Elbit ကုမ္ပဏီက အစ္စရေးတပ်မတော်အတွက် ခေတ်မီဆက်သွယ်ရေးစက်တွေ ထုတ်လုပ်ပေးမည်
နိုင်ငံတကာ၊ ဒီဇင်ဘာ ၁၈
အစ္စရေးကာကွယ်ရေးတပ်ဖွဲ့ (IDF) အတွက် ခေတ်မီဆက်သွယ်ရေးစနစ်မျိုးစုံထောက်ပံ့ဖို့အတွက် Elbit Systems ကုမ္ပဏီဟာ ဒေါ်လာ သန်း ၁၃၀ တန် ကန်ထရိုက်စာချုပ်တစ်ခုကို လက်မှတ်ရေးထိုးလိုက်ပါတယ်။
အခုသဘောတူညီချက်အရ Elbit Systems က အစ္စရေးတပ်မတော်အတွက် ဆော့ဖဲဝဲလ်အသုံးပြု ရေဒီယို ဆက်သွယ်ရေးစက်မျိုးစုံ၊ ဂြိုဟ်တုဆက်သွယ်ရေးစနစ်တွေနဲ့ အလိုအလျောက်အသုံးပြုရမယ့်ပစ္စည်း တွေအတွက် ဒေတာလင့်တွေ ကို ထုတ်လုပ်ပေးသွားမှာဖြစ်ပါတယ်။
တိုက်ခိုက်ရေးအဖွဲ့တွေအတွက် ဒေသတွင်း ၂၄ နာရီ ပြုပြင်ထိန်းသိမ်းရေးစင်တာ (24/7 regional maintenance centers) တွေ ဖွင့်လှစ်ပေးဖို့လည်း အစ္စရေးတပ်မတော်က Elbit Systems ကို တောင်းဆို ထားပါတယ်။
အခုကန်ထရိုက်စာချုပ်ဟာ ဒေသတွင်းထုတ်လုပ်မှုလိုင်းမှာ ထုတ်လုပ်မှုလွတ်လပ်ရေးနဲ့ တိုးတက်မှုကို ထိန်းသိမ်းရင်း အစ္စရေးတပ်မတော်ရဲ့ လက်ရှိကာလနဲ့ အနာဂတ်ကာလ လိုအပ်မှုတွေကို ထောက်ပံ့ဖို့အတွက် အစ္စရေးအစိုးရရဲ့ ကျယ် ပြန့်တဲ့ ကျယ်ပြန့်တဲ့ရည်ရွယ်ချက်ကို ပံ့ပိုးသွားမှာဖြစ်ပါတယ်။
“အစ္စရေးတပ်မတော်ရဲ့ ဒစ်ဂျစ်တယ်လ်လုပ်ငန်းကြိုးပမ်းမှုမှာ အဓိကမိတ်ဖက်အဖွဲ့အစည်းတစ်ရပ်အနေနဲ့ စစ်မြေပြင်က တပ်ဖွဲ့တွေကို ခေတ်အမီဆုံးနဲ့ လုံခြုံစိတ်ချရဆုံး နည်းဗျူဟာဆက်သွယ်ရေးစနစ်တွေ ထောက်ပံ့ပေးရတဲ့အတွက် ကျွန် တော်တို့ ဂုဏ်ယူပါတယ်။” လို့ Elbit Systems C4I & Cyber General Manager ဟိုင်းမ်ဒယ်လ်မာက ပြောပါတယ်။
“ဒီဆက်သွယ်ရေးစနစ်တွေဟာ နယ်ပယ်စုံဆက်သွယ်ရေးနဲ့ စစ်ဆင်ရေးသာလွန်မှုအတွက် အင်အားကောင်းပြီး စွမ်းရည် ပြည့်ဝတဲ့ ကွန်ရက်တစ်ခုကို အသုံးပြရင်း ဒစ်ဂျစ်တယ်လ်တပ်မတော်ရဲ့ အခြေခံအုတ်မြစ်အဖြစ် တာဝန်ထမ်းဆောင်သွား မှာဖြစ်ပါတယ်။” လို့ ၎င်းက ပြောပါတယ်။
Elbit Systems ကုမ္ပဏီဟာ ဧပြီလအတွင်းကလည်း ဥရောပနိုင်ငံတစ်နိုင်ငံရဲ့ အမြောက်တပ်ရင်းတွေအတွက် ဆက် သွယ်ရေးစနစ်တွေထုတ်လုပ်ပေးဖို့ အလားတူ ကန်ထရိုက်စာချုပ်တစ်ခုကို လက်ခံရရှိခဲ့ပါတယ်။
Elbit Systems ၂၀၂၃ ခုနှစ်တုန်းက E-Lynx ဆက်သွယ်ရေးစက်တွေ ထုတ်လုပ်ပေးဖို့အတွက် စပိန်နိုင်ငံ၊ ဥရောပနိုင်ငံ တစ်နိုင်ငံတို့နဲ့ စာချုပ်ချုုပ်ဆိုခဲ့ပါတယ်။
၂၀၂၂ ခုနှစ်တုန်းကလည်း ဖင်လန်တပ်မတော်အတွက် ခေတ်မီဆက်သွယ်ရေးစနစ်တွေ ထောက်ပံ့ပေးဖို့ Elbit Systems ကုမ္ပဏီဟာ ကန်ထရိုက်စာချုပ်တစ်ခု လက်ခံရရှိခဲ့ပါတယ်။
Ref: Israel Defense Forces to Receive ‘Thousands’ of Elbit Communication Systems
#centralnewznaypyitaw
