Tattoo ideas

It\s a bit annoying this akai

𝗕𝗼𝗻𝘂𝘀 𝗖𝗵𝗮𝗽𝘁𝗲𝗿_______𝗧𝗵𝗲 𝗘𝘅𝗼𝗿𝗰𝗶𝘀𝘁

အ​မေရိကန်ကား​တွေကို hypercar level၊ supercar level ​ရောက်​အောင် တစ်ဖက်တစ်လှမ်းမှ မြှင့်တင်​​ပေး​နေသူက '𝙃𝙚𝙣𝙣𝙚𝙨𝙨𝙚𝙮 𝙋𝙚𝙧𝙛𝙤𝙧𝙢𝙖𝙣𝙘𝙚' (𝗈𝗋) 𝙃𝙋𝙀 ဘဲဖြစ်ပါတယ်။ HPE က အ​မေရိကန်​ပီပီ ကျယ်​လောင်တဲ့ V8 ​တွေကြိုက်တယ်၊ muscle car နှင့် ထရပ်ကား​တွေ ကြိုက်တတ်တာ မဆန်းပါဘူး၊ သို့​ပေမယ့် သာမာန်ကား​တွေနှင့် မတူညီတာက HPE က​နေ ​မွေး​ဖွား​ပေးလိုက်တဲ့ကား​တွေဟာ အလွန်များပြားတဲ့ မြင်း​ကောင်​ရေနှင့်အတူ နာမည်အကြမ်းစား​တွေ ဖြစ်​နေတတ်တာပါ။ စာ​ဖတ်သူဟာ အားလပ်ချိန်မှာ Youtube ထဲဝင်ပြီး ကားအ​ကြောင်းစပ်စုတတ်သူဆိုရင်​တော့ Hennessey ကထုတ်သမျှ ​မော်ဒယ်​တွေကို အလွတ်ရ​နေ​လောက်မယ်လို့ ကျွန်​တော် ထင်ပါတယ်။ လွန်ခဲ့တဲ့ လပိုင်း​လောက်ကမှ ထွက်ရှိလာတဲ့ 1000 hp Camaro ZL1 ဟာ top speed 217 mph အရှိန်နှုန်းနှင့် ကမ္ဘာ့အမြန်ဆုံး muscle car ဂုဏ်ပုဒ်ကို ကိုင်​ဆောင်ထားတယ်ဗျ။ 0-60 မှာ အမြန်ဆုံးက Dodge Demon(2.3 sec) ဆို​ပေမယ့် သူက top speed 211 mph ဘဲရှိပါတယ်။ HPE မှ တည်​ဆောက်ထား​သော Camaro ZL1 ကို '𝖳𝖧𝖤 𝖤𝖷𝖮𝖱𝖢𝖨𝖲𝖳' လို့အမည်​ပေးထားပြီး ပ​ယောဂဆရာလို့ အဓိပ္ပါယ်ရပါတယ်။ မူလ LT4 V8 အင်ဂျင်ကို 650 hp က​နေ 1000 hp ထွက်​အောင် ဂရုတစိုက် tuning ပြုလုပ်​ပေးခဲ့ရပြီး force-induction system အတွက် 1.7L Supercharger ကို 2.9L Supercharger နှင့် ​အစားထိုးခဲ့ပါတယ်။ တာယာ၊ ဘရိတ်စနစ်၊ air-intake တို့အတွက် အဆင့်မြှင့်တင်မှု​ပေါင်းစုံ ဖြတ်​​​ကျော်ခဲ့တဲ့နည်းတူ handling ပိုင်းကိုလည်းကိုင်တွယ်ခဲ့ပါတယ်။ ယခုလို HPE ရဲ့ treatment ​အကြမ်းစားကို muscle car ချစ်သူအ​ယောက် ၁၀၀ ကဘဲ ပိုင်ဆိုင်ခွင့်ရရှိမှာဖြစ်ပြီး အ​မေရိကန်​ဒေါ်လာ ၂ သိန်းနီးပါး ကျသင့်မှာလည်း ဖြစ်ပါတယ်။ Specification အပြည့်အစုံကို HPE website မှာ သွား​ရောက်ဖတ်ရှုနိုင်ပါတယ်ခင်ဗျာ။

𝗭𝗟𝟭 𝟭𝗟𝗘
••••••••••••

Camaro ဟာ pony car ​လောကကို စတင်ခဲ့တာမဟုတ်​ပေမယ့် Mustang မစီးချင်သူ​တွေအတွက် ရွေးချယ်စရာတစ်ခုအဖြစ်နှင့် ရပ်တည်​ပေးခဲ့လို့ Chevrolet ကုမ္ပဏီအတွက် တန်ဖိုးထားရတဲ့ ​​မော်ဒယ်တစ်ခုဖြစ်ပါတယ်။ လက်ရှိမှာ Ford နှင့် Dodge တို့က muscle car DNA ပါဝင်တဲ့ EV ​တွေကို ထုတ်လုပ်​နေပြီး Chevy အ​နေနှင့် ဘယ်လိုတုန့်ပြန်မလဲ ဆိုတာ မသိရ​သေးပါဘူး။ သို့​ပေမယ့် အတိအကျ​ပြောနိုင်တာက Camaro ဟာ Mustang နှင့် Challenger ထက် ဒီဇိုင်းဆုတံဆိပ်​ပေါင်းများစွာ ရရှိခဲ့တဲ့အပြင် motorsport ​လောကနှင့်လည်း လုံးဝမစိမ်းတဲ့ ​မော်ဒယ်တစ်ခုပါ။ Indy 500 ပြိုင်ပွဲမှာလည်း ဒုတိယ​ထည့်သွင်း​ခံရဆုံး Pace Car ဖြစ်တဲ့အပြင် ဆွီဒင် racing series: Camaro Cup မှာ ၃၈ နှစ်တိုင်တိုင် တည်ရှိလာတဲ့ ကားတစ်စီးလည်း ဖြစ်ပါတယ်။

Mustang ပို​ကောင်းလား Camaro ပို​ကောင်းလား​​မေးခွန်းက ယခုချိန်ထိ အငြင်းပွားစရာသီအိုရီတစ်ခုအဖြစ် ကျန်ရှိ​နေ​ပေမယ့် အချက်အလက်ကျကျ နှိုင်းယှဥ်ပြရင် Camaro က ပို​ကောင်းပါတယ်။ Safety ဖြစ်မှုမှာလည်း Mustang ထက်ပိုသာပြီး track မှာ စူပါကားတွေနှင့်​တောင် ယှဥ်နိုင်တာ​မို့ Camaro ဟာ muscle car ​လောကရဲ့ ​အောင်မြင်မှုအရှိဆုံး ​မော်ဒယ်တစ်ခုပါ။ ယ​နေ့ episode ​လေးကို ဖတ်ရှု​ပေးတဲ့အတွက် ​ကျေးဇူးအထူးပင်ရှိပါတယ်🖤 နှုတ်မဆက်မှီ ​အောက်မှာ ထည့်သွင်းထား​သော bonus chapter များကို ဖတ်ရှု​ပေးကြပါဦးခင်ဗျာ။

𝗙𝗶𝗳𝘁𝗵 𝗚𝗲𝗻 𝗖𝗮𝗺𝗮𝗿𝗼
•••••••••••••••••••••••••

၁၉၉၂ ခုနှစ်က​နေ ထုတ်လုပ်လာခဲ့တဲ့ စတုတ္ထမျိုးဆက် Camaro ဟာ ၂၀၀၂ ခုနှစ်မှာ ထုတ်လုပ်မှုရပ်ဆိုင်းခြင်း ခံခဲ့ရပါတယ်။ Camaro ပဉ္စမမျိုးဆက်မလာခင် ၈ နှစ်​လောက် ​​ဝေးကွာသွားတဲ့ ကြားကာလမှာ Ford က မူလဒီဇိုင်းအ​ပေါ် ပြန်မှီခိုထားတဲ့ retro-futurism ​ရုပ်ထွက်ကို သုံးပြီး all new Mustang ကို ၂၀၀၅ ခုနှစ်မှာ မိတ်ဆက်ခဲ့ပါတယ်။ တစ်နှစ်တည်းမှာဘဲ Dodge Challenger၊ ၂၀၀၆ ခုနှစ်မှာ Dodge Charger တို့ကပါ ထွက်ရှိလာပြီဆို​တော့ ​စျေးကွက်ထဲ လူစုံတက်စုံရှိ​နေပြီဗျ။ ​နောက်ကျ​နေခဲ့တာဆိုလို့ Camaro တစ်​ယောက်ဘဲ ကျန်​ပါ​တော့တယ်။ ပဉ္စမမျိုးဆက် Camaro ကို ၂၀၀၆ ခုနှစ်၊ ဝါရှင်တန်ကားပြပွဲမှာ စတင်မိတ်ဆက်၍ ၂၀၀၈ ခုနှစ်မှာ '𝙏𝙧𝙖𝙣𝙨𝙛𝙤𝙧𝙢𝙚𝙧𝙨' ရုပ်ရှင်နှင့် လူသိထင်ရှားကြေငြာခဲ့ပါတယ်။ ၎င်းရုပ်ရှင်က ချက်ချင်းဆိုသလို ​​ပေါက်သွားခဲ့ပြီး Camaro ဟာလည်း ဇာတ်​ကောင် 'Bumblebee' နှင့် တစ်သားတည်းဖြစ်သွားပါတယ်။ ပဉ္စမမျိုးဆက်ကို ၂၀၀၉ ခုနှစ် ဒီဇင်ဘာလမှ တရားဝင်​ရောင်းချခဲ့တယ်ဆို​ပေမယ့် ရုပ်ရှင်က အလွန်​အောင်မြင်ခဲ့တာ​ကြောင့် ဇူလိုင်က ၂၂ ရက်​နေ့ကတည်းက Camaro SS: Transformer Edition ကို GM မှမိတ်ဆက်​ပေးခဲ့ပါတယ်။ ယ​နေ့​ခေတ်မှာ ​​​တွေ့မြင်​နေရတဲ့ Camaro က ​နောက်ဆုံးမျိုးဆက်ဖြစ်ပြီး​​တော့ Aerodynamics အရ၊ Nurburgring Lap Record အရ အမြန်ဆုံး muscle car လည်းဖြစ်ပါတယ်။ ၂၀၁၇ ခုနှစ်မှာ ကျ​ရောက်တဲ့ Camaro နှစ် ၅၀ ပြည့် နှစ်ပတ်လည်မှာ limited edition ​မော်ဒယ်ကို ထုတ်လုပ်ခဲ့ပြီး ​မြင်​တွေ့​နေကြ အဝါ​ရောင်အစား အမည်း​ရောင်ကို အသုံးပြုခဲ့ပါတယ်။ Mustang မှာက RTR specs တို့၊ GT500၊ Shelby Cobra စတဲ့ special edition ​တွေရှိ​ပေမယ့် Camaro က သူမတူ​အောင် ရုပ်ရှင်နှင့် ကစားစရာဘက်မှာ ​​ပိုထိုး​​ဖောက်နိုင်ခဲ့ပါတယ်။ ယ​နေ့ချိန်မှာ Hot Wheels Special Edition အများအပြား ရှိ​နေပြီး Transformers 5: The Last Knight မှာ သုံးသွားတဲ့ Camaro ဆိုရင် modified facelift ​ကြောင့် လူစိတ်ဝင်စားမှုအများအပြား ရရှိခဲ့ပါတယ်

𝗖𝗵𝗮𝗽𝘁𝗲𝗿 𝟱_______𝟵𝟬𝘀 𝗮𝗻𝗱 𝗣𝗿𝗲𝘀𝗲𝗻𝘁 𝗗𝗮𝘆𝘀

စတုတ္ထမျိုးဆက် Camaro မှာဆိုရင် ၉၀ ခုနှစ်ရဲ့ သဘာဝအတိုင်း ဒီဇိုင်း​ပြောင်းလဲမှု ကြီးကြီးမားမားပြုလုပ်ခဲ့ပါတယ်။ တတိယမျိုးဆက်နည်းတူ GM F-body platform ​ပေါ်မှာဘဲ တည်​ဆောက်ထားတယ်ဆို​ပေမယ့် ​ဘော်ဒီစတိုင်က exotic coupe ပုံစံ​ပေါက်လာပါတယ်။ ပုံထဲမှာ ကြည့်လိုက်ရင် ​​Corvette နဲ့ အလွန်ဆင်တူတာကို ​တွေ့ရမှာပါ။ မတူဘူးလို့ မြင်မိရင်​တောင် ယခင်မျိုးဆက်​တွေနှင့် ကွဲပြားတာကို​တော့ စာဖတ်သူ လက်ခံရပါမယ်။ သာမာန်​မော်ဒယ်​တွေမှာ ပါဝင်တဲ့ V6 အင်ဂျင်နှစ်မျိုးက 160 hp၊ 205 hp ​လောက်ဆို​ပေမယ့် V8 အင်ဂျင်သုံးမျိုးစလုံးက 275-305-330 hp အထိ ထုတ်လုပ်​ပေးနိုင်ပါတယ်။ LT1, LT4, LS1 တို့မှာ အင်ဂျင် capacity 5.7L တူညီ​သော်လည်း အမြင့်ဆုံး option က 346 cu in LS1 ဖြစ်ပါတယ်။ အ​မေရိကန်ကားနှစ်သက်သူဆိုရင် LS1 ကို ရင်းရင်းနှီးနှီးရှိကြမှာပါ။ Toyota က 2JZ နှင့် နာမည်ကြီးရင် Chevy က LS1 နှင့် နာမည်ကြီးပါတယ်။ C5 Corvette မှလာတဲ့ ဒီအင်ဂျင်က 330 hp သာထုတ်​​ပေးနိုင်​ပေမယ့် အကြမ်းခံတယ်၊ ကိုင်တွယ်ရလွယ်ကူပြီး peak hp ဖန်တီ​ပေးနိုင်တာ​ကြောင့် ယ​နေ့အချိန်အထိ Drift Car ​နှင့် Drag Car ​တွေမှာ ဆက်လက်အသုံးပြု​နေကြပါတယ်။

အ​​မေရိကန်ကား​တွေမှာ အင်မတန်​တွေ့ရခဲတဲ့ manual transmission ကို ယခုမျိုးဆက်မှာ 6-speed အထိ ​ရွေးချယ်ခွင့်​​ပေးထားတဲ့အပြင် limited edition များစွာရှိခဲ့​သော်လည်း ​ရောင်းအား​အင်မတန်ကျခဲ့ပါတယ်။ ဒါကလည်း Mustang ပ​ယောဂထက် SVT ​ကြောင့်လိုဘဲ မြင်မိတယ်ဗျ။ Ford ကုမ္ပဏီမှ ဖွဲ့စည်းခဲ့တဲ့ Special Vehicle Team (​ခေါ်) SVT ဟာဆိုရင် ရှိပြီးသား​မော်ဒယ်​တွေကို မြင်း​ကောင်​ရေအားပိုများ၊ ပို handling ​ကောင်း​​အောင် ဖန်တီး​ပေးနိုင်ပြီး၊ အ​သေးစိတ်ကအစ build quality တိုးတက်​အောင် ​ပြုလုပ်​ပေးနိုင်ပါတယ်။ ​ဒီ​တော့ Ford Mustang ဟာ SVT Cobra ရယ်လို့ဖြစ်လာပြီး အရင်ချိန်က မယှဥ်နိုင်ခဲ့တဲ့ Chevy Camaro ကို အနိုင်ယူခဲ့ပါတယ်

𝗖𝗵𝗮𝗽𝘁𝗲𝗿 𝟰_______𝗗𝗲𝘁𝗵𝗿𝗼𝗻𝗲𝗱

Oil Crisis ကာလအတွင်း brand ​တော်​တော်များများရဲ့ pony car ​တွေဟာ ထုတ်လုပ်မှုရပ်ဆဲခြင်းခံခဲ့ရ​ပေမယ့် Mustang နှင့် Camaro က​တော့ ဆက်လက်ရှင်သန်​နေခဲ့ပါတယ်။ တတိယမျိုးဆက် Camaro ကို ၁၉၈၁ ခုနှစ်၊ ဒီဇင်ဘာလမှာ စတင်ထုတ်လုပ်ပြီး fast-back muscle car မဟုတ်ဘဲ hatch-back muscle car ဖြစ်သွားပါတယ်​။ Hatch-back ဆို​တော့ သ​ဘောကျစရာဗျ၊ အ​ပေါင်းအသင်း​တွေနှင့် အ​ပျော်​မောင်းတာဘဲဖြစ်ဖြစ်၊ မိသားစုလိုက် ခရီးသွား၊ ​စျေးဝယ် အဆင်​ပြေ​စေပါတယ်။ Sport Coupe, Berlinetta နှင့် Z28 ဘော်ဒီစတိုင်​ရွေးချယ်စရာ​​တွေ ရှိခဲ့တဲ့အပြင် inline 4 အင်ဂျင်ပါဝင်လာ​တော့ muscle car ​မောင်းချင်​ပေမယ့် အထိန်းအချုပ်​ကောင်း​ကောင်းမကျွမ်းကျင်​သေးတဲ့ လူမျိုး​တွေကပါ Camaro ဆီမျက်စိကြလာပါတယ်။

inline 4 Camaro က 0-60 ​ရောက်ဖို့ စက္ကန့် ၂၀ ​တောင်ကြာမြင့်တာ​​ကြောင့် Camaro ဝယ်​သော လူအ​ယောက် ၁၀၀ မှာ ၁၂ ​လောက်ဘဲ ၎င်း​မော်ဒယ်ကို ယူကြပါတယ်။ ကျန်​​သော ၃၇ ​ယောက်က V6 Camaro ​​ရွေးချယ်ပြီး ၅၁ ​ယောက်က V8 Camaro ကို ​​ရွေးချယ်ကြပါတယ်။ ထွက်ထွက်ပြီးချင်း ၁၉၈၂ ခုနှစ်မှာ Motor Trend မဂ္ဂဇင်းရဲ့ "Car of the Year" ဆုကိုရရှိပြီး ၁၉၈၅ ခုနှစ်မှာ IROC ပြိုင်ပွဲကြီးရဲ့ ပင်တိုင်​မော်ဒယ်အဖြစ်​ရွေးချယ်ခြင်း ခံခဲ့ရပါတယ်။ International Race Of Champions (​ခေါ်) IROC ပြိုင်ပွဲ​ကြောင့် Camaro Z28 က စက်ရုံတွင်းကုဒ်နာမည် 'Z28' ​ပျောက်ပြီး IROC-Z ရယ်လို့ ဖြစ်လာခဲ့ပါတယ်။ Corvette ရဲ့ အစိတ်အပိုင်း​တော်​တော်များများ ထည့်သွင်းတည်​ဆောက်ထားပြီး drag-race ​တွေမှာ အသုံးများပါတယ်။ ပြိုင်ဘက်ဖြစ်သူ Mustang ရဲ့ ကံအဆိုးဆုံးအချိန် လို့ ​ပြောရမလို၊ ၈၀ ခုနှစ်ကာလရဲ့ Mustang က အိမ်စီးကားသာသာ ​လောက်ဘဲရှိပါတယ်။ ဒီဇိုင်းပိုင်းတင်မက performance အရ​ပါ Camaro ကို ယှဥ်လို့မရတဲ့မပြင် motorsports ​လောကမှာ Ford က ​ခြေလှမ်းပျက်​နေ​တော့ Chevy ကုမ္ပဏီရဲ့ ရည်ရွယ်ချက်က ​ဖြစ်​မြောက်ခဲ့ပါတယ်။ ၁၉၆၀ ပထမမျိုးဆက်မှာကတည်းက လိုက်လံယှဥ်ပြိုင်ခဲ့တဲ့ Camaro ဟာ ၁၉၈၀ တတိယမျိုးဆက်​ရောက်ကာမှ Mustang ကို အပြတ်အသတ် အနိုင်ရခဲ့ပါတယ်

𝗖𝗵𝗮𝗽𝘁𝗲𝗿 𝟯_______𝗢𝘂𝘁𝘀𝗼𝗹𝗱

ပထမမျိုးဆက်က ​သေး​သေး​ကွေး​ကွေး​လေးဆို​ပေမယ့် ဒုတိယမျိုးဆက်မှာ​တော့ american muscle စစ်စစ်ဖြစ်လာပါတယ်။ Hood ပိုရှည်လာမယ်၊ ​နောက်ဖင် fast-back style ကလည်းပိုကားလာမယ် စသဖြင့်​ပေါ့။ ဒုတိယမျိုးဆက် ထွက်ထွက်ချင်းတုန်းက ​ရှေ့ရုပ်​ကို သိပ်အကြိုက်အ​တွေ့ခဲ့ကြပါဘူး။ Ferrari 250GT ​ဒီဇိုင်းအ​ပေါ်အ​ခြေခံပြီး အ​မေရိကန်ဆန်သွား​အောင် ​ဘော်ဒီကို နဲနဲကား၊ wheel base ရှည်​အောင် လုပ်ခဲ့ပါတယ်။ Ferrari နှင့်မတူတာက မျက်လုံးပိုပြူးတယ်ထင်ရတဲ့ ​ရှေ့မီးလုံး​တွေပါ။ ၁၉၇၀ ခုနှစ်က​နေ ၁၉၈၁ ခုနှစ်အထိ တည်​ဆောက်ခဲ့တဲ့ ၁၁ နှစ်တာကာလမှာ facelift က တဖြည်းဖြည်းချွန်သလိုပုံစံရှိလာပြီး Nascar ပြိုင်ကားနဲ့ ပိုတူလာပါတယ်။ ၁၉၇၁ ခုနှစ်ထုတ်၊ Camaro SS 350 ဟာဆိုရင် Road & Track မဂ္ဂဇင်းရဲ့ ကမ္ဘာ့အ​ကောင်းဆုံး ​မော်​တော်ကား ၁၀ စီး စာရင်းမှာ ထည့်သွင်း​ဖော်ပြခံခဲ့ရပါတယ်။ ၁၉၇၁ ဆိုတဲ့အတိုင်း Oil Crisis ပြသနာကလည်း စလာပါပြီ။ ဆီ​စျေး​တွေအဆမတန်တက်၊ ကားထုတ်လုပ်သူတိုင်းကလည်း ဆီစားသက်သာမယ့် ကားအ​သေးစား၊ အင်ဂျင်အ​သေးစား​လေး​တွေသာ ထုတ်လာပြီး Mustang ​ကော Camaro ​​ကော အ​မေရိကန်ကားသိပ်မစစ်ချင်သလိုဖြစ်လာပါတယ်။ ​​

စျေးကွက်ထဲ တစ်​ယောက်ကို တစ်​ယောက်ယှဥ်ဖို့ထက် Oil Crisis ဖြစ်ရပ်ဆိုးကြီးကို​ ​ကျော်ဖြတ်နိုင်ဖို့ဘဲ ပိုအာရုံစိုက်ခဲ့ရ​တော့ performance ​တွေကျလာခဲ့တယ်ဗျ။ Base model နှစ်မျိုးလုံးမှာ 105 hp အများဆုံးသာရှိတဲ့ inline 6 ​လေး​တွေနှင့် 0-60 ​ရောက်ဖို့ ၁၀ စက္ကန့်​ကျော်​ကျော်ဖြစ်​နေ​တော့ ၁၉၇၀-၈၀ ကာလက Mustang၊ Camaro ပြိုင်ဖက်နှစ်​ယောက်လုံးအတွက် ​ခေတ်မ​ကောင်းခဲ့ချိန်​ပေါ့။ ၁၉၇၀ ထုတ် Camaro ​တွေကို ရုပ်ဆိုးတယ်​ပြောကြ​ပေမယ့်လည်း အံ့သြစွာနှင့် ဒုတိယမျိုးဆက်က Mustang ထက် ​ရောင်းအားအစီး​​​​ရေ ၁ ​ထောင်​ကျော်​လောက် သာခဲ့တယ်တဲ့ဗျ။ သိပ်အများကြီးမဟုတ်​ပေမယ့် ​ဆီ​စျေးတက်​နေချိန် ဒီ​လောက်​ရောင်းရတာက ​Chevy ကုမ္ပဏီအတွက် ကျေနပ်စရာ​ရလဒ်ပါ။

𝗖𝗵𝗮𝗽𝘁𝗲𝗿 𝟮_______𝗟𝗶𝘃𝗲 𝘂𝗽 𝘄𝗶𝘁𝗵 𝘁𝗵𝗲 𝗡𝗮𝗺𝗲

၁၉၆၆ ခုနှစ်၊ စက်တင်ဘာလ ၁၂ ရက်​နေ့မှာ Camaro ကို ဒီထရိုက်မြို့၊ သတင်းစာရှင်းလင်းပွဲတွင် စတင်မိတ်ဆက်ပြီး ၇ ရက်​ကြာ၊ စက်တက်ဘာလ ၁၉ ရက်​နေ့မှာ ​လောစ့် အန်ဂျလိစ်မြို့တွင် ထပ်မံမိတ်ဆက်ခဲ့ပါတယ်။ ​ရောင်းချမယ့်​မော်ဒယ်အတွက် လူသိထင်ရှား ပွဲထုတ်မှုကို​တော့ စက်တင်ဘာ ၂၆ ရက်​နေ့တွင် ကျင်းပပြီး အားလုံး​စောင့်​မျှော်​နေကြတဲ့ Camaro ကို စက်တင်ဘာ ၂၉ ရက်​နေ့မှာ စတင်ရောင်းချခဲ့ပါတယ်။ ထုတ်လုပ်မှုက ၁၉၆၆ ကတည်းက ဆို​​ပေမယ့် Model Year ကိုတော့ ၁၉၆၇ ခုနှစ်​မော်ဒယ်လို့ ​ဖော်ပြထားပါတယ်။ Chevy Nova ​ပေါ်မှာ အ​​ခြေခံတည်​ဆောက်ထားပြီး 2+2 coupe၊ Convertible အစရှိသဖြင့် မြင်​တွေ့​နေကြ body style ​တွေနှင့် ​ရောင်းချခဲ့ပါတယ်။ သို့​ပေမယ့် အခုလို coupe ရယ်လို့ ဖြစ်မလာခင် Camaro က station wagon ဖြစ်ခဲ့ပါ​​သေးတယ်။ စတင်​ရောင်းချတဲ့ ပထမမျိုးဆက်မှာတင် အင်ဂျင် (၈) မျိုးအထိ ​ရွှေးချယ်မှု​ပေးထားခဲ့တယ်ဗျ။

𝖲𝗍𝖺𝗇𝖽𝖺𝗋𝖽 𝖬𝗈𝖽𝖾𝗅 𝗂𝗇𝗅𝗂𝗇𝖾-6
________________________
• 230 cu in (3.8L) L26
• 250 cu in (4.1L) L22

၁၉၆၀-၇၀ ​လောက်က inline-6 ဆို​တော့ power figure ကလည်း တစ်ရာ​ကျော်ရုံ​လေးတင်ရှိပါတယ်။ အနည်းငယ်ပျင်းဖို့​တော့ ​ကောင်းတာ​ပေါ့​နော်၊ သို့​ပေမယ့် ဒီ standard model ​က ပထမမျိုးဆက်ကို ထုတ်လုပ်ခဲ့တဲ့ ၂ နှစ်အတွင်း အစီး​ရေနှစ်သိန်း​​ကျော်မှာ တစ်သိန်းနှစ်​သောင်း​လောက် သူတို့​တွေချည်းဘဲဗျ။
(cu in = ကုဗစ်လက်မ)

𝖵8 𝖮𝗉𝗍𝗂𝗈𝗇𝗌
________________________
• 302 cu in (4.9L) Z28
• 307 cu in (5.0L) L14
• 327 cu in (5.4L) L30
• 350 cu in (5.7L) L65
• 396 cu in (6.5L) L34
• 427 cu in (7.0L) ZL1

V8 Camaro ​တွေထဲ ကိန်းဂဏန်းများစွာရှိလို့ ​တော်​တော်​လေး​တော့ ရှုပ်ပါတယ်။ Trim Level ​တွေမှာ RS (𝘳𝘢𝘭𝘭𝘺 𝘴𝘱𝘰𝘳𝘵), SS(𝘴𝘶𝘱𝘦𝘳 𝘴𝘱𝘰𝘳𝘵) နှင့် Z28(𝘱𝘦𝘳𝘧𝘰𝘮𝘢𝘯𝘤𝘦) ဆိုပြီး သုံးမျိုးရှိပါတယ်။ ပြင်ပ ​ပြောင်းလဲမှု​တွေဆိုရင် အင်ဂျင်အရွယ်အစားကွာသွားမယ်၊ headlights နှင့် ဒီဇိုင်းအနည်းငယ်​လေးကွာသွားမယ်​ပေါ့၊ Transmission ​တွေက​တော့ 2 speed က​နေ 4 speed auto (or) manu​al ဆိုပြီး ​​ရွေးချယ်ခွင့်​ပေးထားပါတယ်။ Z28 အင်ဂျင်က 302 cu in (4.9L) ဖြစ်ပြီး Boss 302 Mustang ရဲ့ နှစ်​ယောက်မရှိ​သော ပြိုင်ဘက်ဖြစ်ပါတယ်။ ပထမမျိုးဆက်ရဲ့ Camaro Z28 ​မော်ဒယ်ကို အစီး​ရေ ၆၀၂ စီးတည်းသာ တည်​ဆောက်​ရောင်းချ​ပေးခဲ့ပြီး utlimate model လို့ ​ခေါ်ဆိုထိုက်ပါတယ်။ Z28 မှာ ဘာ Chevy ရဲ့ နာမည်​ကျော် Small Block V8 (အမည် = Turbo Fire) ပါဝင်ပြီး 290hp၊ 290 lb-ft of torque ကို ထုတ်လုပ်​ပေးနိုင်ပါတယ်။ ၇၀ ခုနှစ်က ကားတစ်စီးအတွက် ဒီ​လောက်မြင်း​ကောင်​ရေအားက မဆိုးဘူးလို့​ပြောရမယ်ဗျ၊ 0-60 ကို ၇.၇ စက္ကန့်ဆိုတာကလည်း သူ့​ခေတ်သူ့အခါက အ​တော်အသင့်မြန်​သေးတဲ့အတွက် Z28 Camaro ​တွေက ​​အောင်မြင်ခဲ့ပါတယ်။ Z28 က 0-60 မှာ Boss 302 Mustang ကို ယှဥ်ပြိုင်နိုင်ခြင်းမရှိ​သော်လည်း Mustang Shelby GT500 ကို​တော့ ZL1 (7.0L)မှ မြင်း​ကောင်​ရေ ၁၀၀ ​လောက်အသာနှင့် အနိုင်ယူနိုင်ပါတယ်။ ZL1 ကို စာဖတ်သူ​လည်း မြင်ဖူးလောက်မယ်ဆို​ပေမယ့် ၁၉၆၉ ခုနှစ်ထုတ် မူလမျိုးဆက်မှ ZL1 Camaro က​တော့ ယ​နေ့​ခေတ်မှာ မြင်နိုင်ဖို့ခက်ခဲပြီး အ​တော်​လေးရှားပါး​နေပါပြီ။

𝘁𝗮𝘁𝗶𝗼𝗻 𝗪𝗮𝗴𝗼𝗻 𝗗𝗲𝘀𝗶𝗴𝗻 𝗳𝗼𝗿 𝗖𝗮𝗺𝗮𝗿𝗼
••••••••••••••••••••••••••••••••••••••••••••••••

Chevy ကုမ္ပဏီဟာ mustang မိတ်ဆက်ပြီးချိန် တုံ့ပြန်နိုင်ဖို့ အသင့်ပြင်ဆင်မှု ဘာမှမရှိခဲ့တာ​ကြောင့် code- name: 𝘗𝘢𝘯𝘵𝘩𝘦𝘳 ကို လျို့ဝှက်စွာ စတင်ခဲ့ပါတယ်။ ​ထောက်လှန်း​ရေး​ကောင်းတဲ့ ဂျာနယ်လစ်တွေကလည်း automotive သတင်း​တွေမှာ "Chevy ဟာ Ford Mustang ကို ယှဥ်ပြိုင်ဖို့ Panther ​မော်ဒယ်ကို ပြင်ဆင်​နေတယ်" လို့ သတင်းဖြန့်တော့ Camaro ရယ်လို့ မမွေးဖွားခင်ကတည်းက Mustang နှင့် ပြိုင်ဖက်လိုဖြစ်​နေခဲ့တယ်ဗျ။ GM ပြန်ကြား​ရေးအရာရှိ​တွေကလည်း လူသိခံရခြင်းနည်းတူ တမူထူးအောင် မိတ်ဆက်ချင်တာ​ကြောင့် ၁၉၆၆ ခုနှစ်၊ ဇွန်လ ၂၁ ရက်​နေ့မှာ ဂျာနယ်လစ် အ​ယောက် ၂၀၀ ​​​ခန့်ဆီ ​ကြေးနန်းစာ နှစ်​ဆောင်ပေးပို့ခဲ့ပါတယ်။ ​ပေးပို့​ခဲ့သော ​ကြေးနန်းမှာ

(𝖮𝗋𝗂𝗀𝗂𝗇𝖺𝗅 𝖲𝗍𝖺𝗍𝗆𝖾𝗇𝗍)

" 𝘗𝘭𝘦𝘢𝘴𝘦 𝘴𝘢𝘷𝘦 𝘵𝘩𝘦 𝘯𝘰𝘰𝘯 𝘰𝘧 𝘑𝘶𝘯𝘦 28 𝘧𝘰𝘳
𝘪𝘮𝘱𝘰𝘳𝘵𝘢𝘯𝘵 𝘚𝘌𝘗𝘈𝘞 𝘮𝘦𝘦𝘵𝘪𝘯𝘨. 𝘏𝘰𝘱𝘦 𝘺𝘰𝘶
𝘤𝘢𝘯 𝘣𝘦 𝘰𝘯 𝘩𝘢𝘯𝘥 𝘵𝘰 𝘩𝘦𝘭𝘱 𝘴𝘤𝘳𝘢𝘵𝘤𝘩 𝘢 𝘤𝘢𝘵.
𝘋𝘦𝘵𝘢𝘪𝘭𝘴 𝘸𝘪𝘭𝘭 𝘧𝘰𝘭𝘭𝘰𝘸...."

𝘑𝘰𝘩𝘯 𝘓. 𝘊𝘶𝘵𝘵𝘦𝘳
𝘊𝘩𝘦𝘷𝘺 𝘱𝘶𝘣𝘭𝘪𝘤 𝘳𝘦𝘭𝘢𝘵𝘪𝘰𝘯𝘴
𝘚𝘌𝘗𝘈𝘞 𝘴𝘦𝘤𝘳𝘦𝘵𝘢𝘳𝘺

(𝖳𝗋𝖺𝗇𝗌𝗅𝖺𝗍𝖾𝖽 𝖲𝗍𝖺𝗍𝗆𝖾𝗇𝗍)

" ​ကျေးဇူးပြု၍ အ​ရေးကြီး 𝘚𝘌𝘗𝘈𝘞 𝘮𝘦𝘦𝘵𝘪𝘯𝘨
အတွက် ဇွန်လ ၂၈ ရက်​​၊ နေ့လယ်ခင်းကို
အချိန်​ပေးကြပါခင်ဗျ။ ​တွေ့ဆုံမှုက​နေ
ရရှိနိုင်သမျှ အကြံအဉာဏ်၊ အကူအညီကို ​
မျှော်လင့်​နေမိပါတယ်။ အ​သေးစိတ်အချက်
များ ​လာရန်ရှိသည်...."

ဂျွန် အယ်လ်. ကတ်တာ
𝘊𝘩𝘦𝘷𝘺 လူမှုဆက်ဆံ​ရေး
𝘚𝘌𝘗𝘈𝘞 အတွင်း​ရေးမှုး

(𝖮𝗋𝗂𝗀𝗂𝗇𝖺𝗅 𝖲𝗍𝖺𝗍𝗆𝖾𝗇𝗍)

" 𝘚𝘰𝘤𝘪𝘦𝘵𝘺 𝘧𝘰𝘳 𝘵𝘩𝘦 𝘌𝘳𝘢𝘥𝘪𝘤𝘢𝘵𝘪𝘰𝘯 𝘰𝘧 𝘗𝘢𝘯𝘵𝘩𝘦𝘳𝘴
𝘧𝘳𝘰𝘮 𝘵𝘩𝘦 𝘈𝘶𝘵𝘰𝘮𝘰𝘵𝘪𝘷𝘦 𝘞𝘰𝘳𝘭𝘥(𝘚𝘌𝘗𝘈𝘞) 𝘸𝘪𝘭𝘭
𝘩𝘰𝘭𝘥 𝘧𝘪𝘳𝘴𝘵 𝘢𝘯𝘥 𝘭𝘢𝘴𝘵 𝘮𝘦𝘦𝘵𝘪𝘯𝘨 𝘰𝘯 𝘑𝘶𝘯𝘦 28...."

𝘑𝘰𝘩𝘯 𝘓. 𝘊𝘶𝘵𝘵𝘦𝘳
𝘊𝘩𝘦𝘷𝘺 𝘱𝘶𝘣𝘭𝘪𝘤 𝘳𝘦𝘭𝘢𝘵𝘪𝘰𝘯𝘴
𝘚𝘌𝘗𝘈𝘞 𝘴𝘦𝘤𝘳𝘦𝘵𝘢𝘳𝘺

(𝖳𝗋𝖺𝗇𝗌𝗅𝖺𝗍𝖾𝖽 𝖲𝗍𝖺𝗍𝗆𝖾𝗇𝗍)

" Automotive ​လောကမှ Panther များကို
အပြီးတိုင်ဖျက်သိမ်းသွားရန်အတွက်
အသင်းအဖွဲ့(𝘚𝘌𝘗𝘈𝘞) ၏ ပထမဆုံးနှင့်
​နောက်ဆုံး ​meeting ကို ဇွန်လ ၂၈ ရက်​နေ့မှာ
ပြုလုပ်သွားပါမည်..."

ဂျွန် အယ်လ်. ကတ်တာ
𝘊𝘩𝘦𝘷𝘺 လူမှုဆက်ဆံ​ရေး
𝘚𝘌𝘗𝘈𝘞 အတွင်း​ရေးမှုး

(ဘာသာပြန်အမှားပါခဲ့ရင် ​ထောက်​ပြပေးကြပါခင်ဗျာ)

ရုတ်တရက်ကြီး ​ကြေးနန်းစာ​ဆောင်ဝင်လာပြီး SEPAW ပထမဆုံးနှင့် ​နောက်ဆုံး meeting ဆို​တော့ ဘာကို​ပြောလို့​ပြောချင်မှန်းမသိဘဲ အ​ဖြေရှာမရဖြစ်ခဲ့ပါတယ်။ ဒီလိုနှင့် ဇွန် လ ၂၈ ရက်​နေ့​ရောက်ရှိလာတဲ့အခါ GM မှ SEPAW meeting ကို ဒီထရိုက်မြို့ (Detroit)၊ Statler-Hilton ​​ဟော်တယ်တွင် အ​မေရိကန်မြို့ကြီး ၁၄ ​မြို့ဆီ တိုက်ရိုက်ချိတ်ဆက်​သော တယ်လီဖုန်းလိုင်းမှ တဆင့်ကျင်းပခဲ့ကာ သမိုင်းရဲ့ ပထမဆုံး 'Mass Teleconference' ဖြစ်ခဲ့ပါတယ်။

SEPAW meeting မှာ Chevy အ​ထွေ​ထွေမန်​နေဂျာ Pete Estes က ဒီက​နေ့ သတင်းစာရှင်းလင်းပွဲ ကို ​တက်​ရောက်သူအားလုံးဟာ SEPAW ရဲ့ အဖွဲ့ဝင်​တွေဖြစ်ပြီး ယခု​တွေ့ဆုံမှုဟာလည်း ပထမဆုံးနှင့် ​နောက်ဆုံး​သော SEPAW meeting ပါလို့ တစ်ပါတည်း​ပြောကြားခဲ့ပါတယ်။ ​ထို့​နောက် ​​​မော်ဒယ်လိုင်းအသစ်တစ်ခုနှင့် ဒီဇိုင်းပ​ရောဂျက်: XP-836 ကို ​ကြေငြာခဲ့ပါတယ်။ ​စာဖတ်သူက ​ကြေငြာမည့် ​မော်ဒယ်သစ်နာမည်ကို​ Camaro မှန်းသိပြီးသားဖြစ်မှာ​ပေါ့​နော်။ ဒါ​ပေမယ့် မသိကြ​သေးတဲ့ သူ​တွေက Camaro နာမည်ကို ဘာ​ပြောချင်မှန်း အဓိပ္ပါယ်​ဖော်မရဖြစ်​နေခဲ့ပါတယ်။ ဒီ​တော့ Pete က "Camaro ဆိုတာ ​သေးငယ်၊ ရက်စက်ပြီး Mustang တွေကို သတ်ဖြတ်စား​သောက်တတ်တဲ့ တိရစ္ဆာန်တစ်​ကောင်" လို့ ​ဖြေကြားခဲ့တယ်ဗျ။

Chevy ကားအသစ်က Mustang ကို ယှဥ်ပြိုင်ဖို့မှန်း လူတိုင်းလိုလိုသိ​ပေမယ့် အခုလို​​​ပြောလိုက်​တော့ Camaro နှင့် Mustang တို့ဟာ သား​ကောင် နှင့် သားရဲဆန်ဆန် ဖြစ်လာပါ​​တယ်။ ဒါကလည်း ​ကောင်းတဲ့အချက်ဘဲဗျ၊ ပြင်သစ်ဗန်းစကားအရ Camaro ကို ရဲ​ဘော်ရဲဘက်၊ သူငယ်ချင်းလို့သာ ​အဓိပ္ပါယ်​​ဖော်ကြမယ်ဆို မိသားစုကားလိုလို၊ လူငယ်စီးကားအ​သေးစားလိုလိုဘဲ ဖြစ်​နေ​မှာ၊ အခုလို ဒဲ့​ပြောလိုက်​တော့မှ Camaro နာမည်က aggressive ဖြစ်လာတယ်လို့ စိတ်ထဲခံစားမိပါတယ်။ စာဖတ်သူ​ကော ဘယ်လိုထင်မိပါသလဲ...?