အကောင်းဆုံးပါ

အချို့ပြသနာတွေက ဖြေရှင်းတာထက်
ရှောင်ထွက်လိုက်တာ အကောင်းဆုံးပါ..။

အချို့ စကားလုံးတွေက ပြောလိုက်တာထက်
မျိုသိပ်လိုက်တာ အကောင်းဆုံးပါ..။
အချို့ လူတွေက အလျော့ပေးပြီးနေတာထက်
ဥပေက္ခာ ပြုပေးလိုက်တာ အကောင်းဆုံးပါ..။
အချို့ မျော်လင့်ချက်တွေက မျော်လင့်နေတာထက်
ကိုယ်တိုင် ရိုက်ချိုးပစ်လိုက်တာ အကောင်းဆုံးပါ..။
အချို့ အသံတွေက နားစွင့်နေတာထက်
နားပိတ်ထားလိုက်တာ အကောင်းဆုံးပါ..။
အချို့ မြင်နေရတာတွေက ကြည့်မိတာထက်
မမြင်ချင်ယောင် ဆောင်ပေးလိုက်တာ အကောင်းဆုံးပါ..။
အချို့ ဆက်ဆံရေးတွေက
သံသယနဲ့ လက်တွဲနေတာထက်
လက်တွဲဖြုတ်လိုက်တာက အကောင်းဆုံးပါ..။

#နိုင်ငံတကာသတင်း
◼ထရန့်၏အခွန်စည်းကြပ်မှုအားအမေရိကန်သွင်းကုန်၂၅ ရာခိုင်နှုန်းအပေါ် ချက်ခြင်း အခွန်ကောက်တုံ့ပြန်မည်ဟုကနေဒါပြောကြား
ကနေဒါနိုင်ငံအပေါ် အခွန်စည်းကြပ်ရန် ထရန့်၏ဆုံးဖြတ်ချက် ယနေ့တွင် အသက်ဝင်လာပါက ဒေါ်လာ ဘီလီယံ ၃၀ ပမာဏရှိ အမေရိကန်ကုန်ပစ္စည်းများအပေါ် ချက်ခြင်းအခွန်စည်းကြပ်ခြင်းဖြင့်တုံ့ပြန်မည်ဖြစ်ကြောင်း ကနေဒါဝန်ကြီးချုပ်ဂျပ်စတင်ထရူးဒူးက ပြောကြားလိုက်သည်။
" ရက် ၃၀ ဆိုင်းငံ့ထားပြီးနောက် ဒီနေ့မှာ အမေရိကန် အစိုးရက ကနေဒါ ပို့ကုန်များ အပေါ် အခွန် ၂၅ ရာခိုင်နှုန်းနှင့် ကနေဒါ စွမ်းအင်ထုတ်ကုန်အပေါ် အခွန် ၁၀ ရာခိုင်နှုန်း တိုးကောက်ဖို့ဆက်ပြီး ဆုံးဖြတ်ခဲ့ပါတယ်။ ပြတ်ပြတ်သားသား ရှင်းရှင်းလင်းလင်းပြောပါမယ်၊ ဒီလုပ်ရပ်က မတရားပါဘူး။” ဟု ဂျပ်စတင်ထရူးဒူးက ပြောကြားသည်။
အမေရိကန်၏ စည်းကြပ်ခွန်များ ယနေ့ညတွင် အသက်ဝင်လာပါက ကနေဒါအနေနှင့်ဒေသစံတော်ချိန် မနက်ဖြန် ၁၂ နာရီ ၁ မိနစ်မှ စတင်ပြီး ဒေါ်လာ ၁၅၅ ဘီလီယံတန်ဖိုးရှိ အမေရိကန်သွင်းကုန်များ၏ ၂၅ ရာခိုင်နှုန်း ဖြစ်သည့် ဘီလီယံ ၃၀ ပမာဏရှိ ကုန်ပစ္စည်းများအပေါ် ချက်ချင်း အခွန် စည်းကြပ်မှုများဖြင့် တုံ့ပြန်မည်ဖြစ်ကြောင်း၎င်းကပြောကြားသည်။
ထို့ပြင်ကျန်သည့် ဒေါ်လာ ၁၂၅ ဘီလီယံပမာဏရှိသောအမေရိကန်သွင်းကုန်များကိုလည်း ၂၁ ရက်အတွင်း စည်းကြပ်ခွန်များကောက်ခံသွားမည်ဟုထရူးဒူးကဆိုသည်။
အမေရိကန်၏ကုန်သွယ်ရေးအရေးယူမှုကို ရုပ်သိမ်းသည်အထိ ကနေဒါ၏ စည် းကြပ်ခွန်များ ဆက် လက် တည်ရှိနေမည်ဖြစ်ပြီး၊ အမေရိကန်၏ အခွန်စည်းကြပ်မှုများ မရပ်တန့်ပါကအခွန်စည်းကြပ်မှုမဟုတ်သည့် အစီအမံများစွာကို ဆက်လက်ဆောင်ရွက်ရန် ပြည်နယ်များ၊ နယ်မြေများနှင့် ဆွေးနွေးမှုများ လုပ်ဆောင်နေကြောင်းလည်းသိရသည်။
အဆိုပါ စည်းကြပ်ခွန်များကို ပြန်လည်စဉ်းစားရန် အမေရိကန်အစိုးရအားတိုက်တွန်းနေစဉ်အတွင်း ၎င်းတို့၏ စီးပွားရေး၊အလုပ်အကိုင်များ၊အလုပ်သမားများနှင့်မျှတသောသဘောတူညီချက်များအတွက် ကနေဒါက ရပ်တည်နေကြောင်းထရူးဒူးကပြောကြားသည်။
“အမေရိကန်ရဲ့စည်းကြပ်ခွန်တွေကြောင့်အမေရိကန်တွေဟာမီးဖိုချောင်သုံးပစ္စည်းတွေ၊ ဓာတ်ငွေ့နဲ့ ကားတွေအတွက်စရိတ်ပိုကုန်တော့မှာဖြစ်ပြီး အလုပ်အကိုင် ထောင်ပေါင်းများစွာလည်း ဆုံးရှုံးသွားနိုင်ပါတယ်။” ဟု၎င်းကပြောသည်။
ထို့ပြင်အမေရိကန်၏အကောက်ခွန်များက မယုံနိုင်လောက်အောင် အောင်မြင်နေသော ကုန်သွယ်မှုဆက်ဆံရေးကို ဖျက်ဆီးလိမ့်မည်ဖြစ်ပြီးသမ္မတထရန့်က ၎င်း၏ပထမသက်တမ်းနောက်ဆုံးကာလတွင် ညှိနှိုင်းခဲ့သည့် ကုန်သွယ်ရေးသဘောတူညီချက်ကို ချိုးဖောက်ခြင်းဖြစ်ကြောင်းလည်းကနေဒါဝန်ကြီးချုပ်ကပြောကြားသည်။
အလားတူ တရုတ်သွင်းကုန်များအပေါ် အမေရိကန်သမ္မတ ဒေါ်နယ်ထရန့်၏ အခွန်ကောက်ခံမှု စတင်အသက်ဝင်လာပြီးနောက် မိနစ်ပိုင်းအကြာတွင် အမေရိကန်ကုန်ပစ္စည်းအချို့အပေါ် လက်တုံ့ပြန် အခွန်စည်းကြပ်မည်ဟု တရုတ်နိုင်ငံကလည်းယနေ့တွင် ကြေညာလိုက်သည်။
သတင်း-လင်းခေတ်
ကိုးကား-CNN

ပင်လောင်း

ပင်လောင်း

ပင်လောင်း

ပင်လောင်း

ပင်လောင်း

ပင်လောင်း

ပင်လောင်း

ယူကရိန်းနိုင်ငံရဲ့ မြေအောက်ထဲမှာ ဝှက်ထားတဲ့ ရတနာသိုက်ကြီးများ
ယူကရိန်းနိုင်ငံဟာ ဥရောပရဲ့ ဒုတိယဧရိယာအကြီးဆုံးနိုင်ငံဖြစ်ပြီး သဘာဝအရင်းအမြစ်တွေ အလွန်ကြွယ်ဝတဲ့ နိုင်ငံတစ်နိုင်ငံလည်း ဖြစ်ပါတယ်။
အထူးသဖြင့် မြေရှားသတ္တုတွေဟာ ယူကရိန်းနိုင်ငံရဲ့ မြေအောက်မှာ အများအပြားရှိနေတာကြောင့် ကမ္ဘာ့အာရုံစိုက်မှုကို ရရှိနေပါတယ်။
မြေရှားသတ္တုတွေဆိုတာကတော့ ခေတ်မီနည်းပညာတွေမှာ အသုံးပြုတဲ့ အရေးကြီးတဲ့ သတ္တုတွေဖြစ်ပါတယ်။
စမတ်ဖုန်းတွေ၊ လျှပ်စစ်ကားတွေ၊ လေအားလျှပ်စစ်တာဘိုင်တွေနဲ့ စစ်ဘက်ဆိုင်ရာ အသုံးအဆောင်တွေ ထုတ်လုပ်တဲ့နေရာမှာ မရှိမဖြစ်ပါဝင်နေပါတယ်။ ဒါကြောင့် ဒီသတ္တုတွေကို ကမ္ဘာ့နိုင်ငံတွေက အပြိုင်အဆိုင် လိုချင်နေကြတာဖြစ်ပါတယ်။
ယူကရိန်းနိုင်ငံမှာ နီယိုဘီယမ်၊ လစ်သီယမ်၊ တန်တလမ်နဲ့ ဇာကွန်နီယမ်စတဲ့ မြေရှားသတ္တုတွေ အများအပြားရှိပါတယ်။
ဒီသတ္တုတွေဟာ ကမ္ဘာ့ဈေးကွက်မှာ ဈေးကောင်းရတဲ့ သတ္တုတွေဖြစ်ပြီး ယူကရိန်းနိုင်ငံရဲ့ အရှေ့ပိုင်းဒေသတွေမှာ ဒီသတ္တုတွေ အများဆုံးတွေ့ရပါတယ်။
ဒါပေမယ့် လက်ရှိမှာတော့ ယူကရိန်းနိုင်ငံဟာ စစ်ပွဲကြောင့် အခက်အခဲတွေ အများကြီး ကြုံတွေ့နေရပါတယ်။
စစ်ပွဲကြောင့် သတ္တုတူးဖော်ရေးလုပ်ငန်းတွေ ရပ်တန့်နေရသလို ယူကရိန်းရဲ့ မြေရှားသတ္တုသိုက်အချို့ ဟာလည်း ရုရှားရဲ့ ထိန်းချုပ်မှုအောက်မှာ ရောက်ရှိနေပါတယ်။ ဒါကြောင့် ယူကရိန်းနိုင်ငံရဲ့ မြေရှားသတ္တုတွေကို အပြည့်အဝ အသုံးချဖို့ဆိုတာ မလွယ်ကူသေးပါဘူး။
စစ်ပွဲပြီးသွားရင်တော့ ယူကရိန်းနိုင်ငံဟာ ဒီမြေရှားသတ္တုတွေကို အသုံးချပြီး စီးပွားရေးကို ပြန်လည်တည်ဆောက်နိုင်မယ်လို့ မျှော်လင့်ထားပါတယ်။
ဒါကြောင့် ယူကရိန်းနိုင်ငံရဲ့ မြေရှားသတ္တုတွေဟာ အနာဂတ်မှာ ကမ္ဘာ့စီးပွားရေးအတွက် အရေးပါတဲ့ အခန်းကဏ္ဍတစ်ခုအနေနဲ့ ပါဝင်လာနိုင်တယ် လို့ ပညာရှင်တွေက သုံးသပ်ထားကြပါတယ်။
#thuta City
#crd