ယနေ့ ရွှေဈေးနဲ့ နိုင်ငံခြားငွေလဲနှုန်းများ

နိုဝင်ဘာ ၂၀

#ရွှေဈေး

-ကမ္ဘာ့ရွှေဈေး
တအောင်စ ၂၆၄၀ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၄၀၉၇၆ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၂၀၀၀၀၀ ကျပ်
ဝယ်ဈေး ၆၁၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၀၀၀၀၀၀ ကျပ်
ဝယ်ဈေး ၅၉၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၄၀ ကျပ်
ဝယ်ဈေး - ၄၄၄၀ ကျပ်

-စင်္ကာပူဒေါ်လာ
ရောင်းဈေး - ၃၃၉၀ ကျပ်
ဝယ်ဈေး - ၃၃၂၀ ကျပ်

-ယူရို
ရောင်းဈေး - ၄၈၁၅ ကျပ်
ဝယ်ဈေး - ၄၆၉၀ ကျပ်

-ထိုင်းဘတ်
ရောင်းဈေး - ၁၃၁.၅၈ ကျပ်
ဝယ်ဈေး - ၁၂၈.၂၁ ကျပ်

-မလေးရှားရင်းဂစ်
ရောင်းဈေး - ၁၀၂၀ ကျပ်
ဝယ်ဈေး - ၉၉၀ ကျပ်

-တရုတ်ယွမ်
ရောင်းဈေး - ၆၂၆ ကျပ်
ဝယ်ဈေး - ၆၁၀ ကျပ်

-ဂျပန်ယန်း
ရောင်းဈေး - ၂၉.၂၁ ကျပ်
ဝယ်ဈေး - ၂၈.၄၆ ကျပ်

-အိန္ဒိယရူပီး
ရောင်းဈေး - ၅၃.၉၅ ကျပ်
ဝယ်ဈေး - ၅၂.၅၇ ကျပ်

-ကိုရီးယားဝမ်
ရောင်းဈေး - ၃.၂၆ ကျပ်
ဝယ်ဈေး - ၃.၁၈ ကျပ်

-စတာလင်ပေါင်
ရောင်းဈေး - ၅၇၆၀ ကျပ်
ဝယ်ဈေး - ၅၆၁၀ ကျပ်

-ဩစတြေးလျဒေါ်လာ
ရောင်းဈေး - ၂၉၆၅ ကျပ်
ဝယ်ဈေး - ၂၈၉၀ ကျပ်

-ကနေဒါဒေါ်လာ
ရောင်းဈေး - ၃၂၅၀ ကျပ်
ဝယ်ဈေး - ၃၁၇၀ ကျပ်

-ဟောင်ကောင်ဒေါ်လာ
ရောင်းဈေး - ၅၈၃ ကျပ်
ဝယ်ဈေး - ၅၆၈ ကျပ်

-ယူအေအီး
ရောင်းဈေး - ၁၂၄၀ ကျပ်
ဝယ်ဈေး - ၁၂၀၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM News

#သတင်းဟင်းလေးအိုးကြီး

တရုတ်နိုင်ငံခရီးစဉ်သည် အောင်မြင်သည့်ခရီးစဉ်တစ်ခုပင်ဖြစ်ကြောင်း နစကဥက္ကဋ္ဌပြောကြား

နိုဝင်ဘာ ၂၀

တရုတ်နိုင်ငံ ခရီးစဉ်သည် အောင်မြင်သည့် ခရီးစဉ်တစ်ခုပင်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ယမန်နေ့တွင် နေပြည်တော်ရှိ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပသည့် နိုင်ငံတော်စီမံအုပ်ချုပ်ရေးကောင်စီ အစည်းအဝေးတွင် ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက တရုတ်ပြည်သူ့သမ္မတနိုင်ငံဝန်ကြီးချုပ် H.E. Mr. Li Qiang နှင့် သီးခြားတွေ့ဆုံ ဆွေးနွေးစဉ် မိမိအနေဖြင့် မြန်မာနိုင်ငံ၏ဖြစ်ပေါ်ပြောင်းလဲမှုအခြေအနေများနှင့် ပတ်သက်၍ ကျယ်ကျယ်ပြန့်ပြန့်ဆွေးနွေး ပြောကြားခဲ့ကြောင်း၊ ထိုသို့ဆွေးနွေးစဉ် တရုတ်နိုင်ငံ ဝန်ကြီးချုပ်၏ ဆွေးနွေး ချက်များမှ အဓိကကျသည့် ဆွေးနွေးချက်များမှာ မြန်မာနိုင်ငံ အစိုးရ၏ ပြည်တွင်းတည်ငြိမ်အေးချမ်းရေး အတွက် ဆောင်ရွက်ချက်များကို တရုတ် နိုင်ငံဘက်က အစဉ်အမြဲထောက်ခံအားပေးနေကြောင်း၊ နိုင်ငံတော် စီမံအုပ်ချုပ်ရေး ကောင်စီ၏ ရှေ့လုပ်ငန်းစဉ်(၅)ရပ် အကောင်အထည်ဖော် ဆောင်ရွက်ခြင်းနှင့် ပတ်သက်၍ တရုတ်နိုင်ငံအနေဖြင့် တက်တက်ကြွကြွထောက်ခံအားပေးပြီး မြန်မာနိုင်ငံ၏ နိုင်ငံရေးတည်ငြိမ်မှု ရှိစေရန်နှင့် နိုင်ငံရေးအသွင်ကူးပြောင်းမှုလုပ်ငန်းစဉ်များကို ဆက်လက်တွန်းအားပေး ဆောင်ရွက်နေမှုကိုလည်း ထောက်ခံ အားပေးကြောင်း၊ တရုတ်နိုင်ငံအနေဖြင့် မြန်မာနိုင်ငံ၏ အချုပ်အခြာအာဏာနှင့် နယ်မြေပိုင်ဆိုင်မှုတို့ကို ထပ်လောင်း အတည်ပြုကြောင်း ပြောသည်။

မြန်မာနိုင်ငံအစိုးရ၏ တရုတ် - မြန်မာနယ်စပ် ဒေသကုန်သွယ်ရေးဂိတ်များနှင့်ပတ်သက်ပြီး စီမံခန့်ခွဲအုပ်ချုပ်မှု များကို တရုတ်နိုင်ငံအနေဖြင့် အားပေးကြောင်း၊ တရုတ်ဘက်အနေဖြင့် မြန်မာနိုင်ငံနှင့် အကျိုးတူပူးပေါင်း ဆောင်ရွက်မှုမှတစ်ဆင့် အတူတကွဖွံ့ဖြိုးတိုးတက်မှုရရှိလိုကြောင်း ဆွေးနွေးပြောကြားခဲ့ပြီး တရုတ်နိုင်ငံ အနေဖြင့် မြန်မာနိုင်ငံ၏ အချုပ်အခြာအာဏာ ပိုင်ဆိုင်မှုနှင့် မိမိတို့အစိုးရ၏ ဆောင်ရွက်ချက်များအပေါ် ပြတ်ပြတ်သားသား ရပ်တည်သည့် ပြောကြားချက်များပင်ဖြစ်ကြောင်း၊ ရွေးကောက်ပွဲနှင့်ပတ်သက်၍လည်း လိုအပ်သည့်ကူညီမှုများ ထောက်ပံ့ပေးမည့် အခြေအနေများနှင့် လူဦးရေနှင့်အိမ်အကြောင်းအရာ သန်းခေါင် စာရင်းကောက်ယူမှုနှင့် ပတ်သက်၍ ကူညီမှုများ ဆောင်ရွက်ပေးမည့် အခြေအနေများနှင့်ပတ်သက်၍ လည်းပြောကြားခဲ့ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက မိမိအနေဖြင့် တရုတ်ကွန်မြူနစ်ပါတီ၊ ဗဟိုကော်မတီအဖွဲ့ဝင်နှင့် ယူနန်ပြည်နယ် ပါတီ ကော်မတီအတွင်းရေးမှူး H.E. Mr. Wang Ning နှင့် တရုတ်ကွန်မြူနစ် ပါတီဗဟို ကော်မတီ ပေါလစ်ဗျူရိုအဖွဲ့ဝင်၊ ချုံချင့် မြူနီစီပယ်ပါတီကော်မတီအတွင်းရေးမှူး Mr. Yuan Jiajun တို့နှင့်လည်း တွေ့ဆုံဆွေးနွေးမှု ဆောင်ရွက်ခဲ့ပြီး ၎င်းတို့အနေဖြင့် မြန်မာနိုင်ငံဖွံ့ဖြိုးတိုးတက်ရေးနှင့် တည်ငြိမ်အေးချမ်းရေး အတွက် အပြည့်အဝပူးပေါင်း ဆောင်ရွက်သွားမည့် အခြေအနေများကို ပြောကြားခဲ့ကြောင်း၊ အပြုသဘော ဆောင်သော ကောင်းမွန်သည့်ဆွေးနွေးမှုများကို တွေ့ရှိခဲ့ရကြောင်း၊ မြန်မာနိုင်ငံနှင့်ပတ်သက်၍ အထူး အလေးထားသော ပြောဆိုဆက်ဆံမှု၊ ဆွေးနွေးမှုများကို ထင်ရှားစွာတွေ့ရှိခဲ့ ရကြောင်းဖြင့် ပြောကြားခဲ့သည်။

#centralnewsnaypyitaw

၁၂ရာသီဖွားများအတွက် တစ်ပတ်စာဟောစာတမ်း (Part-1)

1. Aries ♈ March 21-April 20
ဒီရာသီဖွားတွေအနေနဲ့က အခွင့်အရေးများ အပြောင်းအလဲများ နဲ့ကြုံရတတ်ပါတယ်။အလုပ်အကိုင်အသစ်များအသစ်အသစ်သောစတင်မှုများပြုလုပ်ရန်ကောင်းသောကာလဖြစ်ပါတယ်။စီးပွားရေး နဲ့ငွေကြေးအသင့်အတင့်ကောင်းမွန်ပြီးအခက်အခဲများရှိပါကစတင်ပြေလည်လာနိုင်ပါတယ်။ပညာရေးတွင်မိမိရယူသင့်သော ရရှိသင့်သောအခွင့်အရေးများပေါ်လာတတ်ပါတယ်။ကျန်းမာရေး အနေဖြင့်အအေးမိခြင်း ကိုယ်လက်ကိုက်ခဲခြင်းများအပြင် ခြေချော်လက်ချော် ဖြစ်တတ်ပါတယ်။အချစ် ရေးကံအနေဖြင့်ပျော်ရွှင်စရာများကြုံရတတ်ပြီးအဆင်ပြေနေပါလိမ့်မယ်။သို့သော်မိမိပြောသောစကားများကိုသတိထားရန်လိုအပ်ပါတယ်။

2. Taurus ♉ April 21 - May 20
ဒီရာသီဖွားများအနေဖြင့်လတ်တလောတွင်အတွေးများနေတတ်ပြီးစိတ်ဓာတ်ကျတတ်သောသဘောတွေ့ရတတ်ပါတယ်။စီးပွားရေး နှင့်ငွေကြေးပိုင်းတွင်ကြပ်တည်းနေနိုင်သော်လည်းကာလတိုသာဖြစ်၍ပြေလည်လာပါလိမ့်မယ်။ပညာရေးပိုင်းတွင်အသင့်အတင့်ရှိပြီးစိတ်အာရုံစူးစိုက်မှုအားနဲနေတတ်ပါတယ်။ကျန်းမာရေး အနေဖြင့်စိတ်နှင့်ဦးခေါင်းပိုင်းဆိုင်ရာများကိုအထူးသတိထားရပါမယ်။ သွေးအားနဲခြင်းကိုလဲသတိထားရန်လိုအပ်ပါတယ်။အချစ် ရေးကံအနေနဲ့အနှောက်အယှက်များပြီးစိတ်ခံစားလွယ်နေတတ်ပါတယ်။အချင်းချင်း ပြောဆိုဆက်ဆံရာတွင်သတိထား၍ပြောဆိုရန်လိုပါလိမ့်မယ်။

3. Gemini ♊ May 21-June 20
ဒီရာသီဖွားတွေအနေနဲ့ လေ့လာသင်ယူမှုပြုစရာပညာဗဟုသုတအသစ်များ အသိအမြင်အသစ်များရရှိလာပါလိမ့်မယ်။စီးပွားရေး နှင့်ငွေကြေးကံအဆင်ပြေကောင်းမွန်ပြီး ပုံမှန်ဝင်ငွေများရရှိပါလိမ့်မယ်။ငွေအဝင်အထွက်မျှနေတတ်သောကြောင့်မိမိ၏ငွေကြေးစီမံမှုချင့်ချိန်တတ်ဖို့လိုပါမယ်။ပညာရေးကံအထူးကောင်းမွန်သောကာလဖြစ်ပြီးပညာအသစ်များဆည်းပူးလေ့လာရန်သင့်သောကာလဖြစ်ပါတယ်။ကျန်းမာရေး အနေနဲ့ခါးအထက်ပိုင်းဆိုင်ရာရောဂါများသတိပြုရန်လိုပါမယ်။အချစ်ရေးမှာတော့မိမိ၏ခေါင်းမာမှုကြောင့်စကားများရတတ်ပါတယ်။စိတ်အတက်အကျများနေတတ်သောကြောငိ့မိမိစိတ်ကိုထိန်းချုပ်နိုင်ရနိလိုအပ်ပါလိမ့်မယ်။

4. Cancer ♋ June 21-July 22
ဒီရာသီဖွားတွေအနေနဲ့အခုရက်ပိုင်းမှာ အကြံဥာဏ်အသစ်များ သတင်းထူးများ အကြောင်းကြားချက်များလက်ခံရရှိတတ်ပါတယ်။စီးပွားရေး နှင့်ငွေကြေးကံအသင့်အတင့်ရှိပြီးမိမိအားစိုက်ထုတ်သလောက်အကျိုးခံစားရတတ်ပါတယ်။ပညာရေးပိုင်းဆိုင်ရာအတွေးအမြင်အသစ်များရရှိတတ်ပြီးတီထွင်ဖန်တီးမှုဥာဏ်အားကောင်းသောကာလဖြစ်ပါတယ်။ကျန်းမာရေး အနေနဲ့ကိုယ်လက်ကိုက်ခဲခြင်းနှင့်ခါးအောက်ပိုင်းဆိုင်ရာရောဂါများသတိပြုဖို့လိုပါလိမ့်မယ်။အချစ်ရေးကံအသင့်အတင့်ရှိပြီးကာလတိုပျော်ရွှင်မှု သာယာမှုများ ခံစားရပါလိမ့်မယ်။စိတ်အတက်အကျများနေတတ်သေးကြောင့်စိတ်ခံစားလွယ်ပြီး စကားများရတတ်ပါတယ်။

5. Leo ♌ July 23-August 22
ဒီရာသီဖွားတွေအနေနဲ့ တွေးမိတွေးရာတွေးနေတတ်ပြီးစိတ်အာရုံစုစည်းမှုအားနဲနေပါလိမ့်မယ်။စီးပွားရေး နှင့်ငွေကြေးကံကောင်းမွန်သော်လည်းလိမ်လည်လှည့်ဖြားမှုခံရခြင်း ဆုံးဖြတ်ချက်မှားခြင်းစသည်တို့နှင့်ပါတ်သက်၍သတိထားရန်လိုပါလိမ့်မယ်။ပညာရေးပိုင်းတွင်မိမိလျှောက်နေသောလမ်းနှင့်မိမိအတွက်သင့်တော်သောလမ်းကိုက်ညီမှုမရှိဖြစ်တတ်ပါတယ်။ကျန်းမာရေး ကံကောင်းမွန်ပြီးစိတ်ခံစားချက်နှင့်အာရုံကြောပိုင်းဆိုင်ရာရောဂါများသတိပြုရပါမယ်။အချစ်ရေးမှာသင့်တင့်သောကံရှိသော်လည်းမိမိ၏စိတ်လိုက်မာန်ပါပြောဆိုခြင်းတဇွတ်ထိုးဆန်ခြင်းတို့ကြောင့်မဖြစ်သင့်သောပြသနာများကြုံလာရတတ်ပါတယ်။

6. Virgo ♍ August 23-September 22
ဒီရာသီဖွားတွေအနေနဲ့အခုလတ်တလောမှာရွေးချယ်စရာများနေတတ်ပါတယ်။ဆုံးဖြတ်ချက်ချရန်ခက်ခဲနေတတ်ပြီးမိမိ၏ရှေ့ရေးနှင့်ပါတ်သက်၍လမ်းပျောက်နေတတ်ပါတယ်။စီးပွားရေး နှင့်ငွေကြေးကံအသင့်အတင့်ရှိပြီးရွေးချယ်မှုတခုနှင့်တခုကြားသတိပြုရန်လိုပါလိမ့်မယ်။ငွေကြေးနှင့်ပါတ်သက်၍စကားပြောရသည့်အခါညှိနှိုင်ူမှုများပြုလုပ်ရပါလိမ့်မယ်။ပညာရေးတွင်နိုင်ငံခြားကံကောင်းမွန်ပြီးရွေးချယ်စရာများတတ်သော်လည်းဆုံးဖြတ်ချက်မှားတတ်သောကြောင့်သတိပြုရန်လိုအပ်ပါတယ်။ကျန်းမာရေး တွင်မျက်စိနှင့်အာရုံကြောဆိုငိရာရောဂါများနှင့်ပါတ်သက်၍သတိပြုရပါမယ်။အချစ်ရေးတွင်တဖက်ဖက်ကပြိုင်ဘက်ပေါ်လာတတ်ပြီးရှေ့ဆက်ရန်တွေဝေနေတတ်ပါတယ်။စိတ်ဖိစီးမှုများနေတတ်သောကြောင့်ဆုံးဖြတ်ချက်များမမှားယွင်းစေရန်သတိပြုရပါလိမ့်မယ်။

@tarot_Queen

အဲရစ်ဆန်ကို ယူနိုက်တက် ထွက်ခွာခွင့်ပေးဖွယ်ရှိ

နိုဝင်ဘာ ၂၀

ယူနိုက်တက်အသင်းဟာ ကွင်းလယ်လူ အဲရစ်ဆန်ရဲ့ စာချုပ်ကို သက်တမ်းတိုးဖို့ မစဉ်းစားဘဲ ရာသီကုန်ချိန်မှာ ထွက်ခွာခွင့် ပေးဖွယ်ရှိနေတာ ဖြစ်ပါတယ်။

၂၀၂၂ ခုနှစ် နွေရာသီက ၃ နှစ်စာချုပ်နဲ့ ယူနိုက်တက်အသင်းထံ ရောက်ရှိလာခဲ့တဲ့ အဲရစ်ဆန်ရဲ့စာချုပ်ဟာ ၂၀၂၅ ခုနှစ် နွေရာသီကျရင် ကုန်ဆုံးပြီဖြစ်ပါတယ်။

အသက် ၃၂ နှစ်အရွယ်ရှိ အဲရစ်ဆန်ဟာ ပြီးခဲ့တဲ့ရာသီတွေမှာ ယူနိုက်တက်အသင်းရဲ့ အရေးပါတဲ့ ကစားသမား ဖြစ်ခဲ့သလို ဒီရာသီမှာလည်း ပါဝင်ကစားတဲ့ ပွဲတိုင်းနီးပါး ခြေစွမ်းပြသနေတာ ဖြစ်ပါတယ်။

အဲရစ်ဆန်ဟာ ဒီရာသီမှာ ယူနိုက်တက်အသင်းအတွက် ၁၃ ပွဲ ပါဝင်ကစားထားပြီး ၄ ဂိုးသွင်းယူကာ ၃ ဂိုး ဖန်တီးထားတာပါ။

နာမည်ကြီးဂျာနယ်လစ် ဖာဘရီဇီယိုရိုမန်နိုက ယူနိုက်တက်အသင်းဟာ အဲရစ်ဆန်ကို စာချုပ်ကုန်ဆုံးချိန်မှာ အလွတ်နဲ့ ထွက်ခွာဖို့ မျှော်လင့်ထားတယ်လို့ ဖော်ပြထားပါတယ်။

ယူနိုက်တက်အသင်းနဲ့ အဲရစ်ဆန်တို့ဟာ စာချုပ်သစ်အတွက် အခုအချိန်ထိ ဆွေးနွေးညှိနှိုင်းမှု ပြုလုပ်ရခြင်း မရှိသေးသလို နည်းပြသစ် အာမိုရင်ကလည်း သူ့ကို ရေရှည်အတွက် စဉ်းစားဖွယ်မရှိတာပါ။

အဲဒါကြောင့် ဒိန်းမတ်ကွင်းလယ်လူ အဲရစ်ဆန်ဟာ ယူနိုက်တက်အသင်းကနေ ထွက်ခွာရဖွယ် ရှိနေတာ ဖြစ်ပါတယ်။

အဲရစ်ဆန်ဟာ ဒိန်းမတ်အသင်းမှာ ပုံမှန်ကစားခွင့် ရရှိနေတာကြောင့် ယူနိုက်တက်အသင်းကနေ ထွက်ခွာခဲ့ရင် ပုံမှန်ကစားခွင့် ရရှိနိုင်မယ့် အသင်းထံ ပြောင်းရွှေ့ဖွယ်ရှိနေပါတယ်။

အဲရစ်ဆန်ကို ခေါ်ယူဖို့ ပြီးခဲ့တဲ့နွေရာသီက တူရကီကလပ်တွေ အပါအဝင် အသင်းအချို့က စိတ်ဝင်စားခဲ့ပေမယ့် သူကတော့ ယူနိုက်တက်အသင်းမှာ ဆက်ပြီးရှိနေခဲ့တာပါ။

အဲရစ်ဆန်ဟာ ယူနိုက်တက်အသင်းအတွက် ၈၅ ပွဲ ပါဝင်ကစားထားပြီး ၇ ဂိုးသွင်းယူကာ FA ဖလား ချန်ပီယံဆုကို ရရှိခဲ့ပါတယ်။

ယူနိုက်တက်အသင်းဟာ ဒီတစ်ပတ် ပရီးမီးယားလိဂ် ပွဲစဉ်အဖြစ် အစ်စဝှစ်ချ်အသင်းနဲ့ ယှဉ်ပြိုင်ရမှာဖြစ်ပြီး အဲရစ်ဆန် အနေနဲ့ နည်းပြသစ် အာမိုရင်ရဲ့ လက်အောက်မှာ ပွဲထွက်လူစာရင်း ပါဝင်နိုင်မလားဆိုတာ စောင့်ကြည့်ရမှာ ဖြစ်ပါတယ်။

ပုံ - အဲရစ်ဆန်ကို တွေ့ရစဉ်

#centralnewsmyanmar

ကူးသန်းရောင်းဝယ်ရေးဝန်ကြီးအဖြစ် သန်းကြွယ်သူဌေး Lutnick ကို Trump အမည်တင်သွင်းမည်

နိုဝင်ဘာ ၂၀

အမေရိကန် ငွေကြေး လုပ်ငန်းရှင် Howard Lutnick ကို လာမယ့် အမေရိကန် အစိုးရသစ်မှာ ကူးသန်းရောင်းဝယ်ရေး ဝန်ကြီး အဖြစ် အမည်စာရင်း တင်သွင်းဖို့ ပြင်ဆင်ထားကြောင်း ရွေးကောက်ခံ သမ္မတ Donald Trump က အင်္ဂါနေ့မှာ ကြေညာပါတယ်။ အသက် ၆၃ နှစ် အရွယ် ဘီလျံနာ သူဌေးကြီးဟာ ရွေးကောက်ခံ သမ္မတ Trump ရဲ့ အသွင်ကူးပြောင်းရေး အဖွဲ့ရဲ့ ပူးတွဲ ဥက္ကဋ္ဌလည်း ဖြစ်ပါတယ်။

လာမယ့် ဇန်နဝါရီလ ၂၀ ရက်နေ့မှာ စတင် တာဝန်ယူမယ့် Trump လက်ထက်မှာ အစိုးရ ထိပ်တန်း ရာထူးတွေ အတွက် လူပေါင်းများစွာကို စိစစ် ရွေးချယ်ရာမှာ ကူညီနေသူလည်း ဖြစ်ပါတယ်။ ဒီလပိုင်းတွေ အတွင်း Trump ကို ပွင့်ပွင့်လင်းလင်း ထောက်ခံနေသူ တဦးလည်း ဖြစ်ပါတယ်။ Cantor Fitzgerald ငွေရေးကြေးရေး ဝန်ဆောင်မှု လုပ်ငန်းကြီးရဲ့ အမှုဆောင် အရာရှိချုပ်နဲ့ ဥက္ကဋ္ဌ ဖြစ်တဲ့ Lutnick ဟာဆိုရင် ဘဏ္ဍာရေး ဝန်ကြီး ရာထူး နေရာ အတွက် စဉ်းစားထားခဲ့ရတာ ဖြစ်တယ်လို့လည်း ပြောကြပါတယ်။

ဒါပေမဲ့လည်း ရင်းနှီးမြှုပ်နှံသူ Scott Bessent လို ပုဂ္ဂိုလ်နဲ့ ယှဉ်ပြိုင်ရာမှာ အရေးနိမ့်သွားတာလို့လည်း Trump နဲ့ ဆက်နွယ်ပတ်သက်သူတွေက ပြောကြပါတယ်။ ဘဏ္ဍာရေး ဝန်ကြီး ရာထူး နေရာ အတွက်တော့ အခုအချိန်ထိ မရွေးချယ်ရသေးပါဘူး။ Lutnick ကို ကူးသန်းရောင်းဝယ်ရေး ဝန်ကြီး အဖြစ် အမည်တင်သွင်းလာပြီး အထက်လွှတ်တော်ကလည်း အတည်ပြုမယ်ဆိုရင်တော့ သူဟာ သမ္မတရဲ့ စီးပွားရေးနဲ့ ကုန်သွယ်ရေး မူဝါဒတွေကို အကောင်အထည်ဖော်ရေး ဦးဆောင် အခန်းကဏ္ဍကနေ ဆောင်ရွက်လာနိုင်ပါတယ်။

📷 ကူးသန်းရောင်းဝယ်ရေး ဝန်ကြီး အဖြစ် အမည်စာရင်း တင်သွင်းခံရမယ့် အမေရိကန် ငွေကြေး လုပ်ငန်းရှင် Howard Lutnick အား မဲဆွယ်ပွဲတခုမှာတွေ့ရစဉ် (အောက်တိုဘာ ၂၇၊ ၂၀၂၄)

Credit - Voice of American

#သတင်းဟင်းလေးအိုးကြီး

ရုရှားပိုင်နက်ထဲကို အမေရိကန်ရဲ့ ATACMS ဒုံးကျည်တွေနဲ့ ယူကရိန်း စတင်တိုက်ခိုက်ပြီ

နိုဝင်ဘာ ၂၀

ယူကရိန်းဟာ ရုရှားပိုင်နက်ထဲကို အမေရိကန်ထောက်ပံ့ပေးထားတဲ့ တာဝေးပစ်ဒုံးကျည်တွေနဲ့ ပထမဆုံးအကြိမ် ပစ်ခတ်တိုက်ခိုက်ခဲ့တယ်လို့ ရုရှားအစိုးရက ပြောပါတယ်။

ဒီဒုံးကျည်တွေနဲ့ ရုရှားပိုင်နက်ထဲကို တိုက်ခိုက်ဖို့အတွက် အမေရိကန်သမ္မတ ဂျိုးဘိုင်ဒင်က ခွင့်ပြုချက်ပေးပြီးနောက် တရက်အကြာမှာ တိုက်ခိုက်ခဲ့တာဖြစ်ပြီး ATACMS ဒုံးကျည်အသုံးပြုတိုက်ခိုက်တာနဲ့ ပတ်သက်ပြီး အမေရိကန်တာဝန်ရှိသူတွေက အတည်ပြုကြောင်း စီဘီအက်စ် သတင်းဌာနက ဆိုပါတယ်။

တိုက်ခိုက်မှုနဲ့ပတ်သက်ပြီး ယူကရိန်းကတော့ တစုံတရာမှတ်ချက်မပေးသေးပါဘူး။ တာဝေးပစ်ဒုံးကျည်တွေနဲ့ တိုက်ခိုက်မှုဟာ ယူကရိန်းမြောက်ပိုင်းနဲ့ ထိစပ်နေတဲ့ ဘရိုင်ယန့်စ်ဒေသကို ပစ်မှတ်ထားခဲ့တာလို့ ရုရှားကာကွယ်ရေးဝန်ကြီးဌာနက ပြောပါတယ်။

ယူကရိန်းပစ်လိုက်တဲ့ ဒုံးကျည်ငါးစင်းကို ပစ်ချနိုင်ခဲ့ပြီး တစင်းကတော့ စစ်ဘက်ဆိုင်ရာ အဆောက်အအုံတခုမှာ မီးလောင်ပျက်စီးသွားတယ်လို့ ရုရှားတာဝန်ရှိသူတွေက ပြောပါတယ်။ ဒါပေမယ့်လည်း အမေရိကန်တာဝန်ရှိသူတွေကတော့ ယူကရိန်းပစ်လိုက်တဲ့ ဒုံးကျည်ရှစ်စင်းအနက် နှစ်စင်းကိုသာ ရုရှားက ကြားဖြတ်နိုင်ခဲ့တယ်လို့ ပြောပါတယ်။

အမေရိကန်ဟာ ယူကရိန်းစစ်ပွဲကို မီးစာထည့် အရှိန်မြင်အောင်လုပ်နေတယ်လို့ ရုရှားနိုင်ငံခြားရေးဝန်ကြီး ဆာဂေးလပ်ရော့ဗ်က ပြောပါတယ်။ ဒါဟာ ရုရှားနဲ့ အနောက်နိုင်ငံတွေရဲ့ စစ်မျက်နှာသစ်အဖြစ်သတ်မှတ်ပြီး တုံ့ပြန်သွားမယ်လို့ ဂျီ-၂၀ ထိပ်သီးဆွေးနွေးပွဲ သတင်းစာရှင်းလင်းပွဲမှာ ရုရှားနိုင်ငံခြားရေးဝန်ကြီးက ထုတ်ဖော်ပြောဆိုပါတယ်။

Ref:BBC
Photo:Getty Images

#centralnewsnaypyitaw

နိုဝင်ဘာ ၂၀ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

နိုဝင်ဘာ ၂၀ ရက်နေ့ စက်သုံးဆီစျေးနှုန်းများ

#centralnewsnaypyitaw

"Trump သည် Texas ရှိ Musk ၏ SpaceX လွှတ်တင်မှုကို သွားရောက်ကြည့်ရှု။"