ဂါဇာမှာ အကူအညီပေးမှုတွေ ရပ်ဆိုင်းလိုက်တာကြောင့် ဒုက္ခသည်အခြေအနေ ပိုမိုဆိုးရွားလာနိုင်

ဒီဇင်ဘာ ၂

ဂါဇာကမ်းမြှောင်ဒေသအတွက် အကူအညီတွေပေးနေတဲ့ ကုလသမဂ္ဂအအေဂျင်စီအပါအဝင် အကူအညီပေးရေး အဖွဲ့တွေက လုံခြုံရေးစိုးရိမ်ပူပန်မှုတွေကြောင့် သူတို့ရဲ့ လုပ်ငန်းဆောင်တာတွေကို ရပ်ဆိုင်းလိုက်ပြီး ဒါဟာ လူသားချင်းစာနမှုဆိုင်ရာ အခြေအနေ ပိုမိုဆိုးရွားလာနိုင်တယ်လို့ သတိပေးပါတယ်။

ပါလက်စတိုင်း ဒုက္ခသည်တွေကို ကူညီပေးနေတဲ့ ကုလသမဂ္ဂအကူအညီပေးရေး အေဂျင်စီဟာ လုံခြုံရေးစိုးရိမ်ပူပန်မှုတွေကြောင့် အစ္စရေးနှင့် ဂါဇာကမ်းမြှောင်အကြား အဓိကဖြတ်ကျော် ပို့ဆောင်မှုတွေကို ဆိုင်းငံ့ထားတယ်လို့ မနေ့က ပြောပါတယ်။

ကီရမ်ရှာလွမ် နယ်စပ်ဖြတ်ကျော်ဂိတ်အနီးမှာ ကုလသမဂ္ဂ အကူအညီပေးရေး ယာဉ်တန်းနှစ်ခု မကြာသေးမီက လုယက်ခံရပြီးနောက် တရားဥပဒေစိုးမိုးရေးအတွက် အစ္စရေးကို တောင်းဆိုခဲ့ကြောင်း အေဂျင်စီအကြီးအကဲ ဖိလစ်လာဇာရီနီက ပြောပါတယ်။

World Central Kitchen အဖွဲ့ကလည်း အလားတူ လုံခြုံရေးစိုးရိမ်မှုတွေကြောင့် သူတို့ရဲ့ အကူအညီပေးရေး လုပ်ငန်းတွေကို ဆိုင်းငံ့ထားတယ်လို့ဆိုပါတယ်။ အစ္စရေးရဲ့ လေကြောင်းတိုက်ခိုက်မှုအတွင်း သူတို့ယာဉ်ကို ပစ်မှတ်ထားခံခဲ့ရပြီး အစ္စရေးကတော့ ဒါဟာ ဟားမတ်စ်ခေါင်းဆောင်တယောက် လိုက်ပါလာတယ်လို့ အခိုင်အမာဆိုပါတယ်။

ကီရမ်ရှာလွမ်နယ်စပ်ဖြတ်ကျော်ဂိတ်ဟာ ဂါဇာရှိ လူနှစ်သန်းကျော်အား အကူအညီများ ပေးပို့ရာ အဓိကလမ်းကြောင်းဖြစ်ပြီး ဒေသတွင်းမှာ အငတ်ဘေးကြုံနိုင်ကြောင်း ကုလသမဂ္ဂက သတိပေးထားခဲ့ပါတယ်။ ရာဇဝတ်ဂိုဏ်းတွေက လုယက်ခိုးယူမှုတွေဟာ ပစ္စည်းတွေ ဖြန့်ဖြူးခြင်းအတွက် အဓိကအတားအဆီးဖြစ်နေကြောင်း ကူညီရေးအဖွဲ့တွေက ပြောပါတယ်။

ဂါဇာကမ်းမြှောင်ဒေသသို့ အကူအညီတွေ ပေးပို့ရာရာမှာ အဆင်ပြေချောမွေ့စေရေး ကူညီမယ်လို့ အစ္စရေးက ယခင်က ကတိပြုထားပြီး ဟားမတ်စ်တို့ဟာ အကူအညီတွေကို အပိုင်စီးလုယက်မှု လုပ်ဆောင်နေကြောင်း စွပ်စွဲထားပါတယ်။

နိုဝင်ဘာ ၁၆ ရက်က စားနပ်ရိက္ခာတင်ဆောင်လာတဲ့ ကုန်တင်ယာဉ် ၁၀၉ စီးကို မျက်နှာဖုံးစွပ် သေနတ်သမားတွေက ယာဉ်မောင်းတွေကို သေနတ်ပြခြိမ်းခြောက်ပြီး ကုန်တင်ကား ၉၇ စီးကို လုယက်ခိုးယူမှု ဖြစ်ပွားခဲ့ပါတယ်။

Ref:BBC
Photo:CNN

Credit - Voice of Myanmar News Agency

#သတင်းဟင်းလေးအိုးကြီး

မိုင်းပြင်းမြို့ ဗဟိုပြု၍ အင်အားရစ်(ခ်)တာစကေး (၃.၈) အဆင့်ရှိ မြေငလျင်တစ်ခုလှုပ်ခတ်

ဒီဇင်ဘာ ၂

မိုင်းပြင်းမြို့ ဗဟိုပြု၍ အင်အား ရစ်(ခ်)တာစကေး (၃.၈) အဆင့်ရှိ အင်အားအနည်းငယ်ရှိသော မြေငလျင်တစ်ခု ယနေ့ နံနက် ၁၁ နာရီ ၄၂ အချိန်က လှုပ်ခတ်သွားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။

၂၀၂၄ ခုနှစ်၊ ဒီဇင်ဘာလ ၂ ရက်နေ့၊ မြန်မာစံတော်ချိန် (၁၁) နာရီ၊ (၄၂) မိနစ်၊ (၁၄) စက္ကန့် အချိန်တွင် ကျိုင်းတုံမြေငလျင်စခန်းမှ အနောက်-အနောက်တောင်ဘက် (၂၁)မိုင်ခန့် ကွာဝေးသော မြန်မာနိုင်ငံပြည်တွင်း (မိုင်းပြင်းမြို့၏ အရှေ့တောင်ဘက် (၁၈) မိုင်ခန့်အကွာ)၊ မြောက်လတ္တီတွဒ် (၂၁.၂၁) ဒီဂရီ၊ အရှေ့လောင် ဂျီတွဒ် (၉၉.၂၆) ဒီဂရီ၊ အနက် (၁၀) ကီလိုမီတာခန့်ကို ဗဟိုပြု၍ အင်အား ရစ်(ခ်)တာစကေး (၃.၈) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်သွားကြောင်း သိရသည်။

#centralnewsnaypyitaw

စာတော်တဲ့ကျောင်းသားအနာတရဖြစ်သောအခါ
စာတော်တဲ့ကျောင်းသားအနာတရဖြစ်သောအခါ
#crd

မြန်မာ့ရေပိုင်နက်အတွင်း ဝင်ရောက်၍ ငါးခိုးဖမ်းရာမှဖမ်းဆီးခံထားရသော ထိုင်းငါးဖမ်းစက်လှေသမားများ လွတ်မြောက်ရေး ထိုင်းအစိုးရ ကြိုးပမ်း

ဒီဇင်ဘာ ၂

မြန်မာရေပိုင်နက်အတွင်းဝင်ရောက်၍ ငါးခိုးဖမ်းနေကြတဲ့ ထိုင်းငါးဖမ်းသင်္ဘောတွေက ထိုင်းနိုင်ငံသား ငါးဖမ်းသမားလေးဦးကို ပြန်လည်လွှတ်ပေးဖို့အတွက် ထိုင်းအစိုးရက ကြိုးစားနေတယ်လို့ သိရပါတယ်။

ထိုင်းကာကွယ်ရေးဝန်ကြီးရဲ့ ပြောရေးဆိုခွင့်ရှိသူ သာနာသစ်ဆဝမ်ဆန်က ထိုင်းငါးဖမ်းသမားတွေ ပြန်လည်လွတ်မြောက်ဖို့ နှစ်နိုင်ငံအစိုးရတွေအကြား နယ်စပ်ပူးတွဲကော်မတီနဲ့အတူ အလုပ်နေတယ်လို့ ပြောခဲ့ပါတယ်။

ဖြစ်ရပ်က ထိုင်းနိုင်ငံ ရနောင်းပြည်နယ်ရဲ့ ကမ်းလွန်မြန်မာပိုင်ရေပြင်ထဲမှာ နိုဝင်ဘာလ ၂၉ ရက် ညပိုင်းကဖြစ်ပွားခဲ့တာပါ။ မြန်မာရေတပ် စစ်သင်္ဘောများက မြန်မာ့ရေပြင်အတွင်း ဝင်ရောက်ငါးဖမ်းနေတဲ့ ထိုင်းစက်လှေတွေကိုတွေ့တော့ ပစ်ခတ်ဖမ်းဆီးခဲ့ပါတယ်။ ဒီမှာ ထိုင်းငါးဖမ်းသမားတစ်ဦး ရေနစ်သေဆုံးခဲ့ပြီး ငါးဖမ်းစက်လှေတစ်စီးလည်း အဖမ်းခံခဲ့ရပါတယ်။ မြန်မာအာဏာပိုင်တွေက ဖမ်းဆီးထားသူ ငါးဖမ်းသမားစုစုပေါင်း ၃၁ ဦးမှာ ထိုင်းနိုင်ငံသား ငါးဖမ်းသမားလေးဦးပါဝင်ပြီး ကျန် ၂၇ ဦးက မြန်မာနိုင်ငံသားတွေဖြစ်ကြပါတယ်။

ထိုင်းရေတပ်က နိုဝင်ဘာလ ၃၀ ရက် နံနက် ၁၂ နာရီ ၄၅ မိနစ်လောက်မှာ ငါးဖမ်းစက်လှေတွေဆီက အကူအညီတောင်းတဲ့ အချက်ပြမှုတစ်ရပ်ကို လက်ခံရရှိခဲ့ပါတယ်။ ထိုင်းကာကွယ်ရေးဝန်ကြီးဌာနက ထိုင်းငါးဖမ်းစက်လှေနှစ်စီးဟာ ရနောင်းပြည်နယ်အနီး မြန်မာ့ရေပိုင်နက်အတွင်းသို့ ရေမိုင် လေးမိုင်မှ ၅ ဒသမ ၇ မိုင်(၇ ဒသမ ၄ ကီလိုမီတာမှ ၁၀ ဒသမ ၆ ကီလို မီတာ) အတွင်း ဝင်ရောက်ငါးဖမ်းနေခဲ့ကြတယ်လို့ ပြောခဲ့ပါတယ်။

ထိုင်းလင်းဝန်ကြီးချုပ် ပေတုံတန် ရှင်နာဝပ်ထရာကတော့ ထိုင်းငါးဖမ်းသင်္ဘောတွေ မြန်မာ့ရေပိုင်နက်ထဲ ဝင်ရောက်ငါးဖမ်းနေကြသလား ဆိုတဲ့မေးခွန်းကို တိတိကျကျသေသေချာချာ မပြောနိုင်သေးပါဘူးလို့ ဖြေခဲ့ပါတယ်။ ပေတုံတန်က ထိုင်းအစိုးရအနေနဲ့ ဘာပဲဖြစ်ဖြစ် အကြမ်းဖက်မှုလုပ်ရပ်ကိုတော့ အားမပေးပါဘူးလို့လည်း ပြောခဲ့ပါတယ်။

ထိုင်းနိုင်ငံခြားရေးဝန်ကြီး မာရစ် ဆန်ဂီယမ်ပုံဆာက သူ့အနေနဲ့ မြန်မာသံအမတ်နဲ့ ဒီဇင်ဘာလ ၂ ရက်မှာတွေ့ဆုံပြီး ပိုမိုစုံစမ်းမှုတွေပြုဖို့နဲ့ ထိုင်းငါးဖမ်းသမားတွေကို ပြန်လွှတ်ပေးဖို့ တွန်းအားပေးသွားမယ်လို့ ပြောခဲ့ပါတယ်။ မြန်မာအစိုးရဘက်ကတော့ လတ်တလောမှာ တစ်စုံတစ်ရာ မတုံ့ပြန်သေးပါဘူး။

Ref- SCM

Credit - MT News Agency

#သတင်းဟင်းလေးအိုးကြီး

စားသောက်ရေး အခက်အခဲရှိ၍ ပလက်ဝဒေသခံများ မြို့ကိုစွန့်ခွာလာကြ

ဒီဇင်ဘာ ၂

ချင်းပြည်နယ်၊ ပလက်ဝမြို့နယ်တွင် အာရက္ခတပ်တော်(AA)နှင့် မြန်မာ့တပ်မတော်တို့ကြား တိုက်ပွဲဖြစ်ပွားမှု ရပ်တန့်နေသော်လည်း ပလက်ဝဒေသခံများအနေဖြင့် ကုန်ဈေးနှုန်း ကြီးမြင့်မှုနှင့် အလုပ်အကိုင် အခွင့်အလမ်း မရှိသည့်အတွက် ပလက်ဝမြို့ကို စွန့်ခွာလာကြသည်ဟု သိရသည်။

ပြီးခဲ့သည့် ဇန်နဝါရီလမှစတင်၍ ပလက်ဝဒေသခံများက တိုက်ပွဲတိမ်းရှောင်မှုများ ရှိခဲ့သော်လည်း လက်ရှိတွင် နေထိုင်စားသောက်ရေး အခက်အခဲကြောင့် ပို၍ စွန့်ခွာလာကြခြင်း ဖြစ်သည်။

အဆိုပါ နေရပ်စွန့်ခွာလာသူများသည် အိန္ဒိယနယ်စပ်သို့ ဝင်ရောက်မှု များပြားကြောင်း၊ တောင်ယာလုပ်ငန်း လုပ်ကိုင်၍ ရသည့် ကျေးရွာများသို့လည်း တိမ်းရှောင်မှုများရှိကြောင်း သိရသည်။

ထို့အပြင် အလုပ်အကိုင် အခွင့်အလမ်း ပေါများသည့် ရန်ကုန်သို့လည်း ထောင်နှင့်ချီ၍ ရောက်ရှိနေကြကြောင်း ပလက်ဝဒေသခံ ဦးကျော်ခင်က CNI သတင်းဌာနသို့ ပြောသည်။

၎င်းက “ဘယ်ကိုတိမ်းရှောင်လဲဆိုတော့ တချို့က အိန္ဒိယနယ်စပ် အိန္ဒိယနိုင်ငံထဲကို ဝင်သွားတယ်။ တချို့ကျတော့ ရွာတွေမှာ၊ သူတို့ ဘေးလွတ်ရာလို့ ယူဆတဲ့နေရာမှာ၊ တောရွာတွေမှာ သူတို့နေတယ်။ တချို့ကျတော့ ရန်ကုန်မှာ အခု တော်တော်များများ ရောက်နေပြီ။ ရန်ကုန်မှာ လူဦးရေ ထောင်ချီနဲ့ကို ရောက်နေပြီ။ ပလက်ဝမြို့ပေါ်မှာ၊ ဆမီး မြို့ပေါ်မှာလည်း ထိုနည်းတူလည်းကောင်းပဲ။ ဟိုမှာ ဘာဝင်ငွေမှလည်းမရှိ။ ဘာဝင်ငွေရမယ့် လမ်းကြောင်းလည်း မရှိဘူးဆိုလို့ရှိရင် စားတာတစ်ခုတည်းနဲ့ဆိုရင် ဘယ်လိုမှ အဆင်ပြေ မနေဘူးပေါ့။ အဲဒီလိုမျိုးတော့ ရှိတယ်။ သူတို့ က လုပ်ကိုင်စားသောက်လို့ ရတဲ့အခြေအနေ ရှိမှသာလျှင် သူတို့ အဲဒီမှာ ဆက်ပြီးတော့ နေလို့ရမယ်။ မဟုတ်ဘူး ဆိုလို့ရှိရင် ဘာမှတော့ တိုက်ပွဲတော့ မဖြစ်တော့ဘူး ထားပါတော့၊ ဆန်တွေလည်း ဝယ်ဖို့ရှိတယ် ထားအုံးတော့ ဝင်ငွေလမ်းကြောင်းက ရဖို့မရှိဘူးဆိုရင် အဲဒီမှာ တအားခက်သွားမယ်” ဟု ပြောသည်။

ပလက်ဝမြို့နယ်သည် ရခိုင်ပြည်နယ်မှ ကုန်စည်ကို အဓိက အားထားနေရသည့် မြို့နယ်တစ်ခုဖြစ်ပြီး လက်ရှိ တိုက်ပွဲများကြောင့် ရခိုင်ပြည်နယ်မှ ကုန်စည်ဝင်ရောက်ရန် အခက်အခဲ ဖြစ်နေသည့်အပြင် ပခုက္ကူမြို့နယ်မှ တဆင့် ဝင်ရောက်သော ကုန်စည်လမ်းကြောင်းသည်လည်း တိုက်ပွဲကြောင့် အဆင်မပြေကြောင်း သိရသည်။

ထို့ပြင် ပလက်ဝဒေသခံ အများစုသည် အစိုးရဝန်ထမ်းများဖြစ်ပြီး လက်ရှိတွင် အစိုးရယန္တရားများ ရပ်တန့်နေခြင်း ကြောင့် ယင်းဝန်ထမ်းများသည် အခက်အခဲ ပို၍ ကြုံတွေ့နေရကြောင်း၊ တခြားသော လုပ်ငန်းများ လုပ်ကိုင်ရန် အတွက်လည်း မိုင်းအန္တရာယ်ကြောင့် အဆင်မပြေကြောင်း သိရသည်။

ပလက်ဝဒေသခံတစ်ဦးက “ပလက်ဝမှာ နဂိုကတည်းက မြို့ပေါ်မှာနေတဲ့ လူထုအများစုက အစိုးရဝန်ထမ်းတွေ ဖြစ်နေတယ်။ တချို့ NGO ဝန်ထမ်းတွေ ဖြစ်နေတယ်။ ဘာသာရေး ခေါင်းဆောင်တွေ ဖြစ်နေတယ်။ အဲဒီလူတွေက အများစုပေါ့လေ။ အခု အစိုးရယန္တရား ပျက်စီးသွားပြီဆိုတဲ့ အခါကျတော့ အစိုးရဝန်ထမ်း မိသားစုဝင်တွေက ရပ်တည်ဖို့ တအားခက်သွားတာ မြို့ပေါ်လူထုက။ တောရွာတွေမှာကျတော့ တပိုင်တနိုင် တောင်ယာတွေ လုပ် တယ်၊ ပြီးရင် ကိုင်းတွေ သွားတယ်၊ ကိုင်းတွေခုတ်တယ် ဘာညာပေါ့။ သူတို့က စိုက်ခင်းတွေ လုပ်တယ်ပေါ့။ အဲဒီ လိုမျိုးနဲ့ အသက်မွေးဝမ်းကျောင်း ပြုကြတာ ပလက်ဝက။ စက်ရုံ၊ အလုပ်ရုံတွေ မရှိဘူး။ စက်ရုံအလုပ်ရုံလေးတွေ အစိုးရယန္တရား လည်ပတ်တဲ့အခါကျတော့ စည်ပင်တို့ ဘာတို့ ခေါ်တဲ့ဟာရှိတယ်။ စည်ပင်ရဲ့ လုပ်ငန်းတွေမှာ ကန်ထရိုက် ယူပြီးတော့ လုပ်သားတွေပေါ့ အဲဒီလိုနဲ့ ဝင်ငွေရှာတဲ့သူတွေ ရှိတယ်။ ကုမ္ပဏီတွေ ထောင်ပြီးတော့ ကန်ထရိုက်နဲ့ လမ်းတံတားခင်းတာတွေ အဲဒီလိုနဲ့ပဲ အသက်မွေးဝမ်းကျောင်း ပြုတာများတယ်” ဟု ပြောသည်။

ပလက်ဝမြို့နယ်တွင် လူဦးရေ ၁ သိန်းကျော် ရှိသည့်အနက် တိုက်ပွဲများကြောင့် နေရပ်စွန့်ခွာ တိမ်းရှောင် ထွက်ပြေး ကြရခြင်းကြောင့် လက်ရှိတွင် ပလက်ဝဒေသ၌ လူဦးရေ ထက်ဝက်ခန့်သာ ကျန်ရှိနိုင်ကြောင်း တိုက်ပွဲရှောင်အရေး ကူညီသူများထံမှ သိရသည်။

ပုံ - ပလက်ဝမြို့ ဒေသခံများကို တွေ့ရစဥ်

#centralnewsnaypyitaw

ကောင်မလေးက ပို၊က်ဆံယူမလာလို့ ကျတော်တစ်ယောက်ထဲပဲ စာ:လိုက်တယ်🤐

Skirt Style 🖤✨

Skirt Style 🖤✨

Skirt Style 🖤✨