသပ် ညှိနှိုင်းခြင်းများ ပြုပြီးနောက်မှ ချမှတ်လိုက်သည့် ဆုံးဖြတ်ချက် တို့သည်သာ ရေရှည်အတွက် အကောင်းဆုံး ဆုံးဖြတ်ချက်များ ဖြစ်နိုင်သည်။
၄။ ဆွေးနွေးခြင်း၊ ငြင်းခုံခြင်းတို့မှနေ၍ အားလုံး သဘောတူညီသည့် တစ်ခုတည်းသော ဆုံးဖြတ်ချက် ထွက်မလာသည့်အခါမျိုးတွင် ပါဝင်သူ အားလုံးက ဆန္ဒမဲပေးသောနည်းဖြင့် ဆုံးဖြတ်ချက်ကို ရွေးချယ်ရမည်။
၅။ အဲသည်အခါမျိုးတွင် လူတစ်ယောက် မဲတစ်မဲ၊ ဘယ်သူ့မဲမှ တန်ဖိုး မပိုဟူသော စနစ်သည် အားလုံး တန်းတူညီမျှဟူသော မူဝါဒကိုထင်ဟပ်သည့် သင့်မြတ်သော စနစ်ဖြစ်သည်။
စသဖြင့် ဒီမိုကရေစီသမားတို့ ခံယူပေသည်။
#ဆက်ရန်ရှိ

To The Forest Of Firefly Lights (2011)

ဂျပန်စာရေးဆရာYuki Midorikiwaကရေးခဲ့ပြီး 2011မှာanimeအဖြစ်အသက်သွင်းခဲ့ပါတယ်
ရိုမန်တစ်ဆန်တဲ့ဇာတ်လမ်းအမျိုးအစားဖြစ်ပြီး ရည်းစားမရှိတဲ့လူတွေဖီးလ်စေမယ့် ကားမျိုးပဲဖြစ်ပါတယ်
ဟိုတာရုရဲ့အသက်ခြောက်နှစ်အရွယ်လောက်က ကျေးလတ်မှာရှိတဲ့ သူ့အဖိုးရဲ့ရွာနားကတောအုပ်ထဲလမ်းပျောက်ပြီး
ဂင်လိုခေါ်တဲ့မျက်နှာဖုံးနဲ့ လူထူးဆန်းလေးနဲ့စတင်တွေ့ဆုံခဲ့ပြီး
နွေရာသီရောက်တိုင်း သူတိုနှစ်ယောက်က အတူဆုံလေ့ရှိပါတယ်
ဂင်ရဲ့ထူးခြားမှုက သူ့အသားကိုလူတစ်ယောက်ထိတာနဲ့ ဂင်ဟာထာဝရပျောက်ကွယ် သွားရမှာပါ
သူတိုရဲ့ဆက်ဆံရေးတွေကဘယ်လိုရှုပ်ထွေးလာပြီးတော့ ဘယ်လိုဇာတ်သိမ်းမလဲ ဆိုတာကို
ဒါရိုက်တာ Takahiro Omoriကသေချာရိုက်ပြထားပါတယ်ဗျ
ဇာတ်လမ်းကိုစ စတင်ချင်းမှာပဲ
တစ်ဟုန်ထိုးအောင်မြင်မှုတွေ ရပြီးတော့
International Film Festival, Anime Contents Expo နဲ့ Anime Expo conventionတွေမှာပြသခွင့်ရခဲ့ပါတယ်
66th Annual Mainichi Film Awardsဆုပေးပွဲမှanimation flim awardကိုလည်းရရှိထားတဲ့ကားကောင်းလေးပါ
#credit

~~~ အမှတ်တရ ~~~ { ၈ }
ဂျူး
ကျွန်မ မောင့်အိမ်မှာ တည်းခိုမှန်း မသိစေလိုပါ။
“မရဘူး လိုက်မှာပဲ ၊ နင်ဘယ်တုန်းကများ ငါ့ကို နိုင်အောင် ငြင်းနိုင်ဖူးလို့လဲ”
မောင့်လေသံက ပိုင်စိုးပိုင်နင်းပေမယ့် ကျွန်မရင်ထဲ နွေးထွေးသွားရုံသာ ဖြစ်၏။ အနည်းငယ်မျှ ဒေါသမထွက်ရက်ပါ။
“မောင်တို့ ကလေးရပြီလား”
မောင် ချက်ချင်း မျက်နှာပျက်သွားတာ မြင်တော့မှ ကျွန်မ အားနာသွား၏။မောင်နှင့် ကျွန်မသည် တစ်ဦး ခြေလှမ်း တစ်ဦး ရိပ်မိနေသော လက်ဝှေ့သမားလိုပါပဲ။
“အခုမှ နှစ်နှစ်လောက်ရှိသေးတာ ဘယ်ရဦးမလဲ ၊ စကားမလွှဲပါနဲ့ ။ ဘာလဲ နင့်အတွဲကို ငါ မြင်သွားမှာစိုးလို့ မလိုက်စေချင်တာလား”
ကျွန်မ မဖြေပါ။ ထမင်းဟင်းကိုသာ သဲသဲ မဲမဲ စားနေမိ၏။ မောင်က စပါကလင် ပုလင်းကို လှည့်ပတ်ကြည့်နေရင်း မျက်နှာ ညိုနေသည်။
" အင်းပေါ့လေ ချစ်မှာလည်း လက်တွဲရမည့်သူ ရှိနေရောပေါ့ ။ အဲဒီသူက ဘယ်သူလဲ ။ ဘယ်ကလဲ။ မောင်နဲ့ သိလား ။ မောင်တို့ကျောင်းကပဲလား "
ကျွန်မ အနည်းငယ် ခံပြင်းစွာ မော့ကြည့်လိုက်မိ၏။
“တစ်ယောက်နဲ့တင် လုံလောက်ပါပြီ မောင် ။ အချစ်တွေ အိမ်ထောင်ရေးတွေကို ကျွန်မ သိပ်ကို စိတ်ကုန်ပါပြီ မခနဲ့စမ်းပါနဲ့”
မောင်ရော ကျွန်မရော ငြိမ်သက်နေကြပြန်၏။ မောင့်မျက်နှာညိုနေတော့လည်း ကျွန်မ စိတ်မကောင်းပါကွယ် ။
မောင့်မှာ နေမကောင်းနေတာ ငါ ဒီလို မပြောသင့်ဘူး။
ကျွန်မက လှစိုးညွှန့် နှင့် မဌေး၀င်းအကြောင်း ၊ ၀င်းမြင့်ထွန်းနှင့် ခင်စန်း၀င်းအကြောင်းစုံစွာ ပြောပြနေမိသည်။ ထွန်းအောင်ကြည်နှင့် တွေ့သေးလားဟု မောင်က မေး၏။ ကိုယ့်အကြောင်း ပြောရသည်ထက် သူများ အကြောင်း ပြောရတာ စိတ်လက်ပေါ့ပါးပါသည်။
~•~•~•~•~•~
အခန်း ၉ (ဇာတ်သိမ်းပိုင်း) ဆက်ရန်>>>

Part_6
မောင်သာနိုးဘာသာပြန်တဲ့ ဘောင်းဘီဝတ်မိုးတိမ်
မာရီယာရဲ့ ခန္ဓာကိုယ်လေး သက်သက်ကိုသာ ချစ်တယ်လို့ ဆိုလိုက်ပေမဲ့ ရမ္မက်သက်သက် မဟုတ်ပါဘူး။ တိုက်ပွဲမှာ ခြေထောက်တစ်ချောင်း ပြတ်ခဲ့ရတဲ့ စစ်သားဟာ ကျန်ခြေထောက်တစ်ချောင်းအပေါ်မှာ ဘဝကြီးတစ်ခုလုံး တည်မှီ နေရတော့မယ်ဆိုတဲ့ သဘောမျိုး။ ဘဝလုံးပုံပြီးချစ်တဲ့ အချစ်ကို ‘ခြေတစ်ဖက်ပြတ်' နိမိတ်ပုံနဲ့ တင်စားပြီးသုံးလိုက်တာကတော့ တော်လှန်ရေးမုန်တိုင်း ခရီးကြမ်းထဲ ဖြတ်သန်းခဲ့ရတဲ့ ကဗျာဆရာတစ်ယောက် ပီသပါပေတယ်။
ဒါပေမဲ့ ဒီနိမိတ်ပုံကို မာယာကော့ဖ်စကီး အလွယ်တကူနဲ့ ရခဲ့တာမဟုတ်ပါ ဘူး။ နှစ်ရက်လုံးလုံး မနားမနေစဉ်းစားပြီးမှ ရခဲ့တာပါ။
‘ကဗျာ ဘယ်လိုရေးသလဲ’ဆိုတဲ့ မာယာကော့ဖ်စကီးရဲ့ ဆောင်းပါးတစ်ပုဒ် မှာ..
“အထီးကျန် လူတစ်ယောက်က သူ မြတ်နိုးတဲ့ မိန်းမပျိုအပေါ် ထားအပ်တဲ့ သူ့ကြင်နာမှုကိုဖော်ပြဖို့ အကောင်းဆုံးနည်းလမ်း ရှာလိုက်တာ နှစ်ရက်တိုင်ပါ
လေရော...
တတိယည ခေါင်းခဲပြီး အိပ်ရာဝင်ခဲ့ရတယ်။ ဘာမှ မရဘူး။ သန်းခေါင်ယံကျတော့ ဖျတ်ခနဲ ဒီ ပါဒပိုဒ်ကို ရတယ်။
‘မင့်ကိုယ်ခန္ဓာကို
ငါ စောင့်ရှောက်မယ် - ချစ်မယ်၊
စစ်ပွဲမှာ
ကျိုးပြတ်ခဲ့ရတဲ့၊ လိုသူ မဲ့တဲ့
ပိုင်သူ မဲ့တဲ့
စစ်သားဟာ
သူ့ရဲ့ တစ်ချောင်းတည်း ခြေထောက်ကို
စောင့်ရှောက်သလိုမျိုး
ဒီတွင် နိုးတစ်ဝက်နဲ့ ကျွန်တော် ထခုန်တယ်။ အမှောင်ထဲမှာ စမ်းတဝါးဝါးနဲ့ စီးကရက်ဘူးခွံပေါ် မီးခြစ်ဆံ ခေါင်းကျွမ်းနဲ့ 'ခြေတစ်ချောင်း’လို့ ရေးမှတ်ပြီး တစ်ခါ အိပ်ပျော်သွားပြန်တယ်။ မနက်လင်းတော့ ဘာခြေထောက်လဲ၊ ဒီခြေထောက် ကို ဘယ်လိုရေးမိတာလဲဆိုတာကို ပြန်ပေါ်အောင် စဉ်းစားတာကိုက နှစ်နာရီ ကြာသွားပါတယ်တဲ့။
#ဆက်ရန်ရှိ

ဂျပန်ရဲ့ ဒုတိယအကြီးဆုံး လေကြောင်းလိုင်း ဆိုက်ဘာတိုက်ခိုက်ခံရ

ဒီဇင်ဘာ ၂၆

ဂျပန်လေကြောင်းလိုင်းဟာ ဒီကနေ့ ဒီဇင်ဘာ ၂၆ ရက်က ဆိုက်ဘာတိုက်ခိုက်မှုကြုံခဲ့ရတာကြောင့် လေယာဉ်ခရီးစဉ်တွေ နှောင့်နှေးခဲ့ရတယ်လို့ အဲဒီလေကြောင်းလိုက်က ထုတ်ပြန်လိုက်ပြီး ဒီပြသနာကို ဖြေရှင်းနိုင်ခဲ့တယ်လို့ ဆိုပါတယ်။

လေကြောင်းလိုင်းရဲ့ ခရီးဆောင်အိတ်တွေကို စစ်ဆေးတဲ့စနစ်မှာ ပြသနာတွေကြုံခဲ့ရတာကြောင့် ဂျပန်လေဆိပ်အများအပြားမှာ လေယာဉ်ခရီးစဉ် တဒါဇင်ကျော်နှောင့်နှေးခဲ့ရတယ်လို့ ဆိုပါတယ်။ ဒါပေမယ့်လည်း ခရီးစဉ်တွေ ဖျက်သိမ်းလိုက်ရတာမျိုးတော့ မရှိသေးဘူးလို့ ပြောပါတယ်။

ဂျပန်လေကြောင်းလိုင်းသည် အောနီပွန်လေကြောင်းလိုင်းပြီးရရင် ဂျပန်နိုင်ငံမှာ ဒုတိယမြောက် အကြီးဆုံးလေကြောင်းလိုင်းလည်းဖြစ်ပါတယ်။ ပြသနာရဲ့ အဓိကအကြောင်းရင်းကို ရှာဖွေဖြေရှင်းနိုင်ခဲ့ပြီး အခြေအနေတွေကို ပြန်လည်စစ်ဆေးနေတယ်လို့ ဂျပန်လေကြောင်းလိုင်းက ထုတ်ပြန်ပါတယ်။

ဆိုက်ဘာတိုက်ခိုက်မှုကြောင့် ပြည်တွင်းနဲ့ နိုင်ငံတကာလေကြောင်းခရီးစဉ် ရောင်းချမှုတွေကို ခေတ္တရပ်ဆိုင်းထားပြီး အဆင်မပြေမှုများအတွက် တောင်းပန်ကြောင်း လေကြောင်းလိုင်းက ထုတ်ပြန်ထားပါတယ်။

ဆိုက်ဘာတိုက်ခိုက်မှုဟာ ဒီကနေ့မနက် ၆ နာရီ ၂၄ မိနစ်မှာ စတင်ကြုံတွေ့ခဲ့ရပြီး မနက် ၉ နာရီဝန်းကျင်မှာတော့ အနှောက်အယှက်ဖြစ်နေတဲ့ ကွန်ရက်ကို ယာယီခွဲထုတ်နိုင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ ဒီဖြစ်စဉ်ကြောင့် လေကြောင်းလိုင်းရဲ့ ရှယ်ယာတွေ ၂ ဒသမ ၅ ရာခိုင်နှုန်းထိ မနက်ပိုင်းမှာ ကျဆင်းခဲ့ပြီး နောက်ပိုင်းမှာ ပြန်လည်တည်ငြိမ်ခဲ့ပါတယ်။

ဒီကနေ့မွန်းတည့်ချိန်ထိ ပြည်တွင်းခရီးစဉ်လေယာဉ် ၂၄ စင်းဟာ မိနစ် ၃၀ ကနေ ၈၅ မိနစ်ထိ နှောင့်နှေးခဲ့ရပြီး အချို့သောနိုင်ငံတကာခရီးစဉ်များလည်း နှောင့်နှေးခဲ့ကာ ဂျပန်လေကြောင်းလိုင်းရဲ့ အက်ပလီကေးရှင်းကိုတော့ သက်ရောက်မရှိဘူးလို့ ထုတ်ပြန်ထားပါတယ်။

RefAFP
Photo:AFP

#သတင်းဟင်းလေးအိုးကြီး

ရန်ကုန်မြို့တွင် တစ်ရက်တည်း အိမ်စီးယာဉ် (၂) စီး မီးလောင်မှုဖြစ်ပွား

နေပြည်တော်၊ ဒီဇင်ဘာ ၂၆

ရန်ကုန်မြို့တွင် တစ်ရက်တည်း အိမ်စီးယာဉ်(၂) စီး မီးလောင်မှုဖြစ်ပွားကြောင်း ဒေသခံလူမှုကူညီရေး အသင်းထံမှ သိရသည်။

ဒီဇင်ဘာလ ၂၅ ရက် ည ၉ နာရီ ၂ မိနစ်အချိန်တွင် ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ မင်္ဂလာတောင်ညွှန့်ကြီးရပ်ကွက်၊ စက်ရုံလမ်းမ၊ (၁၅)ပေဂုံးတံတားပေါ်တွင် ယာဉ်မောင်းနေရင်း ရုတ်တစ်ရက် ကားအင်ဂျင်မှ မီးလောင်မှုဖြစ်ပွားကြောင်း သတင်းရရှိသောကြောင့် ဖြစ်စဉ်နေရာသို့ မင်္ဂလာတောင်ညွှန့်မြို့န ယ်မီးသတ်စခန်းမှ မီးငြိမ်းသတ်ယာဉ်(၁)စီး၊ ပုဇွန်တောင်မြို့နယ်မီးသတ်စခန်းမှ မီးငြိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် မီးငြိမ်းသတ်ရာ ၉ နာရီ ၅ မိနစ်အချိန်တွင် မီးငြိမ်းသတ်သွားကြောင်း သိရ သည်။

“ကားမောင်းနေရင်းနဲ့ အင်ဂျင်ပိုင်းက မီးလောင်သွားတာ။ ဘာချို့ယွင်းသွားလို့လည်းတော့ မသိဘူး။ လူတွေတော့ ဘာမှမဖြစ်ဘူး” လို့ ဖြစ်စဉ်နေရာသို့ သွားရောက်ခဲ့သည့် ဒေသခံလူမှုကူညီရေးအသင်းမှ တာဝန်ရှိသူတစ်ဦးမှ ပြောသည်။

အလားတူ ဒီဇင်ဘာလ ၂၅ ရက် နံနက် ၂ နာရီကျော်တွင် ရန်ကုန်တိုင်းဒေသကြီး၊ ကမာရွတ်မြို့နယ်၊ ပြည်လမ်းကုန်းတံတားပေါ်တွင် PRADO အိမ်စီးယာဉ်တစ်စီးလည်း မီးလောင်မှုဖြစ်ပွားခဲ့သည်။

Photo - Credit

#centralnewsnaypyitaw