'Review By Nyi' ကနေ recommend လုပ်တဲ့ တခုတည်းသော double cleansing မလိုတဲ့ မျက်နှာသစ်🌟🌟🌟🌟🌟
ကိုယ်တိုင်ဝယ်သုံးပြီး 2လလောက်ကြာမှ ဒီ review ကို ရေးဖြစ်ပါတယ်။ Nyi ဒီ skincare ကမ္ဘာထဲကို စဝင်ခါစက double cleansing မလိုတဲ့ မျက်နှာသစ်ဆိုပြီး နာမည်ကြီးတဲ့ product တခုကို ဝယ်သုံးခဲ့ဖူးတယ်။ Brand name ကိုတော့ မပြောလိုပါဘူး။ Face mask အနေနဲ့လဲ သုံးလို့ရတယ်၊ ဗူးဆိုဒ်ကလဲ ကြီးတယ်၊ double cleansing လဲမလိုတော့ဘူးဆိုတော့ အရမ်းစိတ်ဝင်စားပြီး try ဖြစ်တယ်ပေါ့နော်။ အသီးပေါင်းစုံ အရောင် 3မျိုးနဲ့လာတဲ့ ဗူးကြီးတွေပဲ။ မျက်နှာသစ်အရွေးမှန်ဖို့ အရေးကြီးတယ်ဆိုတာ Nyi အဲ့ဒီတော့မှ သိသွားခဲ့တာ အဲ့ဒါသုံးပြီး ဘယ်လိုခံစားရလဲဆိုရင် မျက်နှာကတင်းခြောက်ကပ်ပြီး နောက်နေ့ကျ အဖုထွက်တော့မလို ခံစားရတယ်။ မျက်နှာသစ်အဆင်မပြေရင် ချက်ချင်းကိုသိသာတာနော်။ အဲ့ဒါနဲ့ တခါသုံးပြီး အဲ့ဒီဗူးကြီးကို ဆက်မသုံးဖြစ်တော့ဘူး။ Double cleansing မလိုဘူးဆိုတဲ့ မျက်နှာသစ်တွေကိုလဲ အရမ်းကြောက်သွားတယ်။
ဒီ Arencia မျက်နှာသစ်ကို Nyi ဘယ်လိုစပြီး သိလဲဆိုရင် ကိုယ်က Korea က beauty vlogs တွေကို ကြည့်နေကျသူဆိုတော့ YouTube နဲ့ TikTok ကနေ သတိထားမိသွားတယ်။ Ingredients တွေရဲ့ အသားအရေအပေါ် အကျိုးကျေးဇူးတွေကို ထိရောက်မှုအရှိဆုံးဖြစ်အောင် mochi ပြုလုပ်သလို အချက်ရေ 7200ကျော် ထုထောင်းပြီး နာရီပေါင်း 170ကျော် အချိန်ပေးပြီး ထုတ်လုပ်ထားတယ်လို့ သိရတယ်။ သူ့မျက်နှာသစ်တွေရဲ့ အဓိကအာနိသင်က daily cleanser + gentle exfoliation + double cleansing + mask စတာတွေပဲ။ အာနိသင်တမျိုးစီနဲ့ အရောင် 5မျိုးထွက်ပေမယ့် Nyi ကတော့ best seller 'fresh green cleanser' ကိုပဲ သုံးကြည့်ထားပါတယ်။
Ingredients approach ~
Coconut derived surfactant ကို အသုံးပြုထားပြီး Rice powder, Green tea powder, Kailin, Artemisia, Oat, Licorice အစရှိသဖြင့် botanical extracts တွေ အဓိကထည့်သွင်းထားတာ မြင်ရပါတယ်။ စုံစုံလင်လင် စည်စည်ကားကား သိုက်သိုက်မြိုက်မြိုက်ကြီးပဲ။ Alcohol & Essential oil free but Fragrance contains! However, I don’t mind a little fragrance in my cleansers as I always says~ Gentle surfactant ကိုသုံးပြီး Glycerin ကို 1st ingredient နေရာမှာ ထည့်ထားတာ သဘောကျမိတယ်။
How I feel >
Double cleansing မလိုတဲ့ မျက်နှာသစ်တွေကို အရင်ကကြောက်ထားပြီး ဒီမျက်နှာသစ်ကိုလဲ Nyi က double cleansing မလိုဘူးဆိုတဲ့အချက်ကြောင့်လဲ ဝယ်သုံးဖြစ်ပါတယ် Coz we’re humans! အကြောင်းအရင်းအမှန်ကတော့ Korea မှာပေါက်နေတဲ့ မျက်နှာသစ်ဆိုတော့ အသားအရေထိန်းသိမ်းလေ့လာမှုနဲ့ပတ်သက်ရင် အကောင်းကြိုက်တဲ့ (or) beauty standard မြင့်တဲ့ သူတို့ရဲ့ taste ကိုယုံလို့ သုံးဖြစ်ခဲ့တာပါ။ Glad I did~ သုံးဖူးသမျှ မျက်နှာသစ်တွေထဲမှာ All time favorite list ထဲ ပါသွားစေတယ်။ ကိုယ်တွေလို sunscreen လောက်ထိပဲ လိမ်းတဲ့သူမျိုး sunscreen + powder လောက်ပဲ သုံးတဲ့သူမျိုးအတွက်က နေ့တိုင်းကြီး double cleansing လုပ်နေရတာ ပင်ပန်းတယ်မလား?? အလုပ်မှာ ပင်ပန်းတဲ့ရက်မျိုး၊ တခါတရံ အပျင်းတစ်တဲ့ညမျိုး မျက်နှာသစ်တခု moisturizer တဗူးလောက်ပဲ လိမ်းအိပ်ချင်တယ်လေနော်။ That’s why I highly recommend for those people*
စျေးကြီးတာပဲ မမြင်နဲ့၊ 2လလောက်သုံးတာ ဒီလောက်ပဲလျော့တာလဲ ကြည့်ပါအုံး။ အမြုပ်ထွက်အားအရမ်းကိုကောင်းတာပဲ။ Harsh ဖြစ်တယ်လို့လဲ မခံစားရဘူး ချွဲချွဲကြီးလဲမကျန်ဘူး။ Rice powder အဓိကပါလို့ မျက်နှာကကြည်လင်ပြီးကို လင်းထွက်သွားတယ်။ ဒါ့အပြင် စိုစိုပြေပြေလေးနဲ့ skin barrier ကို မထိခိုက်ဘဲလဲ ကျန်ခဲ့တယ်။ Regular cleanser တွေလိုမဟုတ်ဘဲ ဗူးလုံးကြီးနဲ့ဆိုတော့ သုံးလို့အဆင်ပြေပါ့မလားဆို 'ရှမ်းကြိုက်လို့ နွားချောတာတော့ မဟုတ်ဘူး' ကိုယ်ဖြင့် ပိုတောင်ကြိုက်သေးတယ်။ အိတ်ထဲ ဝှီးခနဲပစ်ထည့်သွားရုံပဲ။ ကလော်တဲ့ဇွန်းလေးကလဲ အတွင်းမှာထည့်သိမ်းဖို့ဆန့်လို့ very nice~ လက်ကိုရေမစွတ်ခင် ကိုယ်သုံးမယ့်ပမာဏကို လက်ထဲကလော်ထည့်ထားဖို့ အကြံပေးချင်တယ်။ Pea size amount ‘s more than enough to use!
Nyi သူ့ကို double cleansing မလုပ်ဘဲ ညတိုင်းနီးပါးသုံးလဲ အဖုလုံးဝထွက်ခြင်းမရှိဘူး။ Sunscreen + Powder နေ့တိုင်းသုံးတဲ့သူနော်။ ဒါပေမဲ့ BB CC foundation ပါလာရင်တော့ double cleansing ထည့်စေချင်ပါတယ်။ Double cleansing ပါ ထည့်လာမယ်ဆိုရင်တော့ Nyi က သူ့ကို 2nd cleanser အနေနဲ့ Oily, Combination skin တွေကိုသာ ညွှန်းပါတယ်။ သူ့တခုပဲ single cleanse သုံးမယ်ဆိုရင်တော့ ဒီအစိမ်းဗူးလေးကို All skin types ညွှန်းတယ်။ သူ့သုံးတဲ့အခါ ဖြစ်နိုင်ရင် မနက်ညမျက်နှာသစ်ခွဲသုံးစေချင်တယ်။ ဘာလို့ဆို သူက scrub အာနိသင်ပါ မဆိုသလောက်ပေးတာမလို့ မနက်ညမသုံးစေချင်ပါဘူး။ ဒါဆို ဒီမျက်နှာသစ်သုံးရင် cleansers 2ခုလိုမှာပေါ့ အလုပ်ရှုပ်လိုက်တာလို့ တွေးကောင်းတွေးနိုင်တယ်။
But, it’s so worth it နော်။ Nyi သူ့ကိုအရမ်းကြိုက်တာ double cleansing မလိုတဲ့အချက်အပြင် မျက်နှာအသားအရေ အရမ်းကောင်းလာစေလို့ပဲ။ နှာခေါင်းကဆားဝက်ခြံတွေ သိသိသာသာပါးသွားတယ်၊ ချွေးပေါက်ဆိုတာ 50% လောက်ထိကို အရမ်းကြုံ့သွားသလို ခံစားရတယ်။ ဝက်ခြံအဆီဖုပိုဆိုးတာမျိုး irritation ရတာမျိုး တခါလေးတောင် မရှိဘူး။ Soothing, calming ဖြစ်တယ်လို့တောင် ခံစားမိတယ်။ နောက်ပြီး မျက်နှာကိုလက်နဲ့ကိုင်ကြည့်တဲ့အခါ စမ်းမိတဲ့ အဖုသေးသေးတွေ ဗြုတ်စိလေးတွေဆိုတာ ရှင်းလင်းပြီး အရမ်းချောမွေ့လာစေပါတယ်။ Rice powder ကြောင့် အမဲစက်တွေပါ တရိပ်ရိပ်နဲ့ပါးလာစေတာ တကယ်ကို Holy Grail မျက်နှာသစ်ပါ။ လာမယ့်နွေရာသီ မြန်မာပြည်ရာသီဥတုနဲ့ဆို နေနဲ့လ ရွှေနဲ့မြ ဖြစ်ပါလိမ့်မယ်။
Disclaimer : ကိုယ်တိုင်ဝယ်သုံးပြီး သဘောကျလို့ review ဝေမျှပါတယ်။ Not sponsored to make this post.
#arencia #arenciafreshgreencleanser
#reviewbynyi #nyipick #nyipickcleanser
#crd
