ထရမ့်အာဏာမရမီ ဩစတြေးလျ၊ ဂျပန်နှင့် အမေရိကန်တို့က ပူးပေါင်းမှု အရှိန်မြှင့်

နိုဝင်ဘာ ၂၀

အမေရိကန်တွင် သမ္မတရွေးကောက်ပွဲ အနိုင်ရခဲ့သည့် ဒေါ်နယ်ထရမ့် (Donald Trump) ၏ အစိုးရလက်ထက်၌ အမေရိကန်၏ နိုင်ငံခြားရေးမူဝါဒများ ပြောင်းလဲနိုင်ခြေရှိသဖြင့် ထရမ့်အစိုးရအဖွဲ့မတိုင်မီ ဩစတြေးလျ၊ ဂျပန်နှင့် လက်ရှိ အမေရိကန်အစိုးရအဖွဲ့က ကာကွယ်ရေးပူးပေါင်း ဆောင်ရွက်မှုများကို မြှင့်တင်နေကြောင်း Nikkei Asia မှ ဖော်ပြခဲ့သည်။

မကြာသေးမီက ဩစတြေးလျနိုင်ငံ၊ ဒါဝင် (Darwin) မြို့တွင် ပြုလုပ်ခဲ့သည့် ဆွေးနွေးပွဲများ၌ ထို ၃ နိုင်ငံစလုံးမှ ကာကွယ်ရေးဝန်ကြီးများသည် အင်ဒို-ပစိဖိတ်ဒေသကို အဓိကထားပြီး ဒေသတွင်း လုံခြုံရေးစိန်ခေါ်မှုများအား ဖြေရှင်းရန် စစ်ရေးပူးပေါင်းဆောင်ရွက်မှုများ မြှင့်တက်ရေးအတွက် အာရုံစိုက်ခဲ့ကြသည်။

ထိုပူးပေါင်းဆောင်ရွက်ရေး အစီအစဉ်များအနက် မဟာဗျူဟာမြောက် ပူးပေါင်းဆောင်ရွက်ရေးကို မြှင့်တင်ရေး အတွက် ယန္တရားတစ်ခုဖြစ်သည့် ၃ ပွင့်ဆိုင် ကာကွယ်ရေး ညှိနှိုင်းဆွေးနွေးပွဲများ လုပ်ဆောင်ရေးလည်း ပါဝင်ခဲ့ သည်။

ထို့ပြင် အဓိက အစီအစဉ်များအနက် Talisman Sabre အမည်ရှိ အမေရိကန်-ဩစတြေးလျ ပူးတွဲစစ်ရေး လေ့ကျင့် မှုများတွင် ဂျပန် ပါဝင်လာမှု၊ အမေရိကန်-ဂျပန် စစ်ရေးလေ့ကျင့်မှုများ၌ ဩစတြေးလျ ပါဝင်လာမှုကဲ့သို့ ပူးတွဲ စစ်ရေး လေ့ကျင့်မှု အစီအစဉ်များကို ချဲ့ထွင်ရေးလည်း ပါဝင်သည်။

အခြားအစီအစဉ်များမှာ ပင်လယ်ရေကြောင်း နယ်နိမိတ် သတိထားစောင့်ကြည့်ရေး၊ ဒုံးကျည်ကာကွယ်ရေးကဲ့သို့ ပူးတွဲတုန့်ပြန်ရေး စွမ်းဆောင်ရည်များ ဖော်ဆောင်ရန်လည်း အမေရိကန်၊ ဂျပန်နှင့် ဩစတြေးလျနိုင်ငံများက ရည်ရွယ်ထားသည်။

ထို့ပြင် ဩစတြေးလျ၊ ဗြိတိန်နှင့် အမေရိကန်တို့ ပါဝင်သည့် AUKUS မိတ်ဖက်အဖွဲ့ကဲ့သို့ ဒေသတွင်း လုံခြုံရေး မူဘောင်များအောက်နှင့် ဩစတြေးလျ-အမေရိကန်၏ ဦးဆောင်မှုအောက်တွင် ဂျပန်က ကြီးမားသည့် အခန်း ကဏ္ဍမှ ပါဝင်ရန်လည်း မျှော်မှန်းထားသည်။

ဒေသတွင်း တရုတ်၏ လှုပ်ရှားမှုများ မြင့်တက်နေချိန်တွင် အင်ဒို-ပစိဖိတ်ဒေသ၏ လွတ်လပ်ပွင့်လင်းသည့် အခြေအနေကို ထိန်းသိမ်းရန်နှင့် ထရမ့်အစိုးရအဖွဲ့ လက်ထက်တွင် မူဝါဒ အပြောင်းအလဲများ ရှိနိုင်သဖြင့် ထိုအစီအစဉ်များကို လုပ်ဆောင်ခဲ့ခြင်းဖြစ်သည်။

ထို့ပြင် အမေရိကန်၊ ဂျပန်နှင့် ဩစတြေးလျ ခေါင်းဆောင်များက ၃ ပွင့်ဆိုင် မိတ်ဖက်ဆက်ဆံရေးကို ထိန်းသိမ်း ရာတွင် မဟာဗျူဟာမြောက် အကျိုးစီးပွားများနှင့် စံတန်ဖိုးများအား မျှဝေမှု၏ အရေးကြီးပုံကိုလည်း အဓိကထား ပြောဆိုခဲ့ကြသည်။

Source: Nikkei Asia

ပုံ - ဂျပန်-ဩစတြေးလျ-အမေရိကန် ကာကွယ်ရေးဝန်ကြီးများကိုတွေ့ရစဉ်

#centralnewsnaypyitaw

Learning Options အမျိုးမျိုးနဲ့ ကိုယ်တက်ချင်တက် Cloud Computing, Artificial Intelligence, Microsoft Office
, Security, Microsoft Dynamics စသော IT ပိုင်းတွေကို အခဲမဲ့ လေ့လာရမဲ့ KOENIG နဲ့ မိတ်ဆက်ပေးချင်ပါတယ်။
Learning Options တွေကတော့
1. Live Online Classroom
2. Flexi
3. Classroom Training
4. Fly Me A Trainer
5 .1 on 1 Training
ကိုယ်တက်ချင်တဲ့ Courses တွေကို Register လုပ်ပြီတက်ရုံပါဘဲ။ ကိုယ်တက်ချင်တဲ့ Courses တွေရဲ့ Register ဖွင့်တဲ့ ရက်ကိုလည်း သေချာကြည်ပြီး ဖြည်စေလိုပါတယ်။
Link: https://www.koenig-solutions.com/learning-options
Course Detailed: https://www.koenig-solutions.c....om/upcoming-webinars
#crd

တနင်္သာရီတိုင်း၊ပုလောမြို့၊အထက -၁ ကျောင်းကို ယနေ့ မွန်းလွဲ ၂:၄၅ ၌ တစ်ကြိမ် ၊ ၃:၀၀ အချိန်၌ တစ်ကြိမ် ဒရုန်းဖြင့် ဗုံးချ တိုက်ခိုက်ခံခဲ့ရကြောင်း သိရသည်။

အဆိုပါ ကျောင်း၌ ကျောင်းသား/သူ ၂၀၀၀ ကျော် တက်ရောက်လျက် ရှိသည်။

Credit - Myanmar news Network

#သတင်းဟင်းလေးအိုးကြီး

အင်ဒိုနီးရှားက မြန်မာထံမှ ဆန် ဝယ်ယူမှု အများဆုံးနိုင်ငံ ဖြစ်လာ

နိုဝင်ဘာ ၂၀

အင်ဒိုနီးရှားနိုင်ငံသည် မြန်မာနိုင်ငံမှ ဆန်ကို အများဆုံး ဝယ်ယူသည့် နိုင်ငံဖြစ်လာကြောင်း မြန်မာနိုင်ငံ ဆန်စပါးအသင်းချုပ်ထံမှ သိရသည်။

ယခင်က မြန်မာဘက်မှ ဆန်ကို ဥရောပနှင့် တရုတ်နိုင်ငံသို့ အများဆုံး တင်ပို့လျက်ရှိသော်လည်း ၂၀၂၂ ခုနှစ်မှစတင်၍ အင်ဒိုနီးရှားနိုင်ငံက အများအပြား ဝယ်ယူလာခြင်းကြောင့် အင်ဒိုနီးရှားက မြန်မာထံမှ ဆန် ဝယ်ယူသည့် အများဆုံးနိုင်ငံ ဖြစ်လာခြင်း ဖြစ်သည်။

အင်ဒိုနီးရှားနိုင်ငံ၏ လူဦးရေများပြားခြင်းနှင့် ရွေးကောက်ပွဲ ရှိနေခြင်းကြောင့် ဆန်လိုအပ်ချက် ဖြစ်ပေါ်နေပြီး ယခင်က ဆန်ကွဲကိုသာ ဝယ်ယူသော်လည်း လက်ရှိတွင် ဆန်ကိုလည်း ဝယ်ယူလာခြင်း ဖြစ်သည်ဟု မြန်မာနိုင်ငံ ဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောသည်။

“ကျနော်တို့နိုင်ငံက အမြဲတမ်း ဆန်ကို အများဆုံးတင်ပို့ရောင်းချတာတော့ ကျနော်တို့ ဥရောပနိုင်ငံတွေနဲ့ တရုတ်နိုင်ငံပေါ့၊ နောက် အာဆီယံနိုင်ငံ ၃ နိုင်ငံပေါ့၊ အင်ဒိုနီးရှား၊ မလေးရှား၊ ဖိလစ်ပိုင်ပေါ့။ အခု ၂၀၂၃ ကနေ စပြီးတော့ အင်ဒိုနီးရှားနိုင်ငံက ဆန်လိုအပ်ချက် များလာတာပေါ့။ အင်ဒိုနီးရှားနိုင်ငံက လူဦးရေလည်း အများကြီးလေ။ အခု ၂၀၂၃ - ၂၀၂၄ ကာလမှာတော့ ဆန်ဝယ်ယူမှု များလာတာပေါ့။ လူဦးရေများတဲ့အတွက်လည်း ပါတယ်။ နောက်ပြီး တော့ ဒီနှစ်မှာ ရွေးကောက်ပွဲလည်းရှိတော့ ဝယ်ယူတင်သွင်းမှု၊ ဆန်ဖြန့်ဖြူးမှု များတာပေါ့နော်။ အရင်တုန်းက ဆိုတာကတော့ လွန်ခဲ့တဲ့ ၄/၅ နှစ်ကတော့ ဆန်တင်သွင်းမှုက အင်ဒိုနီးရှားက မရှိသလောက်ပဲ၊ ဆန်ကွဲပဲဝယ်တာ။ အခုကတော့ ဆန်ရော၊ ဆန်ကွဲရော ဝယ်တာ ဖြစ်လာတာပေါ့။ အဲဒါကလည်း ၂၀၂၂ - ၂၃ - ၂၄ ပေါ့၊ ဒီ ၃ နှစ် အတွင်းမှာ တန်ချိန် ၃ သန်းကျော်၊ ၄ သန်း အဲဒီလောက်အထိ ဖြစ်လာတာပေါ့။ အားလုံးဆီကနေ ဝယ်တာပေါ့။ အစ်ကိုတို့ တနိုင်ငံထဲကနေ ဝယ်တာ မဟုတ်ဘူး။ ထိုင်းကနေလည်း ဝယ်တယ်။ ဗီယက်နမ် ဆီကနေလည်း ဝယ်တယ်၊ အစ်ကိုတို့ဆီကနေလည်း ဝယ်တယ်။ အိန္ဒိယ၊ ပါကစ္စတန်ဆီကနေလည်း ဝယ်တယ်။ အိန္ဒိယ၊ ပါကစ္စတန်ဆီကနေတော့ ဝယ်တာ နည်းတယ်။ အစ်ကိုတို့ဆီကနေ ဝယ်တာတော့ အိန္ဒိယ၊ ပါကစ္စတန် တို့ထက် များတယ်။ ထိုင်းကနေလည်း ဝယ်တယ်၊ ဗီယက်နမ်ဆီကနေလည်း ဝယ်တယ်” ဟု ပြောသည်။

၂၀၂၄ - ၂၀၂၅ ဘဏ္ဍာနှစ်၌ လက်ရှိ ၇ လတာကာလအတွင်း အင်ဒိုနီးရှားက မြန်မာ့ဆန် တန်ချိန် ၃၆၀၀၀၀ ကျော်ကို ဝယ်ယူတင်သွင်းထားပြီး ယခင်က တင်သွင်းမှု အများဆုံး နိုင်ငံဖြစ်သည့် တရုတ်နိုင်ငံကို ကျော်လွန်သွားသည်ကို တွေ့ရသည်။

ယခုဘဏ္ဍာနှစ်တွင် တရုတ်နိုင်ငံက ဆန်တန်ချိန် ၂၇၆၄၀၀ ဖြင့် ဒုတိယ၊ တန်ချိန်၂၁၉၄၀၀ ဖြင့် ဘယ်လ်ဂျီယံနိုင်ငံက တတိယ၊ ဖိလစ်ပိုင်နိုင်ငံက ၁၁၄၇၀၀ တန်ချိန် ဝယ်ယူထားကြောင်း မြန်မာနိုင်ငံ ဆန်စပါးအသင်းချုပ်ထံမှ သိရသည်။

တရုတ်နယ်စပ်ကုန်သွယ်ရေး ဖွင့်ထားချိန်တွင် ပင်လယ်ရေကြောင်းနှင့် နယ်စပ်ကုန်သွယ်ရေး နှစ်ခုလုံး တင်ပို့သည့်အတွက် တရုတ်နိုင်ငံက မြန်မာထံမှ ဆန် ဝယ်ယူသည့် အများဆုံးနိုင်ငံ ဖြစ်သော်လည်း လက်ရှိတွင် တရုတ်နိုင်ငံက နယ်စပ်ကုန်သွယ်ရေးအားလုံး နီးပါး ပိတ်ထားလျက် ရှိသည်။

ထို့ကြောင့် အင်ဒိုနီးရှားသို့ တင်ပို့မှု အများဆုံး ဖြစ်သွားသည်ဟု မြန်မာနိုင်ငံ ဆန်စပါးကုန်သည်များအသင်းမှ တာဝန်ရှိသူတစ်ဦးက ပြောသည်။

“တရုတ်က များတာပေါ့ အရင်နှစ်တွေက နယ်စပ်တွေ ရှိတဲ့အချိန်ကတော့ တရုတ်ပို့တာ ပိုများတာပေါ့။ ပင်လယ်ရေကြောင်းရော၊ နယ်စပ်ရော သွားတာ တရုတ်က အများဆုံးပေါ့။ တရုတ်က နယ်စပ်ထွက်တဲ့လမ်း တော်တော်လေး နည်းသွားတယ်။ မူဆယ်တို့ ဘာတို့ ပိတ်သွားပြီလေ။ အင်ဒိုနီးရှားကလည်း သိပ်မဝေးတော့ အဲဒီဘက်ကို အများဆုံး ပို့တာပေါ့။ အင်ဒိုနီးရှားကတော့ ကုမ္ပဏီတစ်ခုကနေ ဖြန့်ပြီးတော့ ပို့တာပေါ့။ သူက တင်ဒါနဲ့ တင်ဒါခေါ်တာက မြန်မာပြည်က ပို့တာ များသွားတာပေါ့” ဟု ပြောသည်။

ယခုဘဏ္ဍာနှစ် ၇ လတာကာလအတွင်း ဆန်နှင့် ဆန်ကွဲ တန်ချိန်ပေါင်း ၁ ဒသမ ၃၆ သန်းကျော်၊ အမေရိကန် ဒေါ်လာ ၆၄၇ သန်းခန့် တင်ပို့ထားကြောင်း မြန်မာနိုင်ငံ ဆန်စပါးအသင်းချုပ်၏ စာရင်းများအရ သိရသည်။

မြန်မာနိုင်ငံ ဆန်စပါးအသင်းချုပ်အနေဖြင့် ပြည်ပသို့ ဆန်တန်ချိန် ၂ ဒသမ ၅ သန်း တင်ပို့ရန် ရည်ရွယ်ထားခြင်း ဖြစ်သည်။

ပုံ - ပြည်ပသို့ ဆန်တင်ပို့နေမှုကို တွေ့ရစဉ်

#centralnewsnaypyitaw

Part-2
မောင်ပေါက်ကျိုင်း // အောင်သင်း
(ရှုမဝရုပ်စုံမဂ္ဂဇင်း နိုဝင်ဘာ၊ ၁၉၇၄)
---
“မိဖုရားကြီးက သူ၏ တိတ်တိတ်ပုန်းချစ်သူ နဂါးကြီးသေရသည်ကို လုံးဝ မကျေနပ်။ ထို့ကြောင့် မောင်ပေါက်ကျိုင်းမသေသမျှ သူမနေပြီ။ အသပြာ တထောင်ပေး၍ နဂါးသေကောင်၏ အရေခွံကို ဆုတ်စေသည်။ အသပြာ တရာပေးပြီး ထိုနဂါးရေကို ခေါင်းအုံးချုပ်စေသည်။ နဂါး၏ အရိုးတို့ ဆံထိုး လုပ်၍ မြတ်နိုးစွာ ပန်ဆင်သည်။ ထိုအကြောင်းအရာများကို မောင်ပေါက်ကျိုင်းအား စကားထာဝှက်သည်။
ထောင်ပေးလို့ ဆုတ်၊
ရာပေးလို့ ချုပ်၊
ချစ်တဲ့သူအရိုး ဆံထိုးလုပ်။
“ဤစကားထာကို မောင်ပေါက်ကျိုင်းက ခုနစ်ရက်အတွင်း ဖော်နိုင်လျှင် သူ့ကို မသတ်တော့၊ ခုနစ်ရက်လည်၍ မဖော်နိုင်လျှင် ပေါက်ကျိုင်းကို သတ်မည်။ အသက်ကို လောင်းကြေးပြုသည်။”
ကျွန်တော်တို့သည် စကားထာကိုလည်း ချက်ချင်း ကျက်မှတ်လိုက် နိုင်သည်။ ကာရန်ကလေးထည့်ထားတော့ ရွတ်လို့လည်း ကောင်းသည်။ မှတ်လို့လည်း လွယ်သည်။ ပုံပြောဆရာသည် ညှို့ကွက်ကိုလည်း သိသည်။ ငြိလုံးကိုလည်း သွင်းတတ်သည်။
ကျွန်တော်တို့အဖို့ မောင်ပေါက်ကျိုင်း၏ အသက်ဘေးကို စိုးရိမ်မိကြလေပြီ။ တက္ကသိုလ်ပြည်တွင် သုံးနှစ်နေခဲ့လို့မှ တစိုးတစိ မတတ်ခဲ့သော မောင်ပေါက်ကျိုင်းမှာ မည်သို့လျှင် ဤပြဿနာကို ဖြေနိုင်ပါမည်နည်း။ ဤတွင် ပုံပြောဆရာက ကျီးဖို၊ ကျီးမ ဇာတ်လက်တက်ငယ်ကလေး တခုကို ထည့်သွင်းလိုက်သည်။ မောင်ပေါက်ကျိုင်း ရှင်ဘုရင်ဖြစ်သည်ကြား၍ လိုက်လာသော မိဘနှစ်ပါးက ကျီးဖို၊ ကျီးမ စကားပြောသံကို ကြားရသောကြောင့် ပြဿနာ၏ ရင်းမြစ်ကို သိသွားကြသည်။ ထို့ကြောင့် သင်းတွဲပြည်သို့ ခပ်သုတ်သုတ်ကလေး သွားကြသည်။ ဤသို့လျှင် မောင်ပေါက်ကျိုင်း၏ အသက်ကို လက်မတင်ကလေး အမီကယ်လိုက်ကြရသည်။ မောင်ပေါက်ကျိုင်းသည် မိဖုရားကြီးအား ရန်တုံ့မမှုဘဲ ထီးနန်းစံမြန်းသိမ်းပိုက်တော်မူသည်ဟု အဆုံးသတ်လိုက်သည်။ ကျွန်တော်တို့ ကျေနပ်ပါပြီ။ သပ်သပ်ရပ်ရပ် ရှင်းလင်း သွားသော ဇာတ်လမ်းကို နှစ်သက်ကြပါသည်။
သို့သော် ကျွန်တော်တို့ ပုံပြောဆရာသည် စိတ်ကူးဆန်းကြယ်သော သူ ဖြစ်သည်။ ထို့ကြောင့် ဆက်ဦးမည်။ မောင်ပေါက်ကျိုင်းနှင့် မိဖုရားကြီး ပျော်ရွှင်စွာ ပေါင်းသင်းနေထိုင်ကြပေါ့။ မင့် ဘာများဆက်စရာ ရှိသေးသနည်း။ သို့သော် ဆက်လာပြန်ပါပြီ။
“မိဖုရားကြီးတွင် သန္ဓေရှိရာ၊ နဂါးငွေ့သင့်သောကြောင့် ဖွားမြင်လာသော အမြွှာညီနောင်တို့မှာ စက္ခုနှစ်ကွင်း အလင်းမရရှိချေ။ မင်းကြီးက ရှက်နိုးတော်မူ၍ ဖျောက်ဖျက်စေဟုဆို၏။ မိဖုရားကြီးက မှူးမတ်တို့နှင့်တိုင်ပင်၍ ဝှက်ထား၏။ လူလားမြောက်မှ ဖောင်ပေါ်တင်၍ မြစ်ရေကြောတွင် မျှော‌စေ၏။ပြဿနာတခု တက်လာပြန်လေပြီ။ ဤဒုက္ခိတ သမ္ဘဝညီနောင်သည် ဖောင်တစီးနှင့် မည်သို့ဖြစ်လေမည်နည်း။ သိချင်စိတ်တို့ကို နှိုးဆော်ပြန် လေသည်။
“လမ်းတွင် စန္ဒမုခိ ဘီလူးမနှင့် တွေ့၊ မျက်စိကို ကုစား၊ ဘီလူးမတွင်သန္ဓေရှိ၊ ဘီလူးမကို လမ်းတွင် ဖောင်ပေါ်မှ နှင်ချခဲ့။ ဘီလူးမလည်း ငိုယိုထွက်သွားရာ တောင်တွင်းကြီးမြို့အနောက်ဘက် ဗိဿနိုးအရပ်မှာ သမီးငယ်ကိုဖွားမြင်၏။ ရသေ့တပါးက မြင်သော် ရင်သွေးငယ်ကို စားအံ့ထင်၍ ဂါထာရွတ်၊ ဘီလူးမ ထွက်ပြေးမှ ကလေးငယ်ကို ကောက်ယူမွေး၊ လက်ညှိုးနို့ချိုကျွေး၍ ကြီးပြင်းစေရာ၊ ပန်ထွာမင်းသမီးဟု တွင်၏။ သမ္ဘာဝညီနောင်တို့က ဧရာဝတီမြစ်ကြော၌ ဆက်လက်မျောလာ”
ဪ ... ခုမှ သတိရသည်။ ဤနေရာတွင် ပုံပြောသူက မကျန်ရစ် ခဲ့သော်လည်း ကျွန်တော်က မေ့ကျန်ရစ်ခဲ့သည့် အစဦးအကြောင်းကလေး တခုကို ပြန်ပြောရဦးမည်။ သင်းတွဲပြည်၏ အိမ်ရှေ့မင်းကြီး ခေပဒူတသည် ဝက်ကြီးတကောင်ကို အမဲလိုက်ရင်း ခရီးလွန်လာခဲ့သည်။ သို့သော် “ဒီဝက်ကို မရသမျှ ငါမပြန်ပြီ” ဟု ဆက်လိုက်ခဲ့ရာ သရေခေတ္တရာအရပ်ရောက်မှ ဝက်ကို ရသည်။ သို့သော် သံဝေဂရသည်ဖြစ်၍ ရသေ့ပြုပြီးလျှင် တောထဲမှာပဲ နေ၏။ ဤသည်တွင် သူ့ကျင်ငယ်ရေကို သမင်မတကောင် သောက်မိသောကြောင့် သန္ဓေစွဲ၍ ဗေဒါရီ မွေး၏။ လက်ညှိုးနို့ချိုဖြင့်ပင် ကြီးပြင်းစေရ၏။
စာဖတ်သူတို့ သိကြသည့်အတိုင်း သမ္ဘဝညီနောင်နှင့် ဗေဒါရီတို့မှ ဖွားမြင်သော ဒွတ္တဘောင်နှင့် ပန်ထွာမင်းသမီးတို့ စစ်ဖြစ်ကြရာ၊ ပန်ထွာမင်းသမီး အနိစ္စရောက်မှသာ ဇာတ်သိမ်းပြီးတော့သည်။
ပုံပြောဆရာသည် စပျိုးလာသော ဇာတ်လမ်းလေးမှ တဆင့်ပြီး တဆင့် တက်လာသည်။ တမြွာပြီး တမြွာ ခွဲလာသည်။ အဓိကဇာတ် ဆောင်တွေ တယောက်ပြီး တယောက် ပြောင်းပြသည်။ ဇာတ်ဆောင်နှစ် ယောက်ပြိုင်လည်း တင်သည့်အခါ တင်လိုက်သည်။ နောက်ဆုံး ရှုကွင်းကို သရေခေတ္တရာနှင့် ဗိဿနိုး နှစ်နေရာ ခွဲပေးလိုက်သေးသည်။ ဤသည်တွင် စစ်ဆင်ရေး ပရိယာယ်များဖြင့် ရှင်တု ရှင်ယောင် နှစ်ယောက်ကို စေလွှတ်၍ ရန်ပယ်စည်ကြီးကိုလည်း ဖျက်ဆီးစေသည်။ စစ်ရေး၌ပင် ဗိဿနိုးကို အလွယ် တကူ မရအောင် ဖန်တီးထားလိုက်သေးသည်။
မောင်ပေါက်ကျိုင်း၏ ဇာတ်လမ်းသည် အရိုးရှင်းဆုံးသော ဇာတ်လမ်း ကလေးကို ဖော်ပြဘိသို့ ရှိသည်။ လူ့ဘဝကြီး၊ လူ့သမိုင်းကြီးအကြောင်းကို ပြောပြဘိသို့လည်း ရှိသည်။
ကျောင်းသားတယောက်မှာ ၉ တန်းအောင်လျှင် ၁ဝ တန်းနှင့်ရင်ဆိုင်ရသည်။ ၁ဝ တန်းအောင်လျှင် ဘယ်တက္ကသိုလ်ရောက်လေမည်နည်းဟူသော ပြဿနာ ထပ်ပြီး တက်လာပြန်တော့သည်။ ပြဿနာကို ဖန်တီးသူမှာလည်း မိမိပင် ဖြစ်သည်။ ထိုပြဿနာကို ရှင်းရသူမှာလည်း မိမိပင် ဖြစ်သည်။
လူတွေကြောင့် ပြဿနာပေါ်ရသည်။ ထိုပြဿနာကို လူတွေကပင် ဖြေရှင်းရသည်။ သို့သော် ပြဿနာအမှတ်(၁)ကို ရှင်းလိုက်လျှင် ပြဿနာအမှတ်(၂)ကပေါ်လာပြန်သည်။ ထိုပြဿနာအမှတ်(၂)တွင် ပြဿနာအမှတ်(၃)၏ မျိုးစေ့က ကပ်ပါလာမြဲဖြစ်သည်။
ပြဿနာတို့ကို ရှင်းရခြင်းသည်ပင် အားပြိုင်မှု ဖြစ်တော့သည်။ ပြဿနာ ကြီးလေလေ၊ အားပြိုင်မှုကြီးလေလေ ဖြစ်သည်။ ပြဿနာတွေကို တခုပြီး တခု ရှင်းသွားရခြင်းသည်ပင် လူ့ဘဝဖြစ်၍ သေသွားမှသာလျှင် ထိုလူတယောက်၏ (သူ့အတွက်) ပြဿနာများ ကုန်ဆုံးခြင်းသို့ ရောက်တော့သည်။ မောင်ပေါက်ကျိုင်း၏ ဇာတ်လမ်းသည် လူ့ဘဝဇာတ်လမ်းသဘောကို လည်းကောင်း၊ ဝတ္ထုပုံပြင်တို့၏ အခြေခံဇာတ်လမ်းသဘောကို လည်းကောင်း သင်ပြနေသကဲ့သို့ ရှိပါပေသည်တကား။
---
#အောင်သင်း
#မောင်ပေါက်ကျိုင်း
#shared_by_louis_augustine
#sbla

စစ်ပွဲအတွက် အသင့်ပြင်ဆင်ထားဖို့ ဆွီဒင်နဲ့ ဖင်လန် ၎င်းတို့ နိုင်ငံသားတွေကို တိုက်တွန်း

နိုဝင်ဘာ ၂၀

ယူကရိန်းစစ်ပွဲ အရှိန်မြင့်လာစဉ်အတွင်း စစ်ပွဲအတွက် ဘယ်လိုပြင်ဆင်ရမယ်ဆိုတာကို နိုင်ငံသားတွေကို အကြံ ပြုထားတဲ့ လက်ကမ်းစာစောင် သန်းနဲ့ချီပြီး ဆွီဒင်နိုင်ငံက တနင်္လာနေ့ (နိုဝင်ဘာ ၁၈ ရက်နေ့) က စတင် ဖြန့် ဝေခဲ့သလို ဖင်လန်နို်င်ငံကလည်း ဝက်ဆိုက်အသစ်တစ်ခုကို ဖွင့်လှစ်လိုက်ပါတယ်။

နှစ်ပေါင်းများစွာ ဘက်မလိုက်နိုင်ငံအဖြစ်ရပ်တည်ခဲ့ကြတဲ့ နော်ဒစ်အိမ်နီးချင်းနှစ်နိုင်ငံဟာ ၂၀၂၂ ခုနှစ်မှာ ရုရှား က ယူကရိန်းကို ကျူးကျော်တိုက်ခိုက်ပြိးနောက် အမေရိကန်ဦးဆောင်တဲ့ နေတိုးအဖွဲ့ထဲဝင်ရောက်ခဲ့ကြပါတယ်။

“လုံခြုံရေးအခြေအနေက အလွန်အရေးကြီးတဲ့အတွက် အကျပ်အတည်းမျိုးစုံနဲ့ နောက်ဆုံးမှာ စစ်ပွဲကိုရင်ဆိုင်ဖို့ အတွက် ကျွန်တော်တို့ရဲ့ ကာကွယ်ရေးစွမ်းရည်တွေကို မြှင့်တင်ဖို့လိုအပ်ပါတယ်။” လို့ ဆွီဒင်မြို့ပြအရေးပေါ် ကာကွယ်ရေးအေဂျင်စီရဲ့ ညွှန်ကြားရေးမှူး မိုက်ကယ်ဖရီဆယ်က ပြောပါတယ်။

ယူကရိန်းစစ်ပွဲစတင်ကတည်းက ဖြစ်လာနိုင်ခြေရှိတဲ့ စစ်ပွဲအတွက် စိတ်ပိုင်းဆိုင်ရာ လော်ဂျစ်စတစ်ပိုင်းဆိုင်ရာ အားလုံး ပြင်ဆင်ထားဖို့ ဆွီဒင်နိုင်ငံသားတွေကို ဆွီဒင်အစိုးရက တိုက်တွန်းခဲ့ပါတယ်။

စစ်အေးကာလပြီးဆုံးကတည်းက ဆွီဒင်နိုင်ငံဟာ ၎င်းတို့နိုင်ငံရဲ့ ကာကွယ်ရေးအသုံးစရိတ်တွေကို သိသိသာ သာ လျှော့ချခဲ့ပေမဲ့ ၂၀၁၄ ခုနှစ်မှာ ရုရှားက ယူကရိန်းနိုင်ငံရဲ့ ခရိုင်းမီးယားကျွန်းဆွယ်ကို ဝင်ရောက်သိမ်းပိုက် လိုက်တဲ့အချိန်မှာ ကာကွယ်ရေးအသုံးစရိတ်ကို ပြန်လည်မြှင့်တင်ခဲ့ပါတယ်။

အဲဒီအချိန်ကစပြီး ဆွီဒင်နိုင်ငံဟာ ကန့်သတ်ထားတဲ့ စစ်မှုထမ်းဥပဒေကို ပြန်လည်အသက်သွင်းလာခဲ့သလို ကာ ကွယ်ရေးအသုံးစရိတ်မြှသင့်တင်ပြီး ဘော်လတစ်ပင်လယ်ထဲက Gotland ကျွန်းပေါ်မှာရှိတဲ့ ခံတပ်စခန်းကို လည်း ပြန်လည်ဖွင့်လှစ်ခဲ့ပါတယ်။

ဆွီဒင်နိုင်ငံဟာ နိုင်ငံသားတွေအတွက် ဗုံးခိုကျင်းတွေ ထပ်မံတိုးချဲ့တည်ဆောက်ခဲ့ပြီး သောက်ရေတွေ၊ သယ် ယူပို့ဆောင်ရေးအခြေခံအဆောက်အအုံတွေထောက်ပံ့ခဲ့သလို မြို့ပြကာကွယ်ရေးဝန်ကြီးတစ်ဦးကိုလည်း ခန့် အပ်ခဲ့ပါတယ်။

ဒါ့အပြင် လုပ်ကြံသတင်းတွေကို တိုက်ဖျက်ဖို့ ရည်ရွယ်ပြီး စိတ်ဓာတ်စစ်ဆင်ရေးအေဂျင်စီတစ်ခုကိုလည်း တည် ထောင်ခဲ့ပါတယ်။

တနင်္လာနေ့က စတင်ဖြန့်ဝေနေတဲ့ စာမျက်နှာ ၃၂ မျက်နှာပါ “အကျပ်အတည်း သို့မဟုတ် စစ်ဖြစ်လာခဲ့သော်” အမည်ရလက်ကမ်းစာအုပ်ငယ်လေးထဲမှာ စစ်ပွဲ၊ သဘာဝဘေးအန္တရာယ်၊ ဆိုက်ဘာတိုက်ခိုက်မှုနဲ့ အကြမ်းဖက် တိုက်ခိုက်မှုတွေအတွက် ဘယ်လိုပြင်ဆင်ရမလဲဆိုတဲ့ သတင်းအချက်အလက်တွေကို ဖော်ပြထားပါတယ်။

လာမယ့် ၂ ပတ်အတွင်း အိမ်ထောင်စု ၅.၂ သန်းကို ဖြန့်ဝေမယ့် အဲဒီစာအုပ်ငယ်ဟာ ဒုတိယကမ္ဘာစစ်အပြီး ဆွီဒင်နိုင်ငံက ငါးကြိမ်ထုတ်ဝေခဲ့တဲ့ စာအုပ်ငယ်တွေထဲမှာ ခေတ်အမီဆုံးစာအုပ်ငယ်ဖြစ်ပါတယ်။

အခုထုတ်ဝေလိုက်တဲ့ လက်ကမ်းစာအုပ်ငယ်ထဲမှာ ရုရှား၊ ယူကရိန်း၊ ဒါမှမဟုတ် တခြားနိုင်ငံတစ်ခုခုကို နာမည် တပ်ပြီး ထည့်သွင်းဖော်ပြထားခြင်း မရှိပါဘူး။

ဆွီဒင်ကာကွယ်ရေးဝန်ကြီး ကားလ်အော်စကာဘိုလင်းက “ဆွီဒင်နိုင်ငံမှာ စစ်ပွဲဖြစ်ပွားလာနိုင်ကြောင်း” ဇန်နဝါ ရီလက သတိပေးခဲ့သလို အဲဒီအချိန်က ဆွီဒင်ကြည်းတပ်အကြီးအကဲ မိုက်ကယ်ဘိုင်ဒန်ကလည်း “ဆွီဒင်နိုင်ငံ ဟာ စစ်ပွဲအတွက် ပြင်ဆင်ထားရမှာဖြစ်ကြောင်း” ပြောဆိုခဲ့ပါတယ်။

ဆွီဒင်နိုင်ငံဟာ နှစ်ပေါင်း ၂၀၀ ကျော် စစ်ပွဲနဲ့ မထိတွေ့ဖူးတဲ့ နိုင်ငံဖြစ်ပါတယ်။

တပြိုင်တည်းမှာပဲ ဖင်လန်နိုင်ငံကလည်း အကျပ်အတည်းမျိုးစုံအတွက် ကြိုတင်ပြင်ဆင်ရေးနဲ့ ပတ်သက်ပြီး သတင်းအချက်အလက်တွေ ရှာဖွေစုဆောင်းတဲ့ ဝက်ဆိုက်တစ်ခုကို ဖွင့်လှစ်လိုက်ပါတယ်။

ရုရှားနိုင်ငံနဲ့ မိုင် ၈၃၀ (ကီလိုမီတာ ၁၃၄၀) နယ်နိမိတ်ထိစပ်နေတဲ့ ဖင်လန်နိုင်ငံဟာ စစ်ပွဲအတွက် တပ်အသင့် အနေအထားကို အဆင့်မြှင့်တပ်လှန့်ထားပါတယ်။

ရုရှားက ယူကရိန်းကို ကျူးကျော်တိုက်ခိုက်တဲ့အချိန်မှာတော့ ဖင်လန်နိုင်ငံဟာ ဖင်လန်-ရုရှား နယ်စပ်မှာ ကီလို မီတာ ၂၀၀ ရှည်လျားတဲ့ ခြံစည်းရိုးတည်ဆောက်သွားမှာဖြစ်ကြောင်း ကြေညာခဲ့ပါတယ်။

၁၀ ပေ အမြင့်ရှိတဲ့ အဲဒီခြံစည်းရိုးမှာ သံဆူးကြိုးခွေတွေ တပ်ဆင်သွားမှာဖြစ်ပြီး ၂၀၂၆ ခုနှစ်မှာ အပြီးတည် ဆောက်သွားဖို့ စီစဉ်ထားပါတယ်။

Ref: Sweden, Finland Urge Residents to Be Ready for War

Credit - MI News

#သတင်းဟင်းလေးအိုးကြီး

တောင်ကိုရီးယားက အသံထက်မြန်သည့် ခရုစ်ဒုံးကျည်ကို ထုတ်ဖော်ပြသ

နိုဝင်ဘာ ၂၀

တောင်ကိုရီးယားသည် မြောက်ကိုရီးယားကို သတိပေးသည့် အနေဖြင့် ဝေဟင်မှ သင်္ဘောပစ် ပဲ့ထိန်းဒုံးကျည်- ၂ (Air-to-Ship Guided Missile II) အမျိုးအစား အသံထက်မြန်သည့် ခရုစ်ဒုံးကျည်အသစ်ကို ထုတ်ဖော်ပြသခဲ့ခြင်း ဖြစ်သည်ဟု Asia Times မှ ဖော်ပြခဲ့သည်။

ဒေသတွင်း တင်းမာမှုများ မြင့်တက်နေချိန်တွင် တောင်ကိုရီးယား ကာကွယ်ရေး ဖွံ့ဖြိုးတိုးတက်ရေးအေဂျင်စီ (ADD) သည် ၂၀၂၄ ဆာချွန် လေကြောင်းပြပွဲ (2024 Sacheon Airshow)၌ ဒုံးကျည် အမျိုးအစားသစ်ကို ပြသခဲ့ သည်ဟု ယခုလအတွင်း Naval News သတင်းမှ ဖော်ပြခဲ့သည်။

ထိုဒုံးကျည်သည် အသံထက် ၂ ဆခွဲမြန်သည့် စူပါဆိုးနစ် ဒုံးကျည် အမျိုးအစားဖြစ်ပြီး ကီလိုမီတာ ၃၀၀ ကျော်တွင် ရှိသော ပစ်မှတ်များကို တိုက်ခိုက်နိုင်စွမ်းရှိကြောင်း သိရသည်။

ထိုဒုံးကျည်သည် တောင်ကိုရီးယား၏ FA-50 အပေါ့စား တိုက်လေယာဉ်နှင့် KF-21 Boramae တိုက်လေယာဉ် များ၏ တိုက်ခိုက်ရေး စွမ်းဆောင်ရည်များကို ပိုမိုမြင့်တက်စေလိမ့်မည်ဟု Naval News မှ ဖော်ပြခဲ့သည်။

ထိုဒုံးကျည်သည် အနိမ့်/အမြင့်မရွေး ပျံသန်းနိုင်သည့် ramjet ဒုံးအင်ဂျင်စနစ်ပါဝင်ပြီး ရေဒါနှင့် အီလက်ထရောနစ် မြင်ကွင်းရှာစနစ်တို့ ပေါင်းစပ်သော ပစ်မှတ်ရှာဖွေရေးစနစ် ထည့်သွင်းထားကြောင်း သိရသည်။

ထိုဒုံးကျည် ထုတ်လုပ်ရေး စီမံကိန်းတွင် Hanwha Aerospace ကုမ္ပဏီကဲ့သို့ ပြည်တွင်းကာကွယ်ရေး ကုမ္ပဏီများ ပါဝင်နေပြီး ၂၀၂၅ ခုနှစ်၌ စမ်းသပ်မှု ၃ ကြိမ် ပြုလုပ်ရန် စီစဉ်ထားသည်။

၂၀၂၆ ခုနှစ်မှ ၂၀၃၅ ခုနှစ်အထိ လုပ်ဆောင်မည့် ထိုစီမံကိန်းကို တောင်ကိုရီးယား၏ ကာကွယ်ရေးပစ္စည်း ဝယ်ယူရေး အစီအစဉ် မြှင့်တင်မှုကော်မတီက သုံးသပ် အတည်ပြုခဲ့ခြင်းဖြစ်ပြီး လျာထားဘတ်ဂျက်သည် ဒေါ်လာ သန်း ၄၂၀ ခန့်ရှိသည်။

ထိုဒုံးကျည်ကို FA-50 နှင့် KF-21 တိုက်လေယာဉ်များတွင်လည်း တပ်ဆင်နိုင်သဖြင့် ပိုလန်နှင့် ဖိလစ်ပိုင်တို့ကဲ့သို့ ပြည်ပနိုင်ငံများအတွက်လည်း တင်ပို့ရောင်းချနိုင်မည့် အခွင့်အလမ်းများ ပေါ်ပေါက်စေခဲ့သည်။

ယခင်က တောင်ကိုရီးယားသည် အသံထက်မြန်သည့် ဒုံးကျည်များ ထုတ်လုပ်မှုကို ကန့်သတ်ခဲ့သော်လည်း ယူကရိန်းစစ်ပွဲ ဖြစ်ပွားလာချိန်တွင် တောင်ကိုရီးယားသည် အသံထက်မြန်သော ခရုစ်ဒုံးကျည်များ ထုတ်လုပ်ရန် စိတ်ဝင်စားလာခဲ့ခြင်းဖြစ်သည်။

ပုံ - အသံထက်မြန်တဲ့ ဒုံးကျည်ကိုတွေ့ရစဉ်

#centralnewsnaypyitaw

အနေဝေးလို့ သွေးအေးဖို့နေနေသာသာ
မတွေ့တာကြာလေ တစ်ရက်ထက်တစ်ရက်ပိုလွမ်းလာလေပဲ ❤️

ဟုတ်ပါ့