နမိတ်ဆိုတာ ရှိတယ် လေ နော့

ရွှေငွေအပြည့် နဲ့ စားသောက်နိုင်ပါစေ 🥰

နမိတ်ဆိုတာ ရှိတယ် လေ နော့

ရွှေငွေအပြည့် နဲ့ စားသောက်နိုင်ပါစေ 🥰

နမိတ်ဆိုတာ ရှိတယ် လေ နော့

ရွှေငွေအပြည့် နဲ့ စားသောက်နိုင်ပါစေ 🥰

နမိတ်ဆိုတာ ရှိတယ် လေ နော့

ရွှေငွေအပြည့် နဲ့ စားသောက်နိုင်ပါစေ 🥰

သန်လျင်မြို့နယ်၊ ကုလားဝဲတံတားအဆင်းတွင် ဆီဘောက်ဆာယာဉ်မီးလောင်မှုဖြစ်ပွားခဲ့

နိုဝင်ဘာ ၁၉

ရန်ကုန်တိုင်းဒေသကြီး၊ သန်လျင်မြို့နယ်၊ ကုလားဝဲကျေးရွာ၊ အမှတ် ၂ လမ်းမကြီး၊ ကုလားဝဲတံတား အဆင်းတွင် ယနေ့ နံနက် ၄ နာရီဝန်းကျင် အချိန်က ဆီဘောက်ဆာယာဉ် မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့မှ သိရသည်။

ဆီဘောက်ဆာယာဉ် မီးလောင်မှုဖြစ်ပွားနေရာကို တောင်ပိုင်းခရိုင်မီးသတ်စခန်းမှ LUF-60 ယာဉ် (၁)စီး၊ မီးငြှိမ်းသတ်ယာဉ် (၂)စီး၊ အရှေ့ပိုင်းခရိုင်မီးသတ်စခန်းမှ LUF-60 ယာဉ် (၁)စီး၊ မီးသတ်ရေသယ်ယာဉ် (၁)စီး၊ သန်လျင်မြို့နယ်မီးသတ်စခန်းမှ မီးသတ်ယာဉ် (၃)စီးတို့ဖြင့် မီးငြှိမ်းသတ်သော်လည်း မီးများသည့်အတွက် Level 1 ယာဉ်အုပ်စုများ ထပ်မံထွက်ခွာငြှိမ်းသတ်ခဲ့သဖြင့် နံနက် ၄ နာရီ ၁၈ အချိန် မီးငြိမ်းခဲ့ကြောင်း သိရသည်၊၊

Credit - NV Media

#သတင်းဟင်းလေးအိုးကြီး

ရုရှားနိုင်ငံအတွင်းပိုင်းအထိတိုက်ခိုက်ရန် ယူကရိန်းအား ခွင့်ပြုလိုက်ကြောင်း ဥရောပသမဂ္ဂ အတည်ပြု

ရုရှားနိုင်ငံအတွင်း ကီလိုမီတာ ၃၀၀ အထိ ထိုးဖောက်တိုက်ခိုက်ရန်အတွက် အမေရိကန်က ထောက်ပံ့ပေးသော ဒုံးကျည်များကိုအသုံးပြုခြင်းနှင့်ပတ်သက်သည့် ကန့်သတ်ချက်များကို အမေရိကန်က ရုပ်သိမ်းခဲ့ကြောင်း အီးယူထိပ်တန်းသံတမန် ဂျိုးဆက်ဘောရဲလ်က နိုဝင်ဘာ ၁၉ ရက်က အတည်ပြု‌ပြောကြားလိုက်သည်။

"ရုရှားပိုင်နက်အတွင်း ကီလိုမီတာ ၃၀၀ အထိ အကွာအဝေးအတွင်း ဒုံးကျည်များ အသုံးပြုရန် အမေရိကန် အစိုးရက ခွင့်ပြုလိုက်သည်။ ၎င်းသည် အမေရိကန် အစိုးရ၏ ဆုံးဖြတ်ချက်သာ ဖြစ်သည်။ အမေရိကန်သမ္မတ ရွေးကောက်ပွဲ မတိုင်မီ ယခု ဆုံးဖြတ်ချက်ကို မချခဲ့ခြင်းမှာ အဘယ်ကြောင့်ဆိုသည်ကိုမူ မိမိတို့ မသိပါ” ဟု အီးယူအဖွဲ့ဝင်နိုင်ငံများမှ နိုင်ငံခြားရေးဝန်ကြီးများ အစည်းအဝေးအပြီး သတင်းစာရှင်းလင်းပွဲတွင် သူက ပြောကြားခဲ့သည်။

"အမေရိကန်တွေက “မဟုတ်ဘူး” လို့ အကြာကြီးပြောခဲ့ပေမယ့် အခုတော့ “ဟုတ်ကဲ့” လို့ ပြောလာပါပြီ"ဟုလည်း ဘောရဲလ်က သတင်းထောက်များကိုပြောသည်။ သံတမန်၏ ပြောကြားချက်အရ အီးယူ နိုင်ငံခြားရေးဝန်ကြီးများသည် ၎င်းတို့၏ အစည်းအဝေးတွင် ထိုကိစ္စကို ထည့်သွင်းဆွေးနွေးခဲ့ကြောင်း သိရသည်။

အမေရိကန်၏ ဆုံးဖြတ်ချက် သတင်းမီဒီယာများဆီသို့ ပေါက်ကြားခဲ့ခြင်းကိုမူ သူက မည်သို့မျှ မှတ်ချက်မပေးပါ။

"ကျွန်တော်တို့ ဒါကို ဆွေးနွေးပြီးပါပြီ" ဟုလည်း ဘောရဲလ်က ပြောကြားခဲ့သည်။ "ဒီနေ့အတွက် ဘုံဆုံးဖြတ်ချက်တစ်ခုမှ မရှိပါဘူး။ နိုင်ငံတိုင်းက ထိုက်သင့်သလောက် ဆောင်ရွက်ပေးမှာပါ"ဟု သူကဆိုသည်။

ယူကရိန်းအား အစွမ်းထက်သည့် လက်နက်များ ထောက်ပံ့ပေးရန် သူအမြဲတမ်း တောင်းဆိုခဲ့ကြောင်းကိုလည်း ပြောကြားခဲ့သည်။

မေမြို့လို့ခေါ်ဖို့

ဒီပန်းလေးလည်းပါမှ

ပြည့်စုံတဲ့အထဲပါတယ်

ပြည်တွင်းရွှေဈေးနှုန်း တစ်ကျပ်သား သိန်း ၆၀ အောက်သို့ ကျဆင်းလာ

နိုဝင်ဘာ ၁၉

ပြည်တွင်းရွှေဈေးနှုန်းသည် အကယ်ဒမီ မီးလင်းရွှေ တစ်ကျပ်သားလျှင် ငွေကျပ် သိန်း ၆၀ ကျော် ရှိရာမှ နိုဝင်ဘာ ၁၉ ရက်နေ့တွင် တစ်ကျပ်သား ၅၉ သိန်း ၃ သောင်းကျပ်သို့ ကျဆင်းလာသည်ကို ရွှေဈေးကွက်အတွင်းမှ သိရ သည်။

ဗဟိုဘဏ်က ငွေကြေးဈေးကွက်အတွင်း အမေရိကန်ဒေါ်လာ ထုတ်ရောင်းပေးနေခြင်းကြောင့် ဒေါ်လာဈေး ကျဆင်းလာခြင်းနှင့်အတူ ကမ္ဘာ့ရွှေဈေးသည်လည်း ဒေါ်လာ ၁၀၀ ခန့် ကျဆင်းသွားခြင်းကြောင့် ပြည်တွင်းရွှေ ဈေးနှုန်းသည် လိုက်ပါကျဆင်းသွားခြင်း ဖြစ်သည်ဟု သိရသည်။

ပြည်တွင်ရွှေဈေးနှုန်းအနေဖြင့် လတ်တလောအခြေအနေအရ တက်ဖို့ အလားအလာ မရှိကြောင်း ရန်ကုန်တိုင်း ရွှေလုပ်ငန်းရှင်များအသင်း ဥက္ကဋ္ဌ ဦးမျိုးမြင့်က ပြောသည်။

“ဒေါ်လာဈေး ကျသွားတာရယ်၊ ဗဟိုဘဏ်က ဒေါ်လာထုတ်ရောင်းပြီးတော့ ဒေါ်လာဈေး ကျသွားတာလည်း ပါတယ်။ ကမ္ဘာ့ရွှေဈေးကျသွားတာလည်း ပါတယ်။ နောက်ဝယ်လိုအားလည်း ကျသွားတယ်။ ကောလာဟလတွေ ရပ်ပြီးတော့ ဝယ်လိုအားလည်း ကျသွားတယ်။ ရွှေတစ်ပိုင်းတောင် မနည်း လိုက်ရောင်းနေရတယ်။ ထပ်ပြီး ကျမှာပါ။ ကမ္ဘာ့ရွှေဈေး မတက်လို့ကတော့ ထပ်ပြီးတော့ ကျနေမှာ။ ကမ္ဘာ့ရွှေဈေးလည်း ကျနေတယ်။ ပြည်တွင်း ရွှေဈေးကတော့ တက်ဖို့ အလားအလာ မရှိဘူး။ ကမ္ဘာ့ရွှေဈေးတက်လို့ အနည်းအကျဉ်း လိုက်တက်တာပဲ ရှိတာ” ဟု ပြောသည်။

ပြီးခဲ့သည့် နိုဝင်ဘာ ၁၃ ရက်နေ့တွင် ပြည်တွင်းရွှေဈေးနှုန်းသည် အကယ်ဒမီ မီးလင်းရွှေ တစ်ကျပ်သားလျှင် ငွေကျပ် ၆၁ သိန်းတွင် ရှိနေပြီး နိုဝင်ဘာ ၁၄ ရက်နေ့တွင် တစ်ကျပ်သား ၅၉ သိန်း ၈ သောင်းကျပ်သို့ ကျဆင်း သွားသည်ကို တွေ့ရသည်။

ထို့နောက် နိုဝင်ဘာ ၁၉ ရက်နေ့တွင် တစ်ကျပ်သားလျှင် ၅၉ သိန်း ၃ သောင်းကျပ်သို့ ထပ်မံကျဆင်းသွားသည်။

ကမ္ဘာ့ရွှေဈေးသည်လည်း နိုဝင်ဘာလဆန်းပိုင်းတွင် တစ်အောင်စလျှင် ၂၇၅၄ ဒေါ်လာတွင် ရှိနေပြီး ၎င်းမှ တဖြည်း ဖြည်း ကျဆင်းလာခဲ့ရာ လက်ရှိတွင် ၂၆၁၈ ဒေါ်လာဝန်းကျင်သာ ရှိတော့သည်။

အလားတူ ပြည်တွင်းဒေါ်လာဈေးနှုန်းသည်လည်း ဗဟိုဘဏ်၏ ဒေါ်လာထုတ်ရောင်းပေးနေမှုကြောင့် တစ်ဒေါ်လာ လျှင် ၄၄၀၀ ဝန်းကျင်တွင် ဈေးနှုန်းတည်ငြိမ်နေသည်ကို တွေ့ရသည်။

ပြည်တွင်းရွှေဈေးနှုန်း ကျဆင်းသွားခြင်းကြောင့် ရွှေတုံးရွှေခဲ အရောင်းအဝယ် ရပ်တန့်သွားသော်လည်း လက်ဝတ် ရတနာ အရောင်းအဝယ်အနေဖြင့် ပုံမှန်ရှိနေကြောင်း ဦးမျိုးမြင့်က ဆက်ပြောသည်။

“ပြည်တွင်းရွှေဈေးကွက်ကလည်း အရောင်းအဝယ်ကတော့ ပုံမှန်ဖြစ်နေမှာပါပဲ မနစ်နာသရွေ့။ အတုံးအခဲသာ အရောင်းအဝယ် ရပ်သွားမယ်။ ဆိုင်သမားတွေကတော့ ပုံမှန် ရောင်းဝယ်နေကြတာပဲ လက်ဝတ်တန်ဆာ ပစ္စည်း တွေကတော့။ အလှူအတန်းရာသီလည်း ဖြစ်လာတဲ့အခါကျတော့ ရောင်းနေရတာပဲ။ အတုံးအခဲပဲ ရပ်သွားတာ။ ကောလာဟလတွေကြောင့် ၈၅ တွေနဲ့ ဝယ်ထားတဲ့သူတွေက အခုလို ပြန်ကျတဲ့အခါကျတော့ သိပ်မရောင်းချကြ ဘူး” ဟု ပြောသည်။

ပြည်တွင်းရွှေဈေးနှုန်းသည် ယခုနှစ်တွင် တစ်ကျပ်သား ၈၅ သိန်းအထိ စံချိန်တင် မြင့်တက်သွားခဲ့ပြီးနောက် ၆၅ သိန်းသို့ ကျဆင်းသွားသည်။

ထို့နောက် ယင်း ၆၅ သိန်းမှ ထပ်မံကျဆင်းကာ တစ်ကျပ်သား ၆၁ သိန်းတွင် ၂ လခန့် တည်ငြိမ်နေပြီး ယခု သီတင်းပတ်တွင် သိန်း ၆၀ အောက်သို့ ကျဆင်းသွားခြင်း ဖြစ်သည်။

ထိုသို့ ကျဆင်းသွားခြင်းကြောင့် အမြင့်ဈေးတွင် ဝယ်ယူထားသည့် ကုန်သည်များက အရောင်းရပ်နားထားကြပြီး ဈေးနှုန်း ထပ်မံကျဆင်းနိုင်သည့်အတွက် ဝယ်ယူရန် စောင့်ဆိုင်းနေသည့် ကုန်သည်များ ရှိနေခြင်းကြောင့် လက်ရှိ တွင် ရွှေအရောင်းအဝယ်ဈေးကွက် အေးနေကြောင်း သိရသည်။

ပုံ - အကယ်ဒမီ အခေါက်ရွှေတုံးများ

#centralnewsnaypyitaw

မြန်မာနိုင်ငံ အင်ဂျင်နီယာပညာရေးနှစ် (၁၀၀)ပြည့် အထိမ်းအမှတ် စာပို့တံဆိပ်ခေါင်းသစ် ရောင်းချမည်

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သိပ္ပံနှင့်နည်းပညာဝန်ကြီးဌာန၊ မြန်မာနိုင်ငံ အင်ဂျင်နီယာပညာရေးနှစ် (၁၀၀)ပြည့် အထိမ်းအမှတ် အတည်ပြုရွေးချယ်ထားသည့် အမှတ်တံဆိပ် Logoအား အထူးထုတ် စာပို့တံဆိပ်ခေါင်းအဖြစ် (၂၀၀ ကျပ်တန်) စာပို့ တံဆိပ်ခေါင်းသစ်(၁)မျိုးကို ရောင်းချပေးသွားမည်ဖြစ်ကြောင်း သိရသည်။

အဆိုပါ တံဆိပ်ခေါင်းသစ်ကို ၂၀၂၄ ခုနှစ်၊ နိုဝင်ဘာ (၂၁) ရက်၊ မြန်မာသက္ကရာဇ် ၁၃၈၆ ခုနှစ်၊ တန်ဆောင်မုန်းလပြည့်ကျော် (၆)ရက် (ကြာသပတေးနေ့) နံနက် ၉ နာရီခွဲမှ စတင်၍ နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်ကြီးများတွင် တစ်ပြိုင်တည်း ရောင်းချပေးသွားမည်ဖြစ်သည်။

ထို့ပြင် အထူးအစီအစဉ် တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့တွင် ၂၀၂၄ ခုနှစ်၊ နိုဝင်ဘာ (၂၁)ရက် (ကြာသပတေးနေ့)တွင် ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသားတံဆိပ် ရိုက်နှိပ်ပေးသွားမည် ဖြစ်ကြောင်း သိရသည်။

တတိယအကြိမ်မြောက် လေးချီအလဲထိုး မျိုးဆက်သစ် မြန်မာ့‌ဘောက်ဆင်ပြိုင်ပွဲကျင်းပမည်

Myanmar Boxing Commission က ကြီးမှူးကျင်းပမည့် တတိယအကြိမ်မြောက် မျိုးဆက်သစ် မြန်မာ့‌ဘောက်ဆင်ပြိုင်ပွဲတွင် လေးချီအလဲထိုးစနစ်ဖြင့် ကျင်းပပြုလုပ်သွားမည်ဖြစ်ကြောင်း ကော်မရှင်က အသိပေးထုတ်ပြန်ထားသည်။

ပြိုင်ပွဲကို ၂၀၂၅ ခုနှစ် ဇန်နဝါရီလနောက်ဆုံးပတ်အတွင်း ကျင်းပပြုလုပ်ရန် ကနဦးစီစဉ်ထားပြီး၊ မျိုးဆက်သစ်တွဲဆိုင်း (၆) ဆိုင်းပါဝင်မည်ဖြစ်ကာ ဝိတ်တန်း သုံးတန်း သတ်မှတ်ယှဉ်ပြိုင်သွားမည်ဖြစ်ကြောင်း သိရသည်။

သတ်မှတ်ဝိတ်တန်းများအရ ၅၀ ဒဿမ ၈ ကီလို၊ ၅၇ ဒဿ မ ၁၅ ကီလိုနှင့် ၅၉ ကီလိုတန်းများ ထည့်သွင်းပြုလုပ်မည်ဖြစ်ကြောင်း သိရသည်။

မျိုးဆက်သစ် ကစားသမားများ လျှောက်လွှာတင်ရာတွင်အရည်အချင်းသတ်မှတ်ချက်အနေဖြင့် Gym (သို့မဟုတ်) Club တစ်ခုခုတွင် အနည်းဆုံး တစ်နှစ်ကစားနေပြီး ပွဲအတွေ့အကြုံ အနည်းငယ်ရှိရမည်ဖြစ်ကာ Gym (သို့မဟုတ်) Club ၏ နည်းပြထံမှထောက်ခံချက်ပါရှိရမည်ဖြစ်ကြောင်း သိရသည်။

ပြိုင်ပွဲဝင်ခွင့်အတွက် အသေးစိတ်သိရှိလိုပါက Myanmar Boxing Commision Facebook Page Messenger မှလည်းကောင်း ဖုန်းနံပါတ် 09253148277 ၏ Viberမှ လည်းကောင်း စုံစမ်းမေးမြန်းနိုင်ကြောင်း အသိပေးချက်တွင်ဖော်ပြထားသည်။