မေတ္တာတွေသာ လွန်လွန်ကြူးကြူး စော်ကားခြင်းမခံရရင် သေချာပေါက်ဆက်ချစ်နေဦးမှာ။

#ပါရီယာနာ

မတတ်နိုင်ခဲ့ခြင်းများစွာအတွက် ကြေကွဲဝမ်းနည်း
ရပါတယ်

အမှတ်တရတွေဆိုတာ ရင်ဘတ်ထဲထည့်သိမ်းရတာလား
မှတ်ဉာဏ်ထဲ သိုလှောင်ရတာလား
ဖျတ်ခနဲ့အတွေးတိုင်းမှာ သူ့အငွေ့အသက်တွေ
ပါနေတာ

ကိုယ် ဘဝတစ်ခုလုံး ဆုံးရှုံးခဲ့ပြီးဆိုမှ
သူ့အတွက်ရည်ရွယ်ထားတဲ့ ပန်းတွေပွင့်တယ်
သူနဲ့အတူတူပြေးလွှာခဲ့တဲ့ လမ်းတွေပြန်ရောက်တယ်
အတူတူကြည့်ခဲ့တဲ့ နေဝင်ချိန်တွေ သူသဘောကျတဲ့
အညိုရင့်တွေ

ဘယ်လိုရှင်သန်နိုင်မလဲလို့ တွေးခဲ့လည်း
ကိုယ့်နည်းကိုယ့်ဟန်နဲ့ သူ့ရှေ့ပြန်ရောက်သွားဖို့
သံသရာရဲ့ တစ်ပတ်ကိုစောင့်ခဲ့တယ်

အချစ်ဆိုတာ တစ်ခါပဲဖြစ်တာဆို
ကိုယ့်အချစ်က သူ့ပါးချိုင့်လေးထဲမှာအကြိမ်ကြိမ်
ဖြစ်နေတာ
တစ်စက္ကန့်မှလည်း မျက်ဝန်းကလေးတွေကို
မေ့မပစ်ခဲ့ပါဘဲ

အချစ်ရေ မတတ်နိုင်ခဲ့ခြင်းများစွာအတွက်ပေါ့
ဘဝတစ်ခုလုံးနဲ့ စောင့်နေခဲ့တယ်။

#ဇူခီ

အသက်ရှင်နေသေးလို့
မပျော်စရာကြားထဲ
ရယ်နေရသေးတာပါ .. သူငယ်ချင်းရာ

ကမ္ဘာဟာ ကပ်ရောဂါအမျိုးမျိုးကြားထဲ
တစ်ယောက်ကိုတစ်ယောက်က
ဆွဲထားကြတာ အင်းကျီတောင်ပြဲလုမတတ်ပဲ။

လက်တွေလည်း ကာတွန်းကားတွေထဲကလို
ရှည်ထွက်ရစမြဲဆိုရင်
ငါတို့အမြဲတမ်း တစ်ယောက်ကိုတစ်ယောက်
ဖမ်းမိနေမှာပေါ့ ..

ငိုပြီးရယ်ရတယ်တဲ့.. အလကား
လျှောက်ပြောတာသူငယ်ချင်း
ဒီနှစ်တွေထဲ ငိုပြီးရင်းငိုလိုက်ရတာ
မျက်ရည်တောင် မကျန်တော့ဘူး ..
စားသမျှအဟာရတောင် မျက်ရည်ပြန်ဖြစ်ဖို့
စားနေရသလိုပါပဲ..

ဆုံးရှုံးမှုအရသာက ဘာလဲလို့မေးရင်
မနေ့က စကားတွေပြောနေတုန်း
ဒီနေ့မှာ အဲ့ဒီလူရဲ့
နာရေးဖိတ်စာရောက်လာတာမျိုး..

တွေ့သမျှလူတိုင်းရဲ့နဖူးမှာ
သင်္ခါရ စာလုံးကိုထင်ထင်ရှားရှား
မြင်နေရတယ် ..

အိမ်ရှိနေသေးလို့ နေနေရတာပါ
သူငယ်ချင်းရာ
ကိုယ်ပိုင်ဆိုင်တာ ရေရေရာရာ မရှိပါဘူး
တချို့များ မိုးကာတဲထဲ ယိုနေတဲ့
မိုးကလေးတွေကို လိုက်ဖာထေးနေရရှာတယ်။

အသက်ရှင်နေသေးလို့ ရယ်နေရတာပါ
သူငယ်ချင်းရာ ..
အရမ်းကြီးပျော်နေရတာလည်းမဟုတ်ပါဘူး

ခေတ်ကာလကြီးက
ကောင်းကင်ဟာ အိုဇုန်းလွှာတင်မကဘူး
မေတ္တာတရားပါပေါက်ပြဲနေတာ
ဘယ်တော့ များ.. အိမ်ခေါင်မိုးပေါ်
လေယာဥ်ဗုံးကြီး
ကျလာမလဲမသိနေဘူးရယ်...

ဒီကြားထဲ ကိုယ့်ကိုယ်လည်း သနားလှပါပြီ
သူငယ်ချင်းရာ ..
ကိုယ်မတတ်နိုင်တဲ့အခိုက်အတန့်တွေတိုင်း
အရှုံးသမားတစ်ယောက်လို
ခံစားနေရတာပါပဲ ..

ဒီစကားကို ကိုယ့်ဒုက္ခထက်
နှစ်ဆ ပိုခံစားနေရတဲ့ လူတွေကြားရင်
ကိုယ့်ကိုယ်ရယ်ကြအုံးမယ်...ထင်ပါရဲ့ ။

-LuAh(AungKhinSitt)

ဘယ်သူမှ ကိုယ့်အပေါ် မကြည့်ခဲ့ရင်တောင်..
မင်းတစ်ယောက်တော့ ငါ့အပေါ်ငဲ့လိမ့်မယ်လို့
ငါဟာ တစ်ထစ်ချယုံကြည်ထားခဲ့သူ...။

လူသားတွေဟာ သူတို့ကိုယ်သူတို့သာ အချစ်ဆုံးလို့
မင်းကိုယ်တိုင် သက်သေပြလာတဲ့အခါ
ငါ့အတွက် ကမ္ဘာတစ်ခုပျောက်ဆုံးခဲ့ရပြန်ပေါ့...။

- Thant Myat Htoo -

တထုပ်ချင်းယူမနေတော့ဘူး
ကြာလို့

"အခုခေတ်မှာ လူတွေက မှန်တာကို မကာကွယ်ကြတော့ဘူး၊ သူတို့ကြိုက်တဲ့သူနဲ့ အကျိုးအမြတ်ကို ကာကွယ်ကြတယ်။ """.

သူတစ်ပါး ကျေနပ်ဖို့
ကိုယ့်စိတ်ကို မစတေးပါနဲ့။

ကိုယ့်ကိုယ်ကိုယ်
ကျေနပ်ဖို့ ကြိုးစားပါ။

သူတစ်ပါး ငြိုငြင်မှာ မကြောက်ပါနဲ့။
ကိုယ့်ကိုယ်ကိုယ် လေးစားဖို့
အရေးကြီးပါတယ်။

သူတစ်ပါးက ကိုယ့်ဘဝကို မဖန်တီးပါစေနဲ့။
ကိုယ့်ဘဝကို ကိုယ့်မူပိုင်ဟန်ပုံစံအတိုင်းပဲ
ထုဆစ်ဖန်တီးပါ။

ကိုယ့်ရဲ့ ပျော်ရွှင်မှုဟာ
ကိုယ့်လက်ထဲမှာပဲ အသေချာဆုံးပါ။ ။

လွန်းထားထား (ဆေးတက္ကသိုလ်)

𝐂𝐫𝐞𝐝𝐢𝐭_𝐨𝐫𝐢𝐠𝐢𝐧𝐚𝐥_𝐰𝐫𝐢𝐭𝐞𝐫

အချစ်ကို လိုချင်လို့ ဘယ်လောက်ထိ မလေးမစား လက်ခံခဲ့လဲဆိုတာ နားလည်လာတယ်

"အခုချိန်မှာ အရာရာတိုင်းအတွက် ဘယ်လောက်ပင်ပန်းနေလဲ မသိပေမယ့် ဘဝကြီးကို အရှုံးပေးချင်စိတ်ပေါက်လာတဲ့ နေ့တွေမှာတော့ ကိုယ့်ကိုယ်ကိုယ် သည်းခံစေချင်တယ် "" """.

စိတ်မပူပါနဲ့ တစ်နေ့တော့ ငါတို့အတူတူထိုင်ပြီး လုပ်နိုင်ခဲ့ပြီလို့ ပြောကြမှာပါ 🤍