Daisy flower 🌼💐💫

Daisy flower 🌼💐💫

Daisy flower 🌼💐💫

Daisy flower 🌼💐💫

Daisy flower 🌼💐💫

ကျပ်သိန်း ၅၀၀၀ အပါအဝင် ထီဆု တစ်သောင်းကျော် ထုတ်ယူရန်ကျန်နေ
-----------------------
ကျပ်သိန်း ၅၀၀၀ တစ်ဆု၊ ကျပ်သိန်း ၂၀၀ နှစ်ဆု၊ ကျပ်သိန်း ၁၀၀ နှစ်ဆု အပါအဝင် ထီဆုမဲ ၁၃၀၀၀ ကျော် ထုတ် ယူဖို့ ကျန်ရှိနေတယ်လို့ စီမံကိန်းနှင့်ဘဏ္ဍာရေးဝန်ကြီးဌာန ပြည်တွင်းအခွန်များဦးစီးဌာန၊ အောင်ဘာလေသိန်းဆု ဌာနခွဲက ကြေညာထားပါတယ်။

၂၀၂၃ ခုနှစ် နိုဝင်ဘာ ၁ ရက်မှာ ဖွင့်လှစ်ခဲ့တဲ့ ၅၆ ကြိမ်မြောက် ကျပ် ၁၀၀၀ တန် အောင်ဘာလေသိန်းဆုထီ ဖွင့်ပွဲမှာ ဆုမဲပေါင်း တစ်သိန်းကျော် ခွဲဝေချီးမြှင့်ခဲ့ရာ ဆုမဲ ၁၃၀၀၀ ကျော်ကို လက်ရှိ အချိန်ထိ လာရောက် တောင်းခံတာ မရှိသေးဘူးလို့ ဆိုပါတယ်။ လာရောက်တင်ပြတောင်းခံတာမရှိသေးတဲ့ ဆုမဲတွေထဲမှာတော့ ကျပ်သိန်း ၅၀၀၀ တစ်ဆု၊ ကျပ်သိန်း ၂၀၀ နှစ်ဆု၊ ကျပ်သိန်း ၁၀၀ နှစ်ဆု၊ ကျပ်သိန်း ၅၀ နှစ်ဆု၊ ကျပ်သိန်း ၂၀ (၇)ဆု၊ ကျပ် ၁၀ သိန်း (၃)ဆု စတဲ့ ဆုရလက်မှတ်တွေ ပါဝင်တယ်လို့ ကြေညာချက်အရ သိရပါတယ်။

အဲဒီ ဆုရလက်မှတ်တွေကို ၂၀၂၄ ခုနှစ် အောက်တိုဘာလ ၃၁ ရက်အထိ ရန်ကုန်နဲ့ မန္တလေးမြို့တွေရှိ အောင်ဘာ လေသိန်းဆုဌာနခွဲရုံးတွေမှာ လာရောက်တင်ပြထုတ်ယူတာ မရှိရင် အခွန်ဘဏ္ဍာအဖြစ် သိမ်းယူသွားမှာဖြစ်တယ် လို့လည်း ကြေညာချက်မှာ ဖော်ပြထားပါတယ်။

EV ယာဉ်ထုတ်လုပ်ခြင်း အပါအဝင် ရင်းနှီးမြှုပ်နှံမှုလုပ်ငန်းသစ် (၈)ခု ခွင့်ပြု
--------------------------------
လျှပ်စစ်သုံးမော်တော်ယာဉ်အမျိုးမျိုး တပ်ဆင်ထုတ်လုပ်တဲ့ လုပ်ငန်းပါဝင်တဲ့ ရင်းနှီးမြှုပ်နှံမှုလုပ်ငန်းသစ် (၈)ခုကို ခွင့်ပြုပေးခဲ့တယ်လို့ မြန်မာနိုင်ငံရင်းနှီးမြှုပ်နှံကော်မရှင်ရဲ့ (၈/၂၀၂၄) ကြိမ်မြောက် အစည်းအဝေးက သိရပါတယ်။ အဲဒီ အစည်းအဝေးကိုတော့ စက်တင်ဘာလ (၃၀) ရက် မနက်ပိုင်းက နေပြည်တော်မှာပြုလုပ်ခဲ့တာပါ။

အစည်းအဝေးမှာ ဆောင်ရွက်ဆဲ ရင်းနှီးမြှုပ်နှံမှု လုပ်ငန်းတွေရဲ့ မတည်ငွေရင်း တိုးမြှင့်တာ အပါအဝင် စက်မှု ကဏ္ဍ၊ ဝန်ဆောင်မှုကဏ္ဍ၊ ရေနံနှင့်သဘာဝဓာတ်ငွေ့ကဏ္ဍနဲ့ ပို့ဆောင်ရေးနှင့်ဆက်သွယ်ရေးကဏ္ဍတွေက ရင်းနှီးမြှုပ်နှံမှုလုပ်ငန်းအသစ် (၈)ခု ခွင့်ပြုပေးခဲ့တယ်လို့ သိရပါတယ်။
ခွင့်ပြုပေးခဲ့တဲ့လုပ်ငန်းတွေရဲ့ ရင်းနှီးမြှုပ်နှံ မှုပမာဏဟာ အမေရိကန်ဒေါ်လာ ၉ သန်းကျော်နဲ့ ငွေကျပ်သန်းပေါင်း ၄၆၀၀၀ ကျော်ဖြစ်ပြီး အလုပ်အကိုင် အခွင့်အလမ်းပေါင်း ၁၉၇၂ ယောက်အတွက် ဖန်တီးပေးနိုင်မှာဖြစ်တယ်လို့ ဆိုပါတယ်။

၂၀၂၄ ခုနှစ် ဩဂုတ်လ ကုန်အထိ မြန်မာနိုင်ငံမှာ ရင်းနှီးမြှုပ်နှံထားတဲ့နိုင်ငံ၊ ဒေသပေါင်း ၅၃ ခု ရှိပြီး ရင်းနှီးမြှုပ်နှံမှု အများဆုံးပြုလုပ်တဲ့ နိုင်ငံ၊ ဒေသတွေကတော့ စင်ကာပူ၊ တရုတ်နဲ့ ထိုင်းနိုင်ငံတို့ ဖြစ်တယ်လို့ သိရပါတယ်။

တရုတ်အိုးပင်း ဆီမီးဖိုင်နယ်အဆင့်ကို ဆင်နာ တက်ရောက်
-----------------------
ကမ္ဘာ့အဆင့်-၁ အီတလီတင်းနစ်သမား ဆင်နာဟာ တရုတ်နိုင်ငံ ပေကျင်းမှာ ကျင်းပနေတဲ့ တရုတ်အိုးပင်းတင်းနစ် ပြိုင်ပွဲမှာ ဆီမီးဖိုင်နယ်ကို တက်သွားခဲ့ပါတယ်။ စက်တင်ဘာ ၃၀ ရက်နေ့က ယှဉ်ပြိုင်ခဲ့တဲ့ ကွာတားဖိုင်နယ်မှာ ဆင်နာဟာ ချက်တင်းနစ်သမား လီဟက်ကာနဲ့ ယှဉ်ပြိုင်ခဲ့ရတာဖြစ်ပြီး ဆင်နာအတွက် အခုပွဲစဉ်က လွယ်ကူတဲ့ ပွဲစဉ်တစ်ပွဲတော့ မဟုတ်ခဲ့တာကို တွေ့ရပါတယ်။

လီဟက်ကာဟာ အခုနှစ်ပြိုင်ပွဲမှာရရှိနေတဲ့ အကောင်းဆုံး လက်စွမ်းကို အခုပွဲစဉ်မှာလည်း ဆက်လက်ပြသ နိုင်ခဲ့ပြီး ဆင်နာကို အခက်တွေ့အောင် ကစားသွားနိုင်ခဲ့တာပါ။ ဒါ့ကြောင့်လည်း ဆင်နာဟာ အခုပွဲမှာ အနိုင် ရဖို့အတွက် ပွဲကစားချိန် ၂ နာရီးနီးပါးကြာမြင့်ခဲ့ပြီး (၆း၂၊၇း၆) ဆိုတဲ့ ရလဒ်နဲ့ အနိုင်ရခဲ့တာဖြစ်ပါတယ်။

ပြီးခဲ့တဲ့နှစ် တရုတ်အိုးပင်းပြိုင်ပွဲမှာ ချန်ပီယံဆုကို ရယူခဲ့သလို အခုနှစ်ပြိုင်ပွဲမှာ ချန်ပီယံဆုကို ကာကွယ်ရမယ့် ဆင်နာဟာ ဆီမီးဖိုင်နယ်အဆင့်မှာ တရုတ်တင်းနစ်သမား ယန်ချော့ကီတီ (Yunchaokete)နဲ့ ဆက်လက်ယှဉ် ပြိုင်ရမှာ ဖြစ်ပါတယ်။ ကမ္ဘာ့အဆင့်-၉၆ မှာရပ်တည်နေတဲ့ ယန်ချော့ကီတီဟာ ကွာတားဖိုင်နယ်အဆင့်မှာ ရုရှားတင်းနစ်သမား ရူဘလက်ဗ်ကို အံ့အားသင့်ဖွယ်အနိုင်ရခဲ့ပြီး ဆီမီးဖိုင်နယ်ကို တက်ရောက်လာခဲ့တာ ဖြစ်ပါတယ်။

အင်း.... အဲဒီအကြံမဆိုးဘူး