ပိတ်ပင်ရန် ဖိအားပေးခံရနေသည့် TikTok စီအီးအိုနှင့် ထရမ့်တို့ တွေ့ဆုံ

ဝါရှင်တန်၊ ဒီဇင်ဘာ ၁၈

အမေရိကန် ရွေးကောက်ခံသမ္မတ ဒေါ်နယ်ထရမ့် (Donald Trump) က ဖလော်ရီဒါ (Florida) ပြည်နယ်ရှိ Mar-a-Lago စံအိမ်တွင် ပိတ်ပင်ရန် ဖိအားပေးခံရနေရသည့် TikTok စီအီးအို ချူးရှူကျီ (Chew Shou Zi) နှင့်တွေ့ဆုံခဲ့ ကြောင်း South China Morning Post မှ ဖော်ပြခဲ့သည်။

ထရမ့်သည် ဒီဇင်ဘာ ၁၆ ရက်က ကမ္ဘာ့ပြဿနာများ အားလုံးကို ဖြေရှင်းရန် အမေရိကန်နှင့် တရုတ်အကြား ပူးပေါင်းဆောင်ရွက်သွားမည်ဟု ပြောကြားခဲ့ပြီးနောက် နာရီပိုင်းအကြာတွင် TikTok စီအီးအိုနှင့် တွေ့ဆုံခဲ့ခြင်း ဖြစ်သည်။

အမေရိကန်တွင် TikTok ကို ပိတ်ပင်ရေးဥပဒေကို ယာယီဆိုင်းငံ့ ပေးထားရန် TikTok ကုမ္ပဏီက အမေရိကန် တရားရုံးချုပ်ထံ အရေးပေါ် အယူခံဝင်ထားချိန်၌ ထရမ့်နှင့် ချူးတို့၏ တွေ့ဆုံမှု ပေါ်ပေါက်လာခြင်းဖြစ်သည်။

TikTok အနေဖြင့် တရုတ် မဟုတ်သည့် အခြားကုမ္ပဏီတစ်ခုအား ဇန်နဝါရီ ၁၉ ရက်ထက် နောက်မကျဘဲ ရောင်းချရန်၊ သို့မဟုတ်ပါက အမေရိကန်တွင် TikTok ကို ပိတ်ပင်သွားမည့်ဥပဒေကို TikTok ကုမ္ပဏီက အယူခံဝင်ခဲ့ခြင်းဖြစ်သည်။

ဇန်နဝါရီ ၁၉ ရက်သည် ထရမ့် ကျန်းသစ္စာ မကျိန်ဆိုမီ တစ်ရက်အလိုဖြစ်သည်။

ဒီဇင်ဘာ ၁၆ ရက် နံနက်အစောပိုင်းက ပြုလုပ်သည့် သတင်းစာ ရှင်းလင်းပွဲတွင် ထရမ့်က သူသည် TikTok ပိတ်ပင်ခံရမည့် အရေးကို တားဆီးရန် ဆန္ဒရှိကြောင်း အရိပ်အမြွက် ပြောကြားခဲ့သည်။

"TikTok အကြောင်း ပြောရမယ်ဆိုရင် ခင်ဗျားတို့ သိတဲ့အတိုင်းပဲ၊ TikTok အတွက် ကျနော့် နှလုံးသားထဲမှာ နွေးထွေးတဲ့ နေရာတစ်ခုရှိပါတယ်။ TikTok အရှိန်အဝါက ကြီးပါတယ်။ အဲဒါကြောင့် ကျနော်တို့ ဂရုစိုက်ပြီး လုပ်ဆောင်ရမှာ ဖြစ်ပါတယ်" ဟု ထရမ့်က ပြောကြားခဲ့သည်။

ထို့ပြင် TikTok သည် အမေရိကန်ရွေးကောက်ပွဲ မတိုင်မီက မဲဆွယ်စည်းရုံးရေး ကာလအတွင်း ၎င်းနှင့် လူငယ် မဲဆန္ဒရှင်များအကြား ချိတ်ဆက်မှုကို ပိုမိုမြင့်တက်စေခဲ့သည်ဟု ထရမ့်က ပြောသည်။

ထရမ့်နှင့် TikTok စီအီးအိုတို့၏ တွေ့ဆုံမှုတွင် အစည်းအဝေး ပြုလုပ်ခဲ့ခြင်း ရှိ/မရှိနှင့် မည်သည့် အကြောင်းအရာ များကို ဆွေးနွေးခဲ့သည်ဆိုခြင်းနှင့် ကြေညာချက် တစ်စုံတစ်ရာ ထုတ်ပြန်ခဲ့ခြင်း ရှိ/မရှိကို နှစ်ဖက်စလုံးက အတည်ပြုခဲ့ခြင်းမရှိပေ။

အမေရိကန်မီဒီယာများကလည်း ထရမ့်နှင့် ချူးတို့ မည်သည့် အကြောင်းအရာများကို ဆွေးနွေးခဲ့သည်ဆိုခြင်းကို ရှင်းလင်းစွာ မသိရကြောင်း ဖော်ပြခဲ့သည်။

Source: South China Morning Post

ပုံ - ဒေါ်နယ်ထရမ့်ကို Tik Tok အက်စ်နဲ့တွေ့ရစဉ်

#centralnewsnaypyitaw

Part-(1)
ကဗျာဆရာ မောင်သိင်္ဂါ
ကဗျာဆရာ မောင်သိင်္ဂါဆိုတာ ခုအခါမှာ သူနဲ့ ခေတ်ပြိုင်ရေးဘက် ကဗျာ ဆရာများကလွဲလို့ သိတဲ့လူရှိမယ်မထင်ပါ။ သူကလည်း ဒီကလောင်နာမည်ကြီးဟာ ပါဠိဆန်၊ ရှေးဆန်လို့လားမသိ၊ ဆက်မသုံးတော့ဘဲ သူ့နာမည်ရင်းနဲ့သာ ရေးနေပါ တော့တယ်။
ကျွန်တော်တို့တစ်တွေ- ကြည်အောင်၊ မောင်မိုးသူ၊ လေးမောင်(မြင်းခြံ)တို့ တက္ကသိုလ်ရောက်တာက ၁၉၅၆ ခုနှစ်ပါ။ အဲဒီနှစ်မှာ မောင်သိင်္ဂါ၊ မောင်ပေါက် စည်၊ မောင်အောင်သျှန်၊ တက္ကသိုလ်နွယ်ထွန်း၊ ဘုတလင်ချစ်လေး၊ တက္ကသိုလ် မောင်ထွန်းဝေတို့က နာမည်ရစ ကဗျာဆရာတွေပါ။ ကျွန်တော်တို့က ကလောင် နာမည်တောင် မရှိသေးပါ။ ကိုဘဂျမ်း(တင်မိုး)ဆိုတာ ၁၉၅၇-၅၈ ကျမှ တက္ကသိုလ် ရောက်တာ။ ကျွန်တော်တို့ တက္ကသိုလ်ရောက်တော့ အထူးသဖြင့် မောင်သိင်္ဂါနဲ့ မောင်ပေါက်စည်တို့က နံရံကပ်စာစောင်တွေနဲ့ တက္ကသိုလ်နှစ်လည်မဂ္ဂဇင်းတွေမှာ လေးချိုး၊ သံချိုကဗျာမျိုးတွေနဲ့ ရေးနေကြပါပြီ။ ကြည်အေးရဲ့ လေးချိုးကဗျာသံတွေ ရဲ့ လေသံနဲ့ တူသလိုပါပဲ။
ကျွန်တော်မှတ်မိတာက မောင်သိင်္ဂါရဲ့ ကဗျာမှာ-
လက်ကလေး တကက
အရက်ကလေး တမြမြ
ကြက်ကလေး တမွမွနဲ့
---------------------
သဲတွေ ခဲတွေ လျှံတဲ့
ဘဲငွေစံ ချောင်းငွေရိပ်မှာလ
ပုန်းအိပ်မယ်လေး...။ ဆိုတာကလေးတွေကို မှတ်မိပါတယ်။ နောက်တစ်ပုဒ်ကတော့ ဘဝသရုပ်ဖော်၊ နိုင်ငံရေးဆန်လာသလိုပဲ။
ဤအကလေး
ဆင်းသွေးနုဖပ်
အဝတ်
မြင်ဖွယ်မကောင်း
ကျောင်း
မသွားနိုင်
ဝမ်းစာကိုယ်တိုင် ကျောင်းနေရရှာ၏
စသည်ဖြင့် ပုံစံမျိုးနဲ့ အတွေးရော အရေးပါ ခေတ်ဆန်လာပါတယ်။ နောက်တစ်ပုဒ်ကတော့ ပိုပြီးနိုင်ငံရေးဆန်လာပါတယ်။ အဲဒီကဗျာကတော့ ကျွန်တော့်ဆီမှာ အပြည့်အစုံရှိလို့ အပြည့်အစုံပဲ ဖော်ပြလိုက်ပါမယ်။ ဒီကဗျာပြီးတေ နောက်ထပ်ကဗျာရေးတာ မတွေ့ ရတော့ပါဘူး။ အင်္ဂလိပ်ကဗျာတွေကိုပဲ ဘာသ ပြန်နေရတာများပါတယ်။ သူ့သူငယ်ချင်း တင်မိုး၊ ကြည်အောင်၊ မောင်စွမ်းရလို့ စတဲ့ ကဗျာဆရာများက သူတို ့ အင်္ဂလိပ်လိုမကျွမ်းတော့ သူတို ့ သူငယ်ချင် အစ်ကိုကြီးကိုပဲ ဘာသာပြန်ပေးဖို့ ပူဆာကြလွန်းလို့ သူက ဘာသာပြန်ဆရ ဖြစ်သွားရတာပါ။ ဘာသာပြန်တော့ နာမည်ရင်း မောင်သာနိုးအမည်နဲ့ပဲ ပြန်ပါတယ် သူငယ်ချင်းတွေရဲ့ ကဗျာတွေကို အင်္ဂလိပ်လို ပြန်ရေးရတာကိုက မနည်းလှဘူ ကဗျာတွေသာမက ကဗျာသဘောတရားစာအုပ်တွေပါ ဘာသာပြန်ပေးသေးတ တင်မိုးပူဆာလို့ ဂျော့သွမ်ဆင်ရဲ့ "မက်စ်ဝါဒနှင့်ကဗျာ”ကို “ကဗျာသဘောတရ ဆိုပြီး ဘာသာပြန်တယ်။ ဆာအက်ဒွင်အန်းလ်ဒ်ရဲ့ “အာရှတိုက်ရဲ့ အလင်းရောင်” ဘာသာပြန်တယ်။ ကဗျာကို တစ်အုပ်လုံး ပြန်ပေးရတာက ကြည်အောင် ပူဆာလို့ ပြန်ရတာ။ အိုမာရ်ခိုက်ယမ်းရဲ့ ရူဘိုက်ယတ်ကဗျာကို ဘာသာပြန်ပေးရသေးတယ်။ နောက်တော့ အနောက်နိုင်ငံကဗျာစုံနဲ့ အရှေ့နိုင်ငံကဗျာစုံတွေ ဘာသာပြန်ရတာက မဆုံးနိုင်တော့ဘူး။ နှစ်ပေါင်း ၅ဝ လောက်ကြာတဲ့ ကာလအတွင်း လက်လေးလုံး လောက်ထူတဲ့ အရှေ့အနောက်ကဗျာစုံ ဘာသာပြန် ထုတ်ဝေနိုင်ခဲ့ပြီဖြစ်ပါတယ်။ မြန်မာပြည်အဖို့က ဘာသာပြန်တာဟာ အလွန်အကျိုးရှိပါတယ်။ စာပေဗိမာန်ဆိုတာ အစိုးရရဲ့ဘာသာပြန်ဌာန။ ကဗျာဘာသာပြန်မပါဘူး။ ကဗျာဘာသာပြန်ဆုလည်း မရှိဘူး။ ရှိရင် ဆရာနိုး ဆုရတာကြာလှရော့မယ်။ ဘာပဲဖြစ်ဖြစ် အင်္ဂလိပ်လို မဖတ်နိုင်သူများတဲ့ မြန်မာပြည်က လူငယ်ကဗျာသမားများအတွက် အထူးလိုအပ် တာက ကဗျာဘာသာပြန်ပဲ ဖြစ်ပါတယ်။ တကယ်လည်း အကျိုးရှိပါတယ်။ ကဲ စောစောကဖော်ပြခဲ့တဲ့အတိုင်း မောင်သိင်္ဂါရဲ့ မလင်းပြာ ကဗျာကို တစ်ပုဒ်လုံး တင်ပြလိုက်ပါတယ်။ မူလကလောင်နာမည်ပါ ဘာသာပြန်ရင်တော့ မောင်သိင်္ဂါ ဆိုတာ မောင်ရွှေပေါ့နော်။ (မသိင်္ဂီဆိုရင်တော့ မရွှေပေါ့)။

#ဆက်ရန်ရှိ

ယူကရိန်းသမ္မတဇီကို ကျမ်းသစ္စာကျိန်ဆိုပွဲတက်ရောက်ဖို့ ဖိတ်ကြားမှာမဟုတ်ဘူးလို့ ဒေါ်နယ်ထရမ့်ပြော

ဒီဇင်ဘာ ၁၈

အမေရိကန်ရွေးကောက်ခံသမ္မတ ဒေါ်နယ်ထရမ့်က ဇန်နဝါရီလအတွင်း ကျင်းပမယ့် သမ္မတအသစ် ကျမ်းသစ္စာကျိန်ဆိုပွဲကိုတက်ရောက်ဖို့ ယူကရိန်းသမ္မတ ဇီလန်စကီးကို ဖိတ်ကြားမှာမဟုတ်ဘူးလို့ ထုတ်ဖော်ပြောဆို လိုက်ပါတယ်။

ဒေါ်နယ်ထရမ့်ဟာ ဇန်နဝါရီ ၂၀ ရက်မှာ အမေရိကန်နိုင်ငံရဲ့ (၄၇)ဦးမြောက်သမ္မတအဖြစ် ကျမ်းသစ္စာကျိန်ဆိုမှာဖြစ်ပါတယ်။

ဒေါ်နယ်ထရမ့်က "ကျွန်တော့်အနေနဲ့ သမ္မတအဖြစ် ကျမ်းသစ္စာကျိန်ဆိုပွဲကိုတက်ရောက်ဖို့ ယူကရိန်းသမ္မတကို ဖိတ်ကြားမှာမဟုတ်ဘူး၊ တကယ်လို့ သူလာချင်တယ်ဆိုရင်တော့ လာခွင့်ရှိပါတယ်"လို့ ပြောပါတယ်။

ဒေါ်နယ်ထရမ့်ဟာ ဒီလအစောပိုင်းက ပြင်သစ်နိုင်ငံ ပဲရစ်မြို့မှာ ဇီလန်စကီးနဲ့တွေ့ဆုံဆွေးနွေးခဲ့ပါတယ်။ ဒေါ်နယ်ထရမ့်ဟာ ယူကရိန်းနဲ့ရုရှားနိုင်ငံကြားဖြစ်ပွားနေတဲ့ စစ်ပွဲကို အမြန်ဆုံးအဆုံးသတ်ဖို့ လိုလားနေသူဖြစ်ပြီး တင်းမာမှုတွေထပ်မံမြင့်တက်လာမှာ မလိုလားကြောင်း သိရပါတယ်။

ဒေါ်နယ်ထရမ့်ဟာ သမ္မတအဖြစ် ရွေးကောက်ခံရမယ်ဆိုရင် ယူကရိန်းစစ်ပွဲကို (၂၄)နာရီအတွင်း အဆုံးသတ်အောင်လုပ်ဆောင်မယ်လို့ ပြောဆိုထားဖူးရာ လက်ရှိအချိန်တည်းက ဒေါ်နယ်ထရမ့်ရဲ့အစိုးရအဖွဲ့မှာပါဝင်မယ့်သူတွေဟာ ယူကရိန်းနဲ့ ရုရှားနိုင်ငံကြား အပစ်ခတ်ရပ်စဲရေးတွေ့ဆုံဆွေးနွေးနိုင်အောင် ကြိုးပမ်းနေတယ်လို့ သိရပါတယ်။

ဒေါ်နယ်ထရမ့်ဟာ ယူကရိန်းနဲ့ ရုရှားနိုင်ငံကြားဖြစ်ပွားနေတဲ့စစ်ပွဲနဲ့ပတ်သက်ပြီး တွေ့ဆုံဆွေးနွေးမှုများဖြစ်လာအောင် ကြိုးပမ်းမှုမရှိခဲ့တဲ့ အမေရိကန် သမ္မတ ဂျိုးဘိုင်ဒန်ဦးဆောင်တဲ့အစိုးရအဖွဲ့ကို ဝေဖန်ပြစ်တင်ထားကြောင်း သိရပါတယ်။

ဒေါ်နယ်ထရမ့်ဟာ ကျမ်းသစ္စာကျိန်ဆိုပွဲတက်ရောက်ဖို့ တရုတ်သမ္မတကို ဖိတ်ခေါ်ဖွယ်ရှိနေပေမယ့် တရုတ်သမ္မတ ရှီကျင့်ဖျင်ဟာ ကျမ်းသစ္စာကျိန်ဆိုပွဲကိုတက်ရောက်ဖွယ်ရှိ၊မရှိ မသိသေးကြောင်း သိရပါတယ်။

ဒေါ်နယ်ထရမ့်ဟာ ရုရှားသမ္မတပူတင်ကို ဖိတ်ခေါ်ခြင်းရှိ၊ မရှိဆိုတာကို ထုတ်ဖော်ပြောဆိုခြင်းမရှိသေးသလို ရုရှားနိုင်ငံခြားရေးဝန်ကြီးဌာနကတော့ လက်ရှိအချိန်အထိ ဖိတ်ကြားစာ လက်ခံမရသေးကြောင်း ပြောပါတယ်။

Credit - NP News Agency

#သတင်းဟင်းလေးအိုးကြီး

အခန်း ၇ ဆက်ရန်>>>>
~~~ အမှတ်တရ ~~~{ ၇ }
ဂျူး
ကျွန်မအတွက် အဆိုးရွားဆုံးသော ကာလတစ်ခုသည် မကြာမီပင် ရောက်လာခဲ့၏။ တစ်ရက်ညနေ လေးနာရီ အချိန် မောင့်အိမ်သို့ ကျွန်မ ရောက်သွားသော အခါ သော့ခတ်ထားသော အိမ်တံခါးကို တွေ့ရသည် ။
ညနေတိုင်း ကျွန်မနှင့် မောင် ထမင်းအတူ မစားခဲ့သည်မှ ကျွန်မ စာမေးပွဲကျ၍ အပြင်ဘော်ဒါဆောင်ပြောင်းကတည်းကဖြစ်သည်။ သော့ခတ်ထားခြင်း အလွန်ရှားပါးသောကြောင့် ကျွန်မ စိတ်တွင် ထင့်သွား၏ ။ သို့သော် ကျွန်မတို့ တစ်ယောက်လျှင် သော့တစ်ချောင်းစီ ရှိသောကြောင့် အိမ်တံခါးကို သော့ဖြင့် ဖွင့်၀င်ရသည်မှာ ဤအကြိမ် သည် ပထမဆုံး မဟုတ်။ အခန်းထဲရောက်တော့ ဂစ်တာ ကြိုးများဖြင့် ညှပ်ထားသော စာတစ်စောင်။
“ချစ် …..
မောင်တို့မြို့က ဧည့်သည်တွေ ရောက်နေလို့ မောင်တွေ့ဖို့ ခဏ သွားတယ်။ မောင် ရှစ်နာရီ မတိုင်မီ ပြန်လာမယ် ။ ဒါပေမယ့် ထမင်းစားဖြစ်မယ် မထင်ဘူး ။ ချစ် စားနှင့်ပါ။ မောင် ပြန်လာမှ ချစ်ကို အိမ်ပြန်ပို့ပေးမယ်။
ချစ်ရဲ့ မောင် … ” တဲ့ ။
မောင်သည် ကျွန်မနှင့် ရင်းနှီးသည့် လေးငါးနှစ်ကာလအတွင်း ဧည့်သည်သွားကြို ပြန်ပို့ သွားတွေ့ ခြင်းဟူသော လောက၀တ္တရားများကို ဘယ်တုန်းကမျှ ပြုမှုဖူးသူမဟုတ်မှန်း ကျွန်မ သိသားပေါ့။ အဲဒီကတည်းက ကျွန်မ သိလိုက်ပြီ။
ဧည့်သည်မှာ သာမာန် ဧည့်သည် မဟုတ်နိုင်။
ကျွန်မ ရှက်လည်း ရှက် ၊ဒေါသလည်း ထွက်ပြီး ချက်ချင်း အိမ်ပြန်ဖို့ စိတ်ကူးလိုက်မိသေး၏။ သို့ပေမယ့် ကျွန်မ စိတ်ကို ပြန်ထိန်းလိုက်သည်။ ကောင်းပြီ တတ်နိုင်သမျှ မောင့်အလိုအတိုင်း ဖြစ်စေရမည်။ မောင်က စောင့်စေချင်သည် မဟုတ်လား ၊ ကျွန်မ စောင့်လိုက်ပါသည်။
ထိုညက မောင် ပြန်လာသောအခါ ရှစ်နာရီ ထိုးရန် ၁၅ မိနစ်ပင် လိုသေး၏။ မောင်သိပ်တော်ပါလား ။ မိန်းကလေးကို ဘယ်လိုများ နှစ်သိမ့်ထားပါလိမ့် ။ အင်းလေ ၊ မိန်းကလေး တစ်ဦးတည်း ဟုတ်ချင်မှ ဟုတ်မည် ။ မိဘ ဆွေမျိုးးပင် ပါချင်ပါလိမ့်မည်။
ကျွန်မသည် ဂစ်တာ တီးနေဆဲ အချိန်ဖြစ်ခဲ့၏။
“ရင်ခုန်သံတွေ ဒီရေလှိုင်း တရွေ့ရွေ့ တိုးဝှေ့ ကိုယ့်ရင်မှာ …. တရေးရေး တွေးမိ သိပြီလေ .. အခုတော့ နှောင်းမှ မျက်ရည်ဝေ …. ။ အဆုံးသတ်မှာ တစ်ဘက်နဲ့ တစ်ဘက် နိဂုံး ….”
မောင် ကျွန်မဘေးမှ ငြိမ်သက်စွာ ရပ်လာသည်။ ကျွန်မ မော်ကြည့်လိုက်သောအခါ ဖန်ရောင်မီးချောင်း အောက်တွင် မောင့်မျက်၀န်းများ ရွှန်းလက်နေသည်။
ဂစ်တာကို ချက်ချင်း ရပ်ပစ်လိုက်သည်။ မောင်က ကျွန်မ ဘေးမှ ၀င်ထိုင်၍ ပြုံးပြသည်။ မောင့်အပြုံးက ချစ်ခင်မှုဖြင့် တောက်ပစွာ အပြစ်ကင်းလွန်းသောကြောင့် ကျွန်မမှန်းဆချက်များ မှားလေသလားဟုပင် သံသယ ဖြစ်မိသည်။
“တီးဦးမလား ၊ တီးလေ”
“ဟင့်အင်း … ဂစ်တာဆိုတာ မောင်မရှိမှ လိုတာပါ”
မောင် ကျွန်မကို သတိလက်လွတ် ငေးမောနေ၏။ ထို့နောက် ကျွန်မလက်ထဲမှ ဂစ်တာကို ဆွဲယူ ချိတ်ထားလိုက်၏။ မျက်နှာ တူရူ သို့ ငေးမောနေမိသော ကျွန်မကို မောင်က ပါးချင်းအပ်ပြီး ကျွန်မ ဆံပင်တို့ကို လက်ဖြင့် ညင်သာစွာ ဆော့ကစားနေခဲ့၏။
“နေကောင်းရဲ့လား”
“အို .. ကောင်းပါတယ်”
“ချစ် မျက်နှာလေ နည်းနည်း ညိုးနေတယ်”
ကျွန်မ မျက်နှာကိုအတတ်နိုင်ဆုံးပြုံးပစ်လိုက်၏။
“မောင့်ကို လွမ်းလို့ပါကွယ်”
“ပိုပြီ ၊ သူ ။ ဘယ်နှစ်နာရီမှ မကြာဘဲနဲ့ ၊ အဲဒါဖြင့် ဒီည အိမ်မပြန်နဲ့တော့”
“ဘယ်ဖြစ်မလဲ ၊ ဘာမှ ပြောခဲ့ရတာ မဟုတ်ဘူး”
“သူတို့ ရိပ်မိမှာပါကွာ မောင့်ဆီမှာ အိမ်မယ်ဆိုတာ”
“ဟင့်အင်း .. မဖြစ်ဘူး မောင်”
“မရဘူး ပြန်မလွှတ်ဘူး”
“ဟာ”
မောင်က မချိုမချဥ်မျက်နှာနှင့် ကျွန်မကို ခုတင်ပေါ် အိပ်အောင် အသာအယာ တွန်းလှဲ၏။
“မောင်နော် ဘာလုပ်မလို့လဲ”
“ဘာမှ မလုပ်ဘူး ၊ နမ်းမလို့ နမ်းမလို့ ငါ့ကို အဲ့လို မယုံမကြည် လေသံနဲ့ မမေးနဲ့ ၊ ငါဘယ်တုန်းက နင့်ကို နာကျင်အောင် လုပ်ခဲ့ဖူးလို့လဲ”
ထိုညက ကျွန်မသည် ပထမဆုံး အကြိမ် အဖြစ် မောင့် အကြင်နာများကို ကြောက်ရွံ့ ထိတ်လန့်ခဲ့ပါသည်။
“ဒီမှာ မောင် ကျွန်မ ဘယ်သူလဲ” ဟူသော မေးခွန်းမေးဖို့ အကြိမ်ကြိမ် အားယူခဲ့ရ၏ ။ မမေးရက်ခဲ့ပါ။ ဒါဟာ ဘယ်သူက ပေးတဲ့ ရမ္မက်မီးလည်း မောင်ရယ်။ တွေးမိသောအခါ ကျွန်မ ၀မ်းနည်းအားငယ်စွာ မျက်ရည်ကျ၏။ ကျွန်မ မျက်ရည်များကို နမ်းမိသော မောင်က ထိတ်လန့် တကြား ဖြစ်သွား၏ ။
“ချစ် မောင် ချစ်ကို ဘာလုပ်လို့လဲ ၊ ဘာမှဖြင့် မလုပ်သေးဘဲနဲ့”
ကျွန်မ မျက်နှာကို အကဲခတ်၍ အကြာကြီး ငုံ့ ကြည့်နေသော မောင်သည် ပထမဆုံး အကြိမ် ဝေခွဲမရသည့် အရိပ်များ ထင်ဟပ်လာ၏။ မျက်ရည်စများကို လက်ညိုးဖြင့် ညင်သာစွာ သုတ်ပေးခဲ့သည်။
“ဘာ စိတ်ဆင်းရဲစရာ ရှိလို့လဲဟင် ၊ ကိုယ် မှားသွားတယ် ၊ ကိုယ်လေ ချစ်သူရဲ့ မျက်နှာရိပ် မျက်နှာကဲကို မဖတ်တတ်သေးဘူး သိလား ၊ မောင့်ကိုပြော ၊ ဘာဖြစ်လဲ ၊ ဘာလုပ်ပေးရမလဲ”
မောင့်အသံမှာ ယုံကြည်စိတ်ချမှု အပြည့်နှင့်။

#ဆက်ရန်ရှိ

တာချီလိတ်မြို့တွင် ကျပ် ၅ ဒသမ ၇ ဘီလီယံကျော်တန်ဖိုးရှိ မူးယစ်ဆေးဝါးများ ဖမ်းဆီးရမိ

နေပြည်တော်၊ ဒီဇင်ဘာ ၁၈

ရှမ်းပြည်နယ်၊ တာချီလိတ်မြို့တွင် ငွေကျပ် ၅ ဒသမ ၇ ဘီလီယံကျော်တန်ဖိုးရှိ စိတ်ပြောင်းဆေးဝါးများဖြစ်သည့် အိုက်စ်(မက်သ်အဖက်တမင်း)၊ ကက်တမင်း၊ အက်တက်စီနှင့် Happy Water များ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

တပ်ဖွဲ့ဝင်များပါဝင်သော ပူးပေါင်းအဖွဲ့သည် ဒီဇင်ဘာလ ၁၄ ရက်နေ့ ညနေ ၅ နာရီအချိန် ရှမ်းပြည်နယ် (အရှေ့ပိုင်း)၊ တာချီလိတ်မြို့၊ ဝိန်းကျောက်ရပ်ကွက်ရှိ ကျန်ကြားအန်၏နေအိမ်ကို သတင်းအရရှာဖွေရာ စိတ်ပြောင်းဆေးဝါးများဖြစ်သည့် အိုက်စ်(မက်သ်အဖက်တမင်း) ၁၄၁ ကီလို၊ ကက်တမင်း ၂၃ ကီလိုနှင့် အက်တက်စီဆေးပြား ၁၂၈,၀၀၀ ပြား သိမ်းဆည်းရမိခဲ့ကြောင်း သိရသည်။

စစ်ဆေးဖော်ထုတ်ချက်အရ ယင်းနေ့ ညနေ ၅ နာရီခွဲအချိန် တာချီလိတ်မြို့၊ ဆန်ဆိုင်း(ခ)ရပ်ကွက်ရှိ ဖမ်းဆီးရမိ စိတ်ပြောင်းဆေးဝါးများပိုင်ရှင် တွမ်လောင်ဖူး(ခ) အားဟွာ၏ နေအိမ်ကို ဆက်လက်ဝင်ရောက်ရှာဖွေရာ ၎င်းနှင့်အတူ တွမ်ရှီးခွမ်အား စိတ်ပြောင်းဆေးဝါး Happy Water ၂ ကီလို၊ Happy-5 ဆေးပြား ၁၆,၀၀၀ ပြား၊ အက်တက်စီအမှုန့် ၉ ကီလိုနှင့်အတူ ထပ်မံဖမ်းဆီးရမိခဲ့သဖြင့် စုစုပေါင်းဒေသကာလတန်ဖိုးငွေကျပ် ၅ ဒသမ ၇ ဘီလီယံကျော် တန်ဖိုးရှိ အိုက်စ်(မက်သ်အဖက်တမင်း) ၁၄၁ ကီလို၊ ကက်တမင်း ၂၃ ကီလို၊ အက်တက်စီ ဆေးပြား ၁၂၈,၀၀၀ ပြား၊ Happy Water ၂ ကီလို၊ Happy-5 ဆေးပြား ၁၆,၀၀၀ ပြား၊ အက်တက်စီအမှုန့် ၉ ကီလို သိမ်းဆည်းရမိခဲ့သဖြင့် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့မှ သိရသည်။

#centralbewsnaypyitaw

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဒီဇင်ဘာ ၁၈

#ရွှေဈေး

-ကမ္ဘာ့ရွှေဈေး
တအောင်စ ၂၆၄၇ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၃၀၀၀၀ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၁၁၀၀၀၀ ကျပ်
ဝယ်ဈေး ၆၀၇၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၉၁၀၀၀၀ ကျပ်
ဝယ်ဈေး ၅၈၇၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၃၀ ကျပ်
ဝယ်ဈေး - ၄၃၃၀ ကျပ်

-စင်္ကာပူဒေါ်လာ
ရောင်းဈေး - ၃၃၄၀ ကျပ်
ဝယ်ဈေး - ၃၂၈၀ ကျပ်

-ယူရို
ရောင်းဈေး - ၄၇၂၀ ကျပ်
ဝယ်ဈေး - ၄၆၀၀ ကျပ်

-ထိုင်းဘတ်
ရောင်းဈေး - ၁၃၁.၅၈ ကျပ်
ဝယ်ဈေး - ၁၂၈.၂၁ ကျပ်

-မလေးရှားရင်းဂစ်
ရောင်းဈေး - ၁၀၀၅ ကျပ်
ဝယ်ဈေး - ၉၈၀ ကျပ်

-တရုတ်ယွမ်
ရောင်းဈေး - ၆၁၈ ကျပ်
ဝယ်ဈေး - ၆၀၂ ကျပ်

-ဂျပန်ယန်း
ရောင်းဈေး - ၂၉.၂၈ ကျပ်
ဝယ်ဈေး - ၂၈.၅၃ ကျပ်

-အိန္ဒိယရူပီး
ရောင်းဈေး - ၅၃.၀၁ ကျပ်
ဝယ်ဈေး - ၅၁.၆၆ ကျပ်

-ကိုရီးယားဝမ်
ရောင်းဈေး - ၃.၁၃ ကျပ်
ဝယ်ဈေး - ၃.၀၅ ကျပ်

-စတာလင်ပေါင်
ရောင်းဈေး - ၅၇၂၀ ကျပ်
ဝယ်ဈေး - ၅၅၇၀ ကျပ်

-ဩစတြေးလျဒေါ်လာ
ရောင်းဈေး - ၂၈၄၅ ကျပ်
ဝယ်ဈေး - ၂၇၇၀ ကျပ်

-ကနေဒါဒေါ်လာ
ရောင်းဈေး - ၃၁၄၅ ကျပ်
ဝယ်ဈေး - ၃၀၆၅ ကျပ်

-ဟောင်ကောင်ဒေါ်လာ
ရောင်းဈေး - ၅၇၉ ကျပ်
ဝယ်ဈေး - ၅၆၄ ကျပ်

-ယူအေအီး
ရောင်းဈေး - ၁၂၂၅ ကျပ်
ဝယ်ဈေး - ၁၁၉၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM News Agency

#သတင်းဟင်းလေးအိုးကြီး

အသဲရောင် (C) ပိုးရှိသူများအတွက် နိုင်ငံတော်စရိတ်ဖြင့် ဆေးဝါးများ ထောက်ပံ့ပေးအပ်မည်

အသဲခြောက် အသဲကင်ဆာရောဂါဖြစ်စေသည့် အသဲရောင် (C)ပိုးရှိသူများအတွက် နိုင်ငံတော်စရိတ်ဖြင့် ဆေးဝါးများပေးအပ်သွားမည်ဖြစ်ကြောင်း ကျိုက်ထိုမြို့နယ် ပြည်သူ့ကျန်း မာရေးဦးစီးဌာနက အသိပေးထားသည်။

ပြီးခဲ့သည့်နှစ်အတွင်း လူဦး‌ရေ(၅၀၀)ကျော်ကို စစ်ဆေးပေးရာ၌ စီပိုးရောဂါရှိသူ(၈)ဦးတွေ့ရှိခဲ့ပြီး ၎င်းတို့အတွက် ဆေးဝါးများ ထောက်ပံ့ပေးအပ်သွားရန်စီစဉ်လျှက်ရှိကြောင်း သိရသည်။

ထို့ပြင် မြို့နယ်ကျန်းမာရေး ဦးစီးဌာန၏ စာရင်းတွင် မပါဝင်သူများ ရောဂါပိုးရှိပြီး ၊ ဆေးသောက်ရန်အခက်အခဲရှိပါက ဒီဇင်ဘာ (၁၇)ရက် နောက်ဆုံးထားစာရင်းလာရောက် ပေးသွင်းနိုင်ကြောင်း အသိပေးထားသည်။

မြန်မာနိုင်ငံကူးလက်မှတ်လျှောက်ထားမှုအား AYA Pay ဖြင့်လည်း ငွေပေးချေနိုင်

နိုင်ငံကူးလက်မှတ်လျှောက်ထားမှုအား Online မှ ငွေပေးချေသည့် Online Appointment System ဖြင့် ဆောင်ရွက်ပေးလျက်ရှိရာ ငွေပေးချေမှုအားAYA Pay ဖြင့်လည်း ငွေပေးချေနိုင်ပြီဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးအဖွဲ့မှ အသိပေးထုတ်ပြန်ထားသည်။

ယခင်ကမ္ဘောဇဘဏ်၏ KBZ Pay ကို အသုံးပြုဆောင်ရွက်လျက်ရှိ‌ပြီး AYA Pay အသုံးပြုသူများအဆင်ပြေစေရန်အတွက် ဒီဇင်ဘာ ၁ ရက်မှစတင်ပြီး
ဧရာဝတီဘဏ်၏ AYA Pay ဖြင့်လည်း ငွေပေးချေနိုင်ပြီဖြစ်ကြောင်း အသိပေးထားခြင်းဖြစ်သည်။

လက်ရှိတွင် အွန်လိုင်းဘိုကင်တင်၍ QR စနစ်ဖြင့် ရက်ချိန်းရယူရာတွင် ၂၀၂၅ခုနှစ်၊ ဇူလိုင်လအတွင်း ရက်များကို ရက်ချိန်းရယူနိုင်မည် ဖြစ်သည်။

နိုင်ငံကူး လက်မှတ်ထုတ်ပေးရေးရုံး (ရန်ကုန်)တွင် အွန်လိုင်းဘိုကင်တင်၍ QR စနစ်ဖြင့် ၂၇ဝဝ ဦးနှုန်းဖြင့်လည်းကောင်း၊ နေပြည် တော်၊ မြစ်ကြီးနား၊ ဟားခါး၊ လွိုင်ကော်၊ မကွေး၊ မန္တလေး၊ မုံရွာ၊ တောင်ကြီး၊ ကျိုင်းတုံ၊ လားရှိုး၊ တာချီလိတ်၊ ဘားအံ၊ မြဝတီ၊ မော်လမြိုင်၊ ထားဝယ်၊ ကော့သောင်း၊ ပုသိမ်၊ စစ်တွေ၊ ပဲခူးမြို့များရှိ နိုင်ငံကူးလက်မှတ်ထုတ်ပေးရေး ရုံးများတွင်လည်း နေ့စဉ်လက်ခံဆောင်ရွက် ပေးလျက်ရှိကြောင်း သိရသည်။

ရန်ကုန်မြို့ရှိ နိုင်ငံကူးလက်မှတ်ထုတ်ပေးရေးရုံးတွင် နိုင်ငံကူးလက်မှတ်လျှောက်ထားသူများအနေဖြင့် အွန်လိုင်းဘိုကင်စနစ်ဖြင့် စတင်ရက်ချိန်းယူရပြီး ရက်ချိန်းရရှိမှသာ ရုံးတွင်သွားရောက်ပြုလုပ်ရမည်ဖြစ်သည်။

အသင်းမှာဆက်နေမှာလား အသင်းကနေထွက်သွားမှာလားဆိုတဲ့အပေါ်
ရက်ရှ်ဖို့ဒ်🗣️""ကျွန်တော့် ပုဂ္ဂိုလ်ရေးအရတော့ စိန်ခေါ်မှုအသစ်တွေနဲ့ နောက်တစ်ဆင့်တက်ဖို့ အဆင်သင့်ဖြစ်နေတယ်လို့ ကျွန်တော်ထင်ပါတယ် ၊ကျွန်တော်အသင်းကနေထွက်သွားတဲ့အခါ ခက်ခဲတဲ့ခံစားချက်တွေရှိလာမှာမဟုတ်သလိုမန်ချက်စတာယူနိုက်တက်နဲ့ပတ်သတ်ပြီးတော့လည်း မကောင်းတဲ့စကားတွေပြောမှာမဟုတ်ပါဘူး။ ကျွန်တော်ထွက်သွားတဲ့အခါ ကြေညာချက်တစ်ခုထုတ်ပါလိမ့်မယ်၊ အဲ့ဒါကလည်းကျွန်တော်ကိုယ်တိုင်ပဲထုတ်မှာပါ။"
နှလုံးသားထဲမှာအမြဲတမ်းအနီရောင်ဖြစ်နေမှာလား- "ဟုတ်ကဲ့၊ 100%။"

အသဲရောင် (C) ပိုးရှိသူများအတွက် နိုင်ငံတော်စရိတ်ဖြင့် ဆေးဝါးများ ထောက်ပံ့ပေးအပ်မည်ဟုဆို

ဒီဇင်ဘာ ၁၈

အသဲခြောက် အသဲကင်ဆာရောဂါဖြစ်စေသည့် အသဲရောင် (C)ပိုးရှိသူများအတွက် နိုင်ငံတော်စရိတ်ဖြင့် ဆေးဝါးများပေးအပ်သွားမည်ဖြစ်ကြောင်း ကျိုက်ထိုမြို့နယ် ပြည်သူ့ကျန်း မာရေးဦးစီးဌာနက အသိပေးထားပါတယ်။

ပြီးခဲ့သည့်နှစ်အတွင်း လူဦး‌ရေ(၅၀၀)ကျော်ကို စစ်ဆေးပေးရာ၌ စီပိုးရောဂါရှိသူ(၈)ဦးတွေ့ရှိခဲ့ပြီး ၎င်းတို့အတွက် ဆေးဝါးများ ထောက်ပံ့ပေးအပ်သွားရန်စီစဉ်လျှက်ရှိကြောင်း သိရပါတယ်။

ထို့ပြင် မြို့နယ်ကျန်းမာရေး ဦးစီးဌာန၏ စာရင်းတွင် မပါဝင်သူများ ရောဂါပိုးရှိပြီး ၊ ဆေးသောက်ရန်အခက်အခဲရှိပါက ဒီဇင်ဘာ (၁၇)ရက် နောက်ဆုံးထားစာရင်းလာရောက် ပေးသွင်းနိုင်ကြောင်း အသိပေးထားပါတယ်။

#centralnewznaypyitaw