MySPACE

1 w - Translate

Rosary tattoo designs

Comment

1 w - Translate

"ငါဟာကမ္ဘာဖျက်သူ ဖြစ်လာခဲ့ပြီ"
Oppenheimer ရဲ့ အက်တမ် (atomic) ဗုံး ကတစ်ဆင့် ကမ္ဘာ့လေထုကိုမီးလောင်မြိုက်စေဖို့ ဖြစ်နိုင်ခြေဟာ သုညနီးနီးရှိခဲ့ပါတယ်။ စဥ်းစားမိတာက အကယ်၍ ဒီဖြစ်နိုင်ခြေသာဖြစ်ခဲ့ရင် ကွင်းဆက်ဓာတ်ပြုမှုပြီး ကမ္ဘာကြီးတစ်ခုလုံး မီးလောင်တိုက်သွင်းခံခဲ့ရနိုင်တယ်။ ဒီလိုသာဆို ကျွန်တော်တို့ ခင်ဗျားတို့ဆိုတာလည်း ရှိလာမှာမဟုတ်ဘူး။
ကံကောင်းစွာနဲ့လို့ပဲပြောရမလား၊ ဒီ တွက်ချက်မှုဟာ မှားယွင်းခဲ့တာဖြစ်ပြီးတော့ Oppenheimer ဦးစီးတဲ့ Trinity လို့ အမည်ပေးထားတဲ့ ဗုံး စမ်းသပ်ချက်ဟာ အောင်မြင်သွားခဲ့တယ်။ ဗုံးကျဲခံခဲ့ရတဲ့ ဟီရိုရှီးမားနဲ့ နာကာဆာကီကတော့ အထိနာခဲ့တာပေါ့။ ဒီလိုနဲ့ ဒုတိယကမ္ဘာစစ်ကြီးလည်း ရပ်တန့်သွားခဲ့ပါလေရော။ ဒါပေမဲ့ Oppenheimer တစ်ယောက် ဒီ atomic ဗုံး စီမံကိန်းကြီးပြီးဆုံးအပြီးကနေ သေဆုံးသည်အထိကို နောင်တရခဲ့တာတစ်ခုရှိခဲ့တယ်။
Oppenheimer ဟာ ဒုတိယကမ္ဘာစစ်ကြီးရပ်တန့်နိုင်ခဲ့ပေမဲ့ နိုင်ငံ့ခေါင်းဆောင်လူတစ်စုရဲ့ လောဘစိတ်ကိုတော့ မရပ်တန့်နိုင်ခဲ့ဘူး။ "လူဆိုတာကမ္ဘာပေါ်မှာ အရက်စက်ဆုံးသတ္တဝါတွေပဲ" ဆိုတဲ့ စကားက မှန်ပါတယ်။ လူ့ လောဘ (လိုချင်တပ်မက်ခြင်း)၊ ဒေါသ (ကြမ်းကြုတ်ခြင်း)၊ မောဟ (စုံလုံးကန်းခြင်း) တို့ဟာ အင်မတန်ကြောက်ဖို့ကောင်းတယ်လို့ မှတ်သားရတယ်။ ယနေ့ခေတ် စစ်ဘုရင်ခေါင်းဆောင်တွေဟာ Oppenheimer အစပျိုးခဲ့တဲ့ အက်တမ် (atomic) လက်နက်တွေ၊ အဏုမြူ (nuclear) လက်နက်တွေကို နိုင်ငံရေးအားပြိုင်ဖို့ရာအတွက် ပြုလုပ်လာကြပြီ။
အကယ်၍ ဒေါသမီးတစ်ပွင့်ကြောင့်သာ တတိယကမ္ဘာစစ်ကို ဦးတည်ခဲ့မယ်ဆိုရင် ဒီစစ်ပွဲရဲ့ဘေးထွက်ဆိုးကျိုးက မသေးပါဘူး။ အမေရိက၊ တရုတ်၊ ရုရှား၊ နဲ့ မြောက်ကိုရီးယားလို စစ်အင်အားတောင့်တင်းတဲ့နိုင်ငံတွေမှာ ခလုပ်တစ်ချက်နှိပ်လိုက်ရုံနဲ့ တစ်ကမ္ဘာလုံးကသက်ရှိတွေကို ပျောက်ကွယ်သွားအောင်လုပ်နိုင်တဲ့ လက်နက်ကြီးတွေ ရှိနေပါပြီ။ ဒါတွေရဲ့အစက Oppenheimer လို့ ပြောရင်လည်း အပြစ်တင်ရာကျပါလိမ့်။ ရုပ်ရှင်ထဲမှာ Oppenheimer တစ်ယောက် အနာဂတ်ကစစ်ပွဲတွေကို ကြိုမြင်နေတဲ့အတိုင်း သူ့ရဲ့လုပ်ရပ်ကို နောင်တရနေတာ မြင်တွေ့ရမှာပါ။ နောက်ဆုံး sence ကတော့ ကျွန်တော့်အကြိုက်ဆုံးလို့ ပြောရပါမယ်။ Oppenheimer ဟာ ရူပ၊ သိပ္ပံပညာရှင်တစ်ဦးဖြစ်တဲ့ Albert Einstein နဲ့ သွားတွေ့ခဲ့ပါတယ်။
"ကျွန်တော်တို့ အရင်က တွက်ချက်မှုအမှားတစ်ခုကြောင့် ကမ္ဘာကြီးကိုဖျက်ဆီးမိမယ်လို့ ထင်ခဲ့တာမှတ်မိလား"
"မှတ်မိပါတယ်.. ဘာဖြစ်လို့လဲ"
"ကျွန်တော်တို့ လုပ်လိုက်မိပြီထင်တယ်"
၁၉၄၅ က Oppenheimer ရဲ့ atomic ဗုံး စီမံကိန်း၊ Manhattan Project ကို နှုတ်ဆက်တဲ့ နာမည်ကြီးမိန့်ခွန်းမှာလည်း "Now I am become Death, the destroyer of worlds" (မြန်မာပြန် ။ ။ "ငါဟာ အခုတော့ သေခြင်းတရား၊ ကမ္ဘာတွေအားဖျက်ဆီးသူ ဖြစ်ခဲ့ပြီ" လို့ ပြောသွားခဲ့တယ်။ Oppenheimer ရဲ့ တီထွင်မှုဟာ စစ်ပွဲရပ်တန့်ဖို့အတွက် ကောင်းမွန်တဲ့ရလဒ်တစ်ခုဖြစ်ခဲ့ပေမဲ့လည်း ကမ္ဘာဖျက်လက်နက်တစ်ခုအဖြစ် ယနေ့မျိုးဆက်အထိ လက်ဆင့်ကမ်းလာခဲ့ပါတယ်..။
(စာကြွင်း ။ ။ ယခုဆောင်းပါးမှာပါဝင်တဲ့ အချက်အလက်တွေဟာ Oppenheimer (2024) ရုပ်ရှင်ပေါ်မှီငြမ်းထားပြီး ပိုမှန်ကန်စေဖို့ရာ အချို့အထောက်အထားများကို ရှာဖွေစစ်ဆေးကာ စာရေးသူအတွေးများနဲ့ ရောစပ်ပြီးရေးသားထားတာဖြစ်ပါတယ်။ ဒါကြောင့် သမိုင်းနဲ့မအပ်စပ်တဲ့ အချက်အလက်မျိုးဖြစ်ဖြစ် တွေ့ရှိပါက လွတ်လပ်စွာထောက်ပြပေးပါရန် မေတ္တာရပ်ခံပါတယ်။)

Comment

1 w - Translate

ကလဲ့စားချေခြင်း ရုပ်ရှင်များ
ဒီနေ့မှာတော့ ဇာတ်ကောင်တွေဆီက တစ်ခုခုကို လုယူဖျက်ဆီးတာတွေကြောင့် ပြန်လည်ကလဲ့စားချေတာကို အားရစွာကြည့်ရှုရမယ့် ရုပ်ရှင် (၉) ခုကို ရွေးချယ်တင်ဆက်ပေးလိုက်ပါတယ်။
စာဖတ်သူတို့လည်း ကိုယ်သဘောကျရတဲ့ရုပ်ရှင်တွေရှိရင် comment မှာ ရေးသားခဲ့ပါဦး။