MySPACE

29 w - Translate

ဆန်ခါတင်စာရင်းမှာ နည်းပြ(၅)ဦးအမည်ပါဝင်နေတဲ့ပရီးမီးယားလိဂ်အကောင်းဆုံးနည်းပြဆု

ယခုရာသီပရီးမီးယားလိဂ်အကောင်းဆုံးနည်းပြဆု (Premier League Manager of the Season)အတွက် ဆန်ခါတင်နည်းပြ(၅)ဦးစာရင်းကို ပရီးမီးယားလိဂ်အဖွဲ့ချုပ်ကထုတ်ပြန်ခဲ့သည်။ လက်ရှိပရီးမီးယားလိဂ် အမှတ်ပေးဇယားတွင် ထိပ်ဆုံး၌ ရပ်တည်နေသော အသင်း(၄)သင်းမှ နည်းပြများဖြစ်သည့် မီခေးလ် အာတေတာ(အာဆင်နယ်)၊ပတ် ဂွါဒီယိုလာ(မန်စီးတီး)၊ယာဂန် ကလော့ပ်(လီဗာပူးလ်)၊အူနိုင်း အမ်မရီ (ဗီလာ)တို့နှင့်အတူ ဘုန်းမောက်အသင်းနည်းပြ အန်ဒိုနီ အာရီအိုလာမှာ ဆန်ခါတင်စာရင်းတွင် ပါဝင်ခဲ့သည်။ပရီးမီးယားလိဂ်အကောင်းဆုံးနည်းပြဆုကို (၁၉၉၃-၉၄) ရာသီကတည်းက စတင်ချီးမြှင့်ခြင်းဖြစ်ပြီး မန်ယူနိုက်တက်အသင်းနည်းပြဟောင်း ဆာအဲလက်စ်ဖာဂူဆန်က အများဆုံးအဖြစ် (၁၁)ကြိမ်ဆွတ်ခူးနိုင်ခဲ့သည်။နောက်ဆုံး(၆)ရာသီတွင် ဂွါဒီယိုလာက(၄)ကြိမ်(၂၀၁၈၊ ၂၀၁၉၊ ၂၀၂၁၊ ၂၀၂၃)၊ကလော့ပ်က(၂)ကြိမ်(၂၀၂၀၊ ၂၀၂၂)ဆွတ်ခူးခဲ့ပြီး ၎င်းနည်းပြ(၂)ဦး၏ လွှမ်းမိုးမှုကို အခြားနည်းပြတစ်ဦးဦးက အဆုံးသတ်နိုင်မလားဆိုသည်ကို ကြည့်ရမည်ဖြစ်သည်။ယင်းဆုအတွက် ပရီးမီးယားလိဂ်ဝက်ဘ်ဆိုက်တွင် ပရိသတ်များလည်း မဲပေးနိုင်ပြီး ပရိသတ်များ၏မဲကို ဘောလုံးကျွမ်းကျင်သူများအဖွဲ့(panel of football experts)၏ မဲများနှင့် စုပေါင်းကာ အကောင်းဆုံးနည်းပြကို ရွေးချယ်မည်ဖြစ်သည်။ယင်းဆုရရှိသူအား ယခုမေ(၂၁)ရက်နေ့တွင် ကြေညာသွားမည်ဖြစ်သည်။

(၂၀၂၃-၂၄)ရာသီ ပရီးမီးယားလိဂ်အကောင်းဆုံနည်းပြဆုကို ဘယ်သူရယူသွားမလဲ❓