FACT:

ခရစ္စတီယာနိုရော်နယ်ဒိုလ် တစ်ယောက် အသက် ၃၀ ကျော်ပြီး မှ သွင်းဂိုးအရေအတွက် ၄၅၀ ထိသွင်းယူထားနိုင်ခဲ့ပြီဖြစ်ပါတယ် ။ ကစားသမားဘဝ စုစုပေါင်းသွင်းဂိုးက လည်း ၉၁၃ ဂိုးထိရှိလာခဲ့ပြီဖြစ်ပါတယ်။

အထည်ချုပ်ကဏ္ဍသို့ လက်ရှိတွင် တရုတ်ရင်းနှီးမြှုပ်နှံမှု အများဆုံးဝင်ရောက်နေ

နိုဝင်ဘာ ၂၆

မြန်မာနိုင်ငံ၏ အထည်ချုပ်ကဏ္ဍသို့ လက်ရှိတွင် တရုတ်နိုင်ငံမှ ရင်းနှီးမြှုပ်နှံမှုများ အများဆုံးဝင်ရောက်နေကြောင်း မြန်မာ နိုင်ငံအထည်ချုပ်လုပ်ငန်းရှင်များအသင်းမှ သိရသည်။

“အထည်ချုပ်မှာ ရင်းနှီးမြှုပ်နှံမှုကဝင်တယ်။ တရုတ်တွေလာတာများတယ်။ ကိုရီးယားအနည်းအကျဉ်းရှိမယ်။ ဖက်စပ်လည်းရှိတယ်။ သူတို့ဟာသူတို့ ၁၀၀ ရာခိုင်နှုန်းလည်းရှိတယ်။ ဝင်တော့ဝင်နေတယ်” ဟု မြန်မာနိုင်ငံအထည်ချုပ်လုပ်ငန်းရှင်များအသင်း အထွေထွေအတွင်းရေးမှူး ဒေါ်ခိုင်ခိုင်နွယ်က ပြောသည်။

မြန်မာနိုင်ငံအထည်ချုပ်သို့ အော်ဒါအဓိက မှာယူနေသည့်နိုင်ငံများမှာ ဂျပန်၊ တရုတ်၊ ကိုရီးယားနိုင်ငံများဖြစ်ပြီး လက်ရှိတွင် ဥပရောပသမဂ္ဂအဖွဲ့ဝင် ပိုလန်နိုင်ငံနှင့် အရှေ့အလယ်ပိုင်းနိုင်ငံများက ဝယ်ယူမှုမြင့်တက်လာကြောင်း သိရသည်။

ပြီးခဲ့သည့် ၂၀၂၀ ပြည့်နှစ်ကတည်းက စတင်ကျဆင်းလာသည့် မြန်မာ့အထည်ချုပ်ကဏ္ဍမှာ ဂျပန်၊ တရုတ်၊ အီးယူနှင့် အမေရိကန်တို့မှ အော်ဒါမှာယူမှုပြန်များလာခဲ့သော ၂၀၂၃ ခုနှစ် နှစ်ဆန်းပိုင်းမှစတင်ကာ ပြန်လည်တိုးတက်လာခဲ့ကြောင်း အထည်ချုပ်လုပ်ငန်းလုပ်ကိုင်နေသူများထံမှ သိရသည်။

၂၀၂၁ ခုနှစ်အတွင်းဖြစ်ပေါ်ခဲ့သည့် နိုင်ငံရေးအခြေအနေများကြောင့် တချို့သော ဥရောပကုမ္ပဏီကြီးများ အော်ဒါမှာယူမှုရပ်သွားသည့် မြန်မာနိုင်ငံ၏ အထည်ချုပ်ကဏ္ဍသို့ လက်ရှိတွင် ဥရောပနိုင်ငံများမှပင် အလတ်စားနှင့် အသေးစားကုမ္ပဏီများ၏ အော်ဒါမှာယူမှု ပြန်လည်မြင့်တက်နေကြောင်း သိရသည်။

#centralnewsnaypyitaw

နေပြည်တော်က ညွှန်ချုပ်အိမ်ယာမှာ ဒရုန်းတစ်စင်းပျက်ကျ

နိုဝင်ဘာ ၂၆

နေပြည်တော်က ညွှန်ကြားရေးမှူးချုပ်တွေနေထိုင်တဲ့ အိမ်ယာဝင်းထဲကို နိုဝင်ဘာ ၂၆ ရက်နေ့ မနက်ပိုင်းမှာ ဒရုန်း တစ်စင်းကျရောက်မှုဖြစ်ခဲ့တယ်လို့ သိရပါတယ်။

ကိုယ်ထည် ၇ ပေ ရှည်ပြီး တောင်ပံ ၁၃ ပေရှည်တဲ့ Fixed Wing ဒရုန်းတစ်ခု ကျရောက်ခဲ့တာလို့ဆိုပါတယ်။

ဒရုန်းကျတဲ့ခြံဝင်းအနီးမှာ ကျန်းမာရေး၊ မီးသတ်နဲ့ ပညာရေးညွှန်ကြားရေးမှူးချုပ်တို့ နေထိုင်တဲ့ အိမ်တွေ ရှိနေတယ်လို့ သိရပါတယ်။

ပျက်စီးတဲ့အနေအထားနဲ့ မြေပြင်မှာ ပြန်တွေ့ရတဲ့ ဒရုန်းမှာတော့ ဗုံးသီးမပါပဲ GPS တပ်ထားတာကိုတွေ့ရတယ်လို့ ပြည်ထဲရေးဝန်ကြီးဌာနက ဘီဘီစီသတင်းအရင်းအမြစ်က ပြောပါတယ်။

အဲဒီဒရုန်းကျမှုမှာ လူနဲ့ ပစ္စည်းထိခိုက်မှု မရှိခဲ့ဘူးလို့လည်း သိရပါတယ်။

Credit - BBC News

#သတင်းဟင်းလေးအိုးကြီး

အစ္စရေးနဲ့ ဟဇ်ဘိုလာတို့ ယာယီအပစ်ရပ်ဖို့ နီးစပ်လာ

နိုဝင်ဘာ ၂၆

လက်ဘနွန်အခြေစိုက် ဟဇ်ဘိုလာအဖွဲ့နဲ့ အစ္စရေးတို့အကြား ယာယီအပစ်အခတ်ရပ်စဲရေးရရှိဖို့ နီးစပ်လာပြီးလို့ အစ္စရေးအစိုးရတာဝန်ရှိသူတွေနဲ့ သံတမန်သတင်းရင်းမြစ်တွေက ပြောပါတယ်။

အပစ်ရပ်ရေး သဘောတူညီချက်တခုအတွက် အစ္စရေးအစိုးရအဖွဲ့ဟာ ဒီကနေ့မှာ တွေ့ဆုံဆွေးနွေးသွားဖို့ရှိနေပြီး အဆိုပြုချက်ပါအချက်တွေကို အတည်ပြုဖို့ ရည်ရွယ်ထားကြောင်း အစ္စရေးအစိုးရ တာဝန်ရှိသူကပြောပါတယ်။ သဘောတူညီချက်ကို မူအားဖြင့် သဘောတူတယ်လို့ အစ္စရေး ဝန်ကြီးချုပ်နေတန်ယာဟုက ပြောပါတယ်။

နေတန်ယာဟု စိတ်မပြောင်းဘူးဆိုရင် အပစ်အခတ်ရပ်စဲရေးမှာ ကြီးမားတဲ့ အတားအဆီးမရှိဘူးလို့ လက်ဘနွန်လွှတ်တော် ဒုတိယဥက္ကဌ အီလီယက်စ်ဘောဆတ်ဘ်က ပြောပါတယ်။ နှစ်ဖက်အကြား သဘောတူညီချက်အတွက် စေ့စပ်ညှိနှိုင်းမှုတွေ သိသိသာသာ တိုးတက်လာကြောင်း ပြင်သစ်နဲ့ အမေရိကန်တို့ကလည်း ဆိုပါတယ်။

အဆိုပြုထားတဲ့ အပစ်အခတ်ရပ်စဲရေးကာလဟာ ရက်ပေါင်း ၆၀ ကြာမြင့်မည်ဖြစ်ပြီး လက်ဘနွန်ကနေ အစ္စရေးတပ်တွေ ဆုတ်ခွာရေးလည်းပါဝင်ပါတယ်။ အပြန်အလှန်အားဖြင့် ဟဇ်ဘိုလာတို့ဟာ နိုင်ငံတကာ နယ်စပ်ရဲ့မြောက်ဘက် ၁၈ မိုင်အကွာ လီတာနီမြစ်တောင်ဘက်ကနေ ဆုတ်ခွာရမှာဖြစ်ပြီး အစ္စရေးတပ်တွေ နေရာယူမှာဖြစ်ပါတယ်။

နှစ်ဘက်အကြား အပစ်အခတ်ရပ်စဲရေးအတွက် သဘောတူညီချက်ရရှိဖို့ နီးကပ်လာပြီလို့ သံတမန်သတင်းရင်းမြစ်တွေက ထုတ်ဖော်ပြောဆိုထားပမယ့်လည်း ပြီးခဲ့တဲ့နေ့က အစ္စရေးရဲ့ လေကြောင်းတိုက်ခိုက်မှုကြောင့် လက်ဘနွန်မှာ လူ ၃၁ ယောက်သေဆုံးခဲ့ပြီး ဟဇ်ဘိုလာတို့ကလည်း အစ္စရေးကို ဒုံးကျည် အစင်း ၁၆၀ ကျော်နဲ့ တိုက်ခိုက်ခဲ့ပါတယ်။

Ref:BBC
Photo:Reuters

#သတင်းဟင်းလေးအိုးကြီး

စာချုပ်သစ် ကမ်းလှမ်းမှုမရသေးလို့ စိတ်ပျက်ကြောင်း ဆာလက်ပြော

နိုဝင်ဘာ ၂၆

လီဗာပူးလ်အသင်း တိုက်စစ်မှူး ဆာလက်ဟာ လီဗာပူးလ်အသင်းဆီကနေ စာချုပ်သစ် ကမ်းလှမ်းမှု မရရှိသေးတဲ့ အတွက် စိတ်ပျက်မိတယ်လို့ ပြောလိုက်ပါတယ်။

ဆာလက်က “ဒီဇင်ဘာထဲကို ရောက်ဖို့နီးနေပြီဖြစ်ပေမယ့် ကျနော်ဟာ ကလပ်မှာ ဆက်ပြီးရှိနေဖို့အတွက် ကမ်းလှမ်းမှု မရရှိသေးပါဘူး။ ကျနော် စိတ်ပျက်မိပါတယ်။ ဒါကြောင့် ဆက်ရှိဖို့ထက် ထွက်ခွာဖို့က ပိုဖြစ်နိုင်ပါ တယ်။ ကျနော်ဒီမှာ နှစ်ပေါင်းများစွာကြာရှိခဲ့တာကို ခင်ဗျားတို့လည်း သိပါတယ်။ ဒီလိုကလပ်မျိုးလည်း မရှိပါဘူး။ ပရိသတ်တွေကို ကျနော်ချစ်သလို၊ ပရိသတ်တွေကလည်း ကျနော့်ကို ချစ်ပါတယ်။ အဆုံးသတ်မှာ ဒါက ကျနော့်ရဲ့ လက်ထဲ ဒါမှမဟုတ် ပရိသတ်တွေရဲ့ လက်ထဲမှာ မရှိပါဘူး။ စောင့်ဆိုင်းပြီး ကြည့်ရမှာပါ”လို့ ဆောက်သမ်တန် အသင်းနဲ့ပွဲအပြီး သတင်းထောက်တွေနဲ့တွေ့ဆုံချိန်မှာ ပြောခဲ့တာပါ။

ဆာလက်ဟာ ဒီရာသီမှာ လီဗာပူးလ်အသင်းအတွက် ပြိုင်ပွဲစုံ ၁၂ ဂိုး သွင်းယူထားပြီး ခြေစွမ်းပြသနေပေမယ့် သူနဲ့ အသင်းတို့ ချုပ်ဆိုထားတဲ့ စာချုပ်ဟာ ရာသီကုန်ရင် ကုန်ဆုံးပြီဖြစ်ပါတယ်။

ဒါပေမယ့် ဆာလက်ဟာ လီဗာပူးလ်အသင်းဆီကနေ စာချုပ်သစ် ကမ်းလှမ်းမှု မရရှိသေးတဲ့အတွက် စိတ်ပျက်နေ တာပါ။

ဆာလက်ဟာ လက်ရှိ အခြေအနေကြောင့် ၂၀၂၅ ခုနှစ်၊ ဇန်နဝါရီ ၁ ရက်မှာ အင်္ဂလန်ပြင်ပ ကလပ်အသင်းတွေနဲ့ စာချုပ်အကြို ချုပ်လို့ရမှာဖြစ်ပြီး နွေရာသီမှာ အလွတ်နဲ့ ပြောင်းရွှေ့လို့ရမှာဖြစ်ပါတယ်။

၂၀၁၇ ခုနှစ်နွေရာသီက ရိုးမားအသင်းကနေ ရောက်ရှိလာခဲ့တဲ့ ဆာလက်ဟာ လီဗာပူးလ်အသင်းဆီကနေ စာချုပ်သစ် ကမ်းလှမ်းမှု မရထားပေမယ့် ဒီရာသီကို အာရုံစိုက်ပြီး ပရီးမီးယားလိဂ်နဲ့ ချန်ပီယံလိဂ်ဖလား ရယူနိုင်ဖို့ ကြိုးစားသွားမယ်လို့ ပြောထားပါတယ်။

အသက် ၃၂ နှစ်အရွယ်ရှိ ဆာလက်ကို ခေါ်ယူဖို့ ဆော်ဒီပရိုလိဂ် ကလပ်အသင်းတွေအပြင် ဥရောပထိပ်သီး အချို့ကလည်း စောင့်ကြည့်မှုတွေ ပြုလုပ်နေတာပါ။

လီဗာပူးလ်အသင်းဟာ ဆာလက်အပြင် ရာသီအကုန်မှာ စာချုပ်ကုန်ဆုံးမယ့် အသင်းခေါင်းဆောင် ဗန်ဒိုက်နဲ့ ညာနောက်ခံလူ အာနိုးလ်တို့ကိုလည်း စာချုပ်သစ်အတွက် သဘောတူညီမှု မရရှိသေးပါဘူး။

အဲဒါကြောင့် လီဗာပူးလ်အသင်းဟာ အသင်းရဲ့အဓိက ကစားသမား ၃ ဦးစလုံးကို လာမယ့်နွေရာသီမှာ အလွတ်နဲ့ ဆုံးရှုံးရနိုင်တာဖြစ်ပါတယ်။

ပုံ - ဆာလက်ကို တွေ့ရစဉ်

#centralnewsnaypyitaw

ဘယ်အရာမဆိုပေါ.
မရခင်သာ အသဲအသန်ပါ
ရပြီးသွားရင် တန်ဖိုးမထားကျတော့ဘူး..

ပိုလိုအပ်တယ်ဆိုကာမှ...ပိုအေးစက်သွားတဲ့ ဆက်ဆံရေးတွေ

မျက်ရည်တွေနဲ့ တားနေမိတဲ့ အဖြစ်တွေကနေ လွှတ်ထွက်ချင်နေတဲ့ လက်ကို ဆွဲနေရင်းက တဖြေးဖြေး နာကျင်လာခဲ့ရသလို တဖြေးဖြေး အထီးကျန်လာခဲ့ရတယ် ။
ဒီအတောအတွင်းမှာလေ နားလည်မှုလေးတွေ ပိုပြီးလိုအပ်ပါတယ်ဆိုတဲ့စကားကို သေသေချာချာကြီးပြောခဲ့တာတောင် သေသေချာချာကြီး ပစ်ထားခဲ့တဲ့သူ့ကို ကျွန်မ ဘယ်လ်ုခေါင်းစဥ်တပ်ရမလဲ
ပုံမှန်အချိန်မှာဆို... ဘယ်လိုပဲ ပစ်ထားပစ်ထား အဆင်ပြေအောင် နေလို့ရပေမယ့် ဒီလို လိုအပ်နေတဲ့အချိန်လေးမှာ ရှိနေမပေးနိုင်တာကတော့ ကျွန်မ ကံပေါ့ ။
အများကြီး မတောင်းဆိုခဲ့ဖူးသလို အများကြီးလဲ မလိုချင်ခဲ့မိပါဘူး.. အချိန်တွေအကြာကြီး ပစ်မထားဖို့ရယ် ကျွန်မကို ရှိတယ်တောင်မထင်တဲ့ အဖြစ်မျိုးတွေ ထပ်မလုပ်စေချင်တာရယ်... ဒါပါပဲ
ဒါကိုတောင်မှ.... သူ့မှ ခက်ခဲနေခဲ့တာလေ ကျွန်မက ပိုပြီးလိုအပ်လာလေလေ ပိုပြီးပစ်ထားတတ်သလို ပိုပြီးချစ်တတ်လာလေလေ ဆက်ဆံရေးတွေက ပိုပြီး အေးစက်သွားလေလေပေါ့ ။

#ကျေးကို

ငါ့ကို စောက်ရေးမပါသလို ဆက်ဆံလာရင်
ဘယ်လောက်အရေးကြီးကြီး တဖြေးဖြေး
ငါ့အတွက် စောက်ရေးမပါတဲ့သူပဲ ဖြစ်သွားမှာ

လူတစ်ယောက်နဲ့တစ်ယောက်ဆက်ဆံရာမှာ respect ဟာသိပ်အရေးကြီးတယ်။
ကိုယ်က ဘာမှမပေးနိုင်ပဲ သူများဆီကချည်း လိုချင်နေလို့မရဘူး။

ငါ့အတွက်တော့ ငါ့မာနကိုထိပါးစေတဲ့ ဒါမှမဟုတ် ငါ့ကိုသိမ်ငယ်လာအောင် ခံစားစေရတဲ့ ဘယ်သူ့ကိုမဆို ငါ့ဘ၀ရဲ့ဘယ်နေရာမှာဖြစ်ဖြစ် ထားပစ်ခဲ့မှာ။

#စာတို

လိုချင်တဲ့
ချစ်ခြင်းမေတ္တာက ရိုးရှင်းတယ်။
ကိုယ်ကလဲ ပေးမယ်
ကိုယ်တိုင်လဲ ပြန်ရချင်တယ်။
ကိုယ်တိုင်လဲ စည်းစောင့်မယ်
စည်းစောင့်မှုကိုလဲ ပြန်လိုချင်တယ်။