MySPACE

15 w - Translate

ငါးရခိုင်ချက်
စနေ၊ တနင်္ဂနွေ ပိတ်ရက် လေးကလည်း ရောက်လာပြီ။
ရာသီဥတု လေးကလည်း ကိုယ့်ဘက်ပါတယ် ဟုတ် -----
ပူပူစပ်စပ်ဟင်း လေးက ဒီလို ရာသီဥတုနဲ့ လိုက်ဖက်တယ်နော်။ ဆီနည်းနည်;ပဲသုံးရလို့ ကျန်းမာရေးနဲ့လည်းညီညွတ်ပါတယ်။ ဆီပြန်ဟင်းတွေ စားရတာရိုးသွားရင် ဒီလိုလေးချက်စားကြည့်ပါနော်
လွယ်လွယ်ကူကူ နဲ့ ချက်စားလို့လဲရတဲ့ " ငါးရခိုင်" ချက်လေးပါ

ပါဝင်ပစ္စည်းများ
- နှစ်သက်ရာ ငါးတစ်မျိုး
- ကုလားအော်သီး
- ငရုတ်သီးစိမ်း
- မန်ကျည်းသီးမှည့် (သို့မဟုတ်) ချဉ်းစော်ကားသီး
- အချိုမှုန့်
- နံနံပင် သို့ ရှမ်းနံနံ
- ဆား
- မျှင်ငါးပိ (သို့) စိမ်းစားငပိ
- ဆီအနည်းငယ်
- နနွင်းမှုန့်အနည်းငယ်
- ကြက်သွန်ဖြူ
- ငရုပ်ကောင်းအနည်းငယ်
ချက်နည်း
- ပထမဆုံး ငရုတ်သီးစိမ်း နှင့် ကုလားအော်တောင့် များကို မီး အေးအေး နှင့် နွမ်းသွားသည့် အထိ ကင်ပြီး ကြက်သွန်ဖြူနှင့်ရောကာ မညက်တညက် ကြိတ်ထားပေးပါ။
- အိုးတစ်လုံးထဲမှာ ငါးကို ဆား ၊ နနွင်းမှုန့်၊ အချိုမှုန့်၊ မျှင်ငါးပိတို့နဲ့ နယ်ပြီးနှပ်ထားပါ။
- မန်ကျည်းသီး ရေဖျော်ထားပါ။နံနံပင် (သို့) ရှမ်းနံနံကို သင်ပြီး ရေစိမ်ထားပါ။
- နှပ်ထားသော ငါးကို မီးဖိုပေါ်တင်ပြီးလျှင် ကုလားအော်၊ ငရုတ်သီးစိမ်း၊ ကြက်သွန်ဖြူ
ကြိတ်ထားတာထည့်ပါ။ ဆီ ၊ ရေထည့်ပြီး တည်ထားပါ ။
- ဆူပြီဆိုလျှင် မန်ကျည်းမှည့် အရည်ဖျော်ထားတာထည့်ပြီး ပြန်ဆူအောင်စောင့်ပါ ။
- ဆူလာပြီဆို နံနံပင် (သို့) ရှမ်းနံနံ အုပ်ပြီး စားလို့ရပါပြီ။