Hair Color Design

Hair Color Design

မန်စီးတီးနဲ့ စာချုပ်သက်တမ်းတိုးဖို့ ဂွာဒီယိုလာ သဘောတူညီ

နိုဝင်ဘာ ၂၀

စပိန်လူမျိုးနည်းပြ ဂွာဒီယိုလာဟာ မန်စီးတီးအသင်းနဲ့ တစ်နှစ်သက်တမ်းတိုး စာချုပ်ချုပ်ဆိုဖို့ သဘောတူညီမှု ရရှိခဲ့ပါတယ်။

မန်စီးတီးအသင်းဟာ The Athletic က ဖော်ပြခဲ့တဲ့ ဒီသတင်းကို မှတ်ချက်ပေးဖို့ ငြင်းဆန်ခဲ့ပေမယ့် သတင်းရင်း မြစ် အများအပြားက ဂွာဒီယိုလာဟာ အသင်းမှာဆက်ရှိမယ့် စာချုပ်သစ်ချုပ်ဆိုဖို့ ရွေးချယ်ခဲ့တယ်လို့ ဖော်ပြ ထားပါတယ်။

၂၀၁၆ ခုနှစ်က မန်စီးတီးအသင်းကို ရောက်ရှိလာခဲ့တဲ့ ဂွာဒီယိုလာဟာ အသင်းကို ပရီးမီးယားလိဂ်ဖလား ၆ ကြိမ် အပါအဝင် ဆုဖလားပေါင်း ၁၈ ခုအထိ ရယူပေးထားတာပါ။ ဂွာဒီယိုလာရဲ့ မန်စီးတီးအသင်းစာချုပ်ဟာ ဒီရာသီ ကုန်ရင် ကုန်ဆုံးပြီဖြစ်ပါတယ်။

မန်စီးတီးအသင်းနဲ့ ဂွာဒီယိုလာတို့ ချုပ်ဆိုမယ့် စာချုပ်သစ်ထဲမှာ ဒုတိယနှစ်အတွက် ရွေးချယ်ခွင့်ရှိမယ့် အချက် ပါဝင်တယ်လို့လည်း သတင်းမှာ ဖော်ပြထားတာပါ။

ဂွာဒီယိုလာဟာ မန်စီးတီးအသင်းကို တစ်ရာသီအတွင်း ဆုဖလား ၃ လုံးရယူနိုင်တဲ့ ဒုတိယမြောက် အင်္ဂလိဂ် ကလပ်အသင်းဖြစ်အောင် ကိုင်တွယ်နိုင်ခဲ့သလို ပရီးမီးယားလိဂ်ဖလားကို ၄ ရာသီဆက် တိုက်ရယူနိုင်တဲ့ ပထမဆုံးအသင်းဖြစ်အောင်လည်း ကိုင်တွယ်ပေးနိုင်ခဲ့တာဖြစ်ပါတယ်။

မန်စီးတီးအသင်းဟာ ဒီရာသီမှာ အဓိက ကစားသမားတွေရဲ့ ဒဏ်ရာတွေကြောင့် ရလဒ်တွေဆိုးနေပြီး နောက်ဆုံး ကစားခဲ့တဲ့ ပြိုင်ပွဲစုံ ၄ ပွဲစလုံး အရေးနိမ့်ခဲ့တာပါ။

ဂွာဒီယိုလာရဲ့ နည်းပြဘဝမှာလည်း ပထမဆုံးအကြိမ် ၄ ပွဲဆက်တိုက် ရှုံးပွဲကြုံတွေ့ခဲ့တာဖြစ်ပါတယ်။

ဂွာဒီယိုလာကတော့ ရာသီပြီးဆုံးဖို့ လိုသေးတာကြောင့် ရလဒ်ကောင်းတွေ ပြန်လည်ရယူနိုင်မယ်ဆိုတာ ယုံကြည်တယ်လို့ ပြောထားပါတယ်။

မန်စီးတီးအသင်းဟာ ဒီရာသီ ပရီးမီးယားလိဂ်ပြိုင်ပွဲမှာ အဆင့် ၁ နေရာက လီဗာပူးလ်အသင်းနဲ့ ၅ မှတ်အကွာ အဆင့် ၂ နေရာမှာ ရပ်တည်နေတာပါ။

မန်စီးတီးအသင်းဟာ ဒီတစ်ပတ်ပရီးမီးယားလိဂ်ပွဲစဉ်အဖြစ် စပါးအသင်းနဲ့ ယှဉ်ပြိုင်ရမှာ ဖြစ်ပါတယ်။

Source: BBC

ပုံ - ဂွာဒီယိုလာကို တွေ့ရစဉ်

#centralnewsnaypyitaw

🖤

လူငယ်တွေဟာ အချစ်တစ်ခုတည်းအတွက်
ပြိုလဲ နေကြတာချည်း မဟုတ်ပါဘူး။
အများစုဟာ မိသားစုကြောင့်ဖြစ်ပြီး
အချို့ကတော့ ‘ပတ်ဝန်းကျင်နဲ့ ငွေကြောင့်’
ဖြစ်ပါလိမ့်မယ် ။

💭 | | 18.11.2024

ခင်ဗျားက
သိပ်ဖမ်းဆုပ်ဖိုခက်တဲ့
တိပ်ဆိုင်လှလှလေးပါလား။
ငိုရလောက်တဲ့ထိ
ခင်ဗျားကိုသဘောကျတယ်။
ဆုံးရှူံးရရင်များလို့ တွေးမိရင်
ကျွန်တော့်မှာ ရူးမတတ်။
ခင်ဗျားကိုတော့
ကျွန်တော်တစ်ယောက်ထဲပဲ
"ပိုင်ဆိုင်ချင်တယ်".....။
💭 || 19.11.2024
#crd #စာတို

အရက်သမားဋီကာ (၉)

နျူကလီးယားလက်နက်နဲ့ ပြန်လည်တုံ့ပြန်တိုက်ခိုက်နိုင်တဲ့ နျူကလီးယားမူဝါဒတစ်ခုကို ပူတင်လက်မှတ်ရေးထိုး

နိုဝင်ဘာ ၂၀

နျူကလီးယားအင်အားကြီးနိုင်ငံတစ်နိုင်ငံက ထောက်ပံ့ထားတဲ့ ဘယ်နိုင်ငံကမဆို ရုရှားမြေကို တိုက်ခိုက်လာခဲ့ ရင် အဲဒီတိုက်ခိုက်မှုကို ရုရှားနိုင်ငံကို ပူးတွဲတိုက်ခိုက်မှုအဖြစ် မှတ်ယူသွားမှာဖြစ်ကြောင်း ဖော်ပြထားတဲ့ ပြန် လည်ပြင်ဆင်ထားတဲ့ နျူကလီးယားမူဝါဒတစ်ခုကို ရုရှားသမ္မတဗလာဒီမာပူတင်က နိုဝင်ဘာ ၁၉ ရက်နေ့က လက်မှတ်ရေးထိုးလိုက်ပါတယ်။

၂၀၂၂ ခုနှစ် ဖေဖော်ဝါရီလ ၂၄ ရက်နေ့မှာ စတင်ကျူးကျော်တိုက်ခိုက်ခဲ့တဲ့ ယူကရိန်းစစ်ပွဲ ရက် ၁၀၀၀ ပြည့်တဲ့ အချိန်မှာ အခုလို နျူကလီးယားမူဝါဒအသစ်တစ်ခုကို ပူတင်က လက်မှတ်ရေးထိုးလိုက်တာဖြစ်ပါတယ်။

အမေရိကန်သမ္မတဂျိုးဘိုင်ဒန်က ရုရှားအတွင်းပိုင်းကို တိုက်ခိုက်ဖို့ ယူကရိန်းကို တာဝေးပစ်လက်နက်တွေ သုံးစွဲခွင့်ပြုလိုက်ပြီးနောက် ပူတင်ကလည်း အခုလို နျူကလီးယားမူဝါဒသစ်ကို လက်မှတ်ရေးထိုးလိုက်တာ ဖြစ်ပါတယ်။

ရုရှားနိုင်ငံကို ဝေဟင် (လေကြောင်း/ဒုံးကျည်) ကနေ တိုက်ခိုက်လာခဲ့ရင် ရုရှားနိုင်ငံက နျူကလီးယားလက်နက် တွေကို အသုံးပြုဖို့ အဆင်သင့်ဖြစ်နေကြောင်း အဲဒီမူဝါဒသစ်ထဲမှာ ဖော်ပြထားပါတယ်။

ဘိုင်ဒန်က ဆုံးဖြတ်ချက်ချပြီးနောက်မှာ အခုနျူကလီးယားမူဝါဒသစ်ကို ရည်ရွယ်ချက်ရှိရှိနဲ့ ပြင်ဆင်လိုက်တာ လာလို့ မေးမြန်းတဲ့အခါ “ကြေညာချက်ကို အချိန်ကိုက်ထုတ်ပြန်ခဲ့တာဖြစ်ကြောင်း၊ နျူကလီးယားမူဝါဒကို လက် ရှိအခြေအနေနဲ့ ကိုက်ညီအောင် ပြန်လည်ပြင်ဆင်ဖို့ အခုနှစ်အစောပိုင်းက သမ္မတပူတင်က အစိုးရအဖွဲ့ကို ညွှန် ကြားထားခဲ့ကြောင်း” ကရင်မလင်အစိုးရ ပြောခွင့်ရပုဂ္ဂိုလ် ဒီမီထရီပက်စ်ကော့ဗ်က ပြောပါတယ်။

စက်တင်ဘာလအတွင်းက အဆိုပြုထားတဲ့ ပြင်ဆင်ချက်တွေအကြောင်း ဆွေးနွေးတဲ့အချိန်မှာ ပူတင်က ပြောင်း လဲမှုတွေအကြောင်းကို ပထမဦးဆုံးအကြိမ် ကြေညာခဲ့ပါတယ်။

ရုရှားနိုင်ငံအတွင်းပိုင်းထဲအထိ တိုက်ခိုက်ဖို့အတွက် အနောက်နိုင်ငံထုတ် လက်နက်တွေကို ယူကရိန်းကိုအသုံး ပြုခွင့်ပေးခဲ့မယ်ဆိုရင် နေတိုးအဖွဲ့ဟာ စစ်ပွဲထဲဝင်ရောက်လာတာဖြစ်တယ်လို့ မှတ်ယူမှာဖြစ်ကြောင်း သမ္မတ ပူတင်က အမေရိကန်နဲ့ နေတိုးအဖွဲ့ဝင်နိုင်ငံတွေကို အရင်ကတည်းက သတိပေးခဲ့ပြီးဖြစ်ပါတယ်။

ပြန်လည်ပြင်ဆင်လိုက်တဲ့မူဝါဒမှာတော့ နျူကလီးယားအင်အားကြီးနိုင်ငံရဲ့ အထောက်အပံ့ကိုရယူထားတဲ့ နျူကလီးယားမပိုင်တဲ့နိုင်ငံတစ်နိုင်ငံက ရုရှားကို တိုက်ခိုက်လာရင် “ပူးပေါင်းတိုက်ခိုက်မှု” လို့ မှတ်ယူမှာဖြစ် ကြောင်း ဖော်ပြထားပါတယ်။

အဲဒီလို ပူးပေါင်းတိုက်ခိုက်လာခဲ့ရင် ရုရှားနိုင်ငံအနေနဲ့ နျူကလီးယားလက်နက်အသုံးပြုပြီး ပြန်လည်တုံ့ပြန်တိုက် ခိုက်သွားနိုင်ကြောင်း ကြေညာချက်မှာ ဖော်ပြထားပါတယ်။

တပြိုင်တည်းမှာပဲ နျူကလီးယားပေါက်ကွဲမှုကနေ ထွက်ပေါ်လာတဲ့ နျူကလီးယားလှိုင်းတွေနဲ့ ရေဒီယိုသတ္တိကြွ ခြိမ်းခြောက်မှုဒဏ်တွေကို ကာကွယ်နိုင်တဲ့ ရွှေ့ပြောင်းဗုံးခိုကျင်းတွေကိုလည်း ရုရှားနိုင်ငံက စတင်တည် ဆောက်နေကြောင်း ရိုက်တာသတင်းမှာ ရေးသားဖော်ပြထားပါတယ်။

"KUB-M" ဗုံးခိုကျင်းတွေဟာ သဘာဝဘေးအန္တရာယ်နဲ့ လူလုပ်ဘေးအန္တရာယ်တွေကနေ ၄၈ နာရီကြာအကာ အကွယ်ပေးနိုင်ကြောင်း အရေးပေါ်ဝန်ကြီးဌာနရဲ့ သုတေသနအင်စတီကျုက ပြောပါတယ်။

Ref: Putin Signs New Doctrine Lowering Nuclear Weapons Threshold in Warning to U.S.

#centralnewsnaypyitaw

ပညာရေးအရ အားနည်းသည့်ဒေသများ၌ အကြမ်းဖက်မှုများ၊ ဒုစရိုက်မှုများ ပိုမိုဖြစ်ပေါ်နေသည်ကို တွေ့မြင်ရကြောင်း နစကဥက္ကဋ္ဌပြောဆို

နိုဝင်ဘာ ၂၀

ပညာရေးအရ အားနည်းသည့် ဒေသများ၌ အကြမ်းဖက်မှုများ၊ ဒုစရိုက်မှုများ ပိုမိုဖြစ်ပေါ်နေသည်ကိုလည်း တွေ့မြင်ရမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောဆိုသည်။

ယမန်နေ့က နေပြည်တော်တွင် ကျင်းပသည့် နိုင်ငံတော်စီမံအုပ်ချုပ်ရေးကောင်စီ အစည်းအဝေးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောဆိုလိုက်ခြင်းဖြစ်သည်။

သဘာဝဘေးအန္တရာယ်ကြောင့် မဟုတ်ဘဲ လူတို့၏လုပ်ဆောင်မှုများကြောင့် နိုင်ငံတော်အတွင်း လမ်း၊ တံတားများ၊ စာသင်ကျောင်းများနှင့် အဆောက်အဦများ ကြီးမားစွာ ထိခိုက်ပျက်စီးဆုံးရှုံးခဲ့ရမှုရှိကြောင်း၊ အကြမ်းဖက်သမားများအနေဖြင့် နိုင်ငံတော်ဖွံ့ဖြိုးတိုးတက်ရေးအထောက်အကူပြု အဆောက်အဦများ၊ လမ်းတံတားများကို ဆင်ခြင်တုံတရားမဲ့စွာ မိုက်လုံးကြီးစွာဖြင့် ဖျက်ဆီးလျက်ရှိကြောင်း၊ ၎င်းတို့ ဖျက်ဆီးခဲ့မှု ကြောင့် ပျက်စီးခဲ့ရသည်များကို ပြန်လည်ပြုပြင်တည်ဆောက်ခြင်းများ ဆောင်ရွက်နေရသဖြင့် နိုင်ငံတော် ဖွံ့ဖြိုးတိုးတက်ရေး လုပ်ငန်းများမှာ ရှေ့သို့မရောက် နိုင်ဖြစ်နေရကြောင်း၊ ဖွံ့ဖြိုးတိုးတက်ရေးလုပ်ငန်းများ အတွက် သုံးစွဲရမည်ငွေကြေးများကို ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းများတွင် သုံးစွဲကုန်ကျနေခြင်းသည် နိုင်ငံတော်အတွက် ထိခိုက်နစ်နာစေခြင်းပင်ဖြစ်ကြောင်း နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌက ပြောဆိုသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ထိုကဲ့သို့ အကြမ်းဖက်လုပ်ရပ်များ လုပ်ဆောင်နေကြခြင်းသည် ပြည်ပမှ သွေးထိုးမြှောက်ပင့်ပေးမှုများနှင့် အသိပညာအတတ်ပညာအားနည်းခြင်း၊ ဝေဖန်ပိုင်းခြားနိုင်မှု အားနည်းခြင်းများကြောင့်ပင်ဖြစ်ကြောင်း၊ ပညာရေးအရ အားနည်းသည့် ဒေသများ၌ အကြမ်းဖက်မှုများ၊ ဒုစရိုက်မှုများ ပိုမိုဖြစ်ပေါ်နေသည်ကိုလည်း တွေ့မြင်ရမည်ဖြစ်ကြောင်း၊ ထို့ကြောင့် မိမိတို့အနေဖြင့် အနာဂတ်တွင်ဖွံ့ဖြိုးတိုးတက်ပြီး တည်ငြိမ် အေးချမ်းသည့် နိုင်ငံတော်ကို ပုံဖော်ပေးနိုင်ရေး ပညာရေးကို အားပေးဆောင်ရွက်နေခြင်းဖြစ်ကြောင်း၊ အတန်းပညာရှိမှသာ အတတ်ပညာများရရှိမည်ဖြစ်ပြီး စဉ်းစား တွေးခေါ်မှုများရရှိမည်ဖြစ်ကြောင်း ပြောဆိုသည်။

တည်ငြိမ်အေးချမ်းရေးနှင့်ပတ်သက်၍ နိုင်ငံတစ်ခု၊ ဒေသတစ်ခု၌ ပဋိပက္ခကိုဖြစ်ပေါ်လာအောင် ဖန်တီးသည်မှာ ၎င်းဒေသနှင့် နိုင်ငံတို့တွင်နေထိုင်ကြသူများပင်ဖြစ်ပြီး တည်ငြိမ်အေးချမ်းရေးကို မလိုလားသူများ၏ သွေးဆောင် မြှောက်ပင့်မှုများကြောင့်လည်းဖြစ်ကြောင်း၊ အလားတူ ဒေသတစ်ခုဖွံ့ဖြိုး တိုးတက်ရေး၊ တည်ငြိမ်အေးချမ်းရေး အတွက်လည်း ၎င်းဒေသတွင် နေထိုင်သူများကပင် လုပ်ဆောင်ကြခြင်းဖြစ်ကြောင်း၊ ထို့ကြောင့်ဒေသအတွင်း တည်ငြိမ်အေးချမ်း ရေးနှင့်ဒေသခံများ၏ လုံခြုံရေးကို ဖျက်ဆီးနေသည့် ဒေသတွင်းနေထိုင်သောလက်နက် ကိုင်အဖွဲ့အစည်း များ၏ အကြမ်းဖက်လုပ်ဆောင်မှုများ လျော့ပါးစေရေးအတွက် ကောင်စီဝင်များအနေဖြင့် လည်း ဒေသခံပြည်သူများနှင့်ပူးပေါင်း၍ ဝိုင်းဝန်းတားဆီး ဆောင်ရွက်ပေးကြစေလိုကြောင်း နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌက ပြောဆိုခဲ့သည်။

Credit - NV News

#သတင်းဟင်းလေးအိုးကြီး

တစ်ယောက်တည်း ဖြတ်သန်းရမှာကြော" က်တဲ့နေ့ရက်တွေကိုလည်း တစ်ယောက်တည်း ဖြတ်သန်းရတာပါပဲ ။
မရှိရင် မဖြစ်တဲ့အရာတွေကတကယ်တမ်း
မရှိတော့တာကိုလက်ခံလိုက်ရတဲ့အခါမှာ
ဖြစ်အောင် နေရတာပဲ ။
မလိုအပ်တော့ဘူးဆိုရင်လည်း
မပေးမိအောင် အဝေးဆုံးကို ပြေးရတယ် ။
ဒီလိုပဲ ပြန်ဖြစ်သွားတာပဲမလား...
ပုံပျက်ပန်းပျက်နဲ့ စိတ်ခံစားချက်မရှိတော့တဲ့ အတိုင်း ။

- ဘုန်းပြည့်ကြွယ်

#crd