ယူကရိန်းက ATACMS ဒုံးကျည်တွေအသုံးပြုပြီး ရုရှားအတွင်းပိုင်းကို စတင်တိုက်ခိုက်
နိုဝင်ဘာ ၂၀
ယူကရိန်းစစ်ပွဲ ရက်ပေါင်း ၁,၀၀၀ ပြည့်တဲ့နေ့မှာ အမေရိကန်သမ္မတဂျိုးဘိုင်ဒန်ဆီက ခွင့်ပြုချက်ရပြီးနောက် ယူ ကရိန်းနိုင်ငံက နိုဝင်ဘာ ၁၉ ရက်နေ့က အမေရိကန်ထုတ် ATACMS တာဝေးပစ်ဒုံးကျည်တွေကိုအသုံးပြုပြီး ရုရှားနိုင်ငံအတွင်းပိုင်းကို စတင် ပစ်ခတ်တိုက်ခိုက်ခဲ့ပါတယ်။
ယူကရိန်းပစ်ခတ်လိုက်တဲ့ ATACMS ဒုံးကျည် ၆ စင်းအနက် ၅ စင်းကို ရုရှားတပ်ဖွဲ့ဝင်တွေက ပစ်ချနိုင်ခဲ့ပြီး ဒုံးကျည်တစ်စင်းက အဆောက်အဦတစ်လုံးကို ထိမှန်ပြီး မီးလောင်ခဲ့ပေမဲ့ ထိခိုက်သေဆုံးမှု မရှိကြောင်း ရုရှားအစိုးရက ပြောပါတယ်။
မိုင် ၇၀ (ကီလိုမီတာ ၁၁၀) ဝေးကွာတဲ့ ရုရှားနိုင်ငံ အတွင်းပိုင်းထဲက လက်နက်တိုက်တစ်ခုကို တိုက်ခိုက်ခဲ့တယ် လို့ ယူကရိန်းအစိုးရက ပြောပါတယ်။
ယူကရိန်းစစ်ဘက်က အသုံးပြုခဲ့တဲ့လက်နက်အမျိုးအစားကို တိတိကျကျ ပြောဆိုခြင်းမရှိပေမဲ့ ယူကရိန်းအစိုးရ သတင်းရင်းမြစ်တစ်ဦးနဲ့ အမေရိကန်အရာရှိတစ်ဦးကတော့ ယူကရိန်းဘက်က ATACMS ဒုံးကျည်တွေ အသုံးပြု ခဲ့တာဖြစ်ကြောင်း အတည်ပြုပြောကြားခဲ့ပါတယ်။
ဒုံးကျည် ၈ စင်းအနက် ရုရှားတပ်တွေက ၂ စင်း ပစ်ချနိုင်ခဲ့ပြီး ရုရှားလက်နက်တိုက်တစ်ခုကို တိုက်ခိုက်ခဲ့တာ ဖြစ်ကြောင်း အမေရိကန်အရာရှိတစ်ဦးက ပြောပါတယ်။
ရုရှားနိုင်ငံအတွင်းပိုင်းထဲအထိ တိုက်ခိုက်ဖို့အတွက် အမေရိကန်ထုတ် ATACMS ဒုံးကျည်တွေကို အသုံးပြုဖို့ အ မေရိကန်သမ္မတဂျိုးဘိုင်ဒန်က အခုသီတင်းပတ်အတွင်းမှာပဲ ယူကရိန်းကို ခွင့်ပြုခဲ့တာဖြစ်ပါတယ်။
ATACMS ဒုံးကျည်တွေ အသုံးပြုခွင့်ပြုလိုက်တာဟာ အနောက်နိုင်ငံတွေက စစ်ပွဲကို အရှိန်မြင့်စေချင်တယ်ဆို တာ ထင်ရှားကြောင်း ရုရှားနိုင်ငံခြားရေးဝန်ကြီးဆာဂျီလာဗရော့ဗ်က ပြောပါတယ်။
ဒီလိုလက်နက်မျိုးကို အမေရိကန်ဘက်က စစ်ဆင်ရေးအကူအညီတိုက်ရိုက်မပါဘဲ ပစ်ခတ်နိုင်မှာမဟုတ်တဲ့အ တွက် အမေရိကန်ဟာ စစ်ပွဲထဲမှာ တိုက်ရိုက်ပါဝင်လာတာဖြစ်ပြီး ရုရှားအနေနဲ့ လက်တုံ့ပြန်ရမှာဖြစ်ကြောင်း ရုရှားအစိုးရက ပြောပါတယ်။
ယူကရိန်းရဲ့ပဉ္စမမြောက်နယ်မြေတစ်ခု ရုရှားလက်ထဲကို ရောက်ရှိသွားပြီး ယူကရိန်းစစ်ပွဲ ရက် ၁၀၀၀ ပြည့်အ ခမ်းအနားကို ယူကရိန်းအစိုးရက ကျင်းပနေချိန်မှာပဲ အခုတိုက်ခိုက်မှုထွက်ပေါ်လာခဲ့တာဖြစ်ပါတယ်။
ရွေးကောက်ပွဲအနိုင်ရ ဒေါ်နယ်ထရမ့်အစိုးရတက်လာခဲ့ရင်လည်း ယူကရိန်းအနေနဲ့ အမေရိကန်အကူအညီ ဆက်လက်ရရှိရေးဟာ မသေချာတဲ့အခြေအနေမှာ ရှိနေပါတယ်။
Ref: Ukraine hits Russia with US ATACMS missiles for first time on war's 1,000th day
Credit - MI News
#သတင်းဟင်းလေးအိုးကြီး
